[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Padmapurana](https://indike.org/pramana/in.purana.padma) › 5.23 # Padmapurana 5.23: trayoviṃśo'dhyāyaḥ Padmapurāṇa 5.23 - **Language:** Sanskrit ## Contents - [5.23.74](https://indike.org/pramana/in.purana.padma.5.23.74) — 1 part - [5.23.75](https://indike.org/pramana/in.purana.padma.5.23.75) — 1 part - [5.23.88](https://indike.org/pramana/in.purana.padma.5.23.88) — 1 part ### trayoviṃśo'dhyāyaḥ ### [5.23.1](https://indike.org/pramana/in.purana.padma.5.23.1) śeṣauvāca kṣaṇaṃsthitvātṛṇānyattvāyayauvājīmanojavaḥ vīraśreṇīvṛtaḥpatraṃbhāledhṛtvāsacāmaraḥ ### [5.23.2](https://indike.org/pramana/in.purana.padma.5.23.2) śatrughnenasuvīreṇalakṣmīnidhinṛpeṇaca puṣkalenogravāhenapratāpāgryeṇarakṣitaḥ ### [5.23.3](https://indike.org/pramana/in.purana.padma.5.23.3) yayaupurīṃsacakrāṃkāṃsubāhuparirakṣitām anekavīrakoṭībhīrakṣito'nugataḥprabho ### [5.23.4](https://indike.org/pramana/in.purana.padma.5.23.4) tadāputrosyadamanomṛgayāmāsthitomahān dadarśāśvaṃbhālapatraṃcaṃdanādikacarcitam ### [5.23.5](https://indike.org/pramana/in.purana.padma.5.23.5) vilokyasevakaṃprāhakasyāśvome'kṣigocaraḥ bhālepatraṃdhṛtaṃkiṃnucāmaraṃkiṃtuśobhanam ### [5.23.6](https://indike.org/pramana/in.purana.padma.5.23.6) itirājñovacaḥśrutvāsevakaḥprayayautataḥ yatrāsauvartatevājībhālapatraḥsuśobhanaḥ ### [5.23.7](https://indike.org/pramana/in.purana.padma.5.23.7) gṛhītvātaṃkeśasaṃgheratnamālāvibhūṣitam nināyacāgrebhūpasyasubāhukuladhāriṇaḥ ### [5.23.8](https://indike.org/pramana/in.purana.padma.5.23.8) sapatraṃvācayāmāsasuṃdarākṣaraśobhitam ayodhyādhipatiścāsīdrājādaśarathobalī ### [5.23.9](https://indike.org/pramana/in.purana.padma.5.23.9) tasyātmajorāmabhadraḥsarvaśūraśiromaṇiḥ nānyostitatsamaḥpṛthvyāṃdhanurdharaṇavikramaḥ ### [5.23.10](https://indike.org/pramana/in.purana.padma.5.23.10) tenāsaumocitovājīcaṃdanādikacarcitaḥ taṃpālayatidharmātmāśatrughnaḥparavīrahā ### [5.23.11](https://indike.org/pramana/in.purana.padma.5.23.11) yecaśūrāvayaṃvīrādhanurhastāimevayam tegṛhṇaṃtubalādvāhaṃratnamālāvibhūṣitam ### [5.23.12](https://indike.org/pramana/in.purana.padma.5.23.12) taṃcamokṣyatiśatrughnaḥsarvavīraśiromaṇiḥ anyathāpādayostasyapraṇatiṃyāṃtudhanvinaḥ ### [5.23.13](https://indike.org/pramana/in.purana.padma.5.23.13) ityabhiprāyamālokyajagādanṛpanaṃdanaḥ rāmaevadhanurdhārīnavayaṃkṣattriyāḥsmṛtāḥ ### [5.23.14](https://indike.org/pramana/in.purana.padma.5.23.14) tāteme'vasthitepṛthvyāṃko'yagarvomahānbhuvi prāpnotugarvasyaphalaṃmamanirmuktasāyakaiḥ ### [5.23.15](https://indike.org/pramana/in.purana.padma.5.23.15) adyameniśitābāṇāḥśatrughnaṃkiṃśukaṃyathā puṣpitaṃvidadhatvaddhākṣatāvṛtaśarīrakam ### [5.23.16](https://indike.org/pramana/in.purana.padma.5.23.16) dārayaṃtukapolāṃścasāyakāmamadaṃtinām aśvānpaśyaṃtuśataśorudhiraughapariplutān ### [5.23.17](https://indike.org/pramana/in.purana.padma.5.23.17) pibaṃtuyoginīsaṃghārudhirāṇinṛmastakaiḥ śivābhavaṃtusaṃtuṣṭāmadvairikravyabhakṣaṇaiḥ ### [5.23.18](https://indike.org/pramana/in.purana.padma.5.23.18) paśyaṃtusubhaṭāstasyamamabāhubalaṃmahat kodaṃḍadaṃḍanirmuktāḥśarakoṭīrvimuṃcataḥ ### [5.23.19](https://indike.org/pramana/in.purana.padma.5.23.19) itthamuktvāmahīpasyatanujodamanābhidhaḥ svapuraṃpreṣayitvātaṃprahṛṣṭo'bhavadudbhaṭaḥ ### [5.23.20](https://indike.org/pramana/in.purana.padma.5.23.20) senāpatimuvācedaṃsajjīkurumahāmate senāṃparimitāṃmahyaṃvairivṛṃdanivāraṇe ### [5.23.21](https://indike.org/pramana/in.purana.padma.5.23.21) sajjāṃsenāṃvidhāyāśusaṃmukhoraṇamaṃḍale sthitavānyāvadatyugrastāvatprāptāhayānugāḥ ### [5.23.22](https://indike.org/pramana/in.purana.padma.5.23.22) kvāsauhayomahārājñobhālapatreṇacihnitaḥ papracchustetucānyonyamativyākulitāmuhuḥ ### [5.23.23](https://indike.org/pramana/in.purana.padma.5.23.23) tāvaddadarśapurataḥpratāpāgryaḥparaṃtapaḥ sajjībhūtaṃtukaṭakaṃvīraśabdanināditam ### [5.23.24](https://indike.org/pramana/in.purana.padma.5.23.24) tatrāvadañjanāḥkecinnīto'śvo'nenabhūpate anyathāsaṃmukhastiṣṭhetkathaṃvīrobalānugaḥ ### [5.23.25](https://indike.org/pramana/in.purana.padma.5.23.25) ityākarṇyapratāpāgryaḥpreṣayāmāsasevakam sagatvātatrapapracchakutrāśvorāmabhūpateḥ ### [5.23.26](https://indike.org/pramana/in.purana.padma.5.23.26) kenanītaḥkutonītorāmaṃjānātinokudhīḥ yaṃśakrapramukhādevābalimādāyasannatāḥ ### [5.23.27](https://indike.org/pramana/in.purana.padma.5.23.27) tasyavaidharmarājasyakupitaṃtubalaṃmahat sarvathāhigrasiṣyetapraṇatiṃcennayāsyati ### [5.23.28](https://indike.org/pramana/in.purana.padma.5.23.28) itthamuktaṃsamākarṇyatadārājasutobalī taṃvaidhikkārayāmāsavāgjālenasudurmanāḥ ### [5.23.29](https://indike.org/pramana/in.purana.padma.5.23.29) mayānītoyajñahayaḥpatracihnādyalaṃkṛtaḥ yeśūrāstetumāṃjitvāmocayaṃtubalādiha ### [5.23.30](https://indike.org/pramana/in.purana.padma.5.23.30) sevakastadvacaḥśrutvāroṣapūrṇohasanyayau rājñenivedayāmāsayathāvadupavarṇitam ### [5.23.31](https://indike.org/pramana/in.purana.padma.5.23.31) tacchrutvāroṣatāmrākṣaḥpratāpāgryomahābalaḥ yayauyoddhuṃrājaputraṃmahāvīrapuraskṛtam ### [5.23.32](https://indike.org/pramana/in.purana.padma.5.23.32) rathenakanakāṃgenacaturvājisuśobhinā sukūbareṇasarvāstrapūritenayayaubalī ### [5.23.33](https://indike.org/pramana/in.purana.padma.5.23.33) dhanuṣṭaṃkārayāmāsamahābalasamanvitaḥ punaḥpunarjahāsoccaiḥkopādudgamitāśrukaḥ ### [5.23.34](https://indike.org/pramana/in.purana.padma.5.23.34) aśvavāhāgajārūḍhāḥkhaḍgollasitapāṇayaḥ anvayustepratāpāgryaṃroṣapūrṇākulekṣaṇam ### [5.23.35](https://indike.org/pramana/in.purana.padma.5.23.35) hastinaḥpattayaścaivakoṭiśaḥpradhanodyatāḥ cirakālamabhīpsaṃtoraṇaṃvīreṇakāritam ### [5.23.36](https://indike.org/pramana/in.purana.padma.5.23.36) tadodyataṃsamājñāyaripusainyaṃnṛpātmajaḥ pratyujjagāmavīrāgryomahābalaparīvṛtaḥ ### [5.23.37](https://indike.org/pramana/in.purana.padma.5.23.37) sannaddhaḥkavacīkhaḍgīśarāsanadharoyuvā līlayaivayayauyoddhuṃmṛgarāḍgajatāmiva ### [5.23.38](https://indike.org/pramana/in.purana.padma.5.23.38) tadāyodhāḥprakupitāḥparasparavadhaiṣiṇaḥ chiṃdhibhiṃdhītibhāṣaṃtoraṇakāryaviśāradāḥ ### [5.23.39](https://indike.org/pramana/in.purana.padma.5.23.39) pattayaḥpattisaṃghenagajārūḍhāścasādibhiḥ rathārūḍhārathasthaiścavāhārūḍhāśvasaṃsthitaiḥ ### [5.23.40](https://indike.org/pramana/in.purana.padma.5.23.40) gajābhinnādvidhājātāhayāścadvidalīkṛtāḥ anekanaramastiṣkairmedinīpūritāhyabhūt ### [5.23.41](https://indike.org/pramana/in.purana.padma.5.23.41) tadāprakupitorājāpratāpāgryomahābalaḥ svasainyakadanodyuktaṃrājaputraṃsamīkṣyaca ### [5.23.42](https://indike.org/pramana/in.purana.padma.5.23.42) uvācasārathiṃtatraprāpayāśvānyatomama sainyasyakadanāsaktorājaputromahārathaḥ ### [5.23.43](https://indike.org/pramana/in.purana.padma.5.23.43) athavīraśiroratnanamitāṃghrirnṛpātmajaḥ yayausaṃmukhamevāsyapratāpāgryasyavīryavān ### [5.23.44](https://indike.org/pramana/in.purana.padma.5.23.44) sārathiḥprāpayāmāsapratāpāgryasyavājinaḥ yatrāsaudamanovīraḥsarvaśūraśiromaṇiḥ ### [5.23.45](https://indike.org/pramana/in.purana.padma.5.23.45) gatvātamāhvayāmāsarājaputraṃraṇodyatam rathepuraṭanirṇiktetiṣṭhankodaṃḍadaṃḍabhṛt ### [5.23.46](https://indike.org/pramana/in.purana.padma.5.23.46) rerājaputrakaśiśotvayābaddho'śvasattamaḥ najñātosimahārājaḥsarvavīreṃdrasevitaḥ ### [5.23.47](https://indike.org/pramana/in.purana.padma.5.23.47) yasyapratāpaṃdaityeṃdronaśaktaḥsoḍhumadbhutam tasyatvaṃvājinaṃnītvāgato'sipuṭabhedanam ### [5.23.48](https://indike.org/pramana/in.purana.padma.5.23.48) māṃjānīhipuraḥprāptaṃkālarūpaṃtuvairiṇam muṃcāśvamarbhagacchāśubālakrīḍanakaṃkuru ### [5.23.49](https://indike.org/pramana/in.purana.padma.5.23.49) kasyātmajastvaṃkutratyaḥkathaṃno'dīrghadarśinā dhṛto'śvastvathasaṃjātāghṛṇāmamaśiśotvayi ### [5.23.50](https://indike.org/pramana/in.purana.padma.5.23.50) itthamākarṇyadamanaḥsmitaṃcakremahāmanāḥ uvācacapratāpāgryaṃtṛṇīkurvaṃścatadbalam ### [5.23.51](https://indike.org/pramana/in.purana.padma.5.23.51) damanauvāca mayābaddhobalādaśvonītaḥsvapuṭabhedanam nārpayiṣye'dyasaprāṇaḥkuruyuddhaṃmahābala ### [5.23.52](https://indike.org/pramana/in.purana.padma.5.23.52) tvayāyaduktaṃbālastvaṃgatvākrīḍanakaṃkuru tanmepaśyamahārājakrīḍanaṃraṇamūrdhani ### [5.23.53](https://indike.org/pramana/in.purana.padma.5.23.53) śeṣauvāca ityuktvāsaguṇaṃcāpaṃvidhāyasubhujāṃgajaḥ śarāṇāṃśatamādhattapratāpāgryasyavakṣasi ### [5.23.54](https://indike.org/pramana/in.purana.padma.5.23.54) saṃdhāyabāṇaśatakaṃśaṃkhaṃdadhmaupratāpavān tenaśaṃkhaninādenakātarāṇāṃbhayaṃhyabhūt ### [5.23.55](https://indike.org/pramana/in.purana.padma.5.23.55) tāḍayāmāsahṛdayebāṇānāṃśatakenasaḥ pratāpāgryaḥpracicchedalaghuhastaḥsuparvaṇaḥ ### [5.23.56](https://indike.org/pramana/in.purana.padma.5.23.56) sabāṇacchedanaṃdṛṣṭvākupitovyasṛjaccharān kaṃkapakṣānvitāṃstīkṣṇabhallānrājātmajobalī ### [5.23.57](https://indike.org/pramana/in.purana.padma.5.23.57) ākāśebhuvimadhyecabāṇādadṛśire'ñcitāḥ svanāmacihnitāstīkṣṇadhārāpātasuśobhitāḥ ### [5.23.58](https://indike.org/pramana/in.purana.padma.5.23.58) śarāstadbāhuhṛdayelagnāvahnikaṇānbahūn sṛjaṃtaḥkurvatesainyadāhanaṃtadabhūnmahat ### [5.23.59](https://indike.org/pramana/in.purana.padma.5.23.59) pratāpāgryaḥprakupitastiṣṭhatiṣṭheticabruvan śareṇadaśasaṃkhyenatāḍayāmāsamūrdhani ### [5.23.60](https://indike.org/pramana/in.purana.padma.5.23.60) tebāṇārājaputrasyalalāṭepariniṣṭhitāḥ virājaṃtesmacamunedaśaśākhāstaroriva ### [5.23.61](https://indike.org/pramana/in.purana.padma.5.23.61) tenabāṇaprahāreṇavivyathenamahāmanāḥ yaṣṭikāprahatoyadvatkuṃjaraḥsaptavarṣakaḥ ### [5.23.62](https://indike.org/pramana/in.purana.padma.5.23.62) bāṇāndhanuṣisaṃdhāyamumocatriśatāñchubhān suvarṇapuṃkharacitānmahākālānalopamān ### [5.23.63](https://indike.org/pramana/in.purana.padma.5.23.63) tebāṇāstupratāpāgryavakṣobhittvāgatāhyadhaḥ śoṇitāktāyathārāmacaṃdrabhaktiparāṅmukhāḥ ### [5.23.64](https://indike.org/pramana/in.purana.padma.5.23.64) pratāpāgryaḥprakupitaḥśarānmuṃcansahasraśaḥ akarodvirathaṃsūnuṃsubāhostatkṣaṇāddrutam ### [5.23.65](https://indike.org/pramana/in.purana.padma.5.23.65) caturbhiścaturovāhāndvābhyāṃdhvajamaśātayat ekenasāratheḥkāyācchiromahyāmapātayat ### [5.23.66](https://indike.org/pramana/in.purana.padma.5.23.66) caturbhistāḍayāmāsataṃsūnuṃnṛpateḥpunaḥ tatkṣaṇāccāpamekenaguṇayuktaṃtucicchide ### [5.23.67](https://indike.org/pramana/in.purana.padma.5.23.67) so'nyarathaṃsamāruhyahayaratnasuśobhitam dhanuḥkaresamādāyasajyaṃcakremahāmanāḥ ### [5.23.68](https://indike.org/pramana/in.purana.padma.5.23.68) pratyuvācapratāpāgryaṃtvayāvikrāṃtamadbhutam paśyedānīṃparākrāṃtiṃdhanuṣomamasadbhaṭa ### [5.23.69](https://indike.org/pramana/in.purana.padma.5.23.69) evamuktvātudamanobāṇāndaśasamādade caturbhiścaturovāhānnināyayamasādanam ### [5.23.70](https://indike.org/pramana/in.purana.padma.5.23.70) caturbhistilaśaḥkṛttorathaścakrasamanvitaḥ ekenahṛdivivyādhabāṇenaikenasārathim ### [5.23.71](https://indike.org/pramana/in.purana.padma.5.23.71) jagarjaśaṃkhamāpūryaśaṃkhaśabdasamanvitaḥ tatkarmapūjayāmāsasādhuvīramahābala ### [5.23.72](https://indike.org/pramana/in.purana.padma.5.23.72) itivikrāṃtamālokyapratāpāgryoruṣānvitaḥ anyaṃrathaṃsamāsthāyayayauyoddhuṃnṛpātmajam ### [5.23.73](https://indike.org/pramana/in.purana.padma.5.23.73) uvācavīrapaśyatvaṃmamavikrāṃtamadbhutam ityuktvāśumumocaughāñcharāṇāṃśitaparvaṇām ### [5.23.74](https://indike.org/pramana/in.purana.padma.5.23.74) śarāḥsarvatradṛśyaṃtekuṃjareṣuhayeṣuca parabrahmevasarvatravyāptāścāṃtaragocarāḥ ### [5.23.74.p1](https://indike.org/pramana/in.purana.padma.5.23.74.p1) taṃrājaputraṃśitabāṇakoṭibhi - rvyāptaṃvidhāyāśujagarjavikramī ### [5.23.75](https://indike.org/pramana/in.purana.padma.5.23.75) saṃharṣayansvīyagaṇānparānmahān kurvanhṛdāśūnyatamāngatāsukān ### [5.23.75.p1](https://indike.org/pramana/in.purana.padma.5.23.75.p1) sarājaputraḥśitasāyakavrajaiḥ saṃpūrṇamātmānamavekṣyaroṣitaḥ ### [5.23.76](https://indike.org/pramana/in.purana.padma.5.23.76) jagrāhaśastrāṇiduraṃtavikramo dhanuścadhunvanbhujadaṃḍayormahān ### [5.23.77](https://indike.org/pramana/in.purana.padma.5.23.77) cakartasarvāṇyastrāṇiśastrāṇicamahābalaḥ roṣatāmrekṣaṇomuṃcañcharānvairividāriṇaḥ ### [5.23.78](https://indike.org/pramana/in.purana.padma.5.23.78) tacchastrajālaṃnirdhūyarājaputrojagādatam kṣamasvaikaṃprahāraṃmeyadiśūrosimāriṣa ### [5.23.79](https://indike.org/pramana/in.purana.padma.5.23.79) yadyanenabhavaṃtaṃvairathāccetpātayāmina pratijñāṃśṛṇumevīramamagarveṇanirmitām ### [5.23.80](https://indike.org/pramana/in.purana.padma.5.23.80) vedaṃniṃdaṃtiyemattāhetuvādavicakṣaṇāḥ teṣāṃpāpaṃmamaivāstunarakārṇavamajjakam ### [5.23.81](https://indike.org/pramana/in.purana.padma.5.23.81) ityuktvābāṇamāsādyakodaṃḍekālasannibham jvālāmālākulaṃtīkṣṇaṃniṣaṃgāduddhṛtaṃvaram ### [5.23.82](https://indike.org/pramana/in.purana.padma.5.23.82) samuktonṛpavaryeṇahṛdilakṣyīkṛtaḥśaraḥ jagāmatarasātaṃvaikālānalasamaprabhaḥ ### [5.23.83](https://indike.org/pramana/in.purana.padma.5.23.83) pratāpāgryaḥśaraṃdṛṣṭvāsvapātanasamudyatam bāṇāndhanuṣyathādhattaśaracchedāyavaiśitān ### [5.23.84](https://indike.org/pramana/in.purana.padma.5.23.84) sabāṇaḥsarvabāṇāṃstāṃśchiṃdanmadhyataevahi jagāmavaipratāpāgryahṛdayaṃdhairyasaṃyutam ### [5.23.85](https://indike.org/pramana/in.purana.padma.5.23.85) saṃlagnohṛdinālīkaḥpraviveśatadaṃtaram rājākṛtaprahārastupapātadharaṇītale ### [5.23.86](https://indike.org/pramana/in.purana.padma.5.23.86) mūrcchitaṃcetanāhīnaṃrathopasthādgataṃbhuvi sārathistaṃsamādāyāpovāharaṇamaṃḍalāt ### [5.23.87](https://indike.org/pramana/in.purana.padma.5.23.87) hāhākāromahānāsīdbalaṃbhagnaṃgataṃtataḥ yatraśatrughnanāmāsauvīrakoṭiparīvṛtaḥ ### [5.23.88](https://indike.org/pramana/in.purana.padma.5.23.88) rājātmajojayaṃprāpyapratāpāgryaṃvijityasaḥ pratīkṣāṃtucakārāsyaśatrughnasyacabhūpateḥ ### [5.23.88.p1](https://indike.org/pramana/in.purana.padma.5.23.88.p1) iti śrīpadmapurāṇepātālakhaṃḍeśeṣavātsyāyanasaṃvāderāmāśvamedhe rājaputrayuddhakathanaṃnāmatrayoviṃśo'dhyāyaḥ --- Source: [https://indike.org/pramana/in.purana.padma.5.23](https://indike.org/pramana/in.purana.padma.5.23) · Pramāṇa