Pramāṇa · Search · About · API

Padmapurana 1.62: dviṣaṣṭitamo'dhyāyaḥ

Padmapurāṇa 1.62

Language
Sanskrit

Contents

dviṣaṣṭitamo'dhyāyaḥ

1.62.1

dvijāūcuḥmajjanādakhilaṃpāpaṃkṣayaṃyātisuniścitam
mahāpātakamanyaccatadādeśaṃvadasvanaḥ

1.62.2

pāpātpūto'kṣayaṃnākamaśnutediviśakravat
surayonernahāniḥsyādupadeśaṃvadasvanaḥ

1.62.3

atrabhogyaṃparaṃsarvaṃmṛtesvargesurottamaḥ
kalipāpahatānāṃcasvargasopānamucyate

1.62.4

vyāsauvācagatiṃciṃtayatāṃviprāstūrṇaṃsāmānyajanmanām
strīpuṃsāmīkṣaṇādyasmādgaṃgāpāpaṃvyapohati

1.62.5

gaṃgetismaraṇādevakṣayaṃyāticapātakam
kīrtanādatipāpānidarśanādgurukalmaṣam

1.62.6

snānātpānāccajāhnavyāṃpitṝṇāṃtarpaṇāttathā
mahāpātakavṛṃdānikṣayaṃyāṃtidinedine

1.62.7

agninādahyatetūlaṃtṛṇaṃśuṣkaṃkṣaṇādyathā
tathāgaṃgājalasparśātpuṃsāṃpāpaṃdahetkṣaṇāt

1.62.8

saṃprāpnotyakṣayaṃsvargaṃgaṃgāsnānenakeśavam
yaśorājyaṃlabhetpuṇyaṃsvargamaṃteparāṃgatim

1.62.9

pitṝnuddiśyagaṃgāyāṃyastupiṃḍaṃprayacchati
vidhināvākyapūrveṇatasyapuṇyaphalaṃśṛṇu

1.62.10

annaikenatusāhasraṃvarṣaṃpūjyaḥsurālaye
tilenadviguṇaṃviddhitathāmedhyaphalenaca

1.62.11

gavyenavidhināviprāḥsvargasyāṃtonavidyate
evaṃpiḍapradānenanityaṃkratuśataṃbhavet

1.62.12

pitaronirayasthāyedhanyāstemartyavāsinaḥ
dhanaputrayutārogyaṃsukhasaṃmānapūjitāḥ

1.62.13

rasātalagatāyecayecakīṭāmahītale
sthāvarepakṣisaṃghādautemartyādhaninonṛpāḥ

1.62.14

tattatputraiścapautraiścagotrairdauhitrakaistathā
jāmātṛbhāgineyaiścasuhṛnmitraiḥpriyāpriyaiḥ

1.62.15

pradīyatejalaṃpiṃḍaṃyathopakaraṇānvitam
gaṃgātoyeṣutīreṣuteṣāṃsvargo'kṣayobhavet

1.62.16

piṃḍādūrdhvaṃsthitāyecapitaromātṛgotrajāḥ
bhavaṃtisukhinaḥsarvemartyāśśatasahasraśaḥ

1.62.17

svargetasyasthitāḥsatvāadhaḥsthāmadhyavāsinaḥ
nityaṃvāṃñchaṃtisadgaṃgāṃgacchaṃtusuranimnagām

1.62.18

ekogacchatigaṃgāṃyaḥpūyaṃtetasyapūruṣāḥ
etadevamahāpuṇyaṃtaratetārayatyapi

1.62.19

gaṃgākṛtsnaguṇaṃvaktuṃnaśaktaścaturānanaḥ
ataḥkiṃcidvadāmyatrabhāgīrathyādvijāguṇam

1.62.20

munayaḥsiddhagaṃdharvāyecānyesurasattamāḥ
gaṃgātīretapastaptvāsvargaloke'cyutābhavan

1.62.21

divyenavapuṣāsarvekāmagenarathenaca
adyāpinanivartaṃteratnapūrṇakṣayeṣuvai

1.62.22

prāsādāyatrasauvarṇāssarvalokordhvagāśśivāḥ
iṣṭadravyaiḥsusaṃpūrṇāḥstriyoyatramanoramāḥ

1.62.23

pārijātaḥsamāḥpuṣpavṛkṣāḥkalpadrumopamāḥ
gaṃgātīretapastaptvātatraiśvaryaṃlabhaṃtihi

1.62.24

tapobhirbahubhiryajñairvratairnānāvidhaistathā
purudānairgatiryācagaṃgāṃsaṃsevatāṃcasā

1.62.25

jārajaṃpatitaṃduṣṭamaṃtyajaṃgurughātinam
sarvadroheṇasaṃyuktaṃsarvapātakasaṃyutam

1.62.26

tyajaṃtipitaraṃputrāḥpriyaṃpatnyaḥsuhṛdgaṇāḥ
anyecabāṃdhavāḥsarvegaṃgātunaparityajet

1.62.27

yathāmātāsvayaṃjanmamalaśaucaṃcakārayet
kroḍīkṛtyatathāteṣāṃgaṃgāprakṣālayenmalam

1.62.28

bhavaṃtitesuvikhyātābhogyālaṃkārapūjitāḥ
darśanekriyategaṃgāsakṛdbhaktyānaraistuyaiḥ

1.62.29

teṣāṃkulānāṃlakṣaṃtubhavāttārayateśivā
smṛtārtihartrīyairdhyātāsaṃstutāsādhumoditā

1.62.30

gaṃgātārayatenṝṇāmubhauvaṃśaubhavārṇavāt
saṃkrāṃtiṣuvyatīpātegrahaṇecaṃdrasūryayoḥ

1.62.31

puṇyesnātvātugaṃgāyāṃkulakoṭiṃsamuddharet
śuklapakṣedivāmartyāgaṃgāyāmuttarāyaṇe

1.62.32

dhanyādehaṃvimuṃcaṃtihṛdisthecajanārdane
anenavidhināyastubhāgīrathyājaleśubhe

1.62.33

prāṇāṃstyaktvāvrajetsvargaṃpunarāvṛttivarjitam
yogaṃgānugatonityaṃsarvadevānugohisaḥ

1.62.34

sarvadevamayoviṣṇurgaṃgāviṣṇumayīyataḥ
gaṃgāyāṃpiṃḍadānenapitṝṇāṃvaitilodakaiḥ

1.62.35

narakasthādivaṃyāṃtisvargasthāmokṣamāpnuyuḥ
paradāraparadravyabādhādrohaparasyaca

1.62.36

gatirmanuṣyamātrasyagaṃgaivaparamāgatiḥ
vedaśāstravihīnasyaguruniṃdāparasyaca

1.62.37

samayācārahīnasyanāstigaṃgāsamāgatiḥ
kiṃyajñairbahuvittāḍhyaiḥkiṃtapobhiḥsuduṣkaraiḥ

1.62.38

svargamokṣapradāgaṃgāsukhasaubhāgyapūjitā
niyamaiḥparamairnityaṃkiṃyogaiścittarodhakaiḥ

1.62.39

bhuktimuktipradāgaṃgāsukhamokṣāgrataḥsthitā
anekajanmasaṃghātapāpaṃpuṃsāṃvinaśyati

1.62.40

snānamātreṇagaṃgāyāṃsadyaḥsyātpuṇyabhāṅnaraḥ
prabhāsegosahasrasyarāhugrastedivākare

1.62.41

labhateyatphalaṃdānegaṃgāsnānāddinedine
dṛṣṭvātuharatepāpaṃspṛṣṭvātulabhatedivam

1.62.42

prasaṃgādapisāgaṃgāmokṣadātvavagāhitā
sarvendriyāṇāṃcāpalyaṃvāsanāśaktisaṃbhavam

1.62.43

nirghṛṇatvaṃtatogaṃgādarśanātpravinaśyati
paradravyābhikāṃkṣitvaṃparadārābhilāṣitā

1.62.44

paradharmeruciścaivadarśanādevanaśyati
yadṛcchālābhasaṃtoṣassvadharmeṣupravartate

1.62.45

sarvabhūtasamatvaṃcagaṅgāyāṃmajjanādbhavet
yastugaṃgāṃsamāśrityasukhaṃtiṣṭhatimānavaḥ

1.62.46

jīvanmuktassaevehasarveṣāmuttamottamaḥ
gaṃgāṃsaṃśrityayastiṣṭhettasyakāryaṃnavidyate

1.62.47

kṛtakṛtyassavaimuktojīvanmuktaścamānavaḥ
yajñodānaṃtapojapyaṃśrāddhaṃcasurapūjanam

1.62.48

gaṃgāyāṃtukṛtaṃnityaṃkoṭikoṭiguṇaṃbhavet
anyasthānekṛtaṃpāpaṃgaṃgātīrevinaśyati

1.62.49

gaṃgātīrekṛtaṃpāpaṃgaṃgāsnānenanaśyati
ātmanojanmanakṣatrejāhnavīsaṃgatedine

1.62.50

naraḥsnātvātugaṃgāyāṃsvakulaṃcasamuddharet
ādareṇayathāstautidhanavaṃtaṃsadānaraḥ

1.62.51

sakṛdgaṃgāṃtathāstutvābhavetsvargasyabhājanam
aśraddhayāpigaṃgāyāṃyosaunāmānukīrtanaṃ

1.62.52

karotipuṇyavāhinyāssavaisvargasyabhājanam
kṣitaubhāvayatomartyānnāgāṃstārayatepyadhaḥ

1.62.53

divitārayatedevāngaṃgātripathagāsmṛtā
jñānatojñānatovāpikāmato'kāmatopivā

1.62.54

gaṃgāyāṃcamṛtomartyaḥsvargaṃmokṣaṃcaviṃdati
yāgatiryogayuktasyasatvasthasyamanīṣiṇaḥ

1.62.55

sāgatistyajataḥprāṇāngaṃgāyāṃtuśarīriṇaḥ
cāṃdrāyaṇasahasrāṇiyaścaretkāyaśodhanam

1.62.56

pānaṃkuryādyathecchaṃcagaṃgāṃbhaḥsaviśiṣyate
tāvatprabhāvastīrthānāṃdevānāṃtuviśeṣataḥ

1.62.57

tāvatprabhāvovedānāṃyāvannāpnotijāhnavīm
tisraḥkoṭyordhakoṭīcatīrthānāṃvāyurabravīt

1.62.58

divibhuvyantarikṣecatānitesantijāhnavi
viṣṇupādābjasaṃbhūtegaṃgetripathagāmini

1.62.59

dharmadravetivikhyātepāpaṃmeharajāhnavi
viṣṇupādaprasūtāsivaiṣṇavīviṣṇupūjitā

1.62.60

trāhimāmenasastasmādājanmamaraṇāṃtikāt
śraddhayādharmasaṃpūrṇeśrīmatārajasācate

1.62.61

amṛtenamahādevibhāgīrathipunīhimāṃ
tribhiḥślokavarairebhiryaḥsnāyājjāhnavījale

1.62.62

janmakoṭikṛtātpāpānmucyatenātrasaṃśayaḥ
mūlamaṃtraṃpravakṣyāmijāhnavyāharabhāṣitam

1.62.63

sakṛjjapānnaraḥpūtoviṣṇudehepratiṣṭhati
maṃtraścāyaṃ— namogaṃgāyaiviśvarūpiṇyai nārāyaṇyai namo namaḥ

1.62.64

jāhnavītīrasaṃbhūtāṃmṛdaṃmūrdhnābibhartiyaḥ
sarvapāpavinirmuktogaṃgāsnānaṃvinānaraḥ

1.62.65

gaṃgājalorminirdhūtapavanaṃspṛśateyadi
sapūtaḥkalmaṣādghorātsvargaṃcākṣayamaśnute

1.62.66

yāvadasthimanuṣyasyagaṃgātoyepratiṣṭhati
tāvadvarṣasahasrāṇisvargalokemahīyate

1.62.67

pitrorbaṃdhujanānāṃcaanāthānāṃgurorapi
gaṃgāyāmasthipātenanaraḥsvargānnahīyate

1.62.68

gaṃgāṃprativahedyastupitṝṇāmasthikhaṃḍakam
padepadeśvamedhasyaphalaṃprāpnotimānavaḥ

1.62.69

dhanyājānapadāyecapaśavaḥpakṣikīṭakāḥ
sthāvarājaṃgamāścānyegaṃgātīrasamāśritāḥ

1.62.70

krośāṃtaramṛtāyecajāhnavyādvijasattamāḥ
mānavādevatāssaṃtiitaremānavābhuvi

1.62.71

gaṃgāsnānāyasaṃgacchanpathisaṃmriyateyadi
sacasvargamavāpnotigaṃgāsnānaphalaṃlabhet

1.62.72

gaṃgājaleprayāsyaṃtitejīvāḥpathiyemṛtāḥ
kīṭāḥpaṃtaṃgāśśalabhāḥpādāghātenagacchatāṃ

1.62.73

yevadaṃtisamuddeśaṃgaṃgāṃpratijanaṃdvijāḥ
tecayāṃtiparaṃpuṇyaṃgaṃgāsnānaphalaṃnarāḥ

1.62.74

jāhnavīṃyecaniṃdaṃtipāṣaṇḍairhatacetasaḥ
teyāṃtinarakaṃghoraṃpunarāvṛttidurlabham

1.62.75

dusthovāpismarannityaṃgaṃgetiparikīrtayan
paṭhansvargamavāpnotikimanyairbahubhāṣitaiḥ

1.62.76

gaṃgāgaṃgetiyobrūyādyojanānāṃśatairapi
mucyatesarvapāpebhyoviṣṇulokaṃsagacchati

1.62.77

aṃdhāścapaṃgavastecavṛthābhavasamudbhavāḥ
garbhapātādvipadyaṃteyegaṃgāṃnagatānarāḥ

1.62.78

nakīrtayaṃtiyegaṃgāṃjaḍatulyānarādhamāḥ
parānnopadiśaṃtismavātūlāścittavibhramāḥ

1.62.79

napaṭhaṃtijanāyecateṣāṃśāstraṃviniṣphalam
gaṃgāpuṇyaphalaṃviprāḥkudhiyaḥpatitādhamāḥ

1.62.80

pāṭhayaṃtijanāyecaśraddhayānipaṭhaṃtica
gacchaṃtitedivaṃdhīrāstārayaṃtipitṝngurūn

1.62.81

pātheyakaṃgacchatāṃyovasuśaktyāprayacchati
bhāgīrathyālabhetsnānaṃyaḥparānnenagacchati

1.62.82

kartuḥsnānaphalaṃvidyādidvaguṇaṃprerakasyaca
icchayānicchayācāpipreraṇenānyasevayā

1.62.83

jāhnavīṃyogataḥpuṇyāṃsagacchennirjarālayam
dvijāūcuḥgaṃgāyāḥkīrtanaṃvyāsaśrutaṃtvattovinirmalam

1.62.84

gaṃgākasmātkimākārākutaḥsāhyatipāvanī
vyāsauvācaśṛṇudhvaṃkathayāmyadyakathāṃpuṇyāṃpurātanīṃ

1.62.85

yāṃśrutvāmokṣamārgaṃcaprāpnotinarasattamaḥ
brahmalokaṃpurāgatvānāradomunipuṃgavaḥ

1.62.86

natvāvidhiṃcapapracchapūtaṃtrailokyapāvanam
kiṃsṛṣṭaṃcatvayātātasaṃmataṃśaṃbhukṛṣṇayoḥ

1.62.87

sarvalokahitārthāyabhuvaḥsthānesamīhitam
devīvādevatākāvāsarvāsāmuttamottamā

1.62.88

yāṃsamāsādyadevāścadaityamānuṣapannagāḥ
aṃḍajāḥsvedajāvṛkṣāyecānyaudbhijjādayaḥ

1.62.89

sarveyāṃtiśivaṃbrahmansamagraṃvibhavaṃdhruvam
brahmovācasṛjatācapurāproktāmāyāprakṛtirūpiṇī

1.62.90

ādyābhavasvalokānāṃtvattobhavaṃsṛjāmyaham
etacchrutvāparāsācasaptadhācābhavattadā

1.62.91

gāyatrīvākcasvarlakṣmīssarvasasyavasupradā
jñānavidyāumādevīśaktibījātapasvinī

1.62.92

varṇikādharmadravācaetāssaptaprakīrtitāḥ
gāyatrīprabhavāvedāvedātsarvaṃsthitaṃjagat

1.62.93

svastisvāhāsvadhādīkṣāetāgāyatrijāsmṛtāḥ
uccārayetsadāyajñegāyatrīṃmātṛkādibhiḥ

1.62.94

krataudevāḥsvadhāṃprāpyabhaveyurajarāmarāḥ
tatassudhārasaṃdevāmumucurdharaṇītale

1.62.95

athasasyavatīpṛthvīoṣadhīnāṃparāśubhā
phalamūlairasairbhakṣyairjanāḥsusthatarābhavan

1.62.96

bhāratīsarvalokānāṃcānanemānasesthitā
tathaivasarvaśāstreṣudharmoddeśaṃkarotisā

1.62.97

vijñānaṃkalahaṃśokaṃmohāmohaṃśivāśivam
tayāvinājagatsarvaṃyātyatattvamitismṛtam

1.62.98

kamalāsaṃbhavaścaivavastrabhūṣaṇasaṃcayaḥ
sukhaṃrājyaṃtriloketutataḥsāharivallabhā

1.62.99

umayāhetunāśaṃbhorjñānaṃlokeṣusaṃtatam
jñānamātācasājñeyāśaṃbhorardhāṅgavāsinī

1.62.100

varṇikāśaktiratyugrāsarvalokapramohinī
sarvalokeṣulokānāṃsthitisaṃhārakāriṇī

1.62.101

devyācanihataupūrvamasuraumadhukaiṭabhau
ruruścāpihatoghoraḥsarvalokapariśrutaḥ

1.62.102

sarvadevaikajetāraṃsājaghnemahiṣāsuram
nihatālīlayādevyāye'surādaityapuṃgavāḥ

1.62.103

evaṃbalānidaityānāṃnihatyasarvadātayā
pālitaṃmoditaṃcaivakṛtsnametajjagattrayam

1.62.104

dharmadravasvarūpācasarvadharmapratiṣṭhitā
mahatīṃtāṃsamālokyamayākamaṃḍalaudhṛtā

1.62.105

viṣṇupādābjasambhūtāśaṃbhunāśirasādhṛtā
asmābhiścatribhiryuktābrahmaviṣṇumaheśvaraiḥ

1.62.106

dharmadravāparikhyātājalarūpākamaṃḍalau
baliyajñeṣusaṃbhūtāviṣṇunāprabhaviṣṇunā

1.62.107

chadmanāchalitaḥpūrvaṃbalirbalavatāṃvaraḥ
tataḥpādadvayenaivakrāṃtaṃsarvaṃmahītalam

1.62.108

nabhaḥpādaścabrahmāṇḍaṃbhitvāmamapuraḥsthitaḥ
mayāsaṃpūjitaḥpādaḥkamaṇḍalujalenavai

1.62.109

prakṣālyaivārcitātpādāddhemakūṭe'patajjalam
tatkūṭācchaṃkaraṃprāpyabhramatesājaṭāsthitā

1.62.110

tatobhagīrathenaivasamārādhyaśivaṃbhuvi
ānīyārādhitonityaṃtapasāgajapuṃgavaḥ

1.62.111

tenabhitvānagaṃvīryāttribhirdaṃtaiḥkṛtaṃbilam
tatastribilagāyasmāttrisrotālokaviśrutā

1.62.112

haribrahmaharayogātpūtālokasyapāvanī
samāsādyacatāṃdevīṃsarvadharmaphalaṃlabhet

1.62.113

pāṭhayajñaparaiḥsarvairmaṃtrahomasurārcanaiḥ
sāgatirnabhavejjaṃtorgaṃgāsaṃsevayācayā

1.62.114

dharmasyasādhanopāyohyataḥparonavidyate
trailokyapuṇyasaṃyogāttasmāttāṃvrajanārada

1.62.115

gaṃgātoyāsthisaṃyogātsutāstesagarasyaca
svargatāḥpitṛbhiścaivasvapūrvāparajaiḥsaha

1.62.116

tatobrahmamukhācchrutvānāradomunipuṃgavaḥ
gaṃgādvāretapaḥkṛtvābrahmaṇāsadṛśobhavat

1.62.117

sarvatrasulabhāgaṃgātriṣusthāneṣudurlabhā
gaṃgādvāreprayāgecagaṃgāsāgarasaṃgame

1.62.118

trirātreṇaikarātreṇanaroyātiparāṃgatim
tasmātsarvaprayatnenasadyomuktiṃviciṃtayet

1.62.119

tatogacchatadharmajñāḥśivāṃbhāgīrathīmiha
acireṇaivakālenasvargaṃmokṣaṃpragacchatha

1.62.120

viśeṣātkalikālecagaṃgāmokṣapradānṛṇāṃ
kṛcchrāccakṣīṇasatvānāmanaṃtaḥpuṇyasaṃbhavaḥ

1.62.121

tatastebrāhmaṇāhṛṣṭāḥśrutvāvyāsādgiraṃśubhām
gaṃgāyāṃtutapastaptvāmokṣamārgaṃyayustadā

1.62.122

yaidaṃśṛṇuyānmartyaḥpuṇyākhyānamanuttamam
sarvaṃtaratiduḥkhaughagaṃgāsnānaphalaṃlabhet

1.62.123

sakṛduccāritecaivasarvayajñaphalaṃlabhet
dānaṃjapyaṃtathādhyānaṃstotraṃmaṃtraṃsurārcanam

1.62.124

tatraivakārayedyastusacānaṃtaphalaṃlabhet
tasmāttatraivakarttavyaṃjapahomādikaṃnaraiḥ

1.62.125

anaṃtaṃcaphalaṃproktaṃjanmajanmasulabhyate

1.62.125.p1

iti śrīpādmapurāṇeprathamesṛṣṭikhaṃḍegaṃgāmāhātmyaṃnāma dviṣaṣṭitamo'dhyāyaḥ

Linked texts (8)