[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Padmapurana](https://indike.org/pramana/in.purana.padma) › 3.54 # Padmapurana 3.54: catuḥpaṃcāśattamo'dhyāyaḥ Padmapurāṇa 3.54 - **Language:** Sanskrit ## Contents - [3.54.40](https://indike.org/pramana/in.purana.padma.3.54.40) — 1 part ### catuḥpaṃcāśattamo'dhyāyaḥ ### [3.54.1](https://indike.org/pramana/in.purana.padma.3.54.1) vyāsauvācavedaṃvedautathāvedānvedāṃgānitathādvijāḥ adhītyacādhigamyārthaṃtataḥsnāyāddvijottamaḥ ### [3.54.2](https://indike.org/pramana/in.purana.padma.3.54.2) guravetudhanaṃdatvāsnāyītatadanujñayā tīrṇavratothayuktātmāśaktovāsnātumarhati ### [3.54.3](https://indike.org/pramana/in.purana.padma.3.54.3) vaiṇavīṃdhārayedyaṣṭimaṃtarvāsastathottaram yajñopavītadvitayaṃsodakaṃcakamaṃḍalum ### [3.54.4](https://indike.org/pramana/in.purana.padma.3.54.4) chatraṃcoṣṇīṣamamalaṃpādukecāpyupānahau raukmecakuṃḍaledhāryekṛttakeśanakhaḥśuciḥ ### [3.54.5](https://indike.org/pramana/in.purana.padma.3.54.5) anyatrakāṃcanādvipronaraktāṃbibhṛyātsrajam śuklāṃbaradharonityaṃsugaṃdhaḥpriyadarśanaḥ ### [3.54.6](https://indike.org/pramana/in.purana.padma.3.54.6) najīrṇamalavadvāsābhavedvaivibhavesati naraktamulbaṇaṃcānyadhṛtaṃvāsonakuṃḍalam ### [3.54.7](https://indike.org/pramana/in.purana.padma.3.54.7) nopānahausrajaṃcāthapādukecaprayojayet upavītamalaṃkāraṃdarśayankṛṣṇamājinam ### [3.54.8](https://indike.org/pramana/in.purana.padma.3.54.8) nāpasavyaṃparīdadhyādvāsonavikṛtaṃvaset āharedvidhivaddārānsadṛśānātmanaḥśubhān ### [3.54.9](https://indike.org/pramana/in.purana.padma.3.54.9) rūpalakṣaṇasaṃyuktānyonidoṣavivarjitān apitṛgotrajabhavāmanyamānuṣagotrajām ### [3.54.10](https://indike.org/pramana/in.purana.padma.3.54.10) āharedbrāhmaṇobhāryāṃśīlaśaucasamanvitām ṛtukālābhigāmīsyādyāvatputrobhijāyate ### [3.54.11](https://indike.org/pramana/in.purana.padma.3.54.11) varjayetpratiṣiddhāniprayatnenadinānitu ṣaṣṭhyaṣṭamīṃpaṃcadaśīṃdvādaśīṃcacaturdaśīm ### [3.54.12](https://indike.org/pramana/in.purana.padma.3.54.12) brahmacārībhavennityaṃtadvajjanmatrayāhani ādadhītavivāhāgniṃjuhuyājjātavedasam ### [3.54.13](https://indike.org/pramana/in.purana.padma.3.54.13) etānisnātakonityaṃpāvanānicapāvayet vedoditaṃsvakaṃkarmmanityaṃkuryādataṃdritaḥ ### [3.54.14](https://indike.org/pramana/in.purana.padma.3.54.14) akurvāṇaḥpatatyāśunarakānatibhīṣaṇān abhyasetprayatovedaṃmahāyajñānnahāpayet ### [3.54.15](https://indike.org/pramana/in.purana.padma.3.54.15) kuryādgṛhyāṇikāryāṇisaṃdhyopāsanamevaca sakhyaṃsamādhikaiḥkuryādupeyādīśvaraṃsadā ### [3.54.16](https://indike.org/pramana/in.purana.padma.3.54.16) daivatānyabhigacchetakuryyādbhāryyābhipoṣaṇam nadharmaṃkhyāpayedvidvānnapāpaṃgūhayedapi ### [3.54.17](https://indike.org/pramana/in.purana.padma.3.54.17) kurvītātmahitaṃnityaṃsarvabhūtānukaṃpakaḥ vayasaḥkarmmaṇo'thasyaśrutasyābhijanasyaca ### [3.54.18](https://indike.org/pramana/in.purana.padma.3.54.18) deśavāgbuddhisārūpyamācaranvicaretsadā śrutismṛtyuditaṃsamyaksādhubhiryaścasevitaḥ ### [3.54.19](https://indike.org/pramana/in.purana.padma.3.54.19) tamācāraṃniṣevetanehetānyatrakarhicit yenāsyapitaroyātāyenayātāḥpitāmahāḥ ### [3.54.20](https://indike.org/pramana/in.purana.padma.3.54.20) tenayāyātsatāṃmārgaṃtenagacchannaduṣyati nityaṃsvādhyāyaśīlaḥsyānnityaṃyajñopavītavān ### [3.54.21](https://indike.org/pramana/in.purana.padma.3.54.21) satyavādījitakrodholobhamohavivarjitaḥ sāvitrījāpanirataḥśrāddhakṛnmucyategṛhī ### [3.54.22](https://indike.org/pramana/in.purana.padma.3.54.22) mātāpitrorhiteyuktobrāhmaṇasyahiterataḥ dātāyajvādevabhaktobrahmalokemahīyate ### [3.54.23](https://indike.org/pramana/in.purana.padma.3.54.23) trivargasevīsatataṃdevānāṃcasamarcanam kuryādaharaharnityaṃnamasyetprayataḥsurān ### [3.54.24](https://indike.org/pramana/in.purana.padma.3.54.24) vibhāgaśīlaḥsatataṃkṣamāyuktodayālukaḥ gṛhasthastusamākhyātonagṛheṇagṛhībhavet ### [3.54.25](https://indike.org/pramana/in.purana.padma.3.54.25) kṣamādayācavijñānaṃsatyaṃcaivadamaḥśamaḥ adhyātmanityatājñānametadbrāhmaṇalakṣaṇam ### [3.54.26](https://indike.org/pramana/in.purana.padma.3.54.26) etasmānnapramādyetaviśeṣeṇadvijottamaḥ yathāśakticarandharmmaṃniṃditānivivarjayet ### [3.54.27](https://indike.org/pramana/in.purana.padma.3.54.27) vidhūyamohakalilaṃlabdhvāyogamanuttamam gṛhasthomucyatebaṃdhānnātrakāryāvicāraṇā ### [3.54.28](https://indike.org/pramana/in.purana.padma.3.54.28) vigarhitajayakṣepahiṃsābaṃdhavadhātmanām anyamanyusamutthānāṃdoṣāṇāṃmarṣaṇaṃkṣamā ### [3.54.29](https://indike.org/pramana/in.purana.padma.3.54.29) svaduḥkheṣvevakāruṇyaṃparaduḥkheṣusauhṛdam dayetimunayaḥprāhuḥsākṣāddharmasyasādhanam ### [3.54.30](https://indike.org/pramana/in.purana.padma.3.54.30) caturdaśānāṃvidyānāṃdhāraṇāhiparārthataḥ vijñānamititadvidyādyenadharmovivardhate ### [3.54.31](https://indike.org/pramana/in.purana.padma.3.54.31) adhītyavidhivadvidyāmarthaṃcaivopalabhyate dharmakāryāṇikurvītahyetadvijñānamucyate ### [3.54.32](https://indike.org/pramana/in.purana.padma.3.54.32) satyenalokaṃjayatisatyaṃtatparamaṃpadam yathābhūtāpramādaṃtusatyamāhurmanīṣiṇaḥ ### [3.54.33](https://indike.org/pramana/in.purana.padma.3.54.33) damaḥśarīroparatiḥśamaḥprajñāprasādataḥ adhyātmamakṣaraṃvidyāyatragatvānaśocati ### [3.54.34](https://indike.org/pramana/in.purana.padma.3.54.34) yayāsadevobhagavānvidyayāvidyateparaḥ sākṣādevahṛṣīkeśastajjñānamitikīrtitam ### [3.54.35](https://indike.org/pramana/in.purana.padma.3.54.35) tanniṣṭhastatparovidvānnityamakrodhanaḥśuciḥ mahāyajñaparoviprolabhatetadanuttamam ### [3.54.36](https://indike.org/pramana/in.purana.padma.3.54.36) dharmasyāyatanaṃyatnāccharīraṃparipālayet nahidehaṃvināviṣṇuḥpuruṣairvidyateparaḥ ### [3.54.37](https://indike.org/pramana/in.purana.padma.3.54.37) nityaṃdharmārthakāmeṣuyujyetaniyatodvijaḥ nadharmavarjitaṃkāmamarthaṃvāmanasāsmaret ### [3.54.38](https://indike.org/pramana/in.purana.padma.3.54.38) sīdannapihidharmeṇanatvadharmaṃsamācaret dharmohibhagavāndevogatiḥsarveṣujaṃtuṣu ### [3.54.39](https://indike.org/pramana/in.purana.padma.3.54.39) bhūtānāṃpriyakārīsyānnaparadrohakarmadhīḥ navedadevatāniṃdāṃkuryyāttaiścanasaṃvaset ### [3.54.40](https://indike.org/pramana/in.purana.padma.3.54.40) yastvimaṃniyatomartyodharmādhyāyaṃpaṭhecchuciḥ adhyāpayecchrāvayedvābrahmalokemahīyate ### [3.54.40.p1](https://indike.org/pramana/in.purana.padma.3.54.40.p1) iti śrīpādmemahāpurāṇesvargakhaṃḍecatuḥpaṃcāśattamo'dhyāyaḥ ## Linked texts (4) - [Kūrmapurāṇa](https://indike.org/pramana/in.purana.kurma.2.15.1) — Vyāsa, Sanskrit - [Saurapurāṇa](https://indike.org/pramana/in.purana.upa.saiva.saura.17.46) — Sanskrit - [Saṃskāraratnamālā (Gopīnātha Dīkṣita Oka)](https://indike.org/pramana/in.niti.dharma.samskara.samskararatnamala.20.10.5) — Gopīnātha Dīkṣita Oka, Sanskrit - [Bhagavantabhāskara](https://indike.org/pramana/in.niti.dharma.nibandha.mahanibandha.bhagavantabhaskara.4.p27) — Nīlakaṇṭha Dīkṣita 1625, Sanskrit --- Source: [https://indike.org/pramana/in.purana.padma.3.54](https://indike.org/pramana/in.purana.padma.3.54) · Pramāṇa