[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Padmapurana](https://indike.org/pramana/in.purana.padma) › 6.123 # Padmapurana 6.123: trayoviṃśatyadhikaśatatamo'dhyāyaḥ Padmapurāṇa 6.123 - **Language:** Sanskrit ## Contents - [6.123.42](https://indike.org/pramana/in.purana.padma.6.123.42) — 1 part ### trayoviṃśatyadhikaśatatamo'dhyāyaḥ ### [6.123.1](https://indike.org/pramana/in.purana.padma.6.123.1) kārtikeyauvāca bhagavañcchrotumicchāmivratānāmuttamaṃvratam vidhiṃmāsopavāsasyaphalaṃcāsyayathoditam ### [6.123.2](https://indike.org/pramana/in.purana.padma.6.123.2) yathāvidhinaraiḥkāryāvratacaryāyathābhavet ārabhyateyathāpūrvaṃsamāpyaṃhiyathāvidhi ### [6.123.3](https://indike.org/pramana/in.purana.padma.6.123.3) yāvatsaṃkhyaṃtukartavyaṃtatprabrūhimaheśvara vratametatsuraśreṣṭhavistareṇamamānagha ### [6.123.4](https://indike.org/pramana/in.purana.padma.6.123.4) śrīrudrauvāca sādhupāvakisarvaṃ teyatpṛṣṭaṃprabruve'nagha bhaktyāmatimatāṃśreṣṭhaśṛṇuṣvagadatomama ### [6.123.5](https://indike.org/pramana/in.purana.padma.6.123.5) surāṇāṃcayathāviṣṇustapatāṃcayathāraviḥ meruḥśikhariṇāṃyadvadvainateyaścapakṣiṇām ### [6.123.6](https://indike.org/pramana/in.purana.padma.6.123.6) tīrthānāṃtuyathāgaṃgāprajānāṃtuyathāvaṇik śreṣṭhaṃsarvavratānāṃtutadvanmāsopavāsanam ### [6.123.7](https://indike.org/pramana/in.purana.padma.6.123.7) sarvavrateṣuyatpuṇyaṃsarvatīrtheṣucaivahi sarvadānodbhavaṃcaivalabhenmāsopavāsakṛt ### [6.123.8](https://indike.org/pramana/in.purana.padma.6.123.8) agniṣṭomādibhiryajñairvividhairbhūridakṣiṇaiḥ natatpuṇyamavāpnotiyanmāsaparilaṃghanāt ### [6.123.9](https://indike.org/pramana/in.purana.padma.6.123.9) tenajaptaṃhutaṃdattaṃtapastaptaṃkṛtāsvadhā yaḥkarotividhānenanaromāsamupoṣaṇam ### [6.123.10](https://indike.org/pramana/in.purana.padma.6.123.10) uddiśyavaiṣṇavaṃyajñaṃsamabhyarcyajanārdanam gurorājñāṃtatolabdhvākuryānmāsopavāsanam ### [6.123.11](https://indike.org/pramana/in.purana.padma.6.123.11) vaiṣṇavāniyathoktānikṛtvāsarvavratānitu dvādaśyādīnipuṇyānitatomāsamupāvaset ### [6.123.12](https://indike.org/pramana/in.purana.padma.6.123.12) atikṛcchṝṃcapārākaṃkṛtvācāṃdrāyaṇaṃtataḥ māsopavāsaṃkurvītajñātvādehabalābalam ### [6.123.13](https://indike.org/pramana/in.purana.padma.6.123.13) vānaprasthoyatirvāpinārīvāvidhavāmune māsopavāsaṃkurvītagurorviprājñayātataḥ ### [6.123.14](https://indike.org/pramana/in.purana.padma.6.123.14) āśvinasyāmalepakṣeekādaśyāmupoṣitaḥ vratametattugṛhṇiyādyāvattriṃśaddinānitu ### [6.123.15](https://indike.org/pramana/in.purana.padma.6.123.15) vāsudevaṃsamabhyarcyakārtikaṃsakalaṃnaraḥ māsaṃcopavasedyastusamuktiphalabhāgbhavet ### [6.123.16](https://indike.org/pramana/in.purana.padma.6.123.16) acyutasyālayebhaktyātrikālaṃkumudaiḥśubhaiḥ mālatīṃdīvaraiḥpadmaiḥkamalaistusugaṃdhibhiḥ ### [6.123.17](https://indike.org/pramana/in.purana.padma.6.123.17) kuṃkumośīrakarpūrairvilipyavaracaṃdanaiḥ naivedyadhūpadīpādyairarcayeccajanārdanam ### [6.123.18](https://indike.org/pramana/in.purana.padma.6.123.18) manasākarmaṇāvācāpūjayedgaruḍadhvajam kurvannarastrīvidhavābṛhadbhaktirjiteṃdriyaḥ ### [6.123.19](https://indike.org/pramana/in.purana.padma.6.123.19) nāmnāmevatathālāpaṃviṣṇoḥkuryādaharniśam bhaktyāviṣṇostutirvācyāmithyālāpavivarjitā ### [6.123.20](https://indike.org/pramana/in.purana.padma.6.123.20) sarvasatvadayāyuktaḥśāṃtavṛttirahiṃsakaḥ suptobāhyāsanasthovāvāsudevaṃprakīrtayet ### [6.123.21](https://indike.org/pramana/in.purana.padma.6.123.21) smṛtvālokanagaṃdhādisvāditaṃparikīrtitam annasyavarjayedrgāsaṃgrāsānāṃsampramokṣaṇam ### [6.123.22](https://indike.org/pramana/in.purana.padma.6.123.22) gātrābhyaṃgaṃśirobhyaṃgaṃtāṃbūlaṃsavilepanam vratasthovarjayetsarvaṃyaccānyaccanirākṛtam ### [6.123.23](https://indike.org/pramana/in.purana.padma.6.123.23) navratasthaḥspṛśetkiṃcidvikarmasthaṃnacālayet devatāyatanetiṣṭhangṛhasthaścācaredravratam ### [6.123.24](https://indike.org/pramana/in.purana.padma.6.123.24) kṛtvāmāsopavāsaṃtuyathoktavidhinānaraḥ nārīvāvidhavāsādhvīvāsudevaṃsamarcayet ### [6.123.25](https://indike.org/pramana/in.purana.padma.6.123.25) anyūnādhikamevaṃtuvrataṃtriṃśaddinairiti kṛtvāmāsopavāsaṃtusaṃyatātmājiteṃdriyaḥ ### [6.123.26](https://indike.org/pramana/in.purana.padma.6.123.26) tato'cayedevapuṇyaṃdvādaśyāṃgaruḍadhvajam pūjayetpuṣpamālābhirgaṃdhadhūpavilepanaiḥ ### [6.123.27](https://indike.org/pramana/in.purana.padma.6.123.27) vastrālaṃkāravādyaiścatoṣayedacyutaṃnaraḥ saṃsnāpayeddhariṃbhaktyātīrthacaṃdanavāribhiḥ ### [6.123.28](https://indike.org/pramana/in.purana.padma.6.123.28) caṃdanenānuliptāṃgaṃdhūpapuṣpairalaṃkṛtam vastradānādibhiścaivabhojayitvādvijottamān ### [6.123.29](https://indike.org/pramana/in.purana.padma.6.123.29) dadyāccadakṣiṇāṃtebhyaḥpraṇipatyakṣamāpayet viprānkṣamāpayitvātuvisṛjyābhyarcyapūjyaca ### [6.123.30](https://indike.org/pramana/in.purana.padma.6.123.30) evaṃvittānusāreṇabhaktiyuktenaśaktitaḥ evaṃmāsopavāsānhikṛtvābhyarcajanārdanam ### [6.123.31](https://indike.org/pramana/in.purana.padma.6.123.31) bhojayitvādvijāṃścaivaviṣṇulokemahīyate evaṃmāsopavāsāṃtevṛtvāviprāṃstrayodaśa ### [6.123.32](https://indike.org/pramana/in.purana.padma.6.123.32) niryāpayettatastānvaividhināyenatacchṛṇu kārayedvaiṣṇavaṃyajñamekādaśyāmupoṣitaḥ ### [6.123.33](https://indike.org/pramana/in.purana.padma.6.123.33) pūjayitvātudeveśamācāryānujñayāharim arcayitvāyathāśaktyāhyabhivādyaguruṃtathā ### [6.123.34](https://indike.org/pramana/in.purana.padma.6.123.34) tatonubhojayedviprānnamaskārapuraḥsaram viśuddhakulacāritrānviṣṇupūjanatatparān ### [6.123.35](https://indike.org/pramana/in.purana.padma.6.123.35) pūjayitvātathāsarvānbhojayitvātrayodaśa tāṃbūlavastrayugmānibhojanācchādanānica ### [6.123.36](https://indike.org/pramana/in.purana.padma.6.123.36) yogapaṭṭānisūtrāṇibrahmasūtrāṇicaivahi dattvācaivadvijāgryebhyaḥpūjayitvāpraṇamyaca ### [6.123.37](https://indike.org/pramana/in.purana.padma.6.123.37) tatonupūjayedbhaktyāśayyāstaraṇasaṃskṛtām sācchādanāṃśubhāṃśreṣṭhāṃsopadhānāmalaṃkṛtām ### [6.123.38](https://indike.org/pramana/in.purana.padma.6.123.38) kārayitvātmanomūrtikāṃcanīṃtusvaśaktitaḥ nyasettasyāṃtuśayyāyāmarcayitvāsragādibhiḥ ### [6.123.39](https://indike.org/pramana/in.purana.padma.6.123.39) āsanaṃpādukāchatraṃvastrayugmamupānahau pavitrāṇicapuṣpāṇiśayyāyāmupakalpayet ### [6.123.40](https://indike.org/pramana/in.purana.padma.6.123.40) evaṃśayyāṃtusaṃkalpyapraṇipatyacatāndvijān prārthayeccānumodārthaṃviṣṇulokaṃvrajāmyaham ### [6.123.41](https://indike.org/pramana/in.purana.padma.6.123.41) tatovrajennaraḥpreṣṭhaṃviṣṇoḥsthānamanāmayam maṃḍapasthāṃstutānviprānitivācyaṃmuhurmuhuḥ ### [6.123.42](https://indike.org/pramana/in.purana.padma.6.123.42) maṃtrahīnaṃbhaktihīnaṃkriyāhīnaṃdvijottamāḥ sarvaṃsaṃpūrṇatāṃyātubhavadvākyaprasādataḥ vidhirmāsopavāsasyayathāvatparikīrtitaḥ ### [6.123.42.p1](https://indike.org/pramana/in.purana.padma.6.123.42.p1) iti śrīpādmemahāpurāṇepaṃcapaṃcāśatsahasrasaṃhitāyāmuttarakhaṃḍeśrīkṛṣṇasatyabhāmā saṃvādemāsopavāsakathanaṃnāmatrayoviṃśatyadhikaśatatamo'dhyāyaḥ ## Linked texts (1) - [Skandapurāṇa (early; "Ambikākhaṇḍa") (ed. Bakker)](https://indike.org/pramana/in.purana.skanda*early*bakker.8.30.61) — Sanskrit --- Source: [https://indike.org/pramana/in.purana.padma.6.123](https://indike.org/pramana/in.purana.padma.6.123) · Pramāṇa