Pramāṇa · Search · About · API

Padmapurana 5.70: saptatitamo'dhyāyaḥ

Padmapurāṇa 5.70

Language
Sanskrit

Contents

saptatitamo'dhyāyaḥ

5.70.1

pārvatyuvācayadākarṇanametasyayevāpāriṣadāḥprabhoḥ
tadahaṃśrotumicchāmikathayasvadayānidhe

5.70.2

īśvarauvāca
rādhayāsahagoviṃdaṃsvarṇasiṃhāsanesthitam
pūrvoktarūpalāvaṇyaṃdivyabhūṣāṃbarasrajam

5.70.3

tribhaṃgīmaṃjususnigdhaṃgopīlocanatārakam
tadbāhyeyogapīṭhecasvarṇasiṃhāsanāvṛte

5.70.4

pratyaṃgarabhasāveśāḥpradhānāḥkṛṣṇavallabhāḥ
lalitādyāḥprakṛtyaṃśāmūlaprakṛtirādhikā

5.70.5

saṃmukhelalitādevīśyāmalāvāyukoṇake
uttareśrīmatīdhanyāeśānyāṃśrīharipriyā

5.70.6

viśākhācatathāpūrveśaibyācāgnautataḥparam
padmācadakṣiṇepaścānnairṛtekramaśaḥsthitāḥ

5.70.7

yogapīṭhekesarāgrecārucaṃdrāvatīpriyā
aṣṭauprakṛtayaḥpuṇyāḥpradhānāḥkṛṣṇavallabhāḥ

5.70.8

pradhānaprakṛtistvādyārādhācaṃdrāvatīsamā
caṃdrāvalīcitrarekhācaṃdrāmadanasuṃdarī

5.70.9

priyācaśrīmadhumatīcaṃdrarekhāharipriyā
ṣoḍaśādyāḥprakṛtayaḥpradhānāḥkṛṣṇavallabhāḥ

5.70.10

vṛṃdāvaneśvarīrādhātathācaṃdrāvalīpriyā
abhinnaguṇalāvaṇyasauṃdaryāścārulocanāḥ

5.70.11

manoharāmugdhaveṣāḥkiśorīvayasojjvalāḥ
agretanāstathācānyāgopakanyāḥsahasraśaḥ

5.70.12

śuddhakāṃcanapuṃjābhāḥsuprasannāḥsulocanāḥ
tadrūpahṛdayārūḍhāstadāśleṣasamutsukāḥ

5.70.13

śyāmāmṛtarasemagnāḥsphurattadbhāvamānasāḥ
netrotpalārcitekṛṣṇapādābje'pitacetasaḥ

5.70.14

śrutikanyāstatodakṣesahasrāyutasaṃyutāḥ
jaganmugdhīkṛtākārāhṛdvartikṛṣṇalālasāḥ

5.70.15

nānāsatvasvarālāpamugdhīkṛtajagattrayāḥ
tatragūḍharahasyānigāyaṃtyaḥpremavihvalāḥ

5.70.16

devakanyāstataḥsavyedivyaveṣārasojjvalāḥ
nānāvaidigdhyanipuṇādivyabhāvabharānvitāḥ

5.70.17

sauṃdaryātiśayenāḍhyāḥkaṭākṣātimanoharāḥ
nirlajjāstatragoviṃdetadaṃgasparśanodyatāḥ

5.70.18

tadbhāvamagnamanasaḥsmitasācinirīkṣaṇāḥ
maṃdirasyatatobāhyepriyayāviśadāvṛte

5.70.19

samānaveṣavayasaḥsamānabalapauruṣāḥ
samānaguṇakarmāṇaḥsamānābharaṇapriyāḥ

5.70.20

samānasvarasaṃgītaveṇuvādanatatparāḥ
śrīdāmāpaścimedvārevasudāmātathottare

5.70.21

sudāmācatathāpūrvekiṃkiṇīcāpidakṣiṇe
tadbāhyesvarṇapīṭhecasuvarṇamaṃdirāvṛte

5.70.22

svarṇavedyaṃtarasthetusvarṇābharaṇabhūṣite
stokakṛṣṇaṃsubhadrādyairgopālairayutāyutaiḥ

5.70.23

śṛṃgavīṇāveṇuvetravayoveṣākṛtisvaraiḥ
tadguṇadhyānasaṃyuktairgāyadbhirapivihvalaiḥ

5.70.24

citrārpitaiścitrarūpaiḥsadānaṃdāśruvarṣibhiḥ
pulakākulasarvāṃgairyogīṃdrairivavismitaiḥ

5.70.25

kṣaratyayobhirgoviṃdairasaṃkhyātairupāvṛtam
tadbāhyesvarṇaprākārekoṭisūryasamujjavale

5.70.26

caturdikṣumahodyānaṃmaṃjusaurabhamohite
paścimesaṃmukheśrīmatpārijātadrumāśraye

5.70.27

tadadhastusvarṇapīṭhesvarṇamaṃḍanamaṃḍite
tanmadhyemaṇimāṇikyadivyasiṃhāsanojjvale

5.70.28

tatropariparānaṃdaṃvāsudevaṃjagatprabhum
triguṇātītacidrūpaṃsarvakāraṇakāraṇam

5.70.29

iṃdranīlaghanaśyāmaṃnīlakuṃcitakuṃtalam
padmapatraviśālākṣaṃmakarākṛtikuṃḍalam

5.70.30

caturbhujaṃtucakrāsigadāśaṃkhāṃbujāyudham
ādyaṃtarahitaṃnityaṃpradhānaṃpuruṣottamam

5.70.31

jyotīrūpaṃmahaddhāmapurāṇaṃvanamālinam
pītāṃbaradharaṃsnigdhaṃdivyabhūṣaṇabhūṣitam

5.70.32

divyānulepanaṃrājaccitritāṃgamanoharam
rukmiṇīsatyabhāmācanāgnajitīsulakṣaṇā

5.70.33

mitraviṃdānuviṃdāsunaṃdājāṃbavatīpriyā
suśīlācāṣṭamahilāvāsudevapriyāstataḥ

5.70.34

udbhrājitāḥpāriṣadāvṛtayorbhaktitatparāḥ
uttaresumahodyāneharicaṃdanasaṃśraye

5.70.35

tatrādhastusvarṇapīṭhemaṇimaṃḍapamaṃḍite
tanmadhyehemanirmāṇadalesiṃhāsanojjavale

5.70.36

tatraivasaharevatyāsaṃkarṣaṇahalāyudham
īśvarasyapriyānaṃtamabhinnaguṇarūpiṇam

5.70.37

śuddhasphaṭikasaṃkāśaṃraktāṃbujadalekṣaṇam
nīlapaṭṭadharaṃsnigdhaṃdivyabhūṣāsragaṃbaram

5.70.38

madhupānesadāsaktaṃmadhughūrṇitalocanam
pravīradakṣiṇebhāgemaṃjunābhyaṃtarasthite

5.70.39

saṃtānavṛkṣamūletumaṇimaṃdiramaṃḍitam
tanmadhyemaṇimāṇikyadivyasiṃhāsanojjvale

5.70.40

pradyumnaṃcaratīdevaṃtatroparisukhasthitam
jaganmohanasauṃdaryyasāraśreṇīrasātmakam

5.70.41

asitāṃbhojapuṃjābhamaraviṃdadalekṣaṇam
divyālaṃkārabhūṣābhirdivyagaṃdhānulepanam

5.70.42

jaganmugdhīkṛtāśeṣasauṃdaryāścaryavigraham
pūrvodyānemahāraṇyesuradrumasamāśraye

5.70.43

tatrādhastusvarṇapīṭhehemamaṃḍapamaṃḍite
tasyamadhyesthirerājaddivyasiṃhāsanojjvale

5.70.44

divyoṣayāsamaṃśrīmadaniruddhaṃjagatpatim
sāṃdrānaṃdaghanaśyāmaṃsusnigdhaṃnīlakuṃtalam

5.70.45

subhrūnnatalatābhaṃgīṃsukapolaṃsunāsikam
sugrīvaṃsuṃdaraṃvakṣomanoharamanoharam

5.70.46

kirīṭinaṃkuṃḍalinaṃkaṃṭhabhūṣāvibhūṣitam
maṃjumaṃjīramādhuryādatisauṃdaryavigraham

5.70.47

priyabhṛtyagaṇārādhyaṃyatrasaṃgītakapriyam
pūrṇabrahmasadānaṃdaṃśuddhasatvasvarūpakam

5.70.48

tasyorddhvecāṃtarikṣecaviṣṇuṃsarveśvareśvaram
anādimādicidrūpaṃcidānaṃdaṃparaṃvibhum

5.70.49

triguṇātītamavyaktaṃnityamakṣayamavyayam
sameghapuṃjamādhuryasauṃdaryaśyāmavigraham

5.70.50

nīlakuṃcitasusnigdhakeśapāśātisuṃdaram
araviṃdadalasnigdhasudīrghacārulocanam

5.70.51

kirīṭakuṃḍalodgaṃḍaśuddhasatvātmabhirvṛtam
ātmārāmaiścacidrūpaistanmūrtidhyānatatparaiḥ

5.70.52

hṛdayārūḍhataddhyānairnāsāgranyastalocanaiḥ
kriyate'haitukībhaktiḥkāyahṛdvṛttibhāṣitaiḥ

5.70.53

tatsavyeyakṣagaṃdharvasiddhavidyādharādibhiḥ
sukāṃtairapsaraḥsaṃghairnṛtyasaṃgītatatparaiḥ

5.70.54

tadaṃgabhajanaṃkāmaṃvāṃchadbhiḥkṛṣṇalālasaiḥ
tadagrevaiṣṇavaiḥsarvaiścāṃtarikṣesukhāsane

5.70.55

prahrādanāradādyaiścakumāraśukavaiṣṇavaiḥ
janakādyairlasadbhāvairhṛdbāhyasphūrtitatparaiḥ

5.70.56

pulakākulasarvāṃgaiḥsphuratpremasamākulaiḥ
rahasyāmṛtasaṃsiktairarddhayugmākṣaromanuḥ

5.70.57

maṃtracūḍāmaṇiḥ proktaḥsarvamaṃtraikakāraṇam
sarvadevasyamaṃtrāṇāṃkaiśoraṃmaṃtrahetukam

5.70.58

sarvakaiśoramaṃtrāṇāṃhetuścūḍāmaṇirmanuḥ
japaṃkurvaṃtimanasāpūrṇapremasukhāśrayāḥ

5.70.59

vāṃchaṃtitatpadāṃbhojeniścalaṃpremasādhanam
tadbāhyesphaṭikādyuccaprāvāresumanohare

5.70.60

kuṃkumaiḥsitaraktādyaiścaturdikṣusamākulaiḥ
śuklaṃcaturbhujaṃviṣṇuṃpaścimedvārapālakam

5.70.61

śaṃkhacakragadāpadmakirīṭādivibhūṣitam
raktaṃcaturbhujaṃpadmaśaṃkhacakragadāyudham

5.70.62

kirīṭakuṃḍaloddīptadvārapālakamuttare
gauraṃcaturbhujaṃviṣṇuṃśuṃkhacakragadāyudham

5.70.63

kirīṭakuṃḍalādyaiścaśobhitaṃvanamālinam
pūrvadvāredvārapālaṃgauraṃviṣṇuṃprakīrtitam

5.70.64

kṛṣṇavarṇaṃcaturbāhuṃśaṃkhacakrādibhūṣaṇam
dakṣiṇadvārapālaṃtuśrīviṣṇuṃkṛṣṇavarṇakam

5.70.65

śrīkṛṣṇacaritaṃhyetadyaḥpaṭhetprayataḥśuciḥ
śṛṇuyādvāpiyobhaktyāgoviṃdelabhateratim

5.70.65.p1

iti śrīpadmapurāṇepātālakhaṃḍekṛṣṇacaritesaptatitamo'dhyāyaḥ

Linked texts (3)