Pramāṇa · Search · About · API

Padmapurana 2.124: caturviṃśatyadhikaśatatamo'dhyāyaḥ

Padmapurāṇa 2.124

Language
Sanskrit

Contents

caturviṃśatyadhikaśatatamo'dhyāyaḥ

2.124.1

sūtauvācaaṃtarddhānaṃgateviṣṇauvenorājāmahāmatiḥ
kvagatodevadeveśaiticiṃtāparo'bhavat

2.124.2

harṣeṇamahatāviṣṭaściṃtayitvānṛpottamaḥ
samāhūyanṛpaśreṣṭhaṃtaṃpṛthuṃmadhurākṣaraiḥ

2.124.3

tamuvācamahātmānaṃharṣeṇamahatātadā
tvayāputreṇabhūrloketāritosmisupātakāt

2.124.4

nītaujjvalatāṃvatsavaṃśomesāṃprataṃpṛtho
mayāvināśitodoṣaistvayāguṇaiḥprakāśitaḥ

2.124.5

yajehamaśvamedhenadāsyedānānyanekaśaḥ
viṣṇulokaṃvrajāmyadyasakāyasteprasādataḥ

2.124.6

saṃbharasvamahābhāgasaṃbhārāṃstvaṃnṛpottama
āmaṃtrayamahābhāgabrāhmaṇānvedapāragān

2.124.7

evaṃpṛthuḥsamādiṣṭovenenāpimahātmanā
pratyuvācamahātmāsavenaṃpitaramādarāt

2.124.8

kururājyaṃmahārājabhuṃkṣvabhogānmanonugān
divyānvāmānuṣānpuṇyānyajñairyajajanārdanam

2.124.9

evamuktvāpraṇamyaivapitaraṃjñānatatparam
dhanurādāyapṛthvīśaḥsabāṇaṃyatnapūrvakam

2.124.10

ādideśabhaṭānsarvānghoṣadhvaṃbhūtalemama
pāpamevanakartavyaṃkarmaṇātrividhenavai

2.124.11

kariṣyaṃticayatpāpaṃājñāṃvenasyabhūpateḥ
ullaṃghyavadhyatāṃsohiyāsyatenātrasaṃśayaḥ

2.124.12

dānamevapradātavyaṃyajñaiścaivajanārdanam
yajadhvaṃmānavāḥsarvetanmanaskāvimatsarāḥ

2.124.13

evaṃśikṣāṃpradatvāsaurājyaṃbhṛtyeṣuvenajaḥ
niḥkṣipyacagatoviprāstapasorthetapovanam

2.124.14

sarvāndoṣānparityajyasaṃyamyaviṣayendriyān
śatavarṣapramāṇaṃvainirāhārobabhūvaha

2.124.15

tapasātasyavaituṣṭobrahmāpṛthumuvācaha
tapastapasikasmāttvaṃtanmetvaṃkāraṇaṃvada

2.124.16

pṛthuruvācavenaeṣamahāprājñaḥpitāmekīrtivarddhanaḥ
samācaratiyaḥpāpamasyarājyenarādhamaḥ

2.124.17

śiraśchettābhavatveṣatasyadevojanārdanaḥ
adṛṣṭaiścamahācakrairhariḥśāstābhavetsvayam

2.124.18

manasākarmaṇāvācākartuṃvāṃchatipātakam
teṣāṃśirāṃsitruṭyaṃtuphalaṃpakvaṃyathādrumāt

2.124.19

etadevavaraṃmanyetvattaḥśṛṇusureśvara
prajānāṃdoṣabhāvenanalipyatipitāmama

2.124.20

tathākuruṣvadeveśavaraṃdātuṃyadīcchasi
dadasvauttamaṃkāmaṃcaturmukhanamo'stute

2.124.21

brahmovācaevamastumahābhāgapitātepūtatāṃgataḥ
viṣṇunāśāsitovatsaputreṇāpitvayāpṛtho

2.124.22

evaṃpṛthuṃsamuddiśyavaraṃdatvāgatovibhuḥ
pṛthurevasamāyātorājyakarmaṇisaṃsthitaḥ

2.124.23

vainyasyarājyeviprendrāḥpāpaṃkaścinnacācaret
yastuciṃtayatepāpaṃtrividhenāpikarmaṇā

2.124.24

śiraśchedobhavettasyayathācakrairnikṛṃtitaḥ
tadāprabhṛtivaipāpaṃnaivakopisamācaret

2.124.25

ityājñāvartatetasyavainyasyāpimahātmanaḥ
sarvalokāḥsamācāraiḥparivartaṃtinityaśaḥ

2.124.26

dānabhogaiḥpravartaṃtesarvadharmaparāyaṇāḥ
sarvasaukhyaiḥpravarddhaṃteprasādāttasyabhūpateḥ

2.124.26.p1

iti śrīpadmapurāṇebhūmikhaṃḍevenopākhyānecaturviṃśatyadhikaśatatamo'dhyāyaḥ

2.124.1-2

paṃcaviṃśatyadhikaśatatamo'dhyāyaḥ
sūtauvācavenasyājñāṃsusaṃprāpyapṛthuḥparamadhārmikaḥ
saṃbabhresarvasaṃbhārānnānāpuṇyānnṛpātmajaḥ

2.124.2-2

nimaṃtryabrāhmaṇānsarvānnānādeśodbhavānapi
athavenaiyājāsāvaśvamedhenabhūpatiḥ

2.124.3-2

dānānyadādbrāhmaṇebhyonānārūpāṇyanekaśaḥ
jagāmavaiṣṇavaṃlokaṃsakāyojagatīpatiḥ

2.124.4-2

viṣṇunāsahadharmātmānityamevapravartate
etadvaḥsarvamākhyātaṃcaritraṃtasyabhūpateḥ

2.124.5-2

sarvapāpapraśamanaṃsarvaduḥkhavināśanam
pṛthurevasadharmātmārājāpṛthvadyaṃpraśāsati

2.124.6-2

trailokyenasamaṃpṛthvadyaṃdudohanṛpasattamaḥ
prajāsturaṃjitāstenapuṇyadharmānukarmabhiḥ

2.124.7-2

etattesarvamākhyātaṃbhūmikhaṃṇḍamanuttamam
prathamaṃsṛṣṭikhaṃḍaṃtudvitīyaṃbhūmikhaṃḍakam

2.124.8-2

bhūmikhaṃḍasyamāhātmyaṃkathayiṣyāmyahaṃpunaḥ
asyakhaṃḍasyavaiślokaṃyaḥśṛṇotinarottamaḥ

2.124.9-2

dinasyaikasyavaipāpaṃtasyacaivapraṇaśyati
yonarobhāvasaṃyukto'dhyāyaṃsaṃśṛṇutesudhīḥ

2.124.10-2

tasyapuṇyaṃpravakṣyāmiśrūyatāṃdvijasattamāḥ
dattasyagosahasrasyabrāhmaṇebhyaḥsuparvaṇi

2.124.11-2

yatphalaṃtatprajāyetaviṣṇustasyaprasīdati
asyapadmapurāṇasyapaṭhamānasyanityaśaḥ

2.124.12-2

kalauyugetuvighnāścanajāyaṃtenarasyavai
vyāsauvācakasmātkalaunajāyaṃteśṛṇvānasyacapadmaja

2.124.13-2

narasyapuṇyayuktasyanānāvighnāḥsudāruṇāḥ
brahmovācamakhasyāpyaśvamedhasyayatphalaṃparikathyate

2.124.14-2

tatphalaṃdṛśyatetātapurāṇepadmasaṃjñake
aśvamedhamakhaḥpuṇyaḥkalaunaivapravartate

2.124.15-2

purāṇaṃcāpiyattadvadaśvamedhasamaṃkila
aśvamedhasyayatpuṇyaṃsvargamokṣaphalapradam

2.124.16-2

nabhuṃjaṃtinarāḥpāpāḥpāpamārgeṣusaṃsthitāḥ
purāṇasyāsyapuṇyasyapadmasaṃjñasyasattama

2.124.17-2

aśvamedhasamaṃpuṇyaṃnabhuṃjaṃtikalaunarāḥ
kalauyugenaraiḥpāpairgaṃtavyaṃnarakārṇavam

2.124.18-2

kasmācchroṣyaṃtitatpuṇyaṃcaturvargaprasādhanam
yenaśrutamidaṃpuṇyaṃpurāṇaṃpadmasaṃjñakam

2.124.19-2

sarvaṃhisādhitaṃtenacaturvargasyasādhanam
aśvamedhādayoyajñāstasmānnaṣṭāmahāmate

2.124.20-2

kalauyugegatāḥsvargesavedāḥsāṃgasasvarāḥ
yaḥkopisatvasaṃpannaḥśraddhāvānbhagavatparaḥ

2.124.21-2

śrotumicchatidharmātmāsaputrobhāryayāsaha
śravaṇārthaṃmahāśraddhāpūrvaṃtasyaprajāyate

2.124.22-2

śṛṇvānasyanarasyāpimahāvighnonasaṃcaret
aśraddhājāyatepūrvaṃpāṭhakasyanarasyaca

2.124.23-2

lobhaścajāyatetasyaśṛṇvānasyadvijottama
preṣitoviṣṇudevenamahāmohaḥsadāruṇaḥ

2.124.24-2

akarotsavināśaṃtuśṛṇvataścāsyanityaśaḥ
dūṣakāḥkutsakāḥpāpāḥsaṃbhavaṃtidinedine

2.124.25-2

jñātavyaṃtusubuddhenavighnarūpaṃmamādhunā
saṃjātaṃdṛśyatevyāsatathāhomaṃsamācaret

2.124.26-2

vaiṣṇavaiścamahāmaṃtrairviṣṇusūktaiḥsupuṇyadaiḥ
viṣṇorarāṭamaṃtreṇasahasraśīrṣakeṇaca

2.124.27

idaṃviṣṇusumaṃtreṇaābrahmeṇapunaḥpunaḥ
tryaṃbakenacamaṃtreṇahomamevaṃsamācaret

2.124.28

bṛhatsāmnāsumaṃtreṇadvādaśākṣarakeṇaca
yasyadevasyayohomastasyamaṃtreṇahomayet

2.124.29

aṣṭottaratilājyaiścapālāśaiḥsamidhairapi
grahāṇāmapikarttavyaṃsthāpanaṃpūjanaṃdvija

2.124.30

vighneśaṃpūjayettatraśāradāṃcasureśvarīm
jātavedāṃmahāmāyāṃcaṃḍikāṃkṣetranāyakam

2.124.31

tilaiścataṃdulairājyaisteṣāṃmaṃtrasamudyataiḥ
evaṃhomaḥprakarttavyobrāhmaṇebhyodadeddhanam

2.124.32

yathāsaṃbhāvikāṃtātadakṣiṇāṃdhenusaṃyutām
tatovighnāḥpraṇaśyaṃtipurāṇaṃsiddhimāpnuyāt

2.124.33

evaṃnakuruteyohitasyavighnaṃvadāmyaham
tasyāṃgejāyaterogobahupīḍāpradāyakaḥ

2.124.34

bhāryāśokaḥputraśokodhanahāniḥprajāyate
nānāvidhānmahārogānbhuṃjatenātrasaṃśayaḥ

2.124.35

yasyagehenāstivittamupavāsaṃsamācaret
ekādaśīṃsusaṃprāpyapūjayenmadhusūdanam

2.124.36

ṣoḍaśaiścopacāraiścabhāvayuktenacetasā
brāhmaṇānbhojayetpaścādyathāvittānusārataḥ

2.124.37

keśavāyatatodatvāsaṃkalpaṃhaviṣānvitam
svayaṃkuryāttataḥprājñobhojanaṃsahabāṃdhavaiḥ

2.124.38

putraistubhāryayāyuktastataḥsiddhimavāpnuyāt
purāṇasaṃhitāpūrṇāśrotavyādharmatatparaiḥ

2.124.39

caturvargasyavaisiddhirjāyatetasyanānyathā
sapādaṃlakṣamekaṃtubrahmākhyaṃpuṣkaraṃśṛṇu

2.124.40

kṛteyugetuniṣpāpāḥśṛṇvaṃtimanujādvija
lakṣasyārddhaṃtataḥkṛtsnaṃpurāṇaṃpadmasaṃjñakam

2.124.41

ślokānāṃtusahasrābhyāṃdvābhyāmevatathādhikam
tretāyugetathāprāpteyadāśroṣyaṃtimānavāḥ

2.124.42

caturvargaphalaṃbhuktvāteyāsyaṃtihariṃpunaḥ
dvāviṃśatisahasrāṇisaṃhitāpadmasaṃjñitā

2.124.43

dvāparekathitāviprabrahmaṇāparamātmanā
dvādaśaivasahasrāṇāṃpadmākhyāsātusaṃhitā

2.124.44

kalauyugepaṭhiṣyaṃtimānavāviṣṇutatparāḥ
ekorthaścaikabhāvaścacaturṣvapipravartitaḥ

2.124.45

saṃhitāsvevavipreṃdraśeṣākhyānapravistaraḥ
dvādaśaivasahasrāṇināśaṃyāsyaṃtisattama

2.124.46

kalauyugetusaṃprāpteprathamaṃhibhaviṣyati
bhūmikhaṃḍaṃnaraḥśrutvāsarvapāpaiḥpramucyate

2.124.47

mucyatesarvaduḥkhebhyaḥsarvarogaiḥpramucyate
anyatsarvaṃparityajyajapaṃdānaṃtathāśrutam

2.124.48

śrotavyaṃhiprayatnenapadmākhyaṃpāpanāśanam
prathamaṃsṛṣṭikhaṃḍaṃtudvitīyaṃbhūmikhaṃḍakam

2.124.49

tṛtīyaṃsvargakhaṃḍaṃcapātālaṃtucaturthakam
paṃcamaṃcottaraṃkhaṃḍaṃsarvapāpapraṇāśanam

2.124.50

yaḥśṛṇotinarobhaktyāpaṃcakhaṃḍānyanukramāt
gopradānasahasrasyamānavolabhatephalam

2.124.51

mahābhāgyenalabhyaṃtepaṃcakhaṃḍānibhūsurāḥ
śrutānimokṣadānisyuḥsatyaṃsatyaṃnasaṃśayaḥ

2.124.51.p1

iti śrīpadmapurāṇebhūmikhaṃḍepaṃcapaṃcāśatsahasrasaṃhitāyāṃvenopākhyāne paṃcaviṃśatyadhikaśatatamo'dhyāyaḥ

2.124.2-3

samāpto'ya bhūmikhaṇḍo dvitīyaḥ

2.124.2-3.p1

iti śrīpādmemahāpurāṇe dvitīyaṃ bhūmikhaṇḍaṃ samāptam

Linked texts (7)