Pramāṇa · Search · About · API

Padmapurana 5.69: ekonasaptatitamo'dhyāyaḥ

Padmapurāṇa 5.69

Language
Sanskrit

Contents

ekonasaptatitamo'dhyāyaḥ

5.69.1

ṛṣayaūcuḥ -
samyakchrutomahābhāgatvattorāmāśvamedhakaḥ
idānīṃvadamāhātmyaṃśrīkṛṣṇasyamahātmanaḥ

5.69.2

sūtauvācaśṛṇvaṃtumuniśārdūlāḥśrīkṛṣṇacaritāmṛtam
śivāpapracchabhūteśaṃyattadvaḥkīrtayāmyaham

5.69.3

ekadāpārvatīdevīśivaṃsaṃsnigdhamānasā
praṇayenanamaskṛtyaprovācavacanaṃtvidam

5.69.4

pārvatyuvācaanaṃtakoṭibrahmāṃḍatadbāhyābhyaṃtarasthiteḥ
viṣṇoḥsthānaṃparaṃteṣāṃpradhānaṃvaramuttamam

5.69.5

yatparaṃnāstikṛṣṇasyapriyaṃsthānaṃmanoramam
tatsarvaṃśrotumicchāmikathayasvamahāprabho

5.69.6

īśvarauvācaguhyādguhyataraṃguhyaṃparamānaṃdakārakam
atyadbhutaṃrahaḥsthānamānaṃdaṃparamaṃparam

5.69.7

durlabhānāṃcaparamaṃdurlabhaṃmohanaṃparam
sarvaśaktimayaṃdevisarvasthāneṣugopitam

5.69.8

sātvatāṃsthānamūrddhanyaṃviṣṇoratyaṃtadurlabham
nityaṃvṛṃdāvanaṃnāmabrahmāṃḍoparisaṃsthitam

5.69.9

pūrṇabrahmasukhaiśvaryaṃnityamānaṃdamavyayam
vaikuṃṭhāditadaṃśāṃśaṃsvayaṃvṛṃdāvanaṃbhuvi

5.69.10

golokaiśvaryaṃyatkiṃcidgokuletatpratiṣṭhitam
vaikuṃṭhavaibhavaṃyadvaidvārikāyāṃpratiṣṭhitam

5.69.11

yadbrahmaparamaiśvaryaṃnityaṃvṛṃdāvanāśrayam
kṛṣṇadhāmaparaṃteṣāṃvanamadhyeviśeṣataḥ

5.69.12

tasmāttrailokyamadhyetupṛthvīdhanyetiviśrutā
yasmānmāthurakaṃnāmaviṣṇorekāṃtavallabham

5.69.13

svasthānamadhikaṃnāmadheyaṃmāthuramaṃḍalam
nigūḍhaṃvividhaṃsthānaṃpuryabhyaṃtarasaṃsthitam

5.69.14

sahasrapatrakamalākāraṃmāthuramaṃḍalam
viṣṇucakraparibhrāmāddhāmavaiṣṇavamadbhutam

5.69.15

karṇikāparṇavistāraṃrahasyadrumamīritam
pradhānaṃdvādaśāraṇyaṃmāhātmyaṃkathitaṃkramāt

5.69.16

bhadraśrīlohabhāṃḍīramahātālakhadīrakāḥ
bakulaṃkumudaṃkāmyaṃmadhuvṛṃdāvanaṃtathā

5.69.17

dvādaśaitāvatīsaṃkhyākālidyāḥsaptapaścime
pūrvepaṃcavanaṃproktaṃtatrāstiguhyamuttamam

5.69.18

mahāraṇyaṃgokulākhyaṃmadhuvṛṃdāvanaṃtathā
anyaccopavanaṃproktaṃkṛṣṇakrīḍārasasthalam

5.69.19

kadaṃbakhaṃḍanaṃnaṃdavanaṃnaṃdīśvaraṃtathā
naṃdanaṃdanakhaṃḍaṃcapalāśāśokaketakī

5.69.20

sugaṃdhamānasaṃkailamamṛtaṃbhojanasthalam
sukhaprasādhanaṃvatsaharaṇaṃśeṣaśāyikam

5.69.21

śyāmapūrvodadhigrāmaścakrabhānupuraṃtathā
saṃketaṃdvipadaṃcaivabālakrīḍanadhūsaram

5.69.22

kāmadrumaṃsulalitamutsukaṃcāpikānanam
nānāvidharasakrīḍānānālīlārasasthalam

5.69.23

nāgavistāraviṣṭaṃbhaṃrahasyadrumamīritam
sahasrapatrakamalaṃgokulākhyaṃmahatpadam

5.69.24

karṇikātanmahaddhāmagoviṃdasthānamuttamam
tatroparisvarṇapīṭhemaṇimaṃḍapamaṃḍitam

5.69.25

karṇikāyāṃkramāddikṣuvidikṣudalamīritam
yaddalaṃdakṣiṇeproktaṃparaṃguhyottamottamam

5.69.26

tasmindalemahāpīṭhaṃnigamāgamadurgamam
yogīṃdrairapiduṣprāpaṃsarvātmāyaccagokulam

5.69.27

dvitīyaṃdalamāgneyyāṃtadrahasyadalaṃtathā
saṃketaṃdvipadaṃcaivakuṭīdvautatkulesthitau

5.69.28

pūrvaṃdalaṃtṛtīyaṃcapradhānasthānamuttamam
gaṃgādisarvatīrthānāṃsparśācchataguṇaṃsmṛtam

5.69.29

caturthaṃdalamaiśānyāṃsiddhapīṭhe'pitatpadam
vyāyāmanūtanāgopītatrakṛṣṇaṃpatiṃlabhet

5.69.30

vastrālaṃkāraharaṇaṃtaddalesamudāhṛtam
uttarepaṃcamaṃproktaṃdalaṃsarvadalottamam

5.69.31

dvādaśādityamatraivadalaṃcakarṇikāsamam
vāyavyāṃtudalaṃṣaṣṭhaṃtatrakālīhradaḥsmṛtaḥ

5.69.32

dalottamottamaṃcaivapradhānaṃsthānamucyate
sarvottamadalaṃcaivapaścimesaptamaṃsmṛtam

5.69.33

yajñapatnīgaṇānāṃcatadīpsitavarapradam
atrāsuro'pinirvāṇaṃprāpatridaśadurlabham

5.69.34

brahmamohanamatraivadalaṃbrahmahradāvaham
nairṛtyāṃtudalaṃproktamaṣṭamaṃvyomaghātanam

5.69.35

śaṃkhacūḍavadhastatranānākelirasasthalam
śrutamaṣṭadalaṃproktaṃvṛṃdāraṇyāṃtarasthitam

5.69.36

śrīmadvṛṃdāvanaṃramyaṃyamunāyāḥpradakṣiṇam
śivaligamadhiṣṭhānaṃdṛṣṭaṃgopīśvarābhidham

5.69.37

tadbāhyeṣoḍaśadalaṃśriyāpūrṇaṃtamīśvaram
sarvāsudikṣuyatproktaṃprādakṣiṇyādyathākramam

5.69.38

mahatpadaṃmahaddhāmasvadhāmādhāvasaṃjñakam
prathamaikadalaṃśreṣṭhaṃmāhātmyaṃkarṇikāsamam

5.69.39

tatragovarddhanagirauramyenityarasāśraye
karṇikāyāṃmahālīlātallīlārasagahvarau

5.69.40

yatrakṛṣṇonityavṛṃdākānanasyapatirbhavet
kṛṣṇogoviṃdatāṃprāptaḥkimanyairbahubhāṣitaiḥ

5.69.41

dalaṃtṛtīyamākhyātaṃsarvaśreṣṭhottamottamam
caturthaṃdalamākhyātaṃmahādbhutarasasthalam

5.69.42

naṃdīśvaravanaṃramyaṃtatranaṃdālayaḥsmṛtaḥ
karṇikādalamāhātmyaṃpaṃcamaṃdalamucyate

5.69.43

adhiṣṭhātā'tragopālodhenupālanatatparaḥ
ṣaṣṭhaṃdalaṃyadākhyātaṃtatranaṃdavanaṃsmṛtam

5.69.44

saptamaṃbakulāraṇyaṃdalaṃramyaṃprakīrtitam
tatrāṣṭamaṃtālavanaṃtatradhenuvadhaḥsmṛtaḥ

5.69.45

navamaṃkumudāraṇyaṃdalaṃramyaṃprakīrtitam
kāmāraṇyaṃcadaśamraṃpadhānaṃsarvakāraṇam

5.69.46

brahmaprasādhanaṃtatraviṣṇucchadmapradarśanam
kṛṣṇakrīḍārasasthānaṃpradhānaṃdalamucyate

5.69.47

dalamekādaśaṃproktaṃbhaktānugrahakāraṇam
nirmāṇaṃsetubaṃdhasyanānāvanamayasthalam

5.69.48

bhāṃḍīraṃdvādaśadalaṃvanaṃramyaṃmanoharam
kṛṣṇaḥkrīḍāratastatraśrīdāmādibhirāvṛtaḥ

5.69.49

trayodaśaṃdalaṃśreṣṭhaṃtatrabhadravaraṃsmṛtam
caturdaśadalaṃproktaṃsarvasiddhipradasthalam

5.69.50

śrīvanaṃtatraruciraṃsarvaiśvaryasyakāraṇam
kṛṣṇakrīḍādalamayaṃśrīkāṃtikīrtivarddhanam

5.69.51

dalaṃpaṃcadaśaṃśreṣṭhaṃtatralohavanaṃsmṛtam
kathitaṃṣoḍaśadalaṃmāhātmyaṃkarṇikāsamam

5.69.52

mahāvanaṃtatragītaṃtatrāstiguhyamuttamam
bālakrīḍāratastatravatsapālaiḥsamāvṛtaḥ

5.69.53

pūtanādivadhastatrayamalārjunabhaṃjanam
adhiṣṭhātātatrabālagopālaḥpaṃcamābdikaḥ

5.69.54

nāmnādāmodaraḥproktaḥpremānaṃdarasārṇavaḥ
dalaṃprasiddhamākhyātaṃsarvaśreṣṭhadalottamam

5.69.55

kṛṣṇakrīḍācakiṃjalkīvihāradalamucyate
siddhapradhānakiṃjalkadalaṃcasamudāhṛtam

5.69.56

pārvatyuvācavṛṃdāraṇyasyamāhātmyaṃrahasyaṃvākimadbhutam
tadahaṃśrotumicchāmikathayasvamahāprabho

5.69.57

īśvarauvācakathitaṃtepriyatameguhyādguhyottamottamam
rahasyānāṃrahasyaṃyaddurlabhānāṃcadurlabham

5.69.58

trailokyagopitaṃdevideveśvarasupūjitam
brahmādivāṃchitaṃsthānaṃsurasiddhādisevitam

5.69.59

yogīṃdrāhisadābhaktyātasyadhyānaikatatparāḥ
apsarobhiścagaṃdharvairnṛtyagītaniraṃtaram

5.69.60

śrīmadvṛṃdāvanaṃramyaṃpūrṇānaṃdarasāśrayam
bhūriciṃtāmaṇistoyamamṛtaṃrasapūritam

5.69.61

vṛkṣaṃgurudrumaṃtatrasurabhīvṛṃdasevitam
strīṃlakṣmīṃpuruṣaṃviṣṇuṃtaddaśāṃśasamudbhavam

5.69.62

tatrakaiśoravayasaṃnityamānaṃdavigraham
gatināṭyaṃkalālāpasmitavaktraṃniraṃtaram

5.69.63

śuddhasatvaiḥpremapūrṇairvaiṣṇavaistadvanāśritam
pūrṇabrahmasukhemagnaṃsphurattanmūrtitanmayam

5.69.64

mattakokilabhṛṃgādyaiḥkūjatkalamanoharam
kapolaśukasaṃgītamunmattālisahasrakam

5.69.65

bhujaṃgaśatrunṛtyāḍhyaṃsakalāmodavibhramam
nānāvarṇaiścakusumaistadreṇuparipūritam

5.69.66

pūrṇeṃdunityābhyudayaṃsūryamaṃdāṃśusevitam
aduḥkhaṃduḥkhavicchedaṃjarāmaraṇavarjitam

5.69.67

akrodhaṃgatamātsaryamabhinnamanahaṃkṛtam
pūrṇānaṃdāmṛtarasaṃpūrṇapremasukhārṇavam

5.69.68

guṇātītaṃmahaddhāmapūrṇapremasvarūpakam
vṛkṣādipulakairyatrapremānaṃdāśruvarṣitam

5.69.69

kiṃpunaścetanāyuktairviṣṇubhaktaiḥkimucyate
goviṃdāṃghrirajaḥsparśānnityaṃvṛṃdāvanaṃbhuvi

5.69.70

sahasradalapadmasyavṛṃdāraṇyaṃvarāṭakam
yasyasparśanamātreṇapṛthvīdhanyājagattraye

5.69.71

guhyādguhyataraṃramyaṃmadhyevṛṃdāvanaṃbhuvi
akṣaraṃparamānaṃdaṃgoviṃdasthānamavyayam

5.69.72

goviṃdadehato'bhinnaṃpūrṇabrahmasukhāśrayam
muktistatrarajaḥsparśāttanmāhātmyaṃkimucyate

5.69.73

tasmātsarvātmanādevihṛdisthaṃtadvanaṃkuru
vṛṃdāvanavihāreṣukṛṣṇaṃkaiśoravigraham

5.69.74

kālidīcākarodyasyakarṇikāyāṃpradakṣiṇām
līlānirvāṇagaṃbhīraṃjalaṃsaurabhamohanam

5.69.75

ānaṃdāmṛtatanmiśramakaraṃdaghanālayam
padmotpalādyaiḥkusumairnānāvarṇasamujjavalam

5.69.76

cakravākādivihagairmaṃjunānākalasvanaiḥ
śobhamānaṃjalaṃramyaṃtaraṃgātimanoramam

5.69.77

tasyobhayataṭīramyāśuddhakāṃcananirmitā
gaṃgākoṭiguṇāproktāyatrasparśavarāṭakaḥ

5.69.78

karṇikāyāṃkoṭiguṇoyatrakrīḍāratohariḥ
kālidīkarṇikākṛṣṇamabhinnamekavigraham

5.69.79

pārvatyuvāca
goviṃdasyakimāścaryaṃsauṃdaryākṛtavigraha
tadahaṃśrotumicchāmikathayasvadayānidhe

5.69.80

īśvarauvāca
madhyevṛṃdāvaneramyemaṃjumaṃjīraśobhite
yojanāśritasadvṛkṣaśākhāpallavamaṃḍite

5.69.81

tanmadhyemaṃjubhavaneyogapīṭhaṃsamujjavalam
tadaṣṭakoṇanirmāṇaṃnānādīptimanoharam

5.69.82

tasyoparicamāṇikyaratnasiṃhāsanaṃśubham
tasminnaṣṭadalaṃpadmaṃkarṇikāyāṃsukhāśrayam

5.69.83

goviṃdasyaparaṃsthānaṃkimasyamahimocyate
śrīmadgoviṃdamaṃtrasthaballavīvṛṃdasevitam

5.69.84

divyavrajavayorūpaṃkṛṣṇaṃvṛṃdāvaneśvaram
vrajeṃdraṃsaṃtataiśvaryaṃvrajabālaikavallabham

5.69.85

yauvanodbhinnakaiśoraṃvayasādbhutavigraham
anādimādiṃsarveṣāṃnaṃdagopapriyātmajam

5.69.86

śrutimṛgyamajaṃnityaṃgopījanamanoharam
paraṃdhāmaparaṃrūpaṃdvibhujaṃgokuleśvaram

5.69.87

ballavīnaṃdanaṃdhyāyennirguṇasyaikakāraṇam
suśrīmaṃtaṃnavaṃsvacchaṃśyāmadhāmamanoharam

5.69.88

navīnanīradaśreṇīsusnigdhaṃmaṃjukuṃḍalam
phulleṃdīvarasatkāṃtisukhasparśaṃsukhāvaham

5.69.89

dalitāṃjanapuṃjābhacikkaṇaṃśyāmamohanam
susnigdhanīlakuṭilāśeṣasaurabhakuṃtalam

5.69.90

tadūrdhvaṃdakṣiṇekāleśyāmacūḍāmanoharam
nānāvarṇojjvalaṃrājacchikhaṃḍidalamaṃḍitam

5.69.91

maṃdāramaṃjugopucchācūḍaṃcāruvibhūṣaṇam
kvacidbṛhaddalaśreṇīmukuṭenābhimaṃḍitam

5.69.92

anekamaṇimāṇikyakirīṭabhūṣaṇaṃkvacit
lolālakavṛtaṃrājatkoṭicaṃdrasamānanam

5.69.93

kastūrītilakaṃbhrājanmaṃjugorocanānvitam
nīleṃdīvarasusnigdhasudīrghadalalocanam

5.69.94

ānṛtyadbhrūlatāśleṣasmitaṃsācinirīkṣaṇam
sucārūnnatasauṃdaryanāsāgrātimanoharam

5.69.95

nāsāgragajamuktāṃśumugdhīkṛtajagattrayam
siṃdūrāruṇasusnigdhādharauṣṭhasumanoharam

5.69.96

nānāvarṇollasatsvarṇamakarākṛtikuṃḍalam
tadraśmipuṃjasadgaṃḍamukurābhalasaddyutim

5.69.97

karṇotpalasumaṃdāramakarottaṃsabhūṣitam
śrīvatsakaustubhoraskaṃmuktāhārasphuradgalam

5.69.98

vilasaddivyamāṇikyaṃmaṃjukāṃcanamiśritam
karekaṃkaṇakeyūraṃkiṃkiṇīkaṭiśobhitam

5.69.99

maṃjumaṃjīrasauṃdaryyaśrīmadaṃghrivirājitam
karpūrāgurukastūrīvilasaccaṃdanādikam

5.69.100

gorocanādisaṃmiśradivyāṃgarāgacitritam
snigdhapītapaṭīrājatprapadāṃdolitāṃjanam

5.69.101

gaṃbhīranābhikamalaṃromarājīnatasrajam
suvṛttajānuyugalaṃpādapadmamanoharam

5.69.102

dhvajavajrāṃkuśāṃbhojakarāṃghritalaśobhitam
nakheṃdukiraṇaśreṇīpūrṇabrahmaikakāraṇam

5.69.103

kecidvadaṃtitasyāṃśaṃbrahmacidrūpamadvayam
taddaśāṃśaṃmahāviṣṇuṃpravadaṃtimanīṣiṇaḥ

5.69.104

yogīṃdraiḥsanakādyaiścatadevahṛdiciṃtyate
tribhaṃgaṃlalitāśeṣanirmāṇasāranirmitam

5.69.105

tiryaggrīvajitānaṃtakoṭikaṃdarpasuṃdaram
vāmāṃsārpitasadgaṇḍasphuratkāṃcanakuṃḍalam

5.69.106

sahāpāṃgekṣaṇasmeraṃkoṭimanmathasuṃdaram
kuṃcitādharavinyastavaṃśīmaṃjukalasvanaiḥ

5.69.107

jagattrayaṃmohayaṃtaṃmagnaṃpremasudhārṇave
śrīpārvatyuvācaparamaṃkāraṇaṃkṛṣṇaṃgoviṃdākhyaṃmahatpadam

5.69.108

vṛṃdāvaneśvaraṃnityaṃnirguṇasyaikakāraṇam
tattadrahasyamāhātmyaṃkimāścaryaṃcasuṃdaram

5.69.109

tadbrūhidevadeveśaśrotumicchāmyahaṃprabho
īśvarauvācayadaṃghrinakhacaṃdrāṃśumahimāṃtonagamyate

5.69.110

tanmāhātmyaṃkiyaddeviprocyatetvaṃmudāśṛṇu
anaṃtakoṭibrahmāṃḍeanaṃtatriguṇocchraye

5.69.111

tatkalākoṭikoṭyaṃśābrahmaviṣṇumaheśvarāḥ
sṛṣṭisthityādināyuktāstiṣṭhaṃtitasyavaibhavāḥ

5.69.112

tadrūpakoṭikoṭyaṃśāḥkalāḥkaṃdarpavigrahāḥ
jaganmohaṃprakurvaṃtitadaṃḍāṃtarasaṃsthitāḥ

5.69.113

taddehavilasatkāṃtikoṭikoṭyaṃśakovibhuḥ
tatprakāśasyakoṭyaṃśaraśmayoravivigrahāḥ

5.69.114

tasyasvadehakiraṇaiḥparānaṃdarasāmṛtaiḥ
paramāmodacidrūpairnirguṇasyaikakāraṇaiḥ

5.69.115

tadaṃśakoṭikoṭyaṃśājīvaṃtikiraṇātmakāḥ
tadaṃghripaṃkajadvedvanakhacaṃdramaṇiprabhāḥ

5.69.116

āhuḥpūrṇabrahmaṇo'pikāraṇaṃvedadurgamam
tadaṃśasaurabhānaṃtakoṭyaṃśoviśvamohanaḥ

5.69.117

tatsparśapuṣpagaṃdhādinānāsaurabhasaṃbhavaḥ
tatpriyāprakṛtistvādyārādhikākṛṣṇavallabhā

5.69.118

tatkalākoṭikoṭyaṃśādurgādyāstriguṇātmikāḥ
tasyāaṃghrirajaḥsparśātkoṭiviṣṇuḥprajāyate

5.69.118.p1

iti śrīpadmapurāṇepātālakhaṃḍevṛṃdāvanamāhātmyekṛṣṇacaritre ekonasaptatitamo'dhyāyaḥ

Linked texts (5)