Padmapurana 4.19: ekonaviṃśo'dhyāyaḥ
Padmapurāṇa 4.19
- Language
- Sanskrit
Contents
- 4.19.30 — 1 part
ekonaviṃśo'dhyāyaḥ
4.19.1
śaunakauvāca
ajñānātprāśyaviṇmūtraṃsurāṃsaṃspṛśyavāpunaḥ
yathāśuddhirbhavetteṣāṃkathayāmiśṛṇudvija
4.19.2
prājāpatyadvayaṃkuryyāttīrthābhigamanaṃmune
vṛṣaikādaśagodānaṃsaśikhaṃvapanaṃtataḥ
4.19.3
gatvācatuṣpathaṃsarvaṃprājāpatyavrataṃtathā
godvayaṃtutatodadyātpaṃcagavyaṃpibettataḥ
4.19.4
brāhmaṇānbhojayitvātuśuddhyatyatranasaṃśayaḥ
cāṃḍālānnaṃjalaṃcaivajñānato'pivipattiṣu
4.19.5
yadibhuṅktenaraḥkaścitkṛcchrecāṃdrāyaṇaṃcaret
saśikhaṃvapanaṃkṛtvāpaṃcagavyaṃtataḥpibet
4.19.6
ekadvitricaturgāvodeyādvipreṣvanukramāt
vṛṣalānnaṃsūtakānnaṃabhojyānnaṃjalaṃcavai
4.19.7
śūdrocchiṣṭaṃyadābhuṃktejñānatovāvipattiṣu
prājāpatyadvayaṃkuryāccāṃdrāyaṇatrayaṃtathā
4.19.8
godvayaṃtutatodadyātpaṃcagavyaṃpibedvija
hutvāhyagnaubahūnviprānbhojyaśuddhobhaveddhruvam
4.19.9
ākhunakulamārjjārairannaṃcedbhakṣitaṃdvija
tiladarbhodakaiḥprokṣyaśuddhyatyevanasaṃśayaḥ
4.19.10
palāṃḍuṃlaśunaṃśigrumalābuṃgṛṃjanaṃpalam
bhuṃkteyovainarobrahmanvrataṃcāṃdrāyaṇaṃcaret
4.19.11
madyamāṃsapriyaṃśūdraṃnīcakarmmānuvarttanaiḥ
taṃśūdraṃvarjayedvipraśvapākamivadūrataḥ
4.19.12
dvijasevānuraktāyemadyamāṃsavivarjitāḥ
dānasvakarmmaniratāstejñeyāvṛṣalottamāḥ
4.19.13
ajñānādbhuejateviprasūtakemṛtakeyadi
gāyatrīdaśabhirvipraḥsahasraiścaśucirbhavet
4.19.14
sahasraiḥkṣatriyaścaivavaiśyaḥpaṃcasahasrakaiḥ
paṃcagavyairbhavecchuddhovṛṣalo'pitapodhana
4.19.15
ājyaṃtutoyaṃnīcasyabhāṃḍasthaṃdadhiyaḥpibet
ajñānato'piyovarṇaḥprājāpatyavrataṃcaret
4.19.16
dānaṃbahutaraṃdadyācchuddhohyagnauyathāvidhi
śūdrāṇāṃnopavāso'pidānenaivaviśuddhyati
4.19.17
saśikhaṃvapanaṃkuryādahorātropavāsataḥ
nīcairdaṃḍādibhiścaivatāḍitoyonarodvija
4.19.18
prājñāpatyavrataṃkuryyāccāṃdrāyaṇavrataṃtuvā
saśikhaṃvapanaṃcaivapaṃcagavyaṃpibettataḥ
4.19.19
godvayaṃtutatodadyādagnaucānnādikaṃhutam
madyapānaṃgṛheviprajñānato'piyadṛcchayā
4.19.20
yadibhuṃktenaraḥkaścitpātyaḥso'pikulānnaraḥ
gobījahaṃtāyovipracchedakaścadalasyaca
4.19.21
svarṇasteyībhavetkṛcchreprājāpatyatrayaṃcaret
saśikhaṃvapanaṃkṛtvāpaṃcagavyaṃtathāpibet
4.19.22
yathāvidhihutaṃcāgnaudadyāddhenutrayaṃtathā
tasyabhuktaṃjalaṃcaivagrāhyaṃsyādvaitapodhana
4.19.23
prātastryahaṃtucāśnīyātryahaṃsāyamayācitam
tryahaṃcaivatunāśnīyātprājāpatyamidaṃvratam
4.19.24
gomūtraṃgomayaṃkṣīraṃdadhisarpiḥkuśodakam
dinadvayaṃpibedvipracaikarātramupoṣitaḥ
sarvapāpaharaṃkṛcchremunesāṃtapanaṃsmṛtam
4.19.25
grāsaṃtryahaṃtucaikaikaṃprātaḥsāyamayācitam
adyāttrayahaṃcopavasedatikṛcchramidaṃvratam
4.19.26
pratitryahaṃpibeduṣṇaṃjalaṃkṣīraṃghṛtaṃdvija
sakṛtsnāyītaptakṛcchresmṛtaṃpāpaharaṃmune
4.19.27
abhojanaṃdvādaśāhaṃkṛcchro'yapāpanāśanaḥ
parākonāmavijñeyaḥprasiddhaścatapodhana
4.19.28
ekaikaṃvarddhayetpiṃḍaṃśuklekṛṣṇecahrāsayet
iṃdukṣayenabhuṃjītacāṃdrāyaṇavrataṃsmṛtam
4.19.29
aśnīyāccaturaḥprātaḥpiṃḍānviprasamāhitaḥ
caturo'stamitecārkeśiśucāṃdrāyaṇaṃsmṛtam
4.19.30
kūṣmāṃḍaghātīyānārīpaṃcagavyaṃpibettrayaham
kūṣmāṃḍapaṃcakaṃdadyātsasuvarṇaṃsavastrakam
tasyāvāritathābhaktaṃgrāhyaṃsyādvaitapodhana
4.19.30.p1
iti śrīpādmemahāpurāṇebrahmakhaṃḍesūtaśaunakasaṃvādeekonaviṃśo'dhyāyaḥ
Linked texts (1)
- History of Dharmaśāstra (Ancient and Mediaeval Religious and Civil Law in India) — P. V. Kane, English