Navamaskandha 27

Language: Sanskrit

27.1

uvāca —
pūrorvaṃśaṃ pravakṣyāmi yatra jāto'si bhārata
yatra rājarṣayo vaṃśyā brahmavaṃśyāśca jajñire

27.2

janmejayo hyabhūtpūroḥ pracinvāṃstatsutastataḥ
pravīro'tha namasyurvai tasmāccārupado'bhavat

27.3

tasya sudyurabhūtputrastasmādbahūgavastataḥ
saṃyātistasyāhaṃyātī raudrāśvastatsutaḥ smṛtaḥ

27.4

ṛteyustasya kukṣeyuḥ sthaṇḍileyuḥ kṛteyukaḥ
jaleyuḥ santateyuśca dharmasatyavrateyavaḥ

27.6

daśaite'psarasaḥ putrā vaneyuścāvamaḥ smṛtaḥ
ghṛtācyāmindriyāṇīva mukhyasya jagadātmanaḥ 5
ṛteyorrantibhāro'bhūttrayastasyā''tmajā nṛpa
sumatirdhuvo'pratirathaḥ kaṇvo'pratirathātmajaḥ

27.7

tasya medhātithistasmātpraskaṇvādyā dvijātayaḥ
putro'bhūtsumate raibhyo duṣyantastatsuto mataḥ

27.8

duṣyanto mṛgayāṃ yātaḥ kaṇvasyāśramapadaṃ gataḥ
tatrā''sīnāṃ svaprabhayā maṇḍayantīṃ ramābhiva

27.9

vilokya sadyo mumuhe devamāyāmiva śriyam
babhāṣe tāṃ varārohāṃ bhaṭaiḥ katipayairvṛtaḥ

taddarśanapramuditaḥ saṃnivṛttapariśramaḥ
papraccha kāmasaṃtaptaḥ prahasan ślakṣṇayā girā 10
kā tvaṃ kamalapatrākṣi kasyāsi hṛdayaṅgame
kiṃ vā cikīrṣitaṃ tvatra bhavatyā nirjane vane 11
vyaktaṃ rājanyatanayāṃ vedyahaṃ tvāṃ sumadhyame
na hi cetaḥ pauravāṇāmadharme ramate kvacit

27.13

śakuntalovācaviśvāmitrātmajaivāhaṃ tyaktā menakayā vane
vedaitadbhagavānkaṇvo vīra kiṃ karavāma te

27.19

āsyatāṃ hyaravindākṣa gṛhyatāmarhaṇaṃ ca naḥ
bhujyatāṃ santi nīvārā uṣyatāṃ yadi rocate 14
duṣyanta uvāca —
upapannamidaṃ subhru jātāyāḥ kauśikānvaye
svayaṃ hi vṛṇate rājñāṃ kanyakāḥ sadṛśaṃ varam 15
omityukte yathārdhamupayeme śakuntalām
gāndharvavidhinā rājā deśakālavidhānavit 16
amoghavīryo rājarṣirmahiṣyāṃ vīryamādadhe
śvobhūte svapuraṃ yātaḥ kālenāsūta sā sutam 17
kaṇvaḥ kumārasya vane cakre samucitāḥ kriyāḥ
baddhā mṛgendrāṃstarasām krīḍati sma sa bālakaḥ 18
taṃ duratyayavikrāntamādāya pramadottamā
hareraṃśāṃśasaṃbhūtaṃ bharturantikamāgamat

27.20

yadā na jagṛhe rājā bhāryāputrāvaninditau
śṛṇvatāṃ sarvabhūtānāṃ khe vāgāhāśarīriṇī

Linked texts (5)

Bhāgavatapurāṇa — Vyāsa, Sanskrit
Critical edition (BORI) — Sanskrit
Anvitārthaprakāśikā — Gaṅgāsahāya Śarman, Sanskrit
Bhāvārthadīpikā on Bhāgavata — Śrīdhara, Sanskrit
Bhāgavatamāhātmya — Kṛṣṇacandra, Sanskrit