[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Padmapurana](https://indike.org/pramana/in.purana.padma) › 6.124 # Padmapurana 6.124: caturviṃśatyadhikaśatatamo'dhyāyaḥ Padmapurāṇa 6.124 - **Language:** Sanskrit ### caturviṃśatyadhikaśatatamo'dhyāyaḥ ### [6.124.1](https://indike.org/pramana/in.purana.padma.6.124.1) īśvarauvāca prabodhinyāścamāhātmyaṃpāpaghnaṃpuṇyavarddhanam muktidaṃtatvabuddhīnāṃśṛṇuṣvasurasattama ### [6.124.2](https://indike.org/pramana/in.purana.padma.6.124.2) tāvadgarjatisenānigaṃgābhāgīrathīkṣitau yāvannāyātipāpaghnīkārtikeharibodhinī ### [6.124.3](https://indike.org/pramana/in.purana.padma.6.124.3) tāvadgacchaṃtitīrthāniāsamudrasarāṃsica yāvatprabodhinīviṣṇostithirnāyātikārtike ### [6.124.4](https://indike.org/pramana/in.purana.padma.6.124.4) aśvamedhasahasrāṇirājasūyaśatānica ekenaivopavāsenaprabodhinyāṃyathā'bhavat ### [6.124.5](https://indike.org/pramana/in.purana.padma.6.124.5) durlabhaṃcaivaduṣprāpyaṃ trailokyesacarācare tadapiprārthitaṃvipradadātipratibodhinī ### [6.124.6](https://indike.org/pramana/in.purana.padma.6.124.6) eśvaryaṃsaṃsṛtiṃjñānaṃrājyaṃcasukhasaṃpadam dadātyupoṣitāviprahelayāharibodhinī ### [6.124.7](https://indike.org/pramana/in.purana.padma.6.124.7) merumaṃdaratulyānipāpānyupārjitānica ekenaivopavāsenadahateharibodhinī ### [6.124.8](https://indike.org/pramana/in.purana.padma.6.124.8) upavāsaṃprabodhinyāṃyaḥkarotisvabhāvataḥ vidhinānaraśārdūlayathoktaṃlabhatephalam ### [6.124.9](https://indike.org/pramana/in.purana.padma.6.124.9) pūrvajanmasahasreṣupāpaṃyatsamupārjitam jāgareṇaprabodhinyāṃdahyatetūlarāśivat ### [6.124.10](https://indike.org/pramana/in.purana.padma.6.124.10) śṛṇuṣaṇmukhavakṣyāmijāgarasyacalakṣaṇam yasyavijñānamātreṇadurlabhonajanārdanaḥ ### [6.124.11](https://indike.org/pramana/in.purana.padma.6.124.11) gītaṃvādyaṃcanṛtyaṃcapurāṇapaṭhanaṃtathā dhūpaṃdīpaṃcanaivedyaṃpuṣpaṃgaṃdhānulepanam ### [6.124.12](https://indike.org/pramana/in.purana.padma.6.124.12) phalamarghyaṃcaśraddhācadānamiṃdriyasaṃyamam satyānvitaṃvinidraṃcamudāyuktaṃkriyānvitam ### [6.124.13](https://indike.org/pramana/in.purana.padma.6.124.13) sāścarcaṃcaivasotsāhamālasyādivivarjitam pradakṣiṇādisaṃyuktaṃnamaskārapuraḥsaram ### [6.124.14](https://indike.org/pramana/in.purana.padma.6.124.14) nīrājanasamāyuktamanirviṇṇenacetasā yāmeyāmemahābhāgakurvannīrājanaṃhareḥ ### [6.124.15](https://indike.org/pramana/in.purana.padma.6.124.15) etairguṇaiḥsamāyuktaṃkuryājjāgaraṇaṃvibhoḥ ekāgramānasoyastunapunarjāyatebhuvi ### [6.124.16](https://indike.org/pramana/in.purana.padma.6.124.16) yaevaṃkurutebhaktyāvittaśāṭhyavivarjitaiḥ jāgaraṃvāsareviṣṇornīyateparamāṃgatim ### [6.124.17](https://indike.org/pramana/in.purana.padma.6.124.17) puruṣasūktenayonityaṃkārtikearcayeddharim varṣakoṭisahasrāṇipūjitastenakeśavaḥ ### [6.124.18](https://indike.org/pramana/in.purana.padma.6.124.18) yathoktenavidhānenapaṃcarātroditenavai kārtiketvarcayennityaṃmuktibhāgībhavennaraḥ ### [6.124.19](https://indike.org/pramana/in.purana.padma.6.124.19) namonārāyaṇāyetikārtikeyo'cayeddharim samuktonārakairduḥkhaiḥpadaṃgacchatyanāmayam ### [6.124.20](https://indike.org/pramana/in.purana.padma.6.124.20) harernāmasahasraṃcagajarājasyamokṣaṇam kārtikepaṭhateyastupunarjanmanaviṃdati ### [6.124.21](https://indike.org/pramana/in.purana.padma.6.124.21) yugakoṭisahasrāṇimanvaṃtaraśatānica dvādaśyāṃkārtikemāsijāgarīvasatedivi ### [6.124.22](https://indike.org/pramana/in.purana.padma.6.124.22) kuletasyacasaṃjātāḥśataśo'thasahasraśaḥ prāpnuvaṃtipadaṃviṣṇostasmātkurvītajāgaram ### [6.124.23](https://indike.org/pramana/in.purana.padma.6.124.23) kārtikepaścimeyāmestavaṃgānaṃkarotiyaḥ śvetadvīpetuvasatepitṛbhiḥsahabhāmini ### [6.124.24](https://indike.org/pramana/in.purana.padma.6.124.24) naivedyadānaṃharayekārtikedinasaṃkṣaye yugānivasatesvargetāvaṃtimunisattamāḥ ### [6.124.25](https://indike.org/pramana/in.purana.padma.6.124.25) akṣayaṃmuniśārdūlamālatīkamalārcanam arcayeddevadeveśaṃsayātiparamaṃpadam ### [6.124.26](https://indike.org/pramana/in.purana.padma.6.124.26) kārtikeśuklapakṣetukṛtvāhyekādaśīṃnaraḥ prātardattvāśubhānkuṃbhānsayātimamamaṃdiram ### [6.124.27](https://indike.org/pramana/in.purana.padma.6.124.27) kārttikeyauvāca bhagavannucyatāṃpuṇyaṃvratānāṃparamaṃvratam kartavyaṃkārtikemāsibhavatābhīṣmapaṃcakam ### [6.124.28](https://indike.org/pramana/in.purana.padma.6.124.28) vidhānaṃtasyacaphalaṃtathaivasurasattama kathayasvaprasādānmemunīnāṃcapitāmaha ### [6.124.29](https://indike.org/pramana/in.purana.padma.6.124.29) īśvarauvāca pravakṣyāmimahāpuṇyaṃvrataṃvidhimatāṃvaraḥ bhīṣmeṇaitadyataḥprāptaṃvrataṃpaṃcadinātmakam ### [6.124.30](https://indike.org/pramana/in.purana.padma.6.124.30) sakāśādvāsudevasyatenoktaṃbhīṣmapaṃcakam vratasyāsyaguṇānvaktuṃkaḥśaktaḥkeśavādṛte ### [6.124.31](https://indike.org/pramana/in.purana.padma.6.124.31) kārttikeśuklapakṣetuśṛṇudharmaṃpurātanam vasiṣṭhabhṛgugargādyaiścīrṇaṃkṛtayugādiṣu ### [6.124.32](https://indike.org/pramana/in.purana.padma.6.124.32) aṃbarīṣeṇabhogādyaiścīrṇaṃ tretāyugādiṣu brāhmaṇairbrahmacaryeṇajapahomakriyādibhiḥ ### [6.124.33](https://indike.org/pramana/in.purana.padma.6.124.33) kṣatriyaiścatathāvaiśyaiḥsatyaśaucaparāyaṇaiḥ duṣkaraṃsatyahīnānāmaśakyaṃbālacetasām ### [6.124.34](https://indike.org/pramana/in.purana.padma.6.124.34) duṣkaraṃbhīṣmamityāhurnaśakyaṃprākṛtairnaraiḥ yastatkarotivipreṃdratenasarvaṃkṛtaṃbhavet ### [6.124.35](https://indike.org/pramana/in.purana.padma.6.124.35) vrataṃcaitanmahāpuṇyaṃmahāpātakanāśanam atonaraiḥprayatnenakarttavyaṃbhīṣmapaṃcakam ### [6.124.36](https://indike.org/pramana/in.purana.padma.6.124.36) kārtikasyāmalepakṣesnātvāsamyagvidhānataḥ ekādaśyāṃtugṛhṇīyādbrataṃpaṃcadinātmakam ### [6.124.37](https://indike.org/pramana/in.purana.padma.6.124.37) prātaḥsnātvāviśeṣeṇamadhyāhnecatathāvratī nadyāṃnirjharagartevāsamālabhyacagomayam ### [6.124.38](https://indike.org/pramana/in.purana.padma.6.124.38) yavavrīhitilaiḥsamyakpitṝnsaṃtarpayetkramāt snātvāmaunaṃnaraḥkṛtvādhautavāsādṛḍhavrataḥ ### [6.124.39](https://indike.org/pramana/in.purana.padma.6.124.39) bhīṣmāyodakadānaṃcaarghyaṃcaivaprayatnataḥ pūjābhīṣmasyakarttavyādānaṃdadyātprayatnataḥ ### [6.124.40](https://indike.org/pramana/in.purana.padma.6.124.40) paṃcaratnaṃviśeṣeṇadattvāviprāyayatnataḥ vāsudevo'pisaṃpūjyolakṣmīyuktaḥsadāprabhuḥ ### [6.124.41](https://indike.org/pramana/in.purana.padma.6.124.41) paṃcakepūjayitvātukoṭikalpānituṣyati yatkiṃcitkriyatesarvaṃpaṃcadhātuprakalpayet ### [6.124.42](https://indike.org/pramana/in.purana.padma.6.124.42) saṃvatsaravratānāṃcalabhatesakalaṃphalam kṛtvātūdakadānaṃtutathārghyasyacadāpanam ### [6.124.43](https://indike.org/pramana/in.purana.padma.6.124.43) maṃtreṇānenayaḥkuryānmuktibhāgībhavennaraḥ ### [6.124.44](https://indike.org/pramana/in.purana.padma.6.124.44) vaiyāghrapādagotrāyasāṃkṛtepravarāyaca aputrāyadadāmyetadudakaṃbhīṣmavarmaṇe ### [6.124.45](https://indike.org/pramana/in.purana.padma.6.124.45) vasūnāmavatārāyaśaṃtanorātmajāyaca arghyaṃdadāmibhīṣmāyaājanmabrahmacāriṇe ### [6.124.46](https://indike.org/pramana/in.purana.padma.6.124.46) itiarghyamaṃtraḥ anenavidhināyastupaṃcakaṃtusamāpayet aśvamedhasamaṃpuṇyaṃprāpnotyatranasaṃśayaḥ ### [6.124.47](https://indike.org/pramana/in.purana.padma.6.124.47) paṃcāhamapikartavyaṃniyamaṃcaprayatnataḥ niyamenavināputranabhāvyaṃvratakarmaṇā ### [6.124.48](https://indike.org/pramana/in.purana.padma.6.124.48) uttarāyaṇahīnāyabhīṣmāyapradadauhariḥ uttarāyaṇahīno'piśuddhiṃlagnaṃvināśubhāḥ ### [6.124.49](https://indike.org/pramana/in.purana.padma.6.124.49) tataḥsaṃpūjayeddevaṃsarvapāpaharaṃharim anaṃtaraṃprayatnenakartavyaṃbhīṣmapaṃcakam ### [6.124.50](https://indike.org/pramana/in.purana.padma.6.124.50) snāpayetajalairbhaktyāmadhukṣīraghṛtenaca tathaivapaṃcagavyenagaṃdhacaṃdanavāriṇā ### [6.124.51](https://indike.org/pramana/in.purana.padma.6.124.51) caṃdanenasugaṃdhenakuṃkumenāthakeśavam karpūrośīramiśreṇalepayedgaruḍadhvajam ### [6.124.52](https://indike.org/pramana/in.purana.padma.6.124.52) arcayedruciraiḥpuṣpairgaṃdhadhūpasamanvitaiḥ gugguluṃghṛtaṃsaṃyuktaṃdahetkṛṣṇāyabhaktimān ### [6.124.53](https://indike.org/pramana/in.purana.padma.6.124.53) dīpakaṃtudivārātraudadyātpaṃcadinādiṣu naivedyaṃdevadevasyaparamānnaṃnivedayet ### [6.124.54](https://indike.org/pramana/in.purana.padma.6.124.54) evamabhyarcayeddevaṃsaṃsmṛtyacapraṇamyaca —namovāsudevāyajapedaṣṭottaraṃśatam ### [6.124.55](https://indike.org/pramana/in.purana.padma.6.124.55) juhuyāccaghṛtābhyaktaistilavrīhiyavādibhiḥ ṣaḍakṣareṇamaṃtreṇasvāhākārānvitenaca ### [6.124.56](https://indike.org/pramana/in.purana.padma.6.124.56) upāsyapaścimāṃsaṃdhyāpraṇamyagaruḍadhvajam japitvāpūrvavanmaṃtrakṣitiśāyībhavedbratī ### [6.124.57](https://indike.org/pramana/in.purana.padma.6.124.57) sarvametadvidhānaṃtukāryaṃpaṃcadinānitu viśeṣo'travratehyasminyadanyūnaṃśṛṇuṣvatat ### [6.124.58](https://indike.org/pramana/in.purana.padma.6.124.58) prathame'hnihareḥpādaupūjayetkamalairvratī dvitīyebilvapatreṇajānudeśaṃsamarcayet ### [6.124.59](https://indike.org/pramana/in.purana.padma.6.124.59) tatonupūjayecchīrṣaṃmālatyācakrapāṇinaḥ kārtikyāṃdevadevasyabhaktyātadgatamānasaḥ ### [6.124.60](https://indike.org/pramana/in.purana.padma.6.124.60) arcitvātaṃhṛṣīkeśamekādaśyāṃsamāsataḥ niṣprāśyagomayaṃsamyagekādaśyāmupāvaset ### [6.124.61](https://indike.org/pramana/in.purana.padma.6.124.61) gomūtraṃmaṃtravadbhūmaudvādaśyāṃprāśayedbratī kṣīraṃcaivatrayodaśyāṃcaturdaśyāṃtathādadhi ### [6.124.62](https://indike.org/pramana/in.purana.padma.6.124.62) saṃprāśyakāyaśuddhyarthaṃlaṃghayitvācaturdinam paṃcamedivasesnātvāvidhivatpūjyakeśavam ### [6.124.63](https://indike.org/pramana/in.purana.padma.6.124.63) bhojayedbrāhmaṇānbhaktyātebhyodadyāccadakṣiṇām pāpabuddhiṃparityajyabrahmacaryeṇadhīmatā ### [6.124.64](https://indike.org/pramana/in.purana.padma.6.124.64) madyaṃmāṃsaṃparityajyamaithunaṃpāpakāriṇam śākāhāreṇamunyannaiḥkṛṣṇārcanaparonaraḥ ### [6.124.65](https://indike.org/pramana/in.purana.padma.6.124.65) tatonaktaṃsamāśnīyātpaṃcagavyapuraḥsaram evaṃsamyaksamāptasyayathoktaṃphalamāpnuyāt ### [6.124.66](https://indike.org/pramana/in.purana.padma.6.124.66) madyapoyatpibenmadyaṃjanmanomaraṇāṃtikam etadbhīṣmavrataṃkṛtvāprāpnotiparamaṃpadam ### [6.124.67](https://indike.org/pramana/in.purana.padma.6.124.67) strībhirbrāhmaṇavākyenakartavyaṃdharmavarddhanam vidhavābhiścakartavyaṃmokṣasaukhyābhivṛddhaye ### [6.124.68](https://indike.org/pramana/in.purana.padma.6.124.68) sarvakāmasamṛddhyarthaṃpuṇyārthamapipāvake nityasnānetathādāneyekārtikamupāsate ### [6.124.69](https://indike.org/pramana/in.purana.padma.6.124.69) vaiśvadevaścakartavyoviṣṇudhyānaparāyaṇaiḥ ārogyaputradovatsamahāpātakanāśanaḥ ### [6.124.70](https://indike.org/pramana/in.purana.padma.6.124.70) tīrtheṣukārtikaṃkuryātsarvayatnenaṣaṇmukha saṃvatsaravratānāṃtusamāptiḥkārtikematā ### [6.124.71](https://indike.org/pramana/in.purana.padma.6.124.71) pāpasyapratimākāryāraudravastrātibhīṣaṇā khaṅgahastāviniṣkrāṃtālohadaṃṣṭrākarālinī ### [6.124.72](https://indike.org/pramana/in.purana.padma.6.124.72) tilaprasthoparisthāpyākṛṣṇavastrābhiveṣṭitā raktapuṣpakṛtāpīḍājvalatkāṃcanakuṃḍalā ### [6.124.73](https://indike.org/pramana/in.purana.padma.6.124.73) saṃpūjyaparayābhaktyādharmarājasyanāmabhiḥ imamuccārayenmaṃtraṃgṛhītakusumāṃjali ### [6.124.74](https://indike.org/pramana/in.purana.padma.6.124.74) yadanyajanmanikṛtamihajanmanivāpunaḥ pāpaṃpraśamamāyātutavapādaprasādataḥ ### [6.124.75](https://indike.org/pramana/in.purana.padma.6.124.75) evaṃsaṃpūjyavidhivatpratimāṃtāṃcakāṃcanīm kṛtvāpūjāṃyathāśaktyāviprāṇāṃvedavādinām ### [6.124.76](https://indike.org/pramana/in.purana.padma.6.124.76) prītayedevadevasyakṛṣṇasyākliṣṭakarmaṇaḥ brāhmaṇāyapradātavyaṃdharmomeprīyatāmiti ### [6.124.77](https://indike.org/pramana/in.purana.padma.6.124.77) vācakāyapradātavyāyathāśaktyācadakṣiṇā dadyāddhiraṇyaṃgāścaivakṛṣṇomeprīyatāmiti ### [6.124.78](https://indike.org/pramana/in.purana.padma.6.124.78) kṛtakṛtyasthitobhūtvāviraktaḥsaṃyatobhavet anyeṣāmapidātavyaṃsvaśaktyādānamuttamam ### [6.124.79](https://indike.org/pramana/in.purana.padma.6.124.79) śāṃtacittoniraparādhaḥparaṃpadamavāpnuyāt nīlotpaladalaśyāmaścaturdaṃṣṭraścaturbhujaḥ ### [6.124.80](https://indike.org/pramana/in.purana.padma.6.124.80) aṣṭapādaikanayanaḥśaṃkukarṇaḥkharasvanaḥ jaḍīdvijihvastāmrākṣomṛgarājatanucchadaḥ ### [6.124.81](https://indike.org/pramana/in.purana.padma.6.124.81) ciṃtanīyomahādevoyasyarūpaṃnavidyate iṃdabhīṣmeṇakathitaṃśaratalpagatename ### [6.124.82](https://indike.org/pramana/in.purana.padma.6.124.82) tadetattemayākhyātaṃduṣkaraṃbhīṣmapaṃcakaṃ dhanyaṃpuṇyaṃpāpaharaṃyudhiṣṭhiramahāvratam yatkṛtvābrahmahāgoghnaḥsarvapāpaiḥpramucyate ### [6.124.83](https://indike.org/pramana/in.purana.padma.6.124.83) yadbhīṣmapaṃcakamitiprathitaṃpṛthivyāmekādaśīprabhṛtipaṃcadaśīniruddham uktaṃnabhojanaparasyatadāniṣedhastasminvrateśubhaphalaṃpradadātiviṣṇuḥ ### [6.124.84](https://indike.org/pramana/in.purana.padma.6.124.84) sūtauvāca etatsarvādhikaṃpuṇyaṃdurlabhaṃbhuvanekṛtam idaṃguhyaṃmayākhyātaṃśāstrasārasamuccayam ### [6.124.85](https://indike.org/pramana/in.purana.padma.6.124.85) surāṇāṃgopitaṃsarvamatiguhyaṃcamokṣadam śrutvācaikapadedeviagamyāgamaneratāḥ ### [6.124.86](https://indike.org/pramana/in.purana.padma.6.124.86) kanyāvikrīsvasāvikrīhyubhayaṃtuvimocayet mokṣadaṃcaidaṃśāstraṃprakāśaṃnetarejane ### [6.124.87](https://indike.org/pramana/in.purana.padma.6.124.87) śrutvācaikapadeyastumokṣaṃgacchatimānavaḥ gopanīyaṃprayatnenayecāpityāginonarāḥ ### [6.124.88](https://indike.org/pramana/in.purana.padma.6.124.88) nateṣāṃkathyatepuṇyaṃsatyaṃsatyaṃcaṣaṇmukha ityetatsarvamākhyātaṃkārtikasyatuyatphalam ### [6.124.89](https://indike.org/pramana/in.purana.padma.6.124.89) śrīviṣṇuruvāca kathitaṃdevadevenaputrāyahitakāmyayā pitustadvākyamākarṇyaṣaṇmukhoharṣanirbharaḥ ### [6.124.90](https://indike.org/pramana/in.purana.padma.6.124.90) ūcuḥprāṃjalayaḥsarvetaṃdevaṃjagadāyuṣam kṛtakṛtyāvayaṃjātāḥśrutvākārtikajaṃphalam ### [6.124.91](https://indike.org/pramana/in.purana.padma.6.124.91) aparaṃnāstiśrotavyaṃprāptaṃmejanmanaḥphalam māhātmyametadākarṇyapūjayedyastupāṭhakam ### [6.124.92](https://indike.org/pramana/in.purana.padma.6.124.92) gobhūhiraṇyavastraiścaviṣṇutulyoyatohisaḥ vācakepūjiteyasmādviṣṇurbhavatipūjitaḥ ### [6.124.93](https://indike.org/pramana/in.purana.padma.6.124.93) tathātaṃpūjayennityaṃyadīcchetsaphalaṃśubham dharmaśāstraṃpurāṇaṃcavedavidyādikaṃcayat ### [6.124.94](https://indike.org/pramana/in.purana.padma.6.124.94) pustakaṃvācakāyaivadātavyaṃdharmamicchatā purāṇavidyādātārohyanaṃtaphalabhojinaḥ ### [6.124.95](https://indike.org/pramana/in.purana.padma.6.124.95) yaḥpaṭhetaidaṃbhaktyāśrutvācaivāvadhārayet mucyatesarvapāpebhyoviṣṇulokaṃsagacchati ### [6.124.96](https://indike.org/pramana/in.purana.padma.6.124.96) dhanaṃdhānyaṃyaśaḥputrānāyurārogyamevaca māhātmyaśravaṇādevalabhyatecanasaṃśayaḥ ### [6.124.124](https://indike.org/pramana/in.purana.padma.6.124.124) itiśrīpādmemahāpurāṇepaṃcapaṃcāśatsahastrasaṃhitāyāmuttarakhaṃḍekārtikamāhātmye śrīkṛṣṇasatyabhāmāsaṃvādecaturviṃśatyadhikaśatatamodhyāyaḥ ## Linked texts (7) - [Pāñcarātrarakṣā (The Adyar library, 1942)](https://indike.org/pramana/in.sampradaya.vaisnava.pancaratra.pancaratraraksa*ed-1942.495) — Sanskrit - [Skandapurāṇa (early; "Ambikākhaṇḍa") (ed. Bakker)](https://indike.org/pramana/in.purana.skanda*early*bakker.8.32.10.p6) — Sanskrit - [Smṛtikaustubha](https://indike.org/pramana/in.niti.dharma.nibandha.mahanibandha.smrtikaustubha.12.12.p1.4) — Anantadeva 1638, Sanskrit - [Saṃvatsaradīdhiti](https://indike.org/pramana/in.niti.dharma.kala.varsakrtya.samvatsaradidhiti.9.12.p1.4) — Anantadeva 1650, Sanskrit - [Nityācārapradīpa](https://indike.org/pramana/in.niti.dharma.acara.ahnika.nityacarapradipa.10.p77) — Narasiṃha Vājapeyin, Sanskrit - [Pratāpārka](https://indike.org/pramana/in.niti.dharma.nibandha.mahanibandha.prataparka.12.p3) — Viśveśvarabhaṭṭa 1766, Sanskrit - [Kāladīpa](https://indike.org/pramana/in.niti.dharma.kala.utkala.kaladipa.p240) — Divyasiṃha Mahāpātra 1640, Sanskrit --- Source: [https://indike.org/pramana/in.purana.padma.6.124](https://indike.org/pramana/in.purana.padma.6.124) · Pramāṇa