[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Padmapurana](https://indike.org/pramana/in.purana.padma) › 5.17 # Padmapurana 5.17: saptadaśo'dhyāyaḥ Padmapurāṇa 5.17 - **Language:** Sanskrit ## Contents - [5.17.12](https://indike.org/pramana/in.purana.padma.5.17.12) — 1 part - [5.17.76](https://indike.org/pramana/in.purana.padma.5.17.76) — 2 parts - [5.17.82](https://indike.org/pramana/in.purana.padma.5.17.82) — 1 part ### saptadaśo'dhyāyaḥ ### [5.17.1](https://indike.org/pramana/in.purana.padma.5.17.1) śeṣauvāca śatrughnaścyavanasyāthadṛṣṭvā'cityaṃtapobalam praśaśaṃsatapobrāhmaṃsarvalokaikavaṃditam ### [5.17.2](https://indike.org/pramana/in.purana.padma.5.17.2) ahopaśyatayogasyasiddhiṃbrāhmaṇasattame yaḥkṣaṇādevaduṣprāpaṃtadvimānamacīkarat ### [5.17.3](https://indike.org/pramana/in.purana.padma.5.17.3) kvabhogasiddhirmahatīmunīnāmamalātmanām kvatapobalahīnānāṃbhogecchāmanujātmanām ### [5.17.4](https://indike.org/pramana/in.purana.padma.5.17.4) itisvagatamāśaṃsañchatrughnaścyavanāśrame kṣaṇaṃsthitvājalaṃpītvāsukhasaṃbhogamāptavān ### [5.17.5](https://indike.org/pramana/in.purana.padma.5.17.5) hayastasyāḥpayoṣṇyākhyānadyāḥpuṇyajalātmanaḥ payaḥpītvāyayaumārgevāyuvegagatirmahān ### [5.17.6](https://indike.org/pramana/in.purana.padma.5.17.6) yodhāstannirgamaṃdṛṣṭvāpṛṣṭhato'nuyayustadā hastibhiḥpattibhiḥkecidrathaiḥkecanavājibhiḥ ### [5.17.7](https://indike.org/pramana/in.purana.padma.5.17.7) śatrughno'mātyavaryeṇasumatyākhyenasaṃyutaḥ pṛṣṭhato'nujagāmāśurathenahayaśobhinā ### [5.17.8](https://indike.org/pramana/in.purana.padma.5.17.8) gacchanvājīpuraṃprāptovimalākhyasyabhūpateḥ ratnātaṭākhyaṃcajanairhṛṣṭapuṣṭaiḥsamākulam ### [5.17.9](https://indike.org/pramana/in.purana.padma.5.17.9) sasevakādupaśrutyaraghunāthahayottamam puroṃtikehisaṃprāptaṃsarvayodhasamanvitam ### [5.17.10](https://indike.org/pramana/in.purana.padma.5.17.10) tadāgajānāṃsaptatyācaṃdravarṇasamānayā aśvānāmayutaiḥsārdhaṃrathānāṃkāṃcanatviṣām ### [5.17.11](https://indike.org/pramana/in.purana.padma.5.17.11) sahasreṇacasaṃyuktaḥśatrughnaṃpratijagmivān śatrughnaṃsanamaskṛtyasarvānprāptānmahārathān ### [5.17.12](https://indike.org/pramana/in.purana.padma.5.17.12) vasukośaṃdhanaṃsarvaṃrājyaṃtasmainivedyaca kiṃkaromītirājātaṃjagādapurataḥsthitaḥ ### [5.17.12.p1](https://indike.org/pramana/in.purana.padma.5.17.12.p1) rājāpitaṃsvīyapadepraṇamraṃ dorbhyāṃdṛḍhaṃsaṃpariṣasvajemahān ### [5.17.13](https://indike.org/pramana/in.purana.padma.5.17.13) jagāmasākaṃtanayesvarājyaṃ nikṣipyasarvaṃbahudhanvibhirvṛtaḥ ### [5.17.14](https://indike.org/pramana/in.purana.padma.5.17.14) rāmacaṃdrābhidhāṃśrutvāsarvaśrutimanoharām sarvepraṇamyataṃvāhaṃdadurvasumahādhanam ### [5.17.15](https://indike.org/pramana/in.purana.padma.5.17.15) rājānaṃpūjayitvātuśatrughnaḥparayāmudā senayāsahito'gacchadvājinaḥpṛṣṭhatastadā ### [5.17.16](https://indike.org/pramana/in.purana.padma.5.17.16) evaṃsagacchaṃstanmārgeparvatāgryaṃdadarśaha sphāṭikaiḥkānakairaupyairājitaṃprastharājibhiḥ ### [5.17.17](https://indike.org/pramana/in.purana.padma.5.17.17) jalanirjharasaṃhrādaṃnānādhātukabhūtalam gairikādikasaddhātulākṣāraṃgavirājitam ### [5.17.18](https://indike.org/pramana/in.purana.padma.5.17.18) yatrasiddhāṃganāḥsiddhaiḥsaṃkrīḍaṃtyakutobhayāḥ gaṃdharvāpsarasonāgāyatrakrīḍaṃtilīlayā ### [5.17.19](https://indike.org/pramana/in.purana.padma.5.17.19) gaṃgātaraṃgasaṃsparśaśītavāyuniṣevitam vīṇāraṇaddhaṃsaśukakvaṇasuṃdaraśobhitam ### [5.17.20](https://indike.org/pramana/in.purana.padma.5.17.20) parvataṃvīkṣyaśatrughnauvācasumatiṃtvidam taddarśanasamudbhūtavismayāviṣṭamānasaḥ ### [5.17.21](https://indike.org/pramana/in.purana.padma.5.17.21) ko'yamahāgirivarovismāpayatimemanaḥ mahārajatasatprasthomārgerājatime'dbhutaḥ ### [5.17.22](https://indike.org/pramana/in.purana.padma.5.17.22) atrakiṃdevatāvāsodevānāṃkrīḍanasthalam yadetanmanasaḥkṣobhaṃkarotiśrīsamuccayaiḥ ### [5.17.23](https://indike.org/pramana/in.purana.padma.5.17.23) itivākyaṃsamākarṇyajagādasumatistadā vakṣyamāṇaguṇāgārarāmacaṃdrapadābjadhīḥ ### [5.17.24](https://indike.org/pramana/in.purana.padma.5.17.24) nīlo'yaparvatorājanpuratobhātibhūmipa manoharairmahāśṛṅgaiḥsphāṭikāgraiḥsamaṃtataḥ ### [5.17.25](https://indike.org/pramana/in.purana.padma.5.17.25) enaṃpaśyaṃtinopāpāḥparadāraratānarāḥ viṣṇorguṇagaṇānyevainamanyaṃtenarādhamāḥ ### [5.17.26](https://indike.org/pramana/in.purana.padma.5.17.26) śrutismṛtisamutthaṃyedharmaṃsadbhiḥsusādhitam namanyaṃtesvabuddhisthahetuvādavicāraṇāḥ ### [5.17.27](https://indike.org/pramana/in.purana.padma.5.17.27) nīlīvikrayakartārolākṣāvikrayakārakāḥ yobrāhmaṇoghṛtādīnivikrīṇātisurāpakaḥ ### [5.17.28](https://indike.org/pramana/in.purana.padma.5.17.28) kanyāṃrūpeṇasaṃpannāṃnadadyātkulaśīline vikrīṇātidravyalobhātpitāpāpenamohitaḥ ### [5.17.29](https://indike.org/pramana/in.purana.padma.5.17.29) patnīṃdūṣayateyastukulaśīlavatīṃnaraḥ svayamevāttimadhuraṃbaṃdhubhyonadadātiyaḥ ### [5.17.30](https://indike.org/pramana/in.purana.padma.5.17.30) bhojanebrāhmaṇārthecapākabhedaṃkarotiyaḥ kṛsaraṃpāyasaṃvāpinārthinaṃdāpayetkudhīḥ ### [5.17.31](https://indike.org/pramana/in.purana.padma.5.17.31) atithīnavamanyaṃtesūryatāpāditāpitān aṃtarikṣabhujoyecayecaviśvāsaghātakāḥ ### [5.17.32](https://indike.org/pramana/in.purana.padma.5.17.32) napaśyaṃtimahārājaraghunāthaparāṅmukhāḥ asaupuṇyogirivaraḥpuruṣottamaśobhitaḥ ### [5.17.33](https://indike.org/pramana/in.purana.padma.5.17.33) pavitrayatisarvānnodarśanenamanoharaḥ atratiṣṭhatidevānāṃmukuṭairarcitāṃghrikaḥ ### [5.17.34](https://indike.org/pramana/in.purana.padma.5.17.34) puṇyavadbhirdarśanārhaḥpuṇyadaḥpuruṣottamaḥ śrutayonetinetītibruvāṇānavidaṃtiyam ### [5.17.35](https://indike.org/pramana/in.purana.padma.5.17.35) yatpādarajaiṃdrādidevairmṛgyaṃsudurllabham vedāṃtādibhiranyūnairvākyairvidaṃtiyaṃbudhāḥ ### [5.17.36](https://indike.org/pramana/in.purana.padma.5.17.36) so'traśrīmānnīlaśailevasatepuruṣottamaḥ āruhyataṃnamaskṛtyasaṃpūjyasukṛtādinā ### [5.17.37](https://indike.org/pramana/in.purana.padma.5.17.37) naivedyaṃbhakṣayitvāvaibhūpabhūyāccaturbhujaḥ atrāpyudāharaṃtīmamitihāsaṃpurātanam ### [5.17.38](https://indike.org/pramana/in.purana.padma.5.17.38) taṃśṛṇuṣvamahārājasarvāścaryasamanvitam ratnagrīvasyanṛpateryadvṛttaṃsakuṭuṃbinaḥ ### [5.17.39](https://indike.org/pramana/in.purana.padma.5.17.39) caturbhujādikaṃprāptaṃdevadānavadurlabham āsītkāṃcīmahārājapurīlokeṣuviśrutā ### [5.17.40](https://indike.org/pramana/in.purana.padma.5.17.40) mahājanaparīvārasamṛddhabalavāhanā yasyāṃvasaṃtiviprāgryāḥṣaṭkarmaniratābhṛśam ### [5.17.41](https://indike.org/pramana/in.purana.padma.5.17.41) sarvabhūtahiteyuktārāmabhaktiṣulālasāḥ kṣatriyāraṇakartāraḥsaṃgrāme'pyapalāyinaḥ ### [5.17.42](https://indike.org/pramana/in.purana.padma.5.17.42) paradāraparadravyaparadrohaparāṅmukhāḥ vaiśyāḥkusīdakṛṣyādivāṇijyaśubhavṛttayaḥ ### [5.17.43](https://indike.org/pramana/in.purana.padma.5.17.43) kurvantiraghunāthasyapadāmbhojeratiṃsadā śūdrābrāhmaṇasevābhirgatarātridināntarāḥ ### [5.17.44](https://indike.org/pramana/in.purana.padma.5.17.44) kurvaṃtikathanaṃrāmarāmetirasanāgrataḥ prākṛtāḥke'pinopāpaṃkurvaṃtimanasātravai ### [5.17.45](https://indike.org/pramana/in.purana.padma.5.17.45) dānaṃdayādamaḥsatyaṃtatratiṣṭhaṃtinityaśaḥ vadatenaparābādhaṃvākyaṃko'pinaro'naghaḥ ### [5.17.46](https://indike.org/pramana/in.purana.padma.5.17.46) napārakyedhanelobhaṃkurvaṃtinahipātakam evaṃprajāmahārājaratnagrīveṇapālyate ### [5.17.47](https://indike.org/pramana/in.purana.padma.5.17.47) ṣaṣṭhāṃśaṃtatragṛhṇātinānyaṃlobhavivarjitaḥ evaṃpālayamānasyaprajādharmeṇabhūpateḥ ### [5.17.48](https://indike.org/pramana/in.purana.padma.5.17.48) gatānibahuvarṣāṇisarvabhogavilāsinaḥ viśālākṣīṃmahārājaekadāhyūcivānidam ### [5.17.49](https://indike.org/pramana/in.purana.padma.5.17.49) pativratāṃdharmapatnīṃpativrataparāyaṇām putrājātāviśālākṣiprajārakṣādhuraṃdharāḥ ### [5.17.50](https://indike.org/pramana/in.purana.padma.5.17.50) parīvāromahānmahyaṃvartatevigatajvaraḥ hastinomamaśailābhāvājinaḥpavanopamāḥ ### [5.17.51](https://indike.org/pramana/in.purana.padma.5.17.51) rathāścasuhayairyuktāvartaṃtemamanityaśaḥ mahāviṣṇuprasādenakiṃcinnyūnaṃmamāstina ### [5.17.52](https://indike.org/pramana/in.purana.padma.5.17.52) evaṃmanorathastvekastiṣṭhatemānasemama paraṃtīrthaṃmayānādyakṛtaṃparamaśobhane ### [5.17.53](https://indike.org/pramana/in.purana.padma.5.17.53) garbhavāsavirāmāyakṣamaṃgoviṃdaśobhitam vṛddhojāto'smyahaṃtāvadvalīpalitadehavān ### [5.17.54](https://indike.org/pramana/in.purana.padma.5.17.54) kariṣyāmimanohāritīrthasevanamādṛtaḥ yonarojanmaparyaṃtaṃsvodarasyaprapūrakaḥ ### [5.17.55](https://indike.org/pramana/in.purana.padma.5.17.55) nakarotihareḥpūjāṃsanarogovṛṣaḥsmṛtaḥ tasmādgacchāmibhobhadretīrthayātrāṃpratipriye ### [5.17.56](https://indike.org/pramana/in.purana.padma.5.17.56) sakuṭuṃbaḥsutenyasyadhuraṃrājyasyanirbhṛtām itivyavasyasaṃdhyāyāṃhariṃdhyāyanniśāṃtare ### [5.17.57](https://indike.org/pramana/in.purana.padma.5.17.57) adrākṣītsvapnamapyekaṃbrāhmaṇaṃtāpasaṃvaram prātarutthāyarājāsaukṛtvāsaṃdhyādikāḥkriyāḥ ### [5.17.58](https://indike.org/pramana/in.purana.padma.5.17.58) sabhāṃmaṃtrijanaiḥsārddhaṃsukhamāsedivānmahān tāvadvipraṃdadarśāthatāpasaṃkṛśadehinam ### [5.17.59](https://indike.org/pramana/in.purana.padma.5.17.59) jaṭāvalkalakaupīnadhāriṇaṃdaṃḍapāṇinam anekatīrthasevābhiḥkṛtapuṇyakalevaram ### [5.17.60](https://indike.org/pramana/in.purana.padma.5.17.60) rājātaṃvīkṣyaśirasāpraṇanāmamahābhujaḥ arghyapādyādikaṃcakreprahṛṣṭātmāmahīpatiḥ ### [5.17.61](https://indike.org/pramana/in.purana.padma.5.17.61) sukhopaviṣṭaṃviśrāṃtaṃpapracchaviditaṃdvijam svāmiṃstvaddarśanānme'dyagataṃdehasyapātakam ### [5.17.62](https://indike.org/pramana/in.purana.padma.5.17.62) mahāṃtaḥkṛpaṇānpātuṃyāṃtitadgehamādarāt tasmātkathayabhovipravṛddhasyamamasaṃprati ### [5.17.63](https://indike.org/pramana/in.purana.padma.5.17.63) kodevogarbhanāśāyakiṃtīrthaṃcakṣamaṃbhavet yūyaṃsarvagatāḥśreṣṭhāḥsamādhidhyānatatparāḥ ### [5.17.64](https://indike.org/pramana/in.purana.padma.5.17.64) sarvatīrthāvagāhenakṛtapuṇyātmano'malāḥ yathāvacchṛṇvatemahyaṃśraddadhānāyavistarāt ### [5.17.65](https://indike.org/pramana/in.purana.padma.5.17.65) kathayasvaprasādenasarvatīrthavicakṣaṇa brāhmaṇauvāca śṛṇurājeṃdravakṣyāmiyatpṛṣṭaṃtīrthasevanam ### [5.17.66](https://indike.org/pramana/in.purana.padma.5.17.66) kasyadevasyakṛpayāgarbhanirvāraṇaṃbhavet sevyaḥśrīrāmacaṃdro'sausaṃsārajvaranāśakaḥ ### [5.17.67](https://indike.org/pramana/in.purana.padma.5.17.67) pūjyaḥsaevabhagavānpuruṣottamasaṃjñakaḥ nānāpuryomayādṛṣṭāḥsarvapāpakṣayaṃkarāḥ ### [5.17.68](https://indike.org/pramana/in.purana.padma.5.17.68) ayodhyāsarayūstāpītathādvāraṃhareḥparam avaṃtīvimalākāṃcīrevāsāgaragāminī ### [5.17.69](https://indike.org/pramana/in.purana.padma.5.17.69) gokarṇaṃhāṭakākhyaṃcahatyākoṭivināśanam mallikākhyomahāśailomokṣadaḥpaśyatāṃnṛṇām ### [5.17.70](https://indike.org/pramana/in.purana.padma.5.17.70) yatrāṃgeṣunṛṇāṃtoyaṃśyāmaṃvānirmalaṃbhavet pātakasyāpahārīdaṃmayādṛṣṭaṃtutīrthakam ### [5.17.71](https://indike.org/pramana/in.purana.padma.5.17.71) mayādvāravatīdṛṣṭāsurāsuraniṣevitā gomatīyatravahatisākṣādbrahmajalāśubhā ### [5.17.72](https://indike.org/pramana/in.purana.padma.5.17.72) yatrasvāpolayaḥproktomṛtirmokṣaitiśrutiḥ yasyāṃsaṃvasatāṃnṝṇāṃnakaliprabhavetkvacit ### [5.17.73](https://indike.org/pramana/in.purana.padma.5.17.73) cakrāṃkāyatrapāṣāṇāmānavāapicakriṇaḥ paśavaḥkīṭapakṣyādyāḥsarvecakraśarīriṇaḥ ### [5.17.74](https://indike.org/pramana/in.purana.padma.5.17.74) trivikramovasedyasyāṃsarvalokaikapālakaḥ sāpurītumahāpuṇyairmayādṛggocarīkṛtā ### [5.17.75](https://indike.org/pramana/in.purana.padma.5.17.75) kurukṣetraṃmayādṛṣṭaṃsarvahatyāpanodanam syamaṃtapaṃcakaṃyatramahāpātakanāśanam ### [5.17.76](https://indike.org/pramana/in.purana.padma.5.17.76) vārāṇasīmayādṛṣṭāviśvanāthakṛtālayā yatropadiśatemaṃtraṃtārakaṃbrahmasaṃjñitam ### [5.17.76.p1](https://indike.org/pramana/in.purana.padma.5.17.76.p1) yasyāṃmṛtāḥkīṭapataṃgabhṛṃgāḥ ### [5.17.76.p2](https://indike.org/pramana/in.purana.padma.5.17.76.p2) paśvādayovāsurayonayovā ### [5.17.77](https://indike.org/pramana/in.purana.padma.5.17.77) svakarmasaṃbhogasukhaṃvihāya gacchaṃtikailāsamatītaduḥkhāḥ ### [5.17.78](https://indike.org/pramana/in.purana.padma.5.17.78) maṇikarṇiryatratīrthaṃyasyāmuttaravāhinī karotisaṃsṛterbaṃdhacchedaṃpāpakṛtāmapi ### [5.17.79](https://indike.org/pramana/in.purana.padma.5.17.79) kapardinaḥkuṃḍalinaḥsarpabhūṣādharāvarāḥ gajacarmaparīdhānāvasaṃtigataduḥkhakāḥ ### [5.17.80](https://indike.org/pramana/in.purana.padma.5.17.80) kālabhairavanāmātrakarotiyamaśāsanam nakarotinṛṇāṃvārtāṃyamodaṃḍadharaḥprabhuḥ ### [5.17.81](https://indike.org/pramana/in.purana.padma.5.17.81) etādṛśīmayādṛṣṭākāśīviśveśvarāṃkitā anekānyapitīrthānimayādṛṣṭānibhūmipa ### [5.17.82](https://indike.org/pramana/in.purana.padma.5.17.82) paramekaṃmahaccitraṃyaddṛṣṭaṃnīlaparvate puruṣottamasānnidhyetannakvāpyakṣigocaram ### [5.17.82.p1](https://indike.org/pramana/in.purana.padma.5.17.82.p1) iti śrīpadmapurāṇepātālakhaṃḍeśeṣavātsyāyanasaṃvāderāmāśvamedhe brāhmaṇasamāgamonāmasaptadaśo'dhyāyaḥ ## Linked texts (1) - [Kathāsaritsāgara](https://indike.org/pramana/in.lit.brhatkatha.kathasaritsagara.12.4.192) — Somadeva Bhaṭṭa, Sanskrit --- Source: [https://indike.org/pramana/in.purana.padma.5.17](https://indike.org/pramana/in.purana.padma.5.17) · Pramāṇa