Pramāṇa · Search · About · API

Padmapurana 6.189: ekonanavatyadhika śatatamo'dhyāyaḥ

Padmapurāṇa 6.189

Language
Sanskrit

Contents

ekonanavatyadhika śatatamo'dhyāyaḥ

6.189.1

īśvarauvāca
pravakṣyāmiviśālākṣituhinācalakanyake
gītāpaṃcadaśādhyāyamāhātmyamavadhāraya

6.189.2

kṛpālurnarasiṃho'bhūnnāmnāgauḍeṣubhūpatiḥ
yasyāsidhārayāsaṃkhyedevāsaṃghāvadhīkṛtāḥ

6.189.3

yadīyamattamātaṃgadānadhārājalairilā
nidāghepicasehetāṃravisaṃtāpavedanām

6.189.4

saṃkraṃdanaparitrastāyadīyaśaraṇaṃgatāḥ
rejirekariṇomattāścalaṃtaḥ parvatāiva

6.189.5

mattamātaṃgacītkārapratisvanamivādarāt
yasyagopāyataḥ śailāvyāharaṃtikṛpāvataḥ

6.189.6

yadīyadhāvatturagakṣurasaṃghātajarjaram
nābhūccitraṃkathaṃkāraṃgatakhaṃḍaṃdharātalam

6.189.7

yasminvṛtrahaṇomitresamuddharatimedinīm
punarujvalayāṃcakremahābhāṣyaṃphaṇīśvaraḥ

6.189.8

tasyāsītsnikodhīmāñchastraśāstrakalānidhiḥ
nāmnāsarabhabheruṃḍaḥpracaṃḍabhujamaṃḍalaḥ

6.189.9

bhāṃḍāreṇaturaṃgaiścabhaṭairvīrarasodbhavaiḥ
samānaevabhūpāladurgairatyaṃtadurgamaiḥ

6.189.10

sakadācitsvayaṃrājyaṃkartuṃpāpodadhemanaḥ
nihatyavasudhāpālaṃbalātsākaṃkumārakai

6.189.11

kartuṃvyavasyadivasaiḥ svalpairitthaṃcikīrṣayā
viṣūcikāmayādāśuparāsuḥ samajāyata

6.189.12

kālenālpīyasāpretyapāpātmātenakarmaṇā
tejasvīturagojātaḥ siṃdhudeśekṛśodariḥ

6.189.13

mūlenabahunākrītvāhayatatvavidātataḥ
bahuyatnavatānītaḥ kenacidvaiśyasūnunā

6.189.14

rājāpipautranapttrādyaistasyaivamaraṇātparam
kālenabṛddhatāṃprāptaḥ svarājyaṃcāpipālayan

6.189.15

savaiśyasūnustaṃcāśvaṃrājñe dātuṃ samāgataḥ
rājñodvāristhatastatrapratīkṣaṃstatsamāgamam

6.189.16

jñātapūrvo'pivaiśyo'sau pratīhāreṇadarśitaḥ
kimarthaṃbrūhirājñeti pṛṣṭaḥspaṣṭamabhāṣata

6.189.17

devatrijagatīratnamitimatvāturaṃgamaḥ
mayāniyutamūlyenabahunāsādhulakṣaṇaḥ

6.189.18

tato'valokyavaktrāṇibhūpālaḥ pārśvavartinām
samādideśavaṇijamaśvo'tranīyatāmiti

6.189.19

śirāṃsidhūnayannṛṇāmaśvalakṣaṇavedinām
śūrāṇāmapicetāṃsimuhurutsāhayanmahān

6.189.20

akhaṃḍamedinīvegabahusaṃkramaṇārjitam
lālāphenachalenāsauvamanśubhrataraṃyaśaḥ

6.189.21

ucaiḥśravastulāṃbhejeguṇasāmyenatattvataḥ
vivṛṇvannatitejasvīhṛyevanatakaṃdharaḥ

6.189.22

cāmarairiṃdudhavalairvījyamānoniraṃtaram
dugdhāṃbhonidhilolaistaiḥ śvāsairuccaiḥśravāiva

6.189.23

nīlātapatrayugalaṃghanacchāyatulaśriyā
bibhrāṇovāridālīḍhahimādriśikharaśriyam

6.189.24

medinīmaṃḍalasparśasaṃkrāṃtamivapāvakam
muhuruddharayandhunvanbaṃdhuraṃkaṃdharātaṭam

6.189.25

dārayanvairiṇaḥ sarvānvyāharaṃścajayaśriyam
heṣāraveṇaguruṇādikṣuprakhyāpayanyaśaḥ

6.189.26

sattvasyarāśiratyuccairgatīnāmivaśevadhiḥ
rūpasyanilayaṃsākṣāllakṣaṇānāṃpayonidhiḥ

6.189.27

ānītovaṇijāvājīrājñācasamadṛśyata
bahudhāvarṇito'mātyairaśvalakṣaṇavedibhiḥ

6.189.28

yathecchaṃvaṇijodīrṇaṃsvarṇaṃdattvāmahīpatiḥ
jagrāhaturagaṃvegādasīmānaṃdanirbharaḥ

6.189.29

tato'śvapālamāhūyayatnatastaṃnirūpyaca
visarjitasabhālokogṛhāṃtaramagānnṛpaḥ

6.189.30

anekadhāsamāpṛṣṭomahīpālaraṃṇāṃgaṇe
śastravraṇakiṇaśreṇībhūṣaṇaṃsatvasannibham

6.189.31

ekadāmṛgayāṃkhelankutūhalarasātmanā
tamāruhyamahīpālovanaṃprativiveśaha

6.189.32

visṛjyasainikānpṛṣṭedhāvataḥ parito'khilān
ākṛṣyamāṇohariṇaiḥpipāsākulito'bhavat

6.189.33

tatauttīryaturagājjalamanveṣayan nṛpaḥ
badhvāśvaṃtaruśākhāyāmārurohaśilāṃnṛpaḥ

6.189.34

gītāpaṃcadaśādhyāyaślokārddhalikhitaṃtataḥ
pātitaṃmarutātatryanrakhaṃḍevilokayat

6.189.35

patraṃvācayatorājñaḥ śrutvāgītākṣarāvalīm
tatomuktipadaṃlebheturagastvarayā'patat

6.189.36

tatograṃthiṃsamācchidyapalyāṇavatāryaca
utthāpamānasturagorājñānotthitavānmṛtaḥ

6.189.37

tataṃ sarabhabheruṃḍonṛpamābhāṣyasusvaram
divyaṃvimānamāruhyajagāmatridaśālayam

6.189.38

tatogiriṃsamāruhyadadarśāśramamuttamam
punnāgakadalīcūtanārikelasamanvitam

6.189.39

drākṣekṣuvāṭikāpūganāgakesaracaṃpakam
khelatkarabhasāraṃgaṃnṛtyatkekikulaṃnṛpaḥ

6.189.40

praṇipatyadvijanmānamuṭajābhyaṃtarasthitam
papracchaparayābhaktyāmuktasaṃsāravāsanāt

6.189.41

turagoniragātsvargahetunākenamevada
ityākarṇyavacorājñodvijanmāvācamūcivān

6.189.42

kālenabahunāpretyatatpāpātturago'bhavat
athapaṃcadaśādhyāyaślokārddhaṃlikhitaṃkvacit

6.189.43

tatovācayataḥ śrutvāniragātturagodivam
tataḥ samāgataistatraparivārajanairvṛtaḥ

6.189.44

praṇipatyadvijanmānaṃhṛṣṭaromāvinirgataḥ
patraṃtadevalikhitaṃgītāpaṃcadaśākṣaram

6.189.45

vācayansamahīpāloharṣasaṃphullalocanaḥ
abhiṣicyanijaṃputraṃmaṃtravinmaṃtribhiḥ samam

6.189.46

siṃhāsanesiṃhabalaṃmuktimāpaviśuddhadhīḥ

6.189.46.p1

iti śrīpādmemahāpurāṇepaṃcapaṃcāśatsahasrasaṃhitāyāmuttarakhaṃḍegītāmāhātmyeekonanavatyadhikaśatatamo'dhyāyaḥ