Pramāṇa · Search · About · API

Padmapurana 5.40: catvāriṃśattamo'dhyāyaḥ

Padmapurāṇa 5.40

Language
Sanskrit

Contents

catvāriṃśattamo'dhyāyaḥ

5.40.1

śeṣauvāca
senācarāmahārājñomahābalasamanvitāḥ
samāgatāstaṃpaśyaṃtohayaṃrāmasyabhūpateḥ

5.40.2

kvāsāvaśvaḥkenanītaḥkathaṃvādṛśyatenasaḥ
kogaṃtāyamapuryāṃvaivāhaṃhṛtvāsumaṃdadhīḥ

5.40.3

vilokayaṃtastanmārgaṃyāvatsenācarāraghoḥ
tāvatprāptomahārājomahāsainyaparīvṛtaḥ

5.40.4

papracchasevakānsarvānkutrāśvomamasāṃpratam
nadṛśyatekathaṃvāhaḥsvarṇapatrasuśobhitaḥ

5.40.5

ititadvacanaṃśrutvāsevakāstehayānugāḥ
procurnāthamanovegovāhaḥkenāpikānane

5.40.6

hṛtonalakṣyatetasmādasmābhirmārgakovidaiḥ
tadatrayatnaḥkartavyohayaprāptiṃpratiprabho

5.40.7

teṣāṃvacanamākarṇyapapracchasumatiṃnṛpaḥ
śatrughnaḥśatrusaṃhārakārīmohanarūpadhṛk

5.40.8

śatrughnauvāca
ko'trarājānivasatikathaṃvāhasyasaṃgamaḥ
kiyadbalaṃbhūmipateryename'dyahṛtohayaḥ

5.40.9

sumatiruvāca
rājandevapuraṃhyetaddevenaivavinirmitam
kailāsamivadurgamyaṃvairisaṃghaiḥsusaṃhataiḥ

5.40.10

asminvīramaṇīrājāmahāśūraḥpratāpavān
rājyaṃkarotidharmeṇaśivenaparirakṣitaḥ

5.40.11

yo'saupralayakārīsaāstebhaktyāvaśīkṛtaḥ
caṃdracūḍaḥsvabhaktasyapakṣapātaṃsṛjansadā

5.40.12

tasmādatramahadyuddhaṃgṛhītaścedbhaviṣyati
yattāḥsaṃtaḥprakurvaṃturakṣaṇaṃkaṭakasyahi

5.40.13

evaṃśrutvāsaśatrughnaḥsarvabhūpaśiromaṇiḥ
sainyavyūhaṃracitvāsautiṣṭhatismamahāyaśāḥ

5.40.14

athataṃsukhamāsīnaṃmaṃtrayaṃtaṃsumaṃtriṇā
ājagāmasadevarṣiryuddhakautukasaṃyutaḥ

5.40.15

tamāgataṃmuniṃdṛṣṭvāśatrughnastapasāṃnidhim
abhyutthāyāsanesthāpyamadhuparkamathārpayat

5.40.16

svāgatenacasaṃtuṣṭaṃnāradaṃmunisattamam
uvācaprīṇayanvācāvākyavādaviśāradaḥ

5.40.17

śatrughnauvāca
madīyo'śvakutraviprakathayasvamahāmate
nalakṣyategatistasyasevakairmamakovidaiḥ

5.40.18

śaṃsataṃyenavānītaṃkṣattriyeṇacamāninā
kathamatrahayaprāptirbhaviṣyatitapodhana

5.40.19

itivākyaṃsamākarṇyaśatrughnasyasanāradaḥ
uvācavīṇāṃraṇayangāyanrāmakathāṃmuhuḥ

5.40.20

nāradauvāca
etaddevapuraṃrājanbhūpovīramaṇirmahān
tatputreṇavanasthenagṛhītastavavājirāṭ

5.40.21

tatrayuddhaṃmahatte'dyabhaviṣyatisudāruṇam
atravīrāḥpatiṣyaṃtibalaśauryasamanvitāḥ

5.40.22

tasmādatramahāyatnātsthātavyaṃtemahābala
racayavyūharacanāṃdurgamāṃparasainikaiḥ

5.40.23

jayastebhavitārājankṛcchreṇāsmānnṛpottamāt
rāmaṃkonuparājīyādbhuvanesakalehyapi

5.40.24

ityuktvāṃtardadhevipronabhasisthitavāṃstataḥ
yuddhaṃsudāruṇaṃdrakṣyandevadānavayoriva

5.40.25

śeṣauvāca
atharājāvīramaṇiḥsarvaśūraśiromaṇiḥ
paṭahaṃghoṣituṃsvīyepuramadhyemahāravam

5.40.26

āhvayāmāsasenānyaṃripuvīraṃmahonnatam
kathayāmāsacakṣipraṃmeghagaṃbhīrayāgirā

5.40.27

vīramaṇiruvāca
senānīḥpaṭahasyājñāṃdehimeśobhanepure
tacchrutvāmesusannaddhāḥśatrughnaṃpratiyāṃtute

5.40.28

itivākyaṃsamākarṇyarājñovīramaṇestadā
kārayāmāsapaṭahaṃmahāravanināditam

5.40.29

gehegehecarathyāyāṃśrūyatepaṭahadhvaniḥ
śatrughnaṃyāṃtuyesarvevīrārājapuresthitāḥ

5.40.30

yevairājñaḥsamullaṃdhyaśāsanaṃvīramāninaḥ
putrāvābhrātarovāpitevadhyāḥsyurnṛpājñayā

5.40.31

śṛṇvaṃtuvīrāḥpunarapyāhatepaṭaheravam
śrutvāvidhīyatāmāśukartavyaṃmāvilaṃbitam

5.40.31.p1

śeṣauvāca

5.40.31.p2

itipaṭaharavaṃsvakarṇagocaraṃ

5.40.31.p3

naravaravīravarāyayurnṛpottamam

5.40.32

kanakakavacabhūṣitasvadehāḥ
samaramahotsavahṛṣṭacittakośāḥ

5.40.33

kecidyayuḥśirastrāṇaṃdhṛtvāśirasiśobhanam
kavacenasuśobhāḍhyāḥśatakoṭisuśobhitāḥ

5.40.34

rathenahayayugmenamaṇikāṃcanaśobhinā
yayusterājasaṃdeśānnṛvarālayamunmadāḥ

5.40.35

kecinmataṃgajairmattaiḥkecidvāhaiḥsuśobhanaiḥ
yayurnapagṛhaṃsarverājasaṃdeśakārakāḥ

5.40.36

viviktasvarṇakavacaśirastrāṇasuśobhitaḥ
rukmāṃgado'picanijerathetiṣṭhanmanojave

5.40.37

śubhāṃgado'nujastasyamahāratnamayaṃdadhat
kavacaṃvapuṣiśreṣṭhaṃnijaṃprāyādraṇotsave

5.40.38

rājabhrātāvīrasiṃhaḥsarvaśastrāstrakovidaḥ
yayaunṛpājñayātatraśāsanaṃbhūmipasyahi

5.40.39

jāmeyastasyarājño'pibalamitraitismṛtaḥ
sannaddhaḥkavacīkhaḍgījagāmanṛpamaṃdiram

5.40.40

senānīripuvāro'pisenāṃtāṃcaturaṃgiṇīm
sajjāṃvidhāyabhūpāyanyavedayadathomahān

5.40.41

atharājāvīramaṇiḥsarvaśastrāstrapūritam
maṇisṛṣṭoccacakroccamārohatsyaṃdanottamam

5.40.42

tatovīrārṇaveśaṃkhaninādaścasamaṃtataḥ
śrūyatekātarānvīrānprerayannivasaṃgare

5.40.43

bheryaḥsamaṃtatojaghnuḥśubhavādakavāditāḥ
anīkānyatratasyāsansaṃgrāmāyapratasthuṣaḥ

5.40.44

sarvekṛtasvastyayanāḥsarvābharaṇabhūṣitāḥ
sarvaśastrāstrasaṃpūrṇāyayuḥsamaramaṇḍalam

5.40.45

bherīśaṃkhaninādenapūritāścanagāguhāḥ
ākārituṃgataḥkiṃnutadravaḥsvargasaṃsthitān

5.40.46

tasminkolāhalevṛtterājāvīramaṇirmahān
raṇotsāhenasaṃyuktoyayaupradhanamaṃḍalam

5.40.47

āgatyasaṃsthitastāvadrathapattisamākulam
samudraivatatsthānātplāvituṃpuruṣānayāt

5.40.48

tadāgataṃbalaṃdṛṣṭvārathibhiḥśastrakovidaiḥ
kolāhalīkṛtaṃsarvamuvācasumatiṃnṛpaḥ

5.40.49

śatrughnauvāca
samāgatovīramaṇirmamavājidharobalī
yoddhuṃmāṃmahatābhūyaḥsainyenacaturaṃgiṇā

5.40.50

kathaṃyuddhaṃprakartavyaṃkeyotsyaṃtibalotkaṭāḥ
tānsarvāndiśamevīrānyathāsyājjayaīpsitaḥ

5.40.51

sumatiruvāca
svāminnasaumahārājomahāsainyaparīvṛtaḥ
samāgataḥsayuddhārthaṃśivabhaktisamanvitaḥ

5.40.52

sāṃprataṃyuddhyatāṃvīraḥpuṣkalaḥparamāstravit
anyepinīlaratnādyāyoddhāroyuddhakovidāḥ

5.40.53

śivenasahayoddhavyaṃrājñāvābhavatānagha
dvedvayuddhenajetavyomahābalaparākramaḥ

5.40.54

anenavidhinārājañjayaste'trabhaviṣyati
paścādyadrocatesvāmiṃstatkuruṣvamahāmate

5.40.55

śeṣauvāca
itivākyaṃsamākarṇyaśatrughnaḥparavīrahā
subhaṭānādideśāthayuddhāyakṛtaniścayaḥ

5.40.56

sarvaiḥsasainyairyuddhārthaṃrājabhiḥśastrakovidaiḥ
yathāsyānmejayaḥkṣipraṃyatitavyaṃtathāpunaḥ

5.40.57

jayārthaṃrāghavasyaivaśrutvāteraṇakovidāḥ
mahotsāhenasaṃyuktāyayuryoddhuṃtusainikaiḥ

5.40.57.p1

iti śrīpadmapurāṇepātālakhaṃḍeśeṣavātsyāyanasaṃvāderāmāśvamedhevīramaṇināsahayuddhaniścayonāmacatvāriṃśattamo'dhyāyaḥ

Linked texts (2)