[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Padmapurana](https://indike.org/pramana/in.purana.padma) › 5.96 # Padmapurana 5.96: ṣaṇṇavatitamo'dhyāyaḥ Padmapurāṇa 5.96 - **Language:** Sanskrit ## Contents - [5.96.142](https://indike.org/pramana/in.purana.padma.5.96.142) — 1 part ### ṣaṇṇavatitamo'dhyāyaḥ ### [5.96.1](https://indike.org/pramana/in.purana.padma.5.96.1) ṛṣayaūcuḥ - sūtasūtamahāprājñajīvajīvaśataṃsamāḥ yadvayaṃpuṇyasamayaṃśrāvitājagatohitam ### [5.96.2](https://indike.org/pramana/in.purana.padma.5.96.2) vadabhūyo'pibhūyiṣṭhaṃpibāmastāvakaṃvacaḥ pāyaṃpāyaṃnatṛpyāmovayaṃsūtataduttamam ### [5.96.3](https://indike.org/pramana/in.purana.padma.5.96.3) sūtauvācaatrāpyudāharaṃtīmamitihāsaṃpurātanam saṃvādamādilokasyajagatāṃjagadīśituḥ ### [5.96.4](https://indike.org/pramana/in.purana.padma.5.96.4) ṣaṭsahasrāṇicocchrāyovistāreṇapunastrayam evaṃnavasahasrāṇiyojanānāṃvidhāyaca ### [5.96.5](https://indike.org/pramana/in.purana.padma.5.96.5) vāmayādaṃṣṭrayāgṛhyauddhṛtādauvasuṃdharā divyavarṣasahasraṃvaidaṃṣṭrayādhāritāmahī ### [5.96.6](https://indike.org/pramana/in.purana.padma.5.96.6) dharmākhyānaprasaṃgenasovācavinayādvibhum pṛthivyuvācaetedvādaśamāsāvaiṣaṣṭirdinaśatatrayam ### [5.96.7](https://indike.org/pramana/in.purana.padma.5.96.7) eṣāṃkimuttamaṃpuṇyaṃpriyaṃcatavakeśava pavitraḥkārtikomāsastulāsaṃsthedivākare ### [5.96.8](https://indike.org/pramana/in.purana.padma.5.96.8) makarastheravaumāsaḥpurāṇepāvanaḥsmṛtaḥ meṣasthemādhavomāsobhāskarepaṭhyatebudhaiḥ ### [5.96.9](https://indike.org/pramana/in.purana.padma.5.96.9) mārgaśīrṣo'pimāsānāṃpāvanaḥparikīrtitaḥ evaṃmāsāḥpavitrāstevāsarāḥkei'pakīrtitāḥ ### [5.96.10](https://indike.org/pramana/in.purana.padma.5.96.10) yugādayoyugāṃtāścatathākalpādayo'pica sarvebhyo'pyadhikaṃmāsametebhyovadapāvanam ### [5.96.11](https://indike.org/pramana/in.purana.padma.5.96.11) sarvayajñamayaśrīmannekaṃniścityamevada varāhauvācavidhināvidhinācaivayeyajaṃtinarādhamāḥ ### [5.96.12](https://indike.org/pramana/in.purana.padma.5.96.12) mādhavemāsimāṃbhaktyātaiścapūjyo'smyahaṃsadā hiraṇyākṣovarārohemādhavetumadhurhata ### [5.96.13](https://indike.org/pramana/in.purana.padma.5.96.13) ādidaityāvubhāvetauhatvātvaṃtusamuddhṛtā tretāyugetrayīdharmojñānavarṇavyavasthitiḥ ### [5.96.14](https://indike.org/pramana/in.purana.padma.5.96.14) mādhavemāsisaṃbhūtātenamemādhavaḥpriyaḥ tretāyugaṃtṛtīyāyāṃśuklāyāṃmāsimādhave ### [5.96.15](https://indike.org/pramana/in.purana.padma.5.96.15) pravṛttaṃcatrayīdharmāḥpravṛttāstepravarddhitāḥ akṣayāsocyateloketṛtīyāharivallabhā ### [5.96.16](https://indike.org/pramana/in.purana.padma.5.96.16) snānedānārcaneśrāddhejapepūrvajatarppaṇe ye'cayaṃtiyavairviṣṇuṃśrāddhaṃkurvaṃtiyatnataḥ ### [5.96.17](https://indike.org/pramana/in.purana.padma.5.96.17) teṣāṃdadāmyahaṃsarvaṃyanmano'bhīṣṭamuttamam yedadaṃtyapidānānidhanyāstedhārmikānarāḥ ### [5.96.18](https://indike.org/pramana/in.purana.padma.5.96.18) yeyajaṃtiharernityamadhvarairvividhairapi mādhaveyajateyomāṃtebhyastadadhikaṃphalam ### [5.96.19](https://indike.org/pramana/in.purana.padma.5.96.19) snānaṃdānaṃjapohomastapoyajñavratādikam vaiśākheyatkṛtaṃdevitasyapuṇyaphalaṃśṛṇu ### [5.96.20](https://indike.org/pramana/in.purana.padma.5.96.20) manvaṃtarāṇāṃkoṭyastudaśapaṃcacasaptaca matsānnidhyagatāstepitiṣṭhaṃtibhayavarjitāḥ ### [5.96.21](https://indike.org/pramana/in.purana.padma.5.96.21) yadyapisyurgrahāḥsarvekrūrājanmavyayāṣṭakāḥ prātaḥsnānenavaiśākhesarvesaumyābhavaṃtite ### [5.96.22](https://indike.org/pramana/in.purana.padma.5.96.22) vaiśākhemāsiyoviprānbhojayedbhaktitatparaḥ sikthesikthebhavettṛptiḥpitṝṇāṃyugasaṃkhyayā ### [5.96.23](https://indike.org/pramana/in.purana.padma.5.96.23) yacchaṃtitatramadhurādhikabhojanāniyevāyavāśanatilodakabhojanāni chatrāṃbarāṇicaraṇocitarakṣaṇānidhanyāstaevaparitoṣakarāhiviṣṇoḥ ### [5.96.24](https://indike.org/pramana/in.purana.padma.5.96.24) viśeṣādihadātavyāstilāmadhusamanvitāḥ dharmāyabṛhatedīrghaduritakṣayahetave ### [5.96.25](https://indike.org/pramana/in.purana.padma.5.96.25) evaṃkṛtetuyatpuṇyaṃprāpyatemanujaiścataiḥ tatkairgaṇayituṃśakyaṃvarṣakoṭiśatairapi ### [5.96.26](https://indike.org/pramana/in.purana.padma.5.96.26) putrapautrādisaṃpattidīrghāyūṃṣiyathepsitam ihāpnotiparatrāpimāmevapratipadyate ### [5.96.27](https://indike.org/pramana/in.purana.padma.5.96.27) anekajanmārjitapātakāvalīvilīyatemādhavamajjanena janasyatatroṣasipuṇyatīrtheyathāvidhānaṃśrayatetathāvā ### [5.96.28](https://indike.org/pramana/in.purana.padma.5.96.28) yaḥparityajyavaiśākhaṃvratamanyadupācaret sakarasthaṃmahāratnaṃhitvāloṣṭaṃhiyācate ### [5.96.29](https://indike.org/pramana/in.purana.padma.5.96.29) sūtauvācaevaṃsabhagavānpūrvamādidevovadadvibhuḥ mādhavaṃmāsamuddiśyajagatyāṃjagatīdharaḥ ### [5.96.30](https://indike.org/pramana/in.purana.padma.5.96.30) kimatrabahunoktenanatadastimahīsurāḥ yadaprāpyaṃbhavenmāsimādhavemādhavārcanāt ### [5.96.31](https://indike.org/pramana/in.purana.padma.5.96.31) śṛṇudhvaṃcapurāvṛttamihārtheparamādbhutam brāhmaṇasyacasaṃvādaṃyamasyacamahātmanaḥ ### [5.96.32](https://indike.org/pramana/in.purana.padma.5.96.32) madhyadeśemahāgrāmobrāhmaṇānāṃbabhūvaha gaṃgāyamunayormadhyeyāmunasyagireradhaḥ ### [5.96.33](https://indike.org/pramana/in.purana.padma.5.96.33) vidvāṃsastatrabhūyiṣṭhābrāhmaṇāścāvasaṃstadā athaprāhayamaḥkaṃcitpuruṣaṃkṛṣṇapiṃgalam ### [5.96.34](https://indike.org/pramana/in.purana.padma.5.96.34) raktākṣamūrddhvaromāṇaṃkākajaṃghākṣināsikam gacchatvaṃbhomahāgrāmaṃgatvābrāhmaṇamānaya ### [5.96.35](https://indike.org/pramana/in.purana.padma.5.96.35) vasiṣṭhagotrasaṃbhūtaṃnāmatoyajñadattakam śameniviṣṭaṃvidvāṃsaṃyajñakarmaviśāradam ### [5.96.36](https://indike.org/pramana/in.purana.padma.5.96.36) nacānyamānayethāstvaṃsagotraṃtasyapārśvataḥ sahitādṛgguṇastenatulyo'dhyayanajanmanā ### [5.96.37](https://indike.org/pramana/in.purana.padma.5.96.37) ākṛtyācatathācihnaiḥsamastenaivasattamaḥ tamānayayathoddiṣṭāpūjākāryāhitasyame ### [5.96.38](https://indike.org/pramana/in.purana.padma.5.96.38) sagatvāpratikūlaṃtucakārayamaśāsanam tamevamānayāmāsapratiṣiddhoyamenayaḥ ### [5.96.39](https://indike.org/pramana/in.purana.padma.5.96.39) tasmaiyamaḥsamutthāyapūjāṃkṛtvācadharmavit provācanīyatāmeṣaso'nyaānīyatāmiti ### [5.96.40](https://indike.org/pramana/in.purana.padma.5.96.40) sūtauvācaevamuktetuvacanedharmarājenasadvijaḥ uvācadharmarājaṃtaṃnirviṇṇogamanāyavai ### [5.96.41](https://indike.org/pramana/in.purana.padma.5.96.41) brāhmaṇauvācakasmādahamihānītaḥkasmātprerayasepunaḥ gaṃtuṃnaivotsahetatramartyalokaṃpunaḥprabho ### [5.96.42](https://indike.org/pramana/in.purana.padma.5.96.42) yamauvācaihakṣīṇāyuṣāṃpuṃsāṃvāsaḥpuṇyavatāṃbhavet ayaṃvaidharmarājasyalokodharmaḥprakīrtitaḥ ### [5.96.43](https://indike.org/pramana/in.purana.padma.5.96.43) saukhyabhūmiriyaṃsarvādharmarājo'hamīśvaraḥ puṇyāpuṇyānusāreṇajaṃtūnāṃsukhaduḥkhadaḥ ### [5.96.44](https://indike.org/pramana/in.purana.padma.5.96.44) pāpināṃyamarūpo'sminṛṇāṃnirayadāyakaḥ tathāpuṇyavatāṃsaukhyasvargadodharmamūrtimān ### [5.96.45](https://indike.org/pramana/in.purana.padma.5.96.45) gacchavipratvamadyaivanilayaṃsvaṃyathāgataḥ adyāpidaśavarṣāṇāmāyusteparivartate ### [5.96.46](https://indike.org/pramana/in.purana.padma.5.96.46) kṣayetavāyuṣaḥprāptirlokasyāsyabhaviṣyati praṣṭavyaṃcatvayāhyanyatpṛcchasvaprabravīmite ### [5.96.47](https://indike.org/pramana/in.purana.padma.5.96.47) brāhmaṇauvācayatkṛtvāsumahatpuṇyaṃsvargaḥsyādbrūhitanmama sarvasyahipramāṇaṃtvaṃdharmādharmaviniścaye ### [5.96.48](https://indike.org/pramana/in.purana.padma.5.96.48) yadidevamayāsamyaggaṃtavyaṃnijamaṃdire tadbrūhikarmaṇākenapataṃtinarakenarāḥ ### [5.96.49](https://indike.org/pramana/in.purana.padma.5.96.49) vrajaṃtikenavaisvargaṃtatsarvaṃkṛpayāvada yamauvācakarmaṇāmanasāvācāyedharmavimukhānarāḥ ### [5.96.50](https://indike.org/pramana/in.purana.padma.5.96.50) viṣṇubhaktivihīnāyetevainirayagāminaḥ paśyaṃtibhedabuddhyāyebrahmāṇaṃśaṃkaraṃharim ### [5.96.51](https://indike.org/pramana/in.purana.padma.5.96.51) viraktāviṣṇuvidyāsunarānirayagāminaḥ kuladeśocitaṃkarmayastyaktvānyatsamācaret ### [5.96.52](https://indike.org/pramana/in.purana.padma.5.96.52) kāmādvāyadivāmohātsayātinarakaṃnaraḥ ayājyayājakaścaivayājyānāṃcavivarjakaḥ ### [5.96.53](https://indike.org/pramana/in.purana.padma.5.96.53) viratoviṣṇuvidyāsusabhuṃktenarakānbahūn adatvāpitṛdevebhyoviprebhyomartyabaṃdhuṣu ### [5.96.54](https://indike.org/pramana/in.purana.padma.5.96.54) sadhanomriyatepāpaḥsayātinarakānbahūn sarvāṇyannānisiddhānipākabhedaṃkarotiyaḥ ### [5.96.55](https://indike.org/pramana/in.purana.padma.5.96.55) avaiśvadevaṃbhuṃjītasayātinarakaṃciram bahudroheṇabhūtānāṃye'jayaṃtidhanaṃdvija ### [5.96.56](https://indike.org/pramana/in.purana.padma.5.96.56) dhanavaṃtonirayagādāṃbhikāduḥkhabhāginaḥ nāstikyādathavālobhānmohātkāleyathodite ### [5.96.57](https://indike.org/pramana/in.purana.padma.5.96.57) bhaktyānaśrāddhadāyesyuḥpacyaṃtenarakeṣute dīyamānasyavittasyabrāhmaṇebhyastupāpakṛt ### [5.96.58](https://indike.org/pramana/in.purana.padma.5.96.58) vighnamācarateyo'saunaronirayagobhavet sāmānyadakṣiṇāṃlabdhvāgṛhṇātyekovimohataḥ ### [5.96.59](https://indike.org/pramana/in.purana.padma.5.96.59) nāstikyabhāvaniratonaraḥsyānnarakālaye asahiṣṇutayātasyaguṇānāṃkāraṇaṃbhavet ### [5.96.60](https://indike.org/pramana/in.purana.padma.5.96.60) mahatpāpaṃsamutpannaṃkāraṇaṃnarakasyatat nirdoṣāṃsuhṛdāṃbhāryāṃtyajankālenayātiyaḥ ### [5.96.61](https://indike.org/pramana/in.purana.padma.5.96.61) navahetayaśasteṣāṃsanaronarakepatet adharmaṃdharmamitiyovadanmohavaśaṃgataḥ ### [5.96.62](https://indike.org/pramana/in.purana.padma.5.96.62) haitukonāstikoyastusanaronirayālayaḥ manasāyo'nyabhāvenavacasācānyathāvadet ### [5.96.63](https://indike.org/pramana/in.purana.padma.5.96.63) hṛdayaṃkaluṣaṃkuryātsanaronarakevaset avamanyacayeyāṃtibhagavatkīrtanaṃnarāḥ ### [5.96.64](https://indike.org/pramana/in.purana.padma.5.96.64) teyāṃtinarakaṃghoraṃtenapāpenakarmaṇā paśyaṃtobhagavaddvāraṃnāmaśāstraparicchadam ### [5.96.65](https://indike.org/pramana/in.purana.padma.5.96.65) akṛtvātatpraṇāmāditeyāṃtinarakaukasaḥ vināparādhenanarāḥkṛtvāpatnyadhivedanam ### [5.96.66](https://indike.org/pramana/in.purana.padma.5.96.66) tyajaṃtisukalatraṃyeteyāṃtinarakenarāḥ naśṛṇotigurorvākyaṃdharmaśāstraṃcayonaraḥ ### [5.96.67](https://indike.org/pramana/in.purana.padma.5.96.67) pareṣāṃcetasaḥkleśakārīnirayagobhavet paśyatāṃbaṃdhubālānāṃprakarṣīmiṣṭamaśnute ### [5.96.68](https://indike.org/pramana/in.purana.padma.5.96.68) sayātinarakaṃghoraṃkevalodarapūrakaḥ tulāmakarameṣeṣuprātaḥsnānaṃnayaścaret ### [5.96.69](https://indike.org/pramana/in.purana.padma.5.96.69) nadyādiṣucanāstikyastasyasyānnarakālayaḥ vaiṣṇavaṃjanamālokyanābhyutthānaṃkarotiyaḥ ### [5.96.70](https://indike.org/pramana/in.purana.padma.5.96.70) praṇayādaratoviprasanaronarakātithiḥ kāṣṭhairvāśaṃkubhirvāpiśūlaraiśmabhirevaca ### [5.96.71](https://indike.org/pramana/in.purana.padma.5.96.71) yemārgāṃścaivaruṃdhaṃtitevainirayagāminaḥ ādyaṃpuruṣamīśānaṃsarvalokamaheśvaram ### [5.96.72](https://indike.org/pramana/in.purana.padma.5.96.72) nacintayaṃtiyeviṣṇuṃtevainirayagāminaḥ kṣetravṛttigṛhacchedaṃprīticchedaṃcayenarāḥ ### [5.96.73](https://indike.org/pramana/in.purana.padma.5.96.73) āśācchedaṃcakurvaṃtitenarānarakaukasaḥ āgatānbhojanārthaṃcabrāhmaṇānvṛttikarśitān ### [5.96.74](https://indike.org/pramana/in.purana.padma.5.96.74) yaḥparīkṣetamūḍhātmāsajñeyonarakātithiḥ anāthaṃvaiṣṇavaṃdīnaṃrogārtaṃvṛddhamevaca ### [5.96.75](https://indike.org/pramana/in.purana.padma.5.96.75) nānukaṃpaṃtiyemūḍhāstevainirayagāminaḥ niyamāṃstusamādāyayepaścādajiteṃdriyāḥ ### [5.96.76](https://indike.org/pramana/in.purana.padma.5.96.76) vilopayaṃtitānbhūyastevainirayagāminaḥ śṛṇuviprayathāyāṃtinarāḥsvargaṃdayālavaḥ ### [5.96.77](https://indike.org/pramana/in.purana.padma.5.96.77) samāsenaivavakṣyāmikiṃcittegauravādaham ye'cayaṃtihariṃdevaṃjiṣṇuṃviṣṇuṃsanātanam ### [5.96.78](https://indike.org/pramana/in.purana.padma.5.96.78) nārāyaṇamajaṃkṛṣṇaṃviṣvaksenaṃcaturbhujam dhyāyaṃtipuruṣaṃdivyamacyutaṃyesmaraṃtica ### [5.96.79](https://indike.org/pramana/in.purana.padma.5.96.79) labhaṃtete'cyutasthānaṃśrutireṣāpurātanī idamevahimāṃgalyamidamevadhanārjanam ### [5.96.80](https://indike.org/pramana/in.purana.padma.5.96.80) jīvitasyaphalaṃcaitadyaddāmodarakīrtanam kīrtanāddevadevasyaviṣṇoramitatejasaḥ ### [5.96.81](https://indike.org/pramana/in.purana.padma.5.96.81) duratānivilīyaṃtetamāṃsīvadinodaye gāthāṃgāyaṃtiyenityaṃvaiṣṇavīṃśraddhayānvitāḥ ### [5.96.82](https://indike.org/pramana/in.purana.padma.5.96.82) svādhyāyaniratānityaṃtenarāḥsvargagāminaḥ sarvānkleśānparityajyaviṣṇumevastuvaṃtiye ### [5.96.83](https://indike.org/pramana/in.purana.padma.5.96.83) svadharmaniratādhīrāstenarāḥsvargagāminaḥ vāsudevajapāsaktānapipāpakṛtojanān ### [5.96.84](https://indike.org/pramana/in.purana.padma.5.96.84) nopasarpantitānviprayamadūtāścadāruṇāḥ nānyatpaśyantijaṃtūnāṃvihāyaharikīrtanam ### [5.96.85](https://indike.org/pramana/in.purana.padma.5.96.85) sarvapāpapraśamanaṃprāyaścittaṃdvijottama yeyācitāḥprahṛṣyaṃtipriyaṃdatvāvadaṃtica ### [5.96.86](https://indike.org/pramana/in.purana.padma.5.96.86) tyaktadānaphalāyecatenarāḥsvargagāminaḥ varjayaṃtidivāsvāpaṃnarāḥsarvasahāścaye ### [5.96.87](https://indike.org/pramana/in.purana.padma.5.96.87) parvaṇyāśrayabhūtāyetemartyāḥsvargagāminaḥ dviṣatāmapiyedoṣānnavadaṃtikadācana ### [5.96.88](https://indike.org/pramana/in.purana.padma.5.96.88) kīrtayaṃtiguṇāṃścaivatenarāḥsvargagāminaḥ yepareṣāṃśriyaṃdṛṣṭvānavitapyaṃtimatsarāt ### [5.96.89](https://indike.org/pramana/in.purana.padma.5.96.89) prahṛṣṭāścābhinaṃdaṃtitenarāḥsvargagāminaḥ pravṛttaucanivṛttaucaśrutiśāstroktamevaca ### [5.96.90](https://indike.org/pramana/in.purana.padma.5.96.90) ādaraṃtipratītāyetenarāḥsvargagāminaḥ yasminkasminkulejātādayāvaṃtoyaśasvinaḥ ### [5.96.91](https://indike.org/pramana/in.purana.padma.5.96.91) sānukrośāḥsadācārāstenarāḥsvargagāminaḥ yepūtāḥparadārāṃścakarmaṇāmanasāgirā ### [5.96.92](https://indike.org/pramana/in.purana.padma.5.96.92) ramayaṃtinasatvasthāstenarāḥsvargagāminaḥ sadākarmayathoktenakurvaṃtivihitānica ### [5.96.93](https://indike.org/pramana/in.purana.padma.5.96.93) ātmaśaktiṃcavijñāyatenarāḥsvargagāminaḥ manovākkāyikedharmeśraddhāṃyaḥkurutesadā ### [5.96.94](https://indike.org/pramana/in.purana.padma.5.96.94) sādhūnāṃsaṃmatoyaścasabhaveddevatātithiḥ vacovegaṃmanovegaṃyovegamudarodbhavam ### [5.96.95](https://indike.org/pramana/in.purana.padma.5.96.95) upasthavegaṃsahatesasvargījāyatenaraḥ yeṣāṃguṇeṣusaṃtoṣovāṇīyeṣāṃśrutaṃprati ### [5.96.96](https://indike.org/pramana/in.purana.padma.5.96.96) paramārthematiryeṣāṃteśiṣṭāḥsvargagāminaḥ vrataṃrakṣaṃtiyekopācchriyaṃrakṣaṃtimatsarāt ### [5.96.97](https://indike.org/pramana/in.purana.padma.5.96.97) vidyāṃmānāpamānābhyāmātmānaṃtupramādataḥ matiṃrakṣaṃtiyelobhānmanorakṣaṃtikāmataḥ ### [5.96.98](https://indike.org/pramana/in.purana.padma.5.96.98) dharmaṃrakṣaṃtiduḥsaṃgāttenarāḥsvargagāminaḥ ekādaśyāṃcavidhivadupavāsaparāyaṇāḥ ### [5.96.99](https://indike.org/pramana/in.purana.padma.5.96.99) śukle'sitecayevipratenarāḥsvargagāminaḥ mātevasarvabālānāmauṣadhaṃrogiṇāmiva ### [5.96.100](https://indike.org/pramana/in.purana.padma.5.96.100) rakṣārthaṃsarvalokānāṃnirmitaikādaśītithiḥ ekādaśīsamaṃkiṃcitpādatrāṇaṃnavidyate ### [5.96.101](https://indike.org/pramana/in.purana.padma.5.96.101) tāmupoṣyavidhānenapuruṣāḥsvargagāminaḥ ekādaśendriyaiḥpāpaṃyatkṛtaṃbhavatidvija ### [5.96.102](https://indike.org/pramana/in.purana.padma.5.96.102) naronirddhūyatattūrṇaṃprītaḥsvargatimānbhavet aśvamedhasahasrāṇirājasūyaśatānica ### [5.96.103](https://indike.org/pramana/in.purana.padma.5.96.103) ekādaśyupavāsasyakalāṃnārhaṃtiṣoḍaśīm ekataḥkratavaḥsarvesarvatīrthatapāṃsica ### [5.96.104](https://indike.org/pramana/in.purana.padma.5.96.104) mahādānādidānānivrataṃvaiṣṇavamekataḥ vaiṣṇavavratajodharmodharmoyajñādisaṃbhavaḥ ### [5.96.105](https://indike.org/pramana/in.purana.padma.5.96.105) ekatratulitaudhātrātatrapūrvobhavedguruḥ harivāsarabhaktānāmacyutānaṃtabhāṣiṇām ### [5.96.106](https://indike.org/pramana/in.purana.padma.5.96.106) nāhaṃśāstāviśeṣeṇatebhyoviprabibhemyaham yeṣāṃputraścapautraścaekādaśyāmupoṣitaḥ ### [5.96.107](https://indike.org/pramana/in.purana.padma.5.96.107) sahātmanāsapuruṣāñchatamuddharatebalāt upoṣaṇaṃtataḥkuryātpakṣayorubhayorapi ### [5.96.108](https://indike.org/pramana/in.purana.padma.5.96.108) ekādaśyāṃsapuruṣobhuktimuktyekabhājanam jayācavijayācaivajayaṃtīpāpanāśinī ### [5.96.109](https://indike.org/pramana/in.purana.padma.5.96.109) trispṛśāvaṃjulīcaivapakṣasaṃvardhinīvarā tiladugdhāparājñeyāakhaṃḍadvādaśītathā ### [5.96.110](https://indike.org/pramana/in.purana.padma.5.96.110) manorathākhyācaparābhīmadvādaśikātathā ityevamādayobhedādvādaśyāḥsaṃtyanekaśaḥ ### [5.96.111](https://indike.org/pramana/in.purana.padma.5.96.111) vrateṣveteṣuyeśaktājñeyāstebrahmaṇisthitāḥ śrotārodharmaśāstrāṇāṃdharmapratyayasaṃgatāḥ ### [5.96.112](https://indike.org/pramana/in.purana.padma.5.96.112) priyaṃkarāścabālānāṃsvargalokaṃvrajaṃtite māsimāsyekadivasedarśeśrāddhavratānarāḥ ### [5.96.113](https://indike.org/pramana/in.purana.padma.5.96.113) tṛpyaṃtipitaroyeṣāṃtedhanyāḥsvargagāminaḥ bhojaneṣūpapanneṣubhojyaṃyacchaṃtisādarāt ### [5.96.114](https://indike.org/pramana/in.purana.padma.5.96.114) abhinnamukharāgeṇaśiṣṭāstesvargagāminaḥ ### [5.96.115](https://indike.org/pramana/in.purana.padma.5.96.115) yebhaktimaṃtomadhusūdanasyanārāyaṇasyākhilanāyakasya satyenahīnārajasāpiyuktāgacchaṃtitenākamanaṃtapuṇyāḥ ### [5.96.116](https://indike.org/pramana/in.purana.padma.5.96.116) vitastāṃyamunāṃsītāṃpuṇyāṃgodāvarīṃnadīm sevaṃteyeśubhācārāḥsnānadānaparāyaṇāḥ ### [5.96.117](https://indike.org/pramana/in.purana.padma.5.96.117) natepaśyaṃtipaṃthānaṃnarakasyakadācana yenarmadāyāmihaśarmadāyāṃmajjaṃtituṣyaṃtyapidarśanena ### [5.96.118](https://indike.org/pramana/in.purana.padma.5.96.118) vidhūyapāpānimaheśalokaṃgacchaṃtitetatraciraṃramaṃte ### [5.96.119](https://indike.org/pramana/in.purana.padma.5.96.119) snātāścarmanadītīretrirātraṃniyatānarāḥ vyāsāśrameviśeṣeṇatenarānākinaḥsmṛtāḥ ### [5.96.120](https://indike.org/pramana/in.purana.padma.5.96.120) gaṃgājaleprayāgecakedāreṣuṣkaretathā vyāsāśrameprabhāsecamṛtāsteviṣṇugāminaḥ ### [5.96.121](https://indike.org/pramana/in.purana.padma.5.96.121) dvāravatyāṃkurukṣetreyogābhyāsenavāmṛtāḥ harirityakṣaraṃvaktreyeṣāṃtenapunarbhavāḥ ### [5.96.122](https://indike.org/pramana/in.purana.padma.5.96.122) trirātramapiyevipradvāravatyāṃpuristhitāḥ majjaṃtigomatītīredhanyāstekeśavapriyāḥ ### [5.96.123](https://indike.org/pramana/in.purana.padma.5.96.123) naranārāyaṇāvāsetrirātraṃyesamāśritāḥ martyalokecanaṃdāyāṃdhanyāstekeśavapriyāḥ ### [5.96.124](https://indike.org/pramana/in.purana.padma.5.96.124) ṣaṇmāsamuṣitāviprapuruṣottamasaṃnidhau tenūnamacyutātmānodṛṣṭvāsyuraghahāriṇaḥ ### [5.96.125](https://indike.org/pramana/in.purana.padma.5.96.125) anekajanmārjitapuṇyatoyemajjaṃtitoyemaṇikarṇikāyāḥ namaṃtiviśveśamavāpyakāśīṃtevaimayāpīhabhavaṃtivaṃdyāḥ ### [5.96.126](https://indike.org/pramana/in.purana.padma.5.96.126) pūjayitvāhariṃyetubhūmaudarbhatilaiḥsaha tilānvikīryalohaṃcadatvādhenuṃpayasvinīm ### [5.96.127](https://indike.org/pramana/in.purana.padma.5.96.127) yemṛtāvidhivadvipratenarāḥsvargagāminaḥ utpādyaputrānsaṃsthāpyapitṛpaitāmahepade ### [5.96.128](https://indike.org/pramana/in.purana.padma.5.96.128) nirmamānirahaṃkārāyemṛtāste'pinākinaḥ stainyānnivṛttāḥsatataṃsaṃtuṣṭāḥsvadhanenaca ### [5.96.129](https://indike.org/pramana/in.purana.padma.5.96.129) svabhāgyenopajīvaṃtitenarāḥsvargagāminaḥ ślakṣṇāṃvāṇīṃnirābādhāṃmadhuropāyavarjitām ### [5.96.130](https://indike.org/pramana/in.purana.padma.5.96.130) svāgatenābhibhāṣaṃtetenarāḥsvargagāminaḥ śubhānāmaśubhānāṃcakarmaṇāṃphalasaṃcaye ### [5.96.131](https://indike.org/pramana/in.purana.padma.5.96.131) vipākajñāścayevipratenarāḥsvargagāminaḥ dhanadharmapravṛttānāṃdharmamārgānuyāyinām ### [5.96.132](https://indike.org/pramana/in.purana.padma.5.96.132) protsāhaṃvardhayaṃteyemodaṃtedivitenarāḥ hemaṃtevahnidoyaścatathāgrīṣmejalapradaḥ ### [5.96.133](https://indike.org/pramana/in.purana.padma.5.96.133) varṣāsvāśramadātācasasvargemodateciram puṇyakāleṣusarveṣunityanaimittikādiṣu ### [5.96.134](https://indike.org/pramana/in.purana.padma.5.96.134) bhaktyāyaḥkuruteśrāddhaṃsanūnaṃsuralokabhāk ### [5.96.135](https://indike.org/pramana/in.purana.padma.5.96.135) dānaṃdaridrasyavibhoḥkṣamitvaṃyūnāṃtapojñānavatāṃcamaunam icchānivṛttiścasukhocitānāṃdayācabhūteṣudivaṃnayaṃti ### [5.96.136](https://indike.org/pramana/in.purana.padma.5.96.136) dvividhaḥkarmasaṃbaṃdhaḥpāpapuṇyasamudbhavaḥ satyamevasamāśrityakriyatehyatranirṇayaḥ ### [5.96.137](https://indike.org/pramana/in.purana.padma.5.96.137) tapodhyānasamāyuktaṃtāraṇāyabhavāṃbudheḥ pāpaṃtupatanāyoktaṃsatyamevanasaṃśayaḥ ### [5.96.138](https://indike.org/pramana/in.purana.padma.5.96.138) balenaparicāreṇaśauryeṇābhiyutasyaca puṇyahīnasyavaipuṃsastadbalādivalīyate ### [5.96.139](https://indike.org/pramana/in.purana.padma.5.96.139) unnatāgiridurgeṣuvṛkṣāḥsaṃtisupuṣṭakāḥ pataṃtivātavegenasamūlāstughanāapi ### [5.96.140](https://indike.org/pramana/in.purana.padma.5.96.140) satyadharmavihīnāstetathāyāṃtiyamālayam sāmānyaṃsarvajaṃtūṃnāṃbalaṃdharmastukevalaḥ ### [5.96.141](https://indike.org/pramana/in.purana.padma.5.96.141) yenasaṃtaratejaṃturihalokeparatraca mayāsarvamidaṃsamyaksvargamārgapradāyakam ### [5.96.142](https://indike.org/pramana/in.purana.padma.5.96.142) samāsenasamākhyātaṃkiṃbhūyaḥśrotumicchasi ### [5.96.142.p1](https://indike.org/pramana/in.purana.padma.5.96.142.p1) iti śrīpadmapurāṇepātālakhaṃḍevaiśākhamāhātmye ṣaṇṇavatitamo'dhyāyaḥ --- Source: [https://indike.org/pramana/in.purana.padma.5.96](https://indike.org/pramana/in.purana.padma.5.96) · Pramāṇa