[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Padmapurana](https://indike.org/pramana/in.purana.padma) › 5.72 # Padmapurana 5.72: dvisaptatitamo'dhyāyaḥ Padmapurāṇa 5.72 - **Language:** Sanskrit ## Contents - [5.72.154](https://indike.org/pramana/in.purana.padma.5.72.154) — 1 part ### dvisaptatitamo'dhyāyaḥ ### [5.72.1](https://indike.org/pramana/in.purana.padma.5.72.1) īśvarauvācatadekāgramanābhūtvāśṛṇudevivarānane āsīdugratapānāmamunirekodṛḍhavrataḥ ### [5.72.2](https://indike.org/pramana/in.purana.padma.5.72.2) sāgnikohyagnibhakṣaścacacārātyadbhutaṃtapaḥ jajāpaparamaṃjāpyaṃmaṃtraṃpaṃcadaśākṣaram ### [5.72.3](https://indike.org/pramana/in.purana.padma.5.72.3) kāmamaṃtreṇapuṭitaṃkāmaṃkāmavarapradāt kṛṣṇāyetipadaṃsvāhāsahitaṃsiddhidaṃparam ### [5.72.4](https://indike.org/pramana/in.purana.padma.5.72.4) dadhyaucaśyāmalaṃkṛṣṇaṃrāsonmattaṃvarotsukam pītapaṭṭadharaṃveṇuṃkareṇādharamarpitam ### [5.72.5](https://indike.org/pramana/in.purana.padma.5.72.5) navayauvanasaṃpannaṃkarṣaṃtaṃpāṇināpriyām evaṃdhyānaparaḥkalpaśatāṃtedehamutsṛjan ### [5.72.6](https://indike.org/pramana/in.purana.padma.5.72.6) sunaṃdanāmagopasyakanyābhūtsamahāmuniḥ sunaṃdetisamākhyātāyāvīṇāṃbibhratīkare ### [5.72.7](https://indike.org/pramana/in.purana.padma.5.72.7) muniranyaḥsatyatapāitikhyātomahāvrataḥ saśuṣkapatraṃbhuṃkteyaḥprajajāpaparaṃmanum ### [5.72.8](https://indike.org/pramana/in.purana.padma.5.72.8) ratyaṃtaṃkāmabījenapuṭitaṃcadaśākṣaram sapradadhyaumunivaraścitraveṣadharaṃharim ### [5.72.9](https://indike.org/pramana/in.purana.padma.5.72.9) dhṛtvāramāyādorvallīdvitayaṃkaṃkaṇojjvalam nṛtyaṃtamunmadaṃtaṃcasaṃśliṣyaṃtaṃmuhurmuhuḥ ### [5.72.10](https://indike.org/pramana/in.purana.padma.5.72.10) hasaṃtamuccairānaṃdataraṃgaṃjaṭharāṃbare dadhataṃveṇumājānuvaijayaṃtyāvirājitam ### [5.72.11](https://indike.org/pramana/in.purana.padma.5.72.11) svedāṃbhaḥkaṇasaṃsiktalalāṭavalitānanam tyaktvātyaktvāsavaidehaṃtapasācamahāmuniḥ ### [5.72.12](https://indike.org/pramana/in.purana.padma.5.72.12) daśakalpāṃtarejātohyayaṃnaṃdavanādiha subhadranāmnogopasyakanyābhadretiviśrutā ### [5.72.13](https://indike.org/pramana/in.purana.padma.5.72.13) yasyāḥpṛṣṭhataledivyaṃvyajanaṃparidṛśyate haridhāmābhidhānastukaścidāsīnmahāmuniḥ ### [5.72.14](https://indike.org/pramana/in.purana.padma.5.72.14) so'pyatapyattapaḥkṛchrenityaṃpatraikabhojanam āśusiddhikaraṃmaṃtraṃviṃśatyarṇaṃprajaptavān ### [5.72.15](https://indike.org/pramana/in.purana.padma.5.72.15) anaṃtaraṃkāmabījādadhyārūḍhaṃtadevatu māyātatpuratovyomahaṃsāsṛgdyuticaṃdrakam ### [5.72.16](https://indike.org/pramana/in.purana.padma.5.72.16) tatodaśākṣaraṃpaścānnamoyuktaṃsmarādikam dadhyauvṛṃdāvaneramyemādhavīmaṃḍapeprabhum ### [5.72.17](https://indike.org/pramana/in.purana.padma.5.72.17) uttānaśāyinaṃcārupallavāstaraṇopari kayācidatikāmārttaballavyāraktanetrayā ### [5.72.18](https://indike.org/pramana/in.purana.padma.5.72.18) vakṣojayugamācchādyavipuloraḥsthalaṃmuhuḥ saṃcuṃbyamānagaṃḍāṃtaṃtṛpyamānaradacchadam ### [5.72.19](https://indike.org/pramana/in.purana.padma.5.72.19) kalayaṃtaṃpriyāṃdorbhyāṃsahāsaṃsamudādbhutam samuniścabahūndehāṃstyaktvākalpatrayāṃtare ### [5.72.20](https://indike.org/pramana/in.purana.padma.5.72.20) sāraṃganāmnogopasyakanyābhūcchubhalakṣaṇā raṃgaveṇītivikhyātānipuṇācitrakarmaṇi ### [5.72.21](https://indike.org/pramana/in.purana.padma.5.72.21) yasyādaṃteṣudṛśyaṃtecitritāḥśoṇabiṃdavaḥ brahmavādīmuniḥkaścijjābāliritiviśrutaḥ ### [5.72.22](https://indike.org/pramana/in.purana.padma.5.72.22) satapaḥsuratoyogīvicaranpṛthivīmimām saekasminmahāraṇyeyojanāyutavistṛte ### [5.72.23](https://indike.org/pramana/in.purana.padma.5.72.23) yadṛcchayāgato'paśyadekāṃvāpīṃsuśobhanām sarvataḥsphāṭikābaṃdhataṭāṃsvādujalānvitām ### [5.72.24](https://indike.org/pramana/in.purana.padma.5.72.24) vikāsikamalāmodavāyunāpariśīlitām tasyāḥpaścimadigbhāgemūlevaṭamahīruhaḥ ### [5.72.25](https://indike.org/pramana/in.purana.padma.5.72.25) apaśyattāpasīṃkāṃcitkurvaṃtīṃdāruṇaṃtapaḥ tāruṇyavayasāyuktāṃrūpeṇātimanoharām ### [5.72.26](https://indike.org/pramana/in.purana.padma.5.72.26) caṃdrāṃśusadṛśābhāsāṃsarvāvayavaśobhanām kṛtvākaṭitaṭevāmapāṇiṃdakṣiṇatastadā ### [5.72.27](https://indike.org/pramana/in.purana.padma.5.72.27) jñānamudrāṃcabibhrāṇāmanimeṣavilocanām tyaktāhāravihārāṃcasuniścalatayāsthitām ### [5.72.28](https://indike.org/pramana/in.purana.padma.5.72.28) jijñāsustāṃmunivarastasthautatraśataṃsamāḥ tadaṃtetāṃsamutthāpyacalitāṃvinayānmuniḥ ### [5.72.29](https://indike.org/pramana/in.purana.padma.5.72.29) apṛcchatkātvamāścaryarūpekiṃvācariṣyasi yadiyogyaṃbhavettarhikṛpayāvaktumarhasi ### [5.72.30](https://indike.org/pramana/in.purana.padma.5.72.30) athābravīcchanairbālātapasātīvakarśitā brahmavidyāhamatulāyogīṃdrairyāvimṛgyate ### [5.72.31](https://indike.org/pramana/in.purana.padma.5.72.31) sāhaṃharipadāmbhojakāmyayāsuciraṃtapaḥ carāmyasminvaneghoredhyāyaṃtīpuruṣottamam ### [5.72.32](https://indike.org/pramana/in.purana.padma.5.72.32) brahmānaṃdenapūrṇāhaṃtenānaṃdenatṛptadhīḥ tathāpiśūnyamātmānaṃmanyekṛṣṇaratiṃvinā ### [5.72.33](https://indike.org/pramana/in.purana.padma.5.72.33) idānīmatinirviṇṇādehasyāsyavisarjjanam karttumicchāmipuṇyāyāṃvāpikāyāmihaivatu ### [5.72.34](https://indike.org/pramana/in.purana.padma.5.72.34) tacchrutvāvacanaṃtasyāmuniratyaṃtavismitaḥ patitvācaraṇetasyāḥkṛṣṇopāsāvidhiṃśubham ### [5.72.35](https://indike.org/pramana/in.purana.padma.5.72.35) papracchaparamaprītastyaktvādhyātmavirocanam tayoktaṃmaṃtramājñāyajagāmamānasaṃsaraḥ ### [5.72.36](https://indike.org/pramana/in.purana.padma.5.72.36) tato'tiduścaraṃcakretapovismayakārakam ekapādasthitaḥsūryaṃnirnimeṣaṃvilokayan ### [5.72.37](https://indike.org/pramana/in.purana.padma.5.72.37) maṃtraṃjajāpaparamaṃpaṃcaviṃśativarṇakam dadhyauparamabhāvenakṛṣṇamānaṃdarūpiṇam ### [5.72.38](https://indike.org/pramana/in.purana.padma.5.72.38) caraṃtaṃvrajavīthīṣuvicitragatilīlayā lalitaiḥpādavinyāsaiḥkvaṇayaṃtaṃcanūpuram ### [5.72.39](https://indike.org/pramana/in.purana.padma.5.72.39) citrakaṃdarpaceṣṭābhiḥsasmitāpāṃgavīkṣitaiḥ saṃmohanākhyayāvaṃśyāpaṃcamāruṇacitrayā ### [5.72.40](https://indike.org/pramana/in.purana.padma.5.72.40) biṃbauṣṭhapuṭacuṃbinyākalālāpairmanojñayā haraṃtaṃvrajarāmāṇāṃmanāṃsicavapūṃṣica ### [5.72.41](https://indike.org/pramana/in.purana.padma.5.72.41) ślathannīvībhirāgatyasahasāligitāṃgakam divyamālyāṃbaradharaṃdivyagaṃdhānulepanam ### [5.72.42](https://indike.org/pramana/in.purana.padma.5.72.42) śyāmalāṃgaprabhāpūrṇairmohayaṃtaṃjagattrayam saevaṃbahudevenasamupāsyajagatpatim ### [5.72.43](https://indike.org/pramana/in.purana.padma.5.72.43) navakalpāṃtarejātāgokuledivyarūpiṇī kanyāpracaṃḍanāmnastugopasyātiyaśasvinaḥ ### [5.72.44](https://indike.org/pramana/in.purana.padma.5.72.44) citragaṃdhetivikhyātākumārīcaśubhānanā nijāṃgagaṃdhairvividhairmodayaṃtīdiśodaśa ### [5.72.45](https://indike.org/pramana/in.purana.padma.5.72.45) tāmenāṃpaśyakalyāṇīṃvṛṃdaśomadhupāyinīm aṃgeṣusvapatiṃkṛtvārasāveśasamākulām ### [5.72.46](https://indike.org/pramana/in.purana.padma.5.72.46) asyāḥstanapariṣvaṃgehāraiḥsarvairvihanyate vakṣaḥsthalātpracyavadbhiścitragaṃdhādisaurabhaiḥ ### [5.72.47](https://indike.org/pramana/in.purana.padma.5.72.47) aparemunivaryāstusatataṃpūtamānasāḥ vāyubhakṣāstapastepurjapaṃtaḥparamaṃmanum ### [5.72.48](https://indike.org/pramana/in.purana.padma.5.72.48) smaraḥkṛṣṇāyakāmārtikalādivṛttiśāline āgneyīsahitaṃkṛtvāmaṃtraṃpaṃcadaśākṣaram ### [5.72.49](https://indike.org/pramana/in.purana.padma.5.72.49) dadhyurmunivarāḥkaṣṇamūrtiṃdivyavibhūṣaṇām divyacitradukūlenapūrṇapīnakaṭisthalām ### [5.72.50](https://indike.org/pramana/in.purana.padma.5.72.50) mayūrapicchakaiḥkḷptacūḍāmujjvalakuṃḍalām savyajaṃghāṃtaādāyadakṣiṇaṃcaraṇāṃbujam ### [5.72.51](https://indike.org/pramana/in.purana.padma.5.72.51) bhramaṃtīṃsaṃpuṭīkṛtyacāruhastāṃbujadvayam kakṣadeśavinikṣiptaveṇuṃparicalatpuṭīm ### [5.72.52](https://indike.org/pramana/in.purana.padma.5.72.52) ānaṃdayaṃtīṃgopīnāṃnayanānimanāṃsica paramāścaryarūpeṇapraviṣṭāṃraṃgamaṃḍape ### [5.72.53](https://indike.org/pramana/in.purana.padma.5.72.53) prasūnavarṣargopībhiḥpūryamāṇāṃcasarvataḥ athakalpāṃtaredehaṃtyaktvājātāihādhunā ### [5.72.54](https://indike.org/pramana/in.purana.padma.5.72.54) yāsāṃkarṇeṣudṛśyaṃtetāṭaṃkāraśmidīpitāḥ ratnamālyānikaṃṭheṣuratnapuṣpāṇiveṇiṣu ### [5.72.55](https://indike.org/pramana/in.purana.padma.5.72.55) muniḥśuciśravānāmasuvarṇonāmacāparaḥ kuśadhvajasyabrahmarṣeḥputrautauvedapāragau ### [5.72.56](https://indike.org/pramana/in.purana.padma.5.72.56) ūrdhvapādautapoghoraṃtepatustryakṣaraṃmanum hrīṃhaṃsaitikṛtvaivajapaṃtauyatamānasau ### [5.72.57](https://indike.org/pramana/in.purana.padma.5.72.57) dhyāyaṃtaugokulekṛṣṇaṃbālakaṃdaśavārṣikam kaṃdarpasamarūpeṇatāruṇyalalitenaca ### [5.72.58](https://indike.org/pramana/in.purana.padma.5.72.58) paśyaṃtīrvrajabiṃboṣṭhīrmohayaṃtamanāratam taukalpāṃtetanūtyaktvālabdhavaṃtaujaniṃvraje ### [5.72.59](https://indike.org/pramana/in.purana.padma.5.72.59) suvīranāmagopasyasuteparamaśobhane yayorhastepradṛśyetesārikeśubharāviṇī ### [5.72.60](https://indike.org/pramana/in.purana.padma.5.72.60) jaṭilojaṃghapūtaścaghṛtāśīkarburevaca catvāromunayodhanyāihāmutracaniḥspṛhāḥ ### [5.72.61](https://indike.org/pramana/in.purana.padma.5.72.61) kevalenaikabhāvenaprapannāballavīpatim tepustesalilemagnājapaṃtomanumevaca ### [5.72.62](https://indike.org/pramana/in.purana.padma.5.72.62) ramātrayeṇapuṭitaṃsmarādyaṃtadaśākṣaram dadhyuścagāḍhabhāvenaballavībhirvanevane ### [5.72.63](https://indike.org/pramana/in.purana.padma.5.72.63) bhramaṃtaṃnṛtyagītādyairmānayaṃtaṃmanoharam caṃdanāliptasarvāṃgaṃjapāpuṣpāvataṃsakam ### [5.72.64](https://indike.org/pramana/in.purana.padma.5.72.64) kalhāramālayāvītaṃnīlapītapaṭāvṛtam kalpatrayāṃtejātāstegokuleśubhalakṣaṇāḥ ### [5.72.65](https://indike.org/pramana/in.purana.padma.5.72.65) imāstāḥpuratoramyāupaviṣṭānatabhruvaḥ yāsāṃdharmakṛtānyevavalayāniprakoṣṭhake ### [5.72.66](https://indike.org/pramana/in.purana.padma.5.72.66) vicitrāṇicaratnādyairdivyamuktāphalādibhiḥ munirdīrghatapānāmavyāso'bhūtpūrvakalpake ### [5.72.67](https://indike.org/pramana/in.purana.padma.5.72.67) tatputraḥśukaityevamuniḥkhyātovaraḥsudhīḥ so'pibālomahāprājñaḥsadaivānusmaranpadam ### [5.72.68](https://indike.org/pramana/in.purana.padma.5.72.68) vihāyapitṛmātrādikṛṣṇaṃdhyātvāvanaṃgataḥ satatramānasairdivyairupacārairaharniśam ### [5.72.69](https://indike.org/pramana/in.purana.padma.5.72.69) anāhāro'cayadviṣṇuṃgoparūpiṇamīśvaram ramayāpuṭitaṃmaṃtraṃjapannaṣṭādaśākṣaram ### [5.72.70](https://indike.org/pramana/in.purana.padma.5.72.70) dadhyauparamabhāvenahariṃhaimataroradhaḥ haimamaṃḍapikāyāṃcahemasiṃhāsanopari ### [5.72.71](https://indike.org/pramana/in.purana.padma.5.72.71) āsīnaṃhemahastāgrairdadhānaṃhemavaṃśikām dakṣiṇenabhrāmayaṃtaṃpāṇināhemapaṃkajam ### [5.72.72](https://indike.org/pramana/in.purana.padma.5.72.72) hemavarṇeṣṭapriyayāparikḷptāṃgacitrakam hasaṃtamatiharṣeṇapaśyaṃtaṃnijamāśramam ### [5.72.73](https://indike.org/pramana/in.purana.padma.5.72.73) harṣāśrupūrṇaḥpulakācitāṃgaḥprasīdanāthetivadannathoccaiḥ daṃḍapraṇāmāyapapātabhūmausaṃvepamānastrijagadvidhātuḥ ### [5.72.74](https://indike.org/pramana/in.purana.padma.5.72.74) taṃbhaktikāmaṃpatitaṃdharaṇyāmāyāsitosmītivadaṃtamuccaiḥ daṃḍapraṇāmasyabhujaugṛhītvāpasparśaharṣopacitekṣaṇena ### [5.72.75](https://indike.org/pramana/in.purana.padma.5.72.75) uvācacapriyārūpaṃlabdhavaṃtaṃśukaṃhariḥ tvaṃmepriyatamābhadresadātiṣṭhamamāṃtike ### [5.72.76](https://indike.org/pramana/in.purana.padma.5.72.76) madrūpaṃciṃtayaṃtīcapremāspadamupāgatā dvecamukhyatamegopyausamānavayasīśubhe ### [5.72.77](https://indike.org/pramana/in.purana.padma.5.72.77) ekavrateekaniṣṭheekanakṣatranāmanī taptajāṃbūnadaprakhyātatraivānyātaḍitprabhā ### [5.72.78](https://indike.org/pramana/in.purana.padma.5.72.78) ekānidrāyamāṇākṣīparāsaumyāyatekṣaṇā so'cayatparayābhaktyātehareḥsavyadakṣiṇe ### [5.72.79](https://indike.org/pramana/in.purana.padma.5.72.79) sakalpāṃtetanuṃtyaktvāgokule'bhūnmahātmanaḥ upanaṃdasyaduhitānīlotpaladalacchaviḥ ### [5.72.80](https://indike.org/pramana/in.purana.padma.5.72.80) seyaṃśrīkṛṣṇavanitāpītaśāṭīparicchadā raktacolikayāpūrṇāśātakuṃbhaghaṭastanī ### [5.72.81](https://indike.org/pramana/in.purana.padma.5.72.81) dadhānāraktasiṃdūraṃsarvāṃgasyāvaguṃṭhanam svarṇakuṃḍalavibhrājadgaṃḍadeśāṃsuśobhanām ### [5.72.82](https://indike.org/pramana/in.purana.padma.5.72.82) svarṇapaṃkajamālāḍhyākuṃkumāliptasustanī yasyāhastecarvaṇīyaṃdṛśyatehariṇārpitam ### [5.72.83](https://indike.org/pramana/in.purana.padma.5.72.83) veṇuvādyātinipuṇākeśavasyaniṣevaṇī kṛṣṇenaparituṣṭenakadācidgītakarmaṇi ### [5.72.84](https://indike.org/pramana/in.purana.padma.5.72.84) vinyastākaṃbukaṃṭhe'syābhātiguṃjāvaliśubhā parokṣepicakṛṣṇasyakāṃtibhiścasmarārditā ### [5.72.85](https://indike.org/pramana/in.purana.padma.5.72.85) sakhībhirvādayaṃtībhirgāyaṃtīsusvaraṃparam narttayetpriyaveṣeṇaveṣayitvāvadhūmimām ### [5.72.86](https://indike.org/pramana/in.purana.padma.5.72.86) vāraṃvāraṃcagoviṃdaṃbhāvenāligyacuṃbati priyāsausarvagopīnāṃkṛṣṇasyāpyativallabhā ### [5.72.87](https://indike.org/pramana/in.purana.padma.5.72.87) śvetaketoḥsutaḥkaścidvedavedāṃgapāragaḥ sarvamevaparityajyapracaṃḍaṃtapaāsthitaḥ ### [5.72.88](https://indike.org/pramana/in.purana.padma.5.72.88) murāreḥsevitapadāṃsudhāmadhuranādinīm goviṃdasyapriyāṃśaktiṃbrahmarudrādidurgamām ### [5.72.89](https://indike.org/pramana/in.purana.padma.5.72.89) bhajaṃtīmekabhāvenaśriyamevamanoharām dhyāyañjajāpasatataṃmaṃtramekādaśākṣaram ### [5.72.90](https://indike.org/pramana/in.purana.padma.5.72.90) hasitaṃsakalaṃkṛtvābatamāyeṣuyojayan kāṃtyādibhirhasaṃtībhirvāsayaṃtyabhitojagat ### [5.72.91](https://indike.org/pramana/in.purana.padma.5.72.91) vasaṃtevasatetyevaṃmaṃtrārthaṃciṃtayansadā so'pikalpadvayenaivasiddho'trajanimāptavān ### [5.72.92](https://indike.org/pramana/in.purana.padma.5.72.92) seyaṃbālāyateputrīkṛśāṃgīkuḍmalastanī muktāvalilasatkaṃṭhīśuddhakauśeyavāsinī ### [5.72.93](https://indike.org/pramana/in.purana.padma.5.72.93) muktācchuritamaṃjīrakaṃkaṇāṃgadamudrikā bibhratīkuṃḍaledivyeamṛtasrāviṇīśubhe ### [5.72.94](https://indike.org/pramana/in.purana.padma.5.72.94) vṛttakastūrikāveṇīmadhyesiṃdūrabiṃduvat dadhānācitrakaṃbhālesārddhaṃcaṃdanacitrakaiḥ ### [5.72.95](https://indike.org/pramana/in.purana.padma.5.72.95) yāsaivadṛśyateśāṃtājapaṃtīparamaṃpadam āsīccaṃdraprabhonāmarājarṣiḥpriyadarśanaḥ ### [5.72.96](https://indike.org/pramana/in.purana.padma.5.72.96) tasyakṛṣṇaprasādenaputro'bhūnmadhurākṛtiḥ citradhvajaitikhyātaḥkaumārāvadhivaiṣṇavaḥ ### [5.72.97](https://indike.org/pramana/in.purana.padma.5.72.97) sarājāsusutaṃsaumyaṃsusthiraṃdvādaśābdikam ādeśayaddvijānmaṃtraṃparamaṣṭādaśākṣaram ### [5.72.98](https://indike.org/pramana/in.purana.padma.5.72.98) abhiṣicyamānaḥsaśiśurmaṃtrāmṛtamayairjalaiḥ tatkṣaṇebhūpatiṃpremṇānatvodaśruprakalpitaḥ ### [5.72.99](https://indike.org/pramana/in.purana.padma.5.72.99) tasmindinesavaibālaḥśucivastradharaḥśuciḥ hāranūpurasūtrādyairgraiveyāṃgadakaṃkaṇaiḥ ### [5.72.100](https://indike.org/pramana/in.purana.padma.5.72.100) vibhūṣitoharerbhaktimupaspṛśyāmalāśayaḥ viṣṇorāyatanaṃgatvāsthitvaikākīvyaciṃtayat ### [5.72.101](https://indike.org/pramana/in.purana.padma.5.72.101) kathaṃbhajāmitaṃbhaktaṃmohanaṃgopayoṣitām vikrīḍaṃtaṃsadātābhiḥkālidīpulinevane ### [5.72.102](https://indike.org/pramana/in.purana.padma.5.72.102) itthamatyākulamatiściṃtayannevabālakaḥ athāpaparamāṃvidyāṃsvapnaṃcasamavāpyata ### [5.72.103](https://indike.org/pramana/in.purana.padma.5.72.103) āsītkṛṣṇapratikṛtiḥpuratastasyaśobhanā śilāmayīsvarṇapīṭhesarvalakṣaṇalakṣitā ### [5.72.104](https://indike.org/pramana/in.purana.padma.5.72.104) sābhūdiṃdīvaraśyāmāsnigdhalāvaṇyaśālinī tribhaṃgalalitākāraśikhaṃḍīpicchabhūṣaṇā ### [5.72.105](https://indike.org/pramana/in.purana.padma.5.72.105) kūjayaṃtīmudāveṇuṃkāṃcanīmadhare'pitām dakṣasavyagatābhyāṃcasuṃdarībhyāṃniṣevitām ### [5.72.106](https://indike.org/pramana/in.purana.padma.5.72.106) varddhayaṃtīṃtayoḥkāmaṃcuṃbanāśleṣaṇādibhiḥ dṛṣṭvācitradhvajaḥkṛṣṇaṃtādṛgveṣavilāsinam ### [5.72.107](https://indike.org/pramana/in.purana.padma.5.72.107) avanamyaśirastasmaipurolajjitamānasaḥ athovācaharirdakṣapārśvagāṃpreyasīṃhasan ### [5.72.108](https://indike.org/pramana/in.purana.padma.5.72.108) salajjaṃparamaṃcainaṃsvaśarīrāsanāgatam nirmāyātmasamaṃdivyaṃyuvatīrūpamadbhutam ### [5.72.109](https://indike.org/pramana/in.purana.padma.5.72.109) ciṃtayasvaśarīreṇahyabhedaṃmṛgalocane athotvadaṃgatejobhiḥspṛṣṭastvadrūpamāpsyati ### [5.72.110](https://indike.org/pramana/in.purana.padma.5.72.110) tataḥsāpadmapatrākṣīgatvācitradhvajāṃtikam nijāṃgakaistadaṃgānāmabhedaṃdhyāyatīsthitā ### [5.72.111](https://indike.org/pramana/in.purana.padma.5.72.111) athāsyāstvaṃgatejāṃsitadaṃgaṃparyapūrayan stanayorjyotiṣājātaupīnaucārupayodharau ### [5.72.112](https://indike.org/pramana/in.purana.padma.5.72.112) nitaṃbajyotiṣājātaṃśroṇibiṃbaṃmanoharam kuṃtalajyotiṣākeśapāśo'bhūtkarayoḥkarau ### [5.72.113](https://indike.org/pramana/in.purana.padma.5.72.113) sarvamevaṃsusaṃpannaṃbhūṣāvāsaḥsragādikam kalāsukuśalājātāsaurabhenāṃtarātmani ### [5.72.114](https://indike.org/pramana/in.purana.padma.5.72.114) dīpāddīpamivālokyasubhagāṃbhuvikanyakām citradhvajāṃtrapābhaṃgismitaśobhāṃmanoharām ### [5.72.115](https://indike.org/pramana/in.purana.padma.5.72.115) premṇāgṛhītvākarayoḥsātāmapaharanmudā goviṃdavāmapārśvasthāṃpreyasīṃparirabhyaca ### [5.72.116](https://indike.org/pramana/in.purana.padma.5.72.116) uvācatavadāsīyaṃnāmacāsyāścakāraya sevāṃcāsyaivadaprītyāyathābhirucitāṃpriyām ### [5.72.117](https://indike.org/pramana/in.purana.padma.5.72.117) athacitrakaletyetannāmacātmamatenasā cakāracāhasevārthaṃdhṛtvācāpivipaṃcikām ### [5.72.118](https://indike.org/pramana/in.purana.padma.5.72.118) sadātvaṃnikaṭetiṣṭhagāyasvavividhaiḥsvaraiḥ guṇātmanprāṇanāthasyatavāyaṃvihitovidhiḥ ### [5.72.119](https://indike.org/pramana/in.purana.padma.5.72.119) athacitrakalātvājñāṃgṛhītvānamyamādhavam tatpreyasyāścacaraṇaṃgṛhītvāpādayorajaḥ ### [5.72.120](https://indike.org/pramana/in.purana.padma.5.72.120) jagausumadhuraṃgītaṃtayorānaṃdakāraṇam athaprītyopagūḍhāsākṛṣṇenānaṃdamūrtinā ### [5.72.121](https://indike.org/pramana/in.purana.padma.5.72.121) yāvatsukhāṃbudhaupūrṇātāvadevāpyabudhyata citradhvajomahāpremavihvalaḥsmaratatparaḥ ### [5.72.122](https://indike.org/pramana/in.purana.padma.5.72.122) tamevaparamānaṃdaṃmuktakaṃṭhorurodaha tadārabhyarudannevamuktvāharivicārakam ### [5.72.123](https://indike.org/pramana/in.purana.padma.5.72.123) ābhāṣito'pipitrādyairnaivāvocadvacaḥkvacit māsamātraṃgṛhesthitvāniśīthekṛṣṇasaṃśrayaḥ ### [5.72.124](https://indike.org/pramana/in.purana.padma.5.72.124) nirgatyāraṇyamacarattapovaimuniduṣkaram kalpāṃtedehamutsṛjyatapasaivamahāmuniḥ ### [5.72.125](https://indike.org/pramana/in.purana.padma.5.72.125) vīraguptābhidhānasyagopasyaduhitāśubhā jātācitrakaletyevayasyāḥskaṃdhemanoharā ### [5.72.126](https://indike.org/pramana/in.purana.padma.5.72.126) vipaṃcīdṛśyatenityaṃsaptasvaravibhūṣitā upatiṣṭhativaivāmeratnabhṛṃgāramadbhutam ### [5.72.127](https://indike.org/pramana/in.purana.padma.5.72.127) dadhānādakṣiṇehastesāvairatnapatadgraham ayamāsītpurāsarvatāpasairabhivaṃditaḥ ### [5.72.128](https://indike.org/pramana/in.purana.padma.5.72.128) muniḥpuṇyaśravānāmakāśyapaḥsarvadharmavit pitātasyābhavacchaivaḥśatarudrīyamanvaham ### [5.72.129](https://indike.org/pramana/in.purana.padma.5.72.129) prastuvandevadeveśaṃviśveśaṃbhaktavatsalam prasannobhagavāṃstasyapārvatyāsahaśaṃkaraḥ ### [5.72.130](https://indike.org/pramana/in.purana.padma.5.72.130) caturdaśyāmarddharātreḥpratyakṣaḥpradadauvaram tvatputrobhavitākṛṣṇebhaktimānbālaevahi ### [5.72.131](https://indike.org/pramana/in.purana.padma.5.72.131) upanīyāṣṭamevarṣetasmaisiddhamanustvayam upadiśaikaviṃśatyāyomayātenigadyate ### [5.72.132](https://indike.org/pramana/in.purana.padma.5.72.132) gopālavidyānāmāyaṃmaṃtrovāksiddhidāyakaḥ etatsādhakajihvāgrelīlācaritamadbhutam ### [5.72.133](https://indike.org/pramana/in.purana.padma.5.72.133) anaṃtamūrtirāyātisvayamevavarapradaḥ kāmamāyāramākaṃṭhaseṃdrādāmodarojjvalāḥ ### [5.72.134](https://indike.org/pramana/in.purana.padma.5.72.134) madhyedaśākṣarīṃprocyapunastāevanirdiśet daśākṣaroktaṛṣyādidhyānaṃcāsyabravīmyaham ### [5.72.135](https://indike.org/pramana/in.purana.padma.5.72.135) pūrṇāmṛtanidhermadhyedvīpaṃjyotirmayaṃsmaret kālidyāveṣṭitaṃtatradhyāyedvṛṃdāvanevane ### [5.72.136](https://indike.org/pramana/in.purana.padma.5.72.136) sarvartukusumasrāvidrumavallībhirāvṛtam naṭanmattaśikhisvānaṃgāyatkokilaṣaṭpadam ### [5.72.137](https://indike.org/pramana/in.purana.padma.5.72.137) tasyamadhyevasatyekaḥpārijātatarurmahān śākhopaśākhāvistāraiḥśatayojanamucchritaḥ ### [5.72.138](https://indike.org/pramana/in.purana.padma.5.72.138) taletasyāthavimaleparitodhenumaṃḍalam tadaṃtarmaṃḍalaṃgopabālānāṃveṇuśṛṃgiṇām ### [5.72.139](https://indike.org/pramana/in.purana.padma.5.72.139) tadaṃtareturuciraṃmaṃḍalaṃvrajasubhruvām nānopāyanapāṇīnāṃmadavihvalacetasām ### [5.72.140](https://indike.org/pramana/in.purana.padma.5.72.140) kṛtāṃjalipuṭānāṃcamaṃḍalaṃśuklavāsasām śuklābharaṇabhūṣāṇāṃpremavihvalitātmanām ### [5.72.141](https://indike.org/pramana/in.purana.padma.5.72.141) ciṃtayecchrutikanyānāṃgṛhṇatīnāṃvacaḥpriyam ratnavedyāṃtatodhyāyeddukūlāvaraṇaṃharim ### [5.72.142](https://indike.org/pramana/in.purana.padma.5.72.142) ūrauśayānaṃrādhāyāḥkadalīkāṃḍakopari tadvaktraṃcaṃdrasusmeraṃvīkṣamāṇaṃmanoharam ### [5.72.143](https://indike.org/pramana/in.purana.padma.5.72.143) kiṃcitkuṃcitavāmāṃghriṃveṇuyuktenapāṇinā vāmenāligyadayitāṃdakṣeṇacibukaṃspṛśan ### [5.72.144](https://indike.org/pramana/in.purana.padma.5.72.144) mahāmārakatābhāsaṃmauktikacchāyamevaca puṃḍarīkaviśālākṣaṃpītanirmalavāsasam ### [5.72.145](https://indike.org/pramana/in.purana.padma.5.72.145) barhabhāralasacchīrṣaṃmuktāhāramanoharam gaṃḍaprāṃtalasaccārumakarākṛtikuṃḍalam ### [5.72.146](https://indike.org/pramana/in.purana.padma.5.72.146) āpādatulasīmālaṃkaṃkaṇāṃgadabhūṣaṇam nūpurairmudrikābhiścakāṃcyācaparimaṃḍitam ### [5.72.147](https://indike.org/pramana/in.purana.padma.5.72.147) sukumārataraṃdhyāyetkiśoravayasānvitam pūjādaśākṣaroktaivavedalakṣaṃpuraskriyā ### [5.72.148](https://indike.org/pramana/in.purana.padma.5.72.148) ityuktvāṃtardadhedevodevīcagirijāsatī munirāgatyaputrāyatathaivopadideśaha ### [5.72.149](https://indike.org/pramana/in.purana.padma.5.72.149) puṇyaśravāstutanmaṃtragrahaṇādevakeśavam varṇayāmāsavividhairjitvāsarvānmunīnsvayam ### [5.72.150](https://indike.org/pramana/in.purana.padma.5.72.150) rūpalāvaṇyavaidagdhyasauṃdaryāścaryalakṣaṇam tadāhṛṣṭamanābālonirgatyasvagṛhāttataḥ ### [5.72.151](https://indike.org/pramana/in.purana.padma.5.72.151) vāyubhakṣastapastepekalpānāmayutatrayam tadaṃtegokulejātānaṃdabhrāturgṛhesvayam ### [5.72.152](https://indike.org/pramana/in.purana.padma.5.72.152) lavaṃgāititannāmakṛṣṇeṃgitanirīkṣaṇā yasyāhastepradṛśyetamukhamārjanayaṃtrakam ### [5.72.153](https://indike.org/pramana/in.purana.padma.5.72.153) ititekathitāḥkāścitpradhānāḥkṛṣṇavallabhāḥ ### [5.72.154](https://indike.org/pramana/in.purana.padma.5.72.154) harivividharasādyairyuktamadhyāyametadvrajavaratanayābhiścāruhāsekṣaṇābhiḥ paṭhatiyaihabhaktyāpāṭhayedvāmanuṣyovrajatibhagavataḥśrīvāsudevasyadhāma ### [5.72.154.p1](https://indike.org/pramana/in.purana.padma.5.72.154.p1) iti śrīpadmapurāṇepātālakhaṃḍeśrīkṛṣṇamāhātmyedvisaptatitamo'dhyāyaḥ --- Source: [https://indike.org/pramana/in.purana.padma.5.72](https://indike.org/pramana/in.purana.padma.5.72) · Pramāṇa