[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Padmapurana](https://indike.org/pramana/in.purana.padma) › 1.12 # Padmapurana 1.12: dvādaśo'dhyāyaḥ Padmapurāṇa 1.12 - **Language:** Sanskrit ## Contents - [1.12.140](https://indike.org/pramana/in.purana.padma.1.12.140) — 1 part ### dvādaśo'dhyāyaḥ ### [1.12.1](https://indike.org/pramana/in.purana.padma.1.12.1) bhīṣmauvāca somavaṃśaḥkathaṃjātaḥkathayātraviśārada tadveśeketurājānobabhūvuḥ kīrtivarddhanāḥ ### [1.12.2](https://indike.org/pramana/in.purana.padma.1.12.2) pulastyauvāca ādiṣṭobrahmaṇāpūrvamatriḥsargavidhaupurā anaṃtaraṃnāmatapaḥsṛṣṭyarthaṃtaptavānvibhuḥ ### [1.12.3](https://indike.org/pramana/in.purana.padma.1.12.3) yadānaṃdakaraṃbrahmabhagavankleśanāśanaṃ brahmarudrendrasūryāṇāmabhyaṃtaramatīṃdriyaṃ ### [1.12.4](https://indike.org/pramana/in.purana.padma.1.12.4) śāntiṃkṛtvātmamanasātadatriḥsaṃyamesthitaḥ māhātmyaṃtapasovāpiparamānaṃdakārakaṃ ### [1.12.5](https://indike.org/pramana/in.purana.padma.1.12.5) yasmādveśapatiḥsārddhaṃsamayetadadhiṣṭhitaḥ taṃdṛṣṭvācaṣṭasomenatasmātsomobhavadvibhuḥ ### [1.12.6](https://indike.org/pramana/in.purana.padma.1.12.6) athasusrāvanetrābhyāṃjalaṃtatrātrisaṃbhavam dyotayadviśvamakhilaṃjyotsnayāsacarācaram ### [1.12.7](https://indike.org/pramana/in.purana.padma.1.12.7) taddiśojagṛhustatrastrīrūpeṇāsahṛcchayāḥ garbhobhūtvodaretāsāṃsthitaḥ sopyatrisaṃbhavaḥ ### [1.12.8](https://indike.org/pramana/in.purana.padma.1.12.8) āśāścamumucurgarbhamaśaktādhāraṇetataḥ samādāyāthataṃgarbhamekīkṛtyacaturmukhaḥ ### [1.12.9](https://indike.org/pramana/in.purana.padma.1.12.9) yuvānamakarodbrahmāsarvāyudhadharaṃnaram syaṃdanethasahastenavedaśaktimayeprabhuḥ ### [1.12.10](https://indike.org/pramana/in.purana.padma.1.12.10) āropyalokamanayadātmīyaṃsapitāmahaḥ tatobrahmarṣibhiḥproktaṃhyasmatsvāmībhavatvayam ### [1.12.11](https://indike.org/pramana/in.purana.padma.1.12.11) ṛṣibhirdevagaṃdharvairapsarobhistathaivaca stūyamānasyatasyābhūdadhikaṃmahadaṃtaram ### [1.12.12](https://indike.org/pramana/in.purana.padma.1.12.12) tejovitānādabhavadbhuvidivyauṣadhīgaṇaḥ taddīptiradhikātasmādrātraubhavatisarvadā ### [1.12.13](https://indike.org/pramana/in.purana.padma.1.12.13) tenauṣadhīśaḥsomobhūddvijeṣvapihigaṇyate vedadhāmārasaścāyaṃyadidaṃmaṃḍalaṃśubham ### [1.12.14](https://indike.org/pramana/in.purana.padma.1.12.14) kṣīyatevarddhatecaivaśuklekṛṣṇecasarvadā viṃśatiṃcatathāsaptadakṣaḥprācetasodadau ### [1.12.15](https://indike.org/pramana/in.purana.padma.1.12.15) rūpalāvaṇyasaṃyuktāstasmaikanyāḥ suvarcasaḥ tataḥ śaktisahasrāṇāṃsahasrāṇidaśaivatu ### [1.12.16](https://indike.org/pramana/in.purana.padma.1.12.16) tapaścakāraśītāṃśurviṣṇudhyānaikatatparaḥ tatastuṣṭaścabhagavāṃstasmainārāyaṇohariḥ ### [1.12.17](https://indike.org/pramana/in.purana.padma.1.12.17) varaṃvṛṇīṣvacovācaparamātmājanārdanaḥ tatovavrevaraṃsomaḥ śakralokeyajāmyaham ### [1.12.18](https://indike.org/pramana/in.purana.padma.1.12.18) pratyakṣamevabhoktārobhavaṃtuma mamaṃdire rājasūyesuragaṇābrahmādyāyecaturvidhāḥ ### [1.12.19](https://indike.org/pramana/in.purana.padma.1.12.19) rakṣapālaḥsurosmākamāstāṃśūladharoharaḥ tathetyuktaḥsamājahrerājasūyaṃtuviṣṇunā ### [1.12.20](https://indike.org/pramana/in.purana.padma.1.12.20) hotātrirbhṛguradhvaryurudgātācacaturmukhaḥ brahmatvamagamattasyaupadraṣṭāhariḥsvayam ### [1.12.21](https://indike.org/pramana/in.purana.padma.1.12.21) sadasyāḥsarvadevāsturājasūyavidhiḥsmṛtaḥ vasavodhvaryavastadvadviśvedevāstathaivaca ### [1.12.22](https://indike.org/pramana/in.purana.padma.1.12.22) trailokyaṃdakṣiṇātenaṛtvigbhyaḥpratipāditā somaḥprāpyāthaduṣprāpyamaiśvaryaṃ sṛṣṭisatkṛtaṃ ### [1.12.23](https://indike.org/pramana/in.purana.padma.1.12.23) saptalokaikanāthatvaṃprāptassvatapasātadā kadācidudyānagatāmapaśyadanekapuṣpābharaṇopaśobhām ### [1.12.24](https://indike.org/pramana/in.purana.padma.1.12.24) bṛhannitaṃbastanabhārakhedāṃpuṣpāvabhaṃgepyatidurbalāṃgīṃ bhāryāṃcatāṃdevaguroranaṃgabāṇābhirāmāyatacārunetrāṃ ### [1.12.25](https://indike.org/pramana/in.purana.padma.1.12.25) tārāṃsatārādhipatiḥsmarārtaḥkeśeṣujagrāhaviviktabhūmau sāpismarārtāsahatenaremetadrūpakāṃtyāhṛtamānasaiva ### [1.12.26](https://indike.org/pramana/in.purana.padma.1.12.26) ciraṃvihṛtyāthajagāmatārāṃvidhurgṛhītvāsvagṛhaṃtatopi natṛptirāsītsvagṛhepitasyatārānuraktasyasukhāgameṣu ### [1.12.27](https://indike.org/pramana/in.purana.padma.1.12.27) bṛhaspatistadvirahāgnidagdhastaddhyānaniṣṭhaikamanābabhūva śaśākaśāpaṃnacadātumasmainamaṃtraśastrāgniviṣairanekaiḥ ### [1.12.28](https://indike.org/pramana/in.purana.padma.1.12.28) tasyāpakartuṃvividhairupāyairnaivābhicārairapivāgadhīśaḥ sayācayāmāsatatastudevaṃsomaṃsvabhāryārthamanaṃgataptaḥ ### [1.12.29](https://indike.org/pramana/in.purana.padma.1.12.29) sayācyamānopidadaunabhāryāṃbṛhaspateḥkāmavaśenamohitaḥ maheśvareṇāthacaturmukhenasādhyairmarudbhiḥsahalokapālaiḥ ### [1.12.30](https://indike.org/pramana/in.purana.padma.1.12.30) dadauyadātāṃnakathaṃcidiṃdustadāśivaḥkrodhaparobabhūva yovāmadevaprathitaḥpṛthivyāmanekarudrārcitapādapadmaḥ ### [1.12.31](https://indike.org/pramana/in.purana.padma.1.12.31) tataḥsaśiṣyogiriśaḥ pinākībṛhaspateḥ snehavaśānubaddhaḥ dhanurgṛhitvājagavaṃpurārirjagāmabhūteśvarasiddhajuṣṭaḥ ### [1.12.32](https://indike.org/pramana/in.purana.padma.1.12.32) yuddhāyasomenaviśeṣadīptastṛtīyanetrānalabhīmavaktraḥ sahaivajagmuścagaṇeśvarāṇāṃviṃśādhikāṣaṣṭirathogramūrtiḥ ### [1.12.33](https://indike.org/pramana/in.purana.padma.1.12.33) yakṣeśvarāṇāṃsagaṇairanekairyutonvagātsyaṃdanasaṃsthitānāṃ vetālayakṣoragakinnarāṇāṃpadmenacaikenatathārbudānām ### [1.12.34](https://indike.org/pramana/in.purana.padma.1.12.34) lakṣaistribhirdvādaśabhīrathānāṃsomopyagāttatravivṛddhamanyuḥ śanaiścarāṃgārakavṛddhatejānakṣatradaityāsurasainyayuktaḥ ### [1.12.35](https://indike.org/pramana/in.purana.padma.1.12.35) jagmurbhayaṃsaptatathaivalokādharāvanadvīpasamudragarbhāḥ sasomamevābhyagamatpinākīgṛhītadīptāstraviśālavahniḥ ### [1.12.36](https://indike.org/pramana/in.purana.padma.1.12.36) athābhavadbhīṣaṇabhīmasomasainyadvayasyāthamahāhavosau aśeṣasatvakṣayakṛtpravṛddhastīkṣṇapradhānojvalanaikarūpaḥ ### [1.12.37](https://indike.org/pramana/in.purana.padma.1.12.37) śastrairathānyonyamaśeṣasainyaṃdvayorjagāmakṣayamugratīkṣṇaiḥ pataṃtiśastrāṇitathojvalānisvarbhūmipātālamalaṃdahaṃti ### [1.12.38](https://indike.org/pramana/in.purana.padma.1.12.38) rudraḥ krodhādbrahmaśiromumocasomopisomāstramamoghavīryaṃ tayornipātenasamudrabhūmyorathāṃtarikṣasyacabhītirāsīt ### [1.12.39](https://indike.org/pramana/in.purana.padma.1.12.39) tadāsuyuddhaṃjagatāṃkṣayāyapravṛddhamālokyapitāmahopi tataḥpraviśyāthakathaṃcidevanivārayāmāsasuraiḥ sahaiva ### [1.12.40](https://indike.org/pramana/in.purana.padma.1.12.40) akāraṇaṃkiṃkṣayakṛjjanānāṃsomatvayāpīdamakāryakāryaṃ yasmātparastrīharaṇāyasomatvayākṛtaṃyuddhamatīvabhīmam ### [1.12.41](https://indike.org/pramana/in.purana.padma.1.12.41) pāpagrahastvaṃbhavitājaneṣupāposyalaṃvahnimukhāśināṃtvaṃ bhāryāmimāmarpayavākpatestvaṃpramāṇayannevamadīyavācam ### [1.12.42](https://indike.org/pramana/in.purana.padma.1.12.42) tatheticovācahimāṃśumālīyuddhādapākrāmadataḥ praśāṃtaḥ bṛhaspatistāmathagṛhyatārāṃhṛṣṭojagāmasvagṛhaṃcarudraḥ ### [1.12.43](https://indike.org/pramana/in.purana.padma.1.12.43) pulastyauvāca tataḥ saṃvatsarasyāṃtedvādaśādityasannibhaḥ divyapītāmbaradharodivyābharaṇabhūṣitaḥ ### [1.12.44](https://indike.org/pramana/in.purana.padma.1.12.44) tārodaraviniṣkrāntaḥkumārassūryasannibhaḥ sarvārthaśāstravidvidvānhastiśāstrapravarttakaḥ ### [1.12.45](https://indike.org/pramana/in.purana.padma.1.12.45) nāmayadrājaputroyaṃviśrutorājavaidyakaḥ rājñaḥsomasyaputratvādrājaputrobudhaḥsmṛtaḥ ### [1.12.46](https://indike.org/pramana/in.purana.padma.1.12.46) janānāṃtusatejāṃsisarvāṇyevākṣipadbalī brahmādyāstatracājagmurdevādevarṣibhiḥsaha ### [1.12.47](https://indike.org/pramana/in.purana.padma.1.12.47) bṛhaspatigṛhesarvejātakarmotsavetadā papracchustesurāstārāṃkenajātaḥkumārakaḥ ### [1.12.48](https://indike.org/pramana/in.purana.padma.1.12.48) tataḥsālajjitāteṣāṃnakiṃcidavadattadā punaḥpunastadāpṛṣṭālajjayaṃtīvarāṃganā ### [1.12.49](https://indike.org/pramana/in.purana.padma.1.12.49) somasyeticirādāhatatogṛhṇādvidhuḥsutaṃ budhaityakaronnāmaprādādrājyaṃcabhūtale ### [1.12.50](https://indike.org/pramana/in.purana.padma.1.12.50) abhiṣekaṃtataḥkṛtvāpradānamakarodvibhuḥ grahamadhyaṃpradāyāthabrahmābrahmarṣibhiryutaḥ ### [1.12.51](https://indike.org/pramana/in.purana.padma.1.12.51) paśyatāṃsarvabhūtānāṃtatraivāṃtaradhīyata ilodarecadharmiṣṭhaṃbudhaḥputramajījanat ### [1.12.52](https://indike.org/pramana/in.purana.padma.1.12.52) aśvamedhaśataṃsāgramakarodyassvatejasā purūravāitikhyātaḥsarvalokanamaskṛtaḥ ### [1.12.53](https://indike.org/pramana/in.purana.padma.1.12.53) himavacchikhareramyesamārādhyapitāmahaṃ lokaiśvaryamagādrājansaptadvīpapatistadā ### [1.12.54](https://indike.org/pramana/in.purana.padma.1.12.54) keśiprabhṛtayodaityāstadbhṛtyatvaṃsamāgatāḥ urvaśīyasyapatnītvamagamadrūpamohitā ### [1.12.55](https://indike.org/pramana/in.purana.padma.1.12.55) saptadvīpāvasumatīsaśailavanakānanā dharmeṇapālitātenasarvalokahitaiṣiṇā ### [1.12.56](https://indike.org/pramana/in.purana.padma.1.12.56) cāmaragrahaṇākīrtiḥsvayaṃcaivāṃgavāhikā brahmaprasādāddeveṃdrodadāvarddhāsanaṃtadā ### [1.12.57](https://indike.org/pramana/in.purana.padma.1.12.57) dharmārthakāmāndharmeṇasamavetobhyapālayat dharmārthakāmāstaṃdraṣṭumājagmuḥkautukānvitāḥ ### [1.12.58](https://indike.org/pramana/in.purana.padma.1.12.58) jijñāsavastaccaritaṃkathaṃpaśyatinaḥsamam bhaktyācakretatasteṣāmarghyapādyādikaṃtataḥ ### [1.12.59](https://indike.org/pramana/in.purana.padma.1.12.59) āsanatrayamānīyadivyaṃkanakabhūṣaṇam niveśyāthākarotpūjāmīṣaddharmedhikāṃpunaḥ ### [1.12.60](https://indike.org/pramana/in.purana.padma.1.12.60) jagmatustaucakāmārthāvatikopaṃnṛpaṃprati arthaḥśāpamadāttasmailobhāttvaṃ nāśameṣyasi ### [1.12.61](https://indike.org/pramana/in.purana.padma.1.12.61) kāmopyāhatavonmādobhavitāgaṃdhamādane kumāravanamāśrityaviyogāccorvaśībhavāt ### [1.12.62](https://indike.org/pramana/in.purana.padma.1.12.62) dharmopyāhacirāyustvaṃdhārmikaścabhaviṣyasi saṃtatistavarājedrayāvadācaṃdratārakam ### [1.12.63](https://indike.org/pramana/in.purana.padma.1.12.63) śataśovṛddhimāyātinanāśaṃbhuviyāsyati ṣaṣṭiṃvarṣāṇiconmādaūrvaśīkāmasaṃbhavaḥ ### [1.12.64](https://indike.org/pramana/in.purana.padma.1.12.64) acirādevabhāryāpivaśameṣyaticāpsarāḥ ityuktvāṃtardadhuḥ sarverājārājyaṃtadānvabhūt ### [1.12.65](https://indike.org/pramana/in.purana.padma.1.12.65) ahanyahanideveṃdraṃdraṣṭuṃyātipurūravāḥ kadācidāruhyarathaṃdakṣiṇāṃbaracāriṇā ### [1.12.66](https://indike.org/pramana/in.purana.padma.1.12.66) sārdhaṃśakreṇaso'paśyannīyamānāmathāṃbare keśinādānaveṃdreṇacitralekhāmathorvaśīm ### [1.12.67](https://indike.org/pramana/in.purana.padma.1.12.67) taṃvinirjityasamarevividhāyudhapātanaiḥ purāśakropisamareyenavajrīvinirjitaḥ ### [1.12.68](https://indike.org/pramana/in.purana.padma.1.12.68) mitratvamagamattenaprādādiṃdrāyacorvaśīṃ tataḥprabhṛtimitratvamagamatpākaśāsanaḥ ### [1.12.69](https://indike.org/pramana/in.purana.padma.1.12.69) sarvaloketiśayitaṃpurūravasamevatam prāhavajrītusaṃtuṣṭonīyatāmiyamevaca ### [1.12.70](https://indike.org/pramana/in.purana.padma.1.12.70) sāpurūravasaḥprītyaicāgāyaccaritaṃmahat lakṣmīsvayaṃvaraṃnāmabharatenapravartitam ### [1.12.71](https://indike.org/pramana/in.purana.padma.1.12.71) menakāṃcorvaśīṃraṃbhāṃnṛtyadhvamiticādiśat nanartasalayaṃtatralakṣmīrūpeṇacorvaśī ### [1.12.72](https://indike.org/pramana/in.purana.padma.1.12.72) sāpurūravasaṃdṛṣṭvānṛtyaṃtīkāmapīḍitā vismṛtābhinayaṃsarvaṃyatpurātanacoditam ### [1.12.73](https://indike.org/pramana/in.purana.padma.1.12.73) śaśāpabharataḥkrodhādviyogāttasyabhūtale paṃcapaṃcāśadabdānilatābhūtābhaviṣyasi ### [1.12.74](https://indike.org/pramana/in.purana.padma.1.12.74) tatastamūrvaśīgatvābharttāramakarocciraṃ śāpānubhavanāṃtecaūrvaśībudhasūnunā ### [1.12.75](https://indike.org/pramana/in.purana.padma.1.12.75) ajījanatsutānaṣṭaunāmatastānnibodhame āyurdṛḍhāyurvaśyāyurbalāyurdhṛtimānvasuḥ ### [1.12.76](https://indike.org/pramana/in.purana.padma.1.12.76) divyajāyuḥśatāyuścasarvedivyabalaujasaḥ āyuṣonahuṣaḥputrovṛddhaśarmātathaivaca ### [1.12.77](https://indike.org/pramana/in.purana.padma.1.12.77) rajirdaṃḍoviśākhaścavīrāḥpaṃcamahārathāḥ rajeḥputraśataṃjajñerājeyāitiviśrutaṃ ### [1.12.78](https://indike.org/pramana/in.purana.padma.1.12.78) rajirārādhayāmāsanārāyaṇamakalmaṣaṃ tapasātoṣitoviṣṇurvaraṃprādānmahīpateḥ ### [1.12.79](https://indike.org/pramana/in.purana.padma.1.12.79) devāsuramanuṣyāṇāmabhūtsavijayītadā athadevāsuraṃyuddhamabhūdvarṣaśatatrayam ### [1.12.80](https://indike.org/pramana/in.purana.padma.1.12.80) prahrādaśakrayorbhīmaṃnakaścidvijayītayoḥ tatodevāsuraiḥpṛṣṭaḥpṛthagdevaścaturmukhaḥ ### [1.12.81](https://indike.org/pramana/in.purana.padma.1.12.81) anayorvijayīkaḥsyādrajiryatretisobravīt jayāyaprārthitorājāsahāyastvaṃbhavasvanaḥ ### [1.12.82](https://indike.org/pramana/in.purana.padma.1.12.82) daityaiḥprāhayadisvāmīvobhavāmitatastvalam nāsuraiḥpratipannaṃtatpratipannaṃsuraistadā ### [1.12.83](https://indike.org/pramana/in.purana.padma.1.12.83) svāmībhavatvamasmākaṃbalanāśayavidviṣaḥ tatovināśitāḥsarveyevadhyāvajrapāṇinaḥ ### [1.12.84](https://indike.org/pramana/in.purana.padma.1.12.84) putratvamagamattuṣṭastasyeṃdraḥkarmaṇātataḥ dattveṃdrāyapurārājyaṃjagāmatapaserajiḥ ### [1.12.85](https://indike.org/pramana/in.purana.padma.1.12.85) rajiputraistadāchinnaṃbalādiṃdrasyavaiyadā yajñabhāgaścarājyaṃcatapobalaguṇānvitaiḥ ### [1.12.86](https://indike.org/pramana/in.purana.padma.1.12.86) rājyabhraṣṭastataḥ śakrorajiputranipīḍitaḥ prāhavācaspatiṃdīnaḥ pīḍito'smirajeḥsutaiḥ ### [1.12.87](https://indike.org/pramana/in.purana.padma.1.12.87) nayajñabhāgorājyaṃmepīḍitasyabṛhaspate rājyalābhāyameyatnaṃvidhatsvadhiṣaṇādhipa ### [1.12.88](https://indike.org/pramana/in.purana.padma.1.12.88) tatobṛhaspatiḥ śakramakarodbaladarpitam grahaśāṃtividhānenapauṣṭikenacakarmaṇā ### [1.12.89](https://indike.org/pramana/in.purana.padma.1.12.89) gatvāthamohayāmāsarajiputrānbṛhaspatiḥ jinadharmaṃsamāsthāyavedabāhyaṃsadharmavit ### [1.12.90](https://indike.org/pramana/in.purana.padma.1.12.90) vedatrayīparibhraṣṭāṃścakāradhiṣaṇādhipaḥ vedabāhyānparijñāyahetuvādasamanvitān ### [1.12.91](https://indike.org/pramana/in.purana.padma.1.12.91) jaghānaśakrovajreṇasarvāndharmabahiṣkṛtān nahuṣasyapravakṣyāmiputrānsaptaivadhārmikān ### [1.12.92](https://indike.org/pramana/in.purana.padma.1.12.92) yatiryayātiśśaryātiruttaraḥparaevaca ayatirviyatiścaivasaptaitevaṃśavarddhanāḥ ### [1.12.93](https://indike.org/pramana/in.purana.padma.1.12.93) yatiḥkumārabhāvepiyogīvaikhānasobhavat yayātirakarodrājyaṃdharmaikaśaraṇaḥsadā ### [1.12.94](https://indike.org/pramana/in.purana.padma.1.12.94) śarmiṣṭhātasyabhāryābhūdduhitāvṛṣaparvaṇaḥ bhārgavasyātmajācaivadevayānīcasuvratā ### [1.12.95](https://indike.org/pramana/in.purana.padma.1.12.95) yayāteḥpaṃcadāyādāstānpravakṣyāmināmataḥ devayānīyaduṃputraṃturvasuṃcāpyajījanat ### [1.12.96](https://indike.org/pramana/in.purana.padma.1.12.96) tathādruhyamaṇaṃpūruṃśarmiṣṭhājanayatsutān yaduḥpūrūścabharatastevaivaṃśavivarddhanāḥ ### [1.12.97](https://indike.org/pramana/in.purana.padma.1.12.97) pūrorvaṃśaṃpravakṣyāmiyatrajātosipārthiva yadostuyādavājātāyatrataubalakeśavau ### [1.12.98](https://indike.org/pramana/in.purana.padma.1.12.98) bhārāvatāraṇārthāyapāṃḍavānāṃhitāyaca yadoḥputrābabhūvuścapaṃcadevasutopamāḥ ### [1.12.99](https://indike.org/pramana/in.purana.padma.1.12.99) sahasrajittathājyeṣṭhaḥkroṣṭānīloñjikoraghuḥ sahasrajitodāyādaḥśatajinnāmapārthivaḥ ### [1.12.100](https://indike.org/pramana/in.purana.padma.1.12.100) śatajitaścadāyādāstrayaḥparamadhārmikāḥ haihayaścahayaścaivatathātālahayaścayaḥ ### [1.12.101](https://indike.org/pramana/in.purana.padma.1.12.101) haihayasyatudāyādodharmanetraḥpratiśrutaḥ dharmanetrasyakuṃtistusaṃhatastasyacātmajaḥ ### [1.12.102](https://indike.org/pramana/in.purana.padma.1.12.102) saṃhatasyatudāyādomahiṣmānnāmapārthivaḥ āsīnmahiṣmataḥputrobhadrasenaḥpratāpavān ### [1.12.103](https://indike.org/pramana/in.purana.padma.1.12.103) vārāṇasyāmabhūdrājākathitaḥpūrvamevahi bhadrasenasyaputrastudurdamonāmadhārmikaḥ ### [1.12.104](https://indike.org/pramana/in.purana.padma.1.12.104) durdamasyasutobhīmodhanakonāmavīryavān dhanakasyasutāhyāsancatvārolokaviśrutāḥ ### [1.12.105](https://indike.org/pramana/in.purana.padma.1.12.105) kṛtāgniḥkṛtavīryaścakṛtadharmātathaivaca kṛtaujāścacaturthobhūtkṛtavīryāccasorjunaḥ ### [1.12.106](https://indike.org/pramana/in.purana.padma.1.12.106) jātobāhusahasreṇasaptadvīpeśvaronṛpaḥ varṣāyutaṃtapastepeduścaraṃpṛthivīpatiḥ ### [1.12.107](https://indike.org/pramana/in.purana.padma.1.12.107) dattamārādhayāmāsakārttavīryotrisaṃbhavam tasmaidattovarānprādāccaturaḥpuruṣottamaḥ ### [1.12.108](https://indike.org/pramana/in.purana.padma.1.12.108) pūrvaṃbāhusahasraṃtusavavrerājasattamaḥ adharmaṃdhyāyamānasyabhītiścāpinivāraṇam ### [1.12.109](https://indike.org/pramana/in.purana.padma.1.12.109) yuddhenapṛthivīṃjitvādharmeṇāvāpyavaibalam saṃgrāmevartamānasyavadhaścaivādhikādbhavet ### [1.12.110](https://indike.org/pramana/in.purana.padma.1.12.110) eteneyaṃvasumatīsaptadvīpāsapattanā saptodadhiparikṣiptākṣātreṇavidhinājitā ### [1.12.111](https://indike.org/pramana/in.purana.padma.1.12.111) jajñebāhusahasraṃcaicchatastasyadhīmataḥ sarveyajñāmahābāhostasyāsanbhūridakṣiṇāḥ ### [1.12.112](https://indike.org/pramana/in.purana.padma.1.12.112) sarvekāṃcanayūpāstesarvekāṃcanavedikāḥ sarvedevaiścasaṃprāptāvimānasthairalaṃkṛtaiḥ ### [1.12.113](https://indike.org/pramana/in.purana.padma.1.12.113) gaṃdharvairapsarobhiścanityamevāpisevitāḥ yasyayajñejagaugāthāgaṃdhaṃrvonāradastathā ### [1.12.14-2](https://indike.org/pramana/in.purana.padma.1.12.14-2) kārttavīryasyarājarṣermahimānaṃnirīkṣyasaḥ nanūnaṃkārttavīryasyagatiṃyāsyaṃtipārthivāḥ ### [1.12.115](https://indike.org/pramana/in.purana.padma.1.12.115) yajñairdānaistapobhiścavikrameṇaśrutenaca saptadvīpānanucaranvegenapavanopamaḥ ### [1.12.116](https://indike.org/pramana/in.purana.padma.1.12.116) paṃcāśītisahasrāṇivarṣāṇāṃcanarādhipaḥ saptadvīpapṛthivyāścacakravartībabhūvaha ### [1.12.117](https://indike.org/pramana/in.purana.padma.1.12.117) saevapaśupālobhūtkṣetrapālaḥsaevahi saevavṛṣṭyāparjanyoyogitvādarjunobhavat ### [1.12.118](https://indike.org/pramana/in.purana.padma.1.12.118) yosaubāhusahasreṇajyāghātakaṭhinatvacā bhātiraśmisahasreṇaśāradenevabhāskaraḥ ### [1.12.119](https://indike.org/pramana/in.purana.padma.1.12.119) eṣanāmamanuṣyeṣumāhiṣmatyāṃmahādyutiḥ eṣavegaṃsamudrasyaprāvṛṭkālebhajetavai ### [1.12.120](https://indike.org/pramana/in.purana.padma.1.12.120) krīḍatesvasukhāyevipratisrotomahīpatiḥ lalanāḥkrīḍatātenapratibaddhormimālinī ### [1.12.121](https://indike.org/pramana/in.purana.padma.1.12.121) ūrmibhrukuṭimālāsāśaṃkitābhyetinarmadā eṣaevamanorvaṃśetvavagāhenmahārṇavam ### [1.12.122](https://indike.org/pramana/in.purana.padma.1.12.122) kareṇoddhṛtyavegaṃtukāminīprīṇanenatu tasyabāhusahasreṇakṣobhyamāṇemahodadhau ### [1.12.123](https://indike.org/pramana/in.purana.padma.1.12.123) bhavaṃtilīnāniśceṣṭāḥpātālasthāmahāsurāḥ tadūrukṣobhacakitāamṛtotpādaśaṃkitāḥ ### [1.12.124](https://indike.org/pramana/in.purana.padma.1.12.124) natāniścalamūrddhānobhavaṃticamahoragāḥ eṣadhanvīcacikṣeparāvaṇaṃpratisāyakān ### [1.12.125](https://indike.org/pramana/in.purana.padma.1.12.125) eṣadhanvīdhanurgṛhyautsiktaṃpaṃcabhiḥśaraiḥ laṃkeśaṃmohayitvātusabalaṃrāvaṇaṃbalāt ### [1.12.126](https://indike.org/pramana/in.purana.padma.1.12.126) nirjityabaddhvātvānīyamāhiṣmatyāmbabaṃdhatam tatogatohaṃtasyāgrearjunaṃsaṃprasādayan ### [1.12.127](https://indike.org/pramana/in.purana.padma.1.12.127) mumocarājanpautraṃmesakhyaṃkṛtvācapārthivaḥ tasyabāhusahasrasyababhūvajyātalasvanaḥ ### [1.12.128](https://indike.org/pramana/in.purana.padma.1.12.128) yugāṃtāgneḥpravṛttasyayathājyātalaniḥsvanaḥ ahobalaṃvidhervīryaṃbhārgavaḥsayadācchinat ### [1.12.129](https://indike.org/pramana/in.purana.padma.1.12.129) mṛdhesahasraṃbāhūnāṃhematālavanaṃyathā yaṃvasiṣṭhastusaṃkruddhohyarjunaṃśaptavānvibhuḥ ### [1.12.130](https://indike.org/pramana/in.purana.padma.1.12.130) yasmādvanaṃpradagdhaṃteviśrutaṃmamahaihaya tasmātteduṣkṛtaṃkarmakṛtamanyohaniṣyati ### [1.12.131](https://indike.org/pramana/in.purana.padma.1.12.131) chitvābāhusahasraṃtepramathyatarasābalī tapasvībrāhmaṇastvāṃvaivadhiṣyatisabhārgavaḥ ### [1.12.132](https://indike.org/pramana/in.purana.padma.1.12.132) tasyarāmothahaṃtāsīnmuniśāpenadhīmataḥ tasyaputraśataṃtvāsītpaṃcatatramahārathāḥ ### [1.12.133](https://indike.org/pramana/in.purana.padma.1.12.133) kṛtāstrābalinaḥśūrādharmātmānomahābala śūrasenaścaśūraścadhṛṣṭovaikṛṣṇaevaca ### [1.12.134](https://indike.org/pramana/in.purana.padma.1.12.134) jayaddhvajaḥsavaikartāavantiścarasāpatiḥ jayadhvajasyaputrastutālajaṃghomahābalaḥ ### [1.12.135](https://indike.org/pramana/in.purana.padma.1.12.135) tasyaputrāśśatānyevatālajaṃghāitismṛtāḥ teṣāṃpaṃcakulānyāsanhaihayānāṃmahātmanām ### [1.12.136](https://indike.org/pramana/in.purana.padma.1.12.136) vītihotrāścasaṃjātābhojāścāvaṃtayastathā tuṃḍakerāścavikrāṃtāstālajaṃghāḥprakīrtitāḥ ### [1.12.137](https://indike.org/pramana/in.purana.padma.1.12.137) vītihotrasutaścāpianaṃtonāmavīryavān durjayastasyaputrastubabhūvāmitrakarṣaṇaḥ ### [1.12.138](https://indike.org/pramana/in.purana.padma.1.12.138) sadbhāvenamahārājaḥprajādharmeṇapālayan kārtavīryārjunonāmarājābāhusahasradhṛt ### [1.12.139](https://indike.org/pramana/in.purana.padma.1.12.139) yenasāgaraparyaṃtādhanuṣānirjitāmahī yastasyakīrtayennāmakalyamutthāyamānavaḥ ### [1.12.140](https://indike.org/pramana/in.purana.padma.1.12.140) natasyavittanāśaḥsyānnaṣṭaṃcalabhatepunaḥ kārtavīryasyayojanmakathayedihadhīmataḥ yathāyaṣṭāyathādātāsvargalokemahīyate ### [1.12.140.p1](https://indike.org/pramana/in.purana.padma.1.12.140.p1) iti śrīpādmapurāṇeprathamesṛṣṭikhaṃḍeyaduvaṃśakīrtanaṃnāmadvādaśo'dhyāyaḥ ## Linked texts (5) - [Matsyapurāṇa](https://indike.org/pramana/in.purana.matsya.23.1) — Vyāsa, Sanskrit - [Vāyupurāṇa](https://indike.org/pramana/in.purana.vayu.2.32.12) — Vyāsa, Sanskrit - [Brahmāṇḍapurāṇa](https://indike.org/pramana/in.purana.brahmanda.2.69.11) — Vyāsa, Sanskrit - [Brahmapurāṇa](https://indike.org/pramana/in.purana.brahma.13.163) — Vyāsa, Sanskrit - [Vratakhaṇḍa](https://indike.org/pramana/in.niti.dharma.vrata.vratakhanda.2.33-2) — Hemādri, Sanskrit --- Source: [https://indike.org/pramana/in.purana.padma.1.12](https://indike.org/pramana/in.purana.padma.1.12) · Pramāṇa