[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Padmapurana](https://indike.org/pramana/in.purana.padma) › 5.71 # Padmapurana 5.71: ekasaptatitamo'dhyāyaḥ Padmapurāṇa 5.71 - **Language:** Sanskrit ## Contents - [5.71.103](https://indike.org/pramana/in.purana.padma.5.71.103) — 1 part ### ekasaptatitamo'dhyāyaḥ ### [5.71.1](https://indike.org/pramana/in.purana.padma.5.71.1) śrīdevyuvācabhagavansarvabhūteśasarvātmansarvasaṃbhava deveśvaramahādevasarvajñakaruṇākara ### [5.71.2](https://indike.org/pramana/in.purana.padma.5.71.2) tvayānukaṃpitaivāhaṃbhūyo'pyāhānukaṃpayā trailokyamohanāmaṃtrāstvayāmekathitāḥprabho ### [5.71.3](https://indike.org/pramana/in.purana.padma.5.71.3) tenadevenagopībhirmahāmohanarūpiṇā kenakenaviśeṣaṇacikrīḍetadvadasvame ### [5.71.4](https://indike.org/pramana/in.purana.padma.5.71.4) mahādevauvāca ekadāvādayanvīṇāṃnāradomunipuṃgavaḥ kṛṣṇāvatāramājñāyaprayayaunaṃdagokulam ### [5.71.5](https://indike.org/pramana/in.purana.padma.5.71.5) gatvātatramahāyogamayeśaṃvibhumacyutam bālanāṭyadharaṃdevadarśanaṃnaṃdaveśmani ### [5.71.6](https://indike.org/pramana/in.purana.padma.5.71.6) sukomalapaṭāstīrṇahemaparyaṃkikopari śayānaṃgopakanyābhiḥprekṣamāṇaṃsadāmudam ### [5.71.7](https://indike.org/pramana/in.purana.padma.5.71.7) atīvasukumārāṃgaṃmugdhaṃmugdhavilokanam visrastanīlakuṭilakuṃtalāvanimaṃḍalam ### [5.71.8](https://indike.org/pramana/in.purana.padma.5.71.8) kiṃcitsmitāṃkuravyaṃjadekadviradakuḍmalam svaprabhābhirbhāsayaṃtaṃsamaṃtādbhavanodaram ### [5.71.9](https://indike.org/pramana/in.purana.padma.5.71.9) digvāsasaṃsamālokyaso'tiharṣamavāpaha saṃbhāṣyagopatiṃnaṃdamāhasarvaprabhupriyaḥ ### [5.71.10](https://indike.org/pramana/in.purana.padma.5.71.10) nārāyaṇaparāṇāṃtujīvanaṃhyatidurlabham asyaprabhāvamatulaṃnajānaṃtīhakecana ### [5.71.11](https://indike.org/pramana/in.purana.padma.5.71.11) bhavabrahmādayo'pyasminratiṃvāṃcchantiśāśvatīm caritaṃcāsyabālasyasarveṣāmevaharṣaṇam ### [5.71.12](https://indike.org/pramana/in.purana.padma.5.71.12) mudāgāyaṃtiśṛṇvaṃticābhinaṃdaṃtitādṛśāḥ asmiṃstavasute'cityaprabhāvesnigdhamānasāḥ ### [5.71.13](https://indike.org/pramana/in.purana.padma.5.71.13) narāḥsaṃtinateṣāṃvaibhavabādhābhaviṣyati muṃcehaparalokecchāḥsarvāballavasattama ### [5.71.14](https://indike.org/pramana/in.purana.padma.5.71.14) ekāṃtenaikabhāvenabāle'sminprītimācara ityuktvānaṃdabhavanānniṣkrāṃtomunipuṃgavaḥ ### [5.71.15](https://indike.org/pramana/in.purana.padma.5.71.15) tenārcitoviṣṇubuddhyāpraṇamyacavisarjitaḥ athāsauciṃtayāmāsamahābhāgavatomuniḥ ### [5.71.16](https://indike.org/pramana/in.purana.padma.5.71.16) asyakāṃtābhagavatīlakṣmīrnārāyaṇeharau vidhāyagopikārūpaṃkrīḍārthaṃśārṅgadhanvanaḥ ### [5.71.17](https://indike.org/pramana/in.purana.padma.5.71.17) avaśyamavatīrṇāsābhaviṣyatinasaṃśayaḥ tāmahaṃvicinomyadyagehegehevrajaukasām ### [5.71.18](https://indike.org/pramana/in.purana.padma.5.71.18) vimṛśyaivaṃmunivarogehānivrajavāsinām praviveśātithirbhūtvāviṣṇubuddhyāsupūjitaḥ ### [5.71.19](https://indike.org/pramana/in.purana.padma.5.71.19) sarveṣāṃballavādīnāṃratiṃnaṃdasuteparām dṛṣṭvāmunivaraḥsarvānmanasāpraṇanāmaha ### [5.71.20](https://indike.org/pramana/in.purana.padma.5.71.20) gopālānāṃgṛhebālāṃdadarśaśvetarūpiṇīm sadṛṣṭvātarkayāmāsaramāhyeṣānasaṃśayaḥ ### [5.71.21](https://indike.org/pramana/in.purana.padma.5.71.21) praviveśatatodhīmānnaṃdasakhyurmahātmanaḥ kasyacidgopavaryyasyabhānunāmnogṛhaṃmahat ### [5.71.22](https://indike.org/pramana/in.purana.padma.5.71.22) arcitovidhivattenaso'pyapṛcchanmahāmanāḥ sādhotvamasivikhyātodharmaniṣṭhatayābhuvi ### [5.71.23](https://indike.org/pramana/in.purana.padma.5.71.23) tavāhaṃdhanadhānyādisamṛddhiṃsaṃvibhāvaye kaccitteyogyaḥputro'stikanyāvāśubhalakṣaṇā ### [5.71.24](https://indike.org/pramana/in.purana.padma.5.71.24) yatastekīrtirakhilaṃlokaṃvyāpyabhaviṣyati ityuktomunivaryyeṇabhānurānīyaputrakam ### [5.71.25](https://indike.org/pramana/in.purana.padma.5.71.25) mahātejasvinaṃdṛptaṃnāradāyābhyavādayat dṛṣṭvāmunivarastaṃturūpeṇāpratimaṃbhuvi ### [5.71.26](https://indike.org/pramana/in.purana.padma.5.71.26) padmapatraviśālākṣaṃsugrīvaṃsuṃdarabhruvam cārudaṃtaṃcārukarṇaṃsarvāvayavasuṃdaram ### [5.71.27](https://indike.org/pramana/in.purana.padma.5.71.27) taṃsamāśliṣyabāhubhyāṃsnehāśrūṇivimucyaca tataḥsagadgadaprāhapraṇayenamahāmuniḥ ### [5.71.28](https://indike.org/pramana/in.purana.padma.5.71.28) nāradauvācaayaṃśiśustebhavitāsusakhārāmakṛṣṇayoḥ vihariṣyatitābhyāṃcarātriṃdivamataṃdritaḥ ### [5.71.29](https://indike.org/pramana/in.purana.padma.5.71.29) tataābhāṣyataṃgopapravaraṃmunipuṃgavaḥ yadāgaṃtuṃmanaścakretatraivaṃbhānurabravīt ### [5.71.30](https://indike.org/pramana/in.purana.padma.5.71.30) ekāstiputrikādevadevapatnyupamāmama kanīyasīśiśorasyajaḍāṃdhabadhirākṛtiḥ ### [5.71.31](https://indike.org/pramana/in.purana.padma.5.71.31) utsāhādvṛddhayeyācetvāṃvaraṃbhagavattama prasannadṛṣṭimātreṇasusthirāṃkurubālikām ### [5.71.32](https://indike.org/pramana/in.purana.padma.5.71.32) śrutvaivaṃnāradovākyaṃkautukākṛṣṭamānasaḥ athapraviśyabhavanaṃluṭhaṃtīṃbhūtalesutām ### [5.71.33](https://indike.org/pramana/in.purana.padma.5.71.33) utthāpyāṃkenidhāyātisnehavihvalamānasaḥ bhānurapyāyayaubhaktinamromunivarāṃtikam ### [5.71.34](https://indike.org/pramana/in.purana.padma.5.71.34) athabhāgavataśreṣṭhaḥkṛṣṇasyātipriyomuniḥ dṛṣṭvātasyāḥparaṃrūpamadṛṣṭāśrutamadbhutam ### [5.71.35](https://indike.org/pramana/in.purana.padma.5.71.35) abhūtpūrvasamaṃmugdhoharipremāmahāmuniḥ vigāhyaparamānaṃdasiṃdhumekarasāyanam ### [5.71.36](https://indike.org/pramana/in.purana.padma.5.71.36) muhūrttadvitayaṃtatramunirāsīcchilopamaḥ munīṃdraḥpratibuddhastuśanairunmīlyalocane ### [5.71.37](https://indike.org/pramana/in.purana.padma.5.71.37) mahāvismayamāpannastūṣṇīmevasthito'bhavat aṃtarhṛdimahābuddhirevamevaṃvyaciṃtayat ### [5.71.38](https://indike.org/pramana/in.purana.padma.5.71.38) bhrāṃtaṃsarveṣulokeṣumayāsvacchaṃdacāriṇā asyārūpeṇasadṛśīdṛṣṭvānaivacakutracit ### [5.71.39](https://indike.org/pramana/in.purana.padma.5.71.39) brahmalokerudralokaiṃdralokecamegatiḥ nakopiśobhākoṭyaṃśaḥkutrāpyasyāvilokitaḥ ### [5.71.40](https://indike.org/pramana/in.purana.padma.5.71.40) mahāmāyābhagavatīdṛṣṭāśaileṃdranaṃdinī yasyārūpeṇasakalaṃmuhyatesacarācaram ### [5.71.41](https://indike.org/pramana/in.purana.padma.5.71.41) sāpyasyāḥsukumārāṃgīlakṣmīṃnāpnotikarhicit lakṣmīḥsarasvatīkāṃtividyādyāścavarastriyaḥ ### [5.71.42](https://indike.org/pramana/in.purana.padma.5.71.42) chāyāmapispṛśaṃtyasyāḥkadācinnaivadṛśyate viṣṇoryanmohinīrūpaṃharoyenavimohitaḥ ### [5.71.43](https://indike.org/pramana/in.purana.padma.5.71.43) mayādṛṣṭaṃcatadapikuto'syāsadṛśaṃbhavet tato'syāstattvamājñātuṃnameśaktiḥkathaṃcana ### [5.71.44](https://indike.org/pramana/in.purana.padma.5.71.44) anyecāpinajānaṃtiprāyeṇaināṃhareḥpriyām asyāḥsaṃdarśanādevagoviṃdacaraṇāṃbuje ### [5.71.45](https://indike.org/pramana/in.purana.padma.5.71.45) yāpremarddhirabhūtsāmebhūtapūrvānakarhicit ekāṃtenaumibhavatīṃdarśayitvātivaibhavam ### [5.71.46](https://indike.org/pramana/in.purana.padma.5.71.46) kṛṣṇasyasaṃbhavatyasyārūpaṃparamatuṣṭaye vimṛśyaivaṃmunirgopapravaraṃpreṣyakutracit ### [5.71.47](https://indike.org/pramana/in.purana.padma.5.71.47) nibhṛteparituṣṭāvabālikāṃdivyarūpiṇīm apidevimahāyogamāyeśvarimahāprabhe ### [5.71.48](https://indike.org/pramana/in.purana.padma.5.71.48) mahāmohanadivyāṃgimahāmādhuryavarṣiṇi mahādbhutarasānaṃdaśithilīkṛtamānase ### [5.71.49](https://indike.org/pramana/in.purana.padma.5.71.49) mahābhāgyenakenāpigatāsimamadṛkpatham nityamaṃtarmukhādṛṣṭistavadevivibhāvyate ### [5.71.50](https://indike.org/pramana/in.purana.padma.5.71.50) aṃtarevamahānaṃdaparitṛptaivalakṣyase prasannaṃmadhuraṃsaumyamidaṃsumukhamaṃḍanam ### [5.71.51](https://indike.org/pramana/in.purana.padma.5.71.51) vyanaktiparamāścaryaṃkamapyaṃtaḥsukhodayam rajaḥsaṃbaṃdhikalikāśaktistatvātiśobhane ### [5.71.52](https://indike.org/pramana/in.purana.padma.5.71.52) sṛṣṭisthitisamāhārarūpiṇītvamadhiṣṭhitā tattvaṃviśuddhasatvāśuśaktirvidyātmikāparā ### [5.71.53](https://indike.org/pramana/in.purana.padma.5.71.53) paramānaṃdasaṃdohaṃdadhatīvaiṣṇavaṃparam kātvayāścaryavibhavebrahmarudrādidurgame ### [5.71.54](https://indike.org/pramana/in.purana.padma.5.71.54) yogīṃdrāṇāṃdhyānapathaṃnatvaṃspṛśasikarhicit icchāśaktirjñānaśaktiḥkriyāśaktistaveśituḥ ### [5.71.55](https://indike.org/pramana/in.purana.padma.5.71.55) tavāṃśamātramityevaṃmanīṣāmepravarttate māyāvibhūtayo'cityāstanmāyārbhakamāyinaḥ ### [5.71.56](https://indike.org/pramana/in.purana.padma.5.71.56) pareśasyamahāviṣṇostāḥsarvāstekalākalāḥ ānaṃdarūpiṇīśaktistvamīśvarinasaṃśayaḥ ### [5.71.57](https://indike.org/pramana/in.purana.padma.5.71.57) tvayācakrīḍatekṛṣṇonūnaṃvṛṃdāvanevane kaumāreṇaivarūpeṇatvaṃviśvasyacamohinī ### [5.71.58](https://indike.org/pramana/in.purana.padma.5.71.58) tāruṇyavayasāspṛṣṭaṃkīdṛkterūpamadbhutam kīdṛśaṃtavalāvaṇyaṃlīlāhāsekṣaṇānvitam ### [5.71.59](https://indike.org/pramana/in.purana.padma.5.71.59) harimānuṣalobhenavapurāścaryamaṃḍitam draṣṭuṃtadahamicchāmirūpaṃteharivallabhe ### [5.71.60](https://indike.org/pramana/in.purana.padma.5.71.60) yenanaṃdasutaḥkṛṣṇomohaṃsamupayāsyati idānīṃmamakāruṇyānnijaṃrūpaṃmaheśvari ### [5.71.61](https://indike.org/pramana/in.purana.padma.5.71.61) praṇatāyaprapannāyaprakāśayitumarhasi ityuktāmunivaryyeṇatadanuvratacetasā ### [5.71.62](https://indike.org/pramana/in.purana.padma.5.71.62) mahāmāheśvarīṃnatvāmahānaṃdamayīṃparām mahāprematarotkaṃṭhāvyākulāṃgīṃśubhekṣaṇām ### [5.71.63](https://indike.org/pramana/in.purana.padma.5.71.63) īkṣamāṇenagoviṃdamevaṃvarṇayatāsthitam jayakṛṣṇamanohāriñjayavṛṃdāvanapriya ### [5.71.64](https://indike.org/pramana/in.purana.padma.5.71.64) jayabhrūbhaṃgalalitajayaveṇuravākula jayabarhakṛtottaṃsajayagopīvimohana ### [5.71.65](https://indike.org/pramana/in.purana.padma.5.71.65) jayakuṃkumaliptāṃgajayaratnavibhūṣaṇa kadāhaṃtvatprasādenaanayādivyarūpayā ### [5.71.66](https://indike.org/pramana/in.purana.padma.5.71.66) sahitaṃnavatāruṇyamanohārivapuḥśriyā vilokayiṣyekaiśoremohanaṃtvāṃjagatpate ### [5.71.67](https://indike.org/pramana/in.purana.padma.5.71.67) evaṃkīrttayatastasyatatkṣaṇādevasāpunaḥ babhūvadadhatīdivyaṃrūpamatyaṃtamohanam ### [5.71.68](https://indike.org/pramana/in.purana.padma.5.71.68) caturdaśābdavayasāsaṃmitaṃlalitaṃparam samānavayasaścānyāstadaivavrajabālikāḥ ### [5.71.69](https://indike.org/pramana/in.purana.padma.5.71.69) āgatyaveṣṭayāmāsurdivyabhūṣāṃbarasrajaḥ munīṃdraḥsatuniśceṣṭobabhūvāścaryamohitaḥ ### [5.71.70](https://indike.org/pramana/in.purana.padma.5.71.70) bālāyāstāstadāsakhyaścaraṇāṃbukaṇairmunim niṣicyabodhayāmāsurūcuścakṛpayānvitāḥ ### [5.71.71](https://indike.org/pramana/in.purana.padma.5.71.71) munivaryamahābhāgamahāyogeśvareśvara tvayaivaparayābhaktyābhagavānharirīśvaraḥ ### [5.71.72](https://indike.org/pramana/in.purana.padma.5.71.72) nūnamārādhitodevobhaktānāṃkāmapūrakaḥ yadiyaṃbrahmarudrādyairdevaiḥsiddhamunīśvaraiḥ ### [5.71.73](https://indike.org/pramana/in.purana.padma.5.71.73) mahābhāgavataiścānyairdurdarśādurgamāpica atyadbhutavayorūpamohinīharivallabhā ### [5.71.74](https://indike.org/pramana/in.purana.padma.5.71.74) kenāpyaciṃtyabhāgyenatavadṛṣṭipathaṃgatā uttiṣṭhottiṣṭhaviprarṣedhairyamālaṃbyasatvaram ### [5.71.75](https://indike.org/pramana/in.purana.padma.5.71.75) enāṃpradakṣiṇīkṛtyanamaskurupunaḥpunaḥ kiṃnapaśyasicārvaṃgīmatyaṃtavyākulāmiva ### [5.71.76](https://indike.org/pramana/in.purana.padma.5.71.76) asminnevakṣaṇenūnamaṃtardhānaṃgamiṣyati nānayāsahasaṃlāpaḥkathaṃcittebhaviṣyati ### [5.71.77](https://indike.org/pramana/in.purana.padma.5.71.77) darśanaṃcapunarnāsyāḥprāpsyasibrahmavittama kiṃtuvṛṃdāvanekāpibhātyaśokalatāśubhā ### [5.71.78](https://indike.org/pramana/in.purana.padma.5.71.78) sarvakāle'pipuṣpāḍhyāsarvadigvyāpisaurabhā govarddhanādadūreṇakusumākhyasarastaṭe ### [5.71.79](https://indike.org/pramana/in.purana.padma.5.71.79) tanmūlehyarddharātrecadrakṣyasyasmānaśeṣataḥ śrutvaivaṃvacanaṃtāsāṃsnehavihvalacetasām ### [5.71.80](https://indike.org/pramana/in.purana.padma.5.71.80) yāvatpradakṣiṇīkṛtyapraṇameddaṃḍavanmuniḥ muhūrttadvitayaṃbālāṃnānānirmāṇaśobhanām ### [5.71.81](https://indike.org/pramana/in.purana.padma.5.71.81) āhūyabhānuṃprovācanāradaḥsarvaśobhanām evaṃprabhāvābāleyaṃnasādhyādaivatairapi ### [5.71.82](https://indike.org/pramana/in.purana.padma.5.71.82) kiṃtuyadgṛhametasyāḥpadacihnavibhūṣitam tatranārāyaṇodevaḥsvayaṃvasatimādhavaḥ ### [5.71.83](https://indike.org/pramana/in.purana.padma.5.71.83) lakṣmīścavasatenityaṃsarvābhiḥsarvasiddhibhiḥ adyaenāṃvarārohāṃsarvābharaṇabhūṣaṇām ### [5.71.84](https://indike.org/pramana/in.purana.padma.5.71.84) devīmivaparāṃgeherakṣayatnenasattama ityuktvāmanasaivaināṃmahābhāgavatottamaḥ ### [5.71.85](https://indike.org/pramana/in.purana.padma.5.71.85) tadrūpamevasaṃsmṛtyapraviṣṭogahanaṃvanam aśokalatikāmūlamāsādyamunisattamaḥ ### [5.71.86](https://indike.org/pramana/in.purana.padma.5.71.86) pratīkṣamāṇodevīṃtāṃtatraivāgamanaṃniśi sthito'trapremavikalaściṃtayankṛṣṇavallabhām ### [5.71.87](https://indike.org/pramana/in.purana.padma.5.71.87) athamadhyaniśābhāgeyuvatyaḥparamādbhutāḥ pūrvaṃdṛṣṭvāstathānyāścavicitrābharaṇasrajaḥ ### [5.71.88](https://indike.org/pramana/in.purana.padma.5.71.88) dṛṣṭvāmanasisaṃbhrāṃtodaṃḍavatpatitobhuvi parivāryamuniṃsarvāstāḥpraviviśuḥśubhāḥ ### [5.71.89](https://indike.org/pramana/in.purana.padma.5.71.89) praṣṭukāmo'pisamuniḥkiṃcitsvābhimataṃpriyam nāśakatpremalāvaṇyapriyabhāṣāpradharṣitaḥ ### [5.71.90](https://indike.org/pramana/in.purana.padma.5.71.90) athāgatāmuniśreṣṭhaṃkṛtāṃjalimavasthitam bhaktibhārānatagrīvaṃsavismayaṃsasaṃbhramam ### [5.71.91](https://indike.org/pramana/in.purana.padma.5.71.91) suvinītatamaṃprāhatatraivakaruṇānvitā aśokamālinīnāmnāaśokavanadevatā ### [5.71.92](https://indike.org/pramana/in.purana.padma.5.71.92) aśokamālinyuvāca aśokakakalikāyāṃtuvasāmyasyāṃmahāmune raktāṃbaradharānityaṃraktamālānulepanā ### [5.71.93](https://indike.org/pramana/in.purana.padma.5.71.93) raktasiṃdūrakalikāraktotpalavataṃsinī raktamāṇikyakeyūramukuṭādivibhūṣitā ### [5.71.94](https://indike.org/pramana/in.purana.padma.5.71.94) ekadāpriyayāsārddhaṃviharaṃtyomadhūtsave tatraivamilitāgopabālikāścitravāsasaḥ ### [5.71.95](https://indike.org/pramana/in.purana.padma.5.71.95) ahaṃcāśokamālābhirgopaveṣadharaṃharim ramārūpāścatāḥsarvābhaktyāsamyagapūjayam ### [5.71.96](https://indike.org/pramana/in.purana.padma.5.71.96) tataḥprabhṛticaitāsāṃmadhyetiṣṭhāmisarvadā bhūṣābhirvividhābhiścatoṣayitvāramāpatim ### [5.71.97](https://indike.org/pramana/in.purana.padma.5.71.97) parātparamahaṃsarvaṃvijānāmīhasarvataḥ gogopagopikādīnāṃrahasyaṃcāpivedmyaham ### [5.71.98](https://indike.org/pramana/in.purana.padma.5.71.98) tavajijñāsitaṃsarvaṃhṛdipratyabhibhāṣitam tāṃdevīmadbhutākārāmadbhutānaṃdadāyinīm ### [5.71.99](https://indike.org/pramana/in.purana.padma.5.71.99) hareḥpriyāṃhiraṇyābhāṃhīrakojjvalamudrikām kathaṃpaśyāmilolākṣīṃkathaṃvātatpadāṃbujam ### [5.71.100](https://indike.org/pramana/in.purana.padma.5.71.100) ārādhyate'tibhaktyetitvayābrahmanvimarśitam tatratekathayiṣyāmivṛttāṃtaṃsumahātmanām ### [5.71.101](https://indike.org/pramana/in.purana.padma.5.71.101) mānasesarasisthitvātapastīvramupeyuṣām japatāṃsiddhamaṃtrāṃścadhyāyatāṃharimīśvaram ### [5.71.102](https://indike.org/pramana/in.purana.padma.5.71.102) munīnāṃkāṃkṣatāṃnityaṃtasyāevapadāṃbujam ekasaptatisāhasraṃsaṃkhyātānāṃmahaujasām ### [5.71.103](https://indike.org/pramana/in.purana.padma.5.71.103) tatte'hakathayāmyadyatadrahasyaṃparaṃvane ### [5.71.103.p1](https://indike.org/pramana/in.purana.padma.5.71.103.p1) iti śrīpadmapurāṇepātālakhaṃḍeśrīrādhākṛṣṇamāhātmyeekasaptatitamo'dhyāyaḥ ## Linked texts (3) - [Samarāṅgaṇasūtradhāra](https://indike.org/pramana/in.art.silpa.samaranganasutradhara.60.93) — Bhoja, Sanskrit - [Saurapurāṇa](https://indike.org/pramana/in.purana.upa.saiva.saura.30.24) — Sanskrit - [Purāṇasaṃhitā](https://indike.org/pramana/in.purana.puranasamhita.62.93) — Vyāsa, Sanskrit --- Source: [https://indike.org/pramana/in.purana.padma.5.71](https://indike.org/pramana/in.purana.padma.5.71) · Pramāṇa