[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Padmapurana](https://indike.org/pramana/in.purana.padma) › 1.9 # Padmapurana 1.9: navamodhyāyaḥ Padmapurāṇa 1.9 - **Language:** Sanskrit ### navamodhyāyaḥ ### [1.9.1](https://indike.org/pramana/in.purana.padma.1.9.1) bhīṣmauvāca bhagavanśrotumicchāmipitṝṇāṃvaṃśamuttamam raveścaśrāddhadevasyasomasyacaviśeṣataḥ ### [1.9.2](https://indike.org/pramana/in.purana.padma.1.9.2) pulastyauvāca haṃtatekathayiṣyāmipitṝṇāṃvaṃśamuttamam svargepitṛgaṇāḥ saptatrayasteṣāmamūrtayaḥ ### [1.9.3](https://indike.org/pramana/in.purana.padma.1.9.3) mūrtimaṃtothacatvāraḥsarveṣāmamitaujasāṃ amūrttayaḥpitṛgaṇāvairājasyaprajāpateḥ ### [1.9.4](https://indike.org/pramana/in.purana.padma.1.9.4) yajantiyāndevagaṇāvairājāitiviśrutāḥ yevaiteyogavibhraṣṭāḥprāpurlokānsanātanān ### [1.9.5](https://indike.org/pramana/in.purana.padma.1.9.5) punarbrahmadināṃtetujāyaṃtebrahmavādinaḥ saṃprāpyatāṃsmṛtiṃbhūyoyogaṃsāṃkhyamanuttamam ### [1.9.6](https://indike.org/pramana/in.purana.padma.1.9.6) siddhiṃprayāṃtiyogenapunarāvṛttidurllabhām yogināmevadeyānitasmācchāddhānidātṛbhiḥ ### [1.9.7](https://indike.org/pramana/in.purana.padma.1.9.7) eteṣāṃmānasīkanyāpatnīhimavatomatā mainākastasyadāyādaḥ kraucastasyasutobhavat ### [1.9.8](https://indike.org/pramana/in.purana.padma.1.9.8) krauṃcadvīpaḥsmṛtoyenacaturthodhṛtasaṃyutaḥ menātusuṣavetisraḥkanyāyogavatīstataḥ ### [1.9.9](https://indike.org/pramana/in.purana.padma.1.9.9) umaikaparṇāparṇācatīvravrataparāyaṇāḥ rudrasyaikābhṛgoścaikājaigīṣavyasyacāparā ### [1.9.10](https://indike.org/pramana/in.purana.padma.1.9.10) dattāhimavatābālāḥ sarvalokatapodhikāḥ pitṝṇāṃlokasaṃgītaṃkathayāmiśṛṇuṣvatat ### [1.9.11](https://indike.org/pramana/in.purana.padma.1.9.11) lokāḥsomapathānāmayatramārīcanaṃdanāḥ varttaṃteyenapitaroyāndevābhāvayantyalam ### [1.9.12](https://indike.org/pramana/in.purana.padma.1.9.12) agniṣvāttāitikhyātāyajvānoyatrasaṃsthitāḥ acchodānāmateṣāṃtukanyābhūdvaravarṇinī ### [1.9.13](https://indike.org/pramana/in.purana.padma.1.9.13) acchodaṃcasarastatrapitṛbhirnirmitaṃpurā acchodāthatapaścakredivyaṃvarṣasahasrakam ### [1.9.14](https://indike.org/pramana/in.purana.padma.1.9.14) ājagmuḥpitarastuṣṭādāsyantaḥkilatevaram divyarūpadharāḥsarvedivyamālyānulepanāḥ ### [1.9.15](https://indike.org/pramana/in.purana.padma.1.9.15) sarvepradhānābalinaḥkusumāyudhasannibhāḥ tanmadhyemāvasuṃnāmapitaraṃvīkṣyasāṃganā ### [1.9.16](https://indike.org/pramana/in.purana.padma.1.9.16) vavrevarārthinīsaṃgaṃkusumāyudhapīḍitā yogādbhraṣṭātusātenavyabhicāreṇabhāminī ### [1.9.17](https://indike.org/pramana/in.purana.padma.1.9.17) dharānnaspṛśatepūrvaṃprayātāthabhuvastale tathaivāmāvasuryoyamicchāṃcakrenatāṃprati ### [1.9.18](https://indike.org/pramana/in.purana.padma.1.9.18) dhairyeṇatasyasālokeamāvāsyetiviśrutā pitṝṇāṃvallabhāyasmāddattasyākṣayakārikā ### [1.9.19](https://indike.org/pramana/in.purana.padma.1.9.19) acchodādhomukhīdīnālajjitātapasaḥkṣayāt sāpitṝnprārthayāmāsapunarātmasamṛddhaye ### [1.9.20](https://indike.org/pramana/in.purana.padma.1.9.20) vilajjamānāpitṛbhiridamuktātapasvinī bhaviṣyamathacālokyadevakāryaṃcatetadā ### [1.9.21](https://indike.org/pramana/in.purana.padma.1.9.21) idamūcurmahābhāgāḥprasādaśubhayāgirā dividivyaśarīreṇayatkiṃcitkriyatebudhaiḥ ### [1.9.22](https://indike.org/pramana/in.purana.padma.1.9.22) tenaivatatkarmaphalaṃbhujyatevaravarṇinī sadyaḥphalaṃtikarmāṇidevatvepretyamānuṣe ### [1.9.23](https://indike.org/pramana/in.purana.padma.1.9.23) tasmāttvaṃsukṛtaṃkṛtvāprāpsyasepretyayatphalam aṣṭāviṃśebhavitrītvaṃdvāparematsyayonijā ### [1.9.24](https://indike.org/pramana/in.purana.padma.1.9.24) vyatikramātpitṝṇāṃtukaṣṭaṃkulamavāpsyasi tasmādrājñovasoḥkanyātvamavaśyaṃbhaviṣyasi ### [1.9.25](https://indike.org/pramana/in.purana.padma.1.9.25) kanyātvedevalokāṃstānpunaḥprāpsyasidurllabhān parāśarasyavīryeṇaputramekamavāpsyasi ### [1.9.26](https://indike.org/pramana/in.purana.padma.1.9.26) dvīpetubadarīprāyebādarāyaṇamapyuta savedamekaṃbahudhāvibhajiṣyatitesutaḥ ### [1.9.27](https://indike.org/pramana/in.purana.padma.1.9.27) pauravasyātmajaudvautusamudrāṃśasyaśaṃtanoḥ vicitravīryastanayastathācitrāṃgadonṛpaḥ ### [1.9.28](https://indike.org/pramana/in.purana.padma.1.9.28) imāvutpādyatanayaukṣetrajautasyadhīmataḥ prauṣṭhapadyaṣṭakābhūyaḥpitṛlokebhaviṣyasi ### [1.9.29](https://indike.org/pramana/in.purana.padma.1.9.29) nāmnāsatyavatīlokepitṛloketathāṣṭakā āyurārogyadānityaṃsarvakāmaphalapradā ### [1.9.30](https://indike.org/pramana/in.purana.padma.1.9.30) bhaviṣyasiparelokenadītvaṃcagamiṣyasi puṇyatoyāsaricchreṣṭhālokeṣvacchodanāmikā ### [1.9.31](https://indike.org/pramana/in.purana.padma.1.9.31) ityuktāsāgaṇaistaistutatraivāṃtaradhīyata sāpyāpacāritraphalaṃmayāyaduditaṃpurā ### [1.9.32](https://indike.org/pramana/in.purana.padma.1.9.32) vibhrājonāmayecānyedivisaṃtisuvarcasaḥ lokābarhiṣadoyatrapitaraḥsaṃtisuvratāḥ ### [1.9.33](https://indike.org/pramana/in.purana.padma.1.9.33) yatrabarhiṣiyuktānivimānānisahasraśaḥ saṃkalpapādapāyatratiṣṭhaṃtiphaladāyinaḥ ### [1.9.34](https://indike.org/pramana/in.purana.padma.1.9.34) yadabhyudayaśālāsumodaṃteśrāddhadāyinaḥ yedānavāsuragaṇāgaṃdharvāpsarasāṃgaṇāḥ ### [1.9.35](https://indike.org/pramana/in.purana.padma.1.9.35) yakṣarakṣogaṇāstecayajaṃtidividevatāḥ pulastyaputrāḥśataśastapoyogabalānvitāḥ ### [1.9.36](https://indike.org/pramana/in.purana.padma.1.9.36) mahātmānomahābhāgābhaktānāmabhayaṃkarāḥ eteṣāṃpīvarīkanyāmānasīdiviviśrutā ### [1.9.37](https://indike.org/pramana/in.purana.padma.1.9.37) yoginīyogamātācatapaścakresudāruṇaṃ prasannobhagavāṃstasyāvaraṃvavretusā tataḥ ### [1.9.38](https://indike.org/pramana/in.purana.padma.1.9.38) yogavaṃtaṃsurūpaṃcabhartāraṃvijiteṃdriyam dehidevaprasannastvaṃyaditevadatāṃvara ### [1.9.39](https://indike.org/pramana/in.purana.padma.1.9.39) uvācadevobhavitāvyāsaputroyadāśukaḥ bhavitrītasyabhāryātvaṃyogācāryasyasuvratā ### [1.9.40](https://indike.org/pramana/in.purana.padma.1.9.40) bhaviṣyaticatekanyākṛttīnāmāthayoginī pāṃcālapatayedeyāsātvatāyatusātadā ### [1.9.41](https://indike.org/pramana/in.purana.padma.1.9.41) jananībrahmadattasyayogasiddhāṃtagāsmṛtā kṛṣṇagauraścaśaṃbhuścabhaviṣyaṃticatesutāḥ ### [1.9.42](https://indike.org/pramana/in.purana.padma.1.9.42) sarvakāmasamṛddheṣuvimāneṣvapipāvanāḥ kiṃpunaḥ śrāddhadāviprābhaktimaṃtaḥ kriyānvitāḥ ### [1.9.43](https://indike.org/pramana/in.purana.padma.1.9.43) gaurnāmakanyāyeṣāṃtumānasīdivirājate sukanyādayitāpatnīsādhyānāṃkīrtivarddhinī ### [1.9.44](https://indike.org/pramana/in.purana.padma.1.9.44) marīcigarbhanāmānolokemārtaṃḍamaṃḍale pitaroyatratiṣṭhaṃtihaviṣmaṃtoṃgiraḥsutāḥ ### [1.9.45](https://indike.org/pramana/in.purana.padma.1.9.45) tīrthaśrāddhapradāyāṃtiyatrakṣatriyasattamāḥ rājñāṃtupitarastevaisvargabhogaphalapradāḥ ### [1.9.46](https://indike.org/pramana/in.purana.padma.1.9.46) eteṣāṃmānasīkanyāyaśodānāmaviśrutā patnīyāṃśumataḥśreṣṭhāsnuṣāpaṃcajanasyaca ### [1.9.47](https://indike.org/pramana/in.purana.padma.1.9.47) jananyathadilīpasyabhagīrathapitāmahī lokāḥkāmadughānāmakāmabhogaphalapradāḥ ### [1.9.48](https://indike.org/pramana/in.purana.padma.1.9.48) susvadhānāmapitaroyatratiṣṭhantitesutāḥ ājyapānāmalokeṣukardamasyaprajāpateḥ ### [1.9.49](https://indike.org/pramana/in.purana.padma.1.9.49) pulahāgrajadāyādāvaiśyāstānbhāvayaṃtiha yatraśrāddhakṛtaḥ sarvepaśyaṃtiyugapadgatāḥ ### [1.9.50](https://indike.org/pramana/in.purana.padma.1.9.50) mātṛbhrātṛpitṛsvasṝḥsakhisaṃbaṃdhibāṃdhavān apijanmāyutairdṛṣṭānanubhūtānsahasraśaḥ ### [1.9.51](https://indike.org/pramana/in.purana.padma.1.9.51) eteṣāṃmānasīkanyāvirajānāmaviśrutā sāpatnīnahuṣasyāsīdyayāterjananītathā ### [1.9.52](https://indike.org/pramana/in.purana.padma.1.9.52) eṣāṣṭakābhavatpaścādbrahmalokagatāsatī trayaetegaṇāḥproktāścaturthaṃtuvadāmyaham ### [1.9.53](https://indike.org/pramana/in.purana.padma.1.9.53) lokāḥsumanasonāmabrahmalokoparisthitāḥ somapānāmapitaroyatratiṣṭhaṃtiśāśvataṃ ### [1.9.54](https://indike.org/pramana/in.purana.padma.1.9.54) dharmamūrtidharāḥsarveparatobrahmaṇaḥsmṛtāḥ utpannāḥpralayāṃtetubrahmatvaṃprāpyayoginaḥ ### [1.9.55](https://indike.org/pramana/in.purana.padma.1.9.55) kṛtvāsṛṣṭyādikaṃsarvemānasesāṃprataṃsthitāḥ narmadānāmateṣāṃtukanyātoyavahāsarit ### [1.9.56](https://indike.org/pramana/in.purana.padma.1.9.56) bhūtānipunatīyātupaścimodadhigāminī tebhyaḥsarvatramanujāḥprajāsargecanirmitam ### [1.9.57](https://indike.org/pramana/in.purana.padma.1.9.57) jñātvāśrāddhānikurvaṃtidharmabhāvenasarvadā sarvadātebhyaevāsyaprasādādyogasaṃtatiḥ ### [1.9.58](https://indike.org/pramana/in.purana.padma.1.9.58) pitṝṇāmadisargetuśrāddhamevaṃvinirmitam sarveṣāṃrājataṃpātramathavārājatānvitam ### [1.9.59](https://indike.org/pramana/in.purana.padma.1.9.59) dattaṃsvadhāṃpurodhāyapitṝnprīṇātisarvadā āgnīdhrasomapābhyāṃtukāryamāpyāyanaṃbudhaiḥ ### [1.9.60](https://indike.org/pramana/in.purana.padma.1.9.60) agnyabhāvetuviprasyapāṇauvāthajalepivā ajākarṇeśvakarṇevāgoṣṭhevāthaśivāṃtike ### [1.9.61](https://indike.org/pramana/in.purana.padma.1.9.61) pitṝṇāmamalaṃsthānaṃdakṣiṇādikpraśasyate prācīnāvītamudakaṃtilasaṃtyāgamevaca ### [1.9.62](https://indike.org/pramana/in.purana.padma.1.9.62) khaḍiganāmāmiṣaṃcaivamannaṃśyāmākaśālayaḥ yavanīvāramudgekṣuśuklapuṣpaphalānica ### [1.9.63](https://indike.org/pramana/in.purana.padma.1.9.63) vallabhānipraśastānipitṝṇāmihasarvadā darbhāmāṣaṣṣaṣṭikānnaṃgokṣīraṃmadhusarpiṣī ### [1.9.64](https://indike.org/pramana/in.purana.padma.1.9.64) śastrāṇicapravakṣyāmiśrāddhevarjyāniyānica masūraśaṇaniṣpāvārājamāṣāḥkulutthakāḥ ### [1.9.65](https://indike.org/pramana/in.purana.padma.1.9.65) padmabilvārkaduttūrapāribhadrāṭarūṣakāḥ nadeyāḥpitṛkāryeṣupayaścājāvikaṃtathā ### [1.9.66](https://indike.org/pramana/in.purana.padma.1.9.66) kodravodāravaraṭakapitthaṃmadhukātasī etānyapinadeyānipitṝbhyaḥśriyamicchatā ### [1.9.67](https://indike.org/pramana/in.purana.padma.1.9.67) pitṛnprīṇātiyobhaktyātepunaḥ prīṇayaṃtitaṃ yacchaṃtipitaraḥ puṣṭiṃsvāṃgārogyaṃprajāphalam ### [1.9.68](https://indike.org/pramana/in.purana.padma.1.9.68) devakāryādapipunaḥpitṛkāryaṃviśiṣyate devatābhyaḥpitṝṇāṃtupūrvamāpyāyanaṃsmṛtam ### [1.9.69](https://indike.org/pramana/in.purana.padma.1.9.69) śīghraprasādāstvakrodhānissaṃgāḥsthirasauhṛdāḥ śāṃtātmānaḥśaucaparāḥsatataṃpriyavādinaḥ ### [1.9.70](https://indike.org/pramana/in.purana.padma.1.9.70) bhaktānuraktāḥsukhadāḥpitaraḥparvadevatāḥ haviṣmatāmādhipatyeśrāddhadevaḥsmṛtoraviḥ ### [1.9.71](https://indike.org/pramana/in.purana.padma.1.9.71) etaddhisarvamākhyātaṃpitṛvaṃśānukīrttanam puṇyaṃpavitramārogyaṃkīrttanīyaṃnṛbhiḥsadā ### [1.9.72](https://indike.org/pramana/in.purana.padma.1.9.72) bhīṣmauvāca śrutvaitadakhilaṃbhūyaḥparābhaktirupasthitā śrāddhakālaṃvidhiṃcaivaśrāddhamevatathaivaca ### [1.9.73](https://indike.org/pramana/in.purana.padma.1.9.73) śrāddheṣubhojanīyāyeśrāddhavarjyādvijātayaḥ kasminvāsarabhāgetupitṛbhyaḥ śrāddhamārabhet ### [1.9.74](https://indike.org/pramana/in.purana.padma.1.9.74) annaṃdattaṃkathaṃyātiśrāddhevaibrahmavittama vidhinākenakarttavyaṃkathaṃprīṇātitānpitṝn ### [1.9.75](https://indike.org/pramana/in.purana.padma.1.9.75) pulastyauvāca kuryādaharahaḥśrāddhamannādyenodakenaca payomūlaphalairvāpipitṛbhyaḥprītimāvahan ### [1.9.76](https://indike.org/pramana/in.purana.padma.1.9.76) nityaṃnaimittikaṃkāmyaṃtrividhaṃśrāddhamucyate nityaṃtāvatpravakṣyāmiarghyāvāhanavarjitam ### [1.9.77](https://indike.org/pramana/in.purana.padma.1.9.77) adaivataṃvijānīyātpārvaṇaṃparvasusmṛtam pārvaṇaṃtrividhaṃpoktaṃśṛṇuyatnānmahīpate ### [1.9.78](https://indike.org/pramana/in.purana.padma.1.9.78) pārvaṇeyaniyojyāstutānśṛṇuṣvanarādhipa paṃcāgniḥsnātakaścaivatrisauparṇaḥṣaḍaṃgavit ### [1.9.79](https://indike.org/pramana/in.purana.padma.1.9.79) śrotriyaḥśrotriyasutovidhivākyaviśāradaḥ sarvajñovedavānmaṃtrījñānavaṃśakulānvitaḥ ### [1.9.80](https://indike.org/pramana/in.purana.padma.1.9.80) triṇāciketastrimadhuḥśruteṣvanyeṣusaṃsthitaḥ purāṇavettābrahmajñaḥsvādhyāyījapatatparaḥ ### [1.9.81](https://indike.org/pramana/in.purana.padma.1.9.81) brahmabhaktaḥ pitṛparaḥsūryabhaktothavaiṣṇavaḥ brāhmaṇoyoganiṣṭhātmāvijitātmāsuśīlavān ### [1.9.82](https://indike.org/pramana/in.purana.padma.1.9.82) etetoṣyāḥprayatnenavarjanīyānimānśṛṇu patitastatsutaḥklībaḥpiśunovyaṃgarogitaḥ ### [1.9.83](https://indike.org/pramana/in.purana.padma.1.9.83) sarveteśrāddhakāletutyājyāvaidharmadarśibhiḥ pūrvedyuraparedyurvāvinītāṃścanimaṃtrayet ### [1.9.84](https://indike.org/pramana/in.purana.padma.1.9.84) nimaṃtritāṃścapitaraupatiṣṭhaṃtitāndvijān vāyubhūtānigacchaṃtitathāsīnānupāsate ### [1.9.85](https://indike.org/pramana/in.purana.padma.1.9.85) dakṣiṇaṃjānucālabhyavāmaṃpātyanimaṃtrayet akrodhanaiḥśaucaparaiḥsusnātairbrahmavādibhiḥ ### [1.9.86](https://indike.org/pramana/in.purana.padma.1.9.86) bhavitavyaṃbhavadbhistumayācaśrāddhakarmaṇi pitṛyajñaṃvinirvartyatarpaṇāravyaṃtuyognimān ### [1.9.87](https://indike.org/pramana/in.purana.padma.1.9.87) piṃḍānvāhāryakaṃkuryācchrāddhamiṃdukṣayetathā gomayenānuliptetudakṣiṇāplavanasthale ### [1.9.88](https://indike.org/pramana/in.purana.padma.1.9.88) śrāddhaṃsamārabhedbhaktyāgoṣṭhevājalasannidhau agnimānnirvapetpitryaṃ caruṃvāsaktumuṣṭibhiḥ ### [1.9.89](https://indike.org/pramana/in.purana.padma.1.9.89) pitṛbhyonirvapāmītisarvaṃdakṣiṇatonyaset abhighāryatataḥkuryānnirvāpatrayamagrataḥ ### [1.9.90](https://indike.org/pramana/in.purana.padma.1.9.90) tevitastyāyatāḥkāryāścaturaṅgulavistṛtāḥ darvītrayaṃcakurvītakhādiraṃrajatānvitam ### [1.9.91](https://indike.org/pramana/in.purana.padma.1.9.91) ratnimātraṃpariślakṣṇaṃhastākārāgramuttamam udapātrāṇikāṃsyasyamekṣaṇaṃcasamitkuśam ### [1.9.92](https://indike.org/pramana/in.purana.padma.1.9.92) tilapātrāṇisadvāsogaṃdhadhūpānulepanam āharedapasavyaṃcasarvaṃdakṣiṇataḥśanaiḥ ### [1.9.93](https://indike.org/pramana/in.purana.padma.1.9.93) evamāsādyatatsarvaṃbhavanasyottareṃtare gomayenānuliptāyāṃgomūtreṇacamaṃḍalam ### [1.9.94](https://indike.org/pramana/in.purana.padma.1.9.94) sākṣatābhiḥsapuṣpābhiradbhiḥsavyāpasavyavat viprāṇāṃkṣālayetpādāvabhivaṃdyapunaḥpunaḥ ### [1.9.95](https://indike.org/pramana/in.purana.padma.1.9.95) āsaneṣūpaviṣṭeṣudarbhavatsuvidhānataḥ upaspṛṣṭodakānviprānupaveśyānumaṃtrayet ### [1.9.96](https://indike.org/pramana/in.purana.padma.1.9.96) dvaudaivepitṛkṛtyetrīnekaikaṃcobhayatravā bhojayedīśvaropīhanakuryādvistaraṃbudhaḥ ### [1.9.97](https://indike.org/pramana/in.purana.padma.1.9.97) daivapūrvaṃnivedyāthaviprānarghādinābudhaiḥ agnaukuryādanujñātoviprairviproyathāvidhi ### [1.9.98](https://indike.org/pramana/in.purana.padma.1.9.98) svagṛhyoktenavidhinākālekṛtvāsamaṃtataḥ agnīṣomamayābhyāṃtukuryādāpyāyanaṃbudhaḥ ### [1.9.99](https://indike.org/pramana/in.purana.padma.1.9.99) dakṣiṇāgnaupraṇītenasaevāgnirdvijottamaḥ yajñopavītānnirvartyatataḥparyukṣaṇādikam ### [1.9.100](https://indike.org/pramana/in.purana.padma.1.9.100) prācīnāvītinākāryametatsarvaṃvijānatā labdhvātasmādviśeṣeṇapiṃḍānkurvītacodakaṃ ### [1.9.101](https://indike.org/pramana/in.purana.padma.1.9.101) dadyādudakapātraistusalilaṃsavyapāṇinā dadyātsarvaṃprayatnenadamayuktovimatsaraḥ ### [1.9.102](https://indike.org/pramana/in.purana.padma.1.9.102) vidhāyarekhāṃyatnenanirvapedavanejanaṃ dakṣiṇābhimukhaḥkuryāttatodarbhānnidhāyavai ### [1.9.103](https://indike.org/pramana/in.purana.padma.1.9.103) nidhāyapiṃḍamekaikaṃsarvaṃdarbhoparikramāt nirvapedathadarbheṣunāmagotrānukīrtanaiḥ ### [1.9.104](https://indike.org/pramana/in.purana.padma.1.9.104) teṣudarbheṣutaṃhastaṃvimṛjyāllepabhāgināṃ tathaivacajapaṃkuryātpunaḥpratyavanejanam ### [1.9.105](https://indike.org/pramana/in.purana.padma.1.9.105) jalayuktaṃnamaskṛtyagaṃdhadhūpārcanādibhiḥ evamāvāhyatatsarvaṃvedamaṃtrairyathoditaiḥ ### [1.9.106](https://indike.org/pramana/in.purana.padma.1.9.106) ekāgnarekaevādbhirnirvapeddarvikāṃtathā tataḥkṛtvānarodadyātpitṛbhyastukuśānbudhaḥ ### [1.9.107](https://indike.org/pramana/in.purana.padma.1.9.107) tataḥpiṃḍādikaṃkuryādāvāhanavisarjanam tatogṛhītvāpiṃḍebhyomātrāḥsarvāḥkrameṇatu ### [1.9.108](https://indike.org/pramana/in.purana.padma.1.9.108) tānevaviprānprathamamāśayitvācamānavaḥ varṇayanbhojayedannamiṣṭaṃpūtaṃcasarvadā ### [1.9.109](https://indike.org/pramana/in.purana.padma.1.9.109) varjayetkrodhaparatāṃsmarannārāyaṇāṃharim tṛptānjñātvāpunaḥ kuryādvikiraṃsārvavarṇikaṃ ### [1.9.110](https://indike.org/pramana/in.purana.padma.1.9.110) vidhṛtyasodakaṃtvannaṃsatilaṃprakṣipedbhuvi ācāṃteṣupunardadyājjalaṃpuṣpākṣatodakam ### [1.9.111](https://indike.org/pramana/in.purana.padma.1.9.111) svadhāvācanakaṃsarvaṃpiṃḍoparisamācaret devādyaṃtaṃprakurvītaśrāddhanāśonyathābhavet ### [1.9.112](https://indike.org/pramana/in.purana.padma.1.9.112) visṛjyaviprānpraṇatasteṣāṃkṛtvāpradakṣiṇam dakṣiṇāṃdiśamākāṃkṣanpitṝnuddiśyamānavaḥ ### [1.9.113](https://indike.org/pramana/in.purana.padma.1.9.113) dātāronobhivarddhaṃtāṃvedāḥsantatirevaca śraddhācanomāvyagamadbahudeyaṃcanostviti ### [1.9.114](https://indike.org/pramana/in.purana.padma.1.9.114) annaṃcanobahubhavedatithīṃścacalabhemahi yācitāraścanaḥsaṃtumācayāciṣmakaṃcana ### [1.9.115](https://indike.org/pramana/in.purana.padma.1.9.115) etadagnimataḥproktamanvāhāryaṃtupārvaṇaṃ yatheṃdusaṃkṣayetadvadanyatrāpinigadyate ### [1.9.116](https://indike.org/pramana/in.purana.padma.1.9.116) piḍāṃstugojaviprebhyodadyādagnaujalepivā vaprāṃtevāthavikiredāpobhirathavāpayet ### [1.9.117](https://indike.org/pramana/in.purana.padma.1.9.117) patnīṃtumadhyamaṃpiṃḍaṃprāśayedvinayānvitām ādhattapitarogarbhaṃputrasaṃtānavarddhanaṃ ### [1.9.118](https://indike.org/pramana/in.purana.padma.1.9.118) tāvannirvāpaṇaṃtiṣṭhedyāvadviprāvisarjitāḥ vaiśvadevaṃtataḥkuryānnivṛttaḥpitṛkarmaṇaḥ ### [1.9.119](https://indike.org/pramana/in.purana.padma.1.9.119) iṣṭaiḥsahatataḥśāṃtobhuṃjītapitṛsevitam punarbhojanamadhvānaṃyānamāyāsamaithunam ### [1.9.120](https://indike.org/pramana/in.purana.padma.1.9.120) śrāddhakṛcchrāddhabhugyovāsarvametadvivarjayet svādhyāyaṃkalahaṃcaivadivāsvapnaṃcasarvadā ### [1.9.121](https://indike.org/pramana/in.purana.padma.1.9.121) anenavidhināśrāddhaṃtrivargasyehanirvapet kanyākuṃbhavṛṣastherkekṛṣṇapakṣeṣusarvadā ### [1.9.122](https://indike.org/pramana/in.purana.padma.1.9.122) yatrayatrapradātavyaṃsapiṃḍīkaraṇātmakam tatrānenavidhānenadeyamagnimatāsadā ### [1.9.123](https://indike.org/pramana/in.purana.padma.1.9.123) ataḥparaṃpravakṣyāmibrahmaṇāyadudīritam śrāddhaṃsādhāraṇaṃnāmabhuktimuktiphalapradam ### [1.9.124](https://indike.org/pramana/in.purana.padma.1.9.124) ayaneviṣuvecaivaamāvasyārkasaṃkrame amāvasyāṣṭakākṛṣṇapakṣapaṃcadaśīṣuca ### [1.9.125](https://indike.org/pramana/in.purana.padma.1.9.125) ārdrāmaghārohiṇīṣudravyabrāhmaṇasaṃgame gajacchāyāvyatīpāteviṣṭivaidhṛtivāsare ### [1.9.126](https://indike.org/pramana/in.purana.padma.1.9.126) vaiśākhasyatṛtīyāyānavamīkārtikasyaca paṃcadaśītumāghasyanabhasyecatrayodaśī ### [1.9.127](https://indike.org/pramana/in.purana.padma.1.9.127) yugādayaḥsmṛtāhyetāḥpitṝpakṣopakārikāḥ tathāmanvaṃtarādaucadeyaṃśrāddhaṃvijānatā ### [1.9.128](https://indike.org/pramana/in.purana.padma.1.9.128) aśvayuṅnavamīcaivadvādaśīkārtiketathā tṛtīyācaitramāsasyatathābhādrapadasyaca ### [1.9.129](https://indike.org/pramana/in.purana.padma.1.9.129) phālgunasyatvamāvāsyāpauṣasyaikādaśītathā āṣāḍhasyāpidaśamīmāghamāsasyasaptamī ### [1.9.130](https://indike.org/pramana/in.purana.padma.1.9.130) śrāvaṇecāṣṭamīkṛṣṇātathāṣāḍhīcapūrṇimā kārtikīphālgunīcaivājyeṣṭhepaṃcadaśīsitā ### [1.9.131](https://indike.org/pramana/in.purana.padma.1.9.131) manvaṃtarādayastvetādattasyākṣayakārikāḥ pānīyamapyatratilairvimiśraṃdadyātpitṛbhyaḥprayatomanuṣyaḥ ### [1.9.132](https://indike.org/pramana/in.purana.padma.1.9.132) śrāddhaṃkṛtaṃtenasamāssahasraṃrahasyametatpitarovadaṃti vaiśākhyāmupavāseṣutathotsavamahālaye ### [1.9.133](https://indike.org/pramana/in.purana.padma.1.9.133) tīrthāyatanagoṣṭheṣudvīpodyānagṛheṣuca vivikteṣūpalipteṣuśrāddhaṃdeyaṃvijānatā ### [1.9.134](https://indike.org/pramana/in.purana.padma.1.9.134) viprānpūrveparecāhnivinītātmānimaṃtrayet śīlavṛttaguṇopetānvayorūpasamanvitān ### [1.9.135](https://indike.org/pramana/in.purana.padma.1.9.135) dvaudaivepitṛkṛtyetrīnekaikamubhayatravā bhojayetsusamṛddhopinaprakurvītavistaram ### [1.9.136](https://indike.org/pramana/in.purana.padma.1.9.136) viśvedevānyavaiḥpuṣpairabhyarcyāsanapūrvakaṃ pūrayetpātrayugmaṃtusthāpyaṃdarbhapavitrake ### [1.9.137](https://indike.org/pramana/in.purana.padma.1.9.137) śannodevītyapaḥkuryādyavosītiyavānapi gaṃdhapuṣpaistusaṃpūjyaviśvāndevānpratinyaset ### [1.9.138](https://indike.org/pramana/in.purana.padma.1.9.138) viśvedevāsaityābhyāmāvāhyavikiredyavān yavosidhānyarājastvaṃvāruṇomadhumiśritaḥ ### [1.9.39-2](https://indike.org/pramana/in.purana.padma.1.9.39-2) nirṇudaḥsarvapāpānāṃpavitraṛṣisaṃstutaḥ gaṃdhapuṣpairalaṃkṛtyayādivyetyarghamutsṛjet ### [1.9.140](https://indike.org/pramana/in.purana.padma.1.9.140) abhyarcyagaṃdhādyutsṛjyapitṛyajñaṃsamārabhet darbhāsanādikṛtvādautrīṇipātrāṇicārcayet ### [1.9.141](https://indike.org/pramana/in.purana.padma.1.9.141) sapavitrāṇikṛtvādauśannodevītyapaḥ kṣipet tilosītitilānkuryādgandhapuṣpādikaṃpunaḥ ### [1.9.142](https://indike.org/pramana/in.purana.padma.1.9.142) pātraṃvanaspatimayaṃtathāparṇamayaṃpunaḥ rājataṃvāprakurvītatathāsāgarasaṃbhavam ### [1.9.143](https://indike.org/pramana/in.purana.padma.1.9.143) sauvarṇaṃrājataṃtāmraṃpitṝṇāṃpātramucyate rajatasyakathāvāpidarśanaṃdānamevaca ### [1.9.144](https://indike.org/pramana/in.purana.padma.1.9.144) rājatairbhājanaireṣāṃpitṝṇāṃrajatānvitaiḥ vāryapiśraddhayādattamakṣayāyopakalpate ### [1.9.145](https://indike.org/pramana/in.purana.padma.1.9.145) adyāpipitṛpātreṣupitṝṇāṃrājatānvitam śivanetrodbhavaṃyasmāduttamaṃpitṛvallabham ### [1.9.146](https://indike.org/pramana/in.purana.padma.1.9.146) evaṃpātrāṇisaṃkalpyayathālābhaṃvimatsaraḥ yādivyetipiturnāmagotredarbhānkarenyaset ### [1.9.147](https://indike.org/pramana/in.purana.padma.1.9.147) pitṝnāvāhayiṣyāmitathetyuktaḥ sataiḥpunaḥ uśaṃtastvātathāyantuṛgmyāmāvāhayetpitṝn ### [1.9.148](https://indike.org/pramana/in.purana.padma.1.9.148) yādivyetyarghyamutsṛjyadadyādgaṃdhādikaṃtataḥ vastrottaraṃdarbhapūrvaṃdatvāsaṃśrayamāditaḥ ### [1.9.149](https://indike.org/pramana/in.purana.padma.1.9.149) pitṛpātrenidhāyāthanyubjamuttaratonyaset pitṛbhyaḥsthānamasītinidhāyapariveṣayet ### [1.9.150](https://indike.org/pramana/in.purana.padma.1.9.150) tatrāpipūrvataḥkuryādagnikāryaṃvimatsaraḥ ubhābhyāmapihastābhyāmāhṛtyapariveṣayet ### [1.9.151](https://indike.org/pramana/in.purana.padma.1.9.151) uśantastvetitaṃdarbhaṃpāṇibhaktaṃviśeṣataḥ guṇānvitaiścaśākādyairnānābhakṣyaistathaivaca ### [1.9.152](https://indike.org/pramana/in.purana.padma.1.9.152) annaṃcasadadhikṣīraṃgoghṛtaṃśarkarānvitaṃ māsaṃprīṇātivaisarvānpitṝnityāhapadmajaḥ ### [1.9.153](https://indike.org/pramana/in.purana.padma.1.9.153) dvaumāsaumatsyamāṃsenatrīmāsānhāriṇenatu aurabhreṇāthacaturaḥśākunenāthapaṃcavai ### [1.9.154](https://indike.org/pramana/in.purana.padma.1.9.154) vārāhasyatumāṃsenaṣaṇmāsaṃtṛptiruttamā saptalohasyamāṃsenatathāṣṭāvājakenatu ### [1.9.155](https://indike.org/pramana/in.purana.padma.1.9.155) pṛṣatasyatumāṃsenatṛptirmāsānnavaivatu daśamāsāṃścatṛpyaṃtevarāhamahiṣāmiṣaiḥ ### [1.9.156](https://indike.org/pramana/in.purana.padma.1.9.156) śaśakūrmayostumāṃsenamāsānekādaśaivatu saṃvatsaraṃtugavyenapayasāpāyasenavā ### [1.9.157](https://indike.org/pramana/in.purana.padma.1.9.157) saukareṇatutṛpyaṃtemāsānpaṃcadaśaivatu vārdhrīṇasasyamāṃsenatṛptirdvādaśavārṣikī ### [1.9.158](https://indike.org/pramana/in.purana.padma.1.9.158) kālaśākenacānaṃtyaṃkhaḍgamāṃsenacaivahi yatkiṃcinmadhunāmiśraṃgokṣīraṃdadhipāyasam ### [1.9.159](https://indike.org/pramana/in.purana.padma.1.9.159) dattamakṣayamityāhuḥpitaraḥpūrvadevatāḥ svādhyāyaṃśrāvayetpitryaṃpurāṇānyakhilānica ### [1.9.160](https://indike.org/pramana/in.purana.padma.1.9.160) brahmaviṣṇvarkarudrāṇāṃstavānivividhānica iṃdreśasomasūktānipāvamānīścaśaktitaḥ ### [1.9.161](https://indike.org/pramana/in.purana.padma.1.9.161) bṛhadrathaṃtaraṃtatrajyeṣṭasāmātharoravaṃ tathaivaśāṃtikādhyāyaṃmadhubrāhmaṇamevaca ### [1.9.162](https://indike.org/pramana/in.purana.padma.1.9.162) maṇḍalabrāhmaṇaṃtadvatprītikāricayatpunaḥ viprāṇāmātmanaścāpitatsarvaṃsamudīrayet ### [1.9.163](https://indike.org/pramana/in.purana.padma.1.9.163) bhāratādhyayanaṃkāryaṃpitṝṇāṃparamapriyaṃ bhuktavatsucavipreṣubhojyatoyādikaṃnṛpa ### [1.9.164](https://indike.org/pramana/in.purana.padma.1.9.164) sārvavarṇikamannādyamānayetsāvadhāraṇaṃ samutsṛjedbhuktavatāmagratovikirānbhuvi ### [1.9.165](https://indike.org/pramana/in.purana.padma.1.9.165) agnidagdhāścayejīvāyepyadagdhāḥkulemama bhūmaudattenatṛpyaṃtutṛptāyāṃtuparāṃgatiṃ ### [1.9.166](https://indike.org/pramana/in.purana.padma.1.9.166) yeṣāṃnamātānapitānabadhurnacāpimitraṃnatathānnamasti tattṝptayennaṃbhuvidattametatpayātuyogāyayatoyataste ### [1.9.167](https://indike.org/pramana/in.purana.padma.1.9.167) asaṃskṛtapramītānāṃtyāgināṃkulabhāgināṃ uchiṣṭabhāgadheyānāṃdarbheṣuvikirāsanaṃ ### [1.9.168](https://indike.org/pramana/in.purana.padma.1.9.168) tṛptānjñātvodakaṃdadyātsakṛdvikiraṇetathā vipraliptamahīpṛṣṭegośakṛnmūtravāriṇā ### [1.9.169](https://indike.org/pramana/in.purana.padma.1.9.169) nidhāyadarbhānvidhivaddakṣiṇāgrānprayatnataḥ sarvavarṇavidhānenapiṃḍāṃścapitṛyajñavat ### [1.9.170](https://indike.org/pramana/in.purana.padma.1.9.170) avanejanapūrvaṃtunāmagotraṃtumānavaḥ uktvāpuṣpādikaṃdatvākṛtvāpratyavanejanaṃ ### [1.9.171](https://indike.org/pramana/in.purana.padma.1.9.171) jñātvāpasavyaṃsavyenapāṇinātriḥpradakṣiṇaṃ pitṛvanmātṛkaṃkāryaṃvidhivaddarbhapāṇinā ### [1.9.172](https://indike.org/pramana/in.purana.padma.1.9.172) dīpaprajvālanaṃtadvatkuryātpuṣpārcanaṃbudhaḥ tathācāṃteṣucācamyadadyāccāpaḥsakṛtsakṛt ### [1.9.173](https://indike.org/pramana/in.purana.padma.1.9.173) tathāpuṣpākṣatānpaścādakṣayyodakamevaca satilaṃnāmagotreṇadadyācchaktyācadakṣiṇām ### [1.9.174](https://indike.org/pramana/in.purana.padma.1.9.174) gobhūhiraṇyavāsāṃsibhavyāniśayanānica dadyādyadiṣṭaṃviprāṇāmātmanaḥpiturevaca ### [1.9.175](https://indike.org/pramana/in.purana.padma.1.9.175) vittaśāṭhyenarahitaḥpitṛbhyaḥprītimāvahet tataḥsvadhāvācanakaṃviśdeveveṣucodakaṃ ### [1.9.176](https://indike.org/pramana/in.purana.padma.1.9.176) datvāśīḥpratigṛhṇīyāddvijebhyopiyathābudhaḥ aghorāḥpitaraḥsaṃtusaṃtvityuktaḥpunardvijaiḥ ### [1.9.177](https://indike.org/pramana/in.purana.padma.1.9.177) gotraṃtathāvarddhatāṃtutathetyuktaścataiḥpunaḥ svastivācanakaṃkuryātpiṃḍānuddhṛtyabhaktitaḥ ### [1.9.178](https://indike.org/pramana/in.purana.padma.1.9.178) uccheṣaṇaṃtutattiṣṭhedyāvadvipravisarjanam tatogṛhabalikuryāditidharmovyavasthitaḥ ### [1.9.179](https://indike.org/pramana/in.purana.padma.1.9.179) uccheṣaṇaṃbhūmigatamajihmasyāśaṭhasyaca dāsavargasyatatpiṃḍaṃbhāgadheyaṃpracakṣate ### [1.9.180](https://indike.org/pramana/in.purana.padma.1.9.180) pitṛbhirnirmitaṃpūrvametadāpyāyanaṃsadā avratānāmaputrāṇāṃstrīṇāmapinarādhipa ### [1.9.181](https://indike.org/pramana/in.purana.padma.1.9.181) tataḥsthānāgrataḥsthitvāpratigṛhyāṃbupātrikāṃ vājevājeticajapankuśāgreṇavisarjayet ### [1.9.182](https://indike.org/pramana/in.purana.padma.1.9.182) bahiḥpradakṣiṇaṃkuryātpadānyaṣṭāvanuvrajet baṃdhuvargeṇasahitaḥputrabhāryāsamanvitaḥ ### [1.9.183](https://indike.org/pramana/in.purana.padma.1.9.183) nivṛtyapraṇipatyāthaprayujyāgniṃsamaṃtravit vaiśvadevaṃprakurvītanaityikaṃbalimevaca ### [1.9.184](https://indike.org/pramana/in.purana.padma.1.9.184) tatastuvaiśvadevāṃtesabhṛtyasutabāṃdhavaḥ bhuṃjītātithisaṃyuktaḥsarvaṃpitṛniṣevitaṃ ### [1.9.185](https://indike.org/pramana/in.purana.padma.1.9.185) etaccānupanītopikuryātsarveṣuparvasu śrāddhaṃsādhāraṇaṃnāmasarvakāmaphalapradam bhāryāvirahitopyetatpravāsasthopibhaktimān ### [1.9.186](https://indike.org/pramana/in.purana.padma.1.9.186) śūdropyamaṃtrakaṃkuryādanenavidhinānṛpa tṛtīyamābhyudayikaṃvṛddhiśrāddhaṃvidhīyate ### [1.9.187](https://indike.org/pramana/in.purana.padma.1.9.187) utsavānaṃdasaṃskāreyajñodvāhādimaṃgale mātaraḥprathamaṃpūjyāḥpitarastadanaṃtaraṃ ### [1.9.188](https://indike.org/pramana/in.purana.padma.1.9.188) tatomātāmahārājanviśvedavāstathaivaca pradakṣiṇopacāreṇadadhyakṣataphalodakaiḥ ### [1.9.189](https://indike.org/pramana/in.purana.padma.1.9.189) prāṅmukhonirvapetpiṇḍānpūrvāṃścaivapurātanān saṃpannamityabhyudayedadyādarghaṃdvayordvayoḥ ### [1.9.190](https://indike.org/pramana/in.purana.padma.1.9.190) yugmādvijātayaḥ pūjyāvastrākalpāṃbarādibhiḥ tilakāryaṃyavaiḥkāryaṃtaccasarvānupūrvakaṃ ### [1.9.191](https://indike.org/pramana/in.purana.padma.1.9.191) maṃgalyānicasarvāṇivācayeddvijapuṃgavān evaṃśūdropisāmānyaṃvṛddhiśrāddhaṃcasarvadā ### [1.9.192](https://indike.org/pramana/in.purana.padma.1.9.192) namaskāreṇamaṃtreṇakuryāddānānivaibudhaḥ dānaṃpradhānaṃśūdrasyaityāhabhagavānprabhuḥ dānenasarvakāmāptistasyasaṃjāyateyataḥ ### [1.9.9-2](https://indike.org/pramana/in.purana.padma.1.9.9-2) itiśrīpādmapurāṇeprathamesṛṣṭikhaṃḍesādhāraṇābhyudayakīrtanaṃnāmanavamodhyāyaḥ ## Linked texts (8) - [Matsyapurāṇa](https://indike.org/pramana/in.purana.matsya.13.1) — Vyāsa, Sanskrit - [Vāyupurāṇa](https://indike.org/pramana/in.purana.vayu.2.11.57) — Vyāsa, Sanskrit - [Brahmāṇḍapurāṇa](https://indike.org/pramana/in.purana.brahmanda.2.10.63) — Vyāsa, Sanskrit - [Śrāddhakaumudī](https://indike.org/pramana/in.niti.dharma.sraddha.mithila_bengal.sraddhakaumudi.2.p8) — Govindānanda 1500, Sanskrit - [Śrāddhacandrikā (Divākarabhaṭṭa)](https://indike.org/pramana/in.niti.dharma.sraddha.sraddhacandrika.1.p8) — Divākarabhaṭṭa 1655, Sanskrit - [Śrāddhamañjarī (Bāpūbhaṭṭa Kelakāra)](https://indike.org/pramana/in.niti.dharma.sraddha.sraddhamanjari.1.1-2.9) — Bāpūbhaṭṭa Kelakāra 1785, Sanskrit - [Vidhānamālā (Nṛsiṃha)](https://indike.org/pramana/in.niti.dharma.prayoga.sarvaprayoga.vidhanamala.47.122) — Nṛsiṃha, Sanskrit - [Gūḍhārthadīpikā](https://indike.org/pramana/in.niti.dharma.nibandha.nirnaya.gudharthadipika.2.p207) — Vāmadeva, Sanskrit --- Source: [https://indike.org/pramana/in.purana.padma.1.9](https://indike.org/pramana/in.purana.padma.1.9) · Pramāṇa