[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Padmapurana](https://indike.org/pramana/in.purana.padma) › 3.55 # Padmapurana 3.55: paṃcapaṃcāśattamo'dhyāyaḥ Padmapurāṇa 3.55 - **Language:** Sanskrit ## Contents - [3.55.94](https://indike.org/pramana/in.purana.padma.3.55.94) — 1 part ### paṃcapaṃcāśattamo'dhyāyaḥ ### [3.55.1](https://indike.org/pramana/in.purana.padma.3.55.1) vyāsauvācanahiṃsyātsarvabhūtāninānṛtaṃvāvadetkvacit nāhitaṃnāpriṃyaṃvācyaṃnastenaḥsyātkadācana ### [3.55.2](https://indike.org/pramana/in.purana.padma.3.55.2) tṛṇaṃvāyadivāśākaṃmṛdaṃvājalamevaca parasyāpaharañjaṃturnarakaṃpratipadyate ### [3.55.3](https://indike.org/pramana/in.purana.padma.3.55.3) narājñaḥpratigṛhṇīyānnaśūdrātpatitādapi nacānyasmādaśaktaścenniṃditānvarjayedbudhaḥ ### [3.55.4](https://indike.org/pramana/in.purana.padma.3.55.4) nityaṃyācanakonasyātpunastaṃnaivayācayet prāṇānapaharatyevaṃyācakastasyadurmateḥ ### [3.55.5](https://indike.org/pramana/in.purana.padma.3.55.5) nadevadravyahārīsyādviśeṣeṇadvijottamaḥ brahmasvaṃvānāpaharedāpatsvapikadācana ### [3.55.6](https://indike.org/pramana/in.purana.padma.3.55.6) naviṣaṃviṣamityāhurbrahmasvaṃviṣamucyate devasvaṃcāpiyatnenasadāpariharettataḥ ### [3.55.7](https://indike.org/pramana/in.purana.padma.3.55.7) puṣpaṃśākodakaṃkāṣṭhaṃtathāmūlaṃphalaṃtṛṇam adattānicanasteyaṃmanuḥprāhaprajāpatiḥ ### [3.55.8](https://indike.org/pramana/in.purana.padma.3.55.8) gṛhītavyānipuṣpāṇidevārcanavidhaudvijaḥ naikasmādevaniyatamananujñāyakevalam ### [3.55.9](https://indike.org/pramana/in.purana.padma.3.55.9) tṛṇaṃkāṣṭhaṃphalaṃpuṣpaṃprakāśaṃvaiharedbudhaḥ dharmārthaṃkevalaṃprāhuranyathāpatitobhavet ### [3.55.10](https://indike.org/pramana/in.purana.padma.3.55.10) tilamudgayavādīnāṃmuṣṭirgrāhyāpathisthitaiḥ kṣudhitairnānyathāviprādharmādibhiritisthitiḥ ### [3.55.11](https://indike.org/pramana/in.purana.padma.3.55.11) nadharmasyāpadeśenapāpaṃkṛtvāvrataṃcaret vratenapāpaṃvyāguhyakurvanstrīśūdradaṃbhanam ### [3.55.12](https://indike.org/pramana/in.purana.padma.3.55.12) pretyehacedṛśoviprogarhyatebrahmavādibhiḥ chadmanācaritaṃyaccavrataṃrakṣāṃsigacchati ### [3.55.13](https://indike.org/pramana/in.purana.padma.3.55.13) aligīligiveṣeṇayovṛttimupatiṣṭhati saliginoharedenastiryagyonaucajāyate ### [3.55.14](https://indike.org/pramana/in.purana.padma.3.55.14) yācanaṃyonisaṃbaṃdhaṃsahavāsaṃcabhāṣaṇam kurvāṇaḥpatatenityaṃtasmādyatnenavarjayet ### [3.55.15](https://indike.org/pramana/in.purana.padma.3.55.15) devadrohaṃnakurvītagurudrohaṃtathaivaca devadrohādgurudrohaḥkoṭikoṭiguṇādhikaḥ ### [3.55.16](https://indike.org/pramana/in.purana.padma.3.55.16) janāpavādonāstikyaṃtasmātkoṭiguṇādhikam gobhiścadaivatairvipraiḥkṛṣyārājopasevayā ### [3.55.17](https://indike.org/pramana/in.purana.padma.3.55.17) kulānyakulatāṃyāṃtiyānihīnānidharmmataḥ kuvicāraiḥkriyālopairvedānadhyayanenaca ### [3.55.18](https://indike.org/pramana/in.purana.padma.3.55.18) kulānyakulatāṃyāṃtibrāhmaṇā'tikrameṇaca anṛtātpāradāryāccatathā'bhakṣyasyabhakṣaṇāt ### [3.55.19](https://indike.org/pramana/in.purana.padma.3.55.19) agotradharmmācaraṇātkṣipraṃnaśyativaikulam aśrotriyeṣudānāccāvṛṣaleṣutathaivaca ### [3.55.20](https://indike.org/pramana/in.purana.padma.3.55.20) vihitācārahīneṣukṣipraṃnaśyativaikulam adhārmikairvṛtegrāmenavyādhibahulevaset ### [3.55.21](https://indike.org/pramana/in.purana.padma.3.55.21) śūdrarājyecanavasennapākhaṃḍajanairvṛte himavadviṃdhyayormadhyaṃpūrvapaścimayoḥśubham ### [3.55.22](https://indike.org/pramana/in.purana.padma.3.55.22) muktvāsamudrayordeśaṃnānyatranivaseddvijaḥ kṛṣṇovāyatracaratimṛgonityaṃsvabhāvataḥ ### [3.55.23](https://indike.org/pramana/in.purana.padma.3.55.23) puṇyāvāviśrutānadyastatravānivaseddvijaḥ arddhakośaṃnadīkūlaṃvarjayitvādvijottamaḥ ### [3.55.24](https://indike.org/pramana/in.purana.padma.3.55.24) nānyatranivasetpuṇyaṃnāṃtyajagrāmasannidhau nasaṃvaseccapatitairnacāṃḍālairnapulkasaiḥ ### [3.55.25](https://indike.org/pramana/in.purana.padma.3.55.25) namūrkhairnāvaliptaiścanānyairjāyāvasāyibhiḥ ekaśayyāsanepaṃktirbhāṃḍepakvānnamiśraṇam ### [3.55.26](https://indike.org/pramana/in.purana.padma.3.55.26) yajanādhyāpaneyonistathaivasahabhojanam sahādhyāyastudaśamaḥsahayājanamevaca ### [3.55.27](https://indike.org/pramana/in.purana.padma.3.55.27) ekādaśasamuddiṣṭādoṣāḥsāṃkaryasaṃsthitāḥ samīpecāpyavasthānātpāpaṃsaṃkramatenṛṇām ### [3.55.28](https://indike.org/pramana/in.purana.padma.3.55.28) tasmātsarvaprayatnenasāṃkaryyaṃparivarjayet ekapaṃktyupaviṣṭāyenaspṛśaṃtiparasparam ### [3.55.29](https://indike.org/pramana/in.purana.padma.3.55.29) bhasmanākṛtamaryyādānateṣāṃsaṃkarobhavet agninābhasmanācaivasalilenavilekhataḥ ### [3.55.30](https://indike.org/pramana/in.purana.padma.3.55.30) dvāreṇastaṃbhamārgeṇaṣaḍbhiḥpaṃktirvibhidyate nakuryācchuṣkavairāṇivivādaṃnacapaiśunam ### [3.55.31](https://indike.org/pramana/in.purana.padma.3.55.31) parakṣetregāṃcaraṃtīṃnacācakṣītakarhicit nasaṃvasetsūcakenanakaṃvaimarmaṇispṛśet ### [3.55.32](https://indike.org/pramana/in.purana.padma.3.55.32) nasūryapariveṣaṃvāneṃdracāpaṃparāhnikam parasmaikathayedvidvānśaśinaṃvāthakāṃcanam ### [3.55.33](https://indike.org/pramana/in.purana.padma.3.55.33) nakuryādbahubhiḥsārddhaṃvirodhaṃbaṃdhubhistathā ātmanaḥpratikūlānipareṣāṃnasamācaret ### [3.55.34](https://indike.org/pramana/in.purana.padma.3.55.34) tithiṃpakṣasyanabrūyānnakṣatrāṇinanirdiśet nodakyāmabhibhāṣetanāśuciṃvādvijottamaḥ ### [3.55.35](https://indike.org/pramana/in.purana.padma.3.55.35) nadevaguruviprāṇāṃdīyamānaṃtuvārayet nacātmānaṃpraśaṃsedvāparaniṃdāṃcavarjayet ### [3.55.36](https://indike.org/pramana/in.purana.padma.3.55.36) vedaniṃdāṃdevaniṃdāṃprayatnenavivarjayet yastudevānṛṣīṃścaivavedānvāniṃdatedvijaḥ ### [3.55.37](https://indike.org/pramana/in.purana.padma.3.55.37) natasyaniṣkṛtirdṛṣṭāśāstreṣvihamunīśvarāḥ niṃdayedvāguruṃdevaṃvedaṃvāsopabṛṃhaṇam ### [3.55.38](https://indike.org/pramana/in.purana.padma.3.55.38) kalpakoṭiśataṃsāgraṃrauravepacyatenaraḥ tūṣṇīmāsītaniṃdāyāṃnabrūyātkiṃciduttaram ### [3.55.39](https://indike.org/pramana/in.purana.padma.3.55.39) karṇaupidhāyagaṃtavyaṃnacainamavalokayet varjjayedvairahasyānipareṣāṃgarhaṇaṃbudhaḥ ### [3.55.40](https://indike.org/pramana/in.purana.padma.3.55.40) vivādaṃsvajanaiḥsārddhaṃnakuryyādvaikadācana napāpaṃpāpināṃbrūyādapāpaṃvādvijottamaḥ ### [3.55.41](https://indike.org/pramana/in.purana.padma.3.55.41) satyenatulyodoṣaḥsyādasatyāddoṣavānbhavet nṛṇāṃmithyābhiśastānāṃpataṃtyaśrūṇirodanāt ### [3.55.42](https://indike.org/pramana/in.purana.padma.3.55.42) tāniputrānpaśūnghnaṃtiteṣāṃmithyābhiśaṃsinām brahmahatyāsurāpānesteyegurvaṃganāgame ### [3.55.43](https://indike.org/pramana/in.purana.padma.3.55.43) dṛṣṭaṃvaiśodhanaṃvṛddhairnāstimithyābhiśaṃsane nekṣetodyaṃtamādityaṃśaśinaṃvā'nimittataḥ ### [3.55.44](https://indike.org/pramana/in.purana.padma.3.55.44) nāstaṃyāṃtaṃnavāristhaṃnopaspṛṣṭaṃnamadhyagam tirohitaṃsamīkṣetanādarśādyanugāminam ### [3.55.45](https://indike.org/pramana/in.purana.padma.3.55.45) nanagnāṃstriyamīkṣetapuruṣaṃvākadācana nacamūtraṃpurīṣaṃvānacasaṃsṛṣṭamaithunam ### [3.55.46](https://indike.org/pramana/in.purana.padma.3.55.46) nāśuciḥsūryasomādīngrahānālokayedbudhaḥ nābhibhāṣetacaparamucchiṣṭovāvaguṃṭhitaḥ ### [3.55.47](https://indike.org/pramana/in.purana.padma.3.55.47) napaśyetpretasaṃsparśaṃnakruddhasyagurormukham natailodakayośchāyāṃnapaṃktiṃbhojanesati ### [3.55.48](https://indike.org/pramana/in.purana.padma.3.55.48) namuktabaṃdhanaṃpaśyennonmattaṃgajamevavā nāśnīyādbhāryayāsārddhaṃnaināmīkṣetacāśnatīm ### [3.55.49](https://indike.org/pramana/in.purana.padma.3.55.49) kṣuvatīṃjṛṃbhamāṇāṃvānāsanasthāṃyathāsukham nodakecātmanorūpaṃśubhaṃvāśubhamevavā ### [3.55.50](https://indike.org/pramana/in.purana.padma.3.55.50) nalaṃghayeccamatimānnādhitiṣṭhetkadācana naśūdrāyamatiṃdadyātkṛsaraṃpāyasaṃdadhi ### [3.55.51](https://indike.org/pramana/in.purana.padma.3.55.51) nocchiṣṭaṃvāmadhudhṛtaṃnacakṛṣṇājinaṃhaviḥ nacaivāsmaivrataṃbrūyānnacadharmaṃvadedbudhaḥ ### [3.55.52](https://indike.org/pramana/in.purana.padma.3.55.52) nacakrodhavaśaṃgaccheddveṣaṃrāgaṃcavarjayet lobhaṃdaṃbhaṃtathāśāṭhyaṃhmasūyāṃjñānakutsanam ### [3.55.53](https://indike.org/pramana/in.purana.padma.3.55.53) īrṣyāṃmadaṃtathāśokaṃmohaṃcaparivarjayet nakuryātkasyacitpīḍāṃsutaṃśiṣyaṃtutāḍayet ### [3.55.54](https://indike.org/pramana/in.purana.padma.3.55.54) nahīnānupasevetanacatṛṣṇāmatiḥkvacit nātmānaṃcāvamanyetadainyaṃyatnenavarjayet ### [3.55.55](https://indike.org/pramana/in.purana.padma.3.55.55) naviśiṣṭamasatkuryānnātmānaṃvāsanādbudhaḥ nanakhenalikhedbhūmiṃgāṃcasaṃveśayannahi ### [3.55.56](https://indike.org/pramana/in.purana.padma.3.55.56) nanadīṣunadīṃbrūyātparvateṣucaparvatān āvāsebhojanevāpinatyajetsahayāyinam ### [3.55.57](https://indike.org/pramana/in.purana.padma.3.55.57) nāvagāhedaponagnovahniṃnātivrajettathā śirobhyaṃgāvaśiṣṭenatailenāṃgaṃnalepayet ### [3.55.58](https://indike.org/pramana/in.purana.padma.3.55.58) nasarpaśastraiḥkrīḍetasvānikhāninasaṃspṛśet romāṇicarahasyānināśiṣṭenasahavrajet ### [3.55.59](https://indike.org/pramana/in.purana.padma.3.55.59) napāṇipādavāṅnetracāpalyaṃsamupāśrayet naśiśnodaracāpalyaṃnacaśravaṇayoḥkvacit ### [3.55.60](https://indike.org/pramana/in.purana.padma.3.55.60) nacāṃganakhavādyaṃvaikuryānnāṃjalināpibet nābhihanyājjalaṃpataṃpāṇināvākadācana ### [3.55.61](https://indike.org/pramana/in.purana.padma.3.55.61) naśātayediṣṭikābhirmūlānicaphalānica namlecchabhāṣaṇaṃśikṣennākarṣeccapadāsanam ### [3.55.62](https://indike.org/pramana/in.purana.padma.3.55.62) nakhabhedanamāsphoṭaṃchedanaṃvāvilekhanam kuryyādvimarddanaṃdhīmānnākasmādevaniṣphalam ### [3.55.63](https://indike.org/pramana/in.purana.padma.3.55.63) notsaṃgebhakṣayedbhakṣyaṃvṛthāceṣṭāṃnacācaret nanṛtyedathavāgāyennavāditrāṇivādayet ### [3.55.64](https://indike.org/pramana/in.purana.padma.3.55.64) nasaṃhatābhyāṃpāṇibhyāṃkaṃḍūyedātmanaḥśiraḥ nalaukikaistavairdevāṃstoṣayedvākpaterapi ### [3.55.65](https://indike.org/pramana/in.purana.padma.3.55.65) nākṣaiḥkrīḍennadhāvetanāpsuviṇmūtramācaret nocchiṣṭaḥsaṃviśennityaṃnanagnaḥsrānamācaret ### [3.55.66](https://indike.org/pramana/in.purana.padma.3.55.66) nagacchaṃstupaṭhedvāpinacaivasvaśiraḥspṛśet nadaṃtairnakharomāṇicchiṃdyātsuptaṃnabodhayet ### [3.55.67](https://indike.org/pramana/in.purana.padma.3.55.67) nābālātapamāsevetpretadhūmaṃvivarjayet naivasvapyācchūnyagehesvayaṃnopānahauharet ### [3.55.68](https://indike.org/pramana/in.purana.padma.3.55.68) nākāraṇādvāniṣṭhīvennabāhubhyāṃnadīṃtaret napādakṣālanaṃkuryātpādenaivakadācana ### [3.55.69](https://indike.org/pramana/in.purana.padma.3.55.69) nāgnaupratāpayetpādaunakāṃsyedhāvayedbudhaḥ nābhiprasārayeddevaṃbrāhmaṇāngāmathāpivā ### [3.55.70](https://indike.org/pramana/in.purana.padma.3.55.70) vāyvagninṛpaviprānvāsūryaṃvāśaśinaṃprati aśuddhaḥśayanaṃpānaṃsvādhyāyaṃsnānabhojanam ### [3.55.71](https://indike.org/pramana/in.purana.padma.3.55.71) bahirniṣkramaṇaṃcaivanakurvītakadācana svapnamadhyayanaṃsnānamudvartaṃbhojanaṃgatim ### [3.55.72](https://indike.org/pramana/in.purana.padma.3.55.72) ubhayoḥsaṃdhyayornityaṃmadhyāhnecaivavarjayet naspṛśetpāṇinocchiṣṭoviprogobrāhmaṇānalān ### [3.55.73](https://indike.org/pramana/in.purana.padma.3.55.73) nacālanaṃpadāvāpinadevapratimāṃspṛśet nāśuddhogniṃparicarennadevānkīrtayedṛṣīn ### [3.55.74](https://indike.org/pramana/in.purana.padma.3.55.74) nāvagāhedagādhāṃbudhāvayennā'nimittataḥ navāmahastenoddhṛtyapibedvaktreṇavājalam ### [3.55.75](https://indike.org/pramana/in.purana.padma.3.55.75) nottaredanupaspṛśyanāpsuretaḥsamutsṛjet amedhyāliptamarhaṃvālohitaṃvāviṣāṇivā ### [3.55.76](https://indike.org/pramana/in.purana.padma.3.55.76) vyatikrāmennasravaṃtīṃnāpsumaithunamācaret caityavṛkṣaṃnavaichiṃdyānnāpsuṣṭhīvanamācaret ### [3.55.77](https://indike.org/pramana/in.purana.padma.3.55.77) nāsthibhasmakapālāninakeśānnacakaṃṭakān tuṣāṃgārakarīṣaṃvānādhitiṣṭhetkadācana ### [3.55.78](https://indike.org/pramana/in.purana.padma.3.55.78) nacāgniṃlaṃghayeddhīmānnopadadhyādadhaḥkvacit nacainaṃpādataḥkuryyācchūrpeṇanadhamedbudhaḥ ### [3.55.79](https://indike.org/pramana/in.purana.padma.3.55.79) navṛkṣamavarohetanāvekṣetāśuciḥkvacit agnaunacakṣipedagniṃnādbhiḥpraśamayettathā ### [3.55.80](https://indike.org/pramana/in.purana.padma.3.55.80) suhṛnmaraṇamātraṃvāsvayaṃnaśrāvayetparān apaṇyaṃkūṭapaṇyaṃvāvikrayenaprayojayet ### [3.55.81](https://indike.org/pramana/in.purana.padma.3.55.81) navahniṃmukhaniḥśvāsairjvālayennāśucirbudhaḥ puṇyasthānodakasthānesīmāṃtaṃvāhayennatu ### [3.55.82](https://indike.org/pramana/in.purana.padma.3.55.82) nabhiṃdyātpūrvasamayamabhyupetaṃkadācana parasparaṃpaśūnvyāghrānpakṣiṇonacayodhayet ### [3.55.83](https://indike.org/pramana/in.purana.padma.3.55.83) parabādhāṃnakurvītajalavātātapādibhiḥ kārayitvāsukarmāṇigurūnpaścānnavaṃcayet ### [3.55.84](https://indike.org/pramana/in.purana.padma.3.55.84) sāyaṃprātargṛhadvārānrakṣārthaṃparighaṭṭayet bahirmālyaṃsugaṃdhiṃvābhāryayāsahabhojanam ### [3.55.85](https://indike.org/pramana/in.purana.padma.3.55.85) vigṛhyavādaṃkṛtvāvāpraveśaṃcavivarjayet nakhādanbrāhmaṇastiṣṭhennajalpedvāhasedbudhaḥ ### [3.55.86](https://indike.org/pramana/in.purana.padma.3.55.86) svamagniṃcaivahastenaspṛśennāpsuciraṃvaset napakṣakeṇopadhamennaśūrpeṇacapāṇinā ### [3.55.87](https://indike.org/pramana/in.purana.padma.3.55.87) mukhenāgniṃsamiṃdhītamukhādagnirajāyata parastriyaṃnabhāṣetanāyājyaṃyājayedbudhaḥ ### [3.55.88](https://indike.org/pramana/in.purana.padma.3.55.88) naikaścaretsadāvipraḥsamudāyaṃcavarjayet nadevāyatanaṃgacchetkadācidvā'pradakṣiṇam ### [3.55.89](https://indike.org/pramana/in.purana.padma.3.55.89) napīḍayedvāvastrāṇinadevāyatanesvapet naikodhvānaṃprapadyetanādhārmikajanaisaha ### [3.55.90](https://indike.org/pramana/in.purana.padma.3.55.90) navyādhidūṣitairvāpinaśūdraiḥpatitenavā nopānadvarjitovāthajalādirahitastathā ### [3.55.91](https://indike.org/pramana/in.purana.padma.3.55.91) navartmanicitiṃvāmamatikrāmetkvaciddvijaḥ naniṃdedyoginaḥsiddhānvratinovāyatīṃstathā ### [3.55.92](https://indike.org/pramana/in.purana.padma.3.55.92) devatāyatanaṃprājñādevānāṃcaivasatriṇām nākrāmetkāmataśchāyāṃbrāhmaṇānāṃcagorapi ### [3.55.93](https://indike.org/pramana/in.purana.padma.3.55.93) svāṃtunākrāmayecchāyāṃpatitādyairnarogibhiḥ nāṃgārabhasmakeśādiṣvadhitiṣṭhetkadācana ### [3.55.94](https://indike.org/pramana/in.purana.padma.3.55.94) varjayenmārjanīreṇuṃsnānavastraghaṭodakam nabhakṣayedabhakṣyāṇināpeyaṃcapibeddvijaḥ ### [3.55.94.p1](https://indike.org/pramana/in.purana.padma.3.55.94.p1) iti śrīpādmemahāpurāṇesvargakhaṃḍepaṃcapaṃcāśattamo'dhyāyaḥ ## Linked texts (13) - [Kūrmapurāṇa](https://indike.org/pramana/in.purana.kurma.2.16.3) — Vyāsa, Sanskrit - [Saurapurāṇa](https://indike.org/pramana/in.purana.upa.saiva.saura.18.6) — Sanskrit - [Mānava Dharmaśāstra](https://indike.org/pramana/in.niti.dharma.manu.3.63) — Manu & Bhṛgu, Sanskrit - [Merutantra](https://indike.org/pramana/in.sampradaya.general.sakta.merutantra.5.171) — Gommaṭa, Sanskrit - [Tantracintāmaṇi](https://indike.org/pramana/in.sampradaya.saiva.trika.krama.tantracintamani.12.53) — Sanskrit - [Daśavidhahetunirūpaṇa](https://indike.org/pramana/in.vedanga.kalpa.grhya.vaikhanasa!tatparyacintamani.dasavidhahetunirupana.150.8) — Śrīnivāsamakhin, Sanskrit - [Saubhāgyataraṅgiṇī](https://indike.org/pramana/in.sampradaya.saiva.agama.srividya.saubhagyatarangini.3.141) — Sanskrit - [Gṛhastharatnākara](https://indike.org/pramana/in.niti.dharma.acara.ahnika.grhastharatnakara.35.p7) — Caṇḍeśvara, Sanskrit - [Madanapārijāta](https://indike.org/pramana/in.niti.dharma.nibandha.mahanibandha.madanaparijata.2.p5.9) — Viśveśvarabhaṭṭa, Sanskrit - [Smṛticandrikā](https://indike.org/pramana/in.niti.dharma.nibandha.mahanibandha.smrticandrika.37.p2) — Devaṇṇabhaṭṭa, Sanskrit - [Bhagavantabhāskara](https://indike.org/pramana/in.niti.dharma.nibandha.mahanibandha.bhagavantabhaskara.5.p10) — Nīlakaṇṭha Dīkṣita 1625, Sanskrit - [Ācāracintāmaṇi](https://indike.org/pramana/in.niti.dharma.acara.ahnika.acaracintamani.1.p237) — Vācaspatimiśra, Sanskrit - [Smṛtimuktāphala](https://indike.org/pramana/in.niti.dharma.nibandha.mahanibandha.smrtimuktaphala.7.51) — Vaidyanātha Dīkṣita 1575, Sanskrit --- Source: [https://indike.org/pramana/in.purana.padma.3.55](https://indike.org/pramana/in.purana.padma.3.55) · Pramāṇa