[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Padmapurana](https://indike.org/pramana/in.purana.padma) › 5.95 # Padmapurana 5.95: paṃcanavatitamo'dhyāyaḥ Padmapurāṇa 5.95 - **Language:** Sanskrit ## Contents - [5.95.116](https://indike.org/pramana/in.purana.padma.5.95.116) — 1 part - [5.95.150](https://indike.org/pramana/in.purana.padma.5.95.150) — 1 part ### paṃcanavatitamo'dhyāyaḥ ### [5.95.1](https://indike.org/pramana/in.purana.padma.5.95.1) sūtauvācayātuṃtamudyataṃnatvāmuniṃrājātatomudā vidhiṃpapracchasaṃkṣiptaṃsnānadānakriyocitam ### [5.95.2](https://indike.org/pramana/in.purana.padma.5.95.2) aṃbarīṣauvācamunevaiśākhamāse'sminkovidhiḥkiṃtapo'dhikam kiṃcadānaṃkathaṃsnānaṃkathaṃkeśavapūjanam ### [5.95.3](https://indike.org/pramana/in.purana.padma.5.95.3) kṛpayāvadaviprarṣesarvajñastvaṃharipriyaḥ viśeṣato'pipūjāyāvidhiṃtīrthapadevada ### [5.95.4](https://indike.org/pramana/in.purana.padma.5.95.4) nāradauvācameṣasaṃkramaṇebhānormādhavemāsisattama mahānadyāṃnadītīrenadesarasinirjhare ### [5.95.5](https://indike.org/pramana/in.purana.padma.5.95.5) devakhāte'thavāsnāyādyathāprāptejalāśaye dīrghikākūpavāpīṣuniyatātmāhariṃsmaran ### [5.95.6](https://indike.org/pramana/in.purana.padma.5.95.6) madhumāsasyaśuklāyāmekādaśyāmupoṣitaḥ paṃcadaśyāṃcavāvīrameṣasaṃkramaṇe'pivā ### [5.95.7](https://indike.org/pramana/in.purana.padma.5.95.7) vaiśākhasnānaniyamaṃbrāhmaṇānāmanujñayā madhusūdanamabhyarcyakuryātsusnānapūrvakam ### [5.95.8](https://indike.org/pramana/in.purana.padma.5.95.8) vaiśākhaṃsakalaṃmāsaṃmeṣasaṃkramaṇeraveḥ prātaḥsaniyamaḥsnāsyeprīyatāṃmadhusūdanaḥ ### [5.95.9](https://indike.org/pramana/in.purana.padma.5.95.9) madhuhaṃtuḥprasādenabrāhmaṇānāmanugrahāt nirvighnamastumepuṇyaṃvaiśākhasnānamanvaham ### [5.95.10](https://indike.org/pramana/in.purana.padma.5.95.10) mādhavemeṣagebhānaumurāremadhusūdana prātaḥsnānenamenāthayathoktaphaladobhava ### [5.95.11](https://indike.org/pramana/in.purana.padma.5.95.11) yathātemādhavomāsovallabhomadhusūdana prātaḥsnānenametasminphaladaḥpāpahābhava ### [5.95.12](https://indike.org/pramana/in.purana.padma.5.95.12) evamuccāryatattīrthepādauprakṣālyavāgyataḥ smarannārāyaṇaṃdevaṃsnānaṃkuryādvidhānataḥ ### [5.95.13](https://indike.org/pramana/in.purana.padma.5.95.13) tīrthaṃprakalpayeddhīmānmūlamaṃtramimaṃpaṭhan —namonārāyaṇāyamūlamaṃtraudāhṛtaḥ ### [5.95.14](https://indike.org/pramana/in.purana.padma.5.95.14) darbhapāṇistuvidhivadācāṃtaḥpraṇatobhuvi caturhastasamāyuktaṃcaturasraṃsamaṃtataḥ ### [5.95.15](https://indike.org/pramana/in.purana.padma.5.95.15) prakalpyāvāhayedgaṃgāṃmaṃtreṇānenamānavaḥ viṣṇupādaprasūtāsivaiṣṇavīviṣṇudevatā ### [5.95.16](https://indike.org/pramana/in.purana.padma.5.95.16) trāhinastvenasastasmādājanmamaraṇāṃtikāt tisraḥkoṭyorddhakoṭīcatīrthānāṃvāyurabravīt ### [5.95.17](https://indike.org/pramana/in.purana.padma.5.95.17) divibhuvyaṃtarikṣecatānitesaṃtijāhnavi naṃdinītyevatenāmavedeṣunalinītica ### [5.95.18](https://indike.org/pramana/in.purana.padma.5.95.18) dakṣāpṛthvīcavihagāviśvagāthāśivapriyā vidyādharīmahādevītathālokaprasādinī ### [5.95.19](https://indike.org/pramana/in.purana.padma.5.95.19) kṣemaṃkarījāhnavīcaśāṃtāśāṃtipradāyinī etānipuṇyanāmānisnānakāleprakīrtayet ### [5.95.20](https://indike.org/pramana/in.purana.padma.5.95.20) bhavetsaṃnihitātatragaṃgātripathagāminī saptavārābhijaptenakarasaṃpuṭayojite ### [5.95.21](https://indike.org/pramana/in.purana.padma.5.95.21) mūrdhnikṛtvājalaṃbhūpaścaturvāpaṃcasaptavā snānaṃkṛtvāmṛdātadvadāmaṃtryatuvidhānataḥ ### [5.95.22](https://indike.org/pramana/in.purana.padma.5.95.22) aśvakrāṃterathakrāṃteviṣṇukrāṃtevasuṃdhare mṛttikeharamepāpaṃyanmayāduṣkṛtaṃkṛtam ### [5.95.23](https://indike.org/pramana/in.purana.padma.5.95.23) uddhṛtāsivarāheṇaviṣṇunāśatabāhunā namastesarvalokānāṃprabhavāraṇisuvrate ### [5.95.24](https://indike.org/pramana/in.purana.padma.5.95.24) evaṃsnātvātataḥpaścādācamyatuvidhānataḥ utthāyavāsasīśukleśuddhetuparidhāpayet ### [5.95.25](https://indike.org/pramana/in.purana.padma.5.95.25) tatastutarppaṇaṃkuryyāttrailokyāpyāyanāyavai brahmāṇaṃtarppayetpūrvaṃviṣṇuṃrudraṃprajāpatim ### [5.95.26](https://indike.org/pramana/in.purana.padma.5.95.26) devānyakṣāṃstathānāgāngaṃdharvāpsarasosurān krūrānsarpānsuparṇāṃścatarūnvaijaṃtukānkhagān ### [5.95.27](https://indike.org/pramana/in.purana.padma.5.95.27) vidyādharāñjaladharāṃstathaivākāśagāminaḥ nirādhārāścayejīvāḥpāpakarmaratāścaye ### [5.95.28](https://indike.org/pramana/in.purana.padma.5.95.28) teṣāmāpyāyanārthāyadīyatesalilaṃmayā kṛtopavītīdeveṣunivītīcabhavennaraḥ ### [5.95.29](https://indike.org/pramana/in.purana.padma.5.95.29) manuṣyāṃstarppayedbhaktyābrahmaputrānṛṣīṃstathā sanakaḥsanaṃdanaścaivatṛtīyaścasanātanaḥ ### [5.95.30](https://indike.org/pramana/in.purana.padma.5.95.30) kapilaścāsuriścaivavoḍhuḥpaṃcaśikhastathā tesarvetṛptimāyāṃtumaddattenāṃbunāsadā ### [5.95.31](https://indike.org/pramana/in.purana.padma.5.95.31) marīcimatryaṃgirasaupulastyaṃpulahaṃkratum pracetasaṃvasiṣṭhaṃcabhṛguṃnāradamevaca ### [5.95.32](https://indike.org/pramana/in.purana.padma.5.95.32) devabrahmaṛṣīnsarvāṃstarpayedakṣatodakaiḥ apasavyaṃtataḥkuryātsavyaṃjānvācyabhūtale ### [5.95.33](https://indike.org/pramana/in.purana.padma.5.95.33) agniṣvāttāstathāsaumyāhaviṣmaṃtastathoṣmapāḥ kavyānalānbarhiṣadastathāvaicājyapāḥpunaḥ ### [5.95.34](https://indike.org/pramana/in.purana.padma.5.95.34) saṃtarpayetpitṝnbhaktyāsatilodakacaṃdanaiḥ yamāyadharmarājāyamṛtyavecāṃtakāyaca ### [5.95.35](https://indike.org/pramana/in.purana.padma.5.95.35) vaivasvatāyakālāyasarvabhūtakṣayāyaca uduṃbarāyadadhnāyanīlāyaparameṣṭhine ### [5.95.36](https://indike.org/pramana/in.purana.padma.5.95.36) vṛkodarāyacitrāyacitraguptāyavainamaḥ darbhapāṇistuvidhivatpitṝnsaṃtarpayettataḥ ### [5.95.37](https://indike.org/pramana/in.purana.padma.5.95.37) pitrādīnnāmagotreṇatathāmātāmahānapi saṃtarpyavidhināsarvānimaṃmaṃtramudīrayet ### [5.95.38](https://indike.org/pramana/in.purana.padma.5.95.38) yebāṃdhavābāṃdhavāyeye'nyajanmanibāṃdhavāḥ tetṛptimakhilāṃyāṃtuye'smattastoyakāṃkṣiṇaḥ ### [5.95.39](https://indike.org/pramana/in.purana.padma.5.95.39) ācamyavidhivatsamyagālikhetpadmamagrataḥ sākṣataiścasapuṣpaiścasalilāruṇacaṃdanaiḥ ### [5.95.40](https://indike.org/pramana/in.purana.padma.5.95.40) arghaṃdadyātprayatnenasūryyanāmānukīrttanaiḥ namasteviṣṇurūpāyanamastebrahmarūpiṇe ### [5.95.41](https://indike.org/pramana/in.purana.padma.5.95.41) sahasraraśmayesūryanamastesarvatejase namasterudravapuṣenamastebhaktavatsala ### [5.95.42](https://indike.org/pramana/in.purana.padma.5.95.42) padmanābhanamaste'stukuṃḍalāṃgadabhūṣita namastesarvalokeśasuptānāmupabodhana ### [5.95.43](https://indike.org/pramana/in.purana.padma.5.95.43) sukṛtaṃduṣkṛtaṃcaivasarvaṃpaśyasisarvadā satyadevanamaste'stuprasīdamamabhāskara ### [5.95.44](https://indike.org/pramana/in.purana.padma.5.95.44) divākaranamastestuprabhākaranamostute evaṃsūryaṃnamaskṛtyasaptakṛtvāpradakṣiṇam ### [5.95.45](https://indike.org/pramana/in.purana.padma.5.95.45) dvijaṃgāṃkāṃcanaṃspṛṣṭvāpaścāccasvagṛhaṃvrajet āśramasthāṃstataḥpūjyapratimāṃcāpipūjayet ### [5.95.46](https://indike.org/pramana/in.purana.padma.5.95.46) pūrvaṃbhaktyaivagoviṃdaṃgṛhīcaniyatātmavān pūjayedbhaktitorājannubhayatrayathāvidhi ### [5.95.47](https://indike.org/pramana/in.purana.padma.5.95.47) viśeṣādapivaiśākheyo'cayenmadhusūdanam sarvaṃsaṃvatsaraṃyāvadarcitastenamādhavaḥ ### [5.95.48](https://indike.org/pramana/in.purana.padma.5.95.48) mādhavemāsisaṃprāptemeṣasthekarmasākṣiṇi keśavaprītayekuryātkeśavavratasaṃcayam ### [5.95.49](https://indike.org/pramana/in.purana.padma.5.95.49) dadyādanekadānānitilājyaprabhṛtīnyapi janmakoṭisamudbhūtapātakāṃtakarāṇica ### [5.95.50](https://indike.org/pramana/in.purana.padma.5.95.50) jalānnaśarkarādhenutiladhenumukhānica vittamānenadeyānidānānīpsitasiddhaye ### [5.95.51](https://indike.org/pramana/in.purana.padma.5.95.51) vaiśākhaṃsakalaṃmāsaṃnityasnāyījiteṃdriyaḥ japanhaviṣyaṃbhuṃjānaḥsarvapāpaiḥpramucyate ### [5.95.52](https://indike.org/pramana/in.purana.padma.5.95.52) ekabhuktamathonaktamayācitamataṃdritaḥ mādhavemāsiyaḥkuryāllabhatesarvamīpsitam ### [5.95.53](https://indike.org/pramana/in.purana.padma.5.95.53) vaiśākhevidhināsnānadvayaṃnadyādikebahiḥ haviṣyaṃbrahmacaryaṃcabhūśayyāniyamasthitiḥ ### [5.95.54](https://indike.org/pramana/in.purana.padma.5.95.54) vrataṃdānaṃjapohomomadhusūdanapūjanam apijanmasahasrotthaṃpāpaṃdahatidāruṇam ### [5.95.55](https://indike.org/pramana/in.purana.padma.5.95.55) yathaivamādhavodhyātovināśayatikilbiṣam tathaivamādhavesnānaṃniyamenavinirmitam ### [5.95.56](https://indike.org/pramana/in.purana.padma.5.95.56) tīrthecānudinaṃsnānaṃtilaiścapitṛtarpaṇam dānaṃdharmaghaṭādīnāṃmadhusūdanapūjanam ### [5.95.57](https://indike.org/pramana/in.purana.padma.5.95.57) mādhavemāsikurvītamadhusūdanatuṣṭidam tilodakasuvarṇānnaśarkarāṃbarabhūṣaṇam ### [5.95.58](https://indike.org/pramana/in.purana.padma.5.95.58) pādatrāṇātapatrāṃbukuṃbhāndadyāddviṃjātiṣu trisaṃdhyaṃpūjayedīśaṃbhaktitomadhusūdanam ### [5.95.59](https://indike.org/pramana/in.purana.padma.5.95.59) sākṣādvimalayālakṣmyāsamupetaṃsamāhitaḥ suvarṇatilapātraiścabrāhmaṇāñchaktitobahūn ### [5.95.60](https://indike.org/pramana/in.purana.padma.5.95.60) tarpayedudapātrairyobrahmahatyāṃvyapohati vaiśākhemāsiyaḥsnātvāprātarnadyāṃsamāhitaḥ ### [5.95.61](https://indike.org/pramana/in.purana.padma.5.95.61) pūjayitvāhariṃbhaktyāpuṣpaiḥkālodbhavaiḥphalaiḥ pūjayedbrāhmaṇaṃśaktyāpākhaṃḍālāpavarjitaḥ ### [5.95.62](https://indike.org/pramana/in.purana.padma.5.95.62) tarpayedvastragodānairatnādyairdhanasaṃcayaiḥ anyadvittaṃyathāśaktistokaṃstokaṃsamācaret ### [5.95.63](https://indike.org/pramana/in.purana.padma.5.95.63) paścādviniḥsvaḥpuruṣomādhavemāsimādhavam puṣpārcanavidhānenapūjayenmadhusūdanam ### [5.95.64](https://indike.org/pramana/in.purana.padma.5.95.64) sarvapāpavinirmuktaḥpitṝṇāṃtārayecchatam sajanmaśatasāhasraṃnaśokaphalabhāgbhavet ### [5.95.65](https://indike.org/pramana/in.purana.padma.5.95.65) nacavyādhibhayaṃtasyanadāridryaṃnabaṃdhanam saviṣṇubhaktojāyetadhanyojanmanijanmani ### [5.95.66](https://indike.org/pramana/in.purana.padma.5.95.66) yāvadyugasahasrāṇiśatamaṣṭottaraṃbhavet tāvatsvargevasedvīrabhūpatiścapunarbhavet ### [5.95.67](https://indike.org/pramana/in.purana.padma.5.95.67) bhūpatervividhānbhogānbhuktvācaivayathāsukham mādhavasyaprasādenamādhavelīyatetataḥ ### [5.95.68](https://indike.org/pramana/in.purana.padma.5.95.68) śṛṇurājanpravakṣyāmisamāsānmādhavārcanam vaidikaṃtāṃtrikaṃvāpimiśrakaṃpāpanāśanam ### [5.95.69](https://indike.org/pramana/in.purana.padma.5.95.69) nahyaṃto'natapārasyanāṃtaḥpūjāvidhernṛpa athasaṃkṣipyacocyetayathāvadanupūrvaśaḥ ### [5.95.70](https://indike.org/pramana/in.purana.padma.5.95.70) vaidikastāṃtrikomiśraḥśrīviṣṇostrividhomakhaḥ trayāṇāmīpsitenaivavidhināharimarcayet ### [5.95.71](https://indike.org/pramana/in.purana.padma.5.95.71) vaidikomiśrakovāpiviprādīnāṃvidhīyate tāṃtrikoviṣṇubhaktasyaśūdrasyāpiprakīrtitaḥ ### [5.95.72](https://indike.org/pramana/in.purana.padma.5.95.72) yathāsvanigamenoktaṃdvijatvaṃprāpyapūruṣaḥ yajeccavidhivadviṣṇuṃbrahmacārīsamāhitaḥ ### [5.95.73](https://indike.org/pramana/in.purana.padma.5.95.73) arcayetsthaṃḍile'gnauvāsūrye'psuhṛdivādvije dravyeṇabhaktiyuktenasvaguruṃtadanujñayā ### [5.95.74](https://indike.org/pramana/in.purana.padma.5.95.74) pūrvaṃsnānaṃprakurvītadhautadaṃtoṃ'gaśuddhaye ubhayorapicasnānaṃmaṃtrairmṛdgrahaṇādinā ### [5.95.75](https://indike.org/pramana/in.purana.padma.5.95.75) saṃdhyopāstyādikarmāṇivedataṃtroditānivai pūjāṃtekalpayetsamyaksaṃkalpaṃkarmapāvanam ### [5.95.76](https://indike.org/pramana/in.purana.padma.5.95.76) śailīdārumayīlauhīlepyālekhyācasaikatī manomayīmaṇimayīpratimāṣṭavidhāsmṛtā ### [5.95.77](https://indike.org/pramana/in.purana.padma.5.95.77) calācaletidvividhāpratiṣṭhājīvamaṃdiram udvāsāvāhanenastaḥsthirāyāṃmādhavārcane ### [5.95.78](https://indike.org/pramana/in.purana.padma.5.95.78) asthirāyāṃvikalpaḥsyātsthaṃḍiletubhaveddvayam snāpanaṃtvavilepyāyāmanyatraparimārjanam ### [5.95.79](https://indike.org/pramana/in.purana.padma.5.95.79) dravyaiḥprasiddhairdevejyāpratimādiṣvamāyinaḥ bhaktasyacayathālabdhairbhaktibhāvenacaivahi ### [5.95.80](https://indike.org/pramana/in.purana.padma.5.95.80) snānālaṃkaraṇaṃśreṣṭhamarcāyāmevabhūpate sthaṃḍileṣvapivinyāsovahnāvājyahutaṃhaviḥ ### [5.95.81](https://indike.org/pramana/in.purana.padma.5.95.81) sūryecābhyarhaṇaṃśreṣṭhaṃsthaṃḍilesalilādibhiḥ śraddhayopahṛtaṃśreṣṭhaṃharaubhaktenavāryapi ### [5.95.82](https://indike.org/pramana/in.purana.padma.5.95.82) gaṃdhodhūpaḥsumanasodīpothna'nādyaṃcakiṃpunaḥ śuciḥsaṃbhṛtasaṃbhāraḥprāgdarbhaiḥkalpitāsanaḥ ### [5.95.83](https://indike.org/pramana/in.purana.padma.5.95.83) āsīnaḥprāgudagvaktrohyarcāyāmathasammukhaḥ kṛtanyāsaḥkṛtanyāsāṃharyarcāṃpāṇināspṛśet ### [5.95.84](https://indike.org/pramana/in.purana.padma.5.95.84) kalaśaṃprokṣaṇīyaṃcayathāvadupasādhayet tadadbhirdevayajanaṃdravyāṇyātmānamevaca ### [5.95.85](https://indike.org/pramana/in.purana.padma.5.95.85) prokṣyapātrāṇitrīṇyadbhistaistairdravyaistusādayet pādyārghyācamanīyārthaṃtrīṇipātrāṇidāpayet ### [5.95.86](https://indike.org/pramana/in.purana.padma.5.95.86) hṛtaśīrṣṇācaśikhayāgāyatryācābhimaṃtrayet piṃḍevāyvagnisaṃsiddhehṛtpadmasthāṃparāṃvibhoḥ ### [5.95.87](https://indike.org/pramana/in.purana.padma.5.95.87) aṇvīṃjīvakalāṃdhyāyennādāṃtesiddhibhāvitām tayātmabhūtayāpiṃḍevyāptesaṃpūjyatanmayaḥ ### [5.95.88](https://indike.org/pramana/in.purana.padma.5.95.88) āvāhyārcādiṣusthāpyanyastāṃgāṃtāṃprapūjayet pādyārghyasnānārhaṇādīnupacārānprakalpayet ### [5.95.89](https://indike.org/pramana/in.purana.padma.5.95.89) dharmādibhiścanavabhiḥkalpayitvāsanaṃhareḥ padmamaṣṭadalaṃtatrakarṇikākesarojjvalam ### [5.95.90](https://indike.org/pramana/in.purana.padma.5.95.90) ubhābhyāṃvedataṃtrābhyāṃharerubhayasiddhaye sudarśanaṃpāṃcajanyaṃgadāsīṣudhanurhalam ### [5.95.91](https://indike.org/pramana/in.purana.padma.5.95.91) muśalaṃkaustubhaṃmālāṃśrīvatsaṃcānupūjayet naṃdaṃsunaṃdaṃgaruḍaṃpracaṃḍaṃcaṃḍamevaca ### [5.95.92](https://indike.org/pramana/in.purana.padma.5.95.92) mahābalaṃbalaṃcaivakumudaṃkumudekṣaṇam durgāṃvināyakaṃvyāsaṃviṣvaksenaṃgurūnsurān ### [5.95.93](https://indike.org/pramana/in.purana.padma.5.95.93) svesvesthāneṣvabhimukhānpūjayetprokṣaṇādibhiḥ caṃdanośīrakarpūrakuṃkumāguruvāsitaiḥ ### [5.95.94](https://indike.org/pramana/in.purana.padma.5.95.94) salilaisnāpayenmaṃtrairnityaṃvāvibhavesati svarṇagharmānuvākenamahāpuruṣavidyayā ### [5.95.95](https://indike.org/pramana/in.purana.padma.5.95.95) pauruṣeṇāpisūktenasāmanīrājanādibhiḥ vastropavītābharaṇapatrasraggaṃdhalepanaiḥ ### [5.95.96](https://indike.org/pramana/in.purana.padma.5.95.96) alaṃkurvītasapremaviṣṇubhaktoyathocitam pādyamācamanīyaṃcagaṃdhaṃsumanasokṣatān ### [5.95.97](https://indike.org/pramana/in.purana.padma.5.95.97) gaṃdhadhūpopahāryāṇidadyādvaiśraddhayārcakaḥ guḍapāyasasarpīṃṣiśaṣkulyāpūpamodakān ### [5.95.98](https://indike.org/pramana/in.purana.padma.5.95.98) pāyasaṃdadhisarpiścanaivedyaṃsavikalpayet abhyaṃgonmardanādarśadaṃtadhāvābhiṣecanam ### [5.95.99](https://indike.org/pramana/in.purana.padma.5.95.99) annādyaṃnṛtyagītānisarvāṇisyurathānvaham vidhināvihitekuṃḍemekhalāvartavedibhiḥ ### [5.95.100](https://indike.org/pramana/in.purana.padma.5.95.100) agnimādhāyaparitaḥsamūhetpāṇinodakam paristīryāthaparyukṣyadatvāidhmaṃyathāvidhi ### [5.95.101](https://indike.org/pramana/in.purana.padma.5.95.101) prokṣaṇyāsādyadravyāṇiprokṣaṇyaivājyasecanam taptajāṃbūnadaprakhyaṃśaṃkhacakragadāṃbujaiḥ ### [5.95.102](https://indike.org/pramana/in.purana.padma.5.95.102) lasaccaturbhujaṃśāṃtaṃpadmakiṃjalkavāsasam sphuratkirīṭakaṭakakaṭisūtravarāṃgadam ### [5.95.103](https://indike.org/pramana/in.purana.padma.5.95.103) śrīvatsavakṣasaṃbhrājatkaustubhaṃvanamālinam dhyāyannabhyarcyadārūṇihaviṣāsaghṛtānica ### [5.95.104](https://indike.org/pramana/in.purana.padma.5.95.104) prāsyājyabhāgāvāghāraudatvācājyaplutaṃhaviḥ abhyarcyāthanamaskṛtyapārṣadebhyobaliharet ### [5.95.105](https://indike.org/pramana/in.purana.padma.5.95.105) mūlamaṃtraṃjapedbrahmansmarannārāyaṇātmakam datvācamanamucchiṣṭaṃviṣvaksenāyakalpayet ### [5.95.106](https://indike.org/pramana/in.purana.padma.5.95.106) mukhavāsaṃtusurabhiṃtāṃbūlādyamupāharet upagāyangṛṇannityaṃkarmāṇyabhiravākṣaraiḥ ### [5.95.107](https://indike.org/pramana/in.purana.padma.5.95.107) satkathāṃśrāvayañchṛṇvanmuhūrtaṃkṣaṇikobhavet stavairuccāvacaiḥstotraiḥpaurāṇaiḥprākṛtairapi ### [5.95.108](https://indike.org/pramana/in.purana.padma.5.95.108) stutvāprasīdabhagavannitivaṃdetadaṃḍavat śirastatpādayoḥkṛtvābāhubhyāṃcaparasparam ### [5.95.109](https://indike.org/pramana/in.purana.padma.5.95.109) prapannaṃpāhimāmīśabhītaṃmṛtyugrahārṇavāt itiśeṣānharerdattāñchirasyādhāyasādaram ### [5.95.110](https://indike.org/pramana/in.purana.padma.5.95.110) udvāsayeccedudvāsyaṃjyotirjyotiṣicātmanaḥ arcādiṣupadaṃyatraśraddhāvāṃstatracārcayet ### [5.95.111](https://indike.org/pramana/in.purana.padma.5.95.111) sarvabhūteṣvātmanicasarvātmānamavasthitam evaṃkriyāyogapathaiḥpumānvaidikatāṃtrikaiḥ ### [5.95.112](https://indike.org/pramana/in.purana.padma.5.95.112) arccayeccayataḥsiddhiṃharerviṃdatyabhīpsitām tāmarcāṃsaṃpratiṣṭhāpyamaṃdiraṃkārayeddṛḍham ### [5.95.113](https://indike.org/pramana/in.purana.padma.5.95.113) puṣpodyānāniramyāṇipūjāyātrotsavādikam pūjādīnāṃpravāhārthaṃmahāparvasvathānvaham ### [5.95.114](https://indike.org/pramana/in.purana.padma.5.95.114) kṣetrāpaṇapuragrāmāndatvāsāyujyatāmiyāt pratiṣṭhayāsārvabhaumaṃsadmanābhuvanatrayam ### [5.95.115](https://indike.org/pramana/in.purana.padma.5.95.115) pūjādinābrahmalokaṃtribhistatsāmyatāmiyāt tamevanairapekṣeṇabhaktiyogenaviṃdate ### [5.95.116](https://indike.org/pramana/in.purana.padma.5.95.116) bhaktiyogaṃsalabhateevaṃyaḥpūjayeddharim ### [5.95.116.p1](https://indike.org/pramana/in.purana.padma.5.95.116.p1) yatkṛṣṇapraṇipātadhūlidhavalaṃtadvarṣmatadvacchubhaṃ tenetretapasārjitesurucireyābhyāṃharirdṛśyate ### [5.95.117](https://indike.org/pramana/in.purana.padma.5.95.117) sābuddhirvimaleṃduśaṃkhadhavalāyāmādhavavyāpinī sājihvāmṛdubhāṣiṇīnṛpamuhuryāstautinārāyaṇam ### [5.95.118](https://indike.org/pramana/in.purana.padma.5.95.118) mūlamaṃtreṇakartavyaṃstrīśūdrairapipūjanam śraddhayāsvagurūddiṣṭamārgeṇānyaiścavaiṣṇavaḥ ### [5.95.119](https://indike.org/pramana/in.purana.padma.5.95.119) idaṃtesarvamākhyātaṃpāvanaṃmādhavārcanam viśeṣānmādhavemāsitvametatkurubhūpate ### [5.95.120](https://indike.org/pramana/in.purana.padma.5.95.120) sūtauvācaityevamākarṇyavacovicitraṃpuṇyaṃpavitraṃvidhinaṃdanasya praṇamyabaddhāṃjalirāharājāsakautukībhāgavatapradhānaḥ ### [5.95.121](https://indike.org/pramana/in.purana.padma.5.95.121) aṃbarīṣauvācasamastabhūmīvalayeśvaro'hamavyāhatājñovibudhaprasevī goviṃdapādāṃbujadattacittaḥsvacittasaṃtoṣitabhūmidevaḥ ### [5.95.122](https://indike.org/pramana/in.purana.padma.5.95.122) vikhyātarājocitavaṃśaratnaṃniraṃtaraṃdharmaruciryaśasvī sauṃdaryaśauryodayadānaśīlaḥsuputravānasmijitārivargaḥ ### [5.95.123](https://indike.org/pramana/in.purana.padma.5.95.123) kenāpipuṇyenapavitrabuddhirjātogahamīdṛgguṇasaṃtaśrīḥ iyaṃpunaḥśrīrivapuṇyamūrtirlabdhākutaḥkāṃtimatīcakāṃtā ### [5.95.124](https://indike.org/pramana/in.purana.padma.5.95.124) idaṃmesukṛtaṃsarvaṃpurājanmaniceṣṭitam samādiśamunesamyaksarvajñosidayānidhe ### [5.95.125](https://indike.org/pramana/in.purana.padma.5.95.125) nāradauvācaiyaṃrūpavatīnāmaveśyāsīdanyajanmani sāṃprataṃtavabhāryāyāsatyācārātisuṃdarī ### [5.95.126](https://indike.org/pramana/in.purana.padma.5.95.126) veśyādharmeṇavartetayathoddiṣṭenabhāvinī kurvatīkilakarmāṇiśubhānidvijaśāsanāt ### [5.95.127](https://indike.org/pramana/in.purana.padma.5.95.127) devadāsaitikhyātohemakārobhavānabhūt pūrvajanmanivaitasyārucerbhartābhujaṃgamaḥ ### [5.95.128](https://indike.org/pramana/in.purana.padma.5.95.128) iyaṃbhavaṃtaṃbhajaterucīrūpavatīpunaḥ vyayārthamayanaṃdharmaṃsthitāvijñānamuttamam ### [5.95.129](https://indike.org/pramana/in.purana.padma.5.95.129) ākarṇyacaikadādharmaṃvaiśākhasnānasaṃbhavam cakredharmavatītoyesnānaṃmeṣagateravau ### [5.95.130](https://indike.org/pramana/in.purana.padma.5.95.130) dānaṃdattavatīdakṣāveśyārūpavatīsadā brāhmaṇāyanamaskāraṃbhaktyādarapuraḥsaram ### [5.95.131](https://indike.org/pramana/in.purana.padma.5.95.131) satayādevadāsastvaṃbodhitaḥsnehayaṃtritaḥ kṛtavānbuddhitaḥsnānaṃmādhavemāsisādaram ### [5.95.132](https://indike.org/pramana/in.purana.padma.5.95.132) tatratretāyugasyādautṛtīyāmāpyanirmalām suvarṇakāraṃsovācadevadāsaṃtamādarāt ### [5.95.133](https://indike.org/pramana/in.purana.padma.5.95.133) veśyovācauttamaṃkurusauvarṇaṃmadhusūdanamacyutam pūjayitvāyavairdevametaiḥsaṃtarpyacānalam ### [5.95.134](https://indike.org/pramana/in.purana.padma.5.95.134) brāhmaṇāyacadāsyāmibrāhmaṇānāmanujñayā dānametatpurāṇeṣukathyatetatracākṣayam ### [5.95.135](https://indike.org/pramana/in.purana.padma.5.95.135) akṣayetitṛtīyāsaubrāhmaṇebhyaḥśrutaṃmayā śuklāvaiśākhamāsasyatadakṣayaphalapradam ### [5.95.136](https://indike.org/pramana/in.purana.padma.5.95.136) asyāṃdāsyāmitaṃhaimaṃmadhusūdanamavyayam nāradauvācaititasyavacaḥśrutvāmadhuraṃhemakārakaḥ ### [5.95.137](https://indike.org/pramana/in.purana.padma.5.95.137) cakresuvarṇapratimāmacyutasyāpisuṃdarīm satyabhāvenadharmārthamiticauryavivarjitaḥ ### [5.95.138](https://indike.org/pramana/in.purana.padma.5.95.138) yathoddiṣṭasyacaṃdrasyapratimāṃlakṣaṇānvitām dadausācavidhānenasnātvāviprāyasuṃdarīm ### [5.95.139](https://indike.org/pramana/in.purana.padma.5.95.139) pūjayitvātatastasyāmakṣayāyāṃtithaunṛpa ### [5.95.140](https://indike.org/pramana/in.purana.padma.5.95.140) kālenakiyatāveśyāsāmṛtādharmaniṣṭhitā devadāso'pisatatomṛtaḥsvīyāyuṣakṣaye ### [5.95.141](https://indike.org/pramana/in.purana.padma.5.95.141) tenapuṇyenabhūpālahemakāro'nyajanmani satvaṃprāptomahīṃrājannaśeṣaguṇasaṃyutaḥ ### [5.95.142](https://indike.org/pramana/in.purana.padma.5.95.142) sāpirūpavatīveśyātenadharmeṇate'bhavat nāmnākāṃtimatīkāṃtāpraṇayenapariplutā ### [5.95.143](https://indike.org/pramana/in.purana.padma.5.95.143) vividhāvāsanāvīrakarmaṇāṃpūrvasaṃbhavāḥ vicitrāgatayastātajñāyaṃtenabudhairapi ### [5.95.144](https://indike.org/pramana/in.purana.padma.5.95.144) tamenaṃmādhavaṃmāsaṃpratikāryaṃnasaṃśayaḥ gopitaṃtenadevenabrahmaṇāmādhavenaca ### [5.95.145](https://indike.org/pramana/in.purana.padma.5.95.145) asādhusaṃgairanavāptavidyairasaṃyatairāśramadharmahīnaiḥ abhūtatīrthairakṛtavrataistairnalabhyatemādhavamāsadharmaḥ ### [5.95.146](https://indike.org/pramana/in.purana.padma.5.95.146) goviṃdakeśavamukuṃdaharemurārelakṣmīnivāsamadhusūdanakṛṣṇaviṣṇo vāṇīvarānavadanevasatītiyeṣāṃvaiśākhamāsaniyamobhavatenateṣām ### [5.95.147](https://indike.org/pramana/in.purana.padma.5.95.147) yesādhusādhuvacanānihitādhikāninākarṇayaṃticahareścaritāmṛtāni paśyaṃtiyenakamalāpatiketanānivaiśākhamāsaniyamaṃnahitelabhaṃte ### [5.95.148](https://indike.org/pramana/in.purana.padma.5.95.148) śuśrūṣitānaguravonavarāyakanyādattāsamāyasamayesamalaṃkṛtāyaiḥ adhyāpitānatanayāvinayādidharmaṃvaiśākhamāsaniyamaṃnahitelabhaṃte ### [5.95.149](https://indike.org/pramana/in.purana.padma.5.95.149) sūtauvācaityevamādiśyamunirnareśamāmaṃtryataṃmaṃtravidagragaṇyaḥ snātuṃyayaumādhavamāsigaṃgāmabhyarcitastenatadāsaviprāḥ ### [5.95.150](https://indike.org/pramana/in.purana.padma.5.95.150) vidhiṃsarājāpitataścakāravaiśākhamāsasyamunipraṇītam patnyāsamaṃpuṇyadhiyātamevasaṃciṃtayam̐llokapavitrakīrtiḥ ### [5.95.150.p1](https://indike.org/pramana/in.purana.padma.5.95.150.p1) iti śrīpadmapurāṇepātālakhaṃḍevaiśākhamāhātmyenāradāṃbarīṣa - saṃvādepaṃcanavatitamo'dhyāyaḥ ## Linked texts (10) - [Bhāgavatapurāṇa](https://indike.org/pramana/in.purana.bhagavata.11.27.10) — Vyāsa, Sanskrit - [Śrītattvanidhi](https://indike.org/pramana/in.art.silpa.pratima.sritattvanidhi.1.3048) — Sanskrit - [Pūjāprakāśa](https://indike.org/pramana/in.niti.dharma.pratistha.pujaprakasa.3.p2) — Mitramiśra, Sanskrit - [Ācāracintāmaṇi](https://indike.org/pramana/in.niti.dharma.acara.ahnika.acaracintamani.1.p320) — Vācaspatimiśra, Sanskrit - [Muktāphala](https://indike.org/pramana/in.purana.bhagavata.muktaphala.7.38) — Vopadeva, Sanskrit - [Kālasarvasva](https://indike.org/pramana/in.niti.dharma.kala.utkala.kalasarvasva.14.1197.4) — Kṛṣṇanātha 1750, Sanskrit - [Tattvanidhi](https://indike.org/pramana/in.art.silpa.pratima.tattvanidhi.66.2-2) — Kṛṣṇadevarāya, Sanskrit - [Smṛticandrikā](https://indike.org/pramana/in.niti.dharma.nibandha.mahanibandha.smrticandrika.50.p58) — Devaṇṇabhaṭṭa, Sanskrit - [Nirṇayasindhu](https://indike.org/pramana/in.niti.dharma.nibandha.nirnaya.nirnayasindhu.6.2-6) — Kamalākarabhaṭṭa 1612, Sanskrit - [Tīrthenduśekhara](https://indike.org/pramana/in.niti.dharma.tirtha.tirthendusekhara.1.p62) — Nāgeśa Bhaṭṭa, Sanskrit --- Source: [https://indike.org/pramana/in.purana.padma.5.95](https://indike.org/pramana/in.purana.padma.5.95) · Pramāṇa