[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Padmapurana](https://indike.org/pramana/in.purana.padma) › 6.228 # Padmapurana 6.228: aṣṭāviṃśatyadhika dviśatatamo'dhyāyaḥ Padmapurāṇa 6.228 - **Language:** Sanskrit ## Contents - [6.228.107](https://indike.org/pramana/in.purana.padma.6.228.107) — 1 part ### aṣṭāviṃśatyadhika dviśatatamo'dhyāyaḥ ### [6.228.1](https://indike.org/pramana/in.purana.padma.6.228.1) śrīmahādevauvācatripādvibhūterlokāstuasaṃkhyātāḥ prakīrtitāḥ śuddhasatvamayāḥ sarvebrahmānaṃdasukhāhvayāḥ ### [6.228.2](https://indike.org/pramana/in.purana.padma.6.228.2) sarvenityānirvikārāheyarāgādivarjitāḥ sarvehiraṇmayāśśuddhāḥ koṭisūryyasamaprabhāḥ ### [6.228.3](https://indike.org/pramana/in.purana.padma.6.228.3) sarvevedamayārdivyāḥ kāma krodhavivarjitāḥ nārāyaṇapadāṃbhojabhaktyekarasasevitāḥ ### [6.228.4](https://indike.org/pramana/in.purana.padma.6.228.4) niraṃtaraṃsāmagānaparipūrṇasukhaṃśritāḥ sarvepaṃcopaniṣada svarūpāvedavarcasaḥ ### [6.228.5](https://indike.org/pramana/in.purana.padma.6.228.5) sarvevedamayairdivyaiḥpuruṣaiḥ strībhirāvṛtāḥ vedaikarasatoyāḍhyaissarobhirupaśobhitāḥ ### [6.228.6](https://indike.org/pramana/in.purana.padma.6.228.6) śrutismṛtipurāṇādirūpasthāvarasaṃyutāḥ sarvaṃvarṇayituṃśakyaṃnamayālokavistṛtam ### [6.228.7](https://indike.org/pramana/in.purana.padma.6.228.7) virajāparamavyomnoraṃtaraṃkevalaṃsmṛtam tatsthānamupabhoktavyamavyaktabrahmasevinām ### [6.228.8](https://indike.org/pramana/in.purana.padma.6.228.8) svātmānubhavajānaṃdasukhadaṃkevalaṃpadam niḥśreyasaṃcanirvāṇaṃkaivalyaṃmokṣaucyate ### [6.228.9](https://indike.org/pramana/in.purana.padma.6.228.9) śrīśāṃghribhaktisevaikarasabhogavivardhitāḥ tam tadicchantyalpamatayomokṣaṃsukhavivarjitam mahātmānomahābhāgābhagavatpādasevakāḥ ### [6.228.10](https://indike.org/pramana/in.purana.padma.6.228.10) tadviṣṇoḥ paramaṃdhāmayāṃtibrahmasukhapradam nānājanapadākīrṇaṃvaikuṃṭhaṃtaddhareḥpadam ### [6.228.11](https://indike.org/pramana/in.purana.padma.6.228.11) prākāraiścavimānaiścasaudhairatnamayairvṛtam tanmadhyenagarīdivyāsā'yodhyetiprakīrtitā ### [6.228.12](https://indike.org/pramana/in.purana.padma.6.228.12) maṇikāṃcanacitrāḍhyaprākāraistoraṇairvṛtā caturdvārasamāyuktāratnagopurasaṃvṛtā ### [6.228.13](https://indike.org/pramana/in.purana.padma.6.228.13) caṃḍādidvārapālaiścakumudādyaiścarakṣitā caṃḍapracaṃḍauprāgdvārayāmyebhadrasubhadrakau ### [6.228.14](https://indike.org/pramana/in.purana.padma.6.228.14) vāruṇyāṃjayavijayausaumyedhātṛvidhātarau kumudaḥkumudākṣaścapuṃḍarīko'thavāmanaḥ ### [6.228.15](https://indike.org/pramana/in.purana.padma.6.228.15) śaṃkukarṇaḥsarvanetraḥ sumukhaḥ supratiṣṭhitaḥ etedikpatayaḥ proktāḥpuryyāmatraśubhānane ### [6.228.16](https://indike.org/pramana/in.purana.padma.6.228.16) koṭivaiśvānaraprakhyagṛhapaṃktibhirāvṛtā ārūḍhayauvanairnityairdivyanārīnarairyutā ### [6.228.17](https://indike.org/pramana/in.purana.padma.6.228.17) antaḥpuraṃtudevasyamadhyepuryāmmanoharam maṇiprākārasaṃyuktaṃratnatoraṇaśobhitam ### [6.228.18](https://indike.org/pramana/in.purana.padma.6.228.18) vimānairgṛhamukhyaiścaprāsādairbahubhiryutam divyāpsarogaṇaiḥ strībhissarvatassamalaṃkṛtam ### [6.228.19](https://indike.org/pramana/in.purana.padma.6.228.19) madhyetumaṃḍapaṃdivyaṃrājasthānaṃmahocchrayam māṇikyastaṃbhasāhasrajuṣṭaṃratnamayaṃśubham ### [6.228.20](https://indike.org/pramana/in.purana.padma.6.228.20) divyairmuktaiḥ samākīrṇaṃsāmagānopaśobhitam madhyesiṃhāsanaṃramyaṃsarvavedamayaṃśubham ### [6.228.21](https://indike.org/pramana/in.purana.padma.6.228.21) dharmādidaivatairnityrbṛtaṃvaidamayātmakaiḥ dharmmajñānamahaiśvaryavairāgyaiḥ pādavigrahaiḥ ### [6.228.22](https://indike.org/pramana/in.purana.padma.6.228.22) ṛgyajuḥsāmacātharvairūpairnityaṃvṛtaṃkramāt śaktirādhāraśaktiścacicchaktiścasadāśivā ### [6.228.23](https://indike.org/pramana/in.purana.padma.6.228.23) dharmādidevatānāṃcaśaktayaḥ parikīrtitāḥ vasaṃtimadhyametatravahnisūryasudhāṃśavaḥ ### [6.228.24](https://indike.org/pramana/in.purana.padma.6.228.24) kūrmaścanāgarājaścavainateyastrayīśvaraḥ chaṃdāsisarvamaṃtrāścapīṭharūpatvamāsthitāḥ ### [6.228.25](https://indike.org/pramana/in.purana.padma.6.228.25) sarvākṣaramayaṃdivyaṃyogapīṭhamitismṛtam tanmadhye'ṣṭadalaṃpadmamudayārkasamaprabham ### [6.228.26](https://indike.org/pramana/in.purana.padma.6.228.26) tanmadhyekarṇikāyāṃtusāvitryāṃśubhadarśane īśvaryyāsahadeveśastatrāsīnaḥ paraḥ pumān ### [6.228.27](https://indike.org/pramana/in.purana.padma.6.228.27) iṃdīvaradalaśyāmaḥ koṭisūryaprakāśavān yuvākumāraḥ snigdhaścakomalāvayavairvṛtaḥ ### [6.228.28](https://indike.org/pramana/in.purana.padma.6.228.28) phullaraktāṃbujanibhaḥ komalāṃghrisarojavān prabuddhaḥpuṃḍarīkākṣaḥsubhrūlatāyugāṅkitaḥ ### [6.228.29](https://indike.org/pramana/in.purana.padma.6.228.29) sunāsassukapolāḍhyassuśrotramukhapaṃkajaḥ muktāphalābhadantāḍhyaḥ sasmitādharavidrumaḥ ### [6.228.30](https://indike.org/pramana/in.purana.padma.6.228.30) paripūrṇedusaṃkāśaḥ susmitānanapaṃkajaḥ taruṇādityavarṇābhyāṃkuṃḍalābhyāṃvirājitaḥ ### [6.228.31](https://indike.org/pramana/in.purana.padma.6.228.31) sasnigdhanīlakuṭilakuntalairupaśobhitaḥ mandārapārijātāḍhyakabarīkṛtakeśavān ### [6.228.32](https://indike.org/pramana/in.purana.padma.6.228.32) prātarudyatsahasrāṃśunibhakaustubhaśobhitaḥ hārasvarṇasragāsaktakambugrīvovirājitaḥ ### [6.228.33](https://indike.org/pramana/in.purana.padma.6.228.33) siṃhaskaṃdhanibhaiḥproccaiḥ pīnairaṃsairvirājitaḥ pīnavṛttāya tabhujaiścaturbhirupaśobhitaḥ ### [6.228.34](https://indike.org/pramana/in.purana.padma.6.228.34) aṅgulīyaiścakaṭakaiḥkeyūraiḥ parimaṇḍitaḥ bālārkakoṭisaṃkāśaiḥ kaustubhādyaiḥsubhūṣaṇaiḥ ### [6.228.35](https://indike.org/pramana/in.purana.padma.6.228.35) virājitamahāvakṣovanamālāvibhūṣitaḥ vidhātṛjananasthānanābhipaṅkajaśobhitaḥ ### [6.228.36](https://indike.org/pramana/in.purana.padma.6.228.36) bālātapanibhaślakṣṇapītavastrasamanvitaḥ nānāratnavicitrāṃghriḥkaṭakābhyāṃvirājitaḥ ### [6.228.37](https://indike.org/pramana/in.purana.padma.6.228.37) sajyotsnacaṃdrapratimanakhapaṃktisamanvitaḥ koṭikaṃdarpalāvaṇyasauṃdaryyanidhiracyutaḥ ### [6.228.38](https://indike.org/pramana/in.purana.padma.6.228.38) divyacaṃdanaliptāṃgodivya mālāvibhūṣitaḥ gṛhītaśaṃkhacakrābhyāmudvāhubhyāṃvirājitaḥ ### [6.228.39](https://indike.org/pramana/in.purana.padma.6.228.39) varadābhayahastābhyāmitarābhyāṃtathaivaca vāmāṅkesaṃsthitādevīmahālakṣmīrmaheśvarī ### [6.228.40](https://indike.org/pramana/in.purana.padma.6.228.40) hiraṇyavarṇāhariṇīsuvarṇarajatasrajā sarvalakṣaṇasaṃpannāyauvanāraṃbhavigrahā ### [6.228.41](https://indike.org/pramana/in.purana.padma.6.228.41) ratnakuṃḍalasaṃyuktānīlākuṃcitaśīrṣajā divyacaṃdanaliptāṃgīdivyapuṣpopaśobhitā ### [6.228.42](https://indike.org/pramana/in.purana.padma.6.228.42) maṃdāraketakījātīpuṣpāñcitasukuṃtalā subhrūssunāsāsuśroṇīpīnonnatapayodharā ### [6.228.43](https://indike.org/pramana/in.purana.padma.6.228.43) paripūṃrṇeṃdusaṃkāśāsusmitānanapaṃkajā taruṇādityavarṇābhyāṃkuṃḍalābhyāṃvirājitā ### [6.228.44](https://indike.org/pramana/in.purana.padma.6.228.44) taptakāṃcanavarṇābhātaptakāṃcanabhūṣaṇā hastaiścaturbhiḥsaṃyuktākanakāṃbujabhūṣitā ### [6.228.45](https://indike.org/pramana/in.purana.padma.6.228.45) nānāvicitraratnāḍhyākanakāṃbujamālayā hārakeyūrakaṭakairaṃgulīyaiścaśobhitā ### [6.228.46](https://indike.org/pramana/in.purana.padma.6.228.46) bhujadvayaghṛtodagrapadmayugmopaśobhitā gṛhītamātuluṃgākhyajāṃbūnadakarāñcitā ### [6.228.47](https://indike.org/pramana/in.purana.padma.6.228.47) eevaṃnityānapāyinyāmahālakṣmyāmaheśvaraḥ modateparamevyomniśāśvatesarvadāprabhuḥ ### [6.228.48](https://indike.org/pramana/in.purana.padma.6.228.48) pārśvayordharaṇīnīlesamāsīneśubhāsane aṣṭadikṣudalāgreṣuvimalādyāścaśaktayaḥ ### [6.228.49](https://indike.org/pramana/in.purana.padma.6.228.49) vimalotkarṣiṇījñānākriyāyogātathaivaca prahvīsatyātatheśānāśaktayaḥparamātmanaḥ ### [6.228.50](https://indike.org/pramana/in.purana.padma.6.228.50) gṛhītvācāmarāndivyānsudhākarasamaprabhān sarvalakṣaṇasaṃpannāmodaṃtepatimacyutam ### [6.228.51](https://indike.org/pramana/in.purana.padma.6.228.51) divyāpsarogaṇāḥ paṃcaśatasaṃkhyāścayoṣitaḥ aṃtaḥpuranivāsinyaḥ sarvābharaṇabhūṣitāḥ ### [6.228.52](https://indike.org/pramana/in.purana.padma.6.228.52) padmahastāścatāḥ sarvāḥ koṭivaiśvānaraprabhāḥ sarvalakṣaṇasaṃpannāḥśītāṃśusadṛśānanāḥ ### [6.228.53](https://indike.org/pramana/in.purana.padma.6.228.53) tābhiḥparivṛtorājāśuśubheparamaḥ pumān anaṃtavihagādhīśasenānyādyaissureśvare ### [6.228.54](https://indike.org/pramana/in.purana.padma.6.228.54) anyaiḥparijanairnityairmuktaiścaparisaṃvṛtaḥ modateramayāsārddhaṃbhogaiśvaryarataḥ pumān ### [6.228.55](https://indike.org/pramana/in.purana.padma.6.228.55) evaṃvaikuṃṭhanātho'saurājateparamepade tadvyūhabhedām̐llokāṃścavakṣyāmigirijeśubhe ### [6.228.56](https://indike.org/pramana/in.purana.padma.6.228.56) prācyāṃvaikuṃṭhalokasyavāsudevasya maṃdiram āgneyyāṃlakṣmyālokastuyāmyāṃsaṃkarṣaṇālayaḥ ### [6.228.57](https://indike.org/pramana/in.purana.padma.6.228.57) sārasvatastunairṛtyāprādyumnaḥ paścimetathā ratilokastuvāyavyāmudīcyāmaniruddhabhūḥ ### [6.228.58](https://indike.org/pramana/in.purana.padma.6.228.58) eśānyāṃśāṃtilokaḥsyātprathamāvaraṇaṃsmṛtam keśavādicaturviṃśatyamīlokāstataḥ kramāt ### [6.228.59](https://indike.org/pramana/in.purana.padma.6.228.59) dvitīyāvaraṇaṃproktaṃvaikuṃṭhasyaśubhāhvayam matsyakūrmādilokāstutṛtīyāvaraṇaṃśubham ### [6.228.60](https://indike.org/pramana/in.purana.padma.6.228.60) satyācyutānaṃtadurgāviṣvaksenagajānanāḥ śaṃkhapadmanidhīlokāścaturthāvaraṇaṃśubham ### [6.228.61](https://indike.org/pramana/in.purana.padma.6.228.61) ṛgyajuḥsāmātharvāṇolokādikṣumahatsuca sāvitryāvihageśasyadharmasyacamakhasyaca ### [6.228.62](https://indike.org/pramana/in.purana.padma.6.228.62) paṃcamāvaraṇaṃproktamakṣayaṃsarvavāṅmayam śaṃkhacakragadāpadmakhaṅgaśārṅgahalaṃtathā ### [6.228.63](https://indike.org/pramana/in.purana.padma.6.228.63) mauśalaṃcatathālokāḥ sarvaśastrāstrasaṃyutāḥ ṣaṣṭhamāvaraṇaṃproktaṃmaṃtrāstramayamakṣaram ### [6.228.64](https://indike.org/pramana/in.purana.padma.6.228.64) eṃdrapāvakayāmyāninairṛtaṃvāruṇaṃtathā vāyavyaṃsaumyamaiśānaṃsaptamaṃmunibhiḥ smṛtam ### [6.228.65](https://indike.org/pramana/in.purana.padma.6.228.65) sādhyāmarudgaṇāścaivaviśvedevāstathaivaca nityāḥsarveparedhāmniyecānyecadivaukasaḥ ### [6.228.66](https://indike.org/pramana/in.purana.padma.6.228.66) tevaiprākṛtalokesminnanityāstridaśeśvarāḥ tehanākaṃmahimānaḥ sacaṃtaitivaiśrutiḥ ### [6.228.67](https://indike.org/pramana/in.purana.padma.6.228.67) evaṃparaṃpadaṃnityairmuktairbhogaparāyaṇaiḥ divyābhirmahiṣībhiścarājatevibhurīśvaraḥ ### [6.228.68](https://indike.org/pramana/in.purana.padma.6.228.68) natadbhāsayatesūryonaśaṃśāṃkonapāvakaḥ yadgatvānanivarttaṃteyoginaḥ saṃśitavratāḥ ### [6.228.69](https://indike.org/pramana/in.purana.padma.6.228.69) dvayaikamaṃtraniṣṭhāyetevaiyāṃtitadavyayam navedayajñādhyayanairnadānairnavrataiḥ śubhaiḥ ### [6.228.70](https://indike.org/pramana/in.purana.padma.6.228.70) natapobhirnirāhārairnacasādhanakarmabhiḥ ekenadvayamaṃtreṇatathābhaktyātvananyathā ### [6.228.71](https://indike.org/pramana/in.purana.padma.6.228.71) tadgamyaṃśāśvataṃsthānaṃprapattyāvaisanātanam pārvatyuvācasādhūktaṃparamaṃsvargasvarūpaṃbhavatāprabho ### [6.228.72](https://indike.org/pramana/in.purana.padma.6.228.72) paravyomnisthitonityaṃkathaṃprakṛtimaṇḍale sthitavānkiṃnimittenalīlayākiṃprayojanam ### [6.228.73](https://indike.org/pramana/in.purana.padma.6.228.73) śuddhasatvamayelokesaṃsthitaḥ parameśvaraḥ kathaṃrajastamomiśravibhūtyāsthivānprabhuḥ ### [6.228.74](https://indike.org/pramana/in.purana.padma.6.228.74) rudrauvācatripādvibhūtaubhagavānīśvaryyāparameśvaraḥ nityamuktyaikabhogyo'saumodatesatataṃvibhuḥ ### [6.228.75](https://indike.org/pramana/in.purana.padma.6.228.75) tamīśvaraṃmahāmāyāprakṛtirjagadāśrayā kṛtāṃjalipuṭābhūtvātuṣṭāvaparameśvaram ### [6.228.76](https://indike.org/pramana/in.purana.padma.6.228.76) mahāmāyovācanamastetrijagaddhāmnenamasteviśvarūpiṇe purāṇāyanamastubhyaṃjagadutpattihetave ### [6.228.77](https://indike.org/pramana/in.purana.padma.6.228.77) śrībhūlīlādhipatayenamonārāyaṇāyaca namobhagavatetūbhyaṃvāsudevāyaśārṅgiṇe ### [6.228.78](https://indike.org/pramana/in.purana.padma.6.228.78) sarvadevasvarūpāyaviṣṇavejiṣṇavenamaḥ sahasramūrtayetubhyamanaṃtāyanamostute ### [6.228.79](https://indike.org/pramana/in.purana.padma.6.228.79) acyutāyavikārāyaśuddhasattvasvarūpiṇe adimadhyāṃtarahitasvarūpāyanamonamaḥ ### [6.228.80](https://indike.org/pramana/in.purana.padma.6.228.80) namohiraṇyagarbhāyajñānāyaparamātmane sarvabhūtātmanetubhyaṃsarvabhūtāśrayāyaca ### [6.228.81](https://indike.org/pramana/in.purana.padma.6.228.81) brahmaṇejyotiṣetubhyaṃnamaste viśvarūpiṇe namaḥ śuciṣadetubhyaṃhaṃsāyaparamāyaca ### [6.228.82](https://indike.org/pramana/in.purana.padma.6.228.82) saṃkarṣaṇāyarudrāyasarvabhūtadharāyaca hayagrīvāyadīptāyakālāyaharayenamaḥ namasteyajñapuruṣahavyakavyasvarūpiṇe ### [6.228.83](https://indike.org/pramana/in.purana.padma.6.228.83) namaḥ prajāpatayetasmaisūryāyaśubhavarcase agnayehavyabhoktrecatasmaiyajñātmanenamaḥ ### [6.228.84](https://indike.org/pramana/in.purana.padma.6.228.84) namasteprasavitrecasargasthityaṃtahetave namovedāṃtavedyāyacaturātmasvarūpiṇe ### [6.228.85](https://indike.org/pramana/in.purana.padma.6.228.85) brahmaṇeviṣṇavetubhyaṃnamasteśaṃkārāyaca triguṇāyanamastubhyaṃsargasthityaṃtahetave ### [6.228.86](https://indike.org/pramana/in.purana.padma.6.228.86) nirguṇāyanamastubhyaṃsarvātmāntaravartine avyaktāyanamastasmaiviṣṇavelokasākṣiṇe ### [6.228.87](https://indike.org/pramana/in.purana.padma.6.228.87) nārāyaṇāyaśrīśāyapūrṇaṣāḍguṇyamūrttaye anaṃtaguṇapūrṇāyanamaḥ sarvārthadāyine ### [6.228.88](https://indike.org/pramana/in.purana.padma.6.228.88) namastevāsudevāyapaṃcāvasthasvarūpiṇe namaḥ paṃcanavavyūhabhedarūpāyatenamaḥ ### [6.228.89](https://indike.org/pramana/in.purana.padma.6.228.89) namoyajñavarāhāyagoviṃdāyanamonamaḥ avikārāyaśuddhāyaheyapratibhaṭāyaca ### [6.228.90](https://indike.org/pramana/in.purana.padma.6.228.90) namorāmāyakṛṣṇāyanarasiṃhāyatenamaḥ keśavāyanamastubhyaṃjagatāṃkleśahāriṇe ### [6.228.91](https://indike.org/pramana/in.purana.padma.6.228.91) tvamevasarvalokanāmāśrayaḥ puruṣottamaḥ prasīdadevadeveśasarvalokahitāyavai ### [6.228.92](https://indike.org/pramana/in.purana.padma.6.228.92) matsaṃsthāścetanāssarvenirādhārānirāśrayāḥ hīnadehānirākārāḥ sarvendriyavivarjitāḥ ### [6.228.93](https://indike.org/pramana/in.purana.padma.6.228.93) sarvānuṣṭhānarahitāḥ satataṃduḥkhabhoginaḥ teṣāṃlokāṃścadehāṃścadātumarhasikeśava ### [6.228.94](https://indike.org/pramana/in.purana.padma.6.228.94) līlāvibhūtiṃsarvajñayathāpūrvaṃprakalpaya cetanācetanaṃkṛtsnaṃjagatsthāvarajaṃgamam ### [6.228.95](https://indike.org/pramana/in.purana.padma.6.228.95) mayāsaṃmohitaṃpaśyalīlārthaṃparameśvara prākṛtāṇḍaṃmayāsārdhaṃsṛjasvapuruṣottama ### [6.228.96](https://indike.org/pramana/in.purana.padma.6.228.96) dharmmādharmmausukhaṃduḥkhaṃtasminnakṣipyasaṃsṛtau māmadhiṣṭhāyalīlāṃvaikartumarhasimāciram ### [6.228.97](https://indike.org/pramana/in.purana.padma.6.228.97) śrīmahādevauvācaevamuktastayādevyāmāyayāparameśvaraḥ tasyāṃniveśyamāyāyāṃ jagatsraṣṭuṃpracakrame ### [6.228.98](https://indike.org/pramana/in.purana.padma.6.228.98) yo'sauprakṛtipuruṣaḥprocyatesaihācyutaḥ saevabhagavānviṣṇuḥ prakṛtyāṃpraviveśaha ### [6.228.99](https://indike.org/pramana/in.purana.padma.6.228.99) asṛjatprakṛtaubrahmabhūtādimahadāśrayam mahataḥ puruṣādasmādahaṃkāro'bhyajāyata ### [6.228.100](https://indike.org/pramana/in.purana.padma.6.228.100) ahaṃkārāttuvaitasmādguṇatrayamajāyata tribhyoguṇebhyastanmātrāmasṛjadviśvabhāvanaḥ ### [6.228.101](https://indike.org/pramana/in.purana.padma.6.228.101) tanmātrebhyo'bhyajāyaṃtamahābhūtānitatkṣaṇāt oṃkāraḥprathamaṃjātobrahmaṇastriguṇātmanaḥ ### [6.228.102](https://indike.org/pramana/in.purana.padma.6.228.102) ākāśādabhavadvāyurvāyoragnirajāyata agnerāpaḥ samudbhūtāatścapṛthivīmatā ### [6.228.103](https://indike.org/pramana/in.purana.padma.6.228.103) ākāśādīnibhūtānisṛṣṭānyekottarāṇivai śabdasparśaścarūpaṃcarasogaṃdhaścatadguṇāḥ ### [6.228.104](https://indike.org/pramana/in.purana.padma.6.228.104) ekottaraguṇānsṛṣṭvātānādāyamahāprabhuḥ teṣāṃvimiśraṇaṃkṛtvājagadaṃḍaṃmahattaram asṛjattatralānvaisaṃkhyayāyecaturdaśa ### [6.228.105](https://indike.org/pramana/in.purana.padma.6.228.105) brahmāditridaśāṃstasminnasṛjatpuruṣottamaḥ daivatiryyaktathāmartyaṃsthāvaraṃcacaturvvidham ### [6.228.106](https://indike.org/pramana/in.purana.padma.6.228.106) tathāsṛṣṭomahāsargantenavaijalajekṣaṇe tatrakarmānurūpeṇatridaśādiṣuyoniṣu ### [6.228.107](https://indike.org/pramana/in.purana.padma.6.228.107) saṃsthitāḥ prakṛtaupūrvaātmanaḥ prabhavaṃtihi ### [6.228.107.p1](https://indike.org/pramana/in.purana.padma.6.228.107.p1) iti śrīpādmemahāpurāṇepaṃcapaṃcāśatsāhasryāṃsaṃhitāyāmuttarakhaṃḍeparamavyomādi varṇanaṃnāmaaṣṭāviṃśatyadhikadviśatatamo'dhyāyaḥ ## Linked texts (9) - [Laghubhāgavatāmṛta](https://indike.org/pramana/in.sampradaya.vaisnava.gaudiya.siddhanta.laghubhagavatamrta.1.5.250) — Rūpa Gosvāmin 1530, Sanskrit - [Dāśarathīyatantra](https://indike.org/pramana/in.sampradaya.vaisnava.tantra.dasarathiyatantra.2187) — Sanskrit - [Ṣaṭsandarbha](https://indike.org/pramana/in.sampradaya.vaisnava.gaudiya.siddhanta.satsandarbha.1.35.16) — Jīva Gosvāmin 1555, Sanskrit - [Hāritasmṛti (Laghu- and Vṛddha-Hārīta)](https://indike.org/pramana/in.niti.dharma.laghuvrddha.harita.3.158) — Hārīta, Sanskrit - [Bṛhadbrahmasaṃhitā](https://indike.org/pramana/in.sampradaya.vaisnava.pancaratra.brhadbrahmasamhita.18.52) — Sanskrit - [Prapannāmṛta](https://indike.org/pramana/in.sampradaya.vaisnava.srivaisnava.carita.prapannamrta.75.25) — Anantācārya, Sanskrit - [Smṛtīnāṃ Samuccayaḥ](https://indike.org/pramana/in.niti.dharma.upasmrti.smrtisamuccaya.106.163) — Sanskrit - [Dharmasindhu](https://indike.org/pramana/in.niti.dharma.nibandha.krtya.dharmasindhu.p431.4) — Kāśīnātha Upādhyāya 1790, Sanskrit - [Dharmasindhusāra](https://indike.org/pramana/in.astro.siddhanta.karana.dharmasindhusara.p431.4) — Śivānanda Gosvāmin 1766, Sanskrit --- Source: [https://indike.org/pramana/in.purana.padma.6.228](https://indike.org/pramana/in.purana.padma.6.228) · Pramāṇa