[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Padmapurana](https://indike.org/pramana/in.purana.padma) › 6.187 # Padmapurana 6.187: saptāśītyadhikaśatatamo'dhyāyaḥ Padmapurāṇa 6.187 - **Language:** Sanskrit ### saptāśītyadhikaśatatamo'dhyāyaḥ ### [6.187.1](https://indike.org/pramana/in.purana.padma.6.187.1) devyuvāca dvādaśādhyāyamāhātmyaṃbhavatākathitaṃmama brūhitrayodaśādhyāyamāhātmyamatisuṃdaram ### [6.187.2](https://indike.org/pramana/in.purana.padma.6.187.2) īśvarauvācaśṛṇutrayodaśādhyāyamahimāṃbhonidhiṃśive yadākarṇanamātreṇa parāṃmuda mavāpsyasi ### [6.187.3](https://indike.org/pramana/in.purana.padma.6.187.3) astidakṣiṇadiṅmārgetuṃgabhadrāmahānadī tattaṭenagaraṃramyaṃnāmnāhariharaṃpuram ### [6.187.4](https://indike.org/pramana/in.purana.padma.6.187.4) yatrā'stebhagavāndevidevohariharaḥsvayam yasyadarśanamātreṇaparaṃkalyāṇamāpyate ### [6.187.5](https://indike.org/pramana/in.purana.padma.6.187.5) tasminpuredvijanmāsīddharidīkṣitasaṃjñikaḥ tapaḥ svādhyāyaniratośrotriyovedapāragaḥ ### [6.187.6](https://indike.org/pramana/in.purana.padma.6.187.6) durācāretitasyāsīdbhāryānāmnācakarmaṇā nasuṣvāpasamaṃpatyādurālāpākadācana ### [6.187.7](https://indike.org/pramana/in.purana.padma.6.187.7) kṣaṇamapyātmasadanenacāstesvairacāriṇī kaṃṭhadaghnaṃdvijadvāredhayaṃtīvāruṇīrasam ### [6.187.8](https://indike.org/pramana/in.purana.padma.6.187.8) patisaṃbadhinaḥ sarvāntarjayaṃtīpunaḥpunaḥ viṭaiḥsahasadonmattāramamāṇāniraṃtaram ### [6.187.9](https://indike.org/pramana/in.purana.padma.6.187.9) kadacidvyākulaṃdṛṣṭvāpuraṃpaurairitastataḥ saṃketagehamakarotkāṃtārenirjanesvayam ### [6.187.10](https://indike.org/pramana/in.purana.padma.6.187.10) athatatraivasādhūrtāramamāṇāviṭaiḥsaha nināyasābahūnkālānnijayauvanagarvitā ### [6.187.11](https://indike.org/pramana/in.purana.padma.6.187.11) athatasminpureramyenivasaṃtyāniraṃkuśam vasaṃtakālaṃ samabhūtparaṃcittebhuvaḥsakhā ### [6.187.12](https://indike.org/pramana/in.purana.padma.6.187.12) āmūlapallavākīrṇaṃ sahakāravikāriṇā pikānāṃpaṃcamālāpaiḥ punaḥ sajīvitaḥ smaraḥ ### [6.187.13](https://indike.org/pramana/in.purana.padma.6.187.13) sphuraccaṃpakasaurabhyahārakairmalayānilaiḥ maṃdaṃmaṃdaṃprasarpadbhirāṃdolitavanadrumaḥ ### [6.187.14](https://indike.org/pramana/in.purana.padma.6.187.14) utphullamallikāmodamadirāpāraṇāvatām alīnāṃkalaṭaṃkāraiḥ samaṃtādrāvaśobhitaḥ ### [6.187.15](https://indike.org/pramana/in.purana.padma.6.187.15) prasannacārubhiḥsmeraḥ sarovarasugaṃdhibhiḥ mīlanmarālanivahaiḥ sarobhiḥ prakaṭīkṛtaḥ ### [6.187.16](https://indike.org/pramana/in.purana.padma.6.187.16) ghanacchāyāsukhāsīnahariṇārbhakadhāribhiḥ nīraṃdhrapallavairnānāśākhibhiḥ śobhitāvaniḥ ### [6.187.17](https://indike.org/pramana/in.purana.padma.6.187.17) tasminvasaṃtasamayemuditāsābhisārikā apaśyajjagadānaṃdadāyinīṃcaṃdrikāṃniśi ### [6.187.18](https://indike.org/pramana/in.purana.padma.6.187.18) caṃcaccakoracaṃcvagragalatpīyūṣāsīkarām dravadiṃduśilāniryatsudhānirjharanirbharām ### [6.187.19](https://indike.org/pramana/in.purana.padma.6.187.19) vikāśikusumakroḍasāṃdrībhūtakarotkarām ullāsitapayorāśikallolāligitāṃbarām ### [6.187.20](https://indike.org/pramana/in.purana.padma.6.187.20) manobhavamahāsiṃhakulaṭākaṃṭhakartarīm ghanāṃdhakārasaṃdohavidāraṇapaṭīyasīm ### [6.187.21](https://indike.org/pramana/in.purana.padma.6.187.21) śvetīkṛtasatīkāraparārthahimagarbhiṇīm mlānapaṃkajaṃsaṃkocādyūnāmānaṃdadāyinīm ### [6.187.22](https://indike.org/pramana/in.purana.padma.6.187.22) cakravākavadhūvaktrakaruṇākrośasākṣiṇīm muktāśreṇīviśuddhāṃśuprabhāsitadigaṃtarām ### [6.187.23](https://indike.org/pramana/in.purana.padma.6.187.23) athatasyāṃprabhūtāyāṃpūrayaṃtyādiśodaśa kāmāṃdhākāminījātāpathisaudhavihāriṇī ### [6.187.24](https://indike.org/pramana/in.purana.padma.6.187.24) apaśyaṃtīviṭānrātraunirbhidyabhavanārgalam yayausaṃketabhavanaṃnirgatyanagarādvahiḥ ### [6.187.25](https://indike.org/pramana/in.purana.padma.6.187.25) tatrapriyatamaṃkaṃcitkāmamohitamānasā anveṣayaṃtīnādrākṣītkuṃjekuṃjetarautarau ### [6.187.26](https://indike.org/pramana/in.purana.padma.6.187.26) ākarṇayaṃtīkāṃtasyamaṃdālāpānpadepade abhiyātitataḥ krīḍanyatrasaṃhārinisvanaḥ ### [6.187.27](https://indike.org/pramana/in.purana.padma.6.187.27) cakravākaravānśrutvākāṃtālāpabhramādasau sarovarāṇisarvāṇiparyaṭaṃtīmuhurmuhuḥ ### [6.187.28](https://indike.org/pramana/in.purana.padma.6.187.28) kāṃtabhrāṃtyātarutaleprasuptānhariṇotkarān prabodhayaṃtīsocchvāsamāgatāsmītibhāṣiṇī ### [6.187.29](https://indike.org/pramana/in.purana.padma.6.187.29) āligaṃtīvanasthāṇuṃjīvaneśvaraśaṃkayā tadānanabhramādbhūyaṃcuṃvaṃtīvikacāṃbujam ### [6.187.30](https://indike.org/pramana/in.purana.padma.6.187.30) tatratatrakṛtavyarthaśramādṛṣṭapriyāsvayam vilalāpavanetasminmūrcchatīvividhoktibhiḥ hākāṃtahāguṇākrāṃtamaccaitanyasyanāyaka ### [6.187.31](https://indike.org/pramana/in.purana.padma.6.187.31) hemanoharasaubhāgyabhāgyalāvaṇyaśevadhe hāpūrṇacaṃdravadanahāsarojāyatekṣaṇa ### [6.187.32](https://indike.org/pramana/in.purana.padma.6.187.32) hākāṃtatatvasauhityaviśramāyasuradruma yadikopenakutrāpiguhyaveṣo'tratiṣṭhasi ### [6.187.33](https://indike.org/pramana/in.purana.padma.6.187.33) prasādayāmitvāṃkāṃtadattvāprāṇānpriyānapi ityuccaiḥ sarvatodikṣuvilapaṃtyāviyogataḥ ### [6.187.34](https://indike.org/pramana/in.purana.padma.6.187.34) tasyāḥ śrutvāvacaḥ ko'pisuptovyāghraḥ prabuddhavān kurvanghuraghuradhvānaṃpaśyanpratidiśaṃ ruṣā ### [6.187.35](https://indike.org/pramana/in.purana.padma.6.187.35) āsphālayannakhairbhūmiṃgarjannākāśagahvaram pṛṣṭhanirbhagnarlāṃgūladutamutthāyavegavān ### [6.187.36](https://indike.org/pramana/in.purana.padma.6.187.36) gatovyāghraḥ samutpatyayatrāstesābhisārikā atha sāpitamāyāṃtamālokyapatiśaṃkayā ### [6.187.37](https://indike.org/pramana/in.purana.padma.6.187.37) nirjagāmapuraḥ sthātuṃpremamanirbharamānasā tatastasyanakhakrīḍākrūratāṃdhīkṛtāsatī ### [6.187.38](https://indike.org/pramana/in.purana.padma.6.187.38) jahaupriyavapuḥśaṃkāṃśrutvāgarjitamūrjjitam tathāvidhāpisānārībhrāṃtimutsṛjyasatvaram ### [6.187.39](https://indike.org/pramana/in.purana.padma.6.187.39) vyāghratvaṃtukutohetormāṃnihaṃtumihāgataḥ idaṃsarvaṃsamākhyāhiyatastvaṃhaṃtumicchasi ### [6.187.40](https://indike.org/pramana/in.purana.padma.6.187.40) ititasyāvacaḥ śrutvāśārdūlaścaṃḍavikramaḥ kṣaṇaṃvihāyatadgrāsamuvācaprahasanniva ### [6.187.41](https://indike.org/pramana/in.purana.padma.6.187.41) malāpahānadīnāmnādeśetiṣṭhatidakṣiṇe nagarīmuniparṇetitasyārodhasivartate ### [6.187.42](https://indike.org/pramana/in.purana.padma.6.187.42) tatrāstebhagavānsākṣātpaṃcaligomaheśvaraḥ tasyāṃpuryāmahaṃvipraputrobhūtvāsthitastataḥ ### [6.187.43](https://indike.org/pramana/in.purana.padma.6.187.43) ayājyānyājayannaśnannekoddiṣṭenadītaṭe vedapāṭhaphalaṃśaśvadvikrīṇandhanakāṃkṣayā ### [6.187.44](https://indike.org/pramana/in.purana.padma.6.187.44) bhikṣukānaparānlobhāttiraskurvanduruktibhiḥ adeyadraviṇaṃgṛhṇannadattamaniśaṃdinam ### [6.187.45](https://indike.org/pramana/in.purana.padma.6.187.45) chalayansakalaṃllokānkṣaṇagrahaṇakautukāt tataḥ katipayekālejaraṭhatvamupāgataḥ ### [6.187.46](https://indike.org/pramana/in.purana.padma.6.187.46) valīpalitavānaṃdhaḥ prapatanpraskhaladgatiḥ pataddaṃtobhavaṃbhūyaḥ pratigrahaparāyaṇaḥ ### [6.187.47](https://indike.org/pramana/in.purana.padma.6.187.47) hastegṛhītadarbho'hamagamaṃtīrthasannidhim dhanagrahaṇalobhenabhramanparvasuparvasu ### [6.187.48](https://indike.org/pramana/in.purana.padma.6.187.48) tato'haśithilāṃgaḥ sankaṃcidbhūnirjarālayam gatavānyācitaṃbhoktuṃdaṣṭomadhyepadeśunā ### [6.187.49](https://indike.org/pramana/in.purana.padma.6.187.49) apataṃmūrchitobhūtvātataḥ kṣititalekṣaṇāt tato'hagalitaprāṇovyāghrayonimupāgataḥ ### [6.187.50](https://indike.org/pramana/in.purana.padma.6.187.50) atratiṣṭhāmikāṃtārepūrvapāpamanusmaran nabhakṣayāmidharmiṣṭhānmunīnsādhujanānsatīḥ ### [6.187.51](https://indike.org/pramana/in.purana.padma.6.187.51) kiṃtupāpāndurācāranasatīrbhakṣayāmyaham ato'satitvaṃtatvenamamaivakavalāyase ### [6.187.52](https://indike.org/pramana/in.purana.padma.6.187.52) ityuktvāsvairnakhaiḥkūraistāṃvibhajyāṃgakhaṃḍaśaḥ athatāṃbhakṣitāṃtenapāpadehamupāśritām ### [6.187.53](https://indike.org/pramana/in.purana.padma.6.187.53) yamasyakiṃkarāninyuḥsadyaḥ saṃyamanīṃpurīm yamādeśenatatrāpipātayāmāsurāśutām ### [6.187.54](https://indike.org/pramana/in.purana.padma.6.187.54) viṇmūtraraktapūrṇeṣughorakuṃḍeṣvanekathā kalpakoṭiṣupītāsutasmādānīyatāṃmuhuḥ ### [6.187.55](https://indike.org/pramana/in.purana.padma.6.187.55) rauravesthāpayāmāsurmanvaṃtaraśatāvadhi tatopyākṛṣyatāṃdīnāṃrudatīṃsarvatomukhīm ### [6.187.56](https://indike.org/pramana/in.purana.padma.6.187.56) muktakeśāṃbhagnagātrāṃcikṣipurdahanānane evaṃ pāpaparāṃghorāṃ bhuktvānarakayātanām ### [6.187.57](https://indike.org/pramana/in.purana.padma.6.187.57) ihajātāmahāpāpātpunaḥ śvapacayoniṣu tataḥ śvapacagehe'pivarddhamānādinedine ### [6.187.58](https://indike.org/pramana/in.purana.padma.6.187.58) pūrvajanmavaśenaivatathaivāsīdyathāpurā tataḥ katipayekālepunaḥsvaṃbhavanaṃyayau ### [6.187.59](https://indike.org/pramana/in.purana.padma.6.187.59) yatrāstejṛṃbhakādevīśivasyātaḥ pureśvarī tatrāpaśyaddivajanmānaṃvāsudevābhidhaṃśucim ### [6.187.60](https://indike.org/pramana/in.purana.padma.6.187.60) gītātrayodaśādhyāyamudgiraṃtamanāratam tatastacchravaṇādevamuktāśvapacavigrahāt ### [6.187.61](https://indike.org/pramana/in.purana.padma.6.187.61) divyaṃdehaṃsamāsādyajagāmatridaśālayam ### [6.187.187](https://indike.org/pramana/in.purana.padma.6.187.187) iti śrīpādmemahāpurāṇepaṃcapaṃcāśatsahasrasaṃhitāyāmuttarakhaṃḍegītāmāhātmyesaptāśītyadhikaśatatamo'dhya ## Linked texts (1) - [Jayasīṃhakalpadruma](https://indike.org/pramana/in.niti.dharma.nibandha.mahanibandha.jayasimhakalpadruma.13.p29.13) — Ratnākara 1688, Sanskrit --- Source: [https://indike.org/pramana/in.purana.padma.6.187](https://indike.org/pramana/in.purana.padma.6.187) · Pramāṇa