[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Padmapurana](https://indike.org/pramana/in.purana.padma) › 1.21 # Padmapurana 1.21: ekaviṃśatitamo'dhyāyaḥ Padmapurāṇa 1.21 - **Language:** Sanskrit ## Contents - [1.21.79](https://indike.org/pramana/in.purana.padma.1.21.79) — 1 part ### ekaviṃśatitamo'dhyāyaḥ ### [1.21.1](https://indike.org/pramana/in.purana.padma.1.21.1) pulastyauvāca āsītpurābṛhatkalpedharmamūrtirjanādhipaḥ suhṛcchakrasyanihatāyenadaityāssahasraśaḥ ### [1.21.2](https://indike.org/pramana/in.purana.padma.1.21.2) somasūryādayoyasyatejasāvigataprabhāḥ bhavaṃtiśataśoyenadānavāścaparājitāḥ ### [1.21.3](https://indike.org/pramana/in.purana.padma.1.21.3) yatheccharūpadhārīcamānuṣopyaparājitaḥ tasyabhānumatībhāryāsatītrailokyasuṃdarī ### [1.21.4](https://indike.org/pramana/in.purana.padma.1.21.4) lakṣmīsadṛśarūpeṇanirjitāmarasuṃdarī rājñastasyāgramahiṣīprāṇebhyopigarīyasī ### [1.21.5](https://indike.org/pramana/in.purana.padma.1.21.5) daśanārīsahasrāṇāṃmadhyeśrīrivarājate nṛpakoṭisahasreṇanakadācitsamucyate ### [1.21.6](https://indike.org/pramana/in.purana.padma.1.21.6) kadācidāsthānagataḥpapracchasvapurohitam viṃsmayenāvṛtonatvāvasiṣṭhamṛṣisattamam ### [1.21.7](https://indike.org/pramana/in.purana.padma.1.21.7) bhagavankenadharmeṇamamalakṣmīranuttamā kasmāccavipulaṃtejomaccharīresadottamam ### [1.21.8](https://indike.org/pramana/in.purana.padma.1.21.8) vasiṣṭhauvāca purālīlāvatīnāmaveśyāśivaparāyaṇā tayādattaścaturdaśyāṃpuṣkarelavaṇācalaḥ ### [1.21.9](https://indike.org/pramana/in.purana.padma.1.21.9) hemavṛkṣāmaraiḥsārddhaṃyathāvadvidhipūrvakaṃ śūdraḥsuvarṇakāraścakarmakṛtsobhavattadā ### [1.21.10](https://indike.org/pramana/in.purana.padma.1.21.10) bhṛtyolīlāvatīgehetenahaimāvinirmitāḥ taravohemapuṣpāścaśraddhāyuktenapārthiva ### [1.21.11](https://indike.org/pramana/in.purana.padma.1.21.11) atirūpeṇasaṃpannāghaṭitāstesuśobhanāḥ dharmakāryamitijñātvānagṛhītaṃcavetanam ### [1.21.12](https://indike.org/pramana/in.purana.padma.1.21.12) ujjvālitāścatepatnyāsuvarṇamayapādapāḥ līlāvatīgṛhecāpiparicaryācapārthiva ### [1.21.13](https://indike.org/pramana/in.purana.padma.1.21.13) kṛtātābhyāmaśāṭhyenadvijaśuśrūṣaṇādikā sācalīlāvatīveśyākālenamahatānagha ### [1.21.14](https://indike.org/pramana/in.purana.padma.1.21.14) sarvapāpavinirmuktājagāmaśivamaṃdiram yosausuvarṇakāraścadaridropyatisattvavān ### [1.21.15](https://indike.org/pramana/in.purana.padma.1.21.15) namūlyamādādveśyātaḥsabhavānihasāṃpratam saptadvīpapatirjātaḥsūryāyutasamaprabhaḥ ### [1.21.16](https://indike.org/pramana/in.purana.padma.1.21.16) yayāsuvarṇakārasyataravohemanirmitāḥ samyagujjvalitāḥpatnyāseyaṃbhānumatītava ### [1.21.17](https://indike.org/pramana/in.purana.padma.1.21.17) tasmānnṛlokeṣvaparājitastvamārogyasaubhāgyayutācalakṣmīḥ tasmāttvamapyatravidhānapūrvaṃdhānyācalādīnnṛpatekuruṣva ### [1.21.18](https://indike.org/pramana/in.purana.padma.1.21.18) pulastyauvāca tathetisaṃpūjyasudharmamūrtirvacovasiṣṭhasyadadaucasarvān dhānyācalādīnvidhināsmarārerlokaṃgatosausurapūjyamānaḥ ### [1.21.19](https://indike.org/pramana/in.purana.padma.1.21.19) paśyedyadīmānupanīyamānānspṛśenmanuṣyairihadīyamānān śṛṇotibhaktyāthamatiṃdadātivikalmaṣaḥsopidivaṃprayāti ### [1.21.20](https://indike.org/pramana/in.purana.padma.1.21.20) duḥsvapnapraśamamupaitipaṭhyamānaiḥśaileṃdrairbhavabhayabhedanairmanuṣyaḥ yaḥkuryātkimunṛpapuṃgavehasamyakśāṃtātmāsakalagirīṃdrasaṃpradānam ### [1.21.21](https://indike.org/pramana/in.purana.padma.1.21.21) bhīṣmauvāca kimabhīṣṭaviyogaśokasaṃdhānalamuddhartumupoṣaṇaṃvrataṃvā vibhavadhruvakāribhūtalesminbhavabhīterapisūdanaṃcapuṃsaḥ ### [1.21.22](https://indike.org/pramana/in.purana.padma.1.21.22) pulastyauvāca paripṛṣṭamidaṃjagatpriyaṃtevibudhānāmapidurlabhaṃmahattvāt tavabhaktimatastathāpivakṣyevratamiṃdrāsuramānaveṣuguhyam ### [1.21.23](https://indike.org/pramana/in.purana.padma.1.21.23) puṇyamāśvayujemāsiviśokadvādaśīvratam daśamyāṃlaghubhugvidvānprārabhetayamenatu ### [1.21.24](https://indike.org/pramana/in.purana.padma.1.21.24) udaṅmukhaḥprāṅmukhovādaṃtadhāvanapūrvakam ekādaśyāṃnirāhāraḥsamyagabhyarcyakeśavam ### [1.21.25](https://indike.org/pramana/in.purana.padma.1.21.25) śriyaṃcābhyarcyavidhivadbhokṣye'hacāparehani evaṃniyamakṛtsuptvāprātarutthāyamānavaḥ ### [1.21.26](https://indike.org/pramana/in.purana.padma.1.21.26) snānaṃsarvauṣadhaiḥkuryātpaṃcagavyajalenatu śubhramālyāṃbaradharaḥpūjayecchrīśamutpalaiḥ ### [1.21.27](https://indike.org/pramana/in.purana.padma.1.21.27) viśokāyanamaḥpādaujaṃghecavaradāyavai śrīśāyajānunītadvadūrūcajalaśāyine ### [1.21.28](https://indike.org/pramana/in.purana.padma.1.21.28) kaṃdarpāyanamoguhyaṃmādhavāyanamaḥkaṭiṃ dāmodarāyetyudaraṃpārśvecavipulāyavai ### [1.21.29](https://indike.org/pramana/in.purana.padma.1.21.29) nābhiṃcapadmanābhāyahṛdayaṃmanmathāyavai śrīdharāyavibhorvakṣaḥkaraumadhubhidenamaḥ ### [1.21.30](https://indike.org/pramana/in.purana.padma.1.21.30) vaikuṇṭhāyanamaḥkaṃṭhamāsyaṃpadmamukhāyavai nāsāmaśokanidhayevāsudevāyacākṣiṇī ### [1.21.31](https://indike.org/pramana/in.purana.padma.1.21.31) lalāṭaṃvāmanāyetiharayecapunarbhruvau alakaṃmādhavāyetikirīṭaṃviśvarūpiṇe ### [1.21.32](https://indike.org/pramana/in.purana.padma.1.21.32) namaḥsarvātmanetadvacchiraityabhipūjayet evaṃsaṃpūjyagoviṃdaṃdhūpamālyānulepanaiḥ ### [1.21.33](https://indike.org/pramana/in.purana.padma.1.21.33) tatastumaṃḍalaṃkṛtvāsthaṃḍilaṃkārayenmṛdā caturaśraṃsamaṃtāccaratnimātramudakplavam ### [1.21.34](https://indike.org/pramana/in.purana.padma.1.21.34) ślakṣṇaṃhṛdyaṃcaparitovapratrayasamāvṛtam triraṃgulocchiratāvaprāstadvistārodviraṃgulaḥ ### [1.21.35](https://indike.org/pramana/in.purana.padma.1.21.35) sthaṃḍilasyopariṣṭāttubhittiraṣṭāṃgulābhavet nadīvālukayāsūryelakṣmyāḥpratikṛtiṃnyaset ### [1.21.36](https://indike.org/pramana/in.purana.padma.1.21.36) sthaṃḍilesūryamadhyasthalakṣmīmabhyarcayedbudhaḥ namodevyainamaḥśāṃtyainamolakṣmyainamaḥśriye ### [1.21.37](https://indike.org/pramana/in.purana.padma.1.21.37) namastuṣṭyainamaḥpuṣṭyaisṛṣṭyaidṛṣṭyainamonamaḥ viśokāduḥkhanāśāyaviśokāvaradāstute ### [1.21.38](https://indike.org/pramana/in.purana.padma.1.21.38) viśokāmestusaṃpattyaiviśokāsarvasiddhaye tataḥśubhrāṃbaraiḥsūryaṃveṣṭyasaṃpūjayetphalaiḥ ### [1.21.39](https://indike.org/pramana/in.purana.padma.1.21.39) bhakṣyairnānāvidhaistadvatsuvarṇakamalenaca rājatīṣucapātrīṣunyaseddarbhodakaṃbudhaḥ ### [1.21.40](https://indike.org/pramana/in.purana.padma.1.21.40) tatastunṛtyagītānikārayetsakalāṃniśām yāmatrayevyatītetutatautthāyamānavaḥ ### [1.21.41](https://indike.org/pramana/in.purana.padma.1.21.41) abhigamyacaviprāṇāṃmithunānicapūjayet śaktitastrīṇicaikaṃvāvastramālyānulepanaiḥ ### [1.21.42](https://indike.org/pramana/in.purana.padma.1.21.42) śayanasthānipūjyāninamostujalaśāyine tatastugītavādyenarātryāṃjāgaraṇekṛte ### [1.21.43](https://indike.org/pramana/in.purana.padma.1.21.43) prabhātecatataḥsnānaṃkṛtvādāṃpatyamarcayet bhojayeccayathāśaktivittaśāṭhyenavarjitaḥ ### [1.21.44](https://indike.org/pramana/in.purana.padma.1.21.44) bhaktyāśrutvāpurāṇānitaddinaṃcātivāhayet anenavidhināsarvaṃmāsimāsisamācaret ### [1.21.45](https://indike.org/pramana/in.purana.padma.1.21.45) vratāṃteśayanaṃdadyādguḍadhenusamanvitaṃ sopadhānaṃsaviśrāmaṃsvāstarāvaraṇaṃśubhaṃ ### [1.21.46](https://indike.org/pramana/in.purana.padma.1.21.46) yathālakṣmīrnareśatvāṃnaparityajyagacchati tathāsurūpatārogyamaśokaṃcāstumesadā ### [1.21.47](https://indike.org/pramana/in.purana.padma.1.21.47) yathādevenarahitānalakṣmīrjāyatekvacit tathāviśokatāmestubhaktiragyrācakeśave ### [1.21.48](https://indike.org/pramana/in.purana.padma.1.21.48) maṃtreṇānenaśayanaṃguḍadhenusamanvitaṃ sūryaścalakṣmyāsahitodātavyobhūtimicchatā ### [1.21.49](https://indike.org/pramana/in.purana.padma.1.21.49) utpalaṃkaravīraṃvāpyamlānaṃcaivakuṃkumaṃ ketakaṃsiṃdhuvāraṃcamallikāgaṃdhapāṭalā ### [1.21.50](https://indike.org/pramana/in.purana.padma.1.21.50) kadaṃbaṃkubjakaṃjātīśastānyetānisarvadā bhīṣmauvāca guḍadhenuvidhānaṃcasamācakṣvamunīśvara ### [1.21.51](https://indike.org/pramana/in.purana.padma.1.21.51) kiṃrūpākenamaṃtreṇadātavyātadihocyatāṃ pulastyauvāca guḍadhenuvidhānasyayadrūpamihayatphalam ### [1.21.52](https://indike.org/pramana/in.purana.padma.1.21.52) tadidānīṃpravakṣyāmisarvapāpavināśanam kṛṣṇājinaṃcaturhastaṃprāggrīvaṃvinyasedbhuvi ### [1.21.53](https://indike.org/pramana/in.purana.padma.1.21.53) gomayenānuliptāyāṃdarbhānāstīryasarvataḥ laghveṇakājinaṃtadvatvatsaṃcaparikalpayet ### [1.21.54](https://indike.org/pramana/in.purana.padma.1.21.54) prāṅmukhīkalpayeddhenuṃmṛdāvāgāṃsavatsakāṃ uttamāguḍadhenuḥsyātsadābhāracatuṣṭayaṃ ### [1.21.55](https://indike.org/pramana/in.purana.padma.1.21.55) vatsaṃbhāreṇakurvītabhārābhyāṃmadhyamāsmṛtā arddhabhāreṇavatsassyātkaniṣṭhābhārakeṇatu ### [1.21.56](https://indike.org/pramana/in.purana.padma.1.21.56) caturthāṃśenavatsaḥsyādgṛhavittānusārataḥ dhenuvatsaukṛtaucobhausitasūkṣmāṃbarāvṛtau ### [1.21.57](https://indike.org/pramana/in.purana.padma.1.21.57) śuktikarṇāvikṣupādauśucimuktāphalekṣaṇau sitasūtrasirājālausitakaṃbalakaṃbalau ### [1.21.58](https://indike.org/pramana/in.purana.padma.1.21.58) tāmragaṃḍakapṛṣṭhaudvausitacāmaralomakau vidrumabhrūyugāvetaunavanītastanānvitau ### [1.21.59](https://indike.org/pramana/in.purana.padma.1.21.59) kāñcanākṣiyugopetāvindranīlakanīnikau kṣaumapucchaukāṃsyadohauśubhrātikamanīyakau ### [1.21.60](https://indike.org/pramana/in.purana.padma.1.21.60) suvarṇaśṛṃgābharaṇaurājatāḍhyakhuraucatau nānāphalasamāyuktaughrāṇagaṃdhakaraṃḍakau ### [1.21.61](https://indike.org/pramana/in.purana.padma.1.21.61) ityevaṃracayitvātudhūpadīpaistathārcayet yālakṣmīssarvabhūtānāṃyācadeveṣvavasthitā ### [1.21.62](https://indike.org/pramana/in.purana.padma.1.21.62) dhenurūpeṇasādevīmamapāpaṃvyapohatu viṣṇorvakṣasiyālakṣmīḥsvāhāyācavibhāvasau ### [1.21.63](https://indike.org/pramana/in.purana.padma.1.21.63) caṃdrārkaśakraśaktiryāsādhenurvaradāstume svadhātvaṃpitṛmukhyānāṃsvāhāyajñabhujāṃyataḥ ### [1.21.64](https://indike.org/pramana/in.purana.padma.1.21.64) sarvapāpaharādhenustasmādbhūtiṃprayacchame evamāmaṃtryatāṃdhenuṃbrāhmaṇāyanivedayet ### [1.21.65](https://indike.org/pramana/in.purana.padma.1.21.65) vidhānametaddhenūnāṃsarvāsāmapipaṭhyate yāstupāpavināśinyaḥpaṭhyaṃtedaśadhenavaḥ ### [1.21.66](https://indike.org/pramana/in.purana.padma.1.21.66) tāsāṃsvarūpaṃvakṣyāmināmānicanarādhipa prathamāguḍadhenuḥsyādghṛtadhenurathāparā ### [1.21.67](https://indike.org/pramana/in.purana.padma.1.21.67) tiladhenustṛtīyācacaturthījalanāmikā kṣīradhenuḥpaṃcamīcamadhudhenustathāparā ### [1.21.68](https://indike.org/pramana/in.purana.padma.1.21.68) saptamīśarkarādhenuraṣṭamīdadhikalpitā rasadhenuścanavamīdaśamīsyātsvarūpataḥ ### [1.21.69](https://indike.org/pramana/in.purana.padma.1.21.69) kuṃbhāssyūrasadhenūnāmitarāsāṃsvarāśayaḥ suvarṇadhenuṃcāpyatrakecidicchaṃtimānavāḥ ### [1.21.70](https://indike.org/pramana/in.purana.padma.1.21.70) navanītenatailaiścatathānyepimaharṣayaḥ etadevavidhānaṃsyāttaevopaskarāssmṛtāḥ ### [1.21.71](https://indike.org/pramana/in.purana.padma.1.21.71) maṃtrāvāhanasaṃyuktāḥsadāparvaṇiparvaṇi yathāśrāddhaṃpradātavyābhuktimuktiphalapradāḥ ### [1.21.72](https://indike.org/pramana/in.purana.padma.1.21.72) guḍadhenuprasaṃgenasarvāstavamayoditāḥ aśeṣayajñaphaladāḥsarvapāpaharāḥśubhāḥ ### [1.21.73](https://indike.org/pramana/in.purana.padma.1.21.73) vratānāmuttamaṃyasmādviśokadvādaśīvratam tadaṃgatvenacaivātraguḍadhenuḥpraśasyate ### [1.21.74](https://indike.org/pramana/in.purana.padma.1.21.74) ayaneviṣuvepuṇyevyatīpātetathāpunaḥ guḍadhenvādayodeyāuparāgādiparvasu ### [1.21.75](https://indike.org/pramana/in.purana.padma.1.21.75) viśokadvādaśīcaiṣāsarvapāpaharāśubhā yāmupoṣyanaroyātitadviṣṇoḥparamaṃpadam ### [1.21.76](https://indike.org/pramana/in.purana.padma.1.21.76) ihalokesasaubhāgyamāyurārogyamevaca vaiṣṇavaṃpuramāpnotimaraṇesmaraṇaṃhareḥ ### [1.21.77](https://indike.org/pramana/in.purana.padma.1.21.77) navārbudasahasrāṇidaśacāṣṭaucadharmavit naśokaduḥkhadaurgatyaṃtasyasaṃjāyatenṛpa ### [1.21.78](https://indike.org/pramana/in.purana.padma.1.21.78) nārīvākuruteyātuviśokadvādaśīmimāṃ nṛtyagītaparānityaṃsāpitatphalamāpnuyāt ### [1.21.79](https://indike.org/pramana/in.purana.padma.1.21.79) yasmādagreharernṛtyamanantaṃgītavādanam itipaṭhatiyaitthaṃyaḥśṛṇotīhasamyak madhumuranarakārerarcanaṃvāthapaśyet ### [1.21.79.p1](https://indike.org/pramana/in.purana.padma.1.21.79.p1) matimapicajanānāṃyodadātīndraloke savasativibudhaughaiḥpūjyatekalpamekam ### [1.21.80](https://indike.org/pramana/in.purana.padma.1.21.80) bhīṣmauvāca bhagavanśrotumicchāmidānamāhātmyamuttamam ### [1.21.81](https://indike.org/pramana/in.purana.padma.1.21.81) yadakṣayaṃparelokedevarṣigaṇapūjitam pulastyauvāca meroḥpradānaṃvakṣyāmidaśadhānṛpasattama ### [1.21.82](https://indike.org/pramana/in.purana.padma.1.21.82) yatpradātānaṃtalokānprāpnotisurapūjitān purāṇeṣucavedeṣuyajñeṣvāyataneṣuca ### [1.21.83](https://indike.org/pramana/in.purana.padma.1.21.83) natatphalamadhīteṣukṛteṣvihayadaśnute tasmāddānaṃpravakṣyāmiparvatānāmanukramāt ### [1.21.84](https://indike.org/pramana/in.purana.padma.1.21.84) prathamodhānyaśailaḥsyādidvatīyolavaṇācalaḥ guḍācalastṛtīyastucaturthohemaparvataḥ ### [1.21.85](https://indike.org/pramana/in.purana.padma.1.21.85) paṃcamastilaśailassyātṣaṣṭaḥkārppāsaparvataḥ saptamoghṛtaśailaḥsyādratnaśailastathāṣṭamaḥ ### [1.21.86](https://indike.org/pramana/in.purana.padma.1.21.86) rājatonavamastadvaddaśamaḥśarkarācalaḥ vakṣyevidhānameteṣāṃyathāvadanupūrvaśaḥ ### [1.21.87](https://indike.org/pramana/in.purana.padma.1.21.87) ayanovepuṇyevyatīpātedinakṣaye śuklapakṣetṛtīyāyāmuparāgeśaśikṣaye ### [1.21.88](https://indike.org/pramana/in.purana.padma.1.21.88) vivāhotsavayajñeṣudvādaśyāmathavāpunaḥ śuklāyāṃpaṃcadaśyāṃvāpuṇyarkṣevāvidhānataḥ ### [1.21.89](https://indike.org/pramana/in.purana.padma.1.21.89) dhānyaśailādayodeyāḥkārtikyāṃjyeṣṭhapuṣkare tīrtheṣvāyatanevāpigoṣṭhevābhavanāṃgaṇe ### [1.21.90](https://indike.org/pramana/in.purana.padma.1.21.90) maṃḍapaṃkārayedbhaktyācaturaśramudaṅmukham prāgudakpravaṇaṃpuṇyaṃprāṅmukhaṃvāvidhānataḥ ### [1.21.91](https://indike.org/pramana/in.purana.padma.1.21.91) gomayenānuliptāyāṃbhūmāvāstīryavaikuśān tanmadhyeparvataṃkuyādviṣkaṃbhaṃparvatānvitam ### [1.21.92](https://indike.org/pramana/in.purana.padma.1.21.92) dhānyadroṇasahasreṇabhavedgiririhottamaḥ madhyamaḥpaṃcaśatakaiḥkaniṣṭhaścatribhiḥśataiḥ ### [1.21.93](https://indike.org/pramana/in.purana.padma.1.21.93) merurmahāvrīhimayastumadhyesuvarṇavṛkṣatrayasaṃyutaḥsyāt mūrddhanyavasthānamathāṃbareṇakāryaṃtvanekaṃcapunardvijāgryaiḥ ### [1.21.94](https://indike.org/pramana/in.purana.padma.1.21.94) catvāriśṛṃgāṇicarājatāninitaṃbabhāgāapirājatāssyuḥ pūrveṇamuktāphalavajrayuktoyāmyenagomedakapadmarāgaiḥ ### [1.21.95](https://indike.org/pramana/in.purana.padma.1.21.95) paścāccagārutmatanīlaratnaiḥsaumyenavaiḍūryakapuṣparāgaiḥ śrīkhaṃḍakhaṃḍairabhitaḥpravālairlatānvitomauktikaprastarāḍhyaḥ ### [1.21.96](https://indike.org/pramana/in.purana.padma.1.21.96) brahmāthaviṣṇurbhagavānpurārirdivākaropyatrahiraṇmayaḥsyāt tathekṣuvaṃśāvṛtakaṃdarastughṛtodakaprasravaṇodiśāsu ### [1.21.97](https://indike.org/pramana/in.purana.padma.1.21.97) śubhrāṃbarāṇyaṃbudharāvalisyāt pūrveṇapītānicadakṣiṇena vāsāṃsipaścādathakarburāṇiraktānicaivottaratoghanāni ### [1.21.98](https://indike.org/pramana/in.purana.padma.1.21.98) raupyānmaheṃdrapramukhāṃstathā'ṣṭausaṃsthāpyalokādhipatīnkrameṇa nānāvanālīcasamaṃtataḥsyānmanoramammālyavilepanaṃca ### [1.21.99](https://indike.org/pramana/in.purana.padma.1.21.99) vitānakaṃcoparipaṃcavarṇamamlānapuṣpābharaṇaṃsitaṃca itthaṃniveśyāmaraśailamagryaṃmerostuviṣkaṃbhagirīnkrameṇa ### [1.21.100](https://indike.org/pramana/in.purana.padma.1.21.100) turīyabhāgenacaturdiśaṃcasaṃsthāpayetpuṣpavilepanāḍhyam pūrveṇamaṃdaramanekaphalaiścayuktaṃkāmenakāṃcanamayenavirājamānam ### [1.21.101](https://indike.org/pramana/in.purana.padma.1.21.101) yāmyenagaṃdhamadanoviniveśanīyogodhūmasaṃcayamayaḥkaladhautavāṃśca haimenayajñapatināghṛtamānasenavastreṇarājatavanaiścasasaṃyutaḥsyāt ### [1.21.102](https://indike.org/pramana/in.purana.padma.1.21.102) paścāttilācalamanekasugaṃdhapuṣpasauvarṇapippalahiraṇmayahaṃsayuktam ākārayedrajatapuṣpavanenatadvadvastrānvitaṃdadhisitodasarastathāgre ### [1.21.103](https://indike.org/pramana/in.purana.padma.1.21.103) saṃsthāpyataṃvipulaśailamathottareṇaśailaṃsupārśvamapimāṣamayaṃsavastram puṣpaiścahemavaṭapādapaśekharaṃtamākārayetkanakaketuvirājamānam ### [1.21.104](https://indike.org/pramana/in.purana.padma.1.21.104) mākṣīkabhadrasarasācavanenatadvadraupyeṇabhāsuravitānayutaṃvidhāya homaścaturbhirathavedapurāṇavidbhirdāṃtairaniṃdyacaritākṛtibhirdvijeṃdraiḥ ### [1.21.105](https://indike.org/pramana/in.purana.padma.1.21.105) pūrveṇahastamitamatravidhāyakuṃḍaṃkāryastilairyavaghṛtenasamitkuśaiśca rātraucajāgaramanuddhatagītarūpairāvāhanaṃcakathayāmiśiloccayānām ### [1.21.106](https://indike.org/pramana/in.purana.padma.1.21.106) tvaṃsarvadevagaṇadhāmanidheviruddhamasmadgṛheṣvamaraparvatanāśayāśu kṣemaṃvidhatsvakuruśāṃtimanuttamāṃcasaṃpūjitaḥparamabhaktimatāmayāhi ### [1.21.107](https://indike.org/pramana/in.purana.padma.1.21.107) tvamevabhagavānīśobrahmāviṣṇurdivākaraḥ mūrtāmūrtamayaṃbījamataḥpāhisanātana ### [1.21.108](https://indike.org/pramana/in.purana.padma.1.21.108) yasmāttvaṃlokapālānāṃviśvamūrteścamaṃdiram rudrādityavasūnāṃcatasmācchāntiṃprayacchame ### [1.21.109](https://indike.org/pramana/in.purana.padma.1.21.109) yasmādaśūnyamamarairnārībhiścaśirastava tasmānmāmuddharāmuṣmādduḥkhasaṃsārasāgarāt ### [1.21.110](https://indike.org/pramana/in.purana.padma.1.21.110) evamabhyarcyataṃmeruṃmaṃdaraṃcābhipūjayet yasmāccaitrarathenatvaṃbhadrāśvenacaparvata ### [1.21.111](https://indike.org/pramana/in.purana.padma.1.21.111) śobhasemaṃdarakṣipramatastuṣṭikarobhava yasmāccūḍāmaṇirjaṃbūdvīpetvaṃgaṃdhamādana ### [1.21.112](https://indike.org/pramana/in.purana.padma.1.21.112) gaṃdharvagaṇaśobhāvāṃstataḥkīrtirdṛḍhāstume yasmāttvaṃketumālenavaibhrājenavanenaca ### [1.21.113](https://indike.org/pramana/in.purana.padma.1.21.113) hiraṇmayāśmaśobhāvāṃstasmātpuṣṭirdhruvāstume uttaraiḥkurubhiryasmātsāvitreṇavanenaca ### [1.21.114](https://indike.org/pramana/in.purana.padma.1.21.114) supārśvarājasenityamataḥśrīrakṣayāstume evamāmaṃtryatānsarvānprabhātevimalepunaḥ ### [1.21.115](https://indike.org/pramana/in.purana.padma.1.21.115) snātvātuguravedadyānmadhyamaṃparvatottamaṃ viṣkaṃbhaparvatāndadyādṛtvigbhyaḥkramaśonṛpa ### [1.21.116](https://indike.org/pramana/in.purana.padma.1.21.116) gāvodeyāścaturviṃśadathavādaśapārthiva śaktitaḥsaptacāṣṭauvāpaṃcadadyādaśaktimān ### [1.21.117](https://indike.org/pramana/in.purana.padma.1.21.117) ekāpiguravedeyākapilāthapayasvinī parvatānāmaśeṣāṇāmeṣaevavidhiḥsmṛtaḥ ### [1.21.18-2](https://indike.org/pramana/in.purana.padma.1.21.18-2) taevapūjanemaṃtrāstaevopaskarāḥsmṛtāḥ grahāṇāṃlokapālānāṃbrahmādīnāṃcasarvataḥ ### [1.21.119](https://indike.org/pramana/in.purana.padma.1.21.119) svamaṃtreṇaivasarveṣuhomaḥśaileṣupaṭhyate upavāsībhavennityamaśaktaunaktamiṣyate ### [1.21.120](https://indike.org/pramana/in.purana.padma.1.21.120) vidhānaṃsarvaśailānāṃkramaśaḥśṛṇupārthiva dāneṣucaivayemaṃtrāḥparvateṣuyathāphalam ### [1.21.121](https://indike.org/pramana/in.purana.padma.1.21.121) annaṃbrahmayataḥproktamannaṃprāṇāḥprakīrtitāḥ annādbhavaṃtibhūtānijagadannenavardhate ### [1.21.122](https://indike.org/pramana/in.purana.padma.1.21.122) annamevayatolakṣmīrannamevajanārdanaḥ dhānyaparvatarūpeṇapāhitasmānnagottama ### [1.21.123](https://indike.org/pramana/in.purana.padma.1.21.123) anenavidhināyastudadyāddhānyamayaṃgirim manvaṃtaraśataṃsāgraṃdevalokemahīyate ### [1.21.124](https://indike.org/pramana/in.purana.padma.1.21.124) apsarogaṇagaṃdharvairākīrṇenavirājitaḥ vimānenadivaḥpṛṣṭhamāyātinṛpasattama ### [1.21.125](https://indike.org/pramana/in.purana.padma.1.21.125) karmakṣayerājarājyamāpnotīhanasaṃśayaḥ athātaḥsaṃpravakṣyāmilavaṇācalamuttamam ### [1.21.126](https://indike.org/pramana/in.purana.padma.1.21.126) yatpradānānnarolokamāpnotiśivasaṃyutam uttamaḥṣoḍaśadroṇaiḥkartavyolavaṇācalaḥ ### [1.21.127](https://indike.org/pramana/in.purana.padma.1.21.127) madhyamaścatadardhenacaturbhiradhamassmṛtaḥ vittahīnoyathāśaktidroṇādūrddhaṃvacakārayet ### [1.21.128](https://indike.org/pramana/in.purana.padma.1.21.128) caturthāṃśenaviṣkaṃbhaparvatānkārayetpṛthak vidhānaṃpūrvavatkuryādbrahmādīnāṃcasarvadā ### [1.21.129](https://indike.org/pramana/in.purana.padma.1.21.129) tadvaddhemamayaṃsarvalokapālaniveśanam sarāṃsivanavṛkṣāditadvaccānyānniniveśayet ### [1.21.130](https://indike.org/pramana/in.purana.padma.1.21.130) kuryājjāgaramatrāpidānamaṃtrānnibodhata saubhāgyarasasaṃyuktoyatoyaṃlavaṇerasaḥ ### [1.21.131](https://indike.org/pramana/in.purana.padma.1.21.131) tadātmakatvenacamāṃpāhyāpannaṃnagottama yasmādanyerasāḥsarvenotkaṭālavaṇaṃvinā ### [1.21.132](https://indike.org/pramana/in.purana.padma.1.21.132) priyaścaśivayornityaṃtasmācchāṃtipradobhava viṣṇudehasamudbhūtoyasmādārogyavardhanaḥ ### [1.21.133](https://indike.org/pramana/in.purana.padma.1.21.133) tasmātparvatarūpeṇapāhisaṃsārasāgarāt anenavidhināyastudadyāllavaṇaparvatam ### [1.21.134](https://indike.org/pramana/in.purana.padma.1.21.134) umālokevasetkalpaṃtatoyātiparāṃgatim ataḥparaṃpravakṣyāmiguḍaparvatamuttamam ### [1.21.135](https://indike.org/pramana/in.purana.padma.1.21.135) yatpradānānnaraḥsvargaṃprāpnotisurapūjitaḥ uttamodaśabhirbhārairmadhyamaḥpaṃcabhirmataḥ ### [1.21.136](https://indike.org/pramana/in.purana.padma.1.21.136) tribhirbhāraiḥkaniṣṭhaḥsyāttadardhenālpavittavān tadvadāmaṃtraṇaṃpūjāṃhaimavṛkṣānsurārcanaṃ ### [1.21.137](https://indike.org/pramana/in.purana.padma.1.21.137) viṣkaṃbhaparvatāṃstadvatsarāṃsivanadevatāḥ homaṃjāgaraṇaṃtadvallokapālādhivāsanam ### [1.21.138](https://indike.org/pramana/in.purana.padma.1.21.138) dhānyaparvatavatkuryādimaṃmaṃtramudīrayet yathādeveṣuviśvātmāpravaroyaṃjanārdanaḥ ### [1.21.139](https://indike.org/pramana/in.purana.padma.1.21.139) sāmavedastuvedānāṃmahādevastuyogināṃ praṇavaḥsarvamaṃtrāṇāṃnārīṇāṃpārvatīyathā ### [1.21.140](https://indike.org/pramana/in.purana.padma.1.21.140) tathārasānāṃpravaraḥsadaivekṣurasomataḥ mamatasmātparāṃlakṣmīṃdadātuguḍaparvataḥ ### [1.21.141](https://indike.org/pramana/in.purana.padma.1.21.141) yasmātsaubhāgyadāyinyādhāmatvaṃguḍaparvata nirmitaścāsiṃpārvatyātasmānmāṃpāhisarvadā ### [1.21.142](https://indike.org/pramana/in.purana.padma.1.21.142) anenavidhināyastudadyādguḍamayaṃgirim saṃpūjyamānogaṃdharvairgaurīlokemahīyate ### [1.21.143](https://indike.org/pramana/in.purana.padma.1.21.143) punaḥkalpaśatāṃtecasaptadvīpādhipobhavet āyurārogyasaṃpannaḥśatrubhiścāparājitaḥ ### [1.21.144](https://indike.org/pramana/in.purana.padma.1.21.144) athapāpaharaṃvakṣyesuvarṇācalamuttamam yasyapradānādbhavanaṃvairiṃcaṃyāṃtimānavāḥ ### [1.21.145](https://indike.org/pramana/in.purana.padma.1.21.145) uttamaḥpalasāhasromadhyamaḥpaṃcabhiḥśataiḥ tadardhenādhamastadvadalpavittopimānavaḥ ### [1.21.146](https://indike.org/pramana/in.purana.padma.1.21.146) dadyādekapalādūrddhvaṃyathāśaktivimatsaraḥ dhānyaparvatavatsarvaṃvidadhyādrājasattama ### [1.21.147](https://indike.org/pramana/in.purana.padma.1.21.147) viṣkaṃbhaśailāṃstadvaccaṛtvigbhyaḥpratipādayet namastesarvabījāyabrahmagarbhāyavainamaḥ ### [1.21.148](https://indike.org/pramana/in.purana.padma.1.21.148) yasmādanaṃtaphaladastasmātpāhiśiloccaya yasmādagnerapatyaṃtvaṃyasmātputrojagatpateḥ ### [1.21.149](https://indike.org/pramana/in.purana.padma.1.21.149) hemaparvatarūpeṇatasmātpāhinagottama anenavidhināyastudadyātkanakaparvatam ### [1.21.150](https://indike.org/pramana/in.purana.padma.1.21.150) sayātiparamaṃbrahmalokamānaṃdakārakam tatrakalpaśataṃtiṣṭhettatoyātiparāṃgatim ### [1.21.151](https://indike.org/pramana/in.purana.padma.1.21.151) athātaḥsaṃpravakṣyāmitilaśailaṃvidhānataḥ yatpradānānnaroyātiviṣṇulokamanuttamam ### [1.21.152](https://indike.org/pramana/in.purana.padma.1.21.152) uttamodaśabhidroṇairmadhyamaḥpaṃcabhiḥsmṛtaḥ tribhiḥkaniṣṭhorājeṃdratilaśailaḥprakīrtitaḥ ### [1.21.153](https://indike.org/pramana/in.purana.padma.1.21.153) pūrvavaccāparaṃsarvaṃviṣkaṃbhaparvatādikam dānamaṃtraṃpravakṣyāmiyathācanṛpapuṃgava ### [1.21.154](https://indike.org/pramana/in.purana.padma.1.21.154) yasmānmadhuvadheviṣṇordehasvedasamudbhavāḥ tilāḥkuśāścamāṣāścatasmācchāṃtipradobhava ### [1.21.155](https://indike.org/pramana/in.purana.padma.1.21.155) havyakavyeṣuyasmāccatilāevahirakṣaṇam lakṣmīṃcakuruśaileṃdratilācalanamostute ### [1.21.156](https://indike.org/pramana/in.purana.padma.1.21.156) ityāmaṃtryacayodadyāttilācalamanuttamam savaiṣṇavaṃpadaṃyātipunarāvṛttidurlabham ### [1.21.157](https://indike.org/pramana/in.purana.padma.1.21.157) kārpāsaparvataścaivaviṃśadbhārairihottamaḥ daśabhirmadhyamaḥproktaḥkaniṣṭhaḥpaṃcabhirmataḥ ### [1.21.158](https://indike.org/pramana/in.purana.padma.1.21.158) bhāreṇālpadhanodadyādvittaśāṭhyavivarjitaḥ dhānyaparvatavatsarvamāsādyaṃrājasattama ### [1.21.159](https://indike.org/pramana/in.purana.padma.1.21.159) prabhātāyāṃcaśarvaryāṃdadyādidamudīrayet tvamevāvaraṇaṃyasmāllokānāmihasarvadā ### [1.21.160](https://indike.org/pramana/in.purana.padma.1.21.160) kārpāsādrenamastasmādaghaughadhvaṃsanobhava itikārpāsaśaileṃdraṃyodadyāccharvasaṃnidhau ### [1.21.161](https://indike.org/pramana/in.purana.padma.1.21.161) rudralokevasetkalpaṃtatorājābhavediha athātaḥsaṃpravakṣyāmighṛtācalamanuttamam ### [1.21.162](https://indike.org/pramana/in.purana.padma.1.21.162) tejomayaṃghṛtaṃpuṇyaṃmahāpātakanāśanam viṃśatyāghṛtakuṃbhānāmuttamaḥsyādghṛtācalaḥ ### [1.21.163](https://indike.org/pramana/in.purana.padma.1.21.163) daśabhirmadhyamaḥproktaḥpaṃcabhistvadhamaḥsmṛtaḥ alpavittopikurvītadvābhyāmihavidhānataḥ ### [1.21.164](https://indike.org/pramana/in.purana.padma.1.21.164) viṣkambhaparvatāṃstadvaccaturbhāgenakalpayet śālitaṃḍulapātrāṇikuṃbhopariniveśayet ### [1.21.165](https://indike.org/pramana/in.purana.padma.1.21.165) kārayetsaṃhatānuccānyathāśobhaṃvidhānataḥ veṣṭayecchuklavāsobhirikṣudaṃḍaphalādikaiḥ ### [1.21.166](https://indike.org/pramana/in.purana.padma.1.21.166) dhānyaparvatavatsaṃrvaṃvidhānamihapaṭhyate adhivāsanapūrvaṃhitadvaddhomasurārcanam ### [1.21.167](https://indike.org/pramana/in.purana.padma.1.21.167) prabhātāyāṃcaśarvaryāṃguravevinivedayet viṣkaṃbhaparvatāṃstadvadṛtvigbhyaḥśāṃtamānasaḥ ### [1.21.168](https://indike.org/pramana/in.purana.padma.1.21.168) saṃyogādghṛtamutpannaṃyasmādamṛtatejasi tasmādghṛtārcirviśvātmāprīyatāmatraśaṃkara ### [1.21.169](https://indike.org/pramana/in.purana.padma.1.21.169) yasmāttejomayaṃbrahmaghṛtecaivavyavasthitam ghṛtaparvatarūpeṇatasmānnaḥpāhibhūdhara ### [1.21.170](https://indike.org/pramana/in.purana.padma.1.21.170) anenavidhinādadyādghṛtācalamanuttamam mahāpātakayuktopilokamāyātiśāṃbhavam ### [1.21.171](https://indike.org/pramana/in.purana.padma.1.21.171) haṃsasārasayuktenakiṃkiṇījālamālinā vimānenāpsarobhiścasiddhavidyādharairvṛtaḥ ### [1.21.172](https://indike.org/pramana/in.purana.padma.1.21.172) vicaretpitṛbhiḥsārdhaṃyāvadābhūtasaṃplavam athātaḥ saṃpravakṣyāmiratnācalamanuttamam ### [1.21.173](https://indike.org/pramana/in.purana.padma.1.21.173) muktāphalasahasreṇaparvatassyādanuttamaḥ madhyamaḥpaṃcaśatikastriśatenādhamaḥsmṛtaḥ ### [1.21.174](https://indike.org/pramana/in.purana.padma.1.21.174) caturthāṃśenaviṣkaṃbhaparvatāḥsyuḥsamantataḥ pūrveṇavajragomedairdakṣiṇeneṃdranīlakaiḥ ### [1.21.175](https://indike.org/pramana/in.purana.padma.1.21.175) puṣyarāgairyutaḥkāryovidvadbhirgaṃdhamādanaḥ vaiḍūryavidrumaiḥpaścātsaṃmiśrovipulācalaḥ ### [1.21.176](https://indike.org/pramana/in.purana.padma.1.21.176) padmarāgaiḥsasauvarṇairuttareṇāpivinyaset dhānyaparvatavatsarvamatrāpiparikalpayet ### [1.21.177](https://indike.org/pramana/in.purana.padma.1.21.177) tadvadāvāhanaṃkṛtvāvṛkṣāndevāṃścakāṃcanān pūjayetpuṣpagandhādyaiḥprabhātesyādvisarjanam ### [1.21.178](https://indike.org/pramana/in.purana.padma.1.21.178) pūrvavadguruṛtvigbhyaimaṃmaṃtramudīrayet yathādevagaṇāḥsarvesarvaratneṣvavasthitāḥ ### [1.21.179](https://indike.org/pramana/in.purana.padma.1.21.179) tvaṃcaratnamayonityamataḥpāhimahācala yasmādratnapradānenatuṣṭimetijanārdanaḥ ### [1.21.180](https://indike.org/pramana/in.purana.padma.1.21.180) pūjāmaṃtraprasādenatasmānnaḥpāhiparvata anenavidhināyastudadyādratnamayaṃgirim ### [1.21.181](https://indike.org/pramana/in.purana.padma.1.21.181) sayātivaiṣṇavaṃlokamamareśvarapūjitaḥ yāvatkalpaśataṃsāgraṃvasettatranarādhipa ### [1.21.182](https://indike.org/pramana/in.purana.padma.1.21.182) rūpārogyaguṇopetaḥsaptadvīpādhipobhavet brahmahatyādikaṃkiṃcidatrāmutrāthavākṛtam ### [1.21.183](https://indike.org/pramana/in.purana.padma.1.21.183) tatsarvaṃnāśamāyātigirirvajrāhatoyathā athātaḥsaṃpravakṣyāmiraupyācalamanuttamam ### [1.21.184](https://indike.org/pramana/in.purana.padma.1.21.184) yatpradānānnaroyātisomalokaṃnarottama daśabhiḥpalasāhasrairuttamorajatācalaḥ ### [1.21.185](https://indike.org/pramana/in.purana.padma.1.21.185) paṃcabhirmadhyamaḥproktastadardhenādhamaḥsmṛtaḥ aśaktoviṃśaterūrddhvaṃkārayecchaktitaḥsadā ### [1.21.186](https://indike.org/pramana/in.purana.padma.1.21.186) viṣkaṃbhaparvatāṃstadvatturīyāṃśenakalpayet pūrvavadrājatānkuryānmaṃdarādīnvidhānataḥ ### [1.21.187](https://indike.org/pramana/in.purana.padma.1.21.187) kaladhautamayāṃstadvallokeśānkārayedbudhaḥ brahmaviṣṇvarkavānkāryonitaṃbotrahiraṇmayaḥ ### [1.21.188](https://indike.org/pramana/in.purana.padma.1.21.188) rājataṃsyāttadanyeṣāṃparvatāṃnācakāṃcanam śeṣaṃcapūrvavatkuryāddhomajāgaraṇādikam ### [1.21.189](https://indike.org/pramana/in.purana.padma.1.21.189) dadyāttadvatprabhātetuguraveraupyaparvatam viṣkaṃbhaśailānṛtvigbhyaḥpūjyavastravibhūṣaṇaiḥ ### [1.21.190](https://indike.org/pramana/in.purana.padma.1.21.190) imaṃmaṃtraṃpaṭhandadyāddarbhapāṇirvimatsaraḥ pitṝṇāṃvallabhaṃyasmādindorvāśaṃkarasyaca ### [1.21.191](https://indike.org/pramana/in.purana.padma.1.21.191) rajataṃpāhitasmānnaḥśokasaṃsārasāgarāt itthaṃniveśyayodadyādrajatācalamuttamam ### [1.21.192](https://indike.org/pramana/in.purana.padma.1.21.192) gavāmayutasāhasraphalamāpnotimānavaḥ somalokesagaṃdharvaiḥkinnarāpsarasāṃgaṇaiḥ ### [1.21.193](https://indike.org/pramana/in.purana.padma.1.21.193) pūjyamānovasedvidvānyāvadābhūtasaṃplavam athātaḥsaṃpravakṣyāmiśarkarācalamuttamam ### [1.21.194](https://indike.org/pramana/in.purana.padma.1.21.194) yasyapradānādviṣṇvarkarudrāstuṣyaṃtisarvadā aṣṭabhiḥśarkarābhārairuttamaḥsyānmahācalaḥ ### [1.21.195](https://indike.org/pramana/in.purana.padma.1.21.195) caturbhirmadhyamaḥproktobhārābhyāmadhamaḥsmṛtaḥ bhāreṇacārddhabhāreṇakuryādyaḥsvalpavittavān ### [1.21.196](https://indike.org/pramana/in.purana.padma.1.21.196) viṣkaṃbhaparvatānkuryātturīyāṃśenamānavaḥ dhānyaparvatavatsarvaṃhaimāṃbarasusaṃyutam ### [1.21.197](https://indike.org/pramana/in.purana.padma.1.21.197) meroruparitaḥsthāpyaṃhaimaṃtatratarutrayam maṃdāraḥpārijātaścatṛtīyaḥkalpapādapaḥ ### [1.21.198](https://indike.org/pramana/in.purana.padma.1.21.198) etadvṛkṣatrayaṃmūrdhnisarveṣvapiniveśayet haricaṃdanasaṃtānaupūrvapaścimabhāgayoḥ ### [1.21.199](https://indike.org/pramana/in.purana.padma.1.21.199) niveśyausarvaśaileṣuviśeṣāccharkarācale maṃdarekāmadevastupratyagvaktraḥsadābhavet _First 200 of 322 passages. [Read on](https://indike.org/pramana/in.purana.padma.1.21)_ ## Linked texts (12) - [Vrata(2)](https://indike.org/pramana/in.niti.dharma.vrata.vrata-2.p14) — Sanskrit - [Śāntikamalākara](https://indike.org/pramana/in.niti.dharma.santi.santikamalakara.5.16_90) — Kamalākarabhaṭṭa 1587, Sanskrit - [Dānasāgara](https://indike.org/pramana/in.niti.dharma.nibandha.danasagara.38.1) — Ballālasena, Sanskrit - [Kṛtyakalpataru](https://indike.org/pramana/in.niti.dharma.nibandha.mahanibandha.krtyakalpataru.11.p23) — Lakṣmīdhara Bhaṭṭa, Sanskrit - [Dānakalpataru](https://indike.org/pramana/in.niti.dharma.dana.danakalpataru.7.p30) — Lakṣmīdhara, Sanskrit - [Dānakhaṇḍa](https://indike.org/pramana/in.niti.dharma.nibandha.hemadri.danakhanda.30.p4) — Hemādri, Sanskrit - [Caturvargacintāmaṇi](https://indike.org/pramana/in.niti.dharma.nibandha.mahanibandha.caturvargacintamani.26.p6) — Hemādri, Sanskrit - [Ṣoḍaśamahādānavidhi (Hemādri)](https://indike.org/pramana/in.niti.dharma.dana.mahadana.sodasamahadanavidhi-hemadri.26.p6) — Hemādri, Sanskrit - [Vratakāṇḍa](https://indike.org/pramana/in.niti.dharma.vrata.vratakanda.6.p434) — Lakṣmīdhara, Sanskrit - [Dānamayūkha](https://indike.org/pramana/in.niti.dharma.dana.danamayukha.3.p69) — Nīlakaṇṭha Dīkṣita 1600, Sanskrit - [Dānacandrikā (Divākarabhaṭṭa)](https://indike.org/pramana/in.niti.dharma.dana.danacandrika-divakara.3.49.1) — Divākarabhaṭṭa 1658, Sanskrit - [Mahābhāgavatapurāṇa](https://indike.org/pramana/in.purana.upa.sakta.mahabhagavata.29.34) — Sanskrit --- Source: [https://indike.org/pramana/in.purana.padma.1.21](https://indike.org/pramana/in.purana.padma.1.21) · Pramāṇa