Pramāṇa · Search · About · API

Navamaskandha 2

Navamaskandha 2

Language
Sanskrit

Contents

2.2

dvitīyo'dhyāyaḥ

2.1

śrīśuka uvāca—
evaṃ gate'tha sudyumne manurvaivasvataḥ sute
putrakāmastapastepe yamunāyāṃ śataṃ samāḥ

2.2-2

tato'yajanmanurdevamapatyārthaṃ hariṃ prabhum
ikṣvākupūrvajānputrām̐llebhe khasavadaśāndaśa

2.3

pṛṣadhrastu manoḥ putro gopālo guruṇā kṛtaḥ
pālayāmāsa gā yatto rātryāṃ vīrāsanavrataḥ

2.4

ekadā prāviśadgoṣṭhaṃ śārdūlo niśi varṣati
śayānā gāva utthāya bhītāstā babhramurvraje

2.5

ekāṃ jagrāha balavānsā cukrośa bhayāturā
tasyāstatkranditaṃ śrutvā pṛṣadhro'bhisasāra ha

2.6

khaṅgamādāya tarasā pralīnoḍugaṇe niśi
ajānannahinadgavoḥ śiraḥ śārdūlaśaṅkayā

2.7

vyāghro'pi vṛkṇaśravaṇo nistriṃśāgrādvatastataḥ
niṣkrāma bhṛśaṃ bhīto raktaṃ pathi samutsṛjan

2.9

manyamāno hataṃ vyāghraṃ pṛṣadhraḥ paravīrahā
adrākṣītsvahatāṃ babhruṃ vyuṣṭāyāṃ niśi duḥkhitaḥ 8
taṃ śaśāpa kulācāryaḥ kṛtāgasamakāmataḥ
na kṣatrabandhuḥ śūdrastvaṃ karmaṇā bhavitā'munā

2.10

evaṃ śaptastu guruṇā pratyagṛhṇātkṛtāñjaliḥ
adhārayadvrataṃ vīra ūrdhvaretā munipriyam

2.11

vāsudeve bhagavati sarvātmani pare'male
ekāntitvaṃ gato bhaktyā sarvabhūtasuhṛtsamaḥ

2.12

vimuktasaṅgaḥ śāntātmā saṃyatākṣo'parigrahaḥ
yadṛcchayopapannena kalpayanvṛttimātmanaḥ

2.13

ātmanyātmānamādhāya jñānatṛptaḥ samāhitaḥ
vicacāra mahīmetāṃ jadāndhabadhirākṛtiḥ

2.14

eva̍ṃvṛtto vanaṃ gatvā dṛṣṭvā dāvāgnimutthitam
tenopayuktakaraṇo brahma prāpa paraṃ muniḥ

2.15

kaviḥ kanīyānviṣayeṣu nispṛho
visṛjya rājyaṃ saha-bandhubhirvanam
niveśya citte puruṣaṃ svarociṣaṃ
viveśa kaiśoravayāḥ paraṃ gataḥ

2.16

karūṣānmānavādāsankārūṣāḥ kṣatrajātayaḥ
uttarāpathagoptāro brahmaṇyā dharmavatsalāḥ

2.17

dhṛṣṭāddhārṣṭamabhūtkṣatraṃ brahmabhūyaṃ gataṃ kṣitau
nṛgasya vaṃśaḥ sumatirbhūtajyotistato vasuḥ

2.18

vasoḥ pratīkastatputra oghavānoghavātpitā
kanyā codhavatī nāma sudarśana uvāha tām

2.19

citraseno nariṣyantādṛkṣastasya suto'bhavat
tasya mīḍhvāṃstataḥ kūrca indrasenastu tatsutaḥ

2.20

vītihotrastvindrasenāttasya satyaśravā abhūt
uruśravāḥ sutastasya devadattastato'bhavat

2.22

tato'gniveśyo bhagavānagnaḥ svayamabhūtsutaḥ
kānīna iti vikhyāto jātūkarṇyo mahārṣapiḥ21
tato brahmakulaṃ jātamāgniveśyāyanaṃ nṛpa
nariṣyantānvayaḥ prokto diṣṭavaṃśamataḥ śṛṇu

2.23

nābhāgo diṣṭaputro'nyaḥ karmaṇā vaiśyatāṃ gataḥ
bhalandanaḥ sutastasya vatsaprītirbhalandanāt

2.24

vatsaprīteḥ sutaḥ prāṃśustatsutaṃ pramatiṃ viduḥ
khavitraḥ pramatestasmāccākṣuṣo'tha viviṃśatiḥ

2.26

viviṃśatisuto raṃbhaḥ khaninetro'sya dhārmikaḥ
karandhamo mahārāja tasyā''sīdātmajo nṛpa 25
tasyāvīkṣitsuto yasya maruttaścakravartyabhūt
saṃvarto'yājayadyaṃ vai mahāyogyaṅgiraḥsutaḥ

2.28

maruttasya yathā yajño na tathā'nya̍sya kaścana
sarvaṃ hiraṇmayaṃ tvāsīdyatkiñciccām̐sya śobhanam 27
amādyadindraḥ somena dakṣiṇābhirdvijātayaḥ
marutaḥ pariveṣṭāro viśvedevāḥ sabhāsadaḥ

2.29

maruttasya damaḥ putrastasyā''sīdrājyavardhanaḥ
sudhṛtistatsuto jajñe saudhṛteyo naraḥ sutaḥ

2.30

tatsutaḥ kevalastasmādbandhumānvegavāṃstataḥ
bandhustasyābhavadyasya tṛṇabindurmahīpatiḥ

2.32

taṃ bheje'laṃbuṣā devī bhajanīyaguṇālayām
varāpsarā yataḥ putrāḥ kanyā ceḍaviḍā'bhavat31
tasyāmutpādayāmāsa viśravām̐ dhanadaṃ sutam
prādāya vidyāṃ paramām̐mṛṣiyoṃgeśvarātpituḥ

2.34

viśālaḥ śūnyabandhuśca dhūmraketuśca tatsutāḥ
viśālo vaṃśakṛdrājā vaiśālīṃ nirmame purīm 33
hemacandraḥ sutastasya dhūmrākṣastasya cā''tmajaḥ
tatputrātsaṃyamādāsītkṛśāśvaḥ sahadevajaḥ

2.35

kṛśāśvātsomadatto'bhūdyo'śvamedhairiḍaspatim
iṣṭvā puruṣamāpāgryāṃ gatiṃ yogeśvarāśritaḥ

2.36

saumadattistu sumatistatsuto janamejayaḥ
ete vaiśālabhūpālāstṛṇabindoryaśodharāḥ

2.36.p1

iti śrīmadbhāgavate mahāpurāṇe navamaskandhe dvitīyo'dhyāyaḥ || 2

Linked texts (4)