[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Padmapurana](https://indike.org/pramana/in.purana.padma) › 1.16 # Padmapurana 1.16: ṣoḍaśo'dhyāyaḥ Padmapurāṇa 1.16 - **Language:** Sanskrit ### ṣoḍaśo'dhyāyaḥ ### [1.16.1](https://indike.org/pramana/in.purana.padma.1.16.1) bhīṣmauvāca yadetatkathitaṃbrahmaṃstīrthamāhātmyamuttamam kamalasyābhipātenatīrthaṃjātaṃdharātale ### [1.16.2](https://indike.org/pramana/in.purana.padma.1.16.2) tatrasthenabhagavatāviṣṇunāśaṃkareṇaca yatkṛtaṃmuniśārdūlatatsarvaṃparikīrttaya ### [1.16.3](https://indike.org/pramana/in.purana.padma.1.16.3) kathaṃyajñohidevenavibhunātatrakāritaḥ kesadasyāṛtvijaścabrāhmaṇāḥkesamāgatāḥ ### [1.16.4](https://indike.org/pramana/in.purana.padma.1.16.4) kebhāgāstasyayajñasyakiṃdravyaṃkācadakṣiṇā kāvedīkiṃpramāṇaṃcakṛtaṃtatraviraṃcinā ### [1.16.5](https://indike.org/pramana/in.purana.padma.1.16.5) yoyājyaḥsarvadevānāṃvedaiḥsarvatrapaṭhyate kaṃcakāmamabhidhyāyanvedhāyajñaṃcakāraha ### [1.16.6](https://indike.org/pramana/in.purana.padma.1.16.6) yathāsaudevadeveśohyajaraścāmaraścaha tathācaivākṣayaḥsvargastasyadevasyadṛśyate ### [1.16.7](https://indike.org/pramana/in.purana.padma.1.16.7) anyeṣāṃcaivadevānāṃdattaḥsvargomahātmanā agnihotrārthamutpannāvedāoṣadhayastathā ### [1.16.8](https://indike.org/pramana/in.purana.padma.1.16.8) yecānyepaśavobhūmausarveteyajñakāraṇāt sṛṣṭābhagavatānenaityeṣāvaidikīśrutiḥ ### [1.16.9](https://indike.org/pramana/in.purana.padma.1.16.9) tadatrakautukaṃmahyaṃśrutvedaṃtavabhāṣitam yaṃkāmamadhikṛtyaikaṃyatphalaṃyāṃcabhāvanāṃ ### [1.16.10](https://indike.org/pramana/in.purana.padma.1.16.10) kṛtaścānenavaiyajñaḥsarvaṃśaṃsitumarhasi śatarūpācayānārīsāvitrīsātvihocyate ### [1.16.11](https://indike.org/pramana/in.purana.padma.1.16.11) bhāryāsābrahmaṇaḥproktāḥṛṣīṇāṃjananīcasā pulastyādyānmunīnsaptadakṣādyāṃstuprajāpatīn ### [1.16.12](https://indike.org/pramana/in.purana.padma.1.16.12) svāyaṃbhuvādīṃścamanūnsāvitrīsamajījanat dharmapatnīṃtutāṃbrahmāputriṇīṃbrahmaṇaḥpriyaḥ ### [1.16.13](https://indike.org/pramana/in.purana.padma.1.16.13) pativratāṃmahābhāgāṃsuvratāṃcāruhāsinīṃ kathaṃsatīṃparityajyabhāryāmanyāmaviṃdata ### [1.16.14](https://indike.org/pramana/in.purana.padma.1.16.14) kiṃnāmnīkiṃsamācarākasyasātanayāvibhoḥ kvasādṛṣṭāhidevenakenacāsyapradarśitā ### [1.16.15](https://indike.org/pramana/in.purana.padma.1.16.15) kiṃrūpāsātudeveśīdṛṣṭācittavimohinī yāṃtudṛṣṭvāsadeveśaḥkāmasyavaśameyivān ### [1.16.16](https://indike.org/pramana/in.purana.padma.1.16.16) varṇatorūpataścaivasāvitryāstvadhikāmune yāmohitavatīdevaṃsarvalokeśvaraṃvibhum ### [1.16.17](https://indike.org/pramana/in.purana.padma.1.16.17) yathāgṛhītavāndevonārīṃtāṃlokasuṃdarīṃ yathāpravṛttoyajñosautathāsarvaṃprakīrtaya ### [1.16.18](https://indike.org/pramana/in.purana.padma.1.16.18) tāṃdṛṣṭvābrahmaṇaḥpārśvesāvitrīkiṃcakāraha sāvitryāṃtutadābrahmākāṃtuvṛttimavarttata ### [1.16.19](https://indike.org/pramana/in.purana.padma.1.16.19) sannidhaukānivākyānisāvitrībrahmaṇātadā uktāpyuktavatībhūyaḥsarvaṃśaṃsitumarhasi ### [1.16.20](https://indike.org/pramana/in.purana.padma.1.16.20) kiṃkṛtaṃtatrayuṣmābhiḥkopovāthakṣamāpivā yatkṛtaṃtatrayaddṛṣṭaṃyattavoktaṃmayātviha ### [1.16.21](https://indike.org/pramana/in.purana.padma.1.16.21) vistareṇehasarvāṇikarmāṇiparameṣṭhinaḥ śrotumicchāmyaśeṣeṇavidheryajñavidhiṃparaṃ ### [1.16.22](https://indike.org/pramana/in.purana.padma.1.16.22) karmaṇāmānupūrvyaṃcaprāraṃbhohotramevaca hoturbhakṣoyathā'cāpiprathamākasyakāritā ### [1.16.23](https://indike.org/pramana/in.purana.padma.1.16.23) kathaṃcabhagavānviṣṇuḥsāhāyyaṃkenakīdṛśaṃ amarairvākṛtaṃyaccatadbhavānvaktumarhati ### [1.16.24](https://indike.org/pramana/in.purana.padma.1.16.24) devalokaṃparityajyakathaṃmartyamupāgataḥ gārhapatyaṃcavidhināanvāhāryaṃcadakṣiṇam ### [1.16.25](https://indike.org/pramana/in.purana.padma.1.16.25) agnimāhavanīyaṃcavedīṃcaivatathāsruvam prokṣaṇīyaṃsrucaṃcaivaāvabhṛthyaṃtathaivaca ### [1.16.26](https://indike.org/pramana/in.purana.padma.1.16.26) agnīṃstrīṃścayathācakrehavyabhāgavahānhivai havyādāṃścasurāṃścakrekavyādāṃścapitṝnapi ### [1.16.27](https://indike.org/pramana/in.purana.padma.1.16.27) bhāgārthaṃyajñavidhināyeyajñāyajñakarmaṇi yūpānsamitkuśaṃsomaṃpavitraṃparidhīnapi ### [1.16.28](https://indike.org/pramana/in.purana.padma.1.16.28) yajñiyānicadravyāṇiyathābrahmācakāraha vibabhrājapurāyaścapārameṣṭhyenakarmaṇā ### [1.16.29](https://indike.org/pramana/in.purana.padma.1.16.29) kṣaṇānimeṣāḥkāṣṭhāścakalāstraikālyamevaca muhūrtāstithayomāsādinaṃsaṃvatsarastathā ### [1.16.30](https://indike.org/pramana/in.purana.padma.1.16.30) ṛtavaḥkālayogāścapramāṇaṃtrividhaṃpurā āyuḥkṣetrāṇyapacayaṃlakṣaṇaṃrūpasauṣṭhavam ### [1.16.31](https://indike.org/pramana/in.purana.padma.1.16.31) trayovarṇāstrayolokāstraividyaṃpāvakāstrayaḥ traikālyaṃtrīṇikarmāṇitrayovarṇāstrayoguṇāḥ ### [1.16.32](https://indike.org/pramana/in.purana.padma.1.16.32) sṛṣṭālokāḥparāḥsraṣṭrāyecānyenalpacetasā yāgatirdharmayuktānāṃyāgatiḥpāpakarmaṇāṃ ### [1.16.33](https://indike.org/pramana/in.purana.padma.1.16.33) cāturvarṇyasyaprabhavaścāturvarṇyasyarakṣitā caturvidyasyayovettācaturāśramasaṃśrayaḥ ### [1.16.34](https://indike.org/pramana/in.purana.padma.1.16.34) yaḥparaṃśrūyatejyotiryaḥparaṃśrūyatetapaḥ yaḥparaṃparataḥprāhaparaṃyaḥparamātmavān ### [1.16.35](https://indike.org/pramana/in.purana.padma.1.16.35) seturyolokasetūnāṃmedhyoyomedhyakarmaṇām vedyoyovedaviduṣāṃyaḥprabhuḥprabhavātmanām ### [1.16.36](https://indike.org/pramana/in.purana.padma.1.16.36) asubhūtaścabhūtānāmagnibhūtognivarcasām manuṣyāṇāṃmanobhūtastapobhūtastapasvinām ### [1.16.37](https://indike.org/pramana/in.purana.padma.1.16.37) vinayonayavṛttīnāṃtejastejasvināmapi ityetatsarvamakhilānsṛjanlokapitāmahaḥ ### [1.16.38](https://indike.org/pramana/in.purana.padma.1.16.38) yajñādgatiṃkāmanvaicchatkathaṃyajñematiḥkṛtā eṣamesaṃśayobrahmanneṣamesaṃśayaḥparaḥ ### [1.16.39](https://indike.org/pramana/in.purana.padma.1.16.39) āścaryaḥparamobrahmādevairdaityaiścapaṭhyate karmaṇāścaryabhūtopitattvataḥsaihocyate ### [1.16.40](https://indike.org/pramana/in.purana.padma.1.16.40) pulastyauvāca praśnabhāromahāneṣatvayoktobrahmaṇaścayaḥ yathāśaktituvakṣyāmiśrūyatāṃtatparaṃyaśaḥ ### [1.16.41](https://indike.org/pramana/in.purana.padma.1.16.41) sahasrāsyaṃsahasrākṣaṃsahasracaraṇaṃcayam sahasraśravaṇaṃcaivasahasrakaramavyayam ### [1.16.42](https://indike.org/pramana/in.purana.padma.1.16.42) sahasrajihvaṃsāhasraṃsahasraparamaṃprabhuṃ sahasradaṃsahasrādiṃsahasrabhujamavyayam ### [1.16.43](https://indike.org/pramana/in.purana.padma.1.16.43) havanaṃsavanaṃcaivahavyaṃhotāramevaca pātrāṇicapavitrāṇivedīṃdīkṣāṃcaruṃsruvam ### [1.16.44](https://indike.org/pramana/in.purana.padma.1.16.44) sruksomamavabhṛccaivaprokṣaṇīṃdakṣiṇādhanam addhvaryuṃsāmagaṃvipraṃsadasyānsadanaṃsadaḥ ### [1.16.45](https://indike.org/pramana/in.purana.padma.1.16.45) yūpaṃsamitkuśaṃdarvīcamasolūkhalānica prāgvaṃśaṃyajñabhūmiṃcahotāraṃbandhanaṃcayat ### [1.16.46](https://indike.org/pramana/in.purana.padma.1.16.46) hrasvānyatipramāṇānipramāṇasthāvarāṇica prāyaścittānivājāścasthaṃḍilānikuśāstathā ### [1.16.47](https://indike.org/pramana/in.purana.padma.1.16.47) maṃtraṃyajñaṃcahavanaṃvahnibhāgaṃbhavaṃcayaṃ agrebhujaṃhomabhujaṃśubhārciṣamudāyudhaṃ ### [1.16.48](https://indike.org/pramana/in.purana.padma.1.16.48) āhurvedavidoviprāyoyajñaḥśāśvataḥprabhuḥ yāṃpṛchasimahārājapuṇyāṃdivyāmimāṃkathāṃ ### [1.16.49](https://indike.org/pramana/in.purana.padma.1.16.49) yadarthaṃbhagavānbrahmābhūmauyajñamathākarot hitārthaṃsuramartyānāṃlokānāṃprabhavāyaca ### [1.16.50](https://indike.org/pramana/in.purana.padma.1.16.50) brahmāthakapilaścaivaparameṣṭhītathaivaca devāḥsaptarṣayaścaivatryaṃbakaścamahāyaśāḥ ### [1.16.51](https://indike.org/pramana/in.purana.padma.1.16.51) sanatkumāraścamahānubhāvomanurmahātmābhagavānprajāpatiḥ purāṇadevothatathāpracakrepradīptavaiśvānaratulyatejāḥ ### [1.16.52](https://indike.org/pramana/in.purana.padma.1.16.52) purākamalajātasyasvapatastasyakoṭare puṣkareyatrasaṃbhūtādevāṛṣigaṇāstathā ### [1.16.53](https://indike.org/pramana/in.purana.padma.1.16.53) eṣapauṣkarakonāmaprādurbhāvomahātmanaḥ purāṇaṃkathyateyatravedasmṛtisusaṃhitaṃ ### [1.16.54](https://indike.org/pramana/in.purana.padma.1.16.54) varāhastuśrutimukhaḥprādurbhūtoviriṃcinaḥ sahāyārthaṃsuraśreṣṭhovārāhaṃrūpamāsthitaḥ ### [1.16.55](https://indike.org/pramana/in.purana.padma.1.16.55) vistīrṇaṃpuṣkarekṛtvātīrthaṃkokāmukhaṃhitat vedapādoyūpadaṃṣṭraḥkratuhastaścitīmukhaḥ ### [1.16.56](https://indike.org/pramana/in.purana.padma.1.16.56) agnijihvodarbharomābrahmaśīrṣomahātapāḥ ahorātrekṣaṇodivyovedāṃgaḥśrutibhūṣaṇaḥ ### [1.16.57](https://indike.org/pramana/in.purana.padma.1.16.57) ājyanāsaḥsruvatuṃḍaḥsāmaghoṣasvanomahān satyadharmamayaḥ śrīmānkarmavikramasatkṛtaḥ ### [1.16.58](https://indike.org/pramana/in.purana.padma.1.16.58) prāyaścittanakhodhīraḥpaśujānurmakhākṛtiḥ udgātrāṃtrohomaligophalabījamahauṣadhiḥ ### [1.16.59](https://indike.org/pramana/in.purana.padma.1.16.59) vāyvaṃtarātmāmaṃtrāsthirāpasphiksomaśoṇitaḥ vedaskaṃdhohavirgaṃdhohavyakavyātivegavān ### [1.16.60](https://indike.org/pramana/in.purana.padma.1.16.60) prāgvaṃśakāyodyutimānnānādīkṣābhirarcitaḥ dakṣiṇāhṛdayoyogīmahāsatramayomahān ### [1.16.61](https://indike.org/pramana/in.purana.padma.1.16.61) upākarmeṣṭiruciraḥpravargyāvartabhūṣaṇaḥ chāyāpatnīsahāyovaimaṇiśṛṃgamivocchritaḥ ### [1.16.62](https://indike.org/pramana/in.purana.padma.1.16.62) sarvalokahitātmāyodaṃṣṭrayābhyujjahāragām tataḥsvasthānamānīyapṛthivīṃpṛthivīdharaḥ ### [1.16.63](https://indike.org/pramana/in.purana.padma.1.16.63) tatojagāmanirvāṇaṃpṛthivīdhāraṇāddhariḥ evamādivarāheṇadhṛtvābrahmahitārthinā ### [1.16.64](https://indike.org/pramana/in.purana.padma.1.16.64) uddhṛtāpuṣkarepṛthvīsāgarāṃbugatāpurā vṛtaḥśamadamābhyāṃyodivyekokāmukhesthitaḥ ### [1.16.65](https://indike.org/pramana/in.purana.padma.1.16.65) ādityairvasubhiḥsādhyairmarudbhirdaivataiḥsaha rudrairviśvasahāyaiścayakṣarākṣasakinnaraiḥ ### [1.16.66](https://indike.org/pramana/in.purana.padma.1.16.66) digbhirvidigbhiḥ pṛthivīnadībhiḥ sahasāgaraiḥ carācaraguruḥśrīmānbrahmābrahmavidāṃvaraḥ ### [1.16.67](https://indike.org/pramana/in.purana.padma.1.16.67) uvācavacanaṃkokāmukhaṃtīrthaṃtvayāvibho pālanīyaṃsadāgopyaṃrakṣākāryāmakhetviha ### [1.16.68](https://indike.org/pramana/in.purana.padma.1.16.68) evaṃkariṣyebhagavaṃstadābrahmāṇamuktavān uvāca taṃpunarbrahmāviṣṇuṃdevaṃpuraḥsthitam ### [1.16.69](https://indike.org/pramana/in.purana.padma.1.16.69) tvaṃhimeparamodevastvaṃhimeparamoguruḥ tvaṃhimeparamaṃdhāmaśakrādīnāṃsurottama ### [1.16.70](https://indike.org/pramana/in.purana.padma.1.16.70) utphullāmalapadmākṣaśatrupakṣakṣayāvaha yathāyajñenamedhvaṃsodānavaiścavidhīyate ### [1.16.71](https://indike.org/pramana/in.purana.padma.1.16.71) tathātvayāvidhātavyaṃpraṇatasyanamostute viṣṇuruvāca bhayaṃtyajasvadeveśakṣayaṃneṣyāmidānavān ### [1.16.72](https://indike.org/pramana/in.purana.padma.1.16.72) yecāntevighnakartāroyātudhānāstathāsurāḥ ghātayiṣyāmyahaṃsarvānsvastitiṣṭhapitāmaha ### [1.16.73](https://indike.org/pramana/in.purana.padma.1.16.73) evamuktvāsthitastatrasāhāyyenakṛtakṣaṇaḥ pravavuścaśivāvātāḥprasannāścadiśodaśa ### [1.16.74](https://indike.org/pramana/in.purana.padma.1.16.74) suprabhāṇicajyotīṃṣicaṃdraṃcakruḥpradakṣiṇam navigrahaṃgrahāścakruḥ praseduścāpisiṃdhavaḥ ### [1.16.75](https://indike.org/pramana/in.purana.padma.1.16.75) nīrajaskābhūmirāsītsakalāhrādadāstvapaḥ jagmuḥ svamārgaṃsaritonāpicukṣubhurarṇavāḥ ### [1.16.76](https://indike.org/pramana/in.purana.padma.1.16.76) āsanśubhānīṃdriyāṇinarāṇāmaṃtarātmanām maharṣayovītaśokāvedānuccairavācayan ### [1.16.77](https://indike.org/pramana/in.purana.padma.1.16.77) yajñetasminhaviḥpākeśivāāsaṃścapāvakāḥ pravṛttadharmasadvṛttālokāmuditamānasāḥ ### [1.16.78](https://indike.org/pramana/in.purana.padma.1.16.78) viṣṇoḥsatyapratijñasyaśrutvārinidhanāgiraḥ tatodevāḥsamāyātādānavārākṣasaissaha ### [1.16.79](https://indike.org/pramana/in.purana.padma.1.16.79) bhūtapretapiśācāścasarvetatrāgatāḥkramāt gaṃdharvāpsarasaścaivanāgāvidyādharāgaṇāḥ ### [1.16.80](https://indike.org/pramana/in.purana.padma.1.16.80) vānaspatyāścauṣadhayoyaccehedyaccanehati brahmādeśānmārutenaānītāḥsarvatodiśaḥ ### [1.16.81](https://indike.org/pramana/in.purana.padma.1.16.81) yajñaparvatamāsādyadakṣiṇāmabhitodiśam surāuttarataḥ sarvemaryādāparvatesthitāḥ ### [1.16.82](https://indike.org/pramana/in.purana.padma.1.16.82) gaṃdharvāpsarasaścaivamunayovedapāragāḥ paścimāṃdiśamāsthāyasthitāstatramahākratau ### [1.16.83](https://indike.org/pramana/in.purana.padma.1.16.83) sarvedevanikāyāścadānavāścāsurāgaṇāḥ amarṣaṃpṛṣṭhataḥkṛtvāsuprītāsteparasparam ### [1.16.84](https://indike.org/pramana/in.purana.padma.1.16.84) ṛṣīnparyacaransarveśuśrūṣanbrāhmaṇāṃstathā ṛṣayobrahmarṣayaścadvijādevarṣayastathā ### [1.16.85](https://indike.org/pramana/in.purana.padma.1.16.85) rājarṣayomukhyatamāssamāyātāḥsamaṃtataḥ katamaścasuropyatrakratauyājyobhaviṣyati ### [1.16.86](https://indike.org/pramana/in.purana.padma.1.16.86) paśavaḥpakṣiṇaścaivatatrayātādidṛkṣavaḥ brāhmaṇābhoktukāmāścasarvevarṇānupūrvaśaḥ ### [1.16.87](https://indike.org/pramana/in.purana.padma.1.16.87) svayaṃcavaruṇoratnaṃdakṣaścānnaṃsvayaṃdadau āgatyavaruṇolokātpakvaṃcānnaṃsvatopacat ### [1.16.88](https://indike.org/pramana/in.purana.padma.1.16.88) vāyurbhakṣavikārāṃścarasapācīdivākaraḥ annapācanakṛtsomomatidātābṛhaspatiḥ ### [1.16.89](https://indike.org/pramana/in.purana.padma.1.16.89) dhanadānaṃdhanādhyakṣovastrāṇivividhānica sarasvatīnadādhyakṣogaṃgādevīsanarmadā ### [1.16.90](https://indike.org/pramana/in.purana.padma.1.16.90) yāścānyāḥsaritaḥpuṇyāḥkūpāścaivajalāśayāḥ palvalānitaṭākānikuṃḍānivividhānica ### [1.16.91](https://indike.org/pramana/in.purana.padma.1.16.91) prasravāṇicamukhyānidevakhātānyanekaśaḥ jalāśayānisarvāṇisamudrāḥsaptasaṃkhyakāḥ ### [1.16.92](https://indike.org/pramana/in.purana.padma.1.16.92) lavaṇekṣusurāsarpirdadhidugdhajalaiḥsamam saptalokāḥsapātālāḥsaptadvīpāḥsapattanāḥ ### [1.16.93](https://indike.org/pramana/in.purana.padma.1.16.93) vṛkṣāvallyaḥsatṛṇāniśākānicaphalānica pṛthivīvāyurākāśamāpojyotiścapaṃcamam ### [1.16.94](https://indike.org/pramana/in.purana.padma.1.16.94) savigrahāṇibhūtānidharmaśāstrāṇiyānica vedabhāṣyāṇisūtrāṇibrahmaṇānirmitaṃcayat ### [1.16.95](https://indike.org/pramana/in.purana.padma.1.16.95) amūrtaṃmūrtamatyantaṃmūrtadṛśyaṃtathākhilam evaṃkṛtetathāsmiṃstuyajñepaitāmahetadā ### [1.16.96](https://indike.org/pramana/in.purana.padma.1.16.96) devānāṃsaṃnidhautatraṛṣibhiścasamāgame brahmaṇodakṣiṇepārśvesthitoviṣṇuḥsanātanaḥ ### [1.16.97](https://indike.org/pramana/in.purana.padma.1.16.97) vāmapārśvesthitorudraḥpinākīvaradaḥprabhuḥ ṛtvijāṃcāpivaraṇaṃkṛtaṃtatramahātmanā ### [1.16.98](https://indike.org/pramana/in.purana.padma.1.16.98) bhṛgurhotāvṛtastatrapulastyodhvaryyusattamaḥ tatrodgātāmarīcistubrahmāvaināradaḥkṛtaḥ ### [1.16.99](https://indike.org/pramana/in.purana.padma.1.16.99) sanatkumārādayoyesadasyāstatratebhavan prajāpatayodakṣādyāvarṇābrāhmaṇapūrvakāḥ ### [1.16.100](https://indike.org/pramana/in.purana.padma.1.16.100) brahmaṇaścasamīpetukṛtāṛtvigvikalpanā vastrairābharaṇairyuktāḥkṛtāvaiśravaṇenate ### [1.16.101](https://indike.org/pramana/in.purana.padma.1.16.101) aṃgulīyaiḥsakaṭakairmakuṭairbhūṣitādvijāḥ catvārodvaudaśānyecataṣoḍaśartvijaḥ ### [1.16.102](https://indike.org/pramana/in.purana.padma.1.16.102) brahmaṇā pūjitāḥsarvepraṇipātapuraḥsaram anugrāhyobhavadbhistusarvairasminkratāviha ### [1.16.103](https://indike.org/pramana/in.purana.padma.1.16.103) patnīmamaiṣāsāvitrīyūyaṃmeśaraṇaṃdvijāḥ viśvakarmāṇamāhūyabrahmaṇaḥśīrṣamuṃḍanaṃ ### [1.16.104](https://indike.org/pramana/in.purana.padma.1.16.104) yajñetuvihitaṃtasyakāritaṃdvijasattamaiḥ ātaseyānivastrāṇidaṃpatyarthetathādvijaiḥ ### [1.16.105](https://indike.org/pramana/in.purana.padma.1.16.105) brahmaghoṣeṇateviprānādayānāstriviṣṭapam pālayaṃtojagaccedaṃkṣatriyāḥsāyudhāḥsthitāḥ ### [1.16.106](https://indike.org/pramana/in.purana.padma.1.16.106) bhakṣyaprakārānvividhinvaiśyāstatrapracakrire rasabāhulyayuktaṃcabhakṣyaṃbhojyaṃkṛtaṃtataḥ ### [1.16.107](https://indike.org/pramana/in.purana.padma.1.16.107) aśrutaṃprāgadṛṣṭaṃcadṛṣṭvātuṣṭaḥprajāpatiḥ prāgvāṭetidadaunāmavaiśyānāṃsṛṣṭikṛdvibhuḥ ### [1.16.108](https://indike.org/pramana/in.purana.padma.1.16.108) dvijānāṃpādaśuśrūṣāśūdraiḥkāryāsadātviha pādaprakṣālanaṃbhojyamucchiṣṭasyapramārjanaṃ ### [1.16.109](https://indike.org/pramana/in.purana.padma.1.16.109) tepicakrustadātatratebhyobhūyaḥpitāmahaḥ śūśrūṣārthaṃmayāyūyaṃturīyetupadekṛtāḥ ### [1.16.110](https://indike.org/pramana/in.purana.padma.1.16.110) dvijānāṃkṣatrabandhūnāṃbandhūnāṃcabhavadvidhaiḥ tribhyaśśuśrūṣaṇākāryetyuktvābrahmātathā'karot ### [1.16.111](https://indike.org/pramana/in.purana.padma.1.16.111) dvārādhyakṣaṃtathāśakraṃvaruṇaṃrasadāyakam vittapradaṃvaiśravaṇaṃpavanaṃgaṃdhadāyinam ### [1.16.112](https://indike.org/pramana/in.purana.padma.1.16.112) udyotakāriṇaṃsūryaṃprabhutvemādhavaḥsthitaḥ somaḥsomapradasteṣāṃvāmapakṣapathāśritaḥ ### [1.16.113](https://indike.org/pramana/in.purana.padma.1.16.113) susatkṛtācapatnīsāsavitrīcavarāṃganā adhvaryuṇāsamāhūtāehidevitvarānvitā ### [1.16.114](https://indike.org/pramana/in.purana.padma.1.16.114) utthitāścāgnayaḥsarvedīkṣākālaupāgataḥ vyagrāsākāryakaraṇestrīsvabhāvenanāgatā ### [1.16.115](https://indike.org/pramana/in.purana.padma.1.16.115) ihavainakṛtaṃkiṃciddvārevaimaṃḍanaṃmayā bhittyāṃvaicitrakarmāṇisvastikaṃprāṃgaṇenatu ### [1.16.116](https://indike.org/pramana/in.purana.padma.1.16.116) prakṣālanaṃcabhāṃḍānāṃnakṛtaṃkimapitviha lakṣmīradyāpināyātāpatnīnārāyaṇasyayā ### [1.16.117](https://indike.org/pramana/in.purana.padma.1.16.117) agneḥpatnītathāsvāhādhūmrorṇātuyamasyatu vāruṇīvaitathāgaurīvāyorvaisuprabhātathā ### [1.16.119](https://indike.org/pramana/in.purana.padma.1.16.119) ṛddhirvaiśravaṇībhāryāśambhorgaurījagatpriyā medhāśraddhāvibhūtiścaanasūyādhṛtiḥkṣamā ### [1.16.120](https://indike.org/pramana/in.purana.padma.1.16.120) gaṃgāsarasvatīcaivanādyāyātāścakanyakāḥ iṃdrāṇīcaṃdrapatnīturohiṇīśaśinaḥpriyāḥ ### [1.16.121](https://indike.org/pramana/in.purana.padma.1.16.121) aruṃdhatīvasiṣṭhasyasaptarṣīṇāṃcayāḥstriyaḥ anasūyātripatnīcatathānyāḥpramadāiha ### [1.16.122](https://indike.org/pramana/in.purana.padma.1.16.122) vadhvoduhitaraścaivasakhyobhaginikāstathā nādyāgatāstutāḥsarvāahaṃtāvatsthitāciraṃ ### [1.16.123](https://indike.org/pramana/in.purana.padma.1.16.123) nāhamekākinīyāsyeyāvannāyāṃtitāstriyaḥ brūhigatvāviraṃciṃtutiṣṭhatāvanmuhūrtakam ### [1.16.124](https://indike.org/pramana/in.purana.padma.1.16.124) sarvābhiḥsahitācāhamāgacchāmitvarānvitā sarvaiḥparivṛtaḥśobhāṃdevaiḥsahamahāmate ### [1.16.125](https://indike.org/pramana/in.purana.padma.1.16.125) bhavānprāpnotiparamāṃtathāhaṃtunasaṃśayaḥ vadamānāṃtathādhvaryustyaktvābrahmāṇamāgataḥ ### [1.16.126](https://indike.org/pramana/in.purana.padma.1.16.126) sāvitrīvyākulādevaprasaktāgṛhakarmāṇi sakhyonābhyāgatāyāvattāvannāgamanaṃmama ### [1.16.127](https://indike.org/pramana/in.purana.padma.1.16.127) evamuktosmivaidevakālaścāpyativarttate yattedyarucitaṃtāvattatkuruṣvapitāmaha ### [1.16.128](https://indike.org/pramana/in.purana.padma.1.16.128) evamuktastadābrahmākiṃcitkopasamanvitaḥ patnīṃcānyāṃmadarthevaiśīghraṃśakraihānaya ### [1.16.129](https://indike.org/pramana/in.purana.padma.1.16.129) yathāpravartateyajñaḥkālahīnonajāyate tathāśīghraṃvidhitsvatvaṃnārīṃkāṃcidupānaya ### [1.16.130](https://indike.org/pramana/in.purana.padma.1.16.130) yāvadyajñasamāptirmevarṇetvāṃmākṛthāmanaḥ bhūyopitāṃpramokṣyāmisamāptautukratoriha ### [1.16.131](https://indike.org/pramana/in.purana.padma.1.16.131) evamuktastadāśakrogatvāsarvaṃdharātalaṃ striyodṛṣṭāścayāstenasarvāḥparaparigrahāḥ ### [1.16.132](https://indike.org/pramana/in.purana.padma.1.16.132) ābhīrakanyārūpāḍhyāsunāsācārulocanā nadevīnacagaṃdharvīnāsurīnacapannagī ### [1.16.133](https://indike.org/pramana/in.purana.padma.1.16.133) nacāstitādṛśīkanyāyādṛśīsāvarāṃganā dadarśatāṃsucārvaṃgīṃśriyaṃdevīmivāparām ### [1.16.134](https://indike.org/pramana/in.purana.padma.1.16.134) saṃkṣipantīṃmanovṛttivibhavaṃrūpasaṃpadā yadyattuvastusauṃdaryādviśiṣṭaṃlabhyatekvacit ### [1.16.135](https://indike.org/pramana/in.purana.padma.1.16.135) tattaccharīrasaṃlagnaṃtanvaṃgyādadṛśevaram tāṃdṛṣṭvāciṃtayāmāsayadyeṣākanyakābhavet ### [1.16.136](https://indike.org/pramana/in.purana.padma.1.16.136) tanmattaḥkṛtapuṇyonyonadevobhuvividyate yoṣidratnamidaṃseyaṃsadbhāgyāyāṃpitāmahaḥ ### [1.16.137](https://indike.org/pramana/in.purana.padma.1.16.137) sarāgoyadivāsyāttusaphalastveṣameśramaḥ nīlābhrakanakāṃbhojavidrumābhāṃdadarśatāṃ ### [1.16.138](https://indike.org/pramana/in.purana.padma.1.16.138) tviṣaṃsaṃbibhratīmaṃgaiḥkeśagaṃḍekṣaṇādharaiḥ manmathāśokavṛkṣasyaprodbhinnāṃkalikāmiva ### [1.16.139](https://indike.org/pramana/in.purana.padma.1.16.139) pradagdhahṛcchayenaivanetravahniśikhotkaraiḥ dhātrākathaṃhisāsṛṣṭāpratirūpamapaśyatā ### [1.16.140](https://indike.org/pramana/in.purana.padma.1.16.140) kalpitācetsvayaṃbudhyānaipuṇyasyagatiḥparā uttuṃgāgrāvimausṛṣṭauyanmesaṃpaśyataḥsukhaṃ ### [1.16.141](https://indike.org/pramana/in.purana.padma.1.16.141) payodharaunāticitraṃkasyasaṃjāyatehṛdi rāgopahatadehoyamadharoyadyapisphuṭam ### [1.16.142](https://indike.org/pramana/in.purana.padma.1.16.142) tathāpisevamānasyanirvāṇaṃsaṃprayacchati vahadbhirapikauṭilyamalakaiḥsukhamarpyate ### [1.16.143](https://indike.org/pramana/in.purana.padma.1.16.143) doṣopiguṇavadbhātibhūrisauṃdaryamāśritaḥ netrayorbhūṣitāvaṃtāvākarṇābhyāśamāgatau ### [1.16.144](https://indike.org/pramana/in.purana.padma.1.16.144) kāraṇādbhāvacaitanyaṃpravadaṃtihitadvidaḥ karṇayorbhūṣaṇenetrenetrayoḥśravaṇāvimau ### [1.16.145](https://indike.org/pramana/in.purana.padma.1.16.145) kuṃḍalāṃjanayoratranāvakāśostikaścana natadyuktaṃkaṭākṣāṇāṃyaddvidhākaraṇaṃhṛdi ### [1.16.146](https://indike.org/pramana/in.purana.padma.1.16.146) tavasaṃbaṃdhinoye'trakathaṃteduḥkhabhāginaḥ sarvasuṃdaratāmetivikāraḥprākṛtairguṇaiḥ ### [1.16.147](https://indike.org/pramana/in.purana.padma.1.16.147) vṛddhekṣaṇaśatānāṃtudṛṣṭameṣāmayādhanam dhātrākauśalyasīmeyaṃrūpotpattausudarśitā ### [1.16.148](https://indike.org/pramana/in.purana.padma.1.16.148) karotyeṣāmanonṝṇāṃsasnehaṃkṛtivibhramaiḥ evaṃvimṛśatastasyatadrūpāpahṛtatviṣaḥ ### [1.16.149](https://indike.org/pramana/in.purana.padma.1.16.149) niraṃtarodgataiśchannamabhavatpulakairvapuḥ tāṃvīkṣyanavahemābhāṃpadmapatrāyatekṣaṇām ### [1.16.150](https://indike.org/pramana/in.purana.padma.1.16.150) devānāmathayakṣāṇāṃgaṃdharvoragarakṣasām nānādṛṣṭāmayānāryonedṛśīrūpasaṃpadā ### [1.16.151](https://indike.org/pramana/in.purana.padma.1.16.151) trailokyāṃtargataṃyadyadvastutattatpradhānataḥ samādāyavidhātrāsyāḥkṛtārūpasyasaṃsthitiḥ ### [1.16.152](https://indike.org/pramana/in.purana.padma.1.16.152) iṃdrauvāca kāsikasyakutaścatvamāgatāsubhrukathyatām ekākinīkimarthaṃcavīthīmadhyeṣutiṣṭhasi ### [1.16.153](https://indike.org/pramana/in.purana.padma.1.16.153) yānyetānyaṃgasaṃsthānibhūṣaṇānivibharṣica naitānitavabhūṣāyaitvameteṣāṃhibhūṣaṇam ### [1.16.154](https://indike.org/pramana/in.purana.padma.1.16.154) nadevīnacagaṃdharvīnāsurīnacapannagī kinnarīdṛṣṭapūrvāvāyādṛśītvaṃsulocane ### [1.16.155](https://indike.org/pramana/in.purana.padma.1.16.155) uktāmayāpibahuśaḥkasmāddatsehinottaram trapānvitātusākanyāśakraṃprovācavepatī ### [1.16.156](https://indike.org/pramana/in.purana.padma.1.16.156) gopakanyātvahaṃvīravikrīṇāmīhagorasam navanītamidaṃśuddhaṃdadhicedaṃvimaṃḍakam ### [1.16.157](https://indike.org/pramana/in.purana.padma.1.16.157) dadhnācaivātratakreṇarasenāpiparaṃtapa arthīyenāsitadbrūhipragṛhṇīṣvayathepsitam ### [1.16.158](https://indike.org/pramana/in.purana.padma.1.16.158) evamuktastadāśakrogṛhītvātāṃkaredṛḍham anayattāṃviśālākṣīṃyatrabrahmāvyavasthitaḥ ### [1.16.159](https://indike.org/pramana/in.purana.padma.1.16.159) nīyamānātusātenakrośaṃtīpitṛmātarau hātātamātarhābhrātarnayatyeṣanarobalāt ### [1.16.160](https://indike.org/pramana/in.purana.padma.1.16.160) yadivāstimayākāryaṃpitaraṃmeprayācaya sadāsyatihimāṃnūnaṃbhavataḥsatyamucyate ### [1.16.161](https://indike.org/pramana/in.purana.padma.1.16.161) kāhinābhilaṣetkanyābhartāṃraṃbhaktivatsalam nādeyamapitekiṃcitpiturmedharmavatsala ### [1.16.162](https://indike.org/pramana/in.purana.padma.1.16.162) prasādayetaṃśirasāmāṃsatuṣṭaḥpradāsyati pituścittamavijñāyayadyātmānaṃdadāmite ### [1.16.163](https://indike.org/pramana/in.purana.padma.1.16.163) dharmohivipulonaśyettenatvāṃnaprasādaye bhaviṣyāmivaśetubhyaṃyaditātaḥpradāsyati ### [1.16.164](https://indike.org/pramana/in.purana.padma.1.16.164) itthamābhāṣyamāṇastutadāśakronayaccatām brahmaṇaḥpurataḥsthāpyaprāhāsyārthemayābale ### [1.16.165](https://indike.org/pramana/in.purana.padma.1.16.165) ānītāsiviśālākṣimāśucovaravarṇini gopakanyāmasaudṛṣṭvāgauravarṇāṃmahādyutim ### [1.16.166](https://indike.org/pramana/in.purana.padma.1.16.166) kamalāmevatāṃmenepuṃḍarīkanibhekṣaṇām taptakāṃcanasadbhittisadṛśāpīnavakṣasam ### [1.16.167](https://indike.org/pramana/in.purana.padma.1.16.167) mattebhahastavṛttoruṃraktottuṃganakhatviṣaṃ taṃdṛṣṭvā'manyatātmānaṃsāpimanmanathacaram ### [1.16.168](https://indike.org/pramana/in.purana.padma.1.16.168) tatprāptihetukadhiyāgatacittevalakṣyate prabhutvamātmanodānegopakanyāpyamanyata ### [1.16.169](https://indike.org/pramana/in.purana.padma.1.16.169) yadyeṣamāṃsurūpatvādicchatyādātumāgrahāt nāstisīmaṃtinīkācinmattodhanyatarābhuvi ### [1.16.170](https://indike.org/pramana/in.purana.padma.1.16.170) anenāhaṃsamānītāyaccakṣurgocaraṃgatā asyatyāgebhavenmṛtyuratyāgejīvitaṃsukham ### [1.16.171](https://indike.org/pramana/in.purana.padma.1.16.171) bhaveyamapamānāccadhigrūpāduḥkhadāyinī dṛśyatecakṣuṣānenayāpiyoṣitprasādataḥ ### [1.16.172](https://indike.org/pramana/in.purana.padma.1.16.172) sāpidhanyānasaṃdehaḥkiṃpunaryāṃpariṣvajet jagadrūpamaśeṣaṃhipṛthaksaṃcāramāśritam ### [1.16.173](https://indike.org/pramana/in.purana.padma.1.16.173) lāvaṇyaṃtadihaikasthaṃdarśitaṃviśvayoninā asyopamāsmaraḥsādhvīmanmathasyatviṣopamā ### [1.16.174](https://indike.org/pramana/in.purana.padma.1.16.174) tiraskṛtastuśokoyaṃpitāmātānakāraṇam yadimāṃnaiṣaādattesvalpaṃmayinabhāṣate ### [1.16.175](https://indike.org/pramana/in.purana.padma.1.16.175) asyānusmaraṇānmṛtyuḥprabhaviṣyatiśokajaḥ anāgasicapatnyāṃtukṣipraṃyāteyamīdṛśī ### [1.16.176](https://indike.org/pramana/in.purana.padma.1.16.176) kucayormaṇiśobhāyaiśuddhāmbujasamadyutiḥ mukhamasyaprapaśyaṃtyāmanomedhyānamāgatam ### [1.16.177](https://indike.org/pramana/in.purana.padma.1.16.177) asyāṃgasparśasaṃyogānnacettvaṃbahumanyase spṛśannaṭasitarhinatvaṃśarīraṃvitarthaḥparam ### [1.16.178](https://indike.org/pramana/in.purana.padma.1.16.178) athavāsyanadoṣostiyadṛcchācārakohyasi muṣitaḥsmaranūnaṃtvaṃsaṃrakṣasvāṃpriyāṃratim ### [1.16.179](https://indike.org/pramana/in.purana.padma.1.16.179) tvattopidṛśyateyenarūpeṇāyaṃsmarādhikaḥ mamānenamanoratnasarvasvaṃcahṛtaṃdṛḍham ### [1.16.180](https://indike.org/pramana/in.purana.padma.1.16.180) śobhāyādṛśyatevaktresākutaḥśaśalakṣmaṇi nopamāsakalaṃkasyaniṣkalaṃkenaśasyate ### [1.16.181](https://indike.org/pramana/in.purana.padma.1.16.181) samānabhāvatāṃyātipaṃkajaṃnāsyanetrayoḥ kopamājalaśaṃkhenaprāptāśravaṇaśaṃṅkhayoḥ ### [1.16.182](https://indike.org/pramana/in.purana.padma.1.16.182) vidrumopyadharasyāsyalabhatenopamāṃdhruvam ātmasthamamṛtaṃhyeṣasaṃsravaṃśceṣṭatedhruvam ### [1.16.183](https://indike.org/pramana/in.purana.padma.1.16.183) yadikiṃcicchubhaṃkarmajanmāṃtaraśataiḥkṛtam tatprasādātpunarbhartābhavatveṣamamepsitaḥ ### [1.16.184](https://indike.org/pramana/in.purana.padma.1.16.184) evaṃciṃtāparādhīnāyāvatsāgopakanyakā tāvadbrahmāhariṃprāhayajñārthaṃsatvaraṃvacaḥ ### [1.16.185](https://indike.org/pramana/in.purana.padma.1.16.185) devīcaiṣāmahābhāgāgāyatrīnāmataḥprabho evamuktetadāviṣṇurbrahmāṇaṃproktavānidam ### [1.16.186](https://indike.org/pramana/in.purana.padma.1.16.186) tadenāmudvahasvādyamayādattāṃjagatprabho gāṃdharveṇavivāhenavikalpaṃmākṛthāściram ### [1.16.187](https://indike.org/pramana/in.purana.padma.1.16.187) amuṃgṛhāṇadevādyaasyāḥpāṇimanākulam gāṃdherveṇavivāhenaupayemepitāmahaḥ ### [1.16.188](https://indike.org/pramana/in.purana.padma.1.16.188) tāmavāpyatadābrahmājagādāddhvaryusattamam kṛtāpatnīmayāhyeṣāsadanemeniveśaya ### [1.16.189](https://indike.org/pramana/in.purana.padma.1.16.189) mṛgaśṛṃgadharābālākṣaumavastrāvaguṃṭhitā patnīśālāṃtadānītāṛtvigbhirvedapāragaiḥ ### [1.16.190](https://indike.org/pramana/in.purana.padma.1.16.190) auduṃberaṇadaṃḍenaprāvṛtomṛgacarmaṇā mahādhvaretadābrahmādhāmnāsvenaivaśobhate ### [1.16.191](https://indike.org/pramana/in.purana.padma.1.16.191) prārabdhaṃcatatohotraṃbrāhmaṇairvedapāragaiḥ bhṛguṇāsahitaiḥkarmavedoktaṃtaiḥkṛtaṃtadā tathāyugasahasraṃtusayajñaḥpuṣkarebhavat ### [1.16.16-2](https://indike.org/pramana/in.purana.padma.1.16.16-2) itiśrīpādmapurāṇeprathamesṛṣṭikhaṃḍegāyatrīsaṃgrahonāmaṣoḍaśo'dhyāyaḥ ## Linked texts (4) - [Brahmapurāṇa](https://indike.org/pramana/in.purana.brahma.179.30) — Vyāsa, Sanskrit - [Liṅgapurāṇa](https://indike.org/pramana/in.purana.linga.1.70.129) — Vyāsa, Sanskrit - [Niśvāsatattvasaṃhitā](https://indike.org/pramana/in.sampradaya.saiva.agama.rudra.nihsvasa.1.12.23) — Sanskrit - [Vaiṣṇava Dharmaśāstra](https://indike.org/pramana/in.niti.dharma.visnu.1.3) — Viṣṇu, Sanskrit --- Source: [https://indike.org/pramana/in.purana.padma.1.16](https://indike.org/pramana/in.purana.padma.1.16) · Pramāṇa