[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Padmapurana](https://indike.org/pramana/in.purana.padma) › 6.193 # Padmapurana 6.193: trinavatyadhikaśatatamo'dhyāyaḥ Padmapurāṇa 6.193 - **Language:** Sanskrit ## Contents - [6.193.43](https://indike.org/pramana/in.purana.padma.6.193.43) — 2 parts - [6.193.84](https://indike.org/pramana/in.purana.padma.6.193.84) — 1 part ### trinavatyadhikaśatatamo'dhyāyaḥ ### [6.193.1](https://indike.org/pramana/in.purana.padma.6.193.1) pārvatyuvācadevadevamahādevasarvajñasakalārthada kṛpāṃmayiparāṃkṛtvāyatpṛcchetadvadasvame ### [6.193.2](https://indike.org/pramana/in.purana.padma.6.193.2) śrutaṃcagītāmāhātmyaṃbahvrāścaryakathāyutam tenamebhaktirutpannāśrotuṃkṛṣṇakathāṃparām ### [6.193.3](https://indike.org/pramana/in.purana.padma.6.193.3) purāṇeṣutusarveṣuśrīmadbhāgavataṃparam yatrapratipadaṃkṛṣṇogīyatebahudharṣibhiḥ tanmāhātmyaṃyathātatvaṃsetihāsaṃvadādhunā ### [6.193.4](https://indike.org/pramana/in.purana.padma.6.193.4) īśvarauvācanaimiṣesūtamāsīnamabhivādyamahāmatim kathāmṛtarasāsvādakuśalaḥśaunako'bravīt ### [6.193.5](https://indike.org/pramana/in.purana.padma.6.193.5) śaunakauvāca ajñānadhvāṃtavidhvaṃsikoṭijanmāghanāśanam ### [6.193.6](https://indike.org/pramana/in.purana.padma.6.193.6) śrīmadbhāgavatākhyānaṃsūtākhyāhirasāyanam bhaktijñānavirāgāḍhyovivekovarddhatekatham ### [6.193.7](https://indike.org/pramana/in.purana.padma.6.193.7) māhāmohanirāsaścavaiṣṇavaiḥ kriyatekatham ihaghorekalauprāyojīvaścāsuratāṃgataḥ ### [6.193.8](https://indike.org/pramana/in.purana.padma.6.193.8) kleśākrāṃtasyatasyāthaśodhanekiṃrasāyanam śreyasāṃyadbhavecchreyaḥ pāvanānāṃcapāvanam ### [6.193.9](https://indike.org/pramana/in.purana.padma.6.193.9) kṛṣṇaprītikaraṃyaccasādhanaṃ tadvadādhunā ciṃtāmaṇiṃlokasukhaṃsureṃdrāspadasaṃpadam ### [6.193.10](https://indike.org/pramana/in.purana.padma.6.193.10) prayacchatiguruḥprītovaikuṃṭhaṃcātidurlabham ### [6.193.11](https://indike.org/pramana/in.purana.padma.6.193.11) sūtauvācaprīto'hatedvijaśreṣṭhāḥkathayiṣyeyathāśrutam sārātsārataraṃyaccasaṃsārabhayanāśanam ### [6.193.12](https://indike.org/pramana/in.purana.padma.6.193.12) bhaktipravarddhakaṃyaccakṛṣṇasaṃtuṣṭihetukam tanmekathayataḥsādhosāvadhānatayāśṛṇu ### [6.193.13](https://indike.org/pramana/in.purana.padma.6.193.13) kālavyālamukhālīḍhajagattrāṇavidhāyakam śrīmadbhāgavataṃśāstraṃkalaukṛṣṇenabhāṣitam ### [6.193.14](https://indike.org/pramana/in.purana.padma.6.193.14) etasmādaparaṃkiṃcinmanaḥ śuddhikaraṃnahi janmāṃtarakṛtaiḥpuṇyairlabhyatesādhubhistutat ### [6.193.15](https://indike.org/pramana/in.purana.padma.6.193.15) rājñaḥ parīkṣitomokṣaṃjñātvākamalasaṃbhavaḥ tolayāmāsāśāstrāṇipurāṇānimahāṃtica ### [6.193.16](https://indike.org/pramana/in.purana.padma.6.193.16) śrīmadbhāgavataṃtatragarīyobhuvi saṃgatam śrīmadbhāgavatīvārtāsurāṇāmapidurlabhā ### [6.193.17](https://indike.org/pramana/in.purana.padma.6.193.17) itisaṃcityabahuśomunayaḥ sādhavo'malāḥ menirebhagavadrūpaṃśrīmadbhāgavataṃkṣitau ### [6.193.18](https://indike.org/pramana/in.purana.padma.6.193.18) paṭhanācchravaṇādyasyanaroyātihareḥ padam varṣeṇaśravaṇaṃtasyabahusaukhyapradāyakam ### [6.193.19](https://indike.org/pramana/in.purana.padma.6.193.19) māsenabhaktirābhāsyaṃlabhatedvijasattama saptāhenaśrutaṃcaitatsarvathāmuktidāyakam ### [6.193.20](https://indike.org/pramana/in.purana.padma.6.193.20) kiṃbahūktenavaisādhośrīmadbhāgavatā'mṛtam nityaṃsadbhiḥprapātavyaṃkṛṣṇalīlāprakāśakam ### [6.193.21](https://indike.org/pramana/in.purana.padma.6.193.21) sanakādyaiḥ purāproktaṃnāradāyadayāparaiḥ brahmaṇaḥśrutapūrvāyasaptāhaśravaṇevidhiḥ ### [6.193.22](https://indike.org/pramana/in.purana.padma.6.193.22) śaunakauvācapiturlabdhvāvaraṃjñānaṃ śrīmadbhāgavatābhidham nāradolokatatvajñaḥ sarvadāhyaṭatemahīm ### [6.193.23](https://indike.org/pramana/in.purana.padma.6.193.23) kutrataiḥ saṃgamojātonāradasyamahātmabhiḥ śrutodevarṣiṇāyatrasaptāhaśravaṇevidhiḥ ### [6.193.24](https://indike.org/pramana/in.purana.padma.6.193.24) sūtauvācaatratevarṇayiṣyāmibhaktiyuktaṃkathānakam yatpurābrahmarātenamahyaṃproktaṃdayālunā ### [6.193.25](https://indike.org/pramana/in.purana.padma.6.193.25) ekadātuviśālāyāmupaviṣṭamadhomukham nāradaṃsanakādyāstedadṛśurdīnamānasam ### [6.193.26](https://indike.org/pramana/in.purana.padma.6.193.26) taṃdṛṣṭvāciṃtayānaṃtudevarṣirbhrātaraṃ svakam papracchurvismayāviṣṭāmunayastatvaciṃtakāḥ ### [6.193.27](https://indike.org/pramana/in.purana.padma.6.193.27) kumārāūcuḥkiṃtvaṃciṃtayasebrahmannatidīnaivāturaḥ tavetthaṃmuktisaṃgasyanocitaṃ vadakāraṇam ### [6.193.28](https://indike.org/pramana/in.purana.padma.6.193.28) nāradauvācaahaṃpṛthvyāṃ samāyātojñātvāsarvottamottamām tīrthairnānāvidhairyuktāṃpuṇyadaiḥ puṇyarūpiṇīm ### [6.193.29](https://indike.org/pramana/in.purana.padma.6.193.29) puṣkareca prayāgecakāśyāṃgodāvarītaṭe harikṣetrekurukṣetreśrīraṃgesetubaṃdhane ### [6.193.30](https://indike.org/pramana/in.purana.padma.6.193.30) eteṣvanyeṣutīrtheṣubhramamāṇaitastataḥ nāpaśyaṃkutraciccharmamanaḥ saṃtoṣakārakam ### [6.193.31](https://indike.org/pramana/in.purana.padma.6.193.31) kalinādharmamitreṇa dhareyaṃbādhitā'dhunā satyaṃśaucaṃdayādānaṃnāstikutrāpibhūtale ### [6.193.32](https://indike.org/pramana/in.purana.padma.6.193.32) udaraṃbhariṇolokāvarākāḥkūṭasākṣiṇaḥ maṃdāḥsumaṃdamatayomahāpākhaṃḍasaṃśrayāḥ ### [6.193.33](https://indike.org/pramana/in.purana.padma.6.193.33) strīpradhānagṛhasthāścavarṇinovratavarjitāḥ vānaprasthāḥpurāvāsānyāsinobhogatatparā ### [6.193.34](https://indike.org/pramana/in.purana.padma.6.193.34) kanyāvikrayiṇolobhātkṛṣikarmaparāyaṇāḥ bhraṣṭācārādaṃbhinaścasvecchācāranidarśinaḥ ### [6.193.35](https://indike.org/pramana/in.purana.padma.6.193.35) āśramāyavanairuddhāstīrthānisaritohradāḥ devatāyatanānyatraduṣṭairuccheditāni ca ### [6.193.36](https://indike.org/pramana/in.purana.padma.6.193.36) yogīsiddho'thavājñānīsatkriyo'tranadṛśyate kalidāvānalenādyasādhanaṃbhasmatāṃgatam ### [6.193.37](https://indike.org/pramana/in.purana.padma.6.193.37) aṭṭaśūlājanapadāḥ śivaśūlādvijātayaḥ kāminyaḥkeśaśūlinyodṛśyaṃtebhuvisarvataḥ ### [6.193.38](https://indike.org/pramana/in.purana.padma.6.193.38) ekadāhamanuprāptoyamunāyāstaṭaṃśubham dṛṣṭaṃvṛṃdāvanaṃtatrayatralīlāharerabhūt ### [6.193.39](https://indike.org/pramana/in.purana.padma.6.193.39) tatrayaccādbhutaṃdṛṣṭaṃśrūyatāṃtanmunīśvarāḥ ekātutaruṇītatraniṣaṇṇākhinnamānasā ### [6.193.40](https://indike.org/pramana/in.purana.padma.6.193.40) dvauvṛddhaupatitaupārśveniḥśvasaṃtāvacetanau śuśrūṣaṃtīprabodhaṃtīrudatīcatayoḥ puraḥ ### [6.193.41](https://indike.org/pramana/in.purana.padma.6.193.41) dṛṣṭādiśonirīkṣaṃtīrakṣitāramivātmanaḥ vījyamānābahustrībhirbodhyamānāmuhurmahuḥ ### [6.193.42](https://indike.org/pramana/in.purana.padma.6.193.42) dṛṣṭvādūrādgataścā'hakautukenatadaṃtikam māṃdṛṣṭvotthāyasābālāvacanaṃ cedamabravīt ### [6.193.43](https://indike.org/pramana/in.purana.padma.6.193.43) bālovācabhosādho'trakṣaṇaṃtiṣṭhamama ciṃtāmapākaru puṃsāṃcadarśanaṃbhadrasarvāghaughanivāraṇam puṇyenaprāktanenaivadarśanaṃtavājāyate ### [6.193.43.p1](https://indike.org/pramana/in.purana.padma.6.193.43.p1) atomemānasaṃduḥkhaṃcchettumahaṃsimānada ### [6.193.43.p2](https://indike.org/pramana/in.purana.padma.6.193.43.p2) nāradau0 ### [6.193.44](https://indike.org/pramana/in.purana.padma.6.193.44) evamuktastayācāhaṃkṛpayāsnigdhamānasaḥ apṛcchaṃtāṃvarārohāṃkautukenasamākulaḥ ### [6.193.45](https://indike.org/pramana/in.purana.padma.6.193.45) kātvametaucakaubhadrekāścemāḥ padmalocanāḥ ākhyāhimatpuraḥ sarvaṃtavaduḥkhasyakāraṇam ### [6.193.46](https://indike.org/pramana/in.purana.padma.6.193.46) iti pṛṣṭāmayāsātubālāduḥkhitamānasā provācanikhilaṃduḥkhamātmanoduḥkhakāraṇam ### [6.193.47](https://indike.org/pramana/in.purana.padma.6.193.47) bālovācaahaṃbhaktiritikhyātāetau metanayauvarau jñānavairāgyanāmānaukālayogenajarjarau ### [6.193.48](https://indike.org/pramana/in.purana.padma.6.193.48) gaṃgādyāḥ saritaścemāmamasevārthamāgatāḥ etābhiḥ sevitānityaṃsatkāreṇāpinārada ### [6.193.49](https://indike.org/pramana/in.purana.padma.6.193.49) nacaśreyolabhekiṃcitkṣīṇā'hasarvatomune mamapūrvaṃtuvṛttātaṃśṛṃṇubrāhmaṇasattama ### [6.193.50](https://indike.org/pramana/in.purana.padma.6.193.50) yenā'haduḥkhitājātānalabheśarmakutracit utpannādraviḍecāhaṃkarṇāṭevṛddhimāgatā ### [6.193.51](https://indike.org/pramana/in.purana.padma.6.193.51) sthitākiṃcinmahārāṣṭregurjarejīrṇatāṃgatā tatraghorakaleryogātpākhaṃḍaiḥ khaṃḍitāṃgakā ### [6.193.52](https://indike.org/pramana/in.purana.padma.6.193.52) durbalāhaṃciraṃ jātāputrābhyāṃsahamaṃdatām ### [6.193.53](https://indike.org/pramana/in.purana.padma.6.193.53) vṛṃdāvanamidaṃprāptādaivayogenanārada jātāhaṃtupunarbālānavīnevasurūpiṇī ### [6.193.54](https://indike.org/pramana/in.purana.padma.6.193.54) imautuśayitāvatrasutaumekliṣṭamānasau ativṛddhauparityajyagaṃtuṃnāhaṃkṣamādhunā ### [6.193.55](https://indike.org/pramana/in.purana.padma.6.193.55) ahaṃbālākathaṃ jātāsutaumejaraṭhaukutaḥ trayāṇāmekabhāvānāṃvaiparītyaṃkuto'bhavat ### [6.193.56](https://indike.org/pramana/in.purana.padma.6.193.56) ghaṭatejaraṭhāmātābālakautanayāviti ataḥ śocāmicātmānaṃvismayāviṣṭamānasā ### [6.193.57](https://indike.org/pramana/in.purana.padma.6.193.57) yaditvaṃvetsidharmajñakṛpālodīnapālaka vadasarvaṃyathātatvaṃkāraṇaṃcātrayadbhavet ### [6.193.58](https://indike.org/pramana/in.purana.padma.6.193.58) evaṃ pṛṣṭastayācāhaṃkṣaṇaṃcaivavimṛśyatu avocaṃbhaktimābhāṣyakliṣṭāṃkālenabhūyasā ### [6.193.59](https://indike.org/pramana/in.purana.padma.6.193.59) jñānenāhaṃprapaśyāmi vṛttaṃsarvaṃtavānaghe māviṣādaṃkuruprājñehariḥśaṃtekariṣyati ### [6.193.60](https://indike.org/pramana/in.purana.padma.6.193.60) sarvasatvaharobāleyugo'yadāruṇaḥ kali lupto'nenasadā'cāroyogamārgastapāṃsica ### [6.193.61](https://indike.org/pramana/in.purana.padma.6.193.61) janāścāghā dyiāi surāyaṃteśāṭhyduṣkṛtakāriṇaḥ saṃtohyasminsuduḥkhārtāasaṃtohṛṣṭamānasāḥ ### [6.193.62](https://indike.org/pramana/in.purana.padma.6.193.62) dṛśyatedhīracittastupaṃḍito'pinako'pica aspṛśya navalokyeyaṃduṣṭabhārākulādharā ### [6.193.63](https://indike.org/pramana/in.purana.padma.6.193.63) anvabdaṃkramatojātomaṃgalaṃhīyate'nvaham natvāṃtavasutaucemauko'pipaśyati bhāmini ### [6.193.64](https://indike.org/pramana/in.purana.padma.6.193.64) yūyaṃturāgabahulaistyaktājarjaratāṃgatāḥ vṛṃdāvanasyasaṃyogādvālātvamabhavaḥ punaḥ ### [6.193.65](https://indike.org/pramana/in.purana.padma.6.193.65) dhanyaṃvṛṃdāvanaṃcedaṃbhaktiryatrābhavannavā atremaugrāhakābhāvānnavīnatvaṃnacāgatau ### [6.193.66](https://indike.org/pramana/in.purana.padma.6.193.66) kiṃcidātmasukhenehaprasuptāvitilakṣyate bhaktiruvācakathaṃparikṣitārājñāsthāpitodyaśuciḥkali dayāpareṇahariṇāhyadharmaḥ kimupekṣitaḥ ### [6.193.67](https://indike.org/pramana/in.purana.padma.6.193.67) enaṃmesaṃśayaṃchidhitvadvācāsukhitāsmyaham tasyāvacaḥ samākarṇyabhūyo'hamavadaṃdvijāḥ ### [6.193.68](https://indike.org/pramana/in.purana.padma.6.193.68) yadipṛṣṭastvayāvālepremataḥ śravaṇaṃkuru yadāmukuṃdobhagavānkṣmāṃtyaktvāsvapadaṃgataḥ ### [6.193.69](https://indike.org/pramana/in.purana.padma.6.193.69) kalistaddinamārabhyapravṛttaḥ satyabādhakaḥ dṛṣṭodigvijayerājñādīnavaccharaṇaṃgataḥ ### [6.193.70](https://indike.org/pramana/in.purana.padma.6.193.70) nahato'syaguṇadraṣṭāsarvasādhāraṇaṃtvidam yatphalaṃtapasānaitinayogenasamādhinā ### [6.193.71](https://indike.org/pramana/in.purana.padma.6.193.71) tatphalaṃlabhatedhīmānkalaukeśavakīrtanāt etādṛśaṃkalidṛṣṭvāsārātsāraphalapradam ### [6.193.72](https://indike.org/pramana/in.purana.padma.6.193.72) viṣṇurātaḥsthāpitavānkalijānāṃhitāyaca kukarmācaraṇātsāraḥsarvatonirgato'dhunā ### [6.193.73](https://indike.org/pramana/in.purana.padma.6.193.73) padārthāḥsaṃsthitābhūmaubījahīnāstuṣāyathā viprairbhāgavatīvārttāgehegehejanejane ### [6.193.74](https://indike.org/pramana/in.purana.padma.6.193.74) kāritādhanalobhenakathāsārastatogataḥ atyugrabhūrikarmāṇonāstikādāṃbhikājanāḥ ### [6.193.75](https://indike.org/pramana/in.purana.padma.6.193.75) tiṣṭhaṃtisarvatīrtheṣutīrthasārastatogataḥ kāmakrodhamahālobhatṛṣṇāvyākulacetasaḥ ### [6.193.76](https://indike.org/pramana/in.purana.padma.6.193.76) samāraṃbhaṃtekarmāṇikarmasārastatogataḥ manasaścājayāllobhāddaṃbhātpākhaṃḍasaṃśrayāt ### [6.193.77](https://indike.org/pramana/in.purana.padma.6.193.77) śāstrānabhyasanāccaivadhyānayogaphalaṃgatam paṃḍitāstekalatreṣuramaṃtemahiṣāiva ### [6.193.78](https://indike.org/pramana/in.purana.padma.6.193.78) putrotpādanadakṣāścanadakṣāmuktisādhane nahivaiṣṇavatākutrasaṃpradāyapuraḥsarāḥ ### [6.193.79](https://indike.org/pramana/in.purana.padma.6.193.79) devaniṃdāparāḥ sarvesādhuniṃdāparāyaṇāḥ ayaṃtuyugadharmo'stidīyatekasyadūṣaṇam ### [6.193.80](https://indike.org/pramana/in.purana.padma.6.193.80) atastvaṃpuṃḍarīkākṣaṃsmṛtvāsaukhyamavāpsyasi ### [6.193.81](https://indike.org/pramana/in.purana.padma.6.193.81) evaṃmayoktaṃvacanaṃśrutvāsāvismayaṃgatā uvācavacanaṃbhūyomāṃpraśasyadvijottamāḥ ### [6.193.82](https://indike.org/pramana/in.purana.padma.6.193.82) bhaktiruvācadevarṣetvaṃtudhanyo'simadbhāgyenasamāgataḥ sādhūnāṃdarśanaṃlokesarvasiddhipradāyakam ### [6.193.83](https://indike.org/pramana/in.purana.padma.6.193.83) sukhopāyoyathāmesyāttathādiśamune'dhunā sarvajñasyatavabrahmannasādhyaṃkimapīhavai ### [6.193.84](https://indike.org/pramana/in.purana.padma.6.193.84) ajayadajitamāyāṃyasyakāyādhavastevacanaracanamekaṃkevalaṃcākalayya dhruvapadamupayātoyatkṛpātodhruvovaitamahamaraṇabhūtaṃbrahmaputraṃnatāsmi ### [6.193.84.p1](https://indike.org/pramana/in.purana.padma.6.193.84.p1) iti śrīpādmemahāpurāṇepaṃcapaṃcāśatsahasrasaṃhitāyāmuttarakhaṃḍebhāgavatamāhātmyetrinavatyadhikaśatatamo'dhyāyaḥ ## Linked texts (4) - [Bhāgavatamāhātmya](https://indike.org/pramana/in.sampradaya.vaisnava.tantra.bhagavatamahatmya.1.2) — Kṛṣṇacandra, Sanskrit - [Anvitārthaprakāśikā](https://indike.org/pramana/in.purana.anvitarthaprakasika.3.2) — Gaṅgāsahāya Śarman, Sanskrit - [Bhāgavatamāhāmya](https://indike.org/pramana/in.purana.bhagavatamahamya.1.2) — Sanskrit - [Ancient Indian Historical Tradition](https://indike.org/pramana/ins.general.pargiter-1922.c7.162) — F. E. Pargiter, English --- Source: [https://indike.org/pramana/in.purana.padma.6.193](https://indike.org/pramana/in.purana.padma.6.193) · Pramāṇa