[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Padmapurana](https://indike.org/pramana/in.purana.padma) › 6.125 # Padmapurana 6.125: pañcaviṃśatyadhikaśatatamo'dhyāyaḥ Padmapurāṇa 6.125 - **Language:** Sanskrit ### pañcaviṃśatyadhikaśatatamo'dhyāyaḥ ### [6.125.1](https://indike.org/pramana/in.purana.padma.6.125.1) ṛṣayaūcuḥ sūtasūtamahābhāgatvayālokahitaiṣiṇā kathitaṃkārtikākhyānaṃbhuktimuktipradāyakam ### [6.125.2](https://indike.org/pramana/in.purana.padma.6.125.2) adhunāmāghamāhātmyaṃvadanolomaharṣaṇe śrutenayenalokānāṃsaṃśayaḥkṣīyatemahān ### [6.125.3](https://indike.org/pramana/in.purana.padma.6.125.3) purākenamahābhāgaloke'sminsaṃprakāśitam māghasnānasyamāhātmyaṃsetihāsaṃtadādiśa ### [6.125.4](https://indike.org/pramana/in.purana.padma.6.125.4) sūtauvāca sādhusādhumuniśreṣṭhāyūyaṃkṛṣṇaparāyaṇaḥ yatpṛcchathamudāyuktābhaktyākṛṣṇakathāmuhuḥ ### [6.125.5](https://indike.org/pramana/in.purana.padma.6.125.5) kathayiṣyāmimāghasyamāhātmyaṃpuṇyavardhanam pāpaghnaṃśṛṇvatāṃpuṃsāṃsnātānāṃcāruṇodaye ### [6.125.6](https://indike.org/pramana/in.purana.padma.6.125.6) ekadāpārvatīviprāḥśaṃkaraṃlokaśaṃkaram papracchavinayopetāspṛṣṭvātaccaraṇāṃbujam ### [6.125.7](https://indike.org/pramana/in.purana.padma.6.125.7) pārvatyuvāca devadevamahādevabhaktānāmabhayaprada prasīdanāthaviśveśayatpṛcchetadvadādhunā ### [6.125.8](https://indike.org/pramana/in.purana.padma.6.125.8) śrutānānāvidhādharmāstvattaḥpūrvaṃmayāvibho adhunāśrotumicchāmimāhātmyaṃmāghajaṃvada ### [6.125.9](https://indike.org/pramana/in.purana.padma.6.125.9) tattukenapurācīrṇaṃkovidhiḥkācadevatā tatsarvaṃvistarādbrūhiyatastvaṃbhaktavatsalaḥ ### [6.125.10](https://indike.org/pramana/in.purana.padma.6.125.10) maheśauvāca adhvarā'vabhṛthasnātaṛṣibhiḥkṛtamaṃgalaḥ pūjitonāgaraiḥsarvaiḥsvapurānnirgatobahiḥ ### [6.125.11](https://indike.org/pramana/in.purana.padma.6.125.11) dilīpobhūbhṛtāṃśreṣṭhomṛgayārasikonṛpaḥ kautūhalasamāviṣṭaākheṭavyūhasaṃvṛtaḥ ### [6.125.12](https://indike.org/pramana/in.purana.padma.6.125.12) upānadrūḍhapādastunīloṣṇīṣauracchadī baddhagodhāṃgulitrāṇodhanuṣpāṇiḥsarīsṛpaḥ ### [6.125.13](https://indike.org/pramana/in.purana.padma.6.125.13) baddhakṣudrāsidhānuṣkaistathābhūtaiścapattibhiḥ gāṃdhāreṣusuramyeṣuvaneṣuvipuleṣuca ### [6.125.14](https://indike.org/pramana/in.purana.padma.6.125.14) ullaṃghitamahāsrotāyuvāpaṃcāsyavikramaḥ mudākrīḍatitaiḥsārddhaṃkuṃjeṣumṛgayanmṛgān ### [6.125.15](https://indike.org/pramana/in.purana.padma.6.125.15) hanyatāṃhanyatāmeṣamṛgovaiṣapalāyate itijalpansvabhṛtyeṣusvayamutpattyahaṃtica ### [6.125.16](https://indike.org/pramana/in.purana.padma.6.125.16) itastataḥpunaryātikvacitpaśyanvanasthalīm viṭapoḍḍīnasaṃtrastalīnakekikulākulām ### [6.125.17](https://indike.org/pramana/in.purana.padma.6.125.17) hariṇīgaṇavitrastāṃdhāvacchāvakadiṅmukhām kvacitpheravaphetkāratārārāvavibhīṣaṇām ### [6.125.18](https://indike.org/pramana/in.purana.padma.6.125.18) khaḍgayūthaiḥkvacillakṣmīṃdadhānāmivadaṃtinām kvacitkoṭarasaṃdaṣṭolūkanādavinādinīm ### [6.125.19](https://indike.org/pramana/in.purana.padma.6.125.19) mṛgāripadamudrābhirmudritāṃcakvacitkvacit śārdūlanakhanirbhinnarohidraktāruṇāṃkvacit ### [6.125.20](https://indike.org/pramana/in.purana.padma.6.125.20) pīvarastanabhārārtasusnigdhamahiṣīgaṇaiḥ avarodhājirakṣoṇīṃsūcayaṃtīmanaḥkvacit ### [6.125.21](https://indike.org/pramana/in.purana.padma.6.125.21) kvacidvṛkṣaghanacchannāṃvanyapuṣpasugaṃdhinīm kvacillatāgṛhadvārāṃbhṛṃgaśabdasuśobhanām ### [6.125.22](https://indike.org/pramana/in.purana.padma.6.125.22) ardhaniḥsṛtanirmokanāgabhīmabṛhadvilām bileṣulīnājagarairbhīmāṃnirmokasarpiṇīm ### [6.125.23](https://indike.org/pramana/in.purana.padma.6.125.23) kvaciddāvānalajvālāṃśilājyotiḥsuśobhanām phūtkāraśabdasaṃpūrṇāṃmṛgavyāghrasamākulām ### [6.125.24](https://indike.org/pramana/in.purana.padma.6.125.24) pravimuṃcañchunāṃyūthaṃśaśakeṣukvacitkvacit palvaleṣucaviśramyapunaryātivanāntaram ### [6.125.25](https://indike.org/pramana/in.purana.padma.6.125.25) evaṃvrajatirājendrevyādhavargecavalgati kurvankolāhalaṃtatrasāraṃgonirgatovanāt ### [6.125.26](https://indike.org/pramana/in.purana.padma.6.125.26) sphālavegakramākrāṃtadurgamārgamahītalaḥ kadācidgaganārūḍhaḥkadācidbhūmigocaraḥ ### [6.125.27](https://indike.org/pramana/in.purana.padma.6.125.27) vakrasroto'tigaṃbhīraṃkaṇṭakadrumasaṃkulam praviṣṭoviṣamāraṇyaṃrājā'sautatpadānugaḥ ### [6.125.28](https://indike.org/pramana/in.purana.padma.6.125.28) dūrāddūrataraṃgatvādeśāddeśaṃcanirjanam mṛgādarśanasaṃrambhasaṃśuṣkagalakandharaḥ ### [6.125.29](https://indike.org/pramana/in.purana.padma.6.125.29) tāmratālumukhaḥsvinnaḥśrāṃtapattiḥskhaladdhvaniḥ atītyadīrghamārgānsatṛṣārtomadhyageravau ### [6.125.30](https://indike.org/pramana/in.purana.padma.6.125.30) dadarśāgretukāsāraṃspardhayaṃtamapāṃpatim ghanapādapatīrasthaṃsutīrthaṃvimalaṃśubham ### [6.125.31](https://indike.org/pramana/in.purana.padma.6.125.31) viśālaṃvikacāṃbhojaṃmadhumattamadhuvratam padminīpatrapālāśacchannaṃmarakatairiva ### [6.125.32](https://indike.org/pramana/in.purana.padma.6.125.32) svacchaṃdamucchalanmatsyaṃsvacchaṃsādhumanoyathā calajjalacarairmiśraṃvīcirājivirājitam ### [6.125.33](https://indike.org/pramana/in.purana.padma.6.125.33) aṃtargrāhagaṇakrūraṃkhalānāmivamānasam kvacicchaivāladurgamyaṃkṛpaṇasyaivamaṃdiram nānāvihaṅgasarvārtiṃśamayaṃtaṃdivāniśam ### [6.125.34](https://indike.org/pramana/in.purana.padma.6.125.34) dātāramivasarvasvairāpannārtipraṇāśanam tarpayaṃtaṃnijāṃbhobhiḥśvāpadānsvapitṝniva ### [6.125.35](https://indike.org/pramana/in.purana.padma.6.125.35) haraṃtaṃsarvasaṃtāpaṃhimāṃśurivacāhnikam taṃdṛṣṭvābhūdgataglāniścātakojaladaṃyathā ### [6.125.36](https://indike.org/pramana/in.purana.padma.6.125.36) tatrapītajalorājākṛtamādhyāhnikakriyaḥ bhuktvākheṭakamāṃsānisahāyaiḥsahitonṛpaḥ ### [6.125.37](https://indike.org/pramana/in.purana.padma.6.125.37) uvāsasarasastīresuramyāṃkathayankathām tataḥśarāsanebāṇaṃkṛtvārātrausthitastarau ### [6.125.38](https://indike.org/pramana/in.purana.padma.6.125.38) vyādhāḥsaṃdhānamāsthāyarurudhuḥkakubhāṃpathaḥ evaṃsthiteṣuvīreṣuvanevistāryavāgurām ### [6.125.39](https://indike.org/pramana/in.purana.padma.6.125.39) niśārdhenirgataṃyūthaṃsūkarāṇāṃtaṭetaṭe caritvāsarasīkaṃdānpapātavyādhasaṃkule ### [6.125.40](https://indike.org/pramana/in.purana.padma.6.125.40) rājñāviddhāścatekroḍāvyādhaiścabahavohatāḥ kṣaṇenaivavarāhāsteviddhāḥpeturmahītale ### [6.125.41](https://indike.org/pramana/in.purana.padma.6.125.41) tāndṛṣṭvātumulaṃnādaṃvyādhāścakruḥsudarpitāḥ dhāvaṃtaḥpramudāyuktāmilitāyatrabhūpatiḥ ### [6.125.42](https://indike.org/pramana/in.purana.padma.6.125.42) tānādāyabhaṭairbhūyoniḥsṛtaḥsarasītaṭāt svapuraṃgaṃtukāmo'saudṛṣṭavānpathitāpasam ### [6.125.43](https://indike.org/pramana/in.purana.padma.6.125.43) brāhmaṇaṃvṛddhahārītaṃśaṃkhacakrasuśobhitam niyamairduṣkarairugraiḥparikṣīṇakalevaram ### [6.125.44](https://indike.org/pramana/in.purana.padma.6.125.44) asthiśeṣaṃmahaddāṃtaṃvisphuratkarkaśatvacam dadhānaṃhāriṇaṃcarmavasānaṃmṛduvalkalam ### [6.125.45](https://indike.org/pramana/in.purana.padma.6.125.45) kurvāṇaṃ naigamaṃjāpyaṃnakhalomajaṭādharam taṃvanāśramiṇaṃdṛṣṭvāmārgaṃdattvāsasaṃbhramaḥ ### [6.125.46](https://indike.org/pramana/in.purana.padma.6.125.46) praṇamyaśirasārājākṛtapadmāṃjalisthitaḥ athacainamalaṃkārairdvijoniścityabhūmipam ### [6.125.47](https://indike.org/pramana/in.purana.padma.6.125.47) uvācaśreyasehetoḥparopakṛtivāṃcchayā kimarthaṃgamyaterājankālepuṇyatameśubhe ### [6.125.48](https://indike.org/pramana/in.purana.padma.6.125.48) māghamāsevihāyaivaprātaḥsnānaṃsarovare pratyuvācatatorājānāhaṃjānedvijottama ### [6.125.49](https://indike.org/pramana/in.purana.padma.6.125.49) māghasnānaphalaṃkīdṛktanmekathayavistarāt itibhūpavacaḥśrutvāprāhavaikhānasomuniḥ ### [6.125.50](https://indike.org/pramana/in.purana.padma.6.125.50) bhagavāndyumaṇiḥśīghramabhyudetitamopahā snānakālo'yamasmākaṃnakathā'vasaronṛpa ### [6.125.51](https://indike.org/pramana/in.purana.padma.6.125.51) snātvāgacchavasiṣṭhaṃtaṃpṛcchasvasvakulaprabhum ityuktvātāpasomaunīprātaḥsnānāyanirgataḥ ### [6.125.52](https://indike.org/pramana/in.purana.padma.6.125.52) pratyāvṛtyadilīpo'pitatrasnātvāyathāvidhi punaḥsvanagarīṃvīrogato'sauharṣapūritaḥ ### [6.125.53](https://indike.org/pramana/in.purana.padma.6.125.53) antaḥpurenivedyāthavānaprasthakathāṃpunaḥ śvetāśvarathamāruhyasuśvetacchatracāmaraḥ ### [6.125.54](https://indike.org/pramana/in.purana.padma.6.125.54) sālaṃkāraḥsuvāsāścasaṃvṛttomaṃtribhiḥsaha jayaśabdānpunaḥśṛṇvanstutomāgadhabaṃdibhiḥ ### [6.125.55](https://indike.org/pramana/in.purana.padma.6.125.55) vasiṣṭhasyāśramaṃyātaṛṣivākyamanusmaran tatraivanatvābrahmarṣiṃvinayācārapūrvakam ### [6.125.56](https://indike.org/pramana/in.purana.padma.6.125.56) dattāsanogṛhītārghyaāśīrbhiḥsamalaṃkṛtaḥ sānaṃdaṃmunināpṛṣṭaḥkuśalaṃbhūpatiryadā ### [6.125.57](https://indike.org/pramana/in.purana.padma.6.125.57) tadābravīdvacorājāharṣayanmunimānasam so'pivaikhānasenoktaṃpapracchamadhurākṛtiḥ ### [6.125.58](https://indike.org/pramana/in.purana.padma.6.125.58) dilīpauvāca bhagavaṃstvatprasādenaśrutāvistaratomayā ācārodaṃḍanītiścarājadharmāścayepare ### [6.125.59](https://indike.org/pramana/in.purana.padma.6.125.59) caturṇāmapivarṇānāmāśramāṇāṃcayāḥkriyāḥ dānānitadvidhānāniyajñāścavidhayastathā ### [6.125.60](https://indike.org/pramana/in.purana.padma.6.125.60) vratānitatpradiṣṭāniviṣṇorārādhanaṃtathā adhunāśrotumicchāmimāghasnānecayatphalam vidheyaṃyadvidhānenatanmebrahmanmunevada ### [6.125.61](https://indike.org/pramana/in.purana.padma.6.125.61) vasiṣṭhauvāca samyaguktaṃparaṃśreyolokatrayahitāvaham nirmalīkaraṇaṃtenamunināvanavāsinā ### [6.125.62](https://indike.org/pramana/in.purana.padma.6.125.62) kaṭākṣaiḥkāminīnāṃtepratyāsannamakhaṃḍitāḥ kāmayaṃtemṛgārketesrotasisnātumevaca ### [6.125.63](https://indike.org/pramana/in.purana.padma.6.125.63) vināvahniṃvināyajñamiṣṭāpūrtaṃvināpriye vāṃcchaṃtisadgatiṃsnātuṃprātarmāghebahirjale ### [6.125.64](https://indike.org/pramana/in.purana.padma.6.125.64) gobhūhiraṇyamāṇikyasvarṇadhenvādikāniye adattvecchaṃticaikārṇemāghaṃsnātānarādhipa ### [6.125.65](https://indike.org/pramana/in.purana.padma.6.125.65) triḥsaptāhavrataiḥkṛcchraiḥparākaiścanijāṃtanum aśoṣyecchaṃtiyesvargaṃtapasisnāṃtutesadā ### [6.125.66](https://indike.org/pramana/in.purana.padma.6.125.66) hareḥpūjācavaiśākhetapaḥpūjācakārtike tapohomastathādānaṃtrayaṃmāgheviśiṣyate ### [6.125.67](https://indike.org/pramana/in.purana.padma.6.125.67) sānubaṃdho'tiparyāsodharādhīśobhaveddhruvam kaivalyotpādakābuddhiyayāvānabhavetpunaḥ ### [6.125.68](https://indike.org/pramana/in.purana.padma.6.125.68) padadhyāvarivasyāsāvihitādivyalocanaiḥ tadanannaṃtapodānaṃmāghemāsinṛpottama ### [6.125.69](https://indike.org/pramana/in.purana.padma.6.125.69) sakāmovāprajāyevāharayetadvināpivā kāyaśuddhivratībhūtvācaturddhāsnānajaṃphalam ### [6.125.70](https://indike.org/pramana/in.purana.padma.6.125.70) nirannāaditiḥsasnaumāghedvādaśavatsare putrāṃścadvādaśādityānlabhetrailokyadīpakān ### [6.125.71](https://indike.org/pramana/in.purana.padma.6.125.71) subhagārohiṇīmāghādānaśīlātvaruṃdhatī śacīcarūpasaṃpannāprāsādesaptabhūmike ### [6.125.72](https://indike.org/pramana/in.purana.padma.6.125.72) vimalīkṛtaśobhāḍhyonartakīlalitājire dvīpavarṇasamucchinnerūpavatstrījanākule ### [6.125.73](https://indike.org/pramana/in.purana.padma.6.125.73) gītavāditranirghoṣemaṃgalācāraśobhite vedadhvanipavitrecavidvadviprairalaṃkṛte ### [6.125.74](https://indike.org/pramana/in.purana.padma.6.125.74) surārcanarateramyesadātithiniṣevite muditāṃstevasaṃtīhayaiḥsnānaṃmakareravau ### [6.125.75](https://indike.org/pramana/in.purana.padma.6.125.75) yairdattaṃbahumāghecamurāriścārcitaḥstutaḥ iṣṭavastuparityāgānniyamasyatupālanāt ### [6.125.76](https://indike.org/pramana/in.purana.padma.6.125.76) dharmasūtiḥsadāmāghaḥpāpamūlaṃnikṛṃtati kāmamūlaḥphaladvārāniṣkāmojñānadaḥsadā ### [6.125.77](https://indike.org/pramana/in.purana.padma.6.125.77) yelokājñānaśīlānāṃyelokāvipinaukasām yelokāviṣṇubhaktānāṃtemāghasnāyināṃsadā ### [6.125.78](https://indike.org/pramana/in.purana.padma.6.125.78) devalokānnivartaṃtepuṇyairanyaiḥparaṃtapa kadācinnanivartaṃ temāghasnānaratānarāḥ ### [6.125.79](https://indike.org/pramana/in.purana.padma.6.125.79) māghesnātvātuyodhenuṃdadyānmartyaḥpayasvinīm tasyāyāvaṃtiromāṇisarvāṃgecanṛpottama ### [6.125.80](https://indike.org/pramana/in.purana.padma.6.125.80) tāvadvarṣasahasrāṇisvargalokemahīyate māghasnānaṃprakurvāṇoyodadyātsaguḍāṃstilān ### [6.125.81](https://indike.org/pramana/in.purana.padma.6.125.81) pātakaṃtasyaprakṣālyanirmalobhātivainaraḥ sarveṣāṃdhānyarāśīnāṃtilāḥpāpapraṇāśanāḥ ### [6.125.82](https://indike.org/pramana/in.purana.padma.6.125.82) tasmānmāgheprayatnenatilādeyānṛpottama māghasnānaṃprakurvāṇodadyādbrāhmaṇabhojanam ### [6.125.83](https://indike.org/pramana/in.purana.padma.6.125.83) pitṝnsaṃtarpyaśuddhātmāyātiviṣṇoḥparaṃpadam tasmātsarvaprayatnenamāghodānenanīyate ### [6.125.84](https://indike.org/pramana/in.purana.padma.6.125.84) adānaṃnakṣipenmāghaṃsarvadānṛpasattama vittānusāraṃjñātvāvaimāghedānaṃsadādadet ### [6.125.85](https://indike.org/pramana/in.purana.padma.6.125.85) māghasnānaṃtuyaḥkuryādupānahakamaṃḍalūn dadātibrāhmaṇebhyaścasasvargetiṣṭhatidhruvam ### [6.125.86](https://indike.org/pramana/in.purana.padma.6.125.86) māghasnānamayaṃrājankurvāṇastapauttamam dānaṃvinākṣipennaivadānātsvargamavāpyate ### [6.125.87](https://indike.org/pramana/in.purana.padma.6.125.87) dānenaprāpyatesvargodānenaprāpyatesukham dānenahīyatepāpaṃmahāpātakajaṃnṛpa ### [6.125.88](https://indike.org/pramana/in.purana.padma.6.125.88) adānaṃnatapobhātihyasūryaṃgaganaṃyathā asaṃtatikulaṃyadvādācāreṇavināgṛham ### [6.125.89](https://indike.org/pramana/in.purana.padma.6.125.89) nātaḥparataraṃkiṃcitpavitraṃpāpanāśanam vidyādharāyasaṃgītaṃbhṛguṇāmaṇiparvate ### [6.125.90](https://indike.org/pramana/in.purana.padma.6.125.90) rājovāca brahmankadābhṛgurvipronijagādamahīdhare tasmaidharmopadeśaṃcakathyatāṃmekutūhalāt ### [6.125.91](https://indike.org/pramana/in.purana.padma.6.125.91) vasiṣṭhauvāca dvādaśābdaṃpurārājannavavarṣabalāhakaḥ tenodvignāḥprajāḥkṣīṇāgatāḥsarvādiśodaśa ### [6.125.92](https://indike.org/pramana/in.purana.padma.6.125.92) khilībhūtetadāmadhyehimavadviṃdhyayornṛpa svāhāsvadhāvaṣaṭkāravedādhyayanavarjite ### [6.125.93](https://indike.org/pramana/in.purana.padma.6.125.93) sopaplavetadālokeluptadharmecaniṣprabhe phalamūlānnapānīyaśūnyevaibhūmimaṃḍale ### [6.125.94](https://indike.org/pramana/in.purana.padma.6.125.94) viṃdhyapādatarucchannaramyarevātaṭāśramāt sahaśiṣyaiścanirgamyahimādriṃsagatobhṛguḥ ### [6.125.95](https://indike.org/pramana/in.purana.padma.6.125.95) tatratiṣṭhatikailāsagireḥpaścimatogiriḥ maṇikūṭaitikhyātohemaratnaśiloccayaḥ ### [6.125.96](https://indike.org/pramana/in.purana.padma.6.125.96) adho'dhasphaṭikaśvetomadhyenīlaśilogiriḥ bhūtibhiḥsarvataḥśuklonīlakaṃṭhaivābabhau ### [6.125.97](https://indike.org/pramana/in.purana.padma.6.125.97) sarvatrāsaunīlaśilohemarekhāṃtarāṃtaraḥ sphuradvidyullataḥkṛṣṇojīmūtaivarājate ### [6.125.98](https://indike.org/pramana/in.purana.padma.6.125.98) mūrdhninīlaśilaḥśailaadhaḥkāṃcanamekhalaḥ nārāyaṇaivābhātiparivītaivāṃbaraḥ ### [6.125.99](https://indike.org/pramana/in.purana.padma.6.125.99) amekhalāsunīlābhomadhyemadhyesitopalaḥ satārakamivavyomaśuśubhesamahīdharaḥ ### [6.125.100](https://indike.org/pramana/in.purana.padma.6.125.100) labdhvātmanastanuṃśubhrāṃdīptadivyauṣadhīdharaḥ bahudyotakarobhātidvitīyaivacaṃdramāḥ ### [6.125.101](https://indike.org/pramana/in.purana.padma.6.125.101) adhityakāsusaṃgītaiḥkinnarīṇāṃsakīcakaiḥ raṃbhāpatrapatākābhiḥśobhatesasadā'calaḥ ### [6.125.102](https://indike.org/pramana/in.purana.padma.6.125.102) haritopalavaidūryapadmarāgaśitāśmanām rugraśmimaṃḍalaiḥso'gaiṃdracāpairivāvṛtaḥ ### [6.125.103](https://indike.org/pramana/in.purana.padma.6.125.103) sarvadhātumayairhemairnānāratnaiḥpraśobhitaḥ so'gnijvālairivātyuccaiḥśṛgaiḥsarvatraveṣṭitaḥ ### [6.125.104](https://indike.org/pramana/in.purana.padma.6.125.104) tasyāgatyanitaṃbeṣusatṛṇāsuśilāsuca vidyādharyaḥpradevaṃtesvapatīnkāmaviklavāḥ ### [6.125.105](https://indike.org/pramana/in.purana.padma.6.125.105) niruddhāṃtarmarunmārgājitakleśāvirāgiṇaḥ dhyāyaṃtyaharniśaṃbrahmaramyasānuguhāsuca ### [6.125.106](https://indike.org/pramana/in.purana.padma.6.125.106) sākṣasūtrakarāḥsiddhāardhonmīlitalocanāḥ ārādhayaṃtibhūteśaṃsuṃdarīṣudarīṣuca ### [6.125.107](https://indike.org/pramana/in.purana.padma.6.125.107) maṃdārakusumāmodasurabhīkṛtadiṅmukhaḥ eṣanirjhariṇīvārijhaṃkāramukharaḥsadā ### [6.125.108](https://indike.org/pramana/in.purana.padma.6.125.108) upatyakāsukheladbhirvanasthaiḥkalabhairgajaiḥ kastūrīmṛgayūthaiścacārucitramṛgaistathā ### [6.125.109](https://indike.org/pramana/in.purana.padma.6.125.109) vilasaccāmarīvṛṃdairvicitraiḥśvāpadaistathā nadatpārāvataiścaivacakoraiścāpikokilaiḥ ### [6.125.110](https://indike.org/pramana/in.purana.padma.6.125.110) rājahaṃsamayūraiścasadāramyaḥsaparvataḥ sevyamānaḥsadādevairguhyakairapsarogaṇaiḥ ### [6.125.111](https://indike.org/pramana/in.purana.padma.6.125.111) rājovācavahvāścaryamayaḥśailaḥsarvasiddhisamāśrayaḥ bhagavankiyaducchrāyaḥkiyadāyāmavistaraḥ ### [6.125.112](https://indike.org/pramana/in.purana.padma.6.125.112) ṛṣiruvāca ṣaṭtriṃśadyojanocchrāyomastakedaśayojanaḥ āyāmavistarābhyāṃsamūleṣoḍaśayojanaḥ ### [6.125.113](https://indike.org/pramana/in.purana.padma.6.125.113) haricaṃdanamaṃdāracūtarājivirājitaḥ devadārudrumākīrṇaḥsaralārjunaśobhitaḥ ### [6.125.114](https://indike.org/pramana/in.purana.padma.6.125.114) kālāgarulavaṃgaiścanikuṃjaiścalatāgṛhaiḥ virājategiriśreṣṭhaḥsadāpuṣpaphalapradaḥ ### [6.125.115](https://indike.org/pramana/in.purana.padma.6.125.115) taṃdṛṣṭvāparvataṃramyaṃtadādurbhikṣapīḍitaḥ bhṛguścakāratatraivavasatiṃhṛṣṭamānasaḥ ### [6.125.116](https://indike.org/pramana/in.purana.padma.6.125.116) tisminmanohareśailekaṃdareṣuvaneṣuci cirakālaṃtapastepetapaḥsuniratobhṛguḥ evaṃtiṣṭhatirājeṃdradvijesvāśramavāsini ### [6.125.117](https://indike.org/pramana/in.purana.padma.6.125.117) avatīryāgatauśailāddvauvidyādharadaṃpatī samāgamyamuniṃnatvāsthitautāvatiduḥkhitau ### [6.125.118](https://indike.org/pramana/in.purana.padma.6.125.118) tathāvidhaucataudṛṣṭvāmaṃjuvākyaṃdvijo'bravīt vadavidyādharaprītyāyuvāṃkimatiduḥkhitau ### [6.125.119](https://indike.org/pramana/in.purana.padma.6.125.119) śrutvātasyamunervākyaṃprāhavidyādharodvijam śrūyatāṃtāpasaśreṣṭhamamaduḥkhasyakāraṇam ### [6.125.120](https://indike.org/pramana/in.purana.padma.6.125.120) sukṛtasyaphalaṃprāpyaprāpto'smitridaśālayam labdhvā'pidevatādehaṃmukhaṃvyāghrasyame'bhavat ### [6.125.121](https://indike.org/pramana/in.purana.padma.6.125.121) najānekarmaṇaḥkasyavipāko'yamupasthitaḥ itisaṃsmṛtyasaṃsmṛtyanalebheśarmamemanaḥ ### [6.125.122](https://indike.org/pramana/in.purana.padma.6.125.122) anyaccaśrūyatāṃviprayenamehyākulaṃmanaḥ jāyeyaṃmamakalyāṇīmadhuvāṇīsurūpiṇī ### [6.125.123](https://indike.org/pramana/in.purana.padma.6.125.123) nṛtyagītakalābhijñāsarvasadguṇaśālinī yasminkālekumārīyaṃtadācā'malayānayā ### [6.125.124](https://indike.org/pramana/in.purana.padma.6.125.124) vipaṃcīṃparivādinyātaṃtrībhiḥsaptabhirbhṛśam vīṇāvādarasābhijñastoṣitanāradomuniḥ ### [6.125.125](https://indike.org/pramana/in.purana.padma.6.125.125) mugdhabhāvepigāyaṃtyātvanayāraktakaṃṭhayā vicitrasvaranādajñodevarājo'pitoṣitaḥ ### [6.125.126](https://indike.org/pramana/in.purana.padma.6.125.126) asyāḥkautukabhinnāṃgyāvādayaṃtyāvipaṃcikām nānāvakragatisnigdhaṃśrutvātaṃpaṃcamadhvanim ### [6.125.127](https://indike.org/pramana/in.purana.padma.6.125.127) tutoṣodbhinnaromāṃcodhunvanmaulimaheśvaraḥ śīlaudāryaguṇagrāmarūpayauvanasaṃpadā ### [6.125.128](https://indike.org/pramana/in.purana.padma.6.125.128) nānayāsadṛśīnākekācidastinitaṃvinī kveyaṃdevamukhīrāmākvāhaṃvyāghramukhaḥpumān ### [6.125.129](https://indike.org/pramana/in.purana.padma.6.125.129) itibrahmansadāciṃtyadahyāmihṛdisarvadā itividyādharaproktaṃśrutvācekṣvākunaṃdanaḥ ### [6.125.130](https://indike.org/pramana/in.purana.padma.6.125.130) trikālajñobhṛguḥprāhaprahasandivyalocanaḥ śṛṇuvidyādharaśreṣṭhavicitraṃkarmaṇāṃphalam ### [6.125.131](https://indike.org/pramana/in.purana.padma.6.125.131) prāpyaprājñānamuhyaṃtimuhyaṃtyijñānacetasaḥ makṣikāpadamātraṃtuyathāhiviṣamaṃviṣam ### [6.125.132](https://indike.org/pramana/in.purana.padma.6.125.132) kriyātvavihitālpāpivipākedāruṇātathā upoṣyaikādaśīṃmāghetailābhyaṃgaḥkṛtastvayā ### [6.125.133](https://indike.org/pramana/in.purana.padma.6.125.133) dvādaśyāṃprāgbhavedehetenavyāghramukhobhavān upoṣyaikādaśīṃpuṇyāṃdvādaśyāṃ tailasevanāt ### [6.125.134](https://indike.org/pramana/in.purana.padma.6.125.134) kurūpaṃprāptavāndehaṃpurāhyevaṃpurūravāḥ dṛṣṭvātmanaḥkukāyaṃsatenaduḥkhenaduḥkhitaḥ ### [6.125.135](https://indike.org/pramana/in.purana.padma.6.125.135) girirājaṃsamāgamyadevatāsarasastaṭe sthitvācaparamaprītyāśuciḥsnātaḥkuśāsane ### [6.125.136](https://indike.org/pramana/in.purana.padma.6.125.136) navanīlaghanaśyāmaṃnalināyatalocanam śaṃkhacakragadāpadmadharaṃpītāṃvarāvṛtam ### [6.125.137](https://indike.org/pramana/in.purana.padma.6.125.137) kaustubhenavirājaṃtaṃvanamālādharaṃharim ciṃtayanhṛdayerājānigrahītākhileṃdriyaḥ ### [6.125.138](https://indike.org/pramana/in.purana.padma.6.125.138) māsatrayaṃnirāhārastapastepesudāruṇam alpenatapasātuṣṭaḥsaptajanmakṛtārcanaḥ ### [6.125.139](https://indike.org/pramana/in.purana.padma.6.125.139) saṃsmaraṃstasyabhūpasyatadāprādurabhūtsvayam māghasyaśuklapakṣetudvādaśyāṃmakareravau ### [6.125.140](https://indike.org/pramana/in.purana.padma.6.125.140) śaṃkhādbhirabhiṣicyāśumudātaṃcakravartinam vāsudevodadautasmaismārayaṃstailaceṣṭitam ### [6.125.141](https://indike.org/pramana/in.purana.padma.6.125.141) atīvasuṃdaraṃrūpaṃkamanīyaṃmanoharam yenataṃcakamedevīurvaśīdevanāyikā ### [6.125.142](https://indike.org/pramana/in.purana.padma.6.125.142) itthaṃlabdhavarorājākṛtakṛtyaḥpuraṃgataḥ itikarmagatiṃjñātvākiṃvidyādharakhidyate ### [6.125.143](https://indike.org/pramana/in.purana.padma.6.125.143) bhavānparijihīrṣuśceddānavasyavirūpatām śīghraṃmadvacanādevaprācīnāghavināśanam ### [6.125.144](https://indike.org/pramana/in.purana.padma.6.125.144) māghamāsekurusnānaṃmaṇikūṭanadījale munisiddhasurairjuṣṭekathayiṣyāmitadvidhim ### [6.125.145](https://indike.org/pramana/in.purana.padma.6.125.145) tavabhāgyavaśānmāghonikaṭaḥpaṃcame'hani pauṣasyaikādaśīṃśuklāmārabhyasthaṃḍileśayaḥ ### [6.125.146](https://indike.org/pramana/in.purana.padma.6.125.146) māsamekaṃnirāhārastrikālaṃsnānamācara trikālamarcayanviṣṇuṃtyaktabhogojiteṃdriyaḥ ### [6.125.147](https://indike.org/pramana/in.purana.padma.6.125.147) māghasyaikādaśīśuklāyāvadvidyādharottama tatonirdagdhapāpaṃtvāṃdvādaśyāṃpuṇyavāsare ### [6.125.148](https://indike.org/pramana/in.purana.padma.6.125.148) abhiṣicyaśivaistoyairmaṃtrapūtairahaṃsura kāmavaktropamaṃvaktraṃkariṣyāmitavānagha ### [6.125.149](https://indike.org/pramana/in.purana.padma.6.125.149) devatāvadanobhūtvātvaṃvidyādharasattama anayāvaravarṇinyāsārddhaṃkrīḍayathāsukham ### [6.125.150](https://indike.org/pramana/in.purana.padma.6.125.150) jñātamāghaprabhāvastvaṃmāghasnānaṃsadākuru yathāmanorathāvāptirjāyatetavasarvadā ### [6.125.151](https://indike.org/pramana/in.purana.padma.6.125.151) ityuktaṃbhṛguṇātasmaisarvajñenamahātmanā vidyādharāyarājeṃdrapunargāthāudāhṛtā ### [6.125.152](https://indike.org/pramana/in.purana.padma.6.125.152) māghasnānairvipannāśamāghasnānairaghakṣayaḥ sarvayajñādhikomāghaḥsarvadānaphalapradaḥ ### [6.125.153](https://indike.org/pramana/in.purana.padma.6.125.153) māghogarjatiyajñebhyomāghoyogāccagarjati tīvrāccatapasomāghobhovidyādharagarjati ### [6.125.154](https://indike.org/pramana/in.purana.padma.6.125.154) puṣkarecakurukṣetrebrahmāvartepṛthūdake avimukteprayāgecagaṃgāsāgarasaṃgame ### [6.125.155](https://indike.org/pramana/in.purana.padma.6.125.155) yatphalaṃdaśabhirvarṣaiḥprāpyateniyamairnaraiḥ tatphalaṃprāpyatemāghetryahasnānānnasaṃśayaḥ ### [6.125.156](https://indike.org/pramana/in.purana.padma.6.125.156) svargalokeciraṃrāgoyeṣāṃmanasivartate yatrakvāpijaletaistusnātavyaṃmakareravau ### [6.125.157](https://indike.org/pramana/in.purana.padma.6.125.157) āyurārogyasaṃpattirūpasaubhāgyatāguṇāḥ yeṣāṃmanorathastaistunatyājyaṃmāghamajjanam ### [6.125.158](https://indike.org/pramana/in.purana.padma.6.125.158) yecabibhyaṃtinarakādyedaridrāccasaṃcitāt sarvathātaiḥprayatnenamāghekāryaṃnimajjanam ### [6.125.159](https://indike.org/pramana/in.purana.padma.6.125.159) dāridryapāpadaurbhāgyapaṃkaprakṣālanāyaca māghasnānānnacānyo'stiupāyorājasattama ### [6.125.160](https://indike.org/pramana/in.purana.padma.6.125.160) śraddhāhīnānikarmāṇitathātyalpaphalānivai phalaṃdadātisaṃpūrṇaṃmāghasnānaṃyathātathā ### [6.125.161](https://indike.org/pramana/in.purana.padma.6.125.161) akāmovāsakāmovāyatrakvāpibahirjale ihāmutracaduḥkhānimāghasnāyīnaviṃdati ### [6.125.162](https://indike.org/pramana/in.purana.padma.6.125.162) pakṣadvayeyathācaṃdrovarddhatekṣīyatetathā pātakaṃkṣīyatemāghepuṇyarāśiścavardhate ### [6.125.163](https://indike.org/pramana/in.purana.padma.6.125.163) yathācakhanyājāyaṃteratnānivividhānica snānātpuṇyānijāyaṃtenarāṇāṃmāghatastathā ### [6.125.164](https://indike.org/pramana/in.purana.padma.6.125.164) kāmadhenuryathākāmaṃciṃtāmaṇistuciṃtitam māghasnānaṃdadātīhatadvatsarvānmanorathān ### [6.125.165](https://indike.org/pramana/in.purana.padma.6.125.165) kṛtetapaḥparaṃjñānaṃtretāyāṃyajanaṃtathā dvāparetukalaujñānaṃmāghaḥsarvayugeṣuca ### [6.125.166](https://indike.org/pramana/in.purana.padma.6.125.166) sarveṣāmevavarṇānāmāśramāṇāṃcabhūpate māghasnānaṃtudharmasyadhārābhirabhivarṣati ### [6.125.167](https://indike.org/pramana/in.purana.padma.6.125.167) vasiṣṭhauvāca itivākyaṃbhṛgoḥśrutvātasminnevāśramesuraḥ sahaivabhṛguṇāmāghegiraunirjhariṇītaṭe ### [6.125.168](https://indike.org/pramana/in.purana.padma.6.125.168) yathoktavidhināsnānamakarodbhāryayāsaha bhṛgoranugrahātso'thasaṃprāpyamanasepsitam ### [6.125.169](https://indike.org/pramana/in.purana.padma.6.125.169) devatāvadanobhūtvāmumudemaṇiparvate ājagāmabhṛgurvidhyaṃtamanugrāhyaharṣitaḥ ### [6.125.170](https://indike.org/pramana/in.purana.padma.6.125.170) maṇimayagirirājesnānamātreṇamāghemadanavadanarūpastatravidyādharo'bhūt kṣapitaniyamadehoviṃdhyapādāvatīrṇobhṛgurapisahaśiṣyairājagāmātharevām ### [6.125.171](https://indike.org/pramana/in.purana.padma.6.125.171) akhilabhuvanasāraṃmāghamāhātmyametaddivajavarabhṛguṇoktaṃbhūpavidyādharāya vividhaphalavicitraṃyaḥśṛṇotīhanityaṃrucirasakalakāmāndevavatprāpnuyātsaḥ ### [6.125.125-2](https://indike.org/pramana/in.purana.padma.6.125.125-2) itiśrīpādmemahāpurāṇepaṃcapaṃcāśatsāhasryāṃsaṃhitāyāmuttarakhaṃḍemāghamāhātmye vasiṣṭhadilīpasaṃvādepaṃcaviṃśatyadhikaśatatamo'dhyāyaḥ ## Linked texts (4) - [Ānandarāmāyaṇa](https://indike.org/pramana/in.lit.ramayana.upajivya.ananda.88.9) — Vālmīki, Sanskrit - [Pratāpārka](https://indike.org/pramana/in.niti.dharma.nibandha.mahanibandha.prataparka.12.p4) — Viśveśvarabhaṭṭa 1766, Sanskrit - [Nirṇayasindhu](https://indike.org/pramana/in.niti.dharma.nibandha.nirnaya.nirnayasindhu.26.2-8) — Kamalākarabhaṭṭa 1612, Sanskrit - [Kāladīpa](https://indike.org/pramana/in.niti.dharma.kala.utkala.kaladipa.p246) — Divyasiṃha Mahāpātra 1640, Sanskrit --- Source: [https://indike.org/pramana/in.purana.padma.6.125](https://indike.org/pramana/in.purana.padma.6.125) · Pramāṇa