[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Padmapurana](https://indike.org/pramana/in.purana.padma) › 1.42 # Padmapurana 1.42: dvicatvāriṃśattamo'dhyāyaḥ Padmapurāṇa 1.42 - **Language:** Sanskrit ## Contents - [1.42.111](https://indike.org/pramana/in.purana.padma.1.42.111) — 2 parts ### dvicatvāriṃśattamo'dhyāyaḥ ### [1.42.1](https://indike.org/pramana/in.purana.padma.1.42.1) bhīṣmauvāca śrutaḥpadmodbhavobrahmanvistareṇatvayeritaḥ samāsādbhavamāhātmyamutpattiṃcaguhasyaca ### [1.42.2](https://indike.org/pramana/in.purana.padma.1.42.2) śrotumicchāmitebrahmanyathābhūtaḥkṛtaṃcayat tārakaścakathaṃbhūtodānavobalavattaraḥ ### [1.42.3](https://indike.org/pramana/in.purana.padma.1.42.3) kārttikeyenasabrahmankathaṃdhvastomahāsuraḥ kathaṃrudreṇamunayaḥpreṣitāmaṃdaraṃgirim ### [1.42.4](https://indike.org/pramana/in.purana.padma.1.42.4) kathaṃlabdhāumātatrarudreṇaparameṣṭhinā etadākhyāhimesarvaṃyathābhūtaṃmahāmune ### [1.42.5](https://indike.org/pramana/in.purana.padma.1.42.5) pulastyauvāca kaśyapenapurāproktāditirdaityāraṇiḥśubhā vajrasāramayaiścāṃgaiḥputrodevibhaviṣyati ### [1.42.6](https://indike.org/pramana/in.purana.padma.1.42.6) vajrāṃgonāmaputrastubhavitādharmavatsalaḥ sācalabdhavarādevīsuṣuvevajraduśchidam ### [1.42.7](https://indike.org/pramana/in.purana.padma.1.42.7) sajātamātraevābhūtsarvaśāstrārthapāragaḥ uvācamātaraṃbhaktyāmātaḥ kiṃkaravāṇyaham ### [1.42.8](https://indike.org/pramana/in.purana.padma.1.42.8) tasyovācatatohṛṣṭāditirdaityādhipasyatu bahavomehatāḥputrāḥsahasrākṣeṇaputraka ### [1.42.9](https://indike.org/pramana/in.purana.padma.1.42.9) teṣāmapacitiṃkartuṃgacchaśakravadhāyatu bāḍhamityevatāṃcoktvājagāmatridivaṃbalāt ### [1.42.10](https://indike.org/pramana/in.purana.padma.1.42.10) badhvātataḥsahasrākṣaṃpāśenāmoghavarcasā māturaṃtikamāgacchadvyādhaḥkṣudramṛgaṃyathā ### [1.42.11](https://indike.org/pramana/in.purana.padma.1.42.11) etasminnaṃtarebrahmākaśyapaścamahātapāḥ āgatautatrayatrāstāṃmātāputrāvabhītakau ### [1.42.12](https://indike.org/pramana/in.purana.padma.1.42.12) dṛṣṭvātutāvuvācedaṃbrahmākaśyapaevaca muṃcainaṃputradeveṃdraṃkimanenaprayojanam ### [1.42.13](https://indike.org/pramana/in.purana.padma.1.42.13) avamānovadhaḥproktaḥputrasaṃbhāvitasyatu asmadvākyenayomuktastvaddhastānmṛtaevasaḥ ### [1.42.14](https://indike.org/pramana/in.purana.padma.1.42.14) parasyagauravānmuktaḥśatrūṇāśatrurāhave sajīvannevahimṛtodivasedivasepunaḥ ### [1.42.15](https://indike.org/pramana/in.purana.padma.1.42.15) etacchrutvātuvajrāṃgaḥpraṇatovākyamabravīt namekṛtyamanenāstimāturājñākṛtāhime ### [1.42.16](https://indike.org/pramana/in.purana.padma.1.42.16) tvaṃsurāsuranāthovaimānyaścaprapitāmahaḥ kariṣyetvadvacodevaeṣamuktaḥśatakratuḥ ### [1.42.17](https://indike.org/pramana/in.purana.padma.1.42.17) tapasemeratirdevanirvighnaṃtaccamebhavet tvatprasādenabhagavannityuktvāvirarāmaha ### [1.42.18](https://indike.org/pramana/in.purana.padma.1.42.18) tasmiṃstūṣṇīṃsthitedaityeprovācedaṃpitāmahaḥ brahmovāca tapastvaṃkurumāpannaḥ sosmacchāsanasaṃsthitaḥ ### [1.42.19](https://indike.org/pramana/in.purana.padma.1.42.19) anayācittaśuddhyāhiparyāptaṃjanmanaḥphalam ityuktvāpadmajaḥkanyāṃsasarjāyatalocanām ### [1.42.20](https://indike.org/pramana/in.purana.padma.1.42.20) tāmasmaipradadaudevaḥpatnyarthepadmasaṃbhavaḥ varāṃgīticanāmāsyāḥkṛtvāyātaḥpitāpahaḥ ### [1.42.21](https://indike.org/pramana/in.purana.padma.1.42.21) vajrāṃgopitayāsārddhaṃjagāmatapasevanam ūddhrvabāhussadaityeṃdrocaradvarṣasahasrakam ### [1.42.22](https://indike.org/pramana/in.purana.padma.1.42.22) kālaṃkamalapatrākṣaḥśuddhabuddhirmahātapāḥ tāvaccādhomukhaḥkālaṃtāvatpaṃcāgnimadhyagaḥ ### [1.42.23](https://indike.org/pramana/in.purana.padma.1.42.23) nirāhāroghoratapāstaporāśirajāyata tataḥsoṃtarjalecakrevāsaṃvarṣasahasrakam ### [1.42.24](https://indike.org/pramana/in.purana.padma.1.42.24) jalāṃtaraṃpraviṣṭasyatasyapatnīmahāvratā tasyaivatīresarasaḥ sthitāsaumaunamāśritā ### [1.42.25](https://indike.org/pramana/in.purana.padma.1.42.25) nirāhāraṃtapoghoraṃpraviveśamahādyutiḥ tasyāṃtapasivartaṃtyāmiṃdraścakrevibhīṣikām ### [1.42.26](https://indike.org/pramana/in.purana.padma.1.42.26) gatvātumarkaṭākārastadāśramapadaṃmahat brasīṃcakarṣabalavāngaṃdhādyarcākaraṃḍakam ### [1.42.27](https://indike.org/pramana/in.purana.padma.1.42.27) tatastusiṃharūpeṇabhīṣayāmāsabhāminīm tatobhujaṃgarūpeṇāpyadaśaccaraṇadvayam ### [1.42.28](https://indike.org/pramana/in.purana.padma.1.42.28) tapobalavaśātsātunavadhyatvaṃjagāmaha bhīṣikābhiranekābhiḥ kleśayanpākaśāsanaḥ ### [1.42.29](https://indike.org/pramana/in.purana.padma.1.42.29) virarāmayadānaivavajrāṃgamahiṣītadā śailasyaduṣṭatāṃmatvāśāpaṃdātuṃsamudyatā ### [1.42.30](https://indike.org/pramana/in.purana.padma.1.42.30) tāṃśāpābhimukhīṃdṛṣṭvāśailaḥpuruṣavigrahaḥ uvācatāṃvarārohāṃvarāṃgīṃbhītalocanaḥ ### [1.42.31](https://indike.org/pramana/in.purana.padma.1.42.31) śailauvāca nāhaṃmahāvrateduṣṭaḥsevyohaṃsarvadehinām vipriyaṃtekarotyeṣaruṣitaḥpākaśāsanaḥ ### [1.42.32](https://indike.org/pramana/in.purana.padma.1.42.32) etasminnaṃtarejātaḥkālovarṣasahasrakaḥ tasminjñātvātubhagavānkālekamalasaṃbhavaḥ ### [1.42.33](https://indike.org/pramana/in.purana.padma.1.42.33) tuṣṭaḥprovācavajrāṃgaṃtadāgatyajalāśayam brahmovāca dadāmisarvakāmaṃtauttiṣṭhaditinaṃdana ### [1.42.34](https://indike.org/pramana/in.purana.padma.1.42.34) evamuktastadotthāyasadaityeṃdrastaponidhiḥ uvācaprāṃjalirvākyaṃsarvalokapitāmaham ### [1.42.35](https://indike.org/pramana/in.purana.padma.1.42.35) vajrāṃgauvāca āsuromāstumebhāvaḥsaṃtulokāmamākṣayāḥ tapasyabhiratirmestuśarīrasyāsyavartanam ### [1.42.36](https://indike.org/pramana/in.purana.padma.1.42.36) evamastvititaṃdevojagāmasvakamālayam vajrāṃgopisamāptetutapasisthirasaṃyamaḥ ### [1.42.37](https://indike.org/pramana/in.purana.padma.1.42.37) saṃgaṃtumicchansvāṃbhāryāṃnadadarśāśramesvake kṣudhāviṣṭaḥsaśailasyagahanaṃpraviveśaha ### [1.42.38](https://indike.org/pramana/in.purana.padma.1.42.38) ādātuṃphalamūlānisacatasminvyalokayat rudantīṃsvāṃpriyāṃdīnāṃtarupracchāditānanām ### [1.42.39](https://indike.org/pramana/in.purana.padma.1.42.39) tāṃvilokyatatodaityaḥprovācaparisāṃtvayan vajrāṃgauvāca kenatepakṛtaṃbhadreyamalokaṃyiyāsunā ### [1.42.40](https://indike.org/pramana/in.purana.padma.1.42.40) kaṃvākāmaṃprayacchāmiśīghraṃprabrūhimānini varāṃgyuvāca trāsitāsmyapaviddhāsmitāḍitāpīḍitāsmica ### [1.42.41](https://indike.org/pramana/in.purana.padma.1.42.41) raudreṇadevarājenanaṣṭanāthevabhūriśaḥ duḥkhasyāṃtamapaśyaṃtīprāṇāṃstyaktuṃvyavasthitā ### [1.42.42](https://indike.org/pramana/in.purana.padma.1.42.42) putraṃmetārakaṃdehitasmādduḥkhamahārṇavāt evamuktastudaityeṃdraḥkopavyākulalocanaḥ ### [1.42.43](https://indike.org/pramana/in.purana.padma.1.42.43) śaktopidevarājasyapratikartuṃmahāsuraḥ tapaevapunaścartuṃvyavasyatamahābalaḥ ### [1.42.44](https://indike.org/pramana/in.purana.padma.1.42.44) jñātvātasyatusaṃkalpaṃbrahmākrūrataraṃpunaḥ ājagāmatvarāyuktoyatrāsauditinaṃdanaḥ ### [1.42.45](https://indike.org/pramana/in.purana.padma.1.42.45) brahmovāca kimarthaṃputrabhūyastvaṃkartuṃniyamamudyataḥ tadahaṃtepunardadmikāṃkṣitaṃputramojasā ### [1.42.46](https://indike.org/pramana/in.purana.padma.1.42.46) vajrāṃgauvāca utthitenamayādṛṣṭāsamādhānāttvadājñayā trāsiteṃdreṇamāmāhasāvarāṃgīsutārthinī ### [1.42.47](https://indike.org/pramana/in.purana.padma.1.42.47) putraṃmetārakaṃdehituṣṭometvaṃpitāmaha brahmovāca alaṃtetapasāvīramākleśedustareviśa ### [1.42.48](https://indike.org/pramana/in.purana.padma.1.42.48) putrastutārakonāmabhaviṣyatimahābalaḥ devasīmaṃtinīnāṃtudhammillakavimokṣakaḥ ### [1.42.49](https://indike.org/pramana/in.purana.padma.1.42.49) ityuktodaityanāthastupraṇamyaprapitāmaham gatvātāṃnaṃdayāmāsamahiṣīṃkarśitāṃtarām ### [1.42.50](https://indike.org/pramana/in.purana.padma.1.42.50) taudaṃpatīkṛtārthautujagmatuḥsvāśramaṃtadā āhitaṃtutadāgarbhaṃvarāṃgīvaravarṇinī ### [1.42.51](https://indike.org/pramana/in.purana.padma.1.42.51) pūrṇaṃvarṣasahasraṃtudadhārodaraevahi tatovarṣasahasrāṃtevarāṃgīsāprasūyata ### [1.42.52](https://indike.org/pramana/in.purana.padma.1.42.52) jāyamānetudaityetutasminlokabhayaṃkare cacālasarvāpṛthivīprodbhūtāścamahārṇavāḥ ### [1.42.53](https://indike.org/pramana/in.purana.padma.1.42.53) celurdharādharāścāpivavurvātāścabhīṣaṇāḥ jepurjapyaṃmunivarānedurvyālamṛgāapi ### [1.42.54](https://indike.org/pramana/in.purana.padma.1.42.54) jahaukāṃtiścaṃdrasūryaunīhāracchāditādiśaḥ jātemahāsuretasminsarvecāpimahāsurāḥ ### [1.42.55](https://indike.org/pramana/in.purana.padma.1.42.55) ājagmurharṣitāstatratathācāsurayoṣitaḥ jagurharṣasamāviṣṭānanṛtuścāpsarogaṇāḥ ### [1.42.56](https://indike.org/pramana/in.purana.padma.1.42.56) tatomahotsavejātedānavānāṃmahādyute viṣaṇṇamanasodevāḥsaheṃdrāabhavaṃstadā ### [1.42.57](https://indike.org/pramana/in.purana.padma.1.42.57) varāṃgītusutaṃdṛṣṭvāharṣeṇāpūritātadā bahumenecadaityeṃdrovijātaṃtaṃtadātayā ### [1.42.58](https://indike.org/pramana/in.purana.padma.1.42.58) jātamātrastudaityeṃdrastārakaścogravikramaḥ abhiṣiktosurairmukhyaiḥkujaṃbhamahiṣādibhiḥ ### [1.42.59](https://indike.org/pramana/in.purana.padma.1.42.59) sarvāsuramahārājyepṛthivītulanakṣame satuprāptamahārājyastārakonṛpasattama ### [1.42.60](https://indike.org/pramana/in.purana.padma.1.42.60) uvācadānavaśreṣṭhoyuktiyuktamidaṃvacaḥ tārakauvāca śṛṇudhvamasurāḥsarvevākyaṃmamamahābalāḥ ### [1.42.61](https://indike.org/pramana/in.purana.padma.1.42.61) vaṃśakṣayakarādevāḥsarveṣāmevadānavāḥ asmākaṃjātidharmeṇavirūḍhaṃvairamakṣayam ### [1.42.62](https://indike.org/pramana/in.purana.padma.1.42.62) vayaṃtapaścariṣyāmaḥsurāṇāṃnigrahāyatu svabāhubalamāśrityasarvaevanasaṃśayaḥ ### [1.42.63](https://indike.org/pramana/in.purana.padma.1.42.63) tacchrutvāsaṃmataṃkṛtvāpāriyātraṃyayaugiriṃ nirāhāraḥpaṃcatapāḥpatrabhugvāribhojanaḥ ### [1.42.64](https://indike.org/pramana/in.purana.padma.1.42.64) śataṃśataṃsamānāṃtutapāṃsyetānyathākarot evaṃtukarśitedehetaporāśitvamāgate ### [1.42.65](https://indike.org/pramana/in.purana.padma.1.42.65) brahmāgatyāhadaityeṃdraṃvaraṃvarayasuvrata savavresarvabhūtebhyonamemṛtyurbhavediti ### [1.42.66](https://indike.org/pramana/in.purana.padma.1.42.66) tamuvācatatobrahmādehināṃmaraṇaṃdhruvam yatastatopivarayamṛtyuṃyasmānnaśaṃkase ### [1.42.67](https://indike.org/pramana/in.purana.padma.1.42.67) tataḥsaṃciṃtyadaityeṃdraḥśiśorvaisaptavāsarāt vavremahāsuromṛtyuṃmohitohyavalepataḥ ### [1.42.68](https://indike.org/pramana/in.purana.padma.1.42.68) jagāmomityudāhṛtyabrahmādaityonijaṃgṛham athāhamaṃtriṇastūrṇaṃbalaṃmesaṃprayujyatām ### [1.42.69](https://indike.org/pramana/in.purana.padma.1.42.69) yadivomatpriyaṃkāryaṃnigrāhyāḥsurasattamāḥ nigṛhīteṣumeprītirjāyatecātulā'surāḥ ### [1.42.70](https://indike.org/pramana/in.purana.padma.1.42.70) tārakasyavacaḥśrutvāgrasanonāmadānavaḥ senānīrdaityarājasyasajjaṃcakrebalaṃcatat ### [1.42.71](https://indike.org/pramana/in.purana.padma.1.42.71) āhatyabherīṃgaṃbhīrāṃdaityānāhūyasatvaraḥ daśakoṭīśvarādaityādaityānāṃcaṃḍavikramāḥ ### [1.42.72](https://indike.org/pramana/in.purana.padma.1.42.72) teṣāmagresarojaṃbhaḥkujaṃbhonaṃtarosuraḥ mahiṣaḥkuṃjaromeghaḥkālanemirnimistathā ### [1.42.73](https://indike.org/pramana/in.purana.padma.1.42.73) maṃthanojaṃbhakaḥśumbhodaityeṃdrādaśanāyakāḥ anyecaśataśastatrapṛthivītulanakṣamāḥ ### [1.42.74](https://indike.org/pramana/in.purana.padma.1.42.74) garuḍānāṃsahasreṇacakrāṣṭakavibhūṣitaḥ sakūbaraparīvāraścaturyojanavistṛtaḥ ### [1.42.75](https://indike.org/pramana/in.purana.padma.1.42.75) syaṃdanastārakasyāsītvyāghrasiṃhakharārvabhiḥ yuktārathāstugrasanajaṃbhakaujaṃbhakuṃbhināṃ ### [1.42.76](https://indike.org/pramana/in.purana.padma.1.42.76) meghasyadvīpibhiryuktaḥkūṣmāṃḍaiḥkālaneminaḥ parvatābhaścaturdaṃṣṭronimeścaivamahāgajaḥ ### [1.42.77](https://indike.org/pramana/in.purana.padma.1.42.77) śatahastaturaṃgasthomaṃthanonāmadaityarāṭ jaṃbhakastūṣṭramārūḍhogirīṃdrābhaṃmahābalaḥ ### [1.42.78](https://indike.org/pramana/in.purana.padma.1.42.78) śuṃbhomeṣaṃsamārūḍhonyepyevaṃcitravāhanāḥ pracaṃḍāścitravarmāṇaḥkuṃḍaloṣṇīṣabhūṣitāḥ ### [1.42.79](https://indike.org/pramana/in.purana.padma.1.42.79) tadbalaṃdaityasiṃhasyabhīmarūpaṃvyajāyata pramattamattamātaṃgaturaṃgarathasaṃkulam ### [1.42.80](https://indike.org/pramana/in.purana.padma.1.42.80) pratasthemarayuddhāyabahupattipatākikam etasminnaṃtarevāyurdevadūto'surālaye ### [1.42.81](https://indike.org/pramana/in.purana.padma.1.42.81) dṛṣṭvātaddānavabalaṃjagāmeṃdrasyaśaṃsituṃ sagatvātusabhāṃdivyāṃmaheṃdrasyamahātmanaḥ ### [1.42.82](https://indike.org/pramana/in.purana.padma.1.42.82) śaśaṃsamadhyedevānāṃtatkāryaṃsamupasthitam tacchrutvādevarājastunimīlitavilocanaḥ ### [1.42.83](https://indike.org/pramana/in.purana.padma.1.42.83) bṛhaspatimuvācedaṃvākyaṃkālemahābhujaḥ iṃdrauvāca saṃprāpnotivimardoyaṃdevānāṃdānavaiḥsaha ### [1.42.84](https://indike.org/pramana/in.purana.padma.1.42.84) kāryaṃkimatratadbrūhinītyupāyopabṛṃhitam etacchrutvātuvacanaṃmaheṃdrasyagirāṃpatiḥ ### [1.42.85](https://indike.org/pramana/in.purana.padma.1.42.85) ityuvācamahābhāgobṛhaspatirudāradhīḥ bṛhaspatiruvāca sāmapūrvāśrutānītiścaturaṃgāpatākinī ### [1.42.86](https://indike.org/pramana/in.purana.padma.1.42.86) jigīṣatāṃsuraśreṣṭhasthitireṣāsanātanī sāmabhedastathādānaṃdaṃḍaścāṃgacatuṣṭayam ### [1.42.87](https://indike.org/pramana/in.purana.padma.1.42.87) nasāṃtvagocarelubdhānabhedyāstvekadharmiṇaḥ nadānamattrasaṃsiddhyaiprasahyaivāpahāriṇām ### [1.42.88](https://indike.org/pramana/in.purana.padma.1.42.88) ekobhyupāyodaṃḍotrabhavatāṃyadirocate evamuktaḥsahasrākṣaevametaduvācaha ### [1.42.89](https://indike.org/pramana/in.purana.padma.1.42.89) karttavyatāṃcasaṃciṃtyaprovācāmarasaṃsadi iṃdrauvāca avadhānenamevācaṃśṛṇudhvaṃnākavāsinaḥ ### [1.42.90](https://indike.org/pramana/in.purana.padma.1.42.90) bhavaṃtoyajñabhoktārodivyātmānohisānvayāḥ svemahimnisthitānityaṃjagataḥpālaneratāḥ ### [1.42.91](https://indike.org/pramana/in.purana.padma.1.42.91) kriyatāṃsamarodyogaḥsainyaṃsaṃyojyatāṃmama āhriyaṃtāṃcaśastrāṇipūjyaṃtāṃśastradevatāḥ ### [1.42.92](https://indike.org/pramana/in.purana.padma.1.42.92) vāhanānivimānāniyojayaddhvaṃmameśvarāḥ yamaṃsenāpatiṃkṛtvāśīghramevadivaukasaḥ ### [1.42.93](https://indike.org/pramana/in.purana.padma.1.42.93) ityuktāssamanahyaṃtadevānāṃyepradhānataḥ vājināmayutenājauhemaghaṃṭāpariṣkṛtam ### [1.42.94](https://indike.org/pramana/in.purana.padma.1.42.94) nānāścaryaguṇopetaṃsaṃprāptaṃdevadānavaiḥ rathaṃmātalināyuktaṃdevarājasyadurjayam ### [1.42.95](https://indike.org/pramana/in.purana.padma.1.42.95) yamomahiṣamāsthāyasenāgresamavarttata caṃḍakiṃkaravṛṃdenasarvataḥparivāritaḥ ### [1.42.96](https://indike.org/pramana/in.purana.padma.1.42.96) kalpakālodgatajvālāpūritombaragocaraḥ hutāśanastvajārūḍhaḥśaktihastovyavasthitaḥ ### [1.42.97](https://indike.org/pramana/in.purana.padma.1.42.97) pavano'ṅakuśahastaścavistāritamahājavaḥ bhujageṃdrasamārūḍhojaleśobhagavānsvayam ### [1.42.98](https://indike.org/pramana/in.purana.padma.1.42.98) narayukterathedevorākṣaseśoviyaccaraḥ tīkṣṇakhaḍgayutobhīmaḥsamaresamavasthitaḥ ### [1.42.99](https://indike.org/pramana/in.purana.padma.1.42.99) mahāsiṃharathedevodhanādhyakṣogadāyudhaḥ caṃdrādityāvaśvinaucacaturaṃgabalānvitāḥ ### [1.42.100](https://indike.org/pramana/in.purana.padma.1.42.100) senānyodevarājasyadurjayābhuvanatraye koṭayastāstrayastriṃśaddevadevanikāyinām ### [1.42.101](https://indike.org/pramana/in.purana.padma.1.42.101) himācalābhesitacārucāmaresuvarṇapadmāmalasuṃdarasraji kṛtābhirāmojvalakuṃkumāṃkurekapolalīlālikadaṃbasaṃkule ### [1.42.102](https://indike.org/pramana/in.purana.padma.1.42.102) sthitastadairāvaṇanāmakuṃjare mahāmanāścitravibhūṣaṇāṃbaraḥ viśālavajraḥsuvitānabhūṣitaḥprakīrṇakeyūrabhujaṃgamaṃḍalaḥ ### [1.42.103](https://indike.org/pramana/in.purana.padma.1.42.103) sahasradṛgvaṃditapādapallavastriviṣṭapeśobhatapākaśāsanaḥ turaṃgamātaṃgakulaughasaṃkulāsitātapattraddhvajaśālinīca ### [1.42.104](https://indike.org/pramana/in.purana.padma.1.42.104) babhūvasādurjayapattisaṃtatāvibhātinānāyudhayodhadustarā tatośvinaucamarutaḥsasādhyāḥsapuraṃdarāḥ ### [1.42.105](https://indike.org/pramana/in.purana.padma.1.42.105) yakṣarākṣasagaṃdharvādivyanānāstrapāṇayaḥ jaghnurdaityeśvaraṃsarvesaṃbhūyatumahābalāḥ ### [1.42.106](https://indike.org/pramana/in.purana.padma.1.42.106) nacaivāstrāṇyasajjaṃtagātrevajrācalopame athorathādavaplutyatārakodānavādhipaḥ ### [1.42.107](https://indike.org/pramana/in.purana.padma.1.42.107) jaghānakoṭiśodevānkarapārṣṇibhirevaca hataśeṣāṇisainyānidevānāṃvipradudruvuḥ ### [1.42.108](https://indike.org/pramana/in.purana.padma.1.42.108) diśobhītānisaṃtyajyaraṇopakaraṇānica dṛṣṭvātānvidrutāndevāṃstārakovākyamabravīt ### [1.42.109](https://indike.org/pramana/in.purana.padma.1.42.109) māvadhiṣṭhasurāndaityāvajrāṃgāyacamaṃdire śīghramānīyadarśyaṃtāṃbaddhānpaśyatvayaṃsurān ### [1.42.110](https://indike.org/pramana/in.purana.padma.1.42.110) lokapālāṃstatodaityobaddhvāceṃdramukhānraṇe sarudrānsudṛḍhaiḥpāśaiḥpaśupālaḥpaśūniva ### [1.42.111](https://indike.org/pramana/in.purana.padma.1.42.111) sabhūyorathamāsthāyajagāmasvakamālayaṃ siddhagaṃdharvasaṃghuṣṭaṃvipulācalamastakam ### [1.42.111.p1](https://indike.org/pramana/in.purana.padma.1.42.111.p1) stūyamānoditisutairapsarobhiḥsusevitaḥ ### [1.42.111.p2](https://indike.org/pramana/in.purana.padma.1.42.111.p2) iti śrīpādmapurāṇeprathamesṛṣṭikhaṃḍedevāsurasaṃgrāmetārakajayonāmadvicatvāriṃśattamo'dhyāyaḥ ## Linked texts (2) - [Matsyapurāṇa](https://indike.org/pramana/in.purana.matsya.146.45) — Vyāsa, Sanskrit - [Skandapurāṇa (early; "Ambikākhaṇḍa") (ed. Bakker)](https://indike.org/pramana/in.purana.skanda*early*bakker.2.22.53.p1) — Sanskrit --- Source: [https://indike.org/pramana/in.purana.padma.1.42](https://indike.org/pramana/in.purana.padma.1.42) · Pramāṇa