[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Padmapurana](https://indike.org/pramana/in.purana.padma) › 1.8 # Padmapurana 1.8: aṣṭamodhyāyaḥ Padmapurāṇa 1.8 - **Language:** Sanskrit ## Contents - [1.8.163](https://indike.org/pramana/in.purana.padma.1.8.163) — 1 part ### aṣṭamodhyāyaḥ ### [1.8.1](https://indike.org/pramana/in.purana.padma.1.8.1) bhīṣmauvāca bahubhirddharaṇībhuktābhūpālaiḥśrūyatepurā pārthivāḥpṛthivīyogātpṛthivīkasyayogataḥ ### [1.8.2](https://indike.org/pramana/in.purana.padma.1.8.2) kimarthaṃcakṛtāsaṃjñābhūmessāpāribhāṣikī gauritīyaṃcasaṃjñāvābhuvaḥ kasmādbravīhime ### [1.8.3](https://indike.org/pramana/in.purana.padma.1.8.3) pulastyauvāca purākṛtayugasyāsīdaṃgonāmaprajāpatiḥ mṛtyostuduhitātenapariṇītātidurmukhī ### [1.8.4](https://indike.org/pramana/in.purana.padma.1.8.4) sunīthānāmatasyāstuvenonāmasutaḥpurā adharmanirataḥkāmībalavānvasudhādhipaḥ ### [1.8.5](https://indike.org/pramana/in.purana.padma.1.8.5) lokasyādharmakṛccāpiparabhāryāpahārakaḥ athatasyaprasidyarthaṃjagadarthaṃmaharṣibhiḥ ### [1.8.6](https://indike.org/pramana/in.purana.padma.1.8.6) anunītopinadadāvaśuddhātmā'bhayaṃtataḥ śāpenamārayitvainamarājakabhayārditāḥ ### [1.8.7](https://indike.org/pramana/in.purana.padma.1.8.7) mamaṃthurbrāhmaṇāstasyabalāddehamakalmaṣāḥ tatkāyānmathyamānāttujanitāmlecchajātayaḥ ### [1.8.8](https://indike.org/pramana/in.purana.padma.1.8.8) śarīremāturaṃśenakṛṣṇāṃjanasamaprabhāḥ pituraṃśasyasaṃgenadhārmikodharmakārakaḥ ### [1.8.9](https://indike.org/pramana/in.purana.padma.1.8.9) utpannodakṣiṇāddhastātsadhanuḥsaśarogadī divyatejomayaḥputrassaratnakavacāṃgadaḥ ### [1.8.10](https://indike.org/pramana/in.purana.padma.1.8.10) pṛthurevābhavannāmnāsacaviṣṇurajāyata saviprairabhiṣiktaḥsaṃstapaḥkṛtvāsuduṣkaraṃ ### [1.8.11](https://indike.org/pramana/in.purana.padma.1.8.11) viṣṇorvareṇasarvasyaprabhutvamagamatprabhuḥ niḥsvādhyāyavaṣaṭkāraṃnirddharmaṃvīkṣyabhūtalaṃ ### [1.8.12](https://indike.org/pramana/in.purana.padma.1.8.12) veddhumevodyataḥkopācchareṇāmitavikramaḥ tatogorūpamāsthāyabhūḥpalāyitumudyatā ### [1.8.13](https://indike.org/pramana/in.purana.padma.1.8.13) pṛṣṭhetvanvagamattasyāḥpṛthuḥseṣuśarāsanaḥ tataḥsthitvaikadeśetukiṃkaromiticābravīt ### [1.8.14](https://indike.org/pramana/in.purana.padma.1.8.14) pṛthurapyavadadvākyamīpsitaṃdehisuvrate sarvasyajagataḥśīghraṃsthāvarasyacarasyaca ### [1.8.15](https://indike.org/pramana/in.purana.padma.1.8.15) tatheticābravīdbhūmirdudohasanarādhipaḥ svakepāṇaupṛthurvatsaṃkṛtvāsvāyaṃbhuvaṃmanuṃ ### [1.8.16](https://indike.org/pramana/in.purana.padma.1.8.16) tadannamabhavaddugdhaṃprajājīvaṃtiyenatu tatastuṛṣibhirdugdhāvatsaḥsomastadābhavat ### [1.8.17](https://indike.org/pramana/in.purana.padma.1.8.17) dogdhāvācaspatirabhūtpātraṃvedastaporasaḥ devaiścavasudhādugdhāmaruddogdhātadābhavat ### [1.8.18](https://indike.org/pramana/in.purana.padma.1.8.18) indrovatsaḥsamabhavatkṣīramūrjjasvalaṃbalaṃ devānāṃkāṃcanaṃpātraṃpitṛṇāṃrājataṃtathā ### [1.8.19](https://indike.org/pramana/in.purana.padma.1.8.19) aṃtakaścābhavaddogdhāyamovatsaḥsvadhārasaḥ bilaṃcapātraṃnāgānāṃtakṣakovatsakobhavat ### [1.8.20](https://indike.org/pramana/in.purana.padma.1.8.20) viṣaṃkṣīraṃtatodogdhādhṛtarāṣṭrobhavatpunaḥ asurairapidugdheyaṃāyaseśatrupīḍanam ### [1.8.21](https://indike.org/pramana/in.purana.padma.1.8.21) pātremāyāmabhūdvatsaḥprālhādistuvirocanaḥ dogdhātrimūrddhātatrāsīnmāyāyenapravartitā ### [1.8.22](https://indike.org/pramana/in.purana.padma.1.8.22) yakṣaiścavasudhādugdhāpurāṃtarddhānamīpsubhiḥ kṛtvāviśvāvasuṃvatsaṃmaṇimaṃtaṃmahīpate ### [1.8.23](https://indike.org/pramana/in.purana.padma.1.8.23) pretarakṣogaṇairdugdhāvasārudhiramulvaṇaṃ raupyanābhobhavaddogdhāsumālīvatsaevaca ### [1.8.24](https://indike.org/pramana/in.purana.padma.1.8.24) gaṃdharvaiścapunardugdhāvasudhāsāpsarogaṇaiḥ vatsaṃcitrarathaṃkṛtvāgaṃdhānpadmadaletathā ### [1.8.25](https://indike.org/pramana/in.purana.padma.1.8.25) dogdhāvasurucirnāmātharvavedasyapāragaḥ giribhirvasudhādugdhāratnānivividhānica ### [1.8.26](https://indike.org/pramana/in.purana.padma.1.8.26) auṣadhānicadivyānidogdhāmerurmahīdharaḥ vatsobhūddhimavāṃstatrapātraṃśailamayaṃpunaḥ ### [1.8.27](https://indike.org/pramana/in.purana.padma.1.8.27) vṛkṣaiścavasudhādugdhākṣīraṃchinnaprarohaṇaṃ pālāśapātredogdhātusālaḥpuṣpavanākulaḥ ### [1.8.28](https://indike.org/pramana/in.purana.padma.1.8.28) plakṣobhavattatovatsaḥsarvavṛkṣavanādhipaḥ evamanyaiścavasudhātathādugdhāyathecchataḥ ### [1.8.29](https://indike.org/pramana/in.purana.padma.1.8.29) āyurddhanānisauravyaṃcapṛthaurājyaṃpraśāsati nadāridrrayaṃtathārogīnādhanonacapāpakṛt ### [1.8.30](https://indike.org/pramana/in.purana.padma.1.8.30) nopasargānacāghātaḥpṛthaurājyaṃpraśāsati nityaṃpramuditālokāduḥkhaśokavivarjitāḥ ### [1.8.31](https://indike.org/pramana/in.purana.padma.1.8.31) dhanuḥkoṭyācaśaileṃdrānutsāryasamahābalaḥ bhūmaṃḍalaṃsamaṃcakrelokānāṃhitakāmyayā ### [1.8.32](https://indike.org/pramana/in.purana.padma.1.8.32) napuragrāmadurgāṇinacāyudhadharānarāḥ mriyaṃteyatraduḥkhaṃcanārthaśāstrasyacādaraḥ ### [1.8.33](https://indike.org/pramana/in.purana.padma.1.8.33) dharmaikatānāḥpuruṣāḥpṛthaurājyaṃpraśāsati kathitānicapātrāṇiyatkṣīraṃcayathātava ### [1.8.34](https://indike.org/pramana/in.purana.padma.1.8.34) yeṣāṃyenarucistatratebhyodattaṃvijānatā yajñaśrīdeṣusarveṣumayātubhyaṃniveditaṃ ### [1.8.35](https://indike.org/pramana/in.purana.padma.1.8.35) duhitṛtvaṃgatāyasmātpṛthoḥpṛthvīmahāmate tasyānusārayogāccapṛthivīviśrutābudhaiḥ ### [1.8.36](https://indike.org/pramana/in.purana.padma.1.8.36) bhīṣmauvāca ādityavaṃśamakhilaṃvadabrahmanyathākramaṃ somavaṃśaṃcatattvajñayathāvadvaktumarhasi ### [1.8.37](https://indike.org/pramana/in.purana.padma.1.8.37) pulastyauvāca vivasvānkaśyapātpūrvamadityāmabhavatpurā tasyapatnītrayaṃtadvatsaṃjñārājñīprabhātathā ### [1.8.38](https://indike.org/pramana/in.purana.padma.1.8.38) raivatasyasutārājñīrevataṃsuṣuvesutaṃ prabhāprabhātaṃsuṣuvetvāṣṭraṃsaṃjñātathāmanuṃ ### [1.8.39](https://indike.org/pramana/in.purana.padma.1.8.39) yamaścayamunācaivayamalaucababhūvatuḥ tatastejomayaṃrūpamasahaṃtīvivasvataḥ ### [1.8.40](https://indike.org/pramana/in.purana.padma.1.8.40) nārīmutpādayāmāsasvaśarīrādaniṃditāṃ tvāṣṭrīsvarūparūpeṇanāmnāchāyetibhāminī ### [1.8.41](https://indike.org/pramana/in.purana.padma.1.8.41) kiṃkaromītipurataḥsaṃsthitāṃtāmabhāṣata chāyetvaṃbhajabhartāraṃmadīyaṃtaṃvarānane ### [1.8.42](https://indike.org/pramana/in.purana.padma.1.8.42) apatyānimadīyānimātṛsnehenapālaya tathetyuktvācasādevamagātkāmāyasuvratā ### [1.8.43](https://indike.org/pramana/in.purana.padma.1.8.43) kāmayāmāsadevopisaṃjñeyamiticādarāt janayāmāsasāvarṇiṃmanuṃmanusvarūpiṇam ### [1.8.44](https://indike.org/pramana/in.purana.padma.1.8.44) savarṇatvāccasāvarṇermanorvaivasvatasyatu tataḥsutāṃcatapatīṃtvāṣṭrīṃcaivakrameṇatu ### [1.8.45](https://indike.org/pramana/in.purana.padma.1.8.45) chāyāyāṃjanayāmāsasaṃjñeyamitibhāskaraḥ chāyāsvaputretvadhikaṃsnehaṃcakremanautadā ### [1.8.46](https://indike.org/pramana/in.purana.padma.1.8.46) nacakṣamemanuḥpūrvastadyamaḥkrodhamūrchitaḥ saṃtarjayāmāsatadāpādamutkṣipyadakṣiṇaṃ ### [1.8.47](https://indike.org/pramana/in.purana.padma.1.8.47) śaśāpacayamaṃchāyābhavatukrimisaṃyutaḥ pādoyamekobhavitāpūyaśoṇitavisravaḥ ### [1.8.48](https://indike.org/pramana/in.purana.padma.1.8.48) nivedayāmāsapituryamaḥśāpenadharṣitaḥ niḥkāraṇamahaṃśaptomātrādevasakopayā ### [1.8.49](https://indike.org/pramana/in.purana.padma.1.8.49) bālabhāvānmayākiṃcidudyataścaraṇaḥsakṛt manunāvāryamāṇāpimamaśāpamadādvibho ### [1.8.50](https://indike.org/pramana/in.purana.padma.1.8.50) prāyonamātāsāsmākamasamāsnehatoyataḥ devopyāhayamaṃbhūyaḥkikaromimahāmate ### [1.8.51](https://indike.org/pramana/in.purana.padma.1.8.51) saukhyātkasyanaduḥkhaṃsyādathavākarmasaṃtatiḥ anivāryābhavasyāpikākathānyeṣujaṃtuṣu ### [1.8.52](https://indike.org/pramana/in.purana.padma.1.8.52) kṛkavākustavapadesakrimiṃbhakṣayiṣyati khaṃjaṃcaruciraṃcaivapādametadbhaviṣyati ### [1.8.53](https://indike.org/pramana/in.purana.padma.1.8.53) evamuktaḥsamāśvastastapastīvraṃcakāraha vairāgyātpuṣkaretīrthephalaphenānilāśanaḥ ### [1.8.54](https://indike.org/pramana/in.purana.padma.1.8.54) pitāmahaṃsamārādhyayāvadvarṣāyutaṃpunaḥ tapaḥprabhāvāddeveśaḥsaṃtuṣṭaḥpadmasaṃbhavaḥ ### [1.8.55](https://indike.org/pramana/in.purana.padma.1.8.55) vavresalokapālatvaṃpitṛlokaṃtathākṣayaṃ dharmādharmātmakasyāsyajagatastuparīkṣaṇam ### [1.8.56](https://indike.org/pramana/in.purana.padma.1.8.56) evaṃsalokapālatvamagamatpadmasaṃbhavāt pitṝṇāmādhipatyaṃcadharmādharmasyacānagha ### [1.8.57](https://indike.org/pramana/in.purana.padma.1.8.57) vivasvānathatajjñātvāsaṃjñāyāḥkarmaceṣṭitaṃ tvaṣṭuḥsamīpamagamadācacakṣesaroṣavān ### [1.8.58](https://indike.org/pramana/in.purana.padma.1.8.58) tamuvācatatastvaṣṭāsāṃtvapūrvamidaṃvacaḥ tavāsahaṃtībhagavaṃstejastīvraṃtamonuda ### [1.8.59](https://indike.org/pramana/in.purana.padma.1.8.59) baḍavārūpamāsthāyamatsakāśamihāgatā nivāritāmayāsācatvadbhayenadivaspate ### [1.8.60](https://indike.org/pramana/in.purana.padma.1.8.60) yasmādavijñātamanāmatsakāśamihāgatā tasmānmadīyaṃbhavanaṃpraveṣṭuṃnatavārhati ### [1.8.61](https://indike.org/pramana/in.purana.padma.1.8.61) evamuktājagāmāśumarudeśamaniṃditā baḍavārūpamāsthāyabhūtalesaṃpratiṣṭhitā ### [1.8.62](https://indike.org/pramana/in.purana.padma.1.8.62) tasmātprasādaṃkurumeyadyanugrahabhāgaham apaneṣyāmitetejaḥkṛtvāyaṃtredivākaram ### [1.8.63](https://indike.org/pramana/in.purana.padma.1.8.63) rūpaṃtavakariṣyāmilokānaṃdakaraṃprabho tathetyuktaḥsaraviṇābhramekṛtvādivākaraṃ ### [1.8.64](https://indike.org/pramana/in.purana.padma.1.8.64) pṛthakcakāratejaścacakraṃviṣṇoḥprakalpayat triśūlaṃcāpirudrasyavajramiṃdrasyacāparaṃ ### [1.8.65](https://indike.org/pramana/in.purana.padma.1.8.65) daityadānavasaṃhartṛsahasrakiraṇātmakaṃ rūpaṃcāpratimaṃcakretvaṣṭāpatamṛtemahat ### [1.8.66](https://indike.org/pramana/in.purana.padma.1.8.66) naśaśākacataddraṣṭuṃpādarūpaṃraveḥpunaḥ adyāpicatataḥ pādaunakaścitkārayetkvacit ### [1.8.67](https://indike.org/pramana/in.purana.padma.1.8.67) yaḥkarotisapāpiṣṭhogatimāpnotiniṃditāṃ kuṣṭharogamavāpnotilokesminduḥkhasaṃjñitaṃ ### [1.8.68](https://indike.org/pramana/in.purana.padma.1.8.68) tasmānnadharmakāmārthīcitreṣvāyataneṣuca nakvacitkārayetpādaudevadevasyadhīmataḥ ### [1.8.69](https://indike.org/pramana/in.purana.padma.1.8.69) tataḥsabhagavāngatvābhūrlokamamarādhipaḥ kāmayāmāsakāmārtomukhaevadivākaraḥ ### [1.8.70](https://indike.org/pramana/in.purana.padma.1.8.70) aśvarūpeṇamahatātejasācasamanvitaḥ saṃjñācamanasākṣobhamagamadbhayavihvalā ### [1.8.71](https://indike.org/pramana/in.purana.padma.1.8.71) nāsāpuṭābhyāmutsṛṣṭaṃparoyamitiśaṃkayā tasyātharetasojātāvaśvināvitinaḥśrutam ### [1.8.72](https://indike.org/pramana/in.purana.padma.1.8.72) dasrauśrutitvātsaṃjātaunāsatyaunāsikāgrataḥ jñātvācirāccataṃdevaṃsaṃtoṣamagamatparaṃ ### [1.8.73](https://indike.org/pramana/in.purana.padma.1.8.73) vimānenāgamatsvargepatnyāsahamudānvitaḥ sāvarṇyopimanurmerāvadyāpitapatetapaḥ ### [1.8.74](https://indike.org/pramana/in.purana.padma.1.8.74) śanistapobalāccāpigrahāṇāṃsamatāṃgataḥ yamunātapatīcaivapunarnadyaubabhūvatuḥ ### [1.8.75](https://indike.org/pramana/in.purana.padma.1.8.75) viṣṭhirghorātmikātadvatkālatvenavyavasthitā manorvaivasvatasyāpidaśaputrāmahābalāḥ ### [1.8.76](https://indike.org/pramana/in.purana.padma.1.8.76) ilastuprathamasteṣāṃputreṣṭyāsamakalpiyaḥ ikṣvākuḥkuśanābhaścaariṣṭodhṛṣṭaevaca ### [1.8.77](https://indike.org/pramana/in.purana.padma.1.8.77) nariṣyaṃtaḥkarūṣaścaśaryātiścamahābalaḥ pṛṣadhraścāthanābhāgaḥ sarvetedivyamānuṣāḥ ### [1.8.78](https://indike.org/pramana/in.purana.padma.1.8.78) abhiṣicyamanuḥpūrvamilaṃputraṃsadhārmikam jagāmatapasebhūyaḥpuṣkaraṃsatapovanaṃ ### [1.8.79](https://indike.org/pramana/in.purana.padma.1.8.79) athājagāmasidhyarthaṃtasyabrahmāvarapradaḥ varaṃvarayabhadraṃtemānaveyayathepsitaṃ ### [1.8.80](https://indike.org/pramana/in.purana.padma.1.8.80) uvācasatadādevaṃpadmākṣaṃpadmajaṃvibhuṃ vaṃśemedharmasaṃyuktāḥpṛthivyāṃsarvapārthivāḥ ### [1.8.81](https://indike.org/pramana/in.purana.padma.1.8.81) bhaveyurīśvarāḥsvāminprasādāttavakaṃjaja tathetyuktvātudeveśastatraivāṃtaradhīyata ### [1.8.82](https://indike.org/pramana/in.purana.padma.1.8.82) tatoyodhyāṃsamāgatyasamatiṣṭhadyathāpurā athaikadārathārūḍhailonijasutomanoḥ ### [1.8.83](https://indike.org/pramana/in.purana.padma.1.8.83) nirjagāmārthasidhyarthaminaprāyāṃmahīmimāṃ bhramandvīpānisarvāṇikṣmābhṛtaḥsaṃprasādhayan ### [1.8.84](https://indike.org/pramana/in.purana.padma.1.8.84) jagāmopavanaṃśaṃbhorathākṛṣṭaḥpratāpavān kalpadrumalatākīrṇaṃnāmnāśaravaṇaṃmahat ### [1.8.85](https://indike.org/pramana/in.purana.padma.1.8.85) ramateyatradeveśaḥsomaḥsomārddhaśekharaḥ umayāsamayastatrapurāśaravaṇekṛtaḥ ### [1.8.86](https://indike.org/pramana/in.purana.padma.1.8.86) puṃnāmasaṃjñaṃyatkiṃcidāgamiṣyatinovanaṃ strītvameṣyatitatsarvaṃdaśayojanamaṃḍale ### [1.8.87](https://indike.org/pramana/in.purana.padma.1.8.87) ajñātasamayorājāilaḥ śaravaṇaṃgataḥ strītvaṃjagāmasahasābaḍavāśvo'bhavatkṣaṇāt ### [1.8.88](https://indike.org/pramana/in.purana.padma.1.8.88) puruṣatvekṛtaṃsarvaṃstrīkāyevismṛtaṃtataḥ iletisābhavannārīpīnonnataghanastanī ### [1.8.89](https://indike.org/pramana/in.purana.padma.1.8.89) unnataśroṇijaghanāpadmapatrāyatekṣaṇā pūrṇenduvadanātanvīvilāsinyasitekṣaṇā ### [1.8.90](https://indike.org/pramana/in.purana.padma.1.8.90) pīnonnatāyatabhujānīlakuṃcitamūrddhajā tanulomāsuvadanāmṛdugadgadabhāṣiṇī ### [1.8.91](https://indike.org/pramana/in.purana.padma.1.8.91) śyāmāgaureṇavarṇenatanutāmranakhāṃkurā kārmukabhrūyugopetāhaṃsāvaraṇagāminī ### [1.8.92](https://indike.org/pramana/in.purana.padma.1.8.92) bhramamāṇāvanetasminciṃtayāmāsabhāminī komepitāvābhrātāvākometrātābhavediha ### [1.8.93](https://indike.org/pramana/in.purana.padma.1.8.93) kasyabhartturahaṃdattākiyadvarṣāsmibhūtale ciṃtayaṃtīcadadṛśe somaputreṇasāṅganā ### [1.8.94](https://indike.org/pramana/in.purana.padma.1.8.94) ilārūpasamākṣiptamanasāvaravarṇinī budhastadāptayeyatnamakarotkāmapīḍitaḥ ### [1.8.95](https://indike.org/pramana/in.purana.padma.1.8.95) viśiṣṭākāravānmuṃḍīsakamaṃḍalupustakaḥ veṇudaṃḍakṛtāveśaḥpavitrakakhanitrakaḥ ### [1.8.96](https://indike.org/pramana/in.purana.padma.1.8.96) dvijarūpaḥśikhībrahmanigadankarṇakuṃḍalī vaṭubhiścārthibhiryuktaḥsamitpuṣpakuśodakaiḥ ### [1.8.97](https://indike.org/pramana/in.purana.padma.1.8.97) kālenviṣyāṃtatastasminnājuhāvasatāmilām bahirvanasyāṃtaritaḥkilapādapamaṃḍape ### [1.8.98](https://indike.org/pramana/in.purana.padma.1.8.98) sasaṃbhramamakasmāccasopālaṃbhamivābhavat tyaktvāgnihotraśuśrūṣāṃkvagatāmaṃdirānmama ### [1.8.99](https://indike.org/pramana/in.purana.padma.1.8.99) iyaṃvihārabelāteatikrāmatisāṃpratam ehyehipṛthusuśroṇisaṃbhrāṃtākenahetunā ### [1.8.100](https://indike.org/pramana/in.purana.padma.1.8.100) iyaṃsāyaṃtanīvelāvihārasyehavarttate kṛtvopalepanaṃpuṣpairalaṃkurugṛhaṃmama ### [1.8.101](https://indike.org/pramana/in.purana.padma.1.8.101) sābravīdvismṛtāhaṃcasarvamevatapodhana ātmānaṃtvāṃcabharttāraṃkulaṃcavadamenagha ### [1.8.102](https://indike.org/pramana/in.purana.padma.1.8.102) budhaḥprovācatāṃtanvīmilātvaṃvaravarṇinī ahaṃcakāmukonāmabahuvidyobudhaḥsmṛtaḥ ### [1.8.103](https://indike.org/pramana/in.purana.padma.1.8.103) tejasvinaḥkulejātaḥpitāmebrāhmaṇādhipaḥ itisātasyavacanātpraviṣṭābudhamaṃdiram ### [1.8.104](https://indike.org/pramana/in.purana.padma.1.8.104) ratnastaṃbhasamākīrṇaṃdivyamāyāvinirmitam ilākṛtārthamātmānaṃmenetadbhavanesthitā ### [1.8.105](https://indike.org/pramana/in.purana.padma.1.8.105) ahovṛttamahorūpamahodhanamahokulam mamacāsyacabhartturvāaholāvaṇyamuttamam ### [1.8.106](https://indike.org/pramana/in.purana.padma.1.8.106) remecasātena samamatikālamilāvane sarvabhogamayegeheyatheṃdrabhavanetathā ### [1.8.107](https://indike.org/pramana/in.purana.padma.1.8.107) athānviṣyaṃtorājānaṃbhrātarastasyamānavāḥ ikṣvākupramukhājagmustadāśaravaṇāṃtikam ### [1.8.108](https://indike.org/pramana/in.purana.padma.1.8.108) tatastedadṛśuḥsarvevaḍavāmagrataḥsthitām ratnaparyaṃtakiraṇadīpyamānāmanuttamām ### [1.8.109](https://indike.org/pramana/in.purana.padma.1.8.109) saṃprāpyapratyabhijñānātsarvevismayamāgatāḥ ayaṃcaṃdraprabhonāmavājītasyamahātmanaḥ ### [1.8.110](https://indike.org/pramana/in.purana.padma.1.8.110) agamadvaḍavārūpamuttamaṃkenahetunā tatastumaitrāvaruṇiṃpaprachuḥ svapurohitam ### [1.8.111](https://indike.org/pramana/in.purana.padma.1.8.111) kimetadityabhūccitraṃvadayogavidāṃvara vasiṣṭhopyabravītsarvaṃdṛṣṭvātaṃdhyānacakṣuṣā ### [1.8.112](https://indike.org/pramana/in.purana.padma.1.8.112) samayaḥśaṃbhudayitākṛtaḥśaravaṇepurā yaḥpumānpraviśeccātrasanārītvamavāpsyati ### [1.8.113](https://indike.org/pramana/in.purana.padma.1.8.113) ayamaśvopinārītvamagādrājñāsahaivatu ilaḥpuruṣatāmetiyathāsaudhanadopamaḥ ### [1.8.114](https://indike.org/pramana/in.purana.padma.1.8.114) tathaivayatnaḥkarttavyaārādhyacapinākinam tatastemānavājagmuryatradevomaheśvaraḥ ### [1.8.115](https://indike.org/pramana/in.purana.padma.1.8.115) tuṣṭavurvividhaiḥ stotraiḥpārvatīparameśvarau tāvūcaturalaṃcaiṣasamayaḥkiṃnusāṃprataṃ ### [1.8.116](https://indike.org/pramana/in.purana.padma.1.8.116) ikṣvākoraśvamedhenayatphalaṃsyāttadāvayoḥ datvākiṃpuruṣovīraḥsabhaviṣyatyasaṃśayam ### [1.8.117](https://indike.org/pramana/in.purana.padma.1.8.117) tathetyuktvātutesarvejagmurvaivasvatātmajāḥ iṣṭvāśvamedhenatatailākiṃpuruṣobhavat ### [1.8.118](https://indike.org/pramana/in.purana.padma.1.8.118) māsamekaṃpumānvīraḥstrītvaṃmāsamabhūtpunaḥ budhasyabhavanetiṣṭhannilogarbhadharobhavat ### [1.8.119](https://indike.org/pramana/in.purana.padma.1.8.119) ajījanatputramekamanekaguṇasaṃyutam budhautpādyataṃpūruṃsasvargamagamatpunaḥ ### [1.8.120](https://indike.org/pramana/in.purana.padma.1.8.120) ilasyanāmnātadvarṣamilāvṛtamabhūttadā somārkavaṃśajorājāilobhūdveśavarddhanaḥ ### [1.8.121](https://indike.org/pramana/in.purana.padma.1.8.121) evaṃpurūravāḥpūrorabhavadveśavarddhanaḥ ikṣvākurarkavaṃśasyatathaivoktonareśvaraḥ ### [1.8.122](https://indike.org/pramana/in.purana.padma.1.8.122) ilaḥkiṃpuruṣatvecasudyumraiticocyate punaḥputratrayamabhūtsūdyumnasyāparājitam ### [1.8.123](https://indike.org/pramana/in.purana.padma.1.8.123) utkalothagayastadvaddharitāśvaścavīryavān utkalasyotkalānāmagayasyatugayāpurī ### [1.8.124](https://indike.org/pramana/in.purana.padma.1.8.124) haritāśvasyadigyāmyāsaṃjñātākurubhiḥsaha pratiṣṭhānebhiṣicyāthasapurūravasaṃsutam ### [1.8.125](https://indike.org/pramana/in.purana.padma.1.8.125) jagāmelāvṛtaṃbhoktuṃdivyaṃvarṣaṃphalāśanaḥ ikṣvākurjyeṣṭhadāyādomadhyadeśamavāptavān ### [1.8.126](https://indike.org/pramana/in.purana.padma.1.8.126) nariṣyaṃtasyaputrobhūcchukonāmamahābalaḥ nābhāgādaṃbarīṣastudhṛṣṭasyatusutatrayam ### [1.8.127](https://indike.org/pramana/in.purana.padma.1.8.127) dhṛṣṭaketuḥsvadharmāthoraṇadhṛṣṭaścavīryavān ānartonāmaśaryāteḥsukanyācaivadārikā ### [1.8.128](https://indike.org/pramana/in.purana.padma.1.8.128) ānartasyābhavatputrorocamānaḥpratāpavān ānartonāmadeśobhūnnagarīcakuśasthalī ### [1.8.129](https://indike.org/pramana/in.purana.padma.1.8.129) rocamānasyarevobhūdrevādraivataevaca kakudmīcāparaṃnāmajyeṣṭhaḥputraśatasyaca ### [1.8.130](https://indike.org/pramana/in.purana.padma.1.8.130) revatītasyasākanyābhāryārāmasyaviśrutā karūṣāccaivakārūṣābahavaḥprathitābhuvi ### [1.8.131](https://indike.org/pramana/in.purana.padma.1.8.131) pṛṣadhrogovadhācchūdroguruśāpādajāyata ikṣvākuputrānāmnāthavikukṣinimidaṃḍakāḥ ### [1.8.132](https://indike.org/pramana/in.purana.padma.1.8.132) śreṣṭhāḥputraśatasyāsanpaṃcāśaccāthatatsutāḥ meroruttaratastetujātāḥpārthivasattamāḥ ### [1.8.133](https://indike.org/pramana/in.purana.padma.1.8.133) catvāriṃśattathāṣṭānyeśatamadhyecayebhavan merordakṣiṇataścaivarājānasteprakīrtitāḥ ### [1.8.134](https://indike.org/pramana/in.purana.padma.1.8.134) jyeṣṭhātkakutsthanāmābhūtsutastasyasuyodhanaḥ tasyaputraḥpṛthṛrnāmaviśvastasyapṛthoḥsutaḥ ### [1.8.135](https://indike.org/pramana/in.purana.padma.1.8.135) ārdrastasyacaputrobhūdyuvanāśvastatobhavat yuvanāśvasyaputrobhūcchāvastonāmavīryavān ### [1.8.136](https://indike.org/pramana/in.purana.padma.1.8.136) nirmitāyenaśāvastīhyaṃgadeśenarādhipa śāvastādbṛhadaśvobhūtkuvalāśvastatobhavat ### [1.8.137](https://indike.org/pramana/in.purana.padma.1.8.137) dhuṃdhumāratvamagamaddhuṃdhuṃhatvā'suraṃpurā tasyaputrāstrayojātādṛḍhāśvoghṛṇirevaca ### [1.8.138](https://indike.org/pramana/in.purana.padma.1.8.138) kapilāśvaścavikhyātodhauṃdhumāriḥpratāpavān dṛḍhāśvasyapramodastuharyaśvastasyacātmajaḥ ### [1.8.139](https://indike.org/pramana/in.purana.padma.1.8.139) haryaśvasyanikuṃbhobhūtsaṃhatāśvastatobhavat akṛtāśvoraṇāśvaścasaṃhatāśvasutāvubhau ### [1.8.140](https://indike.org/pramana/in.purana.padma.1.8.140) yuvanāśvoraṇāśvasyamāṃdhātācatatobhavat māṃdhātuḥpurukutsobhūddharmasetuścapārthivaḥ ### [1.8.141](https://indike.org/pramana/in.purana.padma.1.8.141) mucukundaścavikhyātaśśakramitraḥpratāpavān purukutsasyaputrobhūddussahonarmadāpatiḥ ### [1.8.142](https://indike.org/pramana/in.purana.padma.1.8.142) saṃbhūtistasyaputrobhūttridhanvācatatobhavat tridhanvanaḥsutojātastrayyāruṇaitismṛtaḥ ### [1.8.143](https://indike.org/pramana/in.purana.padma.1.8.143) tasyasatyavratonāmatasmātsatyarathaḥsmṛtaḥ tasyaputrahariścandrohariścaṃdrāccarohitaḥ ### [1.8.144](https://indike.org/pramana/in.purana.padma.1.8.144) rohatāccavṛkojātovṛkādbāhurajāyata sagarastasyaputrobhūdrājāparamadhārmikaḥ ### [1.8.145](https://indike.org/pramana/in.purana.padma.1.8.145) dvebhāryesagarasyāpiprabhābhānumatītathā tābhyāmārādhitaḥpūrvamaurvāgniḥputrakāmyayā ### [1.8.146](https://indike.org/pramana/in.purana.padma.1.8.146) aurvastuṣṭastayoḥprādādyatheṣṭaṃvaramuttamam ekāṣaṣṭisahasrāṇisutamekaṃtathāparā ### [1.8.147](https://indike.org/pramana/in.purana.padma.1.8.147) agṛhṇādveśakartāraṃprabhā'gṛhṇādbahūnsutān ekaṃbhānumatīputramagṛhṇādasamaṃjasaṃ ### [1.8.148](https://indike.org/pramana/in.purana.padma.1.8.148) tataḥṣaṣṭisraṇisuṣuveyādavīprabhā khanaṃtaḥpṛthivīṃdagdhāviṣṇunāyeśvamārgaṇe ### [1.8.149](https://indike.org/pramana/in.purana.padma.1.8.149) asamaṃjastutanayohyaṃśumānnāmaviśrutaḥ tasyaputrodilīpastudilīpāttubhagīrathaḥ ### [1.8.150](https://indike.org/pramana/in.purana.padma.1.8.150) yenabhāgīrathīgaṅgātapaḥkṛtvāvatāritā bhagīrathasyatanayonābhāgaitiviśrutaḥ ### [1.8.151](https://indike.org/pramana/in.purana.padma.1.8.151) nābhāgasyāṃbarīṣobhūtsiṃdhudvīpastatobhavat tasyāyutāyuḥputrobhūdṛtuparṇastatobhavat ### [1.8.152](https://indike.org/pramana/in.purana.padma.1.8.152) tasyakalmāṣapādastusarvakarmātataḥsmṛtaḥ tasyānaraṇyaḥputrobhūnnighnastasyasutobhavat ### [1.8.153](https://indike.org/pramana/in.purana.padma.1.8.153) nighnaputrāvubhaujātāvanamitraraghūttamau anamitrovanamagādarināśakṛtenṛpa ### [1.8.154](https://indike.org/pramana/in.purana.padma.1.8.154) raghorabhūddilīpastudilīpāccāpyajastathā dīrghabāhurajājjātaḥprajāpālastatobhavat ### [1.8.155](https://indike.org/pramana/in.purana.padma.1.8.155) tatodaśarathojātastasyaputracatuṣṭayaṃ nārāyaṇātmakāḥ sarve rāmastasyāgrajobhavat ### [1.8.156](https://indike.org/pramana/in.purana.padma.1.8.156) rāvaṇāṃtakarastadvadraghūṇāṃvaṃśavarddhanaḥ vālmīkiryasyacaritaṃcakrebhārgavasattamaḥ ### [1.8.157](https://indike.org/pramana/in.purana.padma.1.8.157) tasyaputraḥkuśonāmaikṣvākukulavarddhanaḥ atithistukuśājjātoniṣadhastasyacātmajaḥ ### [1.8.158](https://indike.org/pramana/in.purana.padma.1.8.158) nalastuniṣadhājjātonabhāstasmādajāyata nabhasaḥpuṃḍarīkobhūtkṣemadhanvātataḥparam ### [1.8.159](https://indike.org/pramana/in.purana.padma.1.8.159) tasyaputrobhavadvīrodevānīkaḥpratāpavān ahīnagustasyasutaḥsahasrāśvastataḥparaḥ ### [1.8.160](https://indike.org/pramana/in.purana.padma.1.8.160) tataścaṃdrāvalokastutārāpīḍastatobhavat tasyātmajaścandragiriścaṃdrastasyasutobhavat ### [1.8.161](https://indike.org/pramana/in.purana.padma.1.8.161) śrutāyurabhavattasmādbhārateyonipātitaḥ nalaudvāvevavikhyātauvaṃśeyasyaviśeṣataḥ ### [1.8.162](https://indike.org/pramana/in.purana.padma.1.8.162) vīrasenasutastadvannaiṣadhaścanarādhipaḥ etevivasvatovaṃśerājānobhūridakṣiṇāḥ ### [1.8.163](https://indike.org/pramana/in.purana.padma.1.8.163) ikṣvākuvaṃśaprabhavāḥprādhānyenaprakīrtitāḥ ### [1.8.163.p1](https://indike.org/pramana/in.purana.padma.1.8.163.p1) iti śrīpādmapurāṇeprathamesṛṣṭikhaṇḍeādityavaṃśakathanaṃnāmāṣṭamodhyāyaḥ ## Linked texts (5) - [Matsyapurāṇa](https://indike.org/pramana/in.purana.matsya.10.1) — Vyāsa, Sanskrit - [Liṅgapurāṇa](https://indike.org/pramana/in.purana.linga.1.65.6) — Vyāsa, Sanskrit - [Kūrmapurāṇa](https://indike.org/pramana/in.purana.kurma.1.20.5) — Vyāsa, Sanskrit - [Brahmapurāṇa](https://indike.org/pramana/in.purana.brahma.8.93) — Vyāsa, Sanskrit - [Liṅgapurāṇa](https://indike.org/pramana/in.vernacular.tamil.kappiyam.lingapurana.72.12) — Ativīrarāma Pāṇṭiyar 1500, Sanskrit --- Source: [https://indike.org/pramana/in.purana.padma.1.8](https://indike.org/pramana/in.purana.padma.1.8) · Pramāṇa