[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Padmapurana](https://indike.org/pramana/in.purana.padma) › 1.43 # Padmapurana 1.43: tricatvāriṃśo'dhyāyaḥ Padmapurāṇa 1.43 - **Language:** Sanskrit ## Contents - [1.43.35](https://indike.org/pramana/in.purana.padma.1.43.35) — 1 part - [1.43.378](https://indike.org/pramana/in.purana.padma.1.43.378) — 1 part ### tricatvāriṃśo'dhyāyaḥ ### [1.43.1](https://indike.org/pramana/in.purana.padma.1.43.1) pulastyauvācaprādurāsītpratīhāraḥśubhracīnāṃśukāṃbaraḥ sajānubhyāṃmahīṃgatvāpihitāsyaścapāṇinā ### [1.43.2](https://indike.org/pramana/in.purana.padma.1.43.2) uvācānāvilaṃvākyamalpākṣarapariṣkṛtam daityeṃdramarkavṛṃdābhaṃvibhrataṃbhāsvaraṃvapuḥ ### [1.43.3](https://indike.org/pramana/in.purana.padma.1.43.3) kālanemiḥsurānbaddhvāprādāyadvāritiṣṭhati savijñāpayatistheyaṃkvavaṃdinicayaiḥprabho ### [1.43.4](https://indike.org/pramana/in.purana.padma.1.43.4) tanniśamyābravīddaityaḥpratīhārasyabhāṣitam yatheṣṭhaṃsthīyatāmebhirgṛhaṃmebhuvanatrayaṃ ### [1.43.5](https://indike.org/pramana/in.purana.padma.1.43.5) kevalaṃvāsavaṃtvekaṃmuṃḍayitvāvimucyatām sitavastraparicchannaṃśunaḥpādenacihnitam ### [1.43.6](https://indike.org/pramana/in.purana.padma.1.43.6) evaṃkṛtetatodevādūyamānenacetasā jagmurjagadguruṃdraṣṭuṃśaraṇaṃkamalodbhavam ### [1.43.7](https://indike.org/pramana/in.purana.padma.1.43.7) vinirviṇṇāstamāsādyaśirobhirddharaṇīṃgatāḥ tuṣṭuvuḥsuṣṭhuvarṇāḍhyairvacobhiḥkamalāsanam ### [1.43.8](https://indike.org/pramana/in.purana.padma.1.43.8) devāūcuḥnamastvoṃkārāṃkurādiprasūtyaiviśvasthānānaṃtabhedasyapūrvam saṃbhūtasyānaṃtaraṃsatvamūlesaṃhārecchostenamaḥsatvamūrtte ### [1.43.9](https://indike.org/pramana/in.purana.padma.1.43.9) vyaktīnāṃtvāmādibhūtaṃmahimnācāsmādasmānabhidhānādviciṃtya dyāvāpṛthvyorūddhrvalokāṃstathādhaścāṃḍādasmātvaṃvibhāgaṃcakartha ### [1.43.10](https://indike.org/pramana/in.purana.padma.1.43.10) vyaktaṃmeruryajjarāyustavābhūdevaṃvidmastvatpraṇītovakāśaḥ vyaktaṃdevājajñireyasyadehāddehasyāṃtaścāriṇodehabhājaḥ ### [1.43.11](https://indike.org/pramana/in.purana.padma.1.43.11) dyaustemūrddhālocanecaṃdrasūryauvyālāḥkeśāḥśrotraraṃdhrediśaste gātraṃyajñaḥsiṃdhavaḥsaṃdhayovaipādaubhūmistūdaraṃtesamudrāḥ ### [1.43.12](https://indike.org/pramana/in.purana.padma.1.43.12) māyākāraḥkāraṇaṃtvaṃprasiddhovedaiḥśāṃtojyotirarkastvamuktaḥ vedārthenatvāṃvivṛṇvaṃtibuddhyāhṛtpadmāṃtaḥsaṃniviṣṭaṃpurāṇam ### [1.43.13](https://indike.org/pramana/in.purana.padma.1.43.13) tvāṃcātmānaṃlabdhayogāgṛṇaṃtisāṃkhyairyāḥstāḥsaptasūkṣmāḥpraṇītāḥ tāsāṃheturyāṣṭamīcāpigītātāsvaṃtasthojīvabhūtastvameva ### [1.43.14](https://indike.org/pramana/in.purana.padma.1.43.14) dṛṣṭvāmūrttiṃsthūlasūkṣmāṃcakārayevaibhāvāḥkāraṇekeciduktāḥ saṃbhūtāstetvattaevādisargebhūyastāstvāṃvāsanāṃtebhyupeyāḥ ### [1.43.15](https://indike.org/pramana/in.purana.padma.1.43.15) tvatsaṃketastvaṃtarāyonigūḍhaḥkālomeyodhvastasaṃkhyāvikalpaḥ bhāvābhāvāvyaktisaṃhārahetuḥsonaṃtastvaṃtasyakartānidhānam ### [1.43.16](https://indike.org/pramana/in.purana.padma.1.43.16) sthūlassarvonarthabhūtastatonyassorthassūkṣmoyohitebhyopigītaḥ sthūlābhāvāścāvṛtāyaiścateṣāṃtebhyaḥsthūlastvaṃpurāṇepraṇītaḥ ### [1.43.17](https://indike.org/pramana/in.purana.padma.1.43.17) bhūtaṃbhūtaṃbhūtimadbhūtabhāvaṃbhāvebhāvebhāvitaṃtvaṃyunakṣi yuktaṃyuktaṃvyaktibhāvānnirasyasthānesthānevyaktivṛttiṃkaroṣi ### [1.43.18](https://indike.org/pramana/in.purana.padma.1.43.18) itthaṃdevovyaktibhājāṃśaraṇyastrātāgoptābhāvitonaṃtamūrtiḥ viremuramarāstutvābrahmāṇamitikāraṇam ### [1.43.19](https://indike.org/pramana/in.purana.padma.1.43.19) tasthurmanobhiriṣṭārthasaṃprāptiprārthanāstataḥ evaṃstutoviriṃcistuprasādaṃparamaṃgataḥ ### [1.43.20](https://indike.org/pramana/in.purana.padma.1.43.20) amarānvaradopyāhavāmahastenanirdiśan brahmovācanārīvābhartṛkākasmāddhastasaṃtyaktabhūṣaṇā ### [1.43.21](https://indike.org/pramana/in.purana.padma.1.43.21) narājasekutaśśakrāmlānavaktrasaroruhaḥ hutāśanaviyuktopidhūmenanavirājase ### [1.43.22](https://indike.org/pramana/in.purana.padma.1.43.22) tṛṇaughenapraticchannodagdhadāvaściroṣitaḥ yamāmayaśarīreṇakliṣṭonādyavirājase ### [1.43.23](https://indike.org/pramana/in.purana.padma.1.43.23) daṃḍenālaṃbanenevakṛṣṭoyenapadepade rajanīcaranāthatvaṃkiṃbhītaivabhāṣase ### [1.43.24](https://indike.org/pramana/in.purana.padma.1.43.24) rākṣaseṃndrakṛtādānetvamarātikṣatoyathā tanustevaruṇocchuṣkāparītasyevavahninā ### [1.43.25](https://indike.org/pramana/in.purana.padma.1.43.25) vimuktarudhiraṃcāthapadaṃtvaṃpravilokaya vāyobhavānvicetaskaḥkhaḍgāgrairivaniṣkṛtaḥ ### [1.43.26](https://indike.org/pramana/in.purana.padma.1.43.26) kiṃtvaṃnatosidhanadasaṃtyajyevakuberatāṃ rudrāstriśūlinaḥsaṃto'vidadhvaṃbahuśūratāṃ ### [1.43.27](https://indike.org/pramana/in.purana.padma.1.43.27) bhavatāṃkenacākṣiptātīvratānastaducyatāṃ evamuktāḥsurāstenabrahmaṇābrahmavartinā ### [1.43.28](https://indike.org/pramana/in.purana.padma.1.43.28) vācāṃpradhānabhūtatvāttemārutamacodayan athaśakramukhairdevaiḥpavanaḥpraticoditaḥ ### [1.43.29](https://indike.org/pramana/in.purana.padma.1.43.29) prāhadevaṃcaturvaktraṃbhavānvetticarācaraṃ purahūtamukhāḥsabalānimiṣāvijitāḥprasabhaṃkiladaityaśataiḥ ### [1.43.30](https://indike.org/pramana/in.purana.padma.1.43.30) kratavovihitābhavatāsthitayejagatāṃcamahādbhutacitraguṇāḥ apiyajñakṛtaḥśrutakāmaphalāvihitāṣayastataevapuraḥ ### [1.43.31](https://indike.org/pramana/in.purana.padma.1.43.31) apinākamabhūtkilayajñabhujāṃbhavatoviniyogavaśātsatatam apathṛtyavimānagaṇaṃsakṛtodanujenamahākarabhūmisamaḥ ### [1.43.32](https://indike.org/pramana/in.purana.padma.1.43.32) kṛtavānasisarvaguṇātiśayaṃyamaśeṣamahīdhararājatayā makhabhūṣitamaṃśumatāmavadhiṃsuradhāmagiriṃgaganepisadā ### [1.43.33](https://indike.org/pramana/in.purana.padma.1.43.33) adhivāsavihāravidhānucitodanujenapariṣkṛtaśṛṃgataṭaḥ pravilambitaratnaguhānivahobahudaityasamāśrayatāṃgamitaḥ ### [1.43.34](https://indike.org/pramana/in.purana.padma.1.43.34) asurasyacatasyabhayenagataṃsaviṣādaśarīranimittatayā upabhogyatayādhikṛtaṃsuciraṃvimaladyutipūritadigvadanaṃ ### [1.43.35](https://indike.org/pramana/in.purana.padma.1.43.35) bhavataivavinirmitamādiyugesurahetisamūhavaraṃkuliśaṃ ditijasyaśarīramavāpyagataṃśatadhāmatibhedamivālpavidaḥ ### [1.43.35.p1](https://indike.org/pramana/in.purana.padma.1.43.35.p1) bāṇaiścayudhividdhāṃgādvāridvāsthairnidarśitāḥ labdhapraveśāḥkṛcchreṇavayaṃtasyāmaradviṣaḥ36 ### [1.43.37](https://indike.org/pramana/in.purana.padma.1.43.37) sabhāyāmamarādevaprakṛṣyopaniveśitāḥ vetrahastairajalpaṃtastathopahasitāḥparaiḥ ### [1.43.38](https://indike.org/pramana/in.purana.padma.1.43.38) mahārthāḥsiddhasarvārthābhavaṃtaḥsvalpabhāṣiṇaḥ śāstrayuktamathabrūtamāmarābahubhāṣiṇaḥ ### [1.43.39](https://indike.org/pramana/in.purana.padma.1.43.39) sabheyaṃdaityasiṃhasyanaśakrasyaviśṛṃkhalā vadadbhiritidaityasyapreṣyairvihasitābahu ### [1.43.40](https://indike.org/pramana/in.purana.padma.1.43.40) tavomūrtimaṃtaścāpyaharniśamupāsate kṛtāparādhaṃsatrāsaṃnatyajaṃtikathaṃcana ### [1.43.41](https://indike.org/pramana/in.purana.padma.1.43.41) taṃtrīlayanayopetaṃsiddhagaṃdharvakinnaraiḥ sarāgamupadhāviṣṭaṃgīyatetasyaveśmasu ### [1.43.42](https://indike.org/pramana/in.purana.padma.1.43.42) kṛtākṛtopakaraṇairmitrādigurulāghavaḥ śaraṇāgatasaṃtyāgītyaktasatyapratiśrayaḥ ### [1.43.43](https://indike.org/pramana/in.purana.padma.1.43.43) itiniśśeṣamathavāniśśeṣaṃkenaśakyate tasyāvinayamākhyātuṃsraṣṭātatraparāyaṇam ### [1.43.44](https://indike.org/pramana/in.purana.padma.1.43.44) ityuktvāvyaramadvāyuḥśanairdevaviceṣṭitaṃ surānuvācabhagavāṃstataḥsmitamukhāṃbujaḥ ### [1.43.45](https://indike.org/pramana/in.purana.padma.1.43.45) brahmovāca avadhyastārakodaityaḥsarvairapisurāsuraiḥ yasyavadhyassanādyāpijātastribhuvanepumān ### [1.43.46](https://indike.org/pramana/in.purana.padma.1.43.46) mayāsavaradānenachaṃdayitvānivāritaḥ tapasaḥsāṃprataṃrājātrailokyadahanātmakaḥ ### [1.43.47](https://indike.org/pramana/in.purana.padma.1.43.47) satuvavrevadhaṃdaityaśśiśutaḥsaptavāsarāt satusaptadinobālaḥśaṃkarādyobhaviṣyati ### [1.43.48](https://indike.org/pramana/in.purana.padma.1.43.48) tārakasyanihaṃtāsabhāskarābhobhaviṣyati sāṃprataṃcāpyapatnīkaḥśaṃkarobhagavānprabhuḥ ### [1.43.49](https://indike.org/pramana/in.purana.padma.1.43.49) himācalasyaduhitāyācadevībhaviṣyati tasyāḥsakāśādyaḥsūnuraraṇyāḥpāvakoyathā ### [1.43.50](https://indike.org/pramana/in.purana.padma.1.43.50) janayiṣyatitaṃprāpyatārakonabhaviṣyati mayā'bhyupāyaḥkathitoyathaiṣahibhaviṣyati ### [1.43.51](https://indike.org/pramana/in.purana.padma.1.43.51) śeṣaṃcāpyasyavibhavaṃvibhajadhvamanaṃtaraṃ stokakālaṃpratīkṣadhvaṃnirviśaṃkenacetasā ### [1.43.52](https://indike.org/pramana/in.purana.padma.1.43.52) ityuktāstridaśāstenasākṣātkamalayoninā jagmustepraṇipatyeśaṃyathāyogaṃdivaukasaḥ ### [1.43.53](https://indike.org/pramana/in.purana.padma.1.43.53) tatoyāteṣudeveṣubrahmālokapitāmahaḥ niśāṃsasmārabhagavāṃstāṃdevīṃpūrvasaṃbhavāṃ ### [1.43.54](https://indike.org/pramana/in.purana.padma.1.43.54) tatobhagavatīrātrirupatasthepitāmahaṃ tāṃviviktesamālokyabrahmovācavibhāvarīm ### [1.43.55](https://indike.org/pramana/in.purana.padma.1.43.55) brahmovācavibhāvarimahatkāryaṃdevānāṃsamupasthitaṃ tatkartavyaṃtvayādeviśṛṇukāryasyaniścayaṃ ### [1.43.56](https://indike.org/pramana/in.purana.padma.1.43.56) tārakonāmadaityeṃdraḥ suraśatruranirjitaḥ tasyābhavāyabhagavānjanayiṣyaticeśvaraḥ ### [1.43.57](https://indike.org/pramana/in.purana.padma.1.43.57) sutaṃsabhavitātasyatārakasyāṃtakaḥkila śaṃkarasyābhavatpatnīsatīdakṣasutātuyā ### [1.43.58](https://indike.org/pramana/in.purana.padma.1.43.58) sāpituḥkupitādevīkasmiṃścitkāraṇāṃtare bhavitrīhimaśailasyaduhitālokabhāvinī ### [1.43.59](https://indike.org/pramana/in.purana.padma.1.43.59) viraheṇaharastasyāmatvāśūnyaṃjagattrayaṃ satasyahimaśailasyakaṃdaresiddhasevite ### [1.43.60](https://indike.org/pramana/in.purana.padma.1.43.60) pratīkṣamāṇastajjanmakiṃcitkālaṃnivatsyati tayoḥsutaptatapasorbhavitāyomahānsutaḥ ### [1.43.61](https://indike.org/pramana/in.purana.padma.1.43.61) bhaviṣyatisadaityasyatārakasyavināśakaḥ jātamātrācasādevīsvalpasaṃjñevabhāminī ### [1.43.62](https://indike.org/pramana/in.purana.padma.1.43.62) virahotkaṃṭhitāgāḍhaṃharasaṃgamalālasā tayoḥsutaptatapasoḥsaṃyogaḥsyācchubhāvahaḥ ### [1.43.63](https://indike.org/pramana/in.purana.padma.1.43.63) tatastābhyāṃtujanitaḥsvalpovākkalahobhavet tatastusaṃśayobhūyastārakasyacadṛśyate ### [1.43.64](https://indike.org/pramana/in.purana.padma.1.43.64) tayoḥsaṃyuktayostasmātsuratāsaktikāraṇe vighnaṃtvayāvidhātavyaṃyathātābhyāṃtathāśṛṇu ### [1.43.65](https://indike.org/pramana/in.purana.padma.1.43.65) garbhasthamevatanmātuḥsvenarūpeṇasaṃjñayā tatovihasyaśarvastāṃviṣaṇṇonarmapūrvakaṃ ### [1.43.66](https://indike.org/pramana/in.purana.padma.1.43.66) bhartsayiṣyatitāṃdevīṃtataḥsākupitāsatī prayāsyatitapaścartuṃtataḥsātapasāyutā ### [1.43.67](https://indike.org/pramana/in.purana.padma.1.43.67) janayiṣyatitaṃśarvādamitadyutimaṃḍalaṃ saṃbhaviṣyatihaṃtāsausurārīṇāmasaṃśayam ### [1.43.68](https://indike.org/pramana/in.purana.padma.1.43.68) tvayāpidānavādevihaṃtavyālokadurjayāḥ yāvatsureśvarīdehasaṃkrāṃtaguṇasaṃcayā ### [1.43.69](https://indike.org/pramana/in.purana.padma.1.43.69) tatsaṃgamenatāvattvaṃdaityānhaṃtuṃnaśakyase evaṃkṛtetapastaptvātvayāsarvaṃkariṣyati ### [1.43.70](https://indike.org/pramana/in.purana.padma.1.43.70) samāptaniyamādeviyadācomābhaviṣyati tadāsvamevasārūpaṃśailajāpratipatsyate ### [1.43.71](https://indike.org/pramana/in.purana.padma.1.43.71) tadātvayāpisahitābhavānīsābhaviṣyati rūpāṃśenatusaṃyuktāumāyāstvaṃbhaviṣyasi ### [1.43.72](https://indike.org/pramana/in.purana.padma.1.43.72) ekānaṃśetilokastvāṃvaradepūjayiṣyati bhedairbahuvidhākāraiḥsarvagāṃkāmasādhinīm ### [1.43.73](https://indike.org/pramana/in.purana.padma.1.43.73) oṃkāravaktrāgāyatrītvamitibrahmavādibhiḥ ākrāṃtairūrjitākārārājabhiścamahābhujaiḥ ### [1.43.74](https://indike.org/pramana/in.purana.padma.1.43.74) tvaṃbhūritiviśāṃmātāśūdraiśśaivetipūjitā kṣāṃtirmunīnāmakṣobhyādayāniyamināmapi ### [1.43.75](https://indike.org/pramana/in.purana.padma.1.43.75) tvaṃmahopāyasaṃdehonītirnayavisarpiṇām paricittistvamarthānāṃtvamīhāprāṇihṛcchayā ### [1.43.76](https://indike.org/pramana/in.purana.padma.1.43.76) tvaṃmuktissarvabhūtānāṃtvaṃgatiḥsarvadehinām ratistvaṃratacittānāṃprītistvaṃtdṛdidehinām ### [1.43.77](https://indike.org/pramana/in.purana.padma.1.43.77) tvaṃkīrtiḥsatyabhūtānāṃtvaṃśāṃtirduṣṭakarmaṇām tvaṃbhrāṃtiḥsarvabhūtānāṃtvaṃgatiḥkratuyājinām ### [1.43.78](https://indike.org/pramana/in.purana.padma.1.43.78) jaladhīnāṃmahāvelātvaṃcalīlāvilāsinī priyakaṃṭhagrahānaṃdadāyinītvaṃvibhāvarī ### [1.43.79](https://indike.org/pramana/in.purana.padma.1.43.79) ityanekavidhairdevīrūpairloketvamarcitā yetvāṃstoṣyaṃtivaradepūjayiṣyaṃticāpiye ### [1.43.80](https://indike.org/pramana/in.purana.padma.1.43.80) tesarvakāmānāpsyaṃtiniyatānātrasaṃśayaḥ ityuktātuniśādevītathetyuktvākṛtāñjali ### [1.43.81](https://indike.org/pramana/in.purana.padma.1.43.81) jagāmatvaritātūrṇaṃgṛhaṃhimagirermahat tatrāsīnāṃmahāharmyeratnabhittisamāśrayām ### [1.43.82](https://indike.org/pramana/in.purana.padma.1.43.82) dadarśamenāmāpāṇḍucchavivaktrasaroruhām kiṃcitkṣāmāṃmukhodagrastanabhārāvanāmitām ### [1.43.83](https://indike.org/pramana/in.purana.padma.1.43.83) mahauṣadhigaṇābaddhamaṃtrarājaniṣevitām udūḍhakanakonnaddhajīvarakṣāmanoramām ### [1.43.84](https://indike.org/pramana/in.purana.padma.1.43.84) maṇidīpagaṇajyotirmahālokaprakāśite prakīrṇabahusiddhārthamanojñaparicārake ### [1.43.85](https://indike.org/pramana/in.purana.padma.1.43.85) śuddhacīnāṃśukacchatrabhūśayyāstaraṇojjvale dhūpāmodamanoramyesajjasarvopayogike ### [1.43.86](https://indike.org/pramana/in.purana.padma.1.43.86) tataḥkrameṇadivasegatedūraṃvibhāvarī vijṛṃbhitasukhodarketatomenāmahāgṛhe ### [1.43.87](https://indike.org/pramana/in.purana.padma.1.43.87) prasuptaprāyapuruṣenidrābhūtopacārake sphuṭālokeśaśabhṛtibhrāntarātrivihaṃgame ### [1.43.88](https://indike.org/pramana/in.purana.padma.1.43.88) rajanīcarasaṃcārabhūtairāvṛtacatvare gāḍhakaṃṭhagrahālagneśubhagoṣṭajanetataḥ ### [1.43.89](https://indike.org/pramana/in.purana.padma.1.43.89) kiṃcidākulatāṃprāptemenānetrāṃbujadvaye āviveśamukherātriḥsukhamadbhutasaṃgamā ### [1.43.90](https://indike.org/pramana/in.purana.padma.1.43.90) unmādāyajaganmātuḥkrameṇajaṭharāṃtare āviveśātulaṃjanmamanyamānākadātuvai ### [1.43.91](https://indike.org/pramana/in.purana.padma.1.43.91) araṃjayadgṛhaṃdevyāguhāraṇyevibhāvarī tatojagatyānirvāṇaheturhimagiripriyā ### [1.43.92](https://indike.org/pramana/in.purana.padma.1.43.92) brāhmemuhūrtesubhageprāsūyataguhāraṇiṃ tasyāṃtujāyamānāyāṃjaṃtavaḥsthāṇujaṃgamāḥ ### [1.43.93](https://indike.org/pramana/in.purana.padma.1.43.93) abhavansukhinaḥsarvesarvalokanivāsinaḥ nārakāṇāmapitadāsukhaṃsvargasamaṃmahat ### [1.43.94](https://indike.org/pramana/in.purana.padma.1.43.94) abhavatkrūrasatvānāṃcetaḥśāṃtaṃcadehinām jyotiṣāmapitejastusutarāṃcābhavattadā ### [1.43.95](https://indike.org/pramana/in.purana.padma.1.43.95) vanāśritāścoṣadhayaḥsvādavaṃtiphalānica gaṃdhavaṃticamālyānivimalaṃcanabhobhavat ### [1.43.96](https://indike.org/pramana/in.purana.padma.1.43.96) mārutaścasukhasparśodiśaścasumanoharāḥ tūdbhūtaphalāyogaparipākaguṇojjvalā ### [1.43.97](https://indike.org/pramana/in.purana.padma.1.43.97) abhavatpṛthivīdevīśālimālākulāpica tapāṃsidīrghacīrṇānimunīnāṃbhāvitātmanām ### [1.43.98](https://indike.org/pramana/in.purana.padma.1.43.98) tasmingatānisāphalyaṃkālenirmalacetasām vismṛtānicaśāstrāṇiprādurbhāvaṃprapedire ### [1.43.99](https://indike.org/pramana/in.purana.padma.1.43.99) prabhāvastīrthamukhyānāṃtadāpuṇyatamastvabhūt aṃtarikṣemarāścāsanvimāneṣusahasraśaḥ ### [1.43.100](https://indike.org/pramana/in.purana.padma.1.43.100) samaheṃdrajalādhīśavāyuvahnipurogamāḥ puṣpavṛṣṭiṃpramumucustasmiṃstuhinabhūdhare ### [1.43.101](https://indike.org/pramana/in.purana.padma.1.43.101) jagurgaṃdharvamukhyāścananṛtuścāpsarogaṇāḥ meruprabhṛtayaścāpimūrtimaṃtomahācalāḥ ### [1.43.102](https://indike.org/pramana/in.purana.padma.1.43.102) tasminmahotsaveprāptedivyāḥ prasṛtapāṇayaḥ sāgarāssaritaścaivasamājagmuścasarvaśaḥ ### [1.43.103](https://indike.org/pramana/in.purana.padma.1.43.103) himaśailobhavalloketadāsarvaiścarācaraiḥ saṃsevyaścādhigamyaścasāśrayaścācalottamaḥ ### [1.43.104](https://indike.org/pramana/in.purana.padma.1.43.104) anubhūyotsavaṃdevājagmuḥsvānnilayāstadā devanāgeṃdragaṃdharvaśailalīlāvatīgaṇaiḥ ### [1.43.105](https://indike.org/pramana/in.purana.padma.1.43.105) himaśailasutādevītvahaṃpūrvikayātataḥ krameṇabuddhimānītāvidyāñcānalasairbudhaiḥ ### [1.43.106](https://indike.org/pramana/in.purana.padma.1.43.106) krameṇarūpasaubhāgyaprabodhairbhuvanatraye saṃpūrṇalakṣaṇājātāhimālayasutātathā ### [1.43.107](https://indike.org/pramana/in.purana.padma.1.43.107) etasminnaṃtareśakronāradaṃdevasaṃmatam devarṣimathasasmārakāryasādhanatatparaḥ ### [1.43.108](https://indike.org/pramana/in.purana.padma.1.43.108) satuśakrasyavijñāyakāṃkṣitaṃbhagavāṃstadā ājagāmamudāyuktomaheṃdrasyaniveśanam ### [1.43.109](https://indike.org/pramana/in.purana.padma.1.43.109) taṃtudṛṣṭvāsahasrākṣaḥsamutthāyamahāsanāt yathārheṇatupādyenapūjayāmāsavāsavaḥ ### [1.43.110](https://indike.org/pramana/in.purana.padma.1.43.110) śakrapraṇihitāṃpūjāṃpratigṛhyayathāvidhi nāradaḥkuśalaṃdevamapṛcchatpākaśāsanam ### [1.43.111](https://indike.org/pramana/in.purana.padma.1.43.111) pṛṣṭecakuśaleśakraḥprovācavacanaṃprabhuḥ iṃdrauvācakuśalasyāṃkurastāvatsaṃvṛttobhuvanatraye ### [1.43.112](https://indike.org/pramana/in.purana.padma.1.43.112) tatphalodbhavasaṃpattautvaṃmayāviditomune vetsyevatatsamastaṃtvaṃtathāpiparicoditaḥ ### [1.43.113](https://indike.org/pramana/in.purana.padma.1.43.113) nirvṛtiṃparamāṃyātinivedyārthaṃsuhṛjjane tadyathāśailajādevīyogaṃyāyātpinākinā ### [1.43.114](https://indike.org/pramana/in.purana.padma.1.43.114) śīghraṃtathodyamaḥsarvairasmatpakṣairvidhīyatām avagamyārthamakhilaṃtataāmaṃtryanāradaḥ ### [1.43.115](https://indike.org/pramana/in.purana.padma.1.43.115) śīghraṃjagāmabhagavānhimaśailaniketanam tatradvāresavipreṃdraścitravetralatākule ### [1.43.116](https://indike.org/pramana/in.purana.padma.1.43.116) vaṃditohimaśailenanirgatenapuromuniḥ sahapraviśyabhavanaṃbhuvobhūṣaṇatāṃgatam ### [1.43.117](https://indike.org/pramana/in.purana.padma.1.43.117) niveditesvayaṃhaimehimaśailenavistṛte mahāsanemunivaroniṣasādātuladyutiḥ ### [1.43.118](https://indike.org/pramana/in.purana.padma.1.43.118) yathārhamarghyaṃpādyaṃcaśailastasmainyavedayet muniḥsapratijagrāhatamarghyaṃvidhivattadā ### [1.43.119](https://indike.org/pramana/in.purana.padma.1.43.119) gṛhītārghammuniśreṣṭhamapṛcchatślakṣṇayāgirā kuśalaṃtapasaḥśailaḥśanaiḥphullānanāṃbujaḥ ### [1.43.120](https://indike.org/pramana/in.purana.padma.1.43.120) munirapyadrirājānamapṛcchatkuśalaṃtadā nāradauvācaahodharmocitaste'stisaṃniveśomahāgire ### [1.43.121](https://indike.org/pramana/in.purana.padma.1.43.121) puthutvaṃmanasātulyaṃkaṃdarāṇāṃtavānagha gurutvaṃteguṇaughānāṃsthāvarādatiricyate ### [1.43.122](https://indike.org/pramana/in.purana.padma.1.43.122) prasannatācatoyasyamunibhyaścādhikātava nalakṣayāmaḥśailendrakutrāvinayitāsthitā ### [1.43.123](https://indike.org/pramana/in.purana.padma.1.43.123) nānātapobhirmunibhirjvalanārkasamaprabhaiḥ pāvanaiḥpāvitonityaṃtvaṃkaṃdarasamāśrayaiḥ ### [1.43.124](https://indike.org/pramana/in.purana.padma.1.43.124) avamatyavimānānisvargavāsavirāgiṇaḥ piturgṛhaivāsīnādevagaṃdharvakinnarāḥ ### [1.43.125](https://indike.org/pramana/in.purana.padma.1.43.125) ahodhanyosiśailendrayasyatekaṃdaraṃharaḥ adhyāstelokanāthohirāmadhyānaparāyaṇaḥ ### [1.43.126](https://indike.org/pramana/in.purana.padma.1.43.126) ityuktavatidevarṣaunāradesādaraṃgirā himaśailasyamahiṣīmenāmunididṛkṣayā ### [1.43.127](https://indike.org/pramana/in.purana.padma.1.43.127) anuyātāduhitrātusvalpāliparicārikā lajjāpraṇayanamrāṅgīpraviveśaniketanam ### [1.43.128](https://indike.org/pramana/in.purana.padma.1.43.128) yatrasthitomunivaraḥśailenasahitovaśī taṃdṛṣṭvātejasorāśiṃmuniṃśailapriyātadā ### [1.43.129](https://indike.org/pramana/in.purana.padma.1.43.129) vavaṃdegūḍhavadanāpāṇipadmakṛtāñjali tāṃvilokyamahābhāgāṃdevarṣiramitadyutiḥ ### [1.43.130](https://indike.org/pramana/in.purana.padma.1.43.130) āśīrbhiramṛtodgārarūpābhistāṃvyavarddhayat tatovismitacittātuhimavadgiriputrikā ### [1.43.131](https://indike.org/pramana/in.purana.padma.1.43.131) ekṣiṣṭanāradaṃdevīmunimadbhutarūpiṇam ehivatsetisāpyuktāṣiṇāsnigdhayāgirā ### [1.43.132](https://indike.org/pramana/in.purana.padma.1.43.132) kaṃṭhegṛhītvāpitaramaṅkesātusamāviśat uvācamātātāṃdevīmabhivaṃdayaputrike ### [1.43.133](https://indike.org/pramana/in.purana.padma.1.43.133) bhagavaṃtaṃtapodhanyaṃpatimāpsyasisaṃmatam ityuktātutatomātrāvastreṇapihitānanā ### [1.43.134](https://indike.org/pramana/in.purana.padma.1.43.134) kiṃcitkaṃpitamūrddhātuvākyaṃnovācakiṃcana tataḥpunaruvācedaṃvākyaṃmātāsutāṃtadā ### [1.43.135](https://indike.org/pramana/in.purana.padma.1.43.135) vatsevaṃdayadevarṣiṃtatodāsyāmiteśubham ratnakrīḍanakaṃramyaṃsthāpitaṃyacciraṃmayā ### [1.43.136](https://indike.org/pramana/in.purana.padma.1.43.136) ityuktāsātatovegādudgatyacaraṇautadā vavaṃdemūrdhnisaṃdhāyapāṇipaṃkajakuḍmalam ### [1.43.137](https://indike.org/pramana/in.purana.padma.1.43.137) kṛtetuvaṃdanetasyāmātāsakhimukhenatu codayāmāsaśanakaistasyāḥsaubhāgyadarśitām ### [1.43.138](https://indike.org/pramana/in.purana.padma.1.43.138) śarīralakṣaṇānāṃcaparijñānāyakautukāt strīsvabhāvātsvaduhituściṃtāṃhṛdisamudvahan ### [1.43.139](https://indike.org/pramana/in.purana.padma.1.43.139) jñātvātadiṃgitaṃśailomahiṣyātdṛdayenatu anudīrṇākṛtirmeneramyametadupasthitam ### [1.43.140](https://indike.org/pramana/in.purana.padma.1.43.140) coditaḥśailamahiṣīsakhyāmunivarastataḥ smitānanomahābhāgovākyaṃprovācanāradaḥ ### [1.43.141](https://indike.org/pramana/in.purana.padma.1.43.141) najātosyāḥpatirbhadrelakṣaṇaiścavivarjitaḥ uttānahastāsatataṃcaraṇairvyabhicāribhiḥ ### [1.43.142](https://indike.org/pramana/in.purana.padma.1.43.142) succhāyāsyābhaviṣyeyaṃkimanyadbahubhāṣyate śrutvaitatsaṃbhramāviṣṭodhvastadhairyohimācalaḥ ### [1.43.143](https://indike.org/pramana/in.purana.padma.1.43.143) nāradaṃpratyuvācāthasāśrukaṃṭhomahāgiriḥ himavānuvācasaṃsārasyātidoṣasyadurvijñeyāgatiryataḥ ### [1.43.144](https://indike.org/pramana/in.purana.padma.1.43.144) sṛṣṭyācāvaśyabhāvinyākenāpyatiśayātmanā kartrāpraṇītāmaryādāsthitāsaṃsāriṇāmiyam ### [1.43.145](https://indike.org/pramana/in.purana.padma.1.43.145) yojāyatehiyadvījājjanituḥsorthasādhakaḥ janitācāpijātasyanakaściditicasphuṭam ### [1.43.146](https://indike.org/pramana/in.purana.padma.1.43.146) svakarmaṇaivajāyaṃtevivadhābhūtajātayaḥ aṃḍajohyaṃḍajājjātaḥpunarjāyetamānavaḥ ### [1.43.147](https://indike.org/pramana/in.purana.padma.1.43.147) mānuṣopisarīsṛpyāṃmānuṣatvenajāyate tatrāpijātauśreṣṭhāyāṃdharmasyotkarṣaṇenatu ### [1.43.148](https://indike.org/pramana/in.purana.padma.1.43.148) aputrajanmanaḥśeṣāḥprāṇinaḥsamavasthitāḥ manujāstatrasutarāṃnayenasahadharmiṇaḥ ### [1.43.149](https://indike.org/pramana/in.purana.padma.1.43.149) krameṇāśramasaṃprāptirbrahmacārivratādanu tasyakarturniyogenasaṃsāroyenavardhitaḥ ### [1.43.150](https://indike.org/pramana/in.purana.padma.1.43.150) saṃsārasyahinotpattiḥsarvesyuryadinirgṛhāḥ kartrātuśāstreṣusadāsutalābhaḥpraśaṃsitaḥ ### [1.43.151](https://indike.org/pramana/in.purana.padma.1.43.151) prāṇināṃmohanārthāyanarakatrāṇakāraṇāt striyāvirahitāsṛṣṭirjaṃtūnāṃnopapadyate ### [1.43.152](https://indike.org/pramana/in.purana.padma.1.43.152) strījātistuprakṛtyaivakṛpaṇādainyabhāginī śāstrālocanasāmarthyāddūṣitaṃtāsukartṛṇā ### [1.43.153](https://indike.org/pramana/in.purana.padma.1.43.153) tasyāṃnoparibhāvajñābhavedeticavedhasā śāstreṣūktamasaṃdigdhaṃbahuvāraṃmahāphalaṃ ### [1.43.154](https://indike.org/pramana/in.purana.padma.1.43.154) daśaputrasamākanyāyāpisyācchīlavarjitā vākyametatphalabhraṣṭaṃpuṃsāṃglānikaraṃphalaṃ ### [1.43.155](https://indike.org/pramana/in.purana.padma.1.43.155) kanyāhikṛpaṇāśocyāpiturduḥkhavivarddhinī yāpisyātpūrṇasarvārthāpatiputrasamanvitā ### [1.43.156](https://indike.org/pramana/in.purana.padma.1.43.156) kiṃpunardurbhagāhīnāpatiputradhanādibhiḥ tvaṃcoktavānsutāyāmeśarīredoṣasaṃgraham ### [1.43.157](https://indike.org/pramana/in.purana.padma.1.43.157) ahomuhyāmiśuṣyāmiglāmisīdāminārada ayuktamapivaktavyamaprāpyamapisāṃpratam ### [1.43.158](https://indike.org/pramana/in.purana.padma.1.43.158) anugrahāyamechindhiduḥkhaṃkanyāśrayaṃmune paricchinnepyasaṃdigdhemanaḥparibhavāśrayāt ### [1.43.159](https://indike.org/pramana/in.purana.padma.1.43.159) tṛṣṇāmuṣṇātiniṣṇātaṃphalalobhāśrayātpunaḥ strīṇāṃhiparamaṃjanmakulānāmubhayātmanām ### [1.43.160](https://indike.org/pramana/in.purana.padma.1.43.160) ihāmutrasukhāyoktaṃsatpatiprāptisaṃjñitam durlabhatvātsataḥstrīṇāṃviguṇopipatiḥkila ### [1.43.161](https://indike.org/pramana/in.purana.padma.1.43.161) naprāpyatevināpuṇyaiḥpatirnāryāḥkadācana yatonissādhanodharmaḥpariṇāmotthitāratiḥ ### [1.43.162](https://indike.org/pramana/in.purana.padma.1.43.162) dhanaṃjīvitaparyaṃtaṃpatyaunāryāḥpratiṣṭhitam nirddhanodurmukhomūrkhaḥsarvalakṣaṇavarjitaḥ ### [1.43.163](https://indike.org/pramana/in.purana.padma.1.43.163) daivataṃparamaṃnāryāḥpatiruktaḥsadaivahi tvayādevarṣiṇāproktaṃnajātosyāḥpatiḥkila ### [1.43.164](https://indike.org/pramana/in.purana.padma.1.43.164) etaddaurbhāgyamatulamasaṃkhyaṃcadurudvaham carācarebhūtasargeciṃtāsāvyāpinīmune ### [1.43.165](https://indike.org/pramana/in.purana.padma.1.43.165) sanajātaitiśrutvāmamedaṃvyākulaṃmanaḥ manuṣyadevajātīnāṃśubhāśubhanivedakam ### [1.43.166](https://indike.org/pramana/in.purana.padma.1.43.166) lakṣaṇaṃhastapādābhyāṃlakṣaṇaṃvihitaṃkila seyamuttānahastetitvayoktāmunipuṃgava ### [1.43.167](https://indike.org/pramana/in.purana.padma.1.43.167) uttānahastatāproktāyācatāmevanityakā śubhodayānāṃdhanyānāṃnakadācitprayacchatām ### [1.43.168](https://indike.org/pramana/in.purana.padma.1.43.168) succhāyayāsyāścaraṇautvayoktauvyabhicāriṇau tatrāpiśreyasīhyāśāmunenapratibhātinaḥ ### [1.43.169](https://indike.org/pramana/in.purana.padma.1.43.169) śarīralakṣaṇāścānyepṛthakphalanivedinaḥ ityuktvāvirateśailemahāduḥkhavicāriṇi ### [1.43.170](https://indike.org/pramana/in.purana.padma.1.43.170) smitapūrvamuvācedaṃnāradodevapūjitaḥ nāradauvācaharṣasthānecamahatitvayāduḥkhaṃnirucyate ### [1.43.171](https://indike.org/pramana/in.purana.padma.1.43.171) aparicchinnavākyārthomohaṃyāsimahāgire imāṃśṛṇugiraṃmattorahasyapariniṣṭhitām ### [1.43.172](https://indike.org/pramana/in.purana.padma.1.43.172) samāhitomahāśailamayoktasyavicāraṇām najātosyāḥpatirdevyāyanmayoktaṃhimācala ### [1.43.173](https://indike.org/pramana/in.purana.padma.1.43.173) sanajātomahādevobhūtabhavyabhavodbhavaḥ śaraṇyaḥśāśvataḥśāstāśaṃkaraḥparameśvaraḥ ### [1.43.174](https://indike.org/pramana/in.purana.padma.1.43.174) brahmarudrendramunayogarbhajanmajarārditāḥ tasyateparameśasyasarvekrīḍanakāgire ### [1.43.175](https://indike.org/pramana/in.purana.padma.1.43.175) brahmāṃḍatastadicchātaḥsaṃbhūtobhuvanaprabhuḥ ātmanonavināśostisthāvarāṃtepibhūdhara ### [1.43.176](https://indike.org/pramana/in.purana.padma.1.43.176) saṃsārejāyamānasyamriyamāṇasyadehinaḥ naśyatedehaevātranātmanonāśaucyate ### [1.43.177](https://indike.org/pramana/in.purana.padma.1.43.177) brahmādisthāvarāṃtoyaṃsaṃsāroyaḥprakīrtitaḥ sajanmamṛtyuduḥkhārtohyaniśaṃparivartate ### [1.43.178](https://indike.org/pramana/in.purana.padma.1.43.178) mahādevocalaḥsthāṇurnajātojanakojaraḥ bhaviṣyatipatiḥsosyājagannāthonirāmayaḥ ### [1.43.179](https://indike.org/pramana/in.purana.padma.1.43.179) yaduktaṃcamayādevīlakṣaṇairvarjitātava śṛṇutasyāpivākyasyasamyaktvenavicāraṇam ### [1.43.180](https://indike.org/pramana/in.purana.padma.1.43.180) lakṣaṇaṃdaivikohyaṃkaḥśarīrāvayavāśrayaḥ sacāyurdhanasaubhāgyapariṇāmaprakāśakaḥ ### [1.43.181](https://indike.org/pramana/in.purana.padma.1.43.181) anaṃtasyāprameyasyasaubhāgyasyatubhūdhara naivāṃkolakṣaṇākāraḥśarīresaṃvidhīyate ### [1.43.182](https://indike.org/pramana/in.purana.padma.1.43.182) atosyālakṣaṇaṃgātreśailanāstimahāmate yaccāhamuktavānasyāuttānakaratāsadā ### [1.43.183](https://indike.org/pramana/in.purana.padma.1.43.183) uttānovaradaḥpāṇireṣadevyāḥsadaivatu surāsuramunivrātavaradātrībhaviṣyati ### [1.43.184](https://indike.org/pramana/in.purana.padma.1.43.184) yaccaproktaṃmayāpādausucchāyauvyabhicāriṇau mattaḥśṛṇutvamasyāpivyākhyoktiṃśailasattama ### [1.43.185](https://indike.org/pramana/in.purana.padma.1.43.185) caraṇaupadmasaṃkāśausvacchāvasyānakhojvalau surāsurāṇāṃnamatāṃkirīṭamaṇikāṃtibhiḥ ### [1.43.186](https://indike.org/pramana/in.purana.padma.1.43.186) vicitravarṇaiḥpaśyadbhiḥsucchāyaupratibiṃbitau eṣābhāryājagadbharturvṛṣāṃkasyamahīdhara ### [1.43.187](https://indike.org/pramana/in.purana.padma.1.43.187) jananīsarvalokasyasaṃbhūtābhūtabhāvinī śiveyaṃpāvanāyaivatvatkṣetrepāvanadyutiḥ ### [1.43.188](https://indike.org/pramana/in.purana.padma.1.43.188) tadyathāśīghramevaiṣāyogaṃyāyātpinākinaḥ tathāvidheyaṃvidhivattvayāśaileṃdrasattama ### [1.43.189](https://indike.org/pramana/in.purana.padma.1.43.189) astyatrahimahatkāryaṃdevānāṃhimabhūdhara evaṃśrutvātuśaileṃdronāradātsarvamevahi ### [1.43.190](https://indike.org/pramana/in.purana.padma.1.43.190) svamātmānaṃpunarjātaṃmenemenāpatistadā uvācacāpisaṃhṛṣṭonāradaṃtuhimācalaḥ ### [1.43.191](https://indike.org/pramana/in.purana.padma.1.43.191) dustarānnarakādghorāduddhṛtosmitvayāvibho pātālādahamuddhṛtyasaptalokādhipaḥkṛtaḥ ### [1.43.192](https://indike.org/pramana/in.purana.padma.1.43.192) himācalosmivikhyātastvayāmunivarādhunā himācalācchataguṇāṃprāpitosmisamunnatiṃ ### [1.43.193](https://indike.org/pramana/in.purana.padma.1.43.193) ānaṃdādevacāhārihṛdayaṃmemahāmune nādhyavasyatikṛtyānāṃvibhāgapravicāraṇam ### [1.43.194](https://indike.org/pramana/in.purana.padma.1.43.194) bhavadvidhānāṃniyatamamoghaṃdarśanaṃmune bhavadbhirevahiproktaṃnivāsāyātmarūpiṇām ### [1.43.195](https://indike.org/pramana/in.purana.padma.1.43.195) munīnāṃdevatānāṃcasvayaṃkartāsmikalmaṣam tathāpivastunyekasminnājñāmesaṃpradīyatām ### [1.43.196](https://indike.org/pramana/in.purana.padma.1.43.196) ityuktavatiśaileṃdresatadāharṣanirbharaḥ uvācanāradovākyaṃkṛtaṃsarvamitiprabho ### [1.43.197](https://indike.org/pramana/in.purana.padma.1.43.197) surakāryesaevārthastavāpisumahattaraḥ ityuktvānāradaḥśīghraṃjagāmatridivaṃtataḥ ### [1.43.198](https://indike.org/pramana/in.purana.padma.1.43.198) sagatvādevabhavanaṃmaheṃdraṃsaṃdadarśaha tatonurūpesamunirupaviṣṭomahāsane ### [1.43.199](https://indike.org/pramana/in.purana.padma.1.43.199) pṛṣṭaḥśakreṇaprovācagirijāsaṃśrayāṃkathām nāradauvācayanmahyamuktaṃkartavyaṃtanmayākṛtamevahi ### [1.43.200](https://indike.org/pramana/in.purana.padma.1.43.200) kiṃtupaṃcaśarasyeṣugocaratvamapekṣitam ityuktodevarājastumuninākāryadarśinā _First 200 of 518 passages. [Read on](https://indike.org/pramana/in.purana.padma.1.43)_ ## Linked texts (3) - [Matsyapurāṇa](https://indike.org/pramana/in.purana.matsya.154.1) — Vyāsa, Sanskrit - [Laghustavacarcāstavau](https://indike.org/pramana/in.sampradaya.general.devistotra.laghustavacarcastavau.p161) — Sanskrit - [Skandapurāṇa (early; "Ambikākhaṇḍa") (ed. Bakker)](https://indike.org/pramana/in.purana.skanda*early*bakker.2.31.12) — Sanskrit --- Source: [https://indike.org/pramana/in.purana.padma.1.43](https://indike.org/pramana/in.purana.padma.1.43) · Pramāṇa