Pramāṇa · Search · About · API

Padmapurana 6.230: triṃśadadhika dviśatatamo'dhyāyaḥ

Padmapurāṇa 6.230

Language
Sanskrit

Contents

triṃśadadhika dviśatatamo'dhyāyaḥ

6.230.1

pārvatyuvācabhagavanyatradeveśorākṣasānmadhusūdanaḥ
jaghānakenarūpeṇayathāvadvaktumarhasi

6.230.2

vaibhavaṃcasthavīyasyamatsyakūrmmādirūpakam
vistareṇasamākhyāhimamaprītyāmaheśvara

6.230.3

mahādeva uvācaśṛṇudevipravakṣyāmivaibhavaṃsvasthamānasā
matsyakūrmmādiyadrūpamavatārātmakaṃhareḥ

6.230.4

dīpādutpādyatedīpoyathāvattadbhaviṣyati
parāvasthāpareśasyasavyūhāvibhavādayaḥ

6.230.5

uktādevāvatārāstuvividhākārakāḥśubhāḥ
arccāvatārādevasyavaibhavāḥ paramātmanaḥ

6.230.6

prājāpatyenavaibrahyāsasamrāṭparamotsavaḥ
bhṛguṃmarīcimatriṃcadakṣaṃkarddamamevaca

6.230.7

pulastyaṃpulahaṃcaivagiriśaṃcatathākratum
navaprajānāṃpatayaimeproktāyathākramam

6.230.8

marīcirbhagavāṃstatrajanayāmāsakaśyapam
kaśyapasyābhavañjāyāścacatasraḥśubhadarśane

6.230.9

aditiścaditiścaivakadruścavinatātathā
aditirjanayāmāsadevāṃstuśubhadarśanān

6.230.10

ditiścarākṣasānputrāṃstāmasānsumahāsurān
śaṃbūkastuhayagrīvohiraṇyākṣomahābalaḥ

6.230.11

hiraṇyakaśipurjaṃbhomayādyāḥ sumahātapāḥ
makarastumahāvīryobrahmalokamupāgataḥ

6.230.12

brahmāṇaṃmohayitvā'sauvedāñjagrāhavīryavān
grasitvācaśrutiṃ so'thapraviveśamahārṇavam

6.230.13

tataḥ sarvaṃjagacchūnyamabhavaddharmasaṃkaraḥ
nādhītaṃnavaṣaṭkāraṃvarṇāśramavivarjitam

6.230.14

tataḥ prajāpatirdevaḥ sarvadevagaṇairvṛtaḥ
gatvādugdhāṃbudhiṃdevaṃtuṣṭāvaśaraṇaṃgataḥ

6.230.15

brahmovācaprasīdadevamenāthanāgaparyaṃkasaṃsthita
sarveśasarvadevātmansarvavedamayācyuta

6.230.16

ādyaṃjagadbhuvobījaṃmadhyetvaṃsarvato'dhikaḥ
aṃtecapaśunāthastvaṃsvecchayātastamevaca

6.230.17

tvamevadhatsecidrūpaṃjagatsarvaṃsanātanam
tvamavyaktohibhūtādiḥpradhānapuruṣo'vyayaḥ

6.230.18

tvamādimadhyāṃtavapurjagataḥ parameśvaraḥ
tvamevasarvalokānāmāśrayaḥ puruṣottamaḥ

6.230.19

bhūtādistvaṃmahadbhūtaṃbhūtasaṃghasyakāraṇam
tvamevakāraṇamāśrityaramatedhāmaātmavān

6.230.20

tvamādibhūtaścāṃtastvaṃtvaṃvāyuḥsarvvagomahān
tvamādistvamanādiścatvamagnistejasāḥ nidhiḥ

6.230.21

tvamāpaḥsarvvajagatāṃjīvanaṃ parameśvaraḥ
tvaṃbhūmirjagadādhārobhūdharastvaṃmahāmate

6.230.22

saritaṃ sāgarastvaṃvaisarvvasyādistvamevaca
devarṣiḥsarvabhūtānitvamevapuruṣottama

6.230.23

tvayaivapreritālokāśceṣṭaṃtesādhvasādhuṣu
daityenopadrutāvedāḥ praviṣṭāmahadarṇavam

6.230.24

vedādhāramidaṃsarvvaṃjagatsthāvarajaṃgamam
vedāścaivahisarvveṣāṃdharmāṇāṃparitaḥ sthitiḥ

6.230.25

vedeṣusarvadevānāṃnityatṛptirbhaviṣyati
tasmādvedānsamānetuṃtvamevārhasikeśava

6.230.26

śrīmahādevauvācaevamuktohṛṣīkeśobrahmaṇāparameśvaraḥ
matsyarūpaṃsamāsthāyapraviveśamahodadhim

6.230.27

taṃ daityaṃsumahāghoraṃmākaraṃrūpamāsthitaḥ
tuṇḍāgreṇavidāryāthajaghānāmarapūjitaṃ

6.230.28

taṃhatvāsarvavedāṃścasāṅgopāṅgasamanvitān
gṛhītvāpradadautasmaibrahmaṇesamahādyutiḥ

6.230.29

anyonyamiśritāvedāgrasitāstenarakṣasā
vyaktābhagavatātenavyāsarūpeṇadhīmatā

6.230.30

pṛthagbhūtāsamaṃvedāvyāsenaivamahātmanā
evaṃmatsyāvatāreṇarakṣitāḥsarvvadevatāḥ

6.230.31

śrutipradānenajagattrayaṃtadākṛtvānirātaṃkamahoramādhavaḥ
saṃstūyamānaḥ surasiddhasaṃghairaṃtardadheyogibhirarccitāṃghriḥ
vāsudevohibhavagānsarvadevamayohariḥ

6.230.31.p1

iti śrīpādmemahāpurāṇepaṃcapaṃcāśatsahasrasaṃhitāyāmuttarakhaṃḍeumāmaheśvara saṃvādematsyāvatāravarṇanaṃnāmatriṃśadadhikadviśatatamo'dhyāyaḥ