[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Padmapurana](https://indike.org/pramana/in.purana.padma) › 6.229 # Padmapurana 6.229: ekonatriṃśadadhikadviśatatamo'dhyāyaḥ Padmapurāṇa 6.229 - **Language:** Sanskrit ## Contents - [6.229.180](https://indike.org/pramana/in.purana.padma.6.229.180) — 1 part ### ekonatriṃśadadhikadviśatatamo'dhyāyaḥ ### [6.229.1](https://indike.org/pramana/in.purana.padma.6.229.1) pārvatyuvācavistareṇamamākhyāhidevasargamanuttamam brahmāditridivaśreṣṭhāḥkathaṃjātāḥ sanātanāḥ īśvarasyāvatārāṃścavistareṇatadasvame ### [6.229.2](https://indike.org/pramana/in.purana.padma.6.229.2) rudrauvācaākāśānilatejoṃbubhuvaḥ sṛṣṭāyathākramam tāsāṃmadhye'sṛjadbrahmāagādhajalamarṇavam ### [6.229.3](https://indike.org/pramana/in.purana.padma.6.229.3) asminnekārṇavībhūtejalamāyāvaṭacchade ādāyasarvvabhūtāniyoganidrāṃyayauhariḥ ### [6.229.4](https://indike.org/pramana/in.purana.padma.6.229.4) sajagatsraṣṭukāmastuyoganidrāmupeyivān tayāremeciraṃkālaṃmāyayā madhusūdanaḥ ### [6.229.5](https://indike.org/pramana/in.purana.padma.6.229.5) tasyāṃtujanayāmāsakālātmānamanuttamam kalākāṣṭhādibhūtāyepakṣamāsādirūpiṇaḥ ### [6.229.6](https://indike.org/pramana/in.purana.padma.6.229.6) tasminkāleharernnābhipaṃkajaṃmukulākṛti vikasatsarvajagatobījabhūtaṃsuvarcasam ### [6.229.7](https://indike.org/pramana/in.purana.padma.6.229.7) udasthādudabhūttatrabrahmācasumahāmatiḥ sajagatsraṣṭukāmasturajoguṇavicoditaḥ tuṣṭāvayoganidrāyāṃśayānaṃparameśvaram ### [6.229.8](https://indike.org/pramana/in.purana.padma.6.229.8) brahmovācanamostuviṣṇavetubhyaṃsargasthityaṃtahetave jagadbhūṣaṇabhūṣāyaśrīmateviśvarūpiṇe ### [6.229.9](https://indike.org/pramana/in.purana.padma.6.229.9) namobrahmaṇyadevāyagobrāhmaṇahitāyaca jagaddhitāyakṛṣṇāyagoviṃdāyanamonamaḥ ### [6.229.10](https://indike.org/pramana/in.purana.padma.6.229.10) pradhānakālarūpāyapuruṣāyeśvarāyaca namaḥprapaṃcarūpāyaniṣprapaṃcasvarūpiṇe ### [6.229.11](https://indike.org/pramana/in.purana.padma.6.229.11) nārāyaṇāyaviśvāyaviśveśāyanamonamaḥ śrībhūlīlādhipatayebrahmaṇeparamātmane ### [6.229.12](https://indike.org/pramana/in.purana.padma.6.229.12) namostuvāsudevāyaviśvarūpāyaśārṅgiṇe trayīnāthāyaharayeviśvanāthasvarūpiṇe ### [6.229.13](https://indike.org/pramana/in.purana.padma.6.229.13) anaṃtakalyāṇaguṇaparipūrṇāyatenamaḥ jagaccasarvvaṃsvapititvayisuptejaganmaye ### [6.229.14](https://indike.org/pramana/in.purana.padma.6.229.14) vṛtaṃsarvaṃjagannāthaprapaṃcesacarācaram tvamevakāraṇaṃkarttākāryyaṃcatriguṇodbhavam ### [6.229.15](https://indike.org/pramana/in.purana.padma.6.229.15) sraṣṭādhyātāvidhātācatvamevaparameśvaraḥ jāgarṣiśuddhasatvasthastavanidrākutaḥprabho devatvayi sthitālokāḥ samādhiṣṭhāḥ sanātanāḥ ### [6.229.16](https://indike.org/pramana/in.purana.padma.6.229.16) śivauvācaevamuktohṛṣīkeśobrahmaṇāparameśvaraḥ uttasthauśayanāttasmādvimuktoyoganidrayā ### [6.229.17](https://indike.org/pramana/in.purana.padma.6.229.17) niyamyayoganidrāṃtāṃjagatsraṣṭuṃpracakrame aciṃtyastatkṣaṇāddevojagatāṃprabhuracyutaḥ ### [6.229.18](https://indike.org/pramana/in.purana.padma.6.229.18) ciṃtayitvājagatsarvamasṛjatsapumāṃstataḥ lokānsarvvāṃstadāhyapsugatamaṃḍaṃhiraṇmayam ### [6.229.19](https://indike.org/pramana/in.purana.padma.6.229.19) saptadvīpānsamudrāṃtānmedinībhūdharairyutān sahaikāṇḍakaṭāhenanābhipadme'sṛjatprabhuḥ ### [6.229.20](https://indike.org/pramana/in.purana.padma.6.229.20) tadaṇḍamadhyecāsthānamīśvaraḥ kṛtavānhariḥ athanārāyaṇaṃkastudadhyāvadhyātmacetasā ### [6.229.21](https://indike.org/pramana/in.purana.padma.6.229.21) dhyānāṃtetasyabhālāttusvedabiṃdurajāyata sabiṃdurbudbudākāraḥpṛthivyāmapatatkṣaṇāt ### [6.229.22](https://indike.org/pramana/in.purana.padma.6.229.22) tasmāttubudbudātso'hamutpannosmivarānane tryakṣastriśūlahasto'hajaṭāmukuṭamaṃḍitaḥ ### [6.229.23](https://indike.org/pramana/in.purana.padma.6.229.23) kiṃkaromītideveśamavocaṃvinayānvitaḥ tatonārāyaṇodevomāmityāhamudānvitaḥ ### [6.229.24](https://indike.org/pramana/in.purana.padma.6.229.24) karttāsijagatorudrasaṃhāraṃbhīmadarśanam sākṣātsaṃkarṣaṇāṃśenasaṃhārārthevarānane ### [6.229.25](https://indike.org/pramana/in.purana.padma.6.229.25) tasmānnārāyaṇāddeviutpannosmibhayaṃkaraḥ niyojyamāṃtusaṃhārepunarevajanārdanaḥ ### [6.229.26](https://indike.org/pramana/in.purana.padma.6.229.26) netrābhyāmasṛjaccaṃdrasūryyaudhvāṃtāpahāriṇau vāyuṃdiśaścaśrotrābhyāmiṃdrāgnīmukhato'sṛjat ### [6.229.27](https://indike.org/pramana/in.purana.padma.6.229.27) nāsābhyāṃvaruṇaṃmitramasṛjatpaṃkajekṣaṇaḥ bāhubhyāmakhilāndevānsasādhyānsamarudgaṇān ### [6.229.28](https://indike.org/pramana/in.purana.padma.6.229.28) samastaromakūpebhyoratnānyoṣadhayastathā tvaciśailānsamudrāṃścagavādyāḥ paśavastathā ### [6.229.29](https://indike.org/pramana/in.purana.padma.6.229.29) mukhatobrāhmaṇaḥ sṛṣṭobāhubhyāṃkṣatriyastathā ūrvvorvaiśyastataḥ pataṃśūdraścaivamajāyata ### [6.229.30](https://indike.org/pramana/in.purana.padma.6.229.30) evaṃsṛṣṭvājagatsarvvamacetanamavasthitam viśvarūpeṇadeveśoyasyāṃtaramadhiṣṭhitaḥ ### [6.229.31](https://indike.org/pramana/in.purana.padma.6.229.31) śaktyāvināharestasyanonmeṣovidyateyataḥ tasmātsarvajagatprāṇoviṣṇurevasanātanaḥ ### [6.229.32](https://indike.org/pramana/in.purana.padma.6.229.32) saevāvyaktarūpaḥsanparamātmāvyavasthitaḥ sargasthitilayaṃbrahmāsvayamevapravarttate ### [6.229.33](https://indike.org/pramana/in.purana.padma.6.229.33) ṣāḍguṇyaparipūrṇo'sauvāsudevaḥ sanātanaḥ triguṇādātmanorūpaṃcaturddhākurutejagat ### [6.229.34](https://indike.org/pramana/in.purana.padma.6.229.34) pradyumnamūrttirbhagavānsarvaiśvaryyasamanvitaḥ vidheḥprajāpatīnāṃcakālasya cajanasyaca ### [6.229.35](https://indike.org/pramana/in.purana.padma.6.229.35) aṃtaryyāmitvamāpannosargaṃsamyakkarotihi setihāsāṃstatovedāndadautasmaimahātmane ### [6.229.36](https://indike.org/pramana/in.purana.padma.6.229.36) pradyumnasyāṃśabhāgo'saubrahmālokapitāmahaḥ jagatsargasthitiṃsarvvaṃprakarotyaṃśasaṃbhavaḥ ### [6.229.37](https://indike.org/pramana/in.purana.padma.6.229.37) aniruddhaścabhagavāñchaktitejaḥsamanvitaḥ manūnāṃpārthivānāṃcakālasyacajanasyaca ### [6.229.38](https://indike.org/pramana/in.purana.padma.6.229.38) sthitiṃkarotibhagavānaṃtaryyāmitvamāsthitaḥ saṃkarṣaṇomahāviṣṇurvidyābalasamanvitaḥ ### [6.229.39](https://indike.org/pramana/in.purana.padma.6.229.39) kālasyasarvabhūtānāṃrudrasyacayamasyaca aṃtaryyāmitvamāsthāyajagatsaṃharateprabhuḥ ### [6.229.40](https://indike.org/pramana/in.purana.padma.6.229.40) ityaṃtaryyāmyavasthāyāmaṃtaryyāmitvamātmanaḥ matsyaḥkūrmmovarāhaścanarasiṃho'thavāmanaḥ ### [6.229.41](https://indike.org/pramana/in.purana.padma.6.229.41) rāmorāmaścakṛṣṇaścabuddhaḥkalkīcatedaśa etetuvibhavāvasthābrahmaṇaḥ paramātmanaḥ ### [6.229.42](https://indike.org/pramana/in.purana.padma.6.229.42) nṛsiṃhārāmakṛṣṇeṣuṣāḍguṇyaṃparikīrtitam parāvasthātudevasyadīpādutpannadīpavat ### [6.229.43](https://indike.org/pramana/in.purana.padma.6.229.43) sāhyavasthāharerasyaśṛṇuṣvagirijeśubhe vaikuṃṭhaṃparamaṃlokaṃviṣṇulokamanuttamam ### [6.229.44](https://indike.org/pramana/in.purana.padma.6.229.44) śvetadīpaṃsvarūpaṃtukṣīrasāgaramuttamam evaṃcaturddhāvyūhaṃtusamyaguktaṃmaharṣibhiḥ ### [6.229.45](https://indike.org/pramana/in.purana.padma.6.229.45) jalāvaraṇamadhyetuvaikuṃṭhaṃkāraṇaṃśubham koṭivaiśvānaraprakhyaṃsarvaṃdharmmavadavyayam ### [6.229.46](https://indike.org/pramana/in.purana.padma.6.229.46) āmodamaṃdārakarairbṛkṣairvahnibhirāsthitam nānāmaṇimayaṃdivyaṃvimānakoṭibhiryyutam ### [6.229.47](https://indike.org/pramana/in.purana.padma.6.229.47) yaduktaṃparamaṃdhāmatādṛklakṣaṇasaṃsthitam tasminvaikuṃṭhanagarenānāratnasamujjvale ### [6.229.48](https://indike.org/pramana/in.purana.padma.6.229.48) madhyedevajayārāmaṃpuraṃramyamanuttamam caturdvārasamāyuktaṃhemaprākāratoraṇam ### [6.229.49](https://indike.org/pramana/in.purana.padma.6.229.49) caṃḍādidvārapālādyaiḥkumudādyaiścarakṣitam nānāmaṇimayairdivyairgṛhaiḥ paṃktibhirāvṛtam ### [6.229.50](https://indike.org/pramana/in.purana.padma.6.229.50) vitataṃpaṃcapadmābhiryojanaiścasamaṃtataḥ sahasrayojanottuṃgaiḥprāsādaiḥkoṭibhirvṛtam ### [6.229.51](https://indike.org/pramana/in.purana.padma.6.229.51) ārūḍhayauvanairddivyaiḥ puṃbhistrībhiścaśobhitam striyaścapuruṣāścāsminsarvalakṣaṇaśobhitāḥ ### [6.229.52](https://indike.org/pramana/in.purana.padma.6.229.52) samarūpāścaśrīviṣṇoḥsarvvālaṃkārabhūṣitāḥ divyasragvastrasaṃchannādivyacaṃdanabhūṣitāḥ ### [6.229.53](https://indike.org/pramana/in.purana.padma.6.229.53) modaṃtetatradeveśabhaktyātvātmamanorame maṃtrāṣṭākṣarasaṃsiddhābhaktyāṣoḍaśarūpayā ### [6.229.54](https://indike.org/pramana/in.purana.padma.6.229.54) vṛtāstatpadamāviśyamodaṃtemanasīpsitam gatvāṃsminnanivartaṃ teviṣṇunāsahasaṃsthitāḥ ### [6.229.55](https://indike.org/pramana/in.purana.padma.6.229.55) avicchinnātmanātevaiviṣṇunāsaṃgatāḥ śubhāḥ tatsamānasukhaṃnityaṃprāpnuvaṃtimanīṣiṇaḥ ### [6.229.56](https://indike.org/pramana/in.purana.padma.6.229.56) yatratatraharerlokānāviśyaśubhacetasaḥ prāpnuvaṃtipunaḥsvargaṃsvargasthāivajaṃtavaḥ ### [6.229.57](https://indike.org/pramana/in.purana.padma.6.229.57) yathāsaumitribharatauyathāsaṃkarṣaṇādayaḥ tathātepicajāyaṃtesatyalokeyathecchayā ### [6.229.58](https://indike.org/pramana/in.purana.padma.6.229.58) punastenaivayāsyaṃtitatpadaṃśāśvataṃparam nakarmmabaṃdhanaṃjanmavaiṣṇavānāṃcavidyate ### [6.229.59](https://indike.org/pramana/in.purana.padma.6.229.59) viṣṇoranucaratvaṃhimokṣayāhurmanīṣiṇaḥ nadāsyamamareśasyabaṃdhanaṃparikīrtitam ### [6.229.60](https://indike.org/pramana/in.purana.padma.6.229.60) sarvabaṃdhananirmuktāharidāsānirāmayāḥ ābrahmabhuvanām̐lokāḥpunarāvṛttilakṣaṇāḥ ### [6.229.61](https://indike.org/pramana/in.purana.padma.6.229.61) karmabaṃdhamayāduḥkhamitrāsakhyabhayapradāḥ bahvāyāsaphalādevijanināśakahetavaḥ ### [6.229.62](https://indike.org/pramana/in.purana.padma.6.229.62) sukhabhogastuyannṝṇāṃviṣamiśrāśanaṃyathā svargasaṃsthānnarāndṛṣṭvākṣīṇekarmmaṇidevatāḥ ### [6.229.63](https://indike.org/pramana/in.purana.padma.6.229.63) kupitāḥ pātayantyevasaṃsṛtaukāryyabaṃdhane tasmātsvargasukhaṃdevibahudhāyāsasādhanam ### [6.229.64](https://indike.org/pramana/in.purana.padma.6.229.64) anityaṃkuṭilaṃduḥkhamiśraṃyogīparityajet satataṃsaṃsmaredviṣṇuṃsarvaduḥkhaughanāśanam ### [6.229.65](https://indike.org/pramana/in.purana.padma.6.229.65) nāmoccāraṇamātreṇaprāpnuvaṃtiparaṃpadam tasmāttuvaiṣṇavaṃlokaṃgaurisaṃprārthayetsudhīḥ ### [6.229.66](https://indike.org/pramana/in.purana.padma.6.229.66) bhaktyātvananyayādevaṃ bhajetakaruṇāṃbudhim sasarvajñānaguṇavānrakṣatyevanasaṃśayaḥ ### [6.229.67](https://indike.org/pramana/in.purana.padma.6.229.67) tasmādaṣṭākṣaraṃmantraṃjaptvāsukhataraṃśubham saṃprāpnotiparaṃlokaṃvaiṣṇavaṃsarvakāmadam ### [6.229.68](https://indike.org/pramana/in.purana.padma.6.229.68) tasminmaṇimayetalpesahasrasūryyaraśmini vimāneśuśubhedivyesaṃsthitobhagavānhariḥ ### [6.229.69](https://indike.org/pramana/in.purana.padma.6.229.69) tatracādhāraśaktyādidhṛtepīṭhehiraṇmaye nānāratnamayedivye nānāvarṇasamanvite ### [6.229.70](https://indike.org/pramana/in.purana.padma.6.229.70) tasminnaṣṭadalepadmemaṃtrākṣarapadeśubhe karṇikāyāṃsuramyāyāṃlakṣmībījaśubhākṣare ### [6.229.71](https://indike.org/pramana/in.purana.padma.6.229.71) tasminvālārkasāhasrakoṭitulya samaprabhe divyenārāyaṇaḥ śrīmānāsīnaḥ paṃkajāsane ### [6.229.72](https://indike.org/pramana/in.purana.padma.6.229.72) tasyadakṣiṇakepārśvejaganmātāhiraṇmayī gṛhītvācāmarāndivyān divyamālyavibhūṣaṇā ### [6.229.73](https://indike.org/pramana/in.purana.padma.6.229.73) vasupātraṃmātuluṃgaṃsvarṇapadmaṃdhṛtaṃkaraiḥ vāmataḥpṛthivīdevīnīlotpaladaladyutiḥ ### [6.229.74](https://indike.org/pramana/in.purana.padma.6.229.74) nānābharaṇasaṃyuktāvicitrāṃbarabhūṣitā sādhṛtvācoddhrvabāhubhyāṃramyaṃraktotpaladvayam ### [6.229.75](https://indike.org/pramana/in.purana.padma.6.229.75) itarābhyāṃdhṛtaṃ devyādhānyapātrayugaṃtathā gṛhītvācāmarāndivyānśaktayovimalādikāḥ ### [6.229.76](https://indike.org/pramana/in.purana.padma.6.229.76) dalāgreṣusamāsīnāḥ sarvalakṣaṇaśobhitāḥ tāsāṃmadhyesamāsīnobhagavānacyutohariḥ ### [6.229.77](https://indike.org/pramana/in.purana.padma.6.229.77) śaṃkhacakragadāpadmapāṇibhirdivyabhūṣaṇaiḥ keyūrāṃgadahārādyairbhūṣaṇairūpaśobhitaḥ ### [6.229.78](https://indike.org/pramana/in.purana.padma.6.229.78) prātarudyatsahasrāṃśukuṇḍalābhyāṃvirājitaḥ pūrvoktaistridaśairnnityaiḥ sevitaḥ parameśvaraḥ ### [6.229.79](https://indike.org/pramana/in.purana.padma.6.229.79) āstevaikuṇṭhanagarenityesatyecabhogavān śrīmadaṣṭākṣaraṃmaṃtraṃsiddhānāṃvaimanīṣiṇām ### [6.229.80](https://indike.org/pramana/in.purana.padma.6.229.80) gamyaṃtadvaiṣṇavaṃlokaṃnetareṣāṃkathaṃcana ityevaṃprathamaṃvyūhaṃkathitaṃtevarānane ### [6.229.81](https://indike.org/pramana/in.purana.padma.6.229.81) dvitīyaṃvaiṣṇavaṃlokaṃśṛṇuvakṣyāmisuvrate yo'yanityaitikhyātolokāgryovaiṣṇavaḥ smṛtaḥ ### [6.229.82](https://indike.org/pramana/in.purana.padma.6.229.82) taṃlokaṃvipulaṃpuṇyaṃśuddhaṃsatvamayaṃśubham madhyāhnasūryyasāhasrayugapadbhāsitaṃtadā ### [6.229.83](https://indike.org/pramana/in.purana.padma.6.229.83) kalpāṃte'pinalīyetatatvalokaṃmahattaram mamabrahmādidevānāṃnadraṣṭumapiśakyate ### [6.229.84](https://indike.org/pramana/in.purana.padma.6.229.84) sarvaṃkalpadrumavanaiḥ paripūrṇaṃsamaṃtataḥ sudhāmbuparipūrṇābhirdirghikābhiḥsamanvitam ### [6.229.85](https://indike.org/pramana/in.purana.padma.6.229.85) svarṇaratnamayairdivyaiḥpaṃkajairupaśobhitam jaladagninibhairdivyairbhūṣaṇaiḥ koṭibhirvṛtam ### [6.229.86](https://indike.org/pramana/in.purana.padma.6.229.86) niraṃtaraṃsāmabhiścakūjitaiḥkokilādibhiḥ ūhyamānairgandharvṛkṣaiḥpuṣpakairapiśobhitam ### [6.229.87](https://indike.org/pramana/in.purana.padma.6.229.87) ūnaṣoḍaśavarṣābdairdivyanārīnarairvṛtam sarvalakṣaṇaśobhāḍhyairdivyakalpavibhūṣaṇaiḥ ### [6.229.88](https://indike.org/pramana/in.purana.padma.6.229.88) tatrapradeśeramyeṣudeśeṣukamalāpatim muditaiḥpatibhiḥsārddhamarcayaṃtismayoṣitaḥ ### [6.229.89](https://indike.org/pramana/in.purana.padma.6.229.89) tatprasādopalabhyaṃvaisukhamaśnantisarvadā gāyaṃtiparamānaṃdaṃkṛṣṇasyacaritaṃmahat ### [6.229.90](https://indike.org/pramana/in.purana.padma.6.229.90) padmekṣaṇāḥ padmahastāḥ padmayāsadṛśaḥśubhāḥ divyasragvasanopetāḥ krīḍaṃtismasuyoṣitaḥ ### [6.229.91](https://indike.org/pramana/in.purana.padma.6.229.91) śaṃkhacakragadāpadmadharābhūṣaṇabhūṣitāḥ sragviṇaḥ pītavasanāḥpuruṣāstatrasaṃsthitāḥ ### [6.229.92](https://indike.org/pramana/in.purana.padma.6.229.92) ananyasparśanāttatrastrīpuṃsoḥkrīḍamānayoḥ bhavatyanudinaṃvṛddhaṃharibhaktisukhaṃrasam ### [6.229.93](https://indike.org/pramana/in.purana.padma.6.229.93) tanmadhyeṃtaḥ puraṃramyaṃvāsudevasyaśobhitam caṃdanāgurukarppūrakuṃkumodakasaṃyutam ### [6.229.94](https://indike.org/pramana/in.purana.padma.6.229.94) nānāpuṣpavimānādyaiḥ sarvataḥ samalaṃkṛtam tanmadhyekalpavṛkṣasya cchāyāyāṃkamalāsane ### [6.229.95](https://indike.org/pramana/in.purana.padma.6.229.95) vicitraślakṣṇaparyaṃkeśubhāstaraṇasaṃvṛte divyagaṃdhasuśobhāḍhyairnānāpuṣpaparicchadaiḥ ### [6.229.96](https://indike.org/pramana/in.purana.padma.6.229.96) tasminmanoramedivyesamāsīnaḥ śriyāsaha īśvaryyāsahadeveśovāsudevaḥ sanātanaḥ ### [6.229.97](https://indike.org/pramana/in.purana.padma.6.229.97) sudhāṃśukoṭisaṃkāśodivyābharaṇabhūṣitaḥ suvarṇaśubhrayugalaślakṣṇanāsāṃcitānanaḥ ### [6.229.98](https://indike.org/pramana/in.purana.padma.6.229.98) snigdhāyatasulāvaṇyakapolābhyāṃvirājitaḥ nīlakuṃcitakeśāḍhyoraktābjadalalocanaḥ ### [6.229.99](https://indike.org/pramana/in.purana.padma.6.229.99) maṃdāraketakījātīkairavīkṛtaśekharaḥ snigdhabimbaphalābhauṣṭhaḥ susmitānanapaṃkajaḥ ### [6.229.100](https://indike.org/pramana/in.purana.padma.6.229.100) anarghyamauktikābhāsadaṃtāvalivirājitaḥ haricaṃdanaliptāṃgaḥkastūrītilakāṃkitaḥ ### [6.229.101](https://indike.org/pramana/in.purana.padma.6.229.101) unnatāṃsabhujairdīrghaiścaturbhirupaśobhitaḥ japākusumasaṃkāśakarapallavaśobhitaḥ ### [6.229.102](https://indike.org/pramana/in.purana.padma.6.229.102) śrīvatsakaustubhābhyāṃcaśobhitaḥ pṛthuvakṣasā ### [6.229.103](https://indike.org/pramana/in.purana.padma.6.229.103) muktāmayaiḥsuśobhāḍhyairdivyasragbhiralaṃkṛtaḥ bālārkasadṛśajyotsnāpītavastreṇaveṣṭitaḥ ### [6.229.104](https://indike.org/pramana/in.purana.padma.6.229.104) māṇikyayanūpuropetapadmapatravirājitaḥ akalaṃkitacaṃdrābhanakhapaṃktivirājitaḥ ### [6.229.105](https://indike.org/pramana/in.purana.padma.6.229.105) raktotpalanibhaślakṣṇaśubhrāṃghrikarapaṃkajaḥ pāṃcajanyarathāṃgābhyāṃbāhuyugmavirājitaḥ ### [6.229.106](https://indike.org/pramana/in.purana.padma.6.229.106) itarābhyāṃśriyogātramāśliṣyannijavakṣasi śliṣyadvidyullatodgīthaśitābhraivarājate ### [6.229.107](https://indike.org/pramana/in.purana.padma.6.229.107) saptajāṃbūnadaślakṣṇaśubhāṃghriyugapaṃjakaḥ atrakrīḍatideveśovāsudevaḥ sanātanaḥ ### [6.229.108](https://indike.org/pramana/in.purana.padma.6.229.108) taptakāṃcanasaṃkāśāsarvābharaṇabhūṣitā susnigdhanīlakuṭilacaṃdrarāvivirājitā ### [6.229.109](https://indike.org/pramana/in.purana.padma.6.229.109) maṃdārapārijātādidivyapuṣpavirājitā karṇāvataṃsaśobhāḍhyācikurāṃtālisannibhā ### [6.229.110](https://indike.org/pramana/in.purana.padma.6.229.110) pīnonnatastanābhyāṃcapīḍaṃtiharivakṣasi keyūrāṃgadahārādyairbhūṣaṇairupaśobhitā ### [6.229.111](https://indike.org/pramana/in.purana.padma.6.229.111) ārūḍhayauvanānityaṃsarvalokeśasuṃdarī tatrakrīḍatilokeśapatyāsahaniraṃtaram ### [6.229.112](https://indike.org/pramana/in.purana.padma.6.229.112) saevavāsudevo'trasarvabhūtamanoharaḥ krīḍatesarvalokesminsarvakāmapradonṛṇām ### [6.229.113](https://indike.org/pramana/in.purana.padma.6.229.113) atrāṣṭaśaktayolakṣmyāstanavaḥparitaḥ sthitāḥ ramācarukmiṇīsītāpadmāpadmālayāśivā ### [6.229.114](https://indike.org/pramana/in.purana.padma.6.229.114) sulakṣaṇāsuśīlācaratikāmapradāścatāḥ śaṃkhacakragadāpadmaśārṅgādyairhetibhistathā ### [6.229.115](https://indike.org/pramana/in.purana.padma.6.229.115) paritaḥ puṣkarākāraistaṃlokaṃparirakṣate evaṃdvitīyaṃrūpaṃcasamyakteśubhadarśane ### [6.229.116](https://indike.org/pramana/in.purana.padma.6.229.116) saṃkṣepatomayāproktaṃnaśakyaṃvistareṇahi dvādaśākṣaramaṃtraṃvaiyejapaṃtisukhāhvayam ### [6.229.117](https://indike.org/pramana/in.purana.padma.6.229.117) teprāpnuvaṃtisatataṃśāśvataṃśubhamakṣayam navedādhyayanairyajñairnavratairnopavāsataḥ ### [6.229.118](https://indike.org/pramana/in.purana.padma.6.229.118) naprāpyaṃ vaiṣṇavaṃlokaṃvinādāsyenakutracit tasmāddāsyaṃharerbhaktaṃbhajetānanyamānasaḥ ### [6.229.119](https://indike.org/pramana/in.purana.padma.6.229.119) prāpnotiparamāṃsiddhiṃkarmabaṃdhavimocanīm evaṃsaṃprocyatedevidvitīyaṃvyūhamavyayam ### [6.229.120](https://indike.org/pramana/in.purana.padma.6.229.120) tṛtīyaṃtuparaṃvyūhaṃśṛṇuvakṣyāmipārvati toyābdheruttaraṃkūlaṃśvetadvīpemahāmate ### [6.229.121](https://indike.org/pramana/in.purana.padma.6.229.121) saṃdarśanāyayogānāṃsanakādimahātmanām sanakaścasanaṃdaścatṛtīyaścasanātanaḥ ### [6.229.122](https://indike.org/pramana/in.purana.padma.6.229.122) sanatkumārajātāścavoḍhuḥpaṃcaśikhastathā saptaitebrahmaṇaḥ putrāyoginaḥ sumahaujasaḥ ### [6.229.123](https://indike.org/pramana/in.purana.padma.6.229.123) viraktāḥ sarvabhogeṣuśuddhāḥsatvaguṇāḥsadā bhagavaddarśanodbhūtasukhaikarasasevinaḥ ### [6.229.124](https://indike.org/pramana/in.purana.padma.6.229.124) naranārāyaṇādyāścaśvetadvīpevasaṃtiye teṣāṃsaṃdarśanārthāyatatrasaṃnihitohariḥ ### [6.229.125](https://indike.org/pramana/in.purana.padma.6.229.125) śubhrāṃśukoṭisaṃkāśenānāratnamayojjvale śvetadvīpemahāyogisevitebhayavarjite ### [6.229.126](https://indike.org/pramana/in.purana.padma.6.229.126) tatrodyānāniramyāṇipārijātasamānivai saṃtānakalatākīrṇaṃcandanadrumamaṃḍitam ### [6.229.127](https://indike.org/pramana/in.purana.padma.6.229.127) phullapadmotpalopetaṃnānātoyālayairyutam tanmadhyenagarīramyānāmnācairāvatīśubhā ### [6.229.128](https://indike.org/pramana/in.purana.padma.6.229.128) nānāratnamayairdivyairvimānairupaśobhitā divyastrīpuṃbhirākrāṃtābahuprāsādasaṃkulā ### [6.229.129](https://indike.org/pramana/in.purana.padma.6.229.129) tanmadhye'ntapuraṃramyaṃratnadrumasamākulam bālasūryanibhaistuṃgaiḥprāsādairbahubhirvṛtam ### [6.229.130](https://indike.org/pramana/in.purana.padma.6.229.130) tanmadhyemaṃḍapaṃdivyaṃmaṇikāṃcanaśobhitam caṃdanāgurukarpūrakuṃkumāmodavāśitam ### [6.229.131](https://indike.org/pramana/in.purana.padma.6.229.131) nānākusumaśobhāḍhyairvitānaiḥ samalaṃkṛtam divyāpsaraḥsamākīrṇaṃsāmagānopaśobhitam ### [6.229.132](https://indike.org/pramana/in.purana.padma.6.229.132) madhyesiṃhāsanaṃtatrasūryavaiśvānaraprabham tanmadhye'ṣṭadalaṃpadmaṃcaṃdrabiṃbamivāparam ### [6.229.133](https://indike.org/pramana/in.purana.padma.6.229.133) tanmadhyekarṇikāyāṃtusamāsīnojanārdanaḥ śuddhajāṃbūnadaprakhyomuktāhāravibhūṣitaḥ ### [6.229.134](https://indike.org/pramana/in.purana.padma.6.229.134) śaṃkhacakragadāpadmaśaktihastacatuṣṭayaḥ hārakeyūrakaṭakairaṃgulīyaiścaśobhitaḥ ### [6.229.135](https://indike.org/pramana/in.purana.padma.6.229.135) suvarṇapaṃkajaprakhyaḥpadayugmavirājitaḥ saṃtānakanibhaiḥśubhrairnakhapaṃktivirājitaḥ ### [6.229.136](https://indike.org/pramana/in.purana.padma.6.229.136) ṣoḍaśābdavayorūpayauvanenavirājitaḥ viśālabhāladeśetukuṃkumenasugaṃdhinā ### [6.229.137](https://indike.org/pramana/in.purana.padma.6.229.137) racitenordhvapuṃḍreṇasīmaṃtenopaśobhitaḥ mathitāmṛtaphenābhaśuklavastrasuveṣṭitaḥ ### [6.229.138](https://indike.org/pramana/in.purana.padma.6.229.138) muktāmayābhyāṃśubhrābhyāṃkuṃḍalābhyāṃvirājitaḥ padmāsanasamāsīnojaganmohanavigrahaḥ ### [6.229.139](https://indike.org/pramana/in.purana.padma.6.229.139) vāmāṃkesaṃsthitādevītasyadivyasvarūpiṇī tasyaivasadṛśīlakṣmīḥśīlasuṣṭuguṇādibhiḥ ### [6.229.140](https://indike.org/pramana/in.purana.padma.6.229.140) padmakiṃjalkasaṃkāśāyauvanāraṃbhaśobhitā sarvalakṣaṇasaṃpannātaptakāṃcanabhūṣaṇā ### [6.229.141](https://indike.org/pramana/in.purana.padma.6.229.141) divyasragvasanopetānīlakuṃcitamūrdhajā caturbhujairvirājaṃtīkeyūrāṅgadabhūṣitā ### [6.229.142](https://indike.org/pramana/in.purana.padma.6.229.142) muktāhārrvirājaṃtīmaṃdārāṃcitaśīrṣajā ślakṣṇanāsāpuṭayutālasaddaṃtivarājitā ### [6.229.143](https://indike.org/pramana/in.purana.padma.6.229.143) kastūrītilakopetānāsāgrāṃcita mauktikā svarṇakuṃbhasamaprakhyapīnonnatapayodharā ### [6.229.144](https://indike.org/pramana/in.purana.padma.6.229.144) divyakuṃkumaliptāṃgīpadmamālopaśobhitā vastrapātraṃmātuliṅgaṃdarpaṇaṃhemapaṃkajam ### [6.229.145](https://indike.org/pramana/in.purana.padma.6.229.145) karapadmadhṛtādevīcetasābhīṣṭadāyinī tasyaitāḥ sadṛśāstatraśaktayaḥ paritohareḥ ### [6.229.146](https://indike.org/pramana/in.purana.padma.6.229.146) īśāvāsyāmahādevījāhnavīkamalālayā sāvitrīsarvagāpadmāśaktayaḥ parikīrtitāḥ ### [6.229.147](https://indike.org/pramana/in.purana.padma.6.229.147) śraddhāmedhādhṛtiḥprajñādhāraṇāśāṃtirevaca śrutismṛtirdhṛtirmedhāvṛddhirbuddhirmanīṣiṇī ### [6.229.148](https://indike.org/pramana/in.purana.padma.6.229.148) dāsyastetāḥśriyaḥproktāḥ sarvakāryasyakārikāḥ anaṃtavainateyādidevatānityakiṃkarāḥ ### [6.229.149](https://indike.org/pramana/in.purana.padma.6.229.149) sādhyāmarudgaṇāścaivasevaṃtenityadevatāḥ prāsādeṣuvimāneṣuvaneṣunagareṣuca ### [6.229.150](https://indike.org/pramana/in.purana.padma.6.229.150) tatprasādopalabdheṣubhogeṣvatrānuraṃjitāḥ krīḍaṃtīsatataṃnityāheyaniṣphalavarjitāḥ ### [6.229.151](https://indike.org/pramana/in.purana.padma.6.229.151) yeviṣṇumaṃtrajaptāraḥsatataṃśraddhayānvitāḥ yedvādaśībrateyuktāstatpadaṃyāṃtite'vyayam ### [6.229.152](https://indike.org/pramana/in.purana.padma.6.229.152) navedairnacadānaiścanayajñairnavratairapi prāptuṃcaśakyaṃgirijeviṣṇulokaṃsanātanam ### [6.229.153](https://indike.org/pramana/in.purana.padma.6.229.153) bhaktyācānanyayāprāptuṃśakyaṃviṣṇupadaṃnṛṇām tasmātsaṃpūjayennityaṃbhaktyādevaṃjanārdanam ### [6.229.154](https://indike.org/pramana/in.purana.padma.6.229.154) kīrtanaṃnāmamātraṃcadhyāyanmaṃtraṃjapetsadā juhuyāttarpayedbhaktyāsarvagaṃsarvakāmadam ### [6.229.155](https://indike.org/pramana/in.purana.padma.6.229.155) evamuktaṃtṛtīyaṃtuvyūhaṃtuparamātmanaḥ svarūpaṃtavasuśroṇiyathāproktaṃpurātanaiḥ ### [6.229.156](https://indike.org/pramana/in.purana.padma.6.229.156) ataḥ paraṃpravakṣyāmicaturthaṃvyūhamuttamam divaukasāṃrakṣaṇārthaṃdugdhābdhauparameśvaraḥ ### [6.229.157](https://indike.org/pramana/in.purana.padma.6.229.157) sudhāṃśukoṭiśaṃkāśaḥ sahasrākṣeṇaśobhite puraṃdarasayūthaistucchāditedugdhavāridhau ### [6.229.158](https://indike.org/pramana/in.purana.padma.6.229.158) tasminnanaṃtaparyaṃkeśete'sauvistṛteśubhe divyāsanasamāsīnaḥ padmanābho'cyutohariḥ ### [6.229.159](https://indike.org/pramana/in.purana.padma.6.229.159) nīlajīmūtasaṃkāśaḥ padmapatrāyatekṣaṇaḥ vivasvatkoṭisaṃkāśakirīṭenavirājitaḥ ### [6.229.160](https://indike.org/pramana/in.purana.padma.6.229.160) nānāratnojjvaladdivyaṃkuṃḍalābhyāṃvirājitaḥ bālārkasadṛśajyotsnāpītavastreṇaveṣṭitaḥ ### [6.229.161](https://indike.org/pramana/in.purana.padma.6.229.161) sphuradraktāraviṃdābhahastāṃghritalaśobhitaḥ hārakeyūrakaṭakairaṃgulīyairvirājitaḥ ### [6.229.162](https://indike.org/pramana/in.purana.padma.6.229.162) śaṃkhacakragadāśārṅgakhaṅgahastairvibhūṣitaḥ supuṣpaphalaśākhāḍhyakalpavṛkṣairvirājitaḥ ### [6.229.163](https://indike.org/pramana/in.purana.padma.6.229.163) viśvasyajanmamaraṇanābhipaṃkajaśobhitaḥ haricaṃdanaliptāṃgaḥsarvābharaṇabhūṣitaḥ ### [6.229.164](https://indike.org/pramana/in.purana.padma.6.229.164) maṃdārapārijātādidivyapuṣpairmanoramaiḥ susnigdhanīlakuṭilakavarīkṛtakeśavān ### [6.229.165](https://indike.org/pramana/in.purana.padma.6.229.165) ślakṣṇonnatasunāsāṃsajānuyugmavirājitaḥ maṇividrumaśākhāḍhyanūpurāṅghrivirājitaḥ ### [6.229.166](https://indike.org/pramana/in.purana.padma.6.229.166) akalaṃkitacaṃdrābhanakhapaṃktivirājitaḥ aśokapuṣpasaṃkāśaraktoṣṭhamukhapaṃkajaḥ ### [6.229.167](https://indike.org/pramana/in.purana.padma.6.229.167) anarghyamuktikābhāsadaṃtapaṃktivirājitaḥ saṃpūrṇacaṃdrapratimasmitavaktrasuśobhitaḥ ### [6.229.168](https://indike.org/pramana/in.purana.padma.6.229.168) ārūḍhayauvanaḥ śrīmānkomalāvayavojjvalaḥ śaraṇyaḥsarvalokānāṃsarvalokaphalapradaḥ ### [6.229.169](https://indike.org/pramana/in.purana.padma.6.229.169) sadṛśītasyadevīturūpaśīlaguṇādibhiḥ taptakāṃcanasaṃkāśātaptakāṃcanabhūṣaṇā ### [6.229.170](https://indike.org/pramana/in.purana.padma.6.229.170) taruṇīrūpalāvaṇyākāntiśīlaguṇānvitā dugdhābdhiphenasaṃkāśaśubhavastreṇaveṣṭitā ### [6.229.171](https://indike.org/pramana/in.purana.padma.6.229.171) maṃdāraketakījātīpuṣpārcitaśiroruhā kastūrītilakopetāratnasīmaṃtaśobhitā ### [6.229.172](https://indike.org/pramana/in.purana.padma.6.229.172) nānāvarṇasuśobhāḍhyākarṇabhūṣaṇabhūṣitā pravālasadṛśajyotsnāraktadhārasuvismitā ### [6.229.173](https://indike.org/pramana/in.purana.padma.6.229.173) mattabhṛṅgopamaiḥ snigdhairalakaiḥsuvirājitā tanumadhyāviśālākṣīpīnonnatapayodharā ### [6.229.174](https://indike.org/pramana/in.purana.padma.6.229.174) caturhastairvirājaṃtīsarvābharaṇabhūṣitā udvāhubhyāṃdhṛtādevīhemapadmayugaṃśubham ### [6.229.175](https://indike.org/pramana/in.purana.padma.6.229.175) itarābhyāṃsamāśliṣyabhartāraṃnibiḍaṃsthitā ālokayaṃtīsatataṃtridaśāṃścakaṭākṣakai ### [6.229.176](https://indike.org/pramana/in.purana.padma.6.229.176) nirīkṣitāstayādevyādhanyāstesatataṃśive tatredevāvimānasthāḥ siddhacāraṇakinnarāḥ ### [6.229.177](https://indike.org/pramana/in.purana.padma.6.229.177) gāyaṃtisatataṃdevīmānaṃdāśrupariplutāḥ daiteyairbādhayamānaistubrahmarudrādibhiḥsuraiḥ ### [6.229.178](https://indike.org/pramana/in.purana.padma.6.229.178) saṃstūyamānastatreśodevānāmabhayaṃdadau devānāmabhayaṃdattvāsarvadeveśvarohariḥ ### [6.229.179](https://indike.org/pramana/in.purana.padma.6.229.179) rākṣasānhaṃtumārebhejagatsaṃrakṣaṇāyavai evaṃcaturthaṃvyūhaṃtuhareḥ proktaṃtavānaghe ### [6.229.180](https://indike.org/pramana/in.purana.padma.6.229.180) kimanyacchrotukāmāsīttadbravīmivarānane dhanyāsikṛtakṛtyāsibhaktāsipuruṣottame ### [6.229.180.p1](https://indike.org/pramana/in.purana.padma.6.229.180.p1) iti śrīpādmemahāpurāṇepaṃcapaṃcāśatsāhasryāṃsaṃhitāyāmuttarakhaṃḍeviṣṇuvyūhabheda varṇanaṃnāmaekonatriṃśadadhikadviśatatamo'dhyāyaḥ ## Linked texts (1) - [Bṛhadbrahmasaṃhitā](https://indike.org/pramana/in.sampradaya.vaisnava.pancaratra.brhadbrahmasamhita.19.70) — Sanskrit --- Source: [https://indike.org/pramana/in.purana.padma.6.229](https://indike.org/pramana/in.purana.padma.6.229) · Pramāṇa