Pramāṇa · Search · About · API

Navamaskandha 7

Navamaskandha 7

Language
Sanskrit

Contents

7.1

tāḥ svapatyurmahārāja nirīkṣyā''dhyātmikīṃ gatim
anvīyūṃstatprabhāvena agniṃ śāntamivārciṣaḥ 55
śrīśuka uvāca —
māndhātuḥ putrapravaro yo'mbarīṣaḥ prakīrtitaḥ
pitāmahena pravṛtto yauvanāśvaśca tatsutaḥ
hārītastasya putro'bhūnmāndhātṛpravarā ime

7.2

narmadā bhrātṛbhirdattā purukutsāya yoragaiḥ
tayā rasātalaṃ nīto bhujagendraprayuktayā

7.3

gandharvānavadhīttatra vadhyānavai viṣṇuśaktidhṛt
nāgāllabdhavaraḥ sarpādabhayaṃ smaratāmidam

7.4

trasadasyuḥ paurukutso yo'naraṇyasya dehakṛt
haryaśvastatsutastasmādaruṇo'tha tribandhanaḥ

7.5

tasya satyavrataḥ putrastriśaṅkuriti viśrutaḥ
prāptaścāṇḍālatāṃ śāpādguroḥ kauśikatejasā

7.7

saśarīro gataḥ svargamadyāpi divi dṛśyate
pātito'vākśirā devaistenaiva staṃbhito balāt
traiśaṅkavo hariścandro viśvāmitravasiṣṭhayoḥ
yannimittamabhūdyuddhaṃ pakṣiṇorbahuvārṣikam

7.8

so'napatyo viṣaṇṇātmā nāradasyopadeśataḥ..
varuṇaṃ śaraṇaṃ yātaḥ putro me jāyatāṃ prabho

7.9

yadi vīro mahārāja tenaiva tvāṃ yaje iti
tatheti varuṇenāsya putro jātastu rohitaḥ

7.11

jātaḥ suto hyanenāṅga māṃ yajasveti so'bravīt
yadā paśurnirdaśaḥ syādatha medhyo bhavediti 10
nirdaśe ca sa āgatya yajasvetyāha so'bravīt
dantāḥ paśoryajjāyerannatha medhyo bhavediti

7.15

jātā dantā yajasveti sa pratyāhātha so'bravīt
yadā patantyasya dantā atha medhyo bhavediti 12
paśornipatitā dantā yajasvetyāha so'bravīt
yadā paśoḥ punardantā jāyante'tha paśuḥ śuciḥ
punarjātā yajasveti sa pratyāhātha so'bravīt
sānnāhiko yadā rājannājanyo'tha paśuḥ śuciḥ
iti putrānurāgeṇa snehayantritacetasā
kālaṃ vañcayatā taṃ tamukto devastamaikṣata

7.16

rohitastadabhijñāya pituḥ karma cikīrṣitam
prāṇaprepsurdhanuṣpāṇiraraṇyaṃ pratyapadyata

7.17

pitaraṃ varuṇagrastaṃ śrutvā jātamahodaram
rohito grāmameyāya tamindraḥ pratyaṣedhat

7.20

bhūmeḥ paryaṭanaṃ puṇyaṃ tīrthakṣetraniṣevaṇaiḥ
rohitāyādiśacchakraḥ so'pyaravye'va̍satsamām 18
evaṃ dvitīye tṛtīye caturthe pañcame tathā
abhyetyābhyetya sthaviro vipro bhūtvā''ha vṛtrahā
ṣaṣṭhaṃ saṃvatsaraṃ tatra caritvā rohitaḥ purīm
upavrajannajīgartātkrīṇānmadhyamaṃ sutam

7.21

śunaḥśepaṃ paśuṃ pitre pradāya samavaindata
tataḥ puruṣamedhena hariścandro mahāyaśāḥ

7.24

muktodaro'yajaddevānvaruṇādīnmahatkathaḥ
viśvāmitro'bhavattasminhotā cādhvaryurātmavān 22
jamadagnigbhūdbrahmā vasiṣṭho'syāsya sāmagaḥ
tasmai tuṣṭo dadāvindraḥ śātakaumbhamayaṃ ratham 23
śunaḥśepasya māhātmyamupariṣṭātpravakṣyate
satyasārāṃ dhṛtiṃ dṛṣṭvā sabhāryasya ca bhūpateḥ

7.27

viśvāmitro bhṛśaṃ prīto dadāvavihatāṃ gatim
manaḥ pṛthivyāṃ tāmadbhistejasā'po'nilena tat
khe vāyuṃ dhārayaṃstacca bhūtādau taṃ mahātmani
tasmiñjñānakalāṃ dhyātvā tayā'jñānaṃ vinirdahan 26
hitvā tāṃ svena bhāvena nirvāṇasukhasaṃvidā
anirdeśyāpratayaiṇa tasthau vidhvastabandhanaḥ

7.27.p1

iti śrīmadbhāgavate mahāpurāṇe navamaskandhe saptamo'dhyāyaḥ || 7

Linked texts (4)