Pramāṇa · Search · About · API

Padmapurana 5.13: trayodaśo'dhyāyaḥ

Padmapurāṇa 5.13

Language
Sanskrit

Contents

trayodaśo'dhyāyaḥ

5.13.1

śeṣauvāca
itivākyaṃsamākarṇyasumadasyataponidheḥ
jagaduḥkāmasenāstaṃraṃbhādyapsarasomudā

5.13.2

tvattapobhirvayaṃkāṃtaprāptāḥsarvavarāṃganāḥ
tāsāṃyauvanasarvasvaṃbhuṃkṣvatyajatapaḥphalam

5.13.3

iyaṃghṛtācīsubhagācaṃpakābhaśarīrabhṛt
karpūragaṃdhalalitaṃbhunaktutvanmukhāmṛtam

5.13.3.p1

etāṃmahābhāgasuśobhivibhramāṃ
manoharāṃgīṃghanapīnasatkucām

5.13.4

kāṃtopabhuṃkṣvāśunijograpuṇyataḥ
prāptāṃpunastvaṃtyajaduḥkhajātam

5.13.4.p1

māmapyanarghyābharaṇopaśobhitāṃ
maṃdāramālāpariśobhivakṣasam

5.13.5

nānāratākhyānavicāracaṃcurāṃ
dṛḍhaṃyathāsyātpariraṃbhaṇaṃkuru

5.13.5.p1

pibāmṛtaṃmāmakavaktranirgataṃ
vimānamāruhyavaraṃmayāsaha

5.13.6

sumeruśṛṃgaṃbahupuṇyasevitaṃ
saṃprāpyabhogaṃkurusattapaḥphalam

5.13.6.p1

tilottamāyauvanarūpaśobhitā
gṛhṇātutemūrdhanitāpavāraṇam

5.13.7

sucāmarausaṃtatadhārayāṃkitau
gaṃgāpravāhāvivasuṃdarottama

5.13.7.p1

śṛṇuṣvabhoḥkāmakathāṃmanoharāṃ
pibāmṛtaṃdevagaṇādivāṃchitam

5.13.8

udyānamāsādyacanaṃdanābhidhaṃ
varāṃganābhirviharaṃkuruprabho

5.13.8.p1

ityuktamākarṇyamahāmatirnṛpo
vicārayāmāsakutohyupasthitāḥ

5.13.9

mayāsusṛṣṭāstapasāsurāṃganāḥ
pratyūhaevātravidheyameṣakim

5.13.10

iticiṃtāturorājāsvāṃtesaṃciṃtayansudhīḥ
jagādamatimānvīraḥsumadodevatāṅganāḥ

5.13.11

yūyaṃtumamacittasthājaganmātṛsvarūpakāḥ
mayāsaṃciṃtyateyāhisāpitvadrūpiṇīmatā

5.13.12

idaṃtucchaṃsvargasukhaṃtvayoktaṃsavikalpakam
matsvāminīmayābhaktyāsevitādāsyatevaram

5.13.13

yatkṛpātovidhiḥsatyalokaṃprāptomahānabhūt
sāmedāsyatisarvaṃhibhaktaduḥkhāṃtakāriṇī

5.13.14

kiṃnaṃdanaṃkiṃtugiriḥkanakenasumaṇḍitaḥ
kiṃsudhāsvalpapuṇyenaprāpyādānavaduḥkhadā

5.13.15

itivākyaṃsamākarṇyakāmastuvividhaiḥśaraiḥ
prāharannaradevasyakartuṃkiṃcinnavaiprabhuḥ

5.13.16

kaṭākṣairnūpurārāvaiḥpariraṃbhairvilokanaiḥ
natasyacittaṃvibhrāṃtaṃkartuṃśaktāvarāṃganāḥ

5.13.17

gatvāyathāgataṃśakraṃjagadurdhīradhīrnṛpaḥ
tacchrutvāmaghavābhītaḥsevāmārabhatātmanaḥ

5.13.18

athaniścitamālokyapādapadmesvakeṃ'bikā
jiteṃdriyaṃmahārājaṃpratyakṣābhūtsutoṣitā

5.13.19

paṃcāsyapṛṣṭhalalitāpāśāṃkuśadharāvarā
dhanurbāṇadharāmātājagatpāvanapāvanī

5.13.20

tāṃvīkṣyamātaraṃdhīmānsūryakoṭisamaprabhām
dhanurbāṇasṛṇīpāśāndadhānāṃharṣamāptavān

5.13.21

śirasābahuśonatvāmātaraṃbhaktibhāvitām
hasaṃtīṃnijadeheṣuspṛśaṃtīṃpāṇināmuhuḥ

5.13.22

tuṣṭāvabhaktyutkalitacittavṛttirmahāmatiḥ
gadgadasvarasaṃyuktaḥkaṃṭakāṃgopaśobhitaḥ

5.13.23

jayadevimahādevibhaktavṛṃdaikasevite
brahmarudrādideveṃdrasevitāṃghriyuge'naghe

5.13.24

mātastavakalāviddhametadbhāticarācaram
tvadṛtenāstisarvaṃtanmātarbhadrenamostute

5.13.25

mahītvayā'dhāraśaktyāsthāpitācalatīhana
saparvatavanodyānadiggajairupaśobhitā

5.13.26

sūryastapatikhetīkṣṇairaṃśubhiḥpratapanmahīm
tvacchaktyāvasudhāsaṃsthaṃrasaṃgṛhṇanvimuṃcati

5.13.27

aṃtarbahiḥsthitovahnirlokānāṃprakarotuśam
tvatpratāpānmahādevisurāsuranamaskṛte

5.13.28

tvaṃvidyātvaṃmahāmāyāviṣṇorlokaikapālinaḥ
svaśaktyāsṛjasīdaṃtvaṃpālayasyapimohini

5.13.29

tvattaḥsarvesurāḥprāpyasiddhiṃsukhamayaṃtivai
māṃpālayakṛpānāthevaṃditebhaktavallabhe

5.13.30

rakṣamāṃsevakaṃmātastvadīyacaraṇāraṇam
kurumevāṃchitāṃsiddhiṃmahāpuruṣapūrvaje

5.13.31

sumatiruvāca
evaṃtuṣṭājaganmātāvṛṇīṣvavaramuttamam
uvācabhaktaṃsumadaṃtapasākṛśadehinam

5.13.32

ityetadvākyamākarṇyaprahṛṣṭaḥsumadonṛpaḥ
vavrenijaṃhṛtaṃrājyaṃhatadurjanakaṃṭakam

5.13.33

maheśīcaraṇadvedvebhaktimavyabhicāriṇīm
prāṃtemuktiṃtusaṃsāravāridhestāriṇīṃpunaḥ

5.13.34

kāmākṣovāca
rājyaṃprāpnuhisumadasarvatrahatakaṃṭakam
mahilāratnasaṃjuṣṭapādapadmadvayobhava

5.13.35

tatavairiparābhūtirmābhūyātsumadābhidha
yadāturāvaṇaṃhatvāraghunāthomahāyaśāḥ

5.13.36

kariṣyatyaśvamedhaṃhisarvasaṃbhāraśobhitam
tasyabhrātāmahāvīraḥśatrughnaḥparavīrahā

5.13.37

pālayanhayamāyāsyatyatravīrādibhirvṛtaḥ
tasmaisarvaṃsamarpyatvaṃrājyamṛddhaṃdhanādikam

5.13.38

pālayiṣyasiyodhaiḥsvairdhanurdhāribhirudbhaṭaiḥ
tataḥpṛthivyāṃsarvatrabhramiṣyasimahāmate

5.13.39

tatorāmaṃnamaskṛtyabrahmeṃdreśādisevitam
muktiṃprāpsyasiduṣprāpāṃyogibhiryamasādhanaiḥ

5.13.40

tāvatkālamihasthāsyeyāvadrāmahayāgamaḥ
paścāttvāṃtusamuddhṛtyagaṃtāsmiparamaṃpadam

5.13.41

ityuktvāṃtardadhedevīsurāsuranamaskṛtā
sumado'pyahicchatrāyāṃśatrūnhatvānṛpo'bhavat

5.13.42

eṣarājāsamartho'pibalavāhanasaṃyutaḥ
nagrahīṣyatitevāhaṃmahāmāyāsuśikṣitaḥ

5.13.43

śrutvāprāptaṃpurīpārśvehayamedhahayottamam
tvāṃcasarvairmahārājaiḥsevitāṃghriṃmahāmatim

5.13.44

sarvaṃdāsyatisarvajñarājāsumadanāmadhṛk
adhunātanmahārājarāmacaṃdrapratāpataḥ

5.13.45

śeṣauvāca
itivṛttaṃsamākarṇyasumadasyamahāyaśāḥ
sādhusādhviticovācajaharṣamatimānbalī

5.13.46

ahicchatrāpatiḥsarvaiḥsvagaṇaiḥparivāritaḥ
sabhāyāṃsukhamāsteyobahurājanyasevitaḥ

5.13.47

brāhmaṇāvedaviduṣovaiśyādhanasamṛddhayaḥ
rājānaṃparyupāsaṃtesumadaṃśobhayānvitam

5.13.48

vedavidyāvinodenanyāyinobrāhmaṇāvarāḥ
āśīrvadaṃtitaṃbhūpaṃsarvalokaikarakṣakam

5.13.49

etasminsamayekaścidāgatyanṛpatiṃjagau
svāminnajānekasyāstihayaḥpatradharoṃ'tike

5.13.50

tacchrutvāsevakaṃśreṣṭhaṃpreṣayāmāsasatvaraḥ
jānīhikasyarājño'yamaśvomamapurāṃtike

5.13.51

gatvāthasevakastatrajñātvāvṛttāṃtamāditaḥ
nivedayāmāsanṛpaṃmahārājanyasevitam

5.13.52

saśrutvāraghunāthasyahayaṃnityamanusmaran
ājñāpayāmāsajanaṃsarvaṃrājāviśāradaḥ

5.13.53

lokāmadīyāḥsarveyedhanadhānyasamākulāḥ
toraṇādīnigeheṣumaṃgalānisṛjaṃtviha

5.13.54

kanyāḥsahasraśoramyāḥsarvābharaṇabhūṣitāḥ
gajoparisamārūḍhāyāṃtuśatrughnasaṃmukham

5.13.55

ityādisarvamājñāpyayayaurājāsvayaṃtataḥ
putrapautramahiṣyādiparivārasamāvṛtaḥ

5.13.56

śatrughnaḥsumahāmātyaiḥsubhaṭaiḥpuṣkalādibhiḥ
saṃyutobhūpatiṃvīraṃdadarśasumadābhidham

5.13.57

hastibhiḥsādisaṃyuktaiḥpattibhiḥparatāpanaiḥ
vājibhirbhūṣitairvīraiḥsaṃyutaṃvīraśobhitam

5.13.58

athāgatyamahārājaḥśatrughnaṃnatavānmudā
dhanyo'smikṛtakṛtyo'smisatkṛtaṃcakṛtaṃvapuḥ

5.13.59

idaṃrājyaṃgṛhāṇāśumahārājopaśobhitam
mahāmāṇikyamuktādimahādhanasupūritam

5.13.60

svāmiṃściraṃpratīkṣe'hahayasyāgamanaṃprati
kāmākṣākathitaṃpūrvaṃjātaṃsaṃpratitattathā

5.13.61

vilokayapuraṃmahyaṃkṛtārthānkurumānavān
pāvayāsmatkulaṃsarvaṃrāmānujamahīpate

5.13.62

ityuktvārohayāmāsakuṃjaraṃcaṃdrasuprabham
puṣkalaṃcamahāvīraṃtathāsvayamathāruhat

5.13.63

bherīpaṇavatūryāṇāṃvīṇādīnāṃsvanastadā
vyāpnotismamahārājasumadenapraṇoditaḥ

5.13.64

kanyāḥsamāgatyamahānareṃdraṃśatrughnamiṃdrādikasevitāṃghrim
karisthitāmauktikavṛṃdasaṃghairvardhāpayāmāsurinaprayuktāḥ

5.13.65

śanaiḥśanaiḥsamāgatyapurīmadhyejanairmudā
vardhāpitogṛhaṃprāpatoraṇādikabhūṣitam

5.13.66

hayaratnenasaṃyuktastathāvīraiḥsuśobhitaḥ
rājñāpuraskṛtorājāśatrughnaḥprāpamaṃdiram

5.13.67

arghādibhiḥpūjayitvāraghunāthānujaṃtadā
sarvaṃsamarpayāmāsarāmacaṃdrāyadhīmate

5.13.67.p1

iti śrīpadmapurāṇepātālakhaṃḍeśeṣavātsyāyanasaṃvāderāmāśvamedhe śatrughnāhicchatrāpurīpraveśonāmatrayodaśo'dhyāyaḥ

Linked texts (3)