Pramāṇa · Search · About · API

Padmapurana 5.20: viṃśo'dhyāyaḥ

Padmapurāṇa 5.20

Language
Sanskrit

Contents

viṃśo'dhyāyaḥ

5.20.1

sumatiruvāca
athaprayātebhūpālesarvalokasamanvite
mahābhāgairvaiṣṇavaiścagāyakaiḥkṛṣṇakīrtanam

5.20.2

śuśrāvāsaumahārājomārgegoviṃdakīrtanam
jayamādhavabhaktānāṃśaraṇyapuruṣottama

5.20.3

mārgetīrthānyanekānikurvanpaśyanmahodayam
tāpasabrāhmaṇātteṣāṃmahimānamathāśṛṇot

5.20.4

vicitraviṣṇuvārtābhirvinoditamanānṛpaḥ
mārgemārgemahāviṣṇuṃgāpayāmāsagāyakān

5.20.5

dīnāṃdhakṛpaṇānāṃcapaṃgūnāṃvāsanocitam
dānaṃdadaumahārājobuddhimānvijiteṃdriyaḥ

5.20.6

anekatīrthavirajamātmānaṃbhavyatāṃgatam
kurvanyayausvīyalokairharidhyānaparāyaṇaḥ

5.20.7

nṛpogacchandadarśāgrenadīṃpāpapraṇāśinīm
cakrāṃkitagrāvayutāṃmunimānasanirmalām

5.20.8

anekamunivṛṃdānāṃbahuśreṇivirājitām
sārasādipatatrīṇāṃkūjitairupaśobhitām

5.20.9

dṛṣṭvāpapracchaviprāgryaṃtāpasaṃdharmakovidam
anekatīrthamāhātmyaviśeṣajñānajṛṃbhitam

5.20.10

svāminkeyaṃnadīpuṇyāmunivṛndaniṣevitā
karotimamacittasyapramodabharanirbharam

5.20.11

itiśrutvāvacastasyarājarājasyadhīmataḥ
vaktuṃpracakramevidvāṃstīrthamāhātmyamuttamam

5.20.12

brāhmaṇauvāca
gaṃḍakīyaṃnadīrājansurāsuraniṣevitā
puṇyodakaparīvāhahatapātakasaṃcayā

5.20.13

darśanānmānasaṃpāpaṃsparśanātkarmajaṃdahet
vācikaṃsvīyatoyasyapānataḥpāpasaṃcayam

5.20.14

purādṛṣṭvāprajānāthaḥprajāḥsarvāvipāvanīḥ
svagaṃḍavipruṣonekapāpaghnīṃsṛṣṭavānimām

5.20.15

enāṃnadīṃyepuṇyodāṃspṛśaṃtisutaraṃgiṇīm
tegarbhabhājonaivasyurapipāpakṛtonarāḥ

5.20.16

asyāṃbhavāyecāśmānaścakracihnairalaṃkṛtāḥ
tesākṣādbhagavaṃtohisvasvarūpadharāḥparāḥ

5.20.17

śilāṃsaṃpūjayedyastunityaṃcakrayutāṃnaraḥ
najātusajananyāvaijaṭharaṃsamupāviśet

5.20.18

pūjayedyonarodhīmāñchālagrāmaśilāṃvarām
tenācāravatābhāvyaṃdaṃbhalobhaviyoginā

5.20.19

paradāraparadravyavimukhenanareṇahi
pūjanīyaḥprayatnenaśālagrāmaḥsacakrakaḥ

5.20.20

dvāravatyāṃbhavaṃcakraṃśilāvaigaṃḍakībhavā
puṃsāṃkṣaṇāddharatyevapāpaṃjanmaśatārjitam

5.20.21

apipāpasahasrāṇāṃkartātāvannarobhavet
śālagrāmaśilātoyaṃpītvāpūtobhavetkṣaṇāt

5.20.22

brāhmaṇaḥkṣatriyovaiśyaḥśūdrovedapathisthitaḥ
śālagrāmaṃpūjayitvāgṛhasthomokṣamāpnuyāt

5.20.23

najātucitstriyākāryaṃśālagrāmasyapūjanam
bhartṛhīnāthasubhagāsvargalokahitaiṣiṇī

5.20.24

mohātspṛṣṭvāpimahilājanmaśīlaguṇānvitā
hitvāpuṇyasamūhaṃsāsatvaraṃnarakaṃvrajet

5.20.25

strīpāṇimuktapuṣpāṇiśālagrāmaśilopari
paveradhikapātānivadaṃtibrāhmaṇottamāḥ

5.20.26

caṃdanaṃviṣasaṃkāśaṃkusumaṃvajrasaṃnibham
naivedyaṃkālakūṭābhaṃbhavedbhagavataḥkṛtam

5.20.27

tasmātsarvātmanātyājyaṃstriyāsparśaḥśilopari
kurvatīyātinarakaṃyāvadiṃdrāścaturdaśa

5.20.28

apipāpasamācārobrahmahatyāyuto'pivā
śālagrāmaśilātoyaṃpītvāyātiparāṃgatim

5.20.29

tulasīcaṃdanaṃvāriśaṃkhoghaṃṭāthacakrakam
śilātāmrasyapātraṃtuviṣṇornāmapadāmṛtam

5.20.30

padāmṛtaṃtunavabhiḥpāparāśipradāhakam
vadaṃtimunayaḥśāṃtāḥsarvaśāstrārthakovidāḥ

5.20.31

sarvatīrthaparisnānātsarvakratusamarcanāt
puṇyaṃbhavatiyadrājanbiṃdaubiṃdautadadbhutam

5.20.32

śālagrāmaśilāyatrapūjyatepuruṣottamaiḥ
tatrayojanamātraṃtutīrthakoṭisamanvitam

5.20.33

śālagrāmāḥsamāḥpūjyāḥsameṣudvitayaṃnahi
viṣamāevasaṃpūjyāviṣameṣutrayaṃnahi

5.20.34

dvārāvatībhavaṃcakraṃtathāvaigaṃḍakībhavam
ubhayoḥsaṃgamoyatratatragaṃgāsamudragā

5.20.35

rūkṣāḥkurvaṃtipuruṣānāyuḥśrībalavarjitān
tasmātsnigdhāmanohārirūpiṇyodadatiśriyam

5.20.36

āyuṣkāmonaroyastudhanakāmohiyaḥpumān
pūjayansarvamāpnotipāralaukikamaihikam

5.20.37

prāṇāṃtakālepuṃsastubhavedbhāgyavatonṛpa
vācināmahareḥpuṇyaṃśilāhṛditadaṃtike

5.20.38

gacchatsuprāṇamārgeṣuyasyaviśraṃbhato'picet
śālagrāmaśilāsphūrtistasyamuktirnasaṃśayaḥ

5.20.39

purābhagavatāproktamaṃbarīṣāyadhīmate
brāhmaṇānyāsinaḥsnigdhāḥśālagrāmaśilāstathā

5.20.40

svarūpatritayaṃmahyametaddhikṣitimaṃḍale
pāpināṃpāpanirhāraṃkartuṃdhṛtamudaṃcatā

5.20.41

niṃdaṃtipāpinoyevāśālagrāmaśilāṃsakṛt
kuṃbhīpākepacaṃtyāśuyāvadābhūtasaṃplavam

5.20.42

pūjāṃsamudyataṃkartuṃyovārayatimūḍhadhīḥ
tasyamātāpitābaṃdhuvargānarakabhāginaḥ

5.20.43

yovākathayatipreṣṭhaṃśālagrāmārcanaṃkuru
sakṛtārthonayatyāśuvaikuṃṭhaṃsvasyapūrvajān

5.20.44

atraivodāharaṃtīmamitihāsaṃpurātanam
munayovītarāgāścakāmakrodhavivarjitāḥ

5.20.45

purākīkaṭasaṃjñevaideśedharmavivarjite
āsītpulkasajātīyonaraḥśabarasaṃjñitaḥ

5.20.46

nityaṃjaṃtuvadhodyuktaḥśarāsanadharomuhuḥ
tīrthaṃpratiyiyāsūnāṃbalāddharatijīvitam

5.20.47

anekaprāṇihatyākṛtparasvenirataḥsadā
sadārāgādisaṃyuktaḥkāmakrodhādisaṃyutaḥ

5.20.48

vicaratyaniśaṃbhīmevaneprāṇivadhaṃkaraḥ
viṣasaṃsaktabāṇāgrarūḍhacāpaguṇoddhuraḥ

5.20.49

sakadāparyaṭanvyādhaḥprāṇimātrabhayaṃkaraḥ
kālaṃprāptaṃnajānātisamīpe'pyugramānasaḥ

5.20.50

yamadūtāstusaṃprāptāḥpāśamudgarapāṇayaḥ
tāmrakeśādīrghanakhālaṃbadaṃṣṭrābhayānakāḥ

5.20.51

śyāmālohasyanigaḍānbibhratomohakārakāḥ
badhnaṃtupāpinaṃhyenaṃprāṇimātrabhayaṃkaram

5.20.52

kadācinmanasānāyaṃprāṇimātropakārakaḥ
paradāraparadravyaparadrohaparāyaṇaḥ

5.20.53

etasyajihvāṃmahatīmahaṃniṣkāsayāmyataḥ
ekovadaticaitasyacakṣurutpāṭayāmyaham

5.20.54

ekovadaticaitasyakaraukṛṃtāmipāpinaḥ
anyovadatyahaṃkarṇaukartayāmidurātmanaḥ

5.20.55

evaṃvadaṃtaḥsubhṛśaṃdantairdantanipīḍakāḥ
āgatyataṃdurātmānaṃsāyudhāstasthurunmadāḥ

5.20.56

ekodūtastadāsarparūpaṃdhṛtvādaśatpade
sadaṣṭamātraḥsahasāgatāsuḥparyajāyata

5.20.57

tadātaṃlohapāśenabaddhāteyamakiṃkarāḥ
kaśābhistāḍayāmāsurmudgaraiḥprāharankrudhā

5.20.58

ahoduṣṭadurātmaṃstvaṃkadācinnācaraḥśubham
manasāpiyatastvāṃvaikṣepsyāmorauraveṣuca

5.20.59

tvaṅmāṃsaṃvāyasāraudrābhakṣayiṣyaṃtivaikrudhā
ājanmatastubhavatānakṛtaṃharisevanam

5.20.60

tvayākalatraputrādyādrohaṃkṛtvāsupoṣitāḥ
nakadācitsmṛtodevaḥpāpahārījanārdanaḥ

5.20.61

tasmāttvāṃlohaśaṃkauvākuṃbhīpākecaraurave
dharmarājājñayāsarveneṣyāmobahutāḍanaiḥ

5.20.62

evamuktvāyadānetuṃsamaicchanyamakiṃkarāḥ
tāvatprāptomahāviṣṇucaraṇābjaparāyaṇaḥ

5.20.63

yamadūtāstadādṛṣṭāvaiṣṇavenamahātmanā
pāśamudgaradaṃḍādiduṣṭāyudhadharāgaṇāḥ

5.20.64

pulkasaṃlohanigaḍairbaddhvāyātuṃsamudyatāḥ
bandhabandhagrasacchindhibhindhibhindhītivādinaḥ

5.20.65

tadākṛpālustaṃprekṣyapadmanābhaparāyaṇaḥ
atyaṃtakṛpayāyuktaṃcetastatratadākarot

5.20.66

asaumahāduṣṭapīḍāṃmāyātumamasannidhau
mocayāmyahamadyaivayamadūtebhyaevaca

5.20.67

itikṛtvāmatiṃtasminkṛpāyuktomunīśvaraḥ
śālagrāmaśilāṃhastegṛhītvāsyagatoṃ'tike

5.20.68

tasyapādodakaṃpuṇyaṃtulasīdalamiśritam
mukhevinikṣipankarṇerāmanāmajajāpaha

5.20.69

tulasīṃmastaketasyadhārayāmāsavaiṣṇavaḥ
śilāṃhṛdimahāviṣṇordhṛtvāprāhasavaiṣṇavaḥ

5.20.70

gacchaṃtuyamadūtāvaiyātanāsuparāyaṇāḥ
śālagrāmaśilāsparśodahatātpātakaṃmahat

5.20.71

ityuktavatitasminvaigaṇāviṣṇormahādbhutāḥ
āyayustasyasavidheśilāsparśādgatāṃhasaḥ

5.20.72

pītavastrāḥśaṃkhacakragadāpadmavirājitāḥ
āgatyamocayāmāsurlohapāśāddurāsadāt

5.20.73

mocayitvāmahāpāpakārakaṃpulkasaṃnaram
ūcuḥkimarthaṃbaddho'yavaiṣṇavaḥpūjyadehabhṛt

5.20.74

kasyājñākārakāyūyaṃyadadharmaprakārakāḥ
muṃcaṃtuvaiṣṇavaṃtvenaṃkimarthaṃvidhṛtohyayam

5.20.75

itivākyaṃsamākarṇyajagaduryamakiṃkarāḥ
dharmarājājñayāprāptānetuṃpāpinamudyatāḥ

5.20.76

nāsaukadācinmanasāprāṇimātropakārakaḥ
prāṇihatyāmahāpāpakārīduṣṭaśarīrabhṛt

5.20.77

nṝnbahūṃstīrthayātrāyāṃgacchato'sauvyaluṃṭhayat
paradāraratonityaṃsarvapāpādhikārakaḥ

5.20.78

tasmānnetuṃvayaṃprāptāḥpāpinaṃpulkasaṃnaram
bhavadbhirmocitaḥkasmādakasmādāgatairbhaṭaiḥ

5.20.79

viṣṇudūtāūcuḥ
brahmahatyādikaṃpāpaṃprāṇikoṭivadhodbhavam
śālagrāmaśilāsparśaḥsarvaṃdahatitatkṣaṇāt

5.20.80

rāmetināmayacchrotreviśraṃbhādāgataṃyadi
karotipāpasaṃdāhaṃtūlaṃvahnikaṇoyathā

5.20.81

tulasīmastakeyasyaśilāhṛdimanoharā
mukhekarṇe'thavārāmanāmamuktastadaivasaḥ

5.20.82

tasmādanenatulasīmastakevidhṛtāpurā
śrāvitaṃrāmanāmāśuśilāhṛdisudhāritā

5.20.83

tasmātpāpasamūho'syadagdhaḥpuṇyakalevaraḥ
yāsyateparamaṃsthānaṃpāpināṃyatsudurllabham

5.20.84

varṣāyutaṃtatrabhuktvābhogānsarvamanoharān
bhāratejanmasaṃprāpyasamārādhyajagadgurum

5.20.85

prāpsyateparamaṃsthānaṃsurāsurasudurllabham
najñātomahimāsamyakchilāyāḥparameṣṭhinaḥ

5.20.86

dṛṣṭāspṛṣṭārcitāvāpisarvapāpaharākṣaṇāt
ityuktvāviratāḥsarvemahāviṣṇorgaṇāmudā

5.20.87

yāmyāstekiṃkarārājñekathayāmāsuradbhutam
vaiṣṇavoharṣamāpederaghunāthaparāyaṇaḥ

5.20.88

mukto'sauyamapāśāccagamiṣyatiparaṃpadam
tadājagāmavimalaṃkiṃkiṇījālamaṃḍitam

5.20.89

vimānaṃdevalokāttumanohārimahādbhutam
tatrāruhyagataḥsvargaṃmahāpuṇyairniṣevitam

5.20.90

bhogānbhuktvāsavipulānājagāmamahītalam
kāśyāṃjanmasamāsādyaśucivāḍavasatkule

5.20.91

ārādhyajagatāmīśaṃgatavānparamaṃpadam
sapāpīsādhusaṃgatyāśālagrāmaśilāṃspṛśan

5.20.92

mahāpīḍāvinirmuktogatavānparamaṃpadam
mayāte'bhihitaṃrājangaṃḍakīcaritaṃmahat

5.20.93

śrutvāvimucyatepāpairbhuktiṃmukticaviṃdati

5.20.93.p1

iti śrīpadmapurāṇepātālakhaṃḍerāmāśvamedheśeṣavātsyāyanasaṃvāde gaṃḍakīmāhātmyaṃnāmaviṃśo'dhyāyaḥ

Linked texts (4)