Pramāṇa · Search · About · API

Padmapurana 1.20: viṃśo'dhyāyaḥ

Padmapurāṇa 1.20

Language
Sanskrit

viṃśo'dhyāyaḥ

1.20.1

bhīṣmauvāca
atyāścaryavatīramyākatheyaṃpāpanāśinī
vistareṇacamebrūhiyāthātathyenapṛcchataḥ

1.20.2

māhātmyaṃmadhyamasyāpiṛṣibhiḥparikīrtitam
phalaṃcānnasyakathitaṃmāhātmyaṃcadamasyatu

1.20.3

viṣṇunācapadanyāsaḥkṛtoyatramahāmune
kanīyasastathotpattiryathābhūtāvadasvame

1.20.4

pulastyauvāca
purārathaṃtarekalperājāsītpuṣpavāhanaḥ
nāmnālokeṣuvikhyātastejasāsūryasannibhaḥ

1.20.5

tapasātasyatuṣṭenacaturvaktreṇabhārata
kamalaṃkāṃcanaṃdattaṃyathākāmagamaṃnṛpa

1.20.6

saptadvīpānilokaṃcayatheṣṭaṃvicaratsadā
kalpādautusamaṃdvīpaṃtasyapuṣkaravāsinā

1.20.7

lokenapūjitaṃtasmātpuṣkaradvīpamucyate
tadevabrahmaṇādattaṃyānamasyatatoṃbujam

1.20.8

puṣpavāhanaityāhustasmāttaṃdevadānavāḥ
naupamyamastīhajagattrayepibrahmāṃbujasthasyacatasyarājñaḥ

1.20.9

taponubhāvādathatasyarājñīnārīsahasrairabhivaṃdyamānā
nāmnācalāvaṇyavatībabhūvayāpārvatīveṣṭatamābhavasya

1.20.10

tasyātmajānāmayutaṃbabhūvadharmātmanāmangyadhanurdharāṇām
tadātmajāṃstānabhivīkṣyarājāmuhurmuhurvismayamāsasāda

1.20.11

sobhyāgataṃpūjyamunipravīraṃpracetasaṃvākyamidaṃbabhāṣe
kasmādvibhūtiracalāmaramartyapūjājātākathaṃkamalajāsadṛśīsurājñī

1.20.12

bhāryāmayālpatapasāparitoṣitenadattaṃmamāṃbujagṛhaṃcamunīṃdradhātrā
yasminpraviṣṭamapikoṭiśataṃnṛpāṇāṃsāmātyakuṃjararathaughajanāvṛtānāṃ

1.20.13

nālakṣyatekvagatamambaragāmibhiścatārāgaṇeṃduraviraśmibhirapyagamyam
tasmātkimanyajananījaṭharodbhavenadharmādikaṃkṛtamaśeṣajanātigaṃyat

1.20.14

sarvairmayāthatanayairathavānayāpisadbhāryayātadakhilaṃkathayapracetaḥ
sopyabhyadhādathabhavāṃtaritaṃnirīkṣyapṛthvīpateśṛṇutadadbhutahetuvṛttam

1.20.15

janmābhavattavatulubdhakulepighoraṃjātastvamapyanudinaṃkilapāpakārī
vapurapyabhūttavapunaḥpuruṣāṃgasaṃdhidurgaṃdhisattvakunakhābharaṇaṃsamaṃtāt

1.20.16

nacatesuhṛnnasutabaṃdhujanonatādṛknaivasvasānajananīcatadābhiśastā
atisaṃmatāparamabhīṣṭatamābhimukhījātāmahīśatavayoṣidiyaṃsurūpā

1.20.17

abhūdanāvṛṣṭiratīvaraudrākadācanāhāranimittamasyāṃ
kṣutpīḍitenabhavatātuyadānakiṃcidāsāditaṃvanyaphalādibhakṣyaṃ

1.20.18

athābhidṛṣṭaṃmahadaṃbujāḍhyaṃsarovaraṃpaṃkaparītarodhaḥ
padmānyathādāyatatobahūnigataḥpuraṃvaidiśanāmadheyaṃ

1.20.19

tanmūlyalābhāyapuraṃsamastaṃbhrāṃtaṃtvayāśeṣamahastadāsīt
kretānakaścitkamaleṣujātaḥklāṃtaḥparaṃkṣutparipīḍitaśca

1.20.20

upaviṣṭastvamekasminsabhāryobhavanāṃgaṇe
tatorātraubhavāṃstatraaśrauṣīnmaṃgaladhvaniṃ

1.20.21

sabhāryastatragatavānyatrāsaumaṃgaladhvaniḥ
tatramaṃḍalamadhyasthāviṣṇorarcāvilokitā

1.20.22

veśyānaṃgavatīnāmabibhratīdvādaśīvrataṃ
samāpyamāghamāsasyadvādaśyāṃlavaṇācalaṃ

1.20.23

nyavedayattuguraveśayyāṃcopaskarānvitām
alaṃkṛtyahṛṣīkeśaṃsauvarṇaṃsamamādarāt

1.20.24

sātudṛṣṭātatastābhyāmidaṃcapariciṃtitaṃ
kimebhiḥkamalaiḥkāryaṃvaraṃviṣṇuralaṃkṛtaḥ

1.20.25

itibhaktistadājātādaṃpatyostunareśvara
tatprasaṃgātsamabhyarcyakeśavaṃlavaṇācalaṃ

1.20.26

śayyācapuṣpaprakaraiḥpūjitābhūccasarvaśaḥ
athānaṃgavatītuṣṭātayordhānyaśatatrayam

1.20.27

dīyatāmādideśāthakaladhautapalatrayaṃ
nagṛhītaṃtatastābhyāṃmahāsatvāvalaṃbanāt

1.20.28

anaṃgavatyācapunastayorannaṃcaturvidhaṃ
ānīyavyāhṛtaṃcānnaṃbhujyatāmitibhūpate

1.20.29

tābhyāṃcatadapityaktaṃbhokṣyāvaḥśvovarānane
prasaṃgādupavāsonautavādyāstuśubhāvahaḥ

1.20.30

janmaprabhṛtipāpiṣṭhāvāvāṃdevidṛḍhavrate
tvatprasaṃgādbhavadgehedharmaleśostunāviha

1.20.31

itijāgaraṇaṃtābhyāṃtatprasaṃgādanuṣṭhitaṃ
prabhātecatayādattāśayyāsalavaṇācalā

1.20.32

grāmaścaguravebhaktyāviprebhyodvādaśaivatu
vastrālaṃkārasaṃyuktāgāvaścakanakānvitāḥ

1.20.33

bhojanaṃcasuhṛnmitradīnāṃdhakṛpaṇaiḥsaha
taccalubdhakadāṃpatyaṃpūjayitvāvisarjitam

1.20.34

sabhavānlubdhakojātaḥsapatnīkonṛpeśvaraḥ
puṣkaraprakarāttasmātkeśavasyatupūjanāt

1.20.35

vinaṣṭāśeṣapāpasyatavapuṣkaramaṃdiraṃ
tasyasatyasyamāhātmyādalobhatapasānṛpa

1.20.36

prādātkāmagamaṃyānaṃlokanāthaścaturmukhaḥ
saṃtuṣṭastavarājeṃdrapuṣkaraṃtvaṃsamāśraya

1.20.37

kalpaṃsatvaṃsamāsādyavibhūtidvādaśīvrataṃ
kururājeṃdranirvāṇamavaśyaṃsamavāpsyasi

1.20.38

etaduktvātusamunistatraivāṃtaradhīyata
rājāyathoktaṃcapunarakarotpuṣpavāhanaḥ

1.20.39

idamācaratorājannakhaṃḍavratatābhavet
yathākathaṃcitkālenadvādaśadvādaśīrnṛpa

1.20.40

kartavyāśaktitodevaviprebhyodakṣiṇānṛpa
jyeṣṭhegāvaḥpradātavyāmadhyamebhūmiruttamā

1.20.41

kaniṣṭhekāṃcanaṃdeyamityeṣādakṣiṇāsmṛtā
prathamaṃbrahmadaivatyaṃdvitīyaṃvaiṣṇavaṃtathā

1.20.42

tṛtīyaṃrudradaivatyaṃtrayodevāstriṣusthitāḥ
itikaluṣavidāraṇaṃjanānāṃpaṭhaticayastuśṛṇoticāpibhaktyā

1.20.43

matimapicasayātidevalokevasaticaromasamānivatsarāṇi
athātaḥsaṃpravakṣyāmivratānāmuttamaṃvrataṃ

1.20.44

kathitaṃtenarudreṇamahāpātakanāśanam
naktamabdaṃcaritvātugavāsārdhaṃkuṭuṃbine

1.20.45

haimaṃcakraṃtriśūlaṃcadadyādviprāyavāsasī
evaṃyaḥkurutepuṇyaṃśivalokesamodate

1.20.46

etadevavrataṃnāmamahāpātakanāśanam
yasvekabhaktenakṣipeddhenuṃvṛṣasamanvitām

1.20.47

dhenuṃtilamayīṃdadyātsapadaṃyātiśāṃkaram
etadrudravrataṃnāmabhayaśokavināśanam

1.20.48

yaścanīlotpalaṃhaimaṃśarkarāpātrasaṃyutam
ekāṃtaritanaktāśīsamāṃtevṛṣasaṃyutam

1.20.49

vaiṣṇavaṃsapadaṃyātinīlavratamidaṃsmṛtam
āṣāḍhādicaturmāsamabhyaṃgaṃvarjayennaraḥ

1.20.50

bhojanopaskaraṃdadyātsayātibhavanaṃhareḥ
janaprītikaraṃnṝṇāṃprītivratamihocyate

1.20.51

varjayitvāmadhauyastudadhikṣīraghṛtaikṣavam
dadyādvastrāṇisūkṣmāṇirasapātreṇasaṃyutam

1.20.52

saṃpūjyavipramithunaṃgaurīmeprīyatāmiti
etadgaurīvrataṃnāmabhavānīlokadāyakam

1.20.53

puṣyādauyastrayodaśyāṃkṛtvānaktamathopunaḥ
aśokaṃkāṃcanaṃdadyādikṣuyuktaṃdaśāṃgulam

1.20.54

viprāyavastrasaṃyuktaṃpradyumnaḥprīyatāmiti
kalpaṃviṣṇupuresthitvāviśokassyātpunarnṛpa

1.20.55

etatkāmavrataṃnāmasadāśokavināśanam
āṣāḍhādivrateyastuvarjayedyaḥphalāśanam

1.20.56

cāturmāsyenivṛttetughaṭaṃsarpirguḍānvitam
kārtikyāṃtatpunarhaimaṃbrāhmaṇāyanivedayet

1.20.57

sarudralokamāpnotiśivavratamidaṃsmṛtam
varjayedyastupuṣpāṇihemaṃteśiśirāvṛte

1.20.58

puṣpatrayaṃcaphālgunyāṃkṛtvāśaktyācakāṃcanam
dadyāddvikālavelāyāṃprīyetāṃśivakeśavau

1.20.59

datvāparaṃpadaṃyātisaumyavratamidaṃsmṛtam
phālgunāditṛtīyāyāṃlavaṇaṃyastuvarjayet

1.20.60

samāṃteśayanaṃdadyādgṛhaṃcopaskarānvitam
saṃpūjyavipramithunaṃbhavānīprīyatāmiti

1.20.61

gaurīlokevasetkalpaṃsaubhāgyavratamucyate
saṃdhyāmaunaṃnaraḥkṛtvāsamāṃteghṛtakuṃbhakam

1.20.62

vastrayugmaṃtilānghaṃṭāṃbrāhmaṇāyanivedayet
lokaṃsārasvataṃyātipunarāvṛttidurlabham

1.20.63

etatsārasvataṃnāmarūpavidyāpradāyakam
lakṣmīmabhyarcyapaṃcamyāmupavāsībhavennaraḥ

1.20.64

samāṃtehemakamalaṃdadyāddhenusamanvitam
savaiviṣṇupadaṃyātilakṣmīḥsyājjanmajanmani

1.20.65

etallakṣmīvrataṃnāmaduḥkhaśokavināśanam
kṛtvopalepanaṃśaṃbhoragrataḥkeśavasyaca

1.20.66

yāvadabdaṃpunardeyādhenurjalaghaṭastathā
janmāyutaṃsarājāsyāttataḥśivapuraṃvrajet

1.20.67

etadāyurvrataṃnāmasarvakāmapradāyakam
aśvatthaṃbhāskaraṃgaṃgāṃpraṇamyaikāgramānasaḥ

1.20.68

ekabhaktaṃnaraḥ kuryādabdamekaṃvimatsaraḥ
vratāṃtevipramithunaṃpūjyaṃdhenutrayānvitam

1.20.69

vṛkṣaṃhiraṇmaṃyadadyātsośvamedhaphalaṃlabhet
etatkīrtivrataṃnāmabhūtikīrtiphalapradam

1.20.70

ghṛtenasnapanaṃkṛtvāśaṃbhorvākeśavasyavā
akṣatābhiḥsapuṣpābhiḥkṛtvāgomayamaṃḍalam

1.20.71

samāṃtehemakamalaṃtiladhenusamanvitam
śūlamaṣṭāṃgulaṃdadyācchivalokemahīyate

1.20.72

sāmagāyanakaṃcaivasāmavratamihocyate
navamyāmekabhaktaṃtukṛtvākanyāścaśaktitaḥ

1.20.73

bhojayitvāsamaṃdadyāddhemakaṃcukavāsaptī
haimaṃsiṃhaṃcaviprāyadadyācchivapadaṃvrajet

1.20.74

janmārbudaṃsurūpaḥsyācchatrubhiścāparājitaḥ
etadvīravrataṃnāmanarāṇāṃcasukhapradam

1.20.75

caitrādicaturomāsāñjalaṃdadyāddayānvitaḥ
vratāṃtemaṇikaṃdadyādannaṃvastrasamanvitam

1.20.76

tilapātraṃhiraṇyaṃcabrahmalokemahīyate
kalpāṃtebhūtijananamānaṃdavratamucyate

1.20.77

paṃcāmṛtenasnapanaṃkṛtvāsaṃvatsaraṃvibhoḥ
vatsarāṃtepunardadyāddhenuṃpaṃcāmṛtānvitāṃ

1.20.78

viprāyadadyācchaṃkhaṃcasapadaṃyātiśāṃkaram
rājābhavatikalpāṃtedhṛtivratamidaṃsmṛtam

1.20.79

varjayitvāpumānmāṃsaṃvratāṃtegopradobhavet
tadvaddhemamṛgaṃdadyātsośvamedhaphalaṃlabhet

1.20.80

ahiṃsāvratamityuktaṃkalpāṃtebhūpatirbhavet
kalyamutthāyavaisnānaṃkṛtvādāṃpatyamarcayet

1.20.81

bhojayitvāyathāśaktimālyavastravibhūṣaṇaiḥ
sūryalokevasetkalpaṃsūryavratamidaṃsmṛtam

1.20.82

āṣāḍhādicaturmāsaṃprātaḥsnāyībhavennaraḥ
viprāyabhojanaṃdatvākārtikyāṃgopradobhavet

1.20.83

savaiṣṇavapadaṃyātiviṣṇuvratamidaṃsmṛtam
ayanādayanaṃyāvadvarjayetpuṣpasarpiṣī

1.20.84

tadaṃtepuṣpamannānighṛtadhenvāsahaivatu
datvāśivapadaṃyātiviprāyaghṛtapāyasam

1.20.85

etacchīlavrataṃnāmaśīlārogyaphalapradam
yāvatsamaṃbhavedyastupaṃcadaśyāṃpayovrataḥ

1.20.86

samāṃteśrāddhakṛddadyādgāścapaṃcapayasvinīḥ
vāsāṃsicapiśaṃgānijalakuṃbhayutānica

1.20.87

sayātivaiṣṇavaṃlokaṃpitṝṇāṃtārayecchatam

1.20.88

kalpāṃterājarājeṃdrapitṛvratamidaṃsmṛtam
saṃdhyādīpapradoyastughṛtaistailaṃvivarjayet

1.20.89

samāṃtedīpakaṃdadyāccakraṃśūlaṃcakāṃcanam
vastrayugmaṃcaviprāyasatejasvībhavennaraḥ

1.20.90

rudralokamavāpnotidīptivratamidaṃsmṛtam
kārtikāditṛtīyāyāṃ prāśya gomūtrayāvakam

1.20.91

naktaṃcaredabdamekamabdānte gopradobhavet
gaurīlokevasetkalpaṃtatorājābhavediha

1.20.92

etadrudravrataṃnāmasadā kalyāṇakārakam
varjayeccaturomāsānyastu gandhānulepanam

1.20.93

śuktigandhākṣatāndadyādviprāya sitavāsasī
vāruṇaṃ padamāpnoti dṛḍhavratamidaṃ smṛtam

1.20.94

vaiśākhe puṣpalavaṇaṃvarjayedathagopradaḥ
bhūtvā viṣṇupadekalpaṃsthitvārājā bhavediha

1.20.95

etacchāntivrataṃnāmakīrtikāmaphalapradam
brahmāṇḍaṃ kāñcanaṃ kṛtvā tilarāśisamanvitam

1.20.96

ghṛtenānyaprado bhūtvāvahniṃsaṃtarpyasadvijam
saṃpūjyavipradāṃpatyaṃmālyavastravibhūṣaṇaiḥ

1.20.97

śaktitastripalādūrdhvaṃviśvātmāprīyatāmiti
puṇye'hnidadyādaparebrahmayātyapunarbhavam

1.20.98

etadbrahmavrataṃnāmanirvāṇaphaladaṃnṛṇām
yaścobhayamukhīṃdadyātprabhūtasakalānvitām

1.20.99

dinaṃpayovrataṃtiṣṭhetsayātiparamaṃpadam
etadvaisuvrataṃnāmapunarāvṛttidurlabham

1.20.100

tryahaṃpayovrataḥsthitvākāñcanaṃkalpapādapam
palādūrdhvaṃyathāśakti taṇḍulaprasthasaṃyutam

1.20.101

dattvābrahmapadaṃyātibhīmavratamidaṃsmṛtam
māsopavāsī yodadyāddhenuṃviprāyaśobhanām

1.20.102

savaiṣṇavapadaṃyātibhīmavratamidaṃsmṛtam
dadyādviṃśatpalādūrdhvaṃmahīṃkṛtvātukāñcanīm

1.20.103

dinaṃpayovratastiṣṭhedrudralokemahīyate
dhanapradamidaṃproktaṃsaptakalpaśatānugam

1.20.104

māghemāsyathacaitrevāguḍadhenupradobhavet
guḍavrataṃtṛtīyāyāṃgaurīlokemahīyate

1.20.105

mahāvratamidaṃnāmaparamānandakārakam
pakṣopavāsīyodadyādviprāyakapilādvayam

1.20.106

sabrahmalokamāpnotidevāsurasupūjitaḥ
kalpāntesarvarājāsyātprabhāvratamidaṃsmṛtam

1.20.7-2

vatsaraṃtvekabhaktāśīsabhakṣyajalakuṃbhadaḥ
śivalokevasetkalpaṃprāptivratamidaṃsmṛtam

1.20.8-2

naktāśītvaṣṭamīṣusyādvatsarāṃtetudhenudaḥ
pauraṃdaraṃpuraṃyātisugativratamucyate

1.20.109

iṃdhanaṃyodadedviprevarṣādīṃścaturastvṛtūn
ghṛtadhenupradoṃtecasaparaṃbrahmagacchati

1.20.110

vaiśvānaravrataṃnāmasarvapāpapraṇāśanam
ekādaśyāṃtunaktāśīyaścakraṃvinivedayet

1.20.111

kṛtvāsamāṃtesauvarṇaṃviṣṇoḥpadamavāpnuyāt
etatkṛṣṇavrataṃnāmakalpāṃterājyalābhakṛt

1.20.112

pāyasāśīsamāṃtetudadyādviprāyagoyugam
lakṣmīlokevasetkalpametaddevīvrataṃsmṛtaṃ

1.20.113

saptamyāṃnaktabhugdadyātsamāptegāṃpayasvinīṃ
sūryalokamavāpnotibhānuvratamidaṃsmṛtam

1.20.114

caturthyāṃnaktabhugdadyāddhemaṃtegoyugaṃtathā
etadvaināyakaṃnāmaśivalokaphalapradam

1.20.115

mahāphalāniyastyaktvācāturmāsyedvijātaye
haimānikārtikedadyāddhomāntegoyugaṃtathā

1.20.116

etatsauravrataṃnāmasūryalokaphalapradam
dvādaśādvādaśīryastusamāpyopoṣaṇenṛpa

1.20.117

govastrakāṃcanairviprānpūjayecchaktitonaraḥ
paraṃpadamavāpnotiviṣṇuvratamidaṃsmṛtam

1.20.118

caturdaśyāṃtunaktāśīsamāntegoyugapradaḥ
śaivaṃpadamavāpnotitraiyaṃbakamidaṃsmṛtam

1.20.119

saptarātroṣitodadyādghṛtakuṃbhaṃdvijātaye
varavratamidaṃprāhurbrahmalokaphalapradam

1.20.120

asaukāśīṃsamāsādyadhenuṃdattepayasvinīm
śakralokevasetkalpamidaṃmaṃtravrataṃsmṛtam

1.20.121

mukhavāsaṃparityajyasamāṃtegopradobhavet
vāruṇaṃlokamāpnotivāruṇavratamucyate

1.20.122

cāṃdrāyaṇaṃcayaḥkuryāddhaimaṃcaṃdraṃnivedayet
caṃdravratamidaṃproktaṃcaṃdralokaphalapradam

1.20.123

jyeṣṭhepaṃcatapāyoṃtehemadhenupradodivam
yātyaṣṭamīcaturdaśyorudravratamidaṃsmṛtam

1.20.124

sakṛdvidhānakaṃkuryāttṛtīyāyāṃśivālaye
samāptedhenudoyātibhavānīvratamucyate

1.20.125

māgheniśyārdravāsāḥsyātsaptamyāṃgopradobhavet
divikalpaṃvasitveharājāsyātpavanavratam

1.20.126

trirātropoṣitodadyātphālgunyāṃbhavanaṃśubham
ādityalokamāpnotidhāmavratamidaṃsmṛtam

1.20.127

trisaṃdhyaṃpūjyadāṃpatyamupavāsīvibhūṣaṇaiḥ
dadanmokṣamavāpnotimokṣavratamidaṃsmṛtam

1.20.128

dattvāsitadvitīyāyāmiṃdaulavaṇabhājanam
samāptegopradoyātiviprāyaśivamaṃdiram

1.20.129

kāṃsyaṃsavastraṃrājendradakṣiṇāsahitaṃtathā
samāptegāṃcayodadyātsayātiśivamaṃdiram

1.20.130

kalpāṃterājarājassyātsomavratamidaṃsmṛtam
pratipatsvekabhaktāśīsamāptecaphalapradaḥ

1.20.131

vaiśvānarapadaṃyātiśikhivratamidaṃsmṛtam
haimaṃpaladvayādūrddhvaṃrathamaśvayugānvitam

1.20.132

dadyātkṛtopavāsaḥsadivikalpaśataṃvaset
tadaṃterājarājassyādaśvavratamidaṃsmṛtam

1.20.133

tadvaddhemarathaṃdadyātkaribhyāṃsaṃyutaṃpunaḥ
satyalokevasetkalpaṃsahasramapibhūmipaḥ

1.20.134

bhavedihāgatobhūmyāṃkarivratamidaṃsmṛtam
daśamyāmekabhaktāśīsamāptedaśadhenudaḥ

1.20.135

dīpaṃcakāṃcanaṃdadyādbahmāṇḍādhipatirbhavet
etadviśvavrataṃnāmamahāpātakanāśanam

1.20.136

kanyādānaṃtukārtikyāṃpuṣkareyaḥkariṣyati
ekaviṃśadguṇopetobrahmalokaṃgamiṣyati

1.20.137

kanyādānātparaṃdānaṃnaivacāstyadhikaṃkvacit
puṣkaretuviśeṣeṇakārtikyāṃtuviśeṣataḥ

1.20.138

viprāyavidhivaddeyaṃteṣāṃlokokṣayobhavet
tilapiṣṭhamayaṃkṛtvāgajaṃratnasamanvitam

1.20.139

viprāyayeprayacchaṃtijalamadhyesthitānarāḥ
teṣāṃcaivākṣayolokobhavitābhūtasaṃplavam

1.20.140

yaḥpaṭhecchṛṇuyādvāpivrataṣaṣṭhimanuttamām
manvaṃtaraśataṃsopigaṃdharvādhipatirbhavet

1.20.141

ṣaṣṭhivrataṃbhāratapuṇyametattavoditaṃviśvajanīnamadya
śrotuṃyadīcchātavarājarājaśṛṇudvijāteḥkaraṇīyametat

1.20.142

nairmalyaṃbhāvaśuddhiścavināsnānaṃnavidyate
tasmānmanoviśuddhyarthaṃsnānamādauvidhīyate

1.20.143

anuddhṛtairuddhṛtairvājalaiḥsnānaṃsamācaret
tīrthaṃprakalpayedvidvānmūlamaṃtreṇamaṃtravit

1.20.144

namonārāyaṇāyetimūlamaṃtraudāhṛtaḥ
sadarbhapāṇirvidhināācāṃtaḥprayataḥśuciḥ

1.20.145

caturhastasamāyuktaṃcaturaśraṃsamaṃtataḥ
prakalpyāvāhayedgaṃgāmebhirmaṃtrairvicakṣaṇaḥ

1.20.146

viṣṇoḥpādaprasūtāsivaiṣṇavīviṣṇudevatā
trāhinastvenasastasmādājanmamaraṇāṃtikāt

1.20.147

tisraḥkoṭyordhakoṭīcatīrthānāṃvāyurabravīt
divibhuvyaṃtarikṣecatānitesaṃtijāhnavi

1.20.148

naṃdinītyevatenāmadeveṣunalinītica
dakṣāpṛthvīcasubhagāviśvakāyāśivāsitā

1.20.149

vidyādharīsuprasannātathālokaprasādinī
kṣemācajāhnavīcaivaśāṃtāśāṃtipradāyinī

1.20.150

etānipuṇyanāmānisnānakāleprakīrttayet
bhavetsannihitātatragaṃgātripathagāminī

1.20.151

saptavārābhijaptenakarasaṃpurayojitam
mūrdhnikuryājjalaṃbhūyastricatuḥpaṃcasaptadhā

1.20.152

snānaṃkuryānmṛdātadvadāmaṃtryatuvidhānataḥ
aśvakrāṃterathakrāṃteviṣṇukrāṃtevasuṃdhare

1.20.153

mṛttikeharamepāpaṃyanmayāduṣkṛtaṃkṛtam
uddhṛtāsivarāheṇakṛṣṇenaśatabāhunā

1.20.154

namastesarvalokānāṃprabhavoraṇisuvrate
evaṃsnātvātataḥpaścādācamyatuvidhānataḥ

1.20.155

utthāyavāsasīśubhreśuddhetuparidhāyavai
tatastutarpaṇaṃkuryāttrailokyāpyāyanāyavai

1.20.156

brahmāṇaṃtarpayetpūrvaṃviṣṇuṃrudraṃprajāpatīn
devāyakṣāstathānāgāgaṃdharvāpsarasāṃgaṇāḥ

1.20.157

krūrāssarpāḥsuparṇāścataravojaṃbhakādayaḥ
vidyādharājaladharāstathaivākāśagāminaḥ

1.20.158

nirādhārāścayejīvāpāpadharmaratāścaye
teṣāmāpyāyanāyaitaddīyatesalilaṃmayā

1.20.159

kṛtopavītodevebhyonivītīcabhavettataḥ
manuṣyāṃstarpayedbhaktyāṛṣiputrānṛṣīṃstathā

1.20.160

sanakaścasanaṃdaścatṛtīyaścasanātanaḥ
kapilaścāsuriścaivavoḍhuḥpaṃcaśikhastathā

1.20.161

sarvetetṛptimāyāṃtumaddattenāṃbunāsadā
marīcimatryaṃgirasaupulastyaṃpulahaṃkratum

1.20.162

pracetasaṃvasiṣṭhaṃcabhṛguṃnāradamevaca
devabrahmaṛṣīnsarvāṃstarpayetsākṣatodakaiḥ

1.20.163

apasavyaṃtataḥkṛtvāsavyaṃjānucabhūtale
agniṣvāttāṃstathāsaumyānhaviṣmaṃtastathoṣmapān

1.20.164

sukālinobarhiṣadastathācaivājyapānpunaḥ
saṃtarpayetpitṝnbhaktyāsatilodakacaṃdanaiḥ

1.20.165

sadarbhapāṇirvidhināpitṝṃnsvāṃstarpayetattaḥ
pitrādīnnāmagotreṇatathāmātāmahānapi

1.20.166

saṃtarpyavidhivadbhaktyāimaṃmaṃtramudīrayet
yobāṃdhavābāṃdhavāyeyenyajanmanibāṃdhavāḥ

1.20.167

tetṛptimakhilāyāṃtuyepyasmattoyakāṃkṣiṇaḥ
ācamyavidhināsamyagālikhetpadmamagrataḥ

1.20.168

sākṣatādbhissapuṣpābhiḥsatilāruṇacaṃdanaiḥ
arghyaṃdadyātprayatnenasūryanāmānukīrtanaiḥ

1.20.169

namasteviśvarūpāyanamasteviṣṇurūpiṇe
sarvadevanamastestuprasīdamamabhāskara

1.20.170

divākaranamastestuprabhākaranamostute
evaṃsūryaṃnamaskṛtyatriḥkṛtvācapradakṣiṇam

1.20.171

dvijaṃgāṃkāṃcanaṃcaivadṛṣṭvāspṛṣṭvāgṛhaṃvrajet
svagehasthāṃtataḥpuṇyāṃpratimāṃcāpipūjayet

1.20.172

bhojanaṃcatataḥpaścāddvijapūrvaṃcakārayet
anenavidhināsarvaṣayaḥsiddhimāgatāḥ

1.20.20-2

itiśrīpādmapurāṇeprathamesṛṣṭikhaṃḍesnānavidhirnāmaviṃśo'dhyāyaḥ

Linked texts (8)