Navamaskandha 29
Navamaskandha 29
- Language
- Sanskrit
Contents
29.1
śrīśuka uvāca —
vitathasyai suto manyurbṛhatkṣatro jayastataḥ
mahāvīryo naro gargaḥ saṅkṛtistu narātmajaḥ
29.2
guruśca rantidevaśca saṅkṛteḥ pāṇḍunandana
rantidevasya hi yaśa ihāmutra ca gīyate
29.3
viyadvittasya dadato labdhaṃ labdhaṃ bubhukṣataḥ
niṣkiñcanasya dhīrasya sakuḍuṃbasya sīdataḥ
29.4
vyatīyuraṣṭacatvāriṃśadahānyapibataḥ kila
ghṛtapāyasasaṃyāvaṃ toyaṃ prātarupasthitam
29.6
kṛcchraprāptakuṭuṃbasya kṣuttṛḍbhyāṃ jātavepathyoḥ
atithirbrāhmaṇaḥ kāle bhoktukāmasya cāgamat 5
tasmai saṃvyabhajatso'nnamādṛtya śraddhayānvitaḥ
hariṃ sarvatra saṃpaśyansa bhuktvā prayayau dvijaḥ
29.7
athānyo bhokṣyamāṇasya vibhaktasya mahīpate
vibhaktaṃ vyabhajattasmai vṛṣalāya hariṃ smaran
29.8
yāte śūdre tamanyo'gādatithiḥ śvabhirāvṛtaḥ
rājanme dīyatāmannaṃ saga ṇāya bubhukṣate
29.9
sa ādṛtyāvaśiṣṭaṃ yadbahumānapuraskṛtam
tacca dattvā namaścakre śvabhyaḥ śvapataye vibhuḥ
29.11
pānīyamātramuccheṣaṃ taccaikaparitarpaṇam
pāsyataḥ pulkaso'bhyāgādapo dehyaśubhasya me 10
tasya tāṃ karuṇāṃ vācaṃ niśamya vipulaśramām
kṛpayā bhṛśasaṃtapta idamahāmṛtaṃ vacaḥ
29.12
na kāmaye'haṃ gatimīśvarītparāmaṣṭā̍ddhiyuktāmapunarbhavaṃ vā
ārti prapadye'khiladehabhājāmantaḥsthito yena bhavantyaduḥkhāḥ
29.13
kṣuttṛṭśramo gātrapariśrama̍śca
dainyaṃ kramaḥ śokaviṣādamohāḥ
sarve nivṛttāḥ kṛpaṇasya jantorjijīviṣorjīvajalārpaṇā̍nme
29.14
iti prabhāṣya pānīyaṃ mriyamāṇaḥ pipāsayā
pulkasāyādadādvīro nisargakaruṇo nṛpaḥ
29.16
tasya tribhuvanādhīśāḥ phaladāḥ phalamicchatām
ātmānaṃ darśayāṃcakrurmāyā viṣṇuvinirmitāḥ 15
sa vai tebhyo namaskṛtya niḥsaṅgo vigataspṛhaḥ
vāsudeve bhagavati bhaktyā cakre namaḥ param
29.17
īśvarālaṃbanaṃ cittaṃ kurvato'nanyarādhasaḥ
māyā guṇamayī rājansvapnavatpratyalīyata
29.18
tatprasaṅgānubhāvena rantidevānuvartinaḥ
abhavanyoginaḥ sarve nārāyaṇaparāyaṇāḥ
29.20
gargācchinistato gārgyaḥ kṣatrādbrahma hyavartata
duritakṣayo mahāvīryāttasya trayyāruṇiḥ kaviḥ19
puṣkarāruṇirityatra ye brāhmaṇagatiṃ gatāḥ
bṛhatkṣatrasya putro'bhūddhastī yaddhastināpuram
29.22
ajamīḍho dvimīḍhaśca purumīḍhaśca hastinaḥ
ajamīḍhasya vaṃśyaḥ syuḥ priyamaidhādayo dvijāḥ21
ajamīḍhādbṛhadiṣustasya putro bṛhaddhanuḥ
bṛhatkāyastatastasya putra āsījjayadrathaḥ
29.24
tatsuto viśadastasya senajitsamajāyata
rucirāśvo dṛḍhahanuḥ kāśyo vatsaśca tatsutāḥ 23
rucirāśvasutaḥ pāraḥ pṛthusenastadātmajaḥ
pārasya tanayo nīpastasya putraśataṃ tvabhūt
29.24.p1
[aṃṇuho nāma yasteṣāṃ jyeṣṭho vai satyako nṛpa |]
29.26
sa kṛtyāṃ śukakanyāyāṃ brahmadattamajījanat
saṃ yogī gavi bhāryāyāṃ viṣvaksenamadhātsutam25
jaigīṣavyopadeśena yogatantraṃ cakāra ha
udaksvenastatastasmādbhallādo bārhadīṣavaḥ
29.27
yavīnaro dvimīḍhasya kṛtimāṃstatsutaḥ smṛtaḥ
nāmnā satyadhṛtiryasya dṛḍhanemiḥ supārthakṛt
29.29
supārśvātsumatistasya putraḥ saṃnnatimāṃstataḥ
kṛtirhiraṇyanābhādyo yogaṃ prāpya jagau saṃ ṣaṭ28
saṃhitāḥ prācyasāmnā va nīpo hyugrāyudhastataḥ
tasya kṣemyaḥ suvīro'tha suvīrasya ripuñjayaḥ
29.31
tato bahuratho nāma purumīḍho'prajo'bhavat
nalinyāmajamīḍhasya nīlaḥ śāntiḥ sutastataḥ30
śānteḥ suśāntistatputraḥ purujo'rkastato'bhavat
bharmyāśvastanayastasya pañcā''sanmudgalādayaḥ
29.33
yavīnaro bṛhadiṣuḥ kāṃpilyaḥ saṃrjayaḥ sutāḥ
bharmyāśvaḥ prāha putrā me pañcānāṃ rakṣaṇāya hi32
viṣayāṇāmalamime iti pañcālasaṃjñitāḥ
mudgalādbrahma nirvṛttaṃ gotraṃ maudgalyasaṃjñitam
29.35
mithunaṃ mudgalādbhāryāddivodāsaḥ pumānabhūt
ahalyā kanyakā yasyāṃ śatānandastu gautamāt 34
tasya satyadhṛtiḥ putro dhanurvedaviśāradaḥ
śaradvāṃstatsuto yasmādurvaśīdarśanātkila
29.36
śarastaṃbe'patadreto mithunaṃ tadabhūcchubham
kṛpayā'gṛhācchantanurmṛgayāṃ caran
kṛpaḥ kumāraḥ kanyā ca droṇapatnyabhavatkṛpī
29.36.p1
iti śrīmadbhāgavate mahāpurāṇe navamaskandhe èkaviṃśo'dhyāyaḥ || 21
Linked texts (5)
- Bhāgavatapurāṇa — Vyāsa, Sanskrit
- Ṣaṭsandarbha — Jīva Gosvāmin 1555, Sanskrit
- Bhāgavatamāhātmya — Kṛṣṇacandra, Sanskrit
- Anvitārthaprakāśikā — Gaṅgāsahāya Śarman, Sanskrit
- Bhāvārthadīpikā on Bhāgavata — Śrīdhara, Sanskrit