Navamaskandha 4

Language: Sanskrit

4.1

śrīśuka uvāca —
evaṃ bhagavatā''diṣṭo durvāsāścakratāpitaḥ
aṃbarīṣamupāvṛtya tatpādau duḥkhito'grahīt

4.2

tasya sodyamanaṃ vīkṣya pādasparśavilajjitaḥ
astāvīttaddharerastraṃ kṛpayā pīḍito bhṛśam

aṃbarīṣa uvāca —
tvamagnirbhagavānsūryastvaṃ somo jyotiṣāṃ patiḥ
tvamāpastvaṃ kṣitirvyoma vāyurmātrendriyāṇi ca 3
sudarśana namastubhyaṃ sahasrārācyutapriya
sarvāstraghātinviprāya svasti bhūyā iḍaspate

4.6

tvaṃ dharmastvamamṛtaṃ satyaṃ tvaṃ yajño'khilayajñabhuk
tvaṃ lokapālaḥ sarvātmā tvaṃ tejaḥ pauruṣaṃ param 5
namaḥ sunābhākhiladharmasetave
hyadharmaśīlāsuradhūmaketave
trailokyagopāya viśuddhavarcase
manojavāyādbhutakarmaṇe gṛṇe

4.7

tvattejasā dharmamayena saṃhṛtaṃ
tamaḥ prakāśaśca dhṛto mahātmanām
duratyayaste mahimā girāṃ pate
tvadrūpametatsadasatparāvaram

4.8

yadā visṛṣṭastvamanañjanena vai
balaṃ praviṣṭo'jitadaityadānavam
bāhūdarorvāṅghriśirodharāṇi
vṛkṇannajasraṃ pradhane virājase

4.9

sa tvaṃ jagattrāṇakhalaprahāṇaye
nirūpitaḥ sarvasaho gadābhṛtā
viprasya cāsmatkuladaivatehetave
vidhehi bhadraṃ tadanugraho hi naḥ

4.10

yadyasti dattamiṣṭaṃ vā svadharmo vā svanuṣṭhitaḥ
kulaṃ no vipradaivaṃ cedvijo bhavatu vijvaraḥ

4.12

yadi no bhagavānprīta ekaḥ sarvaguṇāśrayaḥ
sarvabhūtātmabhāvena dvijo bhavatu vijvaraḥ

4.12-2

śrīśuka uvāca—
iti saṃstuvato rājño viṣṇucakraṃ sudarśanam
aśāmyatsarvato vipraṃ pradahadrājayājñayā

4.13

sa mukto'strāgnitrāpena durvāsā svastimāṃstataḥ
praśaśaṃsa tamurvīśaṃ yuñjānaḥ paramāśiṣaḥ

4.14

durvāsā uvāca—
aho anantadāsānāṃ mahattvaṃ dṛṣṭamadya me
kṛtāgaso'pi yadrājan‌maṅgalāni samīhase

4.15

duṣkaraṃ ko nu sādhūnāṃ dustyajo vā mahātmanām
yaiḥ saṃgṛhīto bhagavānsātvatāmṛṣabho hariḥ

4.16

yannāmaśrutimātreṇa pumānbhavati nirmalaḥ
.... kiṃ vā dāsānāmavaśiṣyate

4.19

rājananugṛhīto'haṃ tvayā'tikaruṇātmanā
mam̐daghaṃ pṛṣṭhataḥ kṛtvā prāṇā yanme'bhirakṣitāḥ
rājā tamakṛtāhāraḥ pratyāgamanakāṅkṣayā
caraṇāvapataṃsāla ----- samabhojayat
so'śitvā''dṛtamānīyatamātithyaṃ sārvakāmikam
tṛptātmā nṛpatiṃ prāha bhujyatāmiti sādaram

4.20

prīto'smyanugṛhīto'smi tava bhāgavatasya vai
darśanasparśanālāpairātithyenā''tmamedhasā

4.21

karmāvadātametattve gāyanti khaḥstriyo muhuḥ
kīrtiṃ paramapuṇyāṃ ca kīrtayiṣyati bhūriyam

Linked texts (6)

Bhāgavatapurāṇa — Vyāsa, Sanskrit
Ṣaṭsandarbha — Jīva Gosvāmin 1555, Sanskrit
Anvitārthaprakāśikā — Gaṅgāsahāya Śarman, Sanskrit
Bhāgavatamāhātmya — Kṛṣṇacandra, Sanskrit
Bhāvārthadīpikā on Bhāgavata — Śrīdhara, Sanskrit
Puruṣārthasudhānidhi — Sāyaṇācārya, Sanskrit