[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Padmapurana](https://indike.org/pramana/in.purana.padma) › 1.10 # Padmapurana 1.10: daśamodhyāyaḥ Padmapurāṇa 1.10 - **Language:** Sanskrit ## Contents - [1.10.102](https://indike.org/pramana/in.purana.padma.1.10.102) — 1 part - [1.10.127](https://indike.org/pramana/in.purana.padma.1.10.127) — 1 part ### daśamodhyāyaḥ ### [1.10.1](https://indike.org/pramana/in.purana.padma.1.10.1) pulastyauvāca ekoddiṣṭaṃtatovakṣyeyaduktaṃbrahmaṇāpurā mṛteputrairyathākāryamāśaucaṃcapituryadi ### [1.10.2](https://indike.org/pramana/in.purana.padma.1.10.2) daśāhaṃśāvamāśaucaṃbrāhmaṇasyavidhīyate kṣatriyeṣudaśadvecapakṣaṃvaiśyeṣucaivahi ### [1.10.3](https://indike.org/pramana/in.purana.padma.1.10.3) śūdreṣumāsamāśaucaṃsapiṃḍeṣuvidhīyate naiśamācūḍamāśaucaṃtrirātraṃparataḥsmṛtam ### [1.10.4](https://indike.org/pramana/in.purana.padma.1.10.4) jananepyevamevasyātsarvavarṇeṣusarvadā asthisaṃcayanādūrdhvamaṅgasparśovidhīyate ### [1.10.5](https://indike.org/pramana/in.purana.padma.1.10.5) pretāyapiṃḍadānaṃtudvādaśāhaṃsamācaret pātheyaṃtasyatatproktaṃyataḥprītikaraṃmahat ### [1.10.6](https://indike.org/pramana/in.purana.padma.1.10.6) yasmātpretapuraṃpretodvādaśāhenanīyate gṛheputrakalatraṃcadvādaśāhaṃprapaśyati ### [1.10.7](https://indike.org/pramana/in.purana.padma.1.10.7) tasmānnidheyamākāśedaśarātraṃpayastathā sarvadāhopaśāṃtyarthamadhvaśramavināśanam ### [1.10.8](https://indike.org/pramana/in.purana.padma.1.10.8) tatastvekādaśāhepidvijānekādaśaivatu gotrādisūtakāṃtecabhojayenmanujodvijān ### [1.10.9](https://indike.org/pramana/in.purana.padma.1.10.9) dvitīyehnipunastadvadekoddiṣṭaṃsamācaret nāvāhanāgnaukaraṇaṃdaivahīnaṃvidhānataḥ ### [1.10.10](https://indike.org/pramana/in.purana.padma.1.10.10) ekaṃpavitramekorghaekaḥpiṃḍovidhīyate upatiṣṭhatāmitivadeddeyaṃpaścāttilodakaṃ ### [1.10.11](https://indike.org/pramana/in.purana.padma.1.10.11) svāstibrūyādviprakarevisargecābhiramyatām śeṣaṃpūrvavadatrāpikāryaṃvedavidoviduḥ ### [1.10.12](https://indike.org/pramana/in.purana.padma.1.10.12) anenavidhināsarvamanumāsaṃsamācaret sūtakāṃtedvitīyehniśayyāṃdadyādvilakṣaṇām ### [1.10.13](https://indike.org/pramana/in.purana.padma.1.10.13) kāṃcanaṃpuruṣaṃtadvatphalavastrasamanvitam prapūjyadvijadāṃpatyaṃnānābharaṇabhūṣitam ### [1.10.14](https://indike.org/pramana/in.purana.padma.1.10.14) upaveśyatuśayyāyāṃmadhuparkaṃtatodadet rajatasyatupātreṇadadhidugdhasamanvitam ### [1.10.15](https://indike.org/pramana/in.purana.padma.1.10.15) asthilālāṭikaṃgṛhyasūkṣmaṃkṛtvāvimiśrayet pāyayedidvajadāṃpatyaṃpitṛbhaktyāsamanvitaḥ ### [1.10.16](https://indike.org/pramana/in.purana.padma.1.10.16) eṣaevavidhirdṛṣṭaḥpārvatīyairdvijotamaiḥ tenaduṣṭātusāśayyānagrāhyādvijasattamaiḥ ### [1.10.17](https://indike.org/pramana/in.purana.padma.1.10.17) gṛhītāyāṃtutasyāṃhipunaḥsaṃskāramarhati vedecaivapurāṇecaśayyāsarvatragarhitā ### [1.10.18](https://indike.org/pramana/in.purana.padma.1.10.18) grahītārastujāyantesarvenarakagāminaḥ grathitāṃvasujālenaśayyāṃdāṃpatyasevitām ### [1.10.19](https://indike.org/pramana/in.purana.padma.1.10.19) yespṛśaṃtinajānaṃtaḥsarvenarakagāminaḥ navaśrāddhenabhoktavyaṃbhuktvācāṃdrāyaṇaṃcaret ### [1.10.20](https://indike.org/pramana/in.purana.padma.1.10.20) pitṛbhaktyātuputrāṇāṃkāryamevasadābhavet vṛṣotsargaṃcakurvīta deyācakapilāśubhā ### [1.10.21](https://indike.org/pramana/in.purana.padma.1.10.21) udakuṃbhaścadātavyobhakṣyabhojyaphalānvitaḥ yāvadabdaṃnaraśreṣṭhasatilodakapūrvakam ### [1.10.22](https://indike.org/pramana/in.purana.padma.1.10.22) tataḥsaṃvatsarepūrṇesapiṃḍīkaraṇaṃbhavet sapiṃḍīkaraṇādūrddhvaṃpretaḥpārvaṇabhugyataḥ ### [1.10.23](https://indike.org/pramana/in.purana.padma.1.10.23) vṛddhipūrveṣukāryeṣugṛhasthasyabhavettataḥ sapiṃḍīkaraṇaṃśrāddhaṃdevapūrvaṃniyojayet ### [1.10.24](https://indike.org/pramana/in.purana.padma.1.10.24) pitṝnāvāhayettatrapṛthakpretaṃvinirdiśet gaṃdhodakatilairyuktaṃkuryātpātracatuṣṭayam ### [1.10.25](https://indike.org/pramana/in.purana.padma.1.10.25) arghyārthaṃpitṛpātreṣupretapātraṃprasecayet tadvatsaṃkalpyacaturaḥpiṃḍānpitṛparastadā ### [1.10.26](https://indike.org/pramana/in.purana.padma.1.10.26) yesamānāitidvābhyāmannaṃtu vibhajetridhā anenavidhinācārghyaṃpūrvamevapradāpayet ### [1.10.27](https://indike.org/pramana/in.purana.padma.1.10.27) tataḥpitṛtvamāpannassacaturthastadātvanu agniṣvāttādimadhyetuprāpnotyamṛtamuttamam ### [1.10.28](https://indike.org/pramana/in.purana.padma.1.10.28) sapiṇḍīkaraṇādūrdhvaṃpṛthaktasmainadīyate pitṛṣvevacadātavyaṃtatpiṃḍaṃyeṣusaṃsthitam ### [1.10.29](https://indike.org/pramana/in.purana.padma.1.10.29) tataḥprabhṛtisaṃkrāntāvuparāgādiparvasu tripiṃḍamācarecchrāddhamekoddiṣṭaṃmṛtehani ### [1.10.30](https://indike.org/pramana/in.purana.padma.1.10.30) ekoddiṣṭaṃparityajyamṛtāheyaḥ samācaret sadaivaṃpitṛhāsasyāttathābhrātṛvināśakaḥ ### [1.10.31](https://indike.org/pramana/in.purana.padma.1.10.31) mṛtāhepārvaṇaṃkurvannadhoyātisamānavaḥ saṃpṛktesvargatībhāvepretamokṣoyatobhavet ### [1.10.32](https://indike.org/pramana/in.purana.padma.1.10.32) āmaśrāddhaṃtadākuryādvidhijñaḥśrāddhadastataḥ tenāgnaukaraṇaṃkuryātpiḍāṃstenaivanirvapet ### [1.10.33](https://indike.org/pramana/in.purana.padma.1.10.33) tribhiḥ sapiṃḍīkaraṇaṃmāsaikyetritayetathā yadāprāpsya tikālenatadāmucyetabaṃdhanāt ### [1.10.34](https://indike.org/pramana/in.purana.padma.1.10.34) muktopilepabhāgitvaṃprāpnotikuśamārjanāt lepabhājaścaturthādyāstrayaḥ syuḥpiṃḍabhāginaḥ ### [1.10.35](https://indike.org/pramana/in.purana.padma.1.10.35) piṇḍadaḥsaptamasteṣāṃsapiṃḍāḥsaptapūruṣāḥ bhīṣmauvāca kathaṃhavyānideyānikavyānicajanairiha ### [1.10.36](https://indike.org/pramana/in.purana.padma.1.10.36) gṛhṇaṃtipitṛlokevāprāyaḥkekairnigadyate yadimartyedvijobhuṃktehūyateyadivānale ### [1.10.37](https://indike.org/pramana/in.purana.padma.1.10.37) śubhāśubhātmakāḥpretāstadannaṃbhuṃjatekatham pulastyauvāca vasusvarūpāḥpitarorudrāścaivapitāmahāḥ ### [1.10.38](https://indike.org/pramana/in.purana.padma.1.10.38) prapitāmahāstathādityāityeṣāvaidikīśrutiḥ nāmagotraṃpitṝṇāṃtuprāpakaṃhavyakavyayoḥ ### [1.10.39](https://indike.org/pramana/in.purana.padma.1.10.39) śrāddhasyamantratastatvamupalabhyetabhaktitaḥ agniṣvāttādayasteṣāmādhipatyevyavasthitāḥ ### [1.10.40](https://indike.org/pramana/in.purana.padma.1.10.40) nāmagotrāstadādeśābhavaṃtyudbhavatāmapi prāṇinaḥprīṇayatyetadarhaṇaṃsamupāgataṃ ### [1.10.41](https://indike.org/pramana/in.purana.padma.1.10.41) divyoyadipitāmātāguruḥkarmānuyogataḥ tasyānnamamṛtaṃbhūtvādivyattvepyanugacchati ### [1.10.42](https://indike.org/pramana/in.purana.padma.1.10.42) daityatvebhogarūpeṇapaśutvepitṛṇaṃbhavet śrāddhānnaṃvāyurūpeṇanāgatvepyupatiṣṭhati ### [1.10.43](https://indike.org/pramana/in.purana.padma.1.10.43) pānaṃbhavatiyakṣatverākṣasatvetathāmiṣaṃ dānavatvetathāpānaṃpretatverudhirodakam ### [1.10.44](https://indike.org/pramana/in.purana.padma.1.10.44) manuṣyatvennapānādinānābhogavatāṃbhavet ratiśaktistriyaḥkānte'nyeṣāṃbhojanaśaktitā ### [1.10.45](https://indike.org/pramana/in.purana.padma.1.10.45) dānaśaktiḥsavibhavārūpamārogyamevaca śrāddhapuṣpamidaṃproktaṃphalaṃbrahmasamāgamaḥ ### [1.10.46](https://indike.org/pramana/in.purana.padma.1.10.46) āyuḥputrāndhanaṃvidyāṃsvargaṃmokṣaṃsukhānica prayacchantitathārājyaṃprītāḥpitṛgaṇānṛpa ### [1.10.47](https://indike.org/pramana/in.purana.padma.1.10.47) śrūyatecapurāmokṣaṃprāptāḥkauśikasūnavaḥ paṃcabhirjanmasaṃbadhaiḥ prāptābrahmaparaṃpadam ### [1.10.48](https://indike.org/pramana/in.purana.padma.1.10.48) bhīṣmauvāca kathaṃkauśikadāyādāḥprāptāyogamanuttamam paṃcabhirjanmasaṃbandhaiḥkathaṃkarmakṣayobhavet ### [1.10.49](https://indike.org/pramana/in.purana.padma.1.10.49) pulastyauvāca kauśikonāmadharmātmākurukṣetremahānṛṣiḥ nāmataḥkarmatastasyaputrāṇāṃtannibodhame ### [1.10.50](https://indike.org/pramana/in.purana.padma.1.10.50) svasṛpaḥkrodhanohiṃsraḥ piśunaḥkavirevaca vāgduṣṭaḥpitṛvartīcagargaśiṣyāstadābhavan ### [1.10.51](https://indike.org/pramana/in.purana.padma.1.10.51) pitaryuparateteṣāmabhūddurbhikṣamulbaṇaṃ anāvṛṣṭiścamahatīsarvalokabhayaṃkarī ### [1.10.52](https://indike.org/pramana/in.purana.padma.1.10.52) gargādeśādvanedogdhradyaṃrakṣaṃticatapodhanāḥ khādāmaḥkapilāmetāṃvayaṃkṣutpīḍitābhṛśaṃ ### [1.10.53](https://indike.org/pramana/in.purana.padma.1.10.53) iticiṃtayatāṃpāpaṃlaghuḥ prāhatadānujaḥ yadyavaśyamiyaṃvadhyāśrāddharūpeṇayojyatāṃ ### [1.10.54](https://indike.org/pramana/in.purana.padma.1.10.54) śrāddheniyojyamānāyāṃpāpaṃnaśyatinodhruvaṃ evaṃkurvityanujñātaḥpitṛvartītadānujaiḥ ### [1.10.55](https://indike.org/pramana/in.purana.padma.1.10.55) cakresamāhitaḥśrāddhamupayujyāthatāṃpunaḥ dvaudaivebhrātarokṛtvāpitryetrīṃścāparānkramāt ### [1.10.56](https://indike.org/pramana/in.purana.padma.1.10.56) tathaikamatithiṃkṛtvāśrāddhadaḥ svayamevatu cakāramaṃtravacchrāddhaṃsmaranpitṛparāyaṇaḥ ### [1.10.57](https://indike.org/pramana/in.purana.padma.1.10.57) tadāgatvāviśaṃkāsteguravecanyavedayan vyāghreṇanihatādhenurvatsoyaṃpratigṛhyatāṃ ### [1.10.58](https://indike.org/pramana/in.purana.padma.1.10.58) evaṃsābhakṣitādhenuḥsaptabhistaistapodhanaiḥ vaidikaṃbalamāśrityakrūrekarmāṇinirbhayāḥ ### [1.10.59](https://indike.org/pramana/in.purana.padma.1.10.59) tataḥ kālepraṇaṣṭāstevyādhādaśapurebhavan jātismaratvaṃprāptāstepitṛbhāvenabhāvitāḥ ### [1.10.60](https://indike.org/pramana/in.purana.padma.1.10.60) tatravijñāyavairāgyaṃprāṇānutsṛjyadharmataḥ lokairavīkṣyamāṇāstetīrthāṃtenaśanenatu ### [1.10.61](https://indike.org/pramana/in.purana.padma.1.10.61) saṃjātāmṛgarūpāstesaptakālaṃjaregirau prāptavijñānayogāstetatyajustāṃnijāṃtanum ### [1.10.62](https://indike.org/pramana/in.purana.padma.1.10.62) mamruḥprapatanenāthajātavairāgyamānasāḥ mānasecakravrākāstesaṃjātāḥsaptayoginaḥ ### [1.10.63](https://indike.org/pramana/in.purana.padma.1.10.63) nāmataḥkarmataḥsarvesumanāḥkusumovasuḥ cittadarśīsudarśīcajñātājñānasyapāragaḥ ### [1.10.64](https://indike.org/pramana/in.purana.padma.1.10.64) jyeṣṭhānuraktāḥśreṣṭhāstesaptaiteyogapāvanāḥ yogabhraṣṭāstrayasteṣāṃbabhūvuścalacetasaḥ ### [1.10.65](https://indike.org/pramana/in.purana.padma.1.10.65) dṛṣṭvāvibhrājamānaṃtamaṇuhaṃstrībhiranvitam krīḍaṃtaṃvividhairbhogairmahābalaparākramam ### [1.10.66](https://indike.org/pramana/in.purana.padma.1.10.66) pañcālānvayasaṃbhūtaṃprabhūtabalavāhanam rājyakāmobhavattvekasteṣāṃmadhyejalaukasām ### [1.10.67](https://indike.org/pramana/in.purana.padma.1.10.67) pitṛvartīcayovipraḥśrāddhakṛtpitṛvatsalaḥ aparaumaṃtriṇaudṛṣṭvāprabhūtabalavāhanau ### [1.10.68](https://indike.org/pramana/in.purana.padma.1.10.68) maṃtritvecakratuścecchāmasminmartyaudvijottamau vibhrājaputrastvekobhūdbrahmadattaitismṛtaḥ ### [1.10.69](https://indike.org/pramana/in.purana.padma.1.10.69) maṃtriputrautathācaivapuṃḍarīkasubālakau brahmadattobhiṣiktastukāṃpilyenagarottame ### [1.10.70](https://indike.org/pramana/in.purana.padma.1.10.70) paṃcālarājovikrāṃtaḥśrāddhakṛtpitṛvatsalaḥ yogavitsarvajaṃtūnāṃcittavettābhavattadā ### [1.10.71](https://indike.org/pramana/in.purana.padma.1.10.71) tasyarājñobhavadbhāryāsudevasyātmajātadā sannatirnāmavikhyātākapilāyābhavatpurā ### [1.10.72](https://indike.org/pramana/in.purana.padma.1.10.72) pitṛkāryeniyuktatvādabhavadbrahmavādinī tayācakārasahitaḥsarājyaṃrājanaṃdanaḥ ### [1.10.73](https://indike.org/pramana/in.purana.padma.1.10.73) kadācidgataudyānaṃtayāsahasapārthivaḥ dadarśakīṭamithunamanaṃgakalahānvitam ### [1.10.74](https://indike.org/pramana/in.purana.padma.1.10.74) pipīlikāmadhovaktrāṃpurataḥkīṭakāmukaḥ paṃcabāṇābhitaptāṃgaḥsagadgadamuvācaha ### [1.10.75](https://indike.org/pramana/in.purana.padma.1.10.75) natvayāsadṛśīlokekāminīvidyatekvacit madhyekṣīṇātijaghanābṛhadvaktrātigāminī ### [1.10.76](https://indike.org/pramana/in.purana.padma.1.10.76) suvarṇavarṇasadṛśīsadvaktrācāruhāsinī ālakṣyatecavadanaṃguḍaśarkaravatsalaṃ ### [1.10.77](https://indike.org/pramana/in.purana.padma.1.10.77) bhokṣyasemayibhuktetvaṃsnāsisnātetathāmayi proṣitemayidīnātvaṃkruddhecabhayacaṃcalā ### [1.10.78](https://indike.org/pramana/in.purana.padma.1.10.78) kimarthaṃvadakalyāṇisadādhovadanāsthitā sātamāhajvalatkopākimālapasireśaṭha ### [1.10.79](https://indike.org/pramana/in.purana.padma.1.10.79) tvayāmodakacūrṇaṃtumāṃvihāyāpibhakṣitam prādāstvaṃtadatikramyamāmanyasyaisamanmathaḥ ### [1.10.80](https://indike.org/pramana/in.purana.padma.1.10.80) pipīlakauvāca tvatsādṛśyānmayādattamanyasyaivaravarṇini tadekamaparādhaṃmekṣaṃtumarhasibhāmini ### [1.10.81](https://indike.org/pramana/in.purana.padma.1.10.81) naivaṃpunaḥkariṣyāmityajakopaṃcasustani spṛśāmipādausatyenapraṇatasyaprasīdame ### [1.10.82](https://indike.org/pramana/in.purana.padma.1.10.82) ruṣṭāyāṃtvayisuśroṇimṛtyurmepuratobhavet tuṣṭāyāṃtvayivāmorupūrṇāḥsarvamanorathāḥ ### [1.10.83](https://indike.org/pramana/in.purana.padma.1.10.83) pūrṇacaṃdropamaṃvaktraṃsvādemṛtarasopamam nirbharaṃpibasuśroṇikāmāsaktasyamesadā ### [1.10.84](https://indike.org/pramana/in.purana.padma.1.10.84) etanmatvāśubhekāryāsarvadātukṛpāmayi itisāvacanaṃśrutvāprasannācābhavattataḥ ### [1.10.85](https://indike.org/pramana/in.purana.padma.1.10.85) ātmānamaparyayāmāsamohanāyapipīlikā brahmadattopitatsarvaṃjñātvāsasmayamāhasat ### [1.10.86](https://indike.org/pramana/in.purana.padma.1.10.86) sarvasatvarutajñānīprabhāvātpūrvakarmaṇaḥ bhīṣmauvāca kathaṃsarvarutajñobhūdbrahmadattonarādhipaḥ ### [1.10.87](https://indike.org/pramana/in.purana.padma.1.10.87) taccāpicābhavatkutracakravākacatuṣṭayaṃ tanmekathayasarvajñakulekasyacasuvratam ### [1.10.88](https://indike.org/pramana/in.purana.padma.1.10.88) pulastyauvāca tasminnevapurejātāścavākāathonṛpa ### [1.10.89](https://indike.org/pramana/in.purana.padma.1.10.89) vṛddhadvijasyadāyādāviprājātismarābudhāḥ dhṛtimāṃstattvadarśīcavidyāvarṇastapodhikaḥ ### [1.10.90](https://indike.org/pramana/in.purana.padma.1.10.90) nāmataḥkarmataścaivasudaridrasyatesutāḥ tapasebuddhirabhavatteṣāṃvaidvijajanmanāṃ ### [1.10.91](https://indike.org/pramana/in.purana.padma.1.10.91) yāsyāmaḥparamāṃsiddhimūcustedvijasattamāḥ tatteṣāṃvacanaṃśrutvāsudaridromahātapāḥ ### [1.10.92](https://indike.org/pramana/in.purana.padma.1.10.92) uvācadīnayāvācākimetaditiputrakāḥ adharmaeṣavaḥputrāpitātānityuvācaha ### [1.10.93](https://indike.org/pramana/in.purana.padma.1.10.93) vṛddhaṃpitaramutsṛjyadaridraṃvanavāsinam kvanudharmotrabhavitāmāṃtyaktvā gatimevaca ### [1.10.94](https://indike.org/pramana/in.purana.padma.1.10.94) ūcustekalpitāvṛttistavatātavacaśśṛṇu vratametatpurārājñaḥsatedāsyatipuṣkalaṃ ### [1.10.95](https://indike.org/pramana/in.purana.padma.1.10.95) dhanaṃgrāmasahasrāṇiprabhātepaṭhatastava kurukṣetretuyeviprāvyādhādaśapuretuye ### [1.10.96](https://indike.org/pramana/in.purana.padma.1.10.96) kālaṃjaremṛgābhūtāścakravākāstumānase ityuktvāpitaraṃjagmustevanaṃtapasepunaḥ ### [1.10.97](https://indike.org/pramana/in.purana.padma.1.10.97) vṛddhopisadvijorājanjagāmasvārthasiddhaye aṇuhonāmavaibhrājaḥpañcālādhipatiḥpurā ### [1.10.98](https://indike.org/pramana/in.purana.padma.1.10.98) putrārthīdevadeveśaṃpadmayoniṃpitāmaham ārādhayāmāsavibhuṃtīvravrataparāyaṇaḥ ### [1.10.99](https://indike.org/pramana/in.purana.padma.1.10.99) tataḥkālenamahatātuṣṭastasyapitāmahaḥ varaṃvarayabhadraṃtehṛdayebhīpsitaṃnṛpa ### [1.10.100](https://indike.org/pramana/in.purana.padma.1.10.100) aṇuhauvāca putraṃmedehideveśamahābalaparākramam pāragaṃsarvavidyānāṃdhārmikaṃyogināṃvaram ### [1.10.101](https://indike.org/pramana/in.purana.padma.1.10.101) sarvasatvarutajñaṃmedehiyoginamātmajam evamastvitiviśvātmātamāhaparameśvaraḥ ### [1.10.102](https://indike.org/pramana/in.purana.padma.1.10.102) paśyatāṃsarvabhūtānāṃtatraivāṃtaradhīyata tataḥsatasyaputrobhūdbrahmadattaḥpratāpavān ### [1.10.102.p1](https://indike.org/pramana/in.purana.padma.1.10.102.p1) sarvasatvānukaṃpīcasarvasatvabalādhikaḥ sarvasatvarutajñaścasarvasatveśvareśvaraḥ103 ### [1.10.104](https://indike.org/pramana/in.purana.padma.1.10.104) athasatvenayogātmāsapipīlakamāgataḥ yatratatkīṭamithunaṃramamāṇamavasthitam ### [1.10.105](https://indike.org/pramana/in.purana.padma.1.10.105) tataḥsāsannatirdṛṣṭvāprahasaṃtaṃsuvismitaṃ kimapyāśaṃkamānāsātamapṛcchannareśvaram ### [1.10.106](https://indike.org/pramana/in.purana.padma.1.10.106) sannatiruvāca akasmādatihāsoyaṃkimarthamabhavannṛpa hāsyahetuṃnajānāmiyadakālekṛtaṃtvayā ### [1.10.107](https://indike.org/pramana/in.purana.padma.1.10.107) avadadrājaputrosautaṃpipīlikabhāṣitam rāgavadvirasotpannametaddhāsyaṃvarānane ### [1.10.108](https://indike.org/pramana/in.purana.padma.1.10.108) nacānyatkāraṇaṃkiṃciddhāsyahetuḥśucismite nasāmanyatataṃdevīprāhālīkamidaṃtava ### [1.10.109](https://indike.org/pramana/in.purana.padma.1.10.109) ahamevehahasitānajīviṣyetvayādhunā kathaṃpipīlikālāpaṃmartyovettisurādṛte ### [1.10.110](https://indike.org/pramana/in.purana.padma.1.10.110) tasmāttvayāhamevādyahasitākimataḥparam tatoniruttarorājājijñāsustadvacohareḥ ### [1.10.111](https://indike.org/pramana/in.purana.padma.1.10.111) āsthāyaniyamaṃtasthausaptarātramakalmaṣaḥ svapnānteprāhataṃbrahmāprabhāteparyaṭanpuram ### [1.10.112](https://indike.org/pramana/in.purana.padma.1.10.112) vṛddhadvijottamādvākyaṃsarvaṃjñāsyatitepriyā ityuktvāṃtardadhebrahmāprabhātecanṛpaḥpurāt ### [1.10.113](https://indike.org/pramana/in.purana.padma.1.10.113) nirgacchanmantrisahitaḥsabhāryovṛddhamagrataḥ gadaṃtaṃvipramāyāṃtaṃvṛddhaṃcasadadarśaha ### [1.10.114](https://indike.org/pramana/in.purana.padma.1.10.114) brāhmaṇauvāca yevipramukhyāḥkurujāṃgaleṣudāśāstathādāśapuremṛgāśca kālaṃjaresaptacacakravākāyemānasetetravasaṃtisiddhāḥ ### [1.10.115](https://indike.org/pramana/in.purana.padma.1.10.115) ityākarṇyavacastasyasapapātaśucānvitaḥ jātismaratvamagamattaucamaṃtrivarātmajau ### [1.10.116](https://indike.org/pramana/in.purana.padma.1.10.116) kāmaśāstrapraṇetātubābhravyaḥsatubālakaḥ paṃcālaitilokeṣuviśrutaḥsarvaśāstravit ### [1.10.117](https://indike.org/pramana/in.purana.padma.1.10.117) puṃḍarīkopidharmātmāvedaśāstrapravartakaḥ bhūtvājātismarauśokātpatitāvagratastathā ### [1.10.118](https://indike.org/pramana/in.purana.padma.1.10.118) hāvayaṃkarmavibhraṣṭāḥkāmataḥkarmabaṃdhanāt evaṃvilapyabahuśastrayasteyogapāragāḥ ### [1.10.119](https://indike.org/pramana/in.purana.padma.1.10.119) vismayācchrāddhamāhāmyamabhinaṃdyapunaḥpunaḥ satutasmaidhanaṃdattvāprabhūtagrāmasaṃyutam ### [1.10.120](https://indike.org/pramana/in.purana.padma.1.10.120) visṛjyabrāhmaṇaṃtaṃcavṛddhaṃdhanamadānvitam ātmīyaṃnṛpatiḥputraṃnṛpalakṣaṇasaṃyutam ### [1.10.121](https://indike.org/pramana/in.purana.padma.1.10.121) viṣvaksenābhidhānaṃcarājārājyebhyaṣecayat mānasesalilesarvetatasteyogināṃvarāḥ ### [1.10.122](https://indike.org/pramana/in.purana.padma.1.10.122) brahmadattādayastasminpitṛbhaktāvimatsarāḥ sannatiścābhavaddhṛṣṭāmayaivatavadarśitam ### [1.10.123](https://indike.org/pramana/in.purana.padma.1.10.123) rājanyogaphalaṃsarvaṃyadetadabhilakṣyate tathetiprāharājāpipurastādabhinaṃdayan ### [1.10.124](https://indike.org/pramana/in.purana.padma.1.10.124) tvatprasādādidaṃsarvaṃmayaivaṃprāpyatephalam ### [1.10.125](https://indike.org/pramana/in.purana.padma.1.10.125) tatasteyogamāsthāyasarvaevavanaukasaḥ brahmaraṃdhreṇaparamaṃpadamāpustapobalāt ### [1.10.126](https://indike.org/pramana/in.purana.padma.1.10.126) evamāyurdhanaṃvidyāṃsvargamokṣasukhānica prayacchaṃtisutaṃrājyaṃnṛṇāṃtuṣṭāḥpitāmahāḥ ### [1.10.127](https://indike.org/pramana/in.purana.padma.1.10.127) idaṃcapitṛmāhātmyaṃbrahmadattasyavainṛpa dvijebhyaḥśrāvayedvidvānśṛṇotipaṭhatepivā kalpakoṭiśataṃsāgraṃbrahmalokemahīyate ### [1.10.127.p1](https://indike.org/pramana/in.purana.padma.1.10.127.p1) iti śrīpādmapurāṇeprathamesṛṣṭikhaṃḍepitṛmāhātmyakathanaṃnāmadaśamo'dhyāyaḥ ## Linked texts (3) - [Matsyapurāṇa](https://indike.org/pramana/in.purana.matsya.18.2) — Vyāsa, Sanskrit - [Gūḍhārthadīpikā](https://indike.org/pramana/in.niti.dharma.nibandha.nirnaya.gudharthadipika.2.p556) — Vāmadeva, Sanskrit - [Śrāddhacandrikā (Divākarabhaṭṭa)](https://indike.org/pramana/in.niti.dharma.sraddha.sraddhacandrika.2.p150) — Divākarabhaṭṭa 1655, Sanskrit --- Source: [https://indike.org/pramana/in.purana.padma.1.10](https://indike.org/pramana/in.purana.padma.1.10) · Pramāṇa