[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Padmapurana](https://indike.org/pramana/in.purana.padma) › 5.94 # Padmapurana 5.94: caturnavatitamo'dhyāyaḥ Padmapurāṇa 5.94 - **Language:** Sanskrit ## Contents - [5.94.159](https://indike.org/pramana/in.purana.padma.5.94.159) — 1 part ### caturnavatitamo'dhyāyaḥ ### [5.94.1](https://indike.org/pramana/in.purana.padma.5.94.1) aṃbarīṣauvācapāpapraśamanaṃstotraṃśrotumicchāmitadvibho yasyaśravaṇamātreṇapāparāśirvilīyate ### [5.94.2](https://indike.org/pramana/in.purana.padma.5.94.2) dhanyo'smyanugṛhīto'smiśrāvito'smiśubhaṃvidhim vikarmopārjitaṃyasyaśravaṇādevahīyate ### [5.94.3](https://indike.org/pramana/in.purana.padma.5.94.3) citraṃkimatramadhusūdanadaivatasyamāsasyapuṇyasavanairihamādhavasya snānairavaśyavihitairagharāśināśaḥsyādyasyanāmapaṭhanādapitasyalokaḥ ### [5.94.4](https://indike.org/pramana/in.purana.padma.5.94.4) tadevapuṇyaṃparamaṃpavitraṃhṛdyaṃcalokesukṛtaikalabhyam yaducyatekeśavanāmadheyaṃmanyemunemādhavamāsibhavyam ### [5.94.5](https://indike.org/pramana/in.purana.padma.5.94.5) dhanyāstutemādhavamāsināmasmaraṃtiye'homadhusūdanasya tasyaivamekiṃcidahocaritraṃpunaḥpavitraṃvadaviśvajanyam ### [5.94.6](https://indike.org/pramana/in.purana.padma.5.94.6) sūtauvācavacaḥsamākarṇyaharipriyasyaprītomunistasyanṛpottamasya samādhavasnānasamutsuko'pikathārasenāhasamādhavasya ### [5.94.7](https://indike.org/pramana/in.purana.padma.5.94.7) nāradauvācasatyaṃmahīpālamithomukuṃdakathārasālāpavidhirviśuddhaḥ tvayāsamaṃmādhavamāsadharmasnānādhiko'yaharidaivatena ### [5.94.8](https://indike.org/pramana/in.purana.padma.5.94.8) jīvitaṃyasyadharmārthaṃdharmoharyarthamevaca ahorātrāṇipuṇyārthaṃtaṃmanyevaiṣṇavaṃbhuvi ### [5.94.9](https://indike.org/pramana/in.purana.padma.5.94.9) kiṃcidvakṣyāmiterājanvaiśākhasnānajaṃphalam asmatpitāpinovaktumalaṃvistarato'khilam ### [5.94.10](https://indike.org/pramana/in.purana.padma.5.94.10) yatramajjanamātreṇapretāmuktimupāgatāḥ mādhavemāsitepāpānarmadāsalilepare ### [5.94.11](https://indike.org/pramana/in.purana.padma.5.94.11) purātīrthaprasaṃgenabhramankopimahīsuraḥ muniśarmetivikhyātodharmātmāsatyavāñchuciḥ ### [5.94.12](https://indike.org/pramana/in.purana.padma.5.94.12) yuktaḥśamadamābhyāṃcakṣāṃtisaṃtoṣasaṃyutaḥ yuktaḥsapitṛkāryeṣuśrutismṛtividhānavān ### [5.94.13](https://indike.org/pramana/in.purana.padma.5.94.13) yuktomadhuravākyeṣusaṃyuktoharipūjane yuktovaiṣṇavasaṃsargetrikālajñānavānmuniḥ ### [5.94.14](https://indike.org/pramana/in.purana.padma.5.94.14) svakarmaṇiratodhīrohṛdayāluḥpriyāpriyaḥ dayāluratimedhāvītattvavidbrāhmaṇapriyaḥ ### [5.94.15](https://indike.org/pramana/in.purana.padma.5.94.15) mādhavemāsirevāyāṃsnānārthaṃpratisaṃcaran agrataḥpaṃcapuruṣāndadarśātīvaduḥkhitān ### [5.94.16](https://indike.org/pramana/in.purana.padma.5.94.16) parasparamasaṃsargakāriṇaḥkṛṣṇavigrahān vaṭacchāyāmupāśrityasamāsīnānavasthitān ### [5.94.17](https://indike.org/pramana/in.purana.padma.5.94.17) paśyaṃtodikṣusarvāsuduritodvignacetasaḥ tānālokyadvijaśreṣṭhaściṃtayāmāsavismitaḥ ### [5.94.18](https://indike.org/pramana/in.purana.padma.5.94.18) atraitekenarābhītāvipinedīnaceṣṭitāḥ caurāvāvikṛtākārādṛśyaṃtesaṃgabhāginaḥ ### [5.94.19](https://indike.org/pramana/in.purana.padma.5.94.19) parasparaṃcabhāṣaṃtaḥkṛśāḥkṛṣṇavapuḥśriyaḥ yāvadevaṃsaviprāgryovicārayatidhīradhīḥ ### [5.94.20](https://indike.org/pramana/in.purana.padma.5.94.20) tāvadāgamyatesarvedūrasthāmunimādarāt baddhāṃjalipuṭābhūtvāpraṇamyocuritisphuṭam ### [5.94.21](https://indike.org/pramana/in.purana.padma.5.94.21) paṃcapuruṣāūcuḥ - bhavyaṃbhavaṃtaṃpuruṣottamaṃvaivibhrājamānaṃcaritenamānyam manyāmahevipradayālumukhyaṃvācaṃsamākarṇayanosimaitraḥ ### [5.94.22](https://indike.org/pramana/in.purana.padma.5.94.22) saṃtaḥpratiṣṭhādīnānāṃdaivādudbhūtapāpinām ārtānāmārtihaṃtārodarśanādevasādhavaḥ ### [5.94.23](https://indike.org/pramana/in.purana.padma.5.94.23) ahaṃpāṃcāladeśīyaḥkṣatriyovīravāhanaḥ brāhmaṇaṃhatavānmohācchareṇaśabdavedhinā ### [5.94.24](https://indike.org/pramana/in.purana.padma.5.94.24) śikhāsūtravihīnastutilakenavivarjitaḥ aṭāmijagatīmenāṃbrahmaghno'hamitibruvan ### [5.94.25](https://indike.org/pramana/in.purana.padma.5.94.25) brahmaghnāyātipāpāyabhikṣāmahyaṃpradīyatām evaṃsarveṣutīrtheṣubhramannatrāsmicāgataḥ ### [5.94.26](https://indike.org/pramana/in.purana.padma.5.94.26) brahmahatyānamedyāpiprayātimunisattama evaṃmevarṣamekaṃhivyatītaṃkurvatovibho ### [5.94.27](https://indike.org/pramana/in.purana.padma.5.94.27) dahyamānasyapāpenaśokākulitacetasaḥ caṃdraśarmāparoviproyoyaṃsaṃlakṣyatedvija ### [5.94.28](https://indike.org/pramana/in.purana.padma.5.94.28) gurughātīsatubrahmanmohākulitamānasaḥ mohākulitacittatvādgurughātakaucyate ### [5.94.29](https://indike.org/pramana/in.purana.padma.5.94.29) nivasanmāgadhedeśesaṃtyaktaḥsvajanaistataḥ daivādasāvapimunebhramannihasamāgataḥ ### [5.94.30](https://indike.org/pramana/in.purana.padma.5.94.30) śikhāsūtravihīnastuvipraligavivarjitaḥ mayāpṛṣṭastuvṛttāṃtaṃsatyamevāvadaddivajaḥ ### [5.94.31](https://indike.org/pramana/in.purana.padma.5.94.31) vasatāyadgurorgehekrodhākulitacetasā mahāmohagatenāpiyathāvaighātitoguruḥ ### [5.94.32](https://indike.org/pramana/in.purana.padma.5.94.32) tenapāpenadagdho'sauvartateśokapīḍitaḥ tṛtīyo'yapunaḥsvāminvedaśarmāsamāhitaḥ ### [5.94.33](https://indike.org/pramana/in.purana.padma.5.94.33) surāpobrāhmaṇojātomohādveśyāprasaṃgataḥ pṛṣṭomayāyamapimeyathāvṛttaṃtathābravīt ### [5.94.34](https://indike.org/pramana/in.purana.padma.5.94.34) ātmanaśceṣṭitaṃsarvaṃmanastāpenapīḍitaḥ nirastaḥsarvalokaiścabhāryābaṃdhujanairapi ### [5.94.35](https://indike.org/pramana/in.purana.padma.5.94.35) tenapāpenasaṃliptobhramannatrāyamāgataḥ caturthovidhuronāmavaiśyo'yagurutalpagaḥ ### [5.94.36](https://indike.org/pramana/in.purana.padma.5.94.36) mohānmāsatrayaṃyāvadveśyābhūtāṃcamātaram bubhujesavidehasthāṃjñātatattvastataścaran ### [5.94.37](https://indike.org/pramana/in.purana.padma.5.94.37) duḥkhito'bhyāgamadbhūmiṃbhramannihamunepunaḥ paṃcamo'yamahāpāpīpāpisaṃsargakārakaḥ ### [5.94.38](https://indike.org/pramana/in.purana.padma.5.94.38) pratyahaṃdhanalobhenasteyādikṛtavānagham vaiśyotipātakaiḥkrāṃtastatastyaktojanaiḥsvayam ### [5.94.39](https://indike.org/pramana/in.purana.padma.5.94.39) nirviṇṇamānasodaivānnaṃdanāmehasaṃgataḥ evaṃpaṃcāpipāpiṣṭhāḥsthānamekamupāgatāḥ ### [5.94.40](https://indike.org/pramana/in.purana.padma.5.94.40) kaḥkasyāpinasaṃparkaṃbhojanācchādanādibhiḥ nakārotimahābhāgavināvārtāṃdvijottama ### [5.94.41](https://indike.org/pramana/in.purana.padma.5.94.41) viśaṃtyekāsanenaivanasvapaṃtyekasaṃstare evaṃduḥkhasamākrāṃtānānātīrtheṣuvaigatāḥ ### [5.94.42](https://indike.org/pramana/in.purana.padma.5.94.42) nāsmākaṃpātakaṃghoraṃprayātimunisattama dṛṣṭvābhavaṃtaṃdīpyaṃtaṃprasannānimanāṃsinaḥ ### [5.94.43](https://indike.org/pramana/in.purana.padma.5.94.43) vadaṃtiduritaprāṃtaṃsādhostepuṇyadarśanāt upāyaṃvadanaḥsvāminyathāpāpakṣayohinaḥ ### [5.94.44](https://indike.org/pramana/in.purana.padma.5.94.44) jñāyatekaruṇo'smābhirvipravedārthavitprabho ārtānāṃmārgamāṇānāṃpaścāttāpamupeyuṣām ### [5.94.45](https://indike.org/pramana/in.purana.padma.5.94.45) mohādavāptapāpānāṃtvamuddhartāsiniścitam nāradauvācateṣāmitivacaḥśrutvāmuniśarmāmunistataḥ ### [5.94.46](https://indike.org/pramana/in.purana.padma.5.94.46) idamāhavicāryetikaruṇāvaruṇālayaḥ muniśarmovācayūyamajñānataḥprāptapātakāḥsatyabhāṣiṇaḥ ### [5.94.47](https://indike.org/pramana/in.purana.padma.5.94.47) anutāpayutāstasmādanugrāhyāmayādhunā śṛṇudhvaṃmevacaḥsatyamūrdhvabāhurvadāmyaham ### [5.94.48](https://indike.org/pramana/in.purana.padma.5.94.48) yanmayāṃgirasaḥpūrvaṃśrutaṃmunisamāgame dṛṣṭaṃvedeṣuśāstreṣuśrutaṃgurumukhāttathā ### [5.94.49](https://indike.org/pramana/in.purana.padma.5.94.49) viṣṇunārādhitenādausvayamuktaṃcatattvataḥ natṛptiraśanādanyānagururjanakādapi ### [5.94.50](https://indike.org/pramana/in.purana.padma.5.94.50) napātramanyadviprebhyonadevaḥkeśavātparaḥ nagaṃgayāsamaṃtīrthaṃnadānaṃsurabhīsamam ### [5.94.51](https://indike.org/pramana/in.purana.padma.5.94.51) nagāyatryāsamaṃjāpyaṃnadvādaśyāsamaṃvratam nabhāryayāsamaṃmitraṃnadharmodayayāsamaḥ ### [5.94.52](https://indike.org/pramana/in.purana.padma.5.94.52) nasvātaṃtryasamaṃsaukhyaṃgārhasthyānnāśramovaraḥ nasatyātparaācāronasaṃtoṣātparaṃsukham ### [5.94.53](https://indike.org/pramana/in.purana.padma.5.94.53) namādhavasamomāsomahāpāpaharaḥparaḥ vidhinānuṣṭhitobhaktyāmadhusūdanavallabhaḥ ### [5.94.54](https://indike.org/pramana/in.purana.padma.5.94.54) gaṃgādiṣucatīrtheṣuviśeṣeṇasudurlabhaḥ prāyaścittānisarvāṇidvādaśābdamukhānica ### [5.94.55](https://indike.org/pramana/in.purana.padma.5.94.55) tāvadgarjaṃtipāpāniyāvannāyātimādhavaḥ vaiśākhamakhilaṃmāsaṃyaḥsnātiharitatparaḥ ### [5.94.56](https://indike.org/pramana/in.purana.padma.5.94.56) haripādasamudbhūtesalilevimalāśayaḥ saevasarvapāpānāṃhaṃtādṛṣṭastupāpibhiḥ ### [5.94.57](https://indike.org/pramana/in.purana.padma.5.94.57) nijapāpaughaniṣkṛtyaivaktavyaṃtasyakinnaraiḥ ### [5.94.58](https://indike.org/pramana/in.purana.padma.5.94.58) māsetuvaimādhavasaṃjñake'sminyaḥsnātipāpaiḥsavimucyatehi meṣasthitesaṃpratinarmadāyāḥśarmapradevāriṇivāritāghe ### [5.94.59](https://indike.org/pramana/in.purana.padma.5.94.59) durlabhāhimahānadyomādhavemāsisarvaśaḥ tato'pidurlabhāgaṃgārevācayamunātathā ### [5.94.60](https://indike.org/pramana/in.purana.padma.5.94.60) etāsutisṛṣuprāyaḥprāpyaikāmapisādaram yaḥsnātimādhavemāsivipāpaḥsahariṃvrajet ### [5.94.61](https://indike.org/pramana/in.purana.padma.5.94.61) tasmādahosahamayāsukṛtaikasārevaiśākhamāsicabhavaṃtaupetyarevām majjaṃtupātakakṛtomunivṛṃdajuṣṭerevājalenikhilapāpabhayāpahatyai ### [5.94.62](https://indike.org/pramana/in.purana.padma.5.94.62) evamuktāstataḥsarvemuditāmunināsaha jagmustepāpinorevāṃśaṃsaṃto'dbhutakāriṇīm ### [5.94.63](https://indike.org/pramana/in.purana.padma.5.94.63) muniśarmātatogacchaṃstaistathānugatonaraiḥ dadarśapathisaṃtrastānpiśācānaṣṭabhīṣaṇān ### [5.94.64](https://indike.org/pramana/in.purana.padma.5.94.64) kurvaṃtovividhāñchabdānbhramaṃto'pitatastataḥ ūrddhvakeśorddhvaraktāṃścakṛṣṇadaṃtakṛśodarān ### [5.94.65](https://indike.org/pramana/in.purana.padma.5.94.65) araṇyekaṃṭakākrāṃtevṛkṣapānīyavarjite sammukhaṃdhāvatodṛṣṭvābhayasaṃvignamānasaḥ ### [5.94.66](https://indike.org/pramana/in.purana.padma.5.94.66) namonārāyaṇāyetirakṣarakṣeticābravīt ### [5.94.67](https://indike.org/pramana/in.purana.padma.5.94.67) nārāyaṇāyetinamobhidhānamākarṇyadharmaikanidhānamuccaiḥ bhavāṃtaretemanasāpiśācāyayurnijādṛṣṭavaśenalabdhāḥ ### [5.94.68](https://indike.org/pramana/in.purana.padma.5.94.68) vinayānvitamanasomuniśarmāvilokyatān uvācamadhurābhāṣīkeyūyaṃvikṛtānarāḥ ### [5.94.69](https://indike.org/pramana/in.purana.padma.5.94.69) kiṃvākenakṛtaṃkarmayenaprāptācavaikṛtiḥ kathamevaṃvidhāḥsarveduḥkhino'tīvabhīṣaṇāḥ ### [5.94.70](https://indike.org/pramana/in.purana.padma.5.94.70) pretāūcuḥ - kṣutpipāsārditānityaṃnānāduḥkhacayākulāḥ kṛtabuddhehṛdikrūrānaṣṭasaṃjñāvicetasaḥ ### [5.94.71](https://indike.org/pramana/in.purana.padma.5.94.71) najānīmodiśaḥkvāpimūḍhāmānavaghātinaḥ tadetadduḥkhamākhyātametadevāsukhaṃpunaḥ ### [5.94.72](https://indike.org/pramana/in.purana.padma.5.94.72) prabhātamivasaṃbhātibhāskarodayadarśanāt śrutvānārāyaṇetyuccairbhāṣitaṃtavakomalam ### [5.94.73](https://indike.org/pramana/in.purana.padma.5.94.73) dṛṣṭvācadarśanaṃvipraśuddhabhāvaṃgatāvayam darśanenaivatevipranāmaśravaṇatohareḥ ### [5.94.74](https://indike.org/pramana/in.purana.padma.5.94.74) bhavāṃtaramanuprāptāvayaṃprāptādayālavaḥ vināśayatyapayaśobuddhiṃviśadayatyapi ### [5.94.75](https://indike.org/pramana/in.purana.padma.5.94.75) pratiṣṭhāpayatiprāyonṛṇāṃvaiṣṇavadarśanam ahaṃparyuṣitonāmasūcako'yadvitīyakaḥ ### [5.94.76](https://indike.org/pramana/in.purana.padma.5.94.76) śīghragorodhakaścānyaḥpaṃcamoyaṃcalekhakaḥ ṣaṣṭhoyamitivāgduṣṭaḥsaptamoyaṃvidaivataḥ ### [5.94.77](https://indike.org/pramana/in.purana.padma.5.94.77) nityaṃyājanakaścāyamaṣṭamaḥkaṣṭadāyakaḥ muniśarmovācapretānāṃkarmajātānāṃnāmānibhavatāṃkutaḥ ### [5.94.78](https://indike.org/pramana/in.purana.padma.5.94.78) kiṃtatkāraṇamuddiśyayenayūyaṃsanāmakāḥ pretāūcuḥ - mayāsvādusadābhuktaṃdattaṃparyuṣitaṃdvije ### [5.94.79](https://indike.org/pramana/in.purana.padma.5.94.79) ājyesatinirājyaṃcatenaparyyuṣito'smyaham mithyāmithyāparacchidramarmmānveṣīsvabhāvataḥ ### [5.94.80](https://indike.org/pramana/in.purana.padma.5.94.80) sūcayāmāsatenāsausūcako'śucirāturaḥ śīghraṃnaśyativipreṇayācitaḥkṣubhitenavai ### [5.94.81](https://indike.org/pramana/in.purana.padma.5.94.81) etatkāraṇamuddiśyaśīghragodvijasattama gṛhoparisadāsvādubhuktametenapāpinā ### [5.94.82](https://indike.org/pramana/in.purana.padma.5.94.82) ekākinākumanasātenāsaurodhakaḥsmṛtaḥ maunenāpisthitonityaṃpādenalikhatemahīm ### [5.94.83](https://indike.org/pramana/in.purana.padma.5.94.83) asmākamapipāpiṣṭholekhakolokasaṃgataḥ guṇinoyaṃguṇāndveṣṭinirguṇecaguṇajñatām ### [5.94.84](https://indike.org/pramana/in.purana.padma.5.94.84) asaṃjñejñānayogīcavāgduṣṭosautataḥsmṛtaḥ nāstikyabhāvādaniśaṃpitṛdaivatamānavān ### [5.94.85](https://indike.org/pramana/in.purana.padma.5.94.85) namanyatecasatkarmapāpastenavidaivataḥ sadāyācanakomithyāmithyādaurgatyadarśakaḥ ### [5.94.86](https://indike.org/pramana/in.purana.padma.5.94.86) sabhūtodvejakolubdhastenayācanakastvayam ebhiḥpūrvakṛtaiḥpāpairbhuktvānarakayātanām ### [5.94.87](https://indike.org/pramana/in.purana.padma.5.94.87) pretāstedarśanādadyapunarjātāḥsmasusthitāḥ etattesarvamākhyātamātmavṛttāṃtasaṃbhavam ### [5.94.88](https://indike.org/pramana/in.purana.padma.5.94.88) praśnaṃcayaditeśraddhāpṛcchānyatkathayāmite brāhmaṇauvācayejīvābhuvitiṣṭhaṃtisarvaāhāramūlakāḥ ### [5.94.89](https://indike.org/pramana/in.purana.padma.5.94.89) yuṣmākamapiāhāraṃśrotumicchāmittvataḥ pretāūcuḥ - śṛṇuṣvāhāramasmākaṃsarvasatvavigarhitam ### [5.94.90](https://indike.org/pramana/in.purana.padma.5.94.90) yaṃśrutvāniṃdasebrahmanbhūyobhūyaścanityaśaḥ śleṣmamūtrapurīṣeṇayoṣidaṃgamalenaca ### [5.94.91](https://indike.org/pramana/in.purana.padma.5.94.91) gṛhāṇityaktaśaucānitānibhuṃjaṃtitatravai strīdagdhāniprakīrṇāniprakīrṇāyaskarāṇica ### [5.94.92](https://indike.org/pramana/in.purana.padma.5.94.92) kutsitānimalenāpipretāvaitatrabhuṃjate mādhavaṃyatranārcaṃtistrījitānigṛhāṇica ### [5.94.93](https://indike.org/pramana/in.purana.padma.5.94.93) dayākṣāṃtivihīnānipretāstatraivabhuṃjate yatrābhadrāgṛhevācaḥśaucahīnāścayoṣitaḥ ### [5.94.94](https://indike.org/pramana/in.purana.padma.5.94.94) kalahoyatrasatataṃpretāstetatrabhuṃjate nayatrajāmayogehepūjyaṃtenavarāḥstriyaḥ ### [5.94.95](https://indike.org/pramana/in.purana.padma.5.94.95) yatradurjanasaṃsargastatrabhokṣyāmahevayam nayatraharisevāvānakathāyatravaiṣṇavī ### [5.94.96](https://indike.org/pramana/in.purana.padma.5.94.96) nayatravaiṣṇavīprītiḥpretāvaitatrabhuṃjate yeṣāmevaṃgṛheprītābhuṃjatete'pisatvaram ### [5.94.97](https://indike.org/pramana/in.purana.padma.5.94.97) pretābhavaṃtipāpenanijavaṃśavināśakāḥ tasyamejāyatebrahmanvadatobhojanaṃnijam ### [5.94.98](https://indike.org/pramana/in.purana.padma.5.94.98) asmātpāpataraṃcānyatkiṃcidvaktuṃnaśakyate nirviṇṇaḥpretabhāvenapṛcchāmitvāṃdṛḍhavratam ### [5.94.99](https://indike.org/pramana/in.purana.padma.5.94.99) yathānajāyatepretomuktiḥpretatvatoyathā brāhmaṇauvācaekādaśyādibhiḥpuṇyairvratairacyutakīrtanaiḥ ### [5.94.100](https://indike.org/pramana/in.purana.padma.5.94.100) devatātithipūjābhirgurupūjādibhistathā ācāraiḥsādhucaritaiḥśrutismṛtyuditairdinaiḥ ### [5.94.101](https://indike.org/pramana/in.purana.padma.5.94.101) evaṃśrāddhakriyādānairyathāvidhivinirmitaiḥ dayādānadamakṣāṃtiśīlaśiṣṭābhivādanaiḥ ### [5.94.102](https://indike.org/pramana/in.purana.padma.5.94.102) ityevamādibhirdharmaiḥpretānasyuḥkule'pivai govipratīrthāmaraparvatāgryanadīnadāśvatthatarūnanekaśaḥ ### [5.94.103](https://indike.org/pramana/in.purana.padma.5.94.103) yovaṃdatebaṃdhujanevinītaḥpretonalokebhavatīhanūnam kramādarccayateyuktoviśeṣādapimānavaḥ ### [5.94.104](https://indike.org/pramana/in.purana.padma.5.94.104) gaṃgādipuṇyatīrtheṣutasyapuṇyamanaṃtakam nāhaṃvarṣasahasreṣuvaktuṃśaktaḥsvayaṃvibhuḥ ### [5.94.105](https://indike.org/pramana/in.purana.padma.5.94.105) darśanādevatasyāpimuktaḥpretatvatobhavet ūrjamūrjasvalaṃmāsamathadāmodarapriyam ### [5.94.106](https://indike.org/pramana/in.purana.padma.5.94.106) tapasāmuttamaṃmāsaṃtapomādhavavallabham vaiśākhaṃmādhavaṃmāsaṃmadhusūdanadaivatam ### [5.94.107](https://indike.org/pramana/in.purana.padma.5.94.107) uttamaṃsarvamāsānāṃyamekaṃmunayoviduḥ yenaivasādhanenasyātsarvaṃkṛtyaṃhisādhitam ### [5.94.108](https://indike.org/pramana/in.purana.padma.5.94.108) brahmavidyāmatābhyetisālakṣmīrviśvakāriṇī tasyāvāsoyatomāsomādhavo'sautataḥsmṛtaḥ ### [5.94.109](https://indike.org/pramana/in.purana.padma.5.94.109) namādhavasamodevoyathādeveṣuniścitam tathāmāseṣusarveṣunamāsomādhavapriyaḥ ### [5.94.110](https://indike.org/pramana/in.purana.padma.5.94.110) tasyamādhavamāsasyamāhātmyamapibhaktitaḥ śrutvāvimucyatepretayonitaḥkiṃvidhānataḥ ### [5.94.111](https://indike.org/pramana/in.purana.padma.5.94.111) satāṃsaṃbhāṣaṇādevapuṇyatīrthaniṣevaṇāt nārāyaṇetipaṭhanāttannāmaśravaṇādapi ### [5.94.112](https://indike.org/pramana/in.purana.padma.5.94.112) mucyatepātakaiḥsarvairjanobhaktiparāyaṇaḥ yatiṣyetadahaṃpretābhavatāmapimuktaye ### [5.94.113](https://indike.org/pramana/in.purana.padma.5.94.113) paropakārajaṃpuṇyaṃyatonasyānmakhairapi pretāyāmitataḥsnātuṃrevāvāriṇimādhave ### [5.94.114](https://indike.org/pramana/in.purana.padma.5.94.114) māsimeṣasthitebhānāvetairanugatonaraiḥ paṃcaivatepunarmohājjātapātakasaṃcayāḥ ### [5.94.115](https://indike.org/pramana/in.purana.padma.5.94.115) snātumāyāṃtivacasāmamaivakaruṇāvataḥ ### [5.94.116](https://indike.org/pramana/in.purana.padma.5.94.116) tāvadbhavaṃtastunideśatometiṣṭhaṃtutatraivavaneviśokāḥ śrīnarmadāvāriṇiyāvadevagatvānijasnānavidhiṃvihāya ### [5.94.117](https://indike.org/pramana/in.purana.padma.5.94.117) nirmāyapuruṣānapināmatasmātkuśasvarūpānihanarmadāke vidhānatomādhavamāsidīnānnimajjayāmītidayānibaddhaḥ ### [5.94.118](https://indike.org/pramana/in.purana.padma.5.94.118) evaṃdinatrayeṇaivamuktirvaḥpretayonitaḥ nadarbhabaṭukasnānamātreṇaivanasaṃśayaḥ ### [5.94.119](https://indike.org/pramana/in.purana.padma.5.94.119) nāradauvācaevamuktastatastaistupratītairapipūjitaḥ muniśarmāyayāvetairanuyātastupaṃcabhiḥ ### [5.94.120](https://indike.org/pramana/in.purana.padma.5.94.120) tatragatvātataḥprātaḥsnātvākṛtvātathāvidhim snāpayāmāsatānpretānnāmatodarbhanirmitān ### [5.94.121](https://indike.org/pramana/in.purana.padma.5.94.121) smṛtāścamuninātīrthesnāpitānāmatastathā pretāḥpuṇyavatātenasadyomuktādivaṃyayuḥ ### [5.94.122](https://indike.org/pramana/in.purana.padma.5.94.122) tepāpinaḥpaṃcayadaivarevājalenimagnāvacasaivatasya śrīmādhavemāsivivarṇadehāḥsadyaḥsuvarṇaikarucobabhūvuḥ ### [5.94.123](https://indike.org/pramana/in.purana.padma.5.94.123) pāpapraśamanaṃstotraṃśrāvitāmuniśarmaṇā samakṣaṃsarvalokānāṃjātāstevarakāṃtayaḥ ### [5.94.124](https://indike.org/pramana/in.purana.padma.5.94.124) tatrasthāmānavāstāṃstuvirajānsnānamātrataḥ naspṛśaṃticarājeṃdrapāpisaṃsargaśaṃkathā ### [5.94.125](https://indike.org/pramana/in.purana.padma.5.94.125) muniśarmānurodhenatatodharmapramāṇataḥ sadyodivyābhavadvāṇīyadetevigatainasaḥ ### [5.94.126](https://indike.org/pramana/in.purana.padma.5.94.126) snātānāṃmādhavemāsimukuṃdahṛdayātmanām pāpapraśamanaṃstotraṃśṛṇvatāmihasādaram ### [5.94.127](https://indike.org/pramana/in.purana.padma.5.94.127) citraṃkimatrayāśuddhirjāyatepāpasaṃcayāt sarveṣāmevapāpānāṃprāyaścittamidaṃparam ### [5.94.128](https://indike.org/pramana/in.purana.padma.5.94.128) yatprātarmādhavemāsibhaktyātīrthe'vagāhanam yataḥpretāstutepāpāḥsnāpitānāmamātrataḥ ### [5.94.129](https://indike.org/pramana/in.purana.padma.5.94.129) smṛtāḥpuṇyavatātenamocitāmuniśarmaṇā ### [5.94.130](https://indike.org/pramana/in.purana.padma.5.94.130) ityevamākarṇyagiraṃnabhaḥsthāmatyadbhutāmāśutatomanuṣyāḥ śaśaṃsuretānapipaṃcapuṇyānvaiśākhamāsaṃcamuniṃcarevām ### [5.94.131](https://indike.org/pramana/in.purana.padma.5.94.131) athacākarṇyabhūpālaḥstavaṃduritanāśanam yadākarṇyanarobhaktyāmucyatepāparāśibhiḥ ### [5.94.132](https://indike.org/pramana/in.purana.padma.5.94.132) yasyaśravaṇamātreṇapāpinaḥśuddhimāgatāḥ anye'pibahavomuktāḥpāpādajñānasaṃbhavāt ### [5.94.133](https://indike.org/pramana/in.purana.padma.5.94.133) paradāraparadravyajīvahiṃsādikeyadā pravartatenṛṇāṃcittaṃprāyaścittaṃstutistadā ### [5.94.134](https://indike.org/pramana/in.purana.padma.5.94.134) viṣṇaveviṣṇavenityaṃviṣṇaveviṣṇavenamaḥ namāmiviṣṇuṃcittasthamahaṃkāragataṃharim ### [5.94.135](https://indike.org/pramana/in.purana.padma.5.94.135) cittasthamīśamavyaktamanaṃtamaparājitam viṣṇumīḍyamaśeṣāṇāmanādinidhanaṃvibhum ### [5.94.136](https://indike.org/pramana/in.purana.padma.5.94.136) viṣṇuścittagatoyanmeviṣṇurbuddhigataścayat yaccāhaṃkārakoviṣṇuryoviṣṇurmayisaṃsthitaḥ ### [5.94.137](https://indike.org/pramana/in.purana.padma.5.94.137) karotikartṛbhūto'sausthāvarasyacarasyaca tatpāpaṃnāśamāyātitasminnevahiciṃtite ### [5.94.138](https://indike.org/pramana/in.purana.padma.5.94.138) dhyātoharatiyatpāpaṃsvapnedṛṣṭastubhāvanāt tamupeṃdraṃmahaṃviṣṇuṃpraṇamāminatipriyam ### [5.94.139](https://indike.org/pramana/in.purana.padma.5.94.139) jagatyasminnirālaṃbemadhusūdanamacyutam hastāvalaṃbanaṃstotraṃviṣṇuṃvaṃdeparātparam ### [5.94.140](https://indike.org/pramana/in.purana.padma.5.94.140) sarveśvareśvaravibhoparamātmannadhokṣaja hṛṣīkeśahṛṣīkeśahṛṣīkeśanamostute ### [5.94.141](https://indike.org/pramana/in.purana.padma.5.94.141) nṛsiṃhānaṃtagoviṃdabhūtabhāvanakeśava duruktaṃduṣkṛtaṃdhyātaṃśamapāpaṃnamostute ### [5.94.142](https://indike.org/pramana/in.purana.padma.5.94.142) yanmayāciṃtitaṃduṣṭaṃsvacittavaśavartinā akāryyamaghamatyugraṃtacchamaṃnayakeśava ### [5.94.143](https://indike.org/pramana/in.purana.padma.5.94.143) brahmaṇyadevagoviṃdaparamārthaparāyaṇa jagannāthajagaddhātaḥpāpaṃśamayame'cyuta ### [5.94.144](https://indike.org/pramana/in.purana.padma.5.94.144) yaccāparāhṇesāyāhnemadhyāhnecatathāniśi kāyenamanasāvācākṛtaṃpāpamajānatā ### [5.94.145](https://indike.org/pramana/in.purana.padma.5.94.145) jānatācahṛṣīkeśapuṃḍarīkākṣamādhava nāmatrayoccāraṇataḥsarveyāṃtumamakṣayam ### [5.94.146](https://indike.org/pramana/in.purana.padma.5.94.146) śārīraṃmehṛṣīkeśapuṃḍarīkākṣamānasam pāpaṃpraśamamāyātuvākkṛtaṃmamamādhava ### [5.94.147](https://indike.org/pramana/in.purana.padma.5.94.147) yadbhuejānaḥpibaṃstiṣṭhansvapañjāgradyadāsthitaḥ akārṣaṃpāpamarthārthaṃkāyenamanasāgirā ### [5.94.148](https://indike.org/pramana/in.purana.padma.5.94.148) mahadalpamapiprāyoduryoninarakāvaham tatpāpaṃpraśamaṃyātuvāsudevasyakīrtanāt ### [5.94.149](https://indike.org/pramana/in.purana.padma.5.94.149) paraṃbrahmaparaṃdhāmapavitraṃparamaṃcayat tasminprakīrtiteviṣṇauyatpāpaṃtatpraṇaśyatu ### [5.94.150](https://indike.org/pramana/in.purana.padma.5.94.150) yatprāpyananivarttaṃtegaṃdhasparśādivarjitāḥ sūrayastatpadaṃviṣṇostatsarvaṃśamayatvayam ### [5.94.151](https://indike.org/pramana/in.purana.padma.5.94.151) pāpapraśamanaṃstotraṃyaḥpaṭhecchṛṇuyānnaraḥ śārīrairmānasairvāgjaiḥkṛtaiḥpāpaiḥsamucyate ### [5.94.152](https://indike.org/pramana/in.purana.padma.5.94.152) muktaḥpāpagrahādibhyoyātiviṣṇoḥparaṃpadam tasmātpāpekṛtaṃjapyaṃstotraṃsarvāghamardanam ### [5.94.153](https://indike.org/pramana/in.purana.padma.5.94.153) prāyaścittamaghaughānāṃpaṭhitavyaṃnarottamaiḥ prāyaścittaiḥstotravarairvratairnaśyatipātakam ### [5.94.154](https://indike.org/pramana/in.purana.padma.5.94.154) tataḥkāryāṇisaṃsiddhyaitānivaibhuktimuktaye pūrvajanmārjitaṃpāpamaihikaṃcanareśvara ### [5.94.155](https://indike.org/pramana/in.purana.padma.5.94.155) stavasyaśravaṇādasyasadyaevavilīyate pāpadrumakuṭhāro'ghayaṃpāpeṃdhanadavānalaḥ ### [5.94.156](https://indike.org/pramana/in.purana.padma.5.94.156) pāparāśitamaḥstomabhānureṣastavonṛpa mayāprakāśitastubhyaṃtathālokānukaṃpayā ### [5.94.157](https://indike.org/pramana/in.purana.padma.5.94.157) stavoyo'yamayāprāptorahasyaṃpiturādarāt itihāsamimaṃpuṇyaṃyaḥśṛṇotinarādhipa ### [5.94.158](https://indike.org/pramana/in.purana.padma.5.94.158) tasyāpipuṇyamāhātmyaṃvaktuṃśaktaḥsvayaṃhariḥ svastitestumahārājagaṃgāyāmathasatvaram ### [5.94.159](https://indike.org/pramana/in.purana.padma.5.94.159) snātuṃyāmisamāyātomāso'yamādhavomahān ### [5.94.159.p1](https://indike.org/pramana/in.purana.padma.5.94.159.p1) iti śrīpadmapurāṇepātālakhaṃḍenāradāṃbarīṣasaṃvādevaiśākhamāhātmyepreto - pākhyānepāpapraśamanaṃnāmacaturnavatitamo'dhyāyaḥ ## Linked texts (1) - [Agnipurāṇa](https://indike.org/pramana/in.purana.agni.172.1) — Vyāsa, Sanskrit --- Source: [https://indike.org/pramana/in.purana.padma.5.94](https://indike.org/pramana/in.purana.padma.5.94) · Pramāṇa