Pramāṇa · Search · About · API

Padmapurana 5.7: saptamo'dhyāyaḥ

Padmapurāṇa 5.7

Language
Sanskrit

Contents

saptamo'dhyāyaḥ

5.7.1

agastyauvāca
athograṃsatapodaityodaśavarṣasahasrakam
cakārabhānumakṣṇācapaśyannūrdhvapadesthitaḥ

5.7.2

kuṃbhakarṇo'pikṛtavāṃstapaḥparamaduścaram
vibhīṣaṇastudharmātmācacāraparamaṃtapaḥ

5.7.3

tadāprasannobhagavāndevadevaḥprajāpatiḥ
devadānavayakṣādimukuṭaiḥparisevitaḥ

5.7.4

dadaurājyaṃcasumahadbhuvanatrayabhāsvaram
vapuścakṛtavānramyaṃdevadānavasevitam

5.7.5

tadāsaṃtāpitobhrātādhanadodharmabuddhimān
vimānaṃtutatonītaṃlaṃkācanagarīhaṭhāt

5.7.6

bhuvanaṃtāpitaṃsarvaṃdevāścaivadivogatāḥ
hatavānbrāhmaṇakulaṃmunīnāṃmūlakṛṃtanaḥ

5.7.7

tadātiduḥkhitādevāḥseṃdrābrahmāṇamāyayuḥ
stutiṃcakrurmahātmānodaṃḍavatpraṇatiṃgatāḥ

5.7.8

tetuṣṭuvuḥsurāḥsarvevāgbhirarthyābhirādṛtāḥ
tataḥprasannobhagavānkiṃkaromīticābravīt

5.7.9

tatonivedayāṃcakrurbrahmaṇevibudhāḥpuraḥ
daśagrīvāccasaṃkaṣṭaṃtathānijaparābhavam

5.7.10

kṣaṇaṃdhyātvāyayaubrahmākailāsaṃtridaśaiḥsaha
tasyaśailasyapārśvetuvaicitryeṇasamākulāḥ

5.7.11

sthitāḥsaṃtuṣṭuvurdevāḥśaṃbhuṃśakrapurogamāḥ
namobhavāyaśarvāyanīlagrīvāyatenamaḥ

5.7.12

namaḥsthūlāyasūkṣmāyabahurūpāyatenamaḥ
itisarvamukhenoktāṃvāṇīmākarṇyaśaṃkaraḥ

5.7.13

provācanaṃdinaṃdevānānayetimamāṃtikam
etasminnaṃtaredevāāhūtānaṃdinācate

5.7.14

praviśyāṃtaḥpuredevādadṛśurvismitekṣaṇāḥ
brahmāgatyadadarśāthaśaṃkaraṃlokaśaṃkaram

5.7.15

gaṇakoṭisahasraistusevitaṃmodaśālibhiḥ
nagnairvirūpaiḥkuṭilairdhūsarairvikaṭaistathā

5.7.16

praṇipatyāgrataḥsthitvāsahadevaiḥpitāmahaḥ
uvācadevadeveśaṃpaśyāvasthāṃdivaukasām

5.7.17

kṛpāṃkurumahādevaśaraṇāgatavatsala
duṣṭadaityavadhārthaṃtvaṃsamudyogaṃvidhehibhoḥ

5.7.18

so'pitadvacanaṃśrutvādainyaśokasamanvitam
tridaśaiḥsahitaiḥsarvairājagāmahareḥpadam

5.7.19

tuṣṭuvurmunayaḥsarvesasuroragakinnarāḥ
jayamādhavadeveśajayabhaktajanārtihan

5.7.20

vilokayamahādevalokayasvasvasevakān
ityuccairjagaduḥsarvedevāḥśarvapurogamāḥ

5.7.21

ityuktamākarṇyasurādhināthodṛṣṭvāsurārtiṃpariciṃtyaviṣṇuḥ
jagādadevāñjaladoccayāgirāduḥkhaṃtuteṣāṃpraśamaṃnayanniva

5.7.22

bhobrahmaśarveṃdrapurogamāmarāḥśṛṇvaṃtuvācaṃbhavatāṃhiteratām
jānedaśagrīvakṛtaṃbhayaṃvastannāśayāmyadyakṛtāvatāraḥ

5.7.23

purītvayodhyāravivaṃśajātairnṛpairmahādānamakhādisatkriyaiḥ
prapālitābhūtalamaṃḍanīyāvirājaterājatabhūmibhāgaiḥ

5.7.24

tasyāṃdaśarathorājānirapatyaḥśriyānvitaḥ
pālayatyadhunārājyaṃdikcakrajayavānvibhuḥ

5.7.25

satuvaṃdyādṛṣyaśṛṃgātprārthitātputrakāmyayā
putreṣṭyāṃvidhināyajvāmahābalasamanvitaḥ

5.7.26

tato'haprārthitaḥpūrvaṃtapasātenabhoḥsurāḥ
patnīṣutisṛṣuprītyācaturdhāpibhavatkṛte

5.7.27

rāmalakṣmaṇaśatrughnabharatākhyāsamanvitaḥ
kartāsmirāvaṇoddhāraṃsamūlabalavāhanam

5.7.28

bhavaṃto'pisvakairaṃśairavatīryacaraṃtviha
ṛkṣavānararūpeṇasarvatrapṛthivītale

5.7.29

ityuktvāvirarāmāśunabhasīritavāṅmune
devāḥśrutvāmahadvākyaṃsarvesaṃhṛṣṭamānasāḥ

5.7.30

tecakrurgaditaṃyādṛgdevadevenadhīmatā
svaiḥsvairaṃśairmahīpūrṇāṛkṣavānararūpibhiḥ

5.7.31

yo'sauviṣṇurmahādevodevānāṃduḥkhanāśakaḥ
satvamevamahārājabhagavānkṛtavigrahaḥ

5.7.32

bharato'yalakṣmaṇaścaśatrughnaścamahāmate
tāvakāṃśāddaśagrīvojanitaścasurārddanaḥ

5.7.33

pūrvavairānubaṃdhenajānakīṃhṛtavānpunaḥ
satvayānihatodaityobrahmarākṣasajātimān

5.7.34

pulastyaputrodaityeṃdraḥsarvalokaikakaṃṭakaḥ
pātitaḥpṛthivīsarvāsukhamāpamaheśvara

5.7.35

brāhmaṇānāṃsukhaṃtvadyamunīnāṃtāpasaṃbalam
śivānisarvatīrthānisarveyajñāḥsusaṃhitāḥ

5.7.36

tvayirājñijagatsarvaṃsadevāsuramānuṣam
sukhaṃprapedeviśvātmañjagadyonenarottama

5.7.37

etattesarvamākhyātaṃyatpṛṣṭo'hatvayānagha
utpattiścavipattiścamayāmatyanusārataḥ

5.7.38

itthaṃniśamyaditijeṃdrakulānukārivārtāṃmahāpuruṣaīśvaraīśitāca
saṃruddhabāṣpagaladaśrumukhāraviṃdobhūmaupapātasadasiprathitaprabhāvaḥ

5.7.38.p1

iti śrīpadmapurāṇepātālakhaṃḍeśeṣavātsyāyanasaṃvāderāmāśvamedhe rāvaṇotpattivipattikathanaṃnāmasaptamo'dhyāyaḥ

Linked texts (3)