[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Padmapurana](https://indike.org/pramana/in.purana.padma) › 6.60 # Padmapurana 6.60: ṣaṣṭitamo'dhyāyaḥ Padmapurāṇa 6.60 - **Language:** Sanskrit ## Contents - [6.60.36](https://indike.org/pramana/in.purana.padma.6.60.36) — 2 parts - [6.60.54](https://indike.org/pramana/in.purana.padma.6.60.54) — 1 part ### ṣaṣṭitamo'dhyāyaḥ ### [6.60.1](https://indike.org/pramana/in.purana.padma.6.60.1) yudhiṣṭhirauvācakathayasvaprasādenamayisnehājjanārdana kārttikasyāsitepakṣekiṃnāmaikādaśībhavet ### [6.60.2](https://indike.org/pramana/in.purana.padma.6.60.2) śrīkṛṣṇauvācaśrūyatāṃrājaśārdūlakathayāmitavāgrataḥ kārttikekṛṣṇapakṣeturamānāmasuśobhanā ### [6.60.3](https://indike.org/pramana/in.purana.padma.6.60.3) ekādaśīsamākhyātāmahāpāpaharāparā asyāḥprasaṃgatorājanmāhātmyaṃpravadāmite ### [6.60.4](https://indike.org/pramana/in.purana.padma.6.60.4) mucukuṃdaitikhyātobabhūvanṛpatiḥpurā deveṃdreṇasamaṃtasyamitratvamabhavannṛpa ### [6.60.5](https://indike.org/pramana/in.purana.padma.6.60.5) yamenavaruṇenaivakubereṇāpisarvathā bibhīṣaṇenayasyaivasakhitvamabhavannṛpa ### [6.60.6](https://indike.org/pramana/in.purana.padma.6.60.6) viṣṇubhaktaḥsatyasaṃdhobabhūvanṛpatiḥparaḥ tasyaivaṃśāsatorājanrājyaṃnihatakaṃṭakam ### [6.60.7](https://indike.org/pramana/in.purana.padma.6.60.7) babhūvaduhitāgehecaṃdrabhāgāsaridvarā śobhanāyacasādattācaṃdrasenasutāyavai ### [6.60.8](https://indike.org/pramana/in.purana.padma.6.60.8) sakadācitsamāyātaḥśvaśurasyagṛhenṛpa ekādaśīvratadinaṃsamāyātaṃsupuṇyadam ### [6.60.9](https://indike.org/pramana/in.purana.padma.6.60.9) samāgatevratadinecaṃdrabhāgātvaciṃtayat kiṃbhaviṣyatideveśamamabharttātidurbalaḥ ### [6.60.10](https://indike.org/pramana/in.purana.padma.6.60.10) kṣudhāṃnakṣamatesoḍhuṃpitācaivograśāsanaḥ paṭahastāḍyateyasyasaṃprāptedaśamīdine ### [6.60.11](https://indike.org/pramana/in.purana.padma.6.60.11) nabhoktavyaṃnabhoktavyaṃnabhoktavyaṃharerdine śrutvāpaṭahanirghoṣaṃsobhanastvabravītpriyām ### [6.60.12](https://indike.org/pramana/in.purana.padma.6.60.12) kiṃkarttavyaṃmayākāṃtedehiśikṣāṃvarānane caṃdrabhāgovāca - matpiturveśmaniprabhobhoktavyaṃnādyakenacit ### [6.60.13](https://indike.org/pramana/in.purana.padma.6.60.13) gajairaśvaiścakalabhairanyaiḥpaśubhireva ca tṛṇamannaṃtathāvārinabhoktavyaṃharerdine ### [6.60.14](https://indike.org/pramana/in.purana.padma.6.60.14) mānavaiścakutaḥkāṃtabhujyateharivāsare yaditvaṃbhokṣyasekāṃtatatogarhāṃprayāsyasi ### [6.60.15](https://indike.org/pramana/in.purana.padma.6.60.15) evaṃvicāryamanasāsudṛḍhaṃmānasaṃkuru śobhanauvācasatyametatpriyevākyaṃkariṣye'hamupoṣaṇam ### [6.60.16](https://indike.org/pramana/in.purana.padma.6.60.16) daivenavihitaṃyaddhitattathaivabhaviṣyati itidṛḍhāṃmatiṃkṛtvācakāraniyamaṃvrate ### [6.60.17](https://indike.org/pramana/in.purana.padma.6.60.17) kṣudhayāpīḍitatanuḥsababhūvātiduḥkhitaḥ iticiṃtayatastasyaādityo'stamagādgirim ### [6.60.18](https://indike.org/pramana/in.purana.padma.6.60.18) vaiṣṇavānāṃnarāṇāṃsāniśāharṣavivarddhanī haripūjāratānāṃcajāgarāsaktacetasām ### [6.60.19](https://indike.org/pramana/in.purana.padma.6.60.19) babhūvanṛpaśārdūlaśobhanasyātiduḥkhadā raverudayavelāyāṃśobhanaḥpaṃcatāṃgataḥ ### [6.60.20](https://indike.org/pramana/in.purana.padma.6.60.20) dāhayāmāsarājātaṃrājayogyaiścadārubhiḥ caṃdrabhāgānātmadehaṃdadāhapatināsaha ### [6.60.21](https://indike.org/pramana/in.purana.padma.6.60.21) kṛtvaurddhvadaihikaṃtasyatasthaujanakaveśmani śobhanaścanṛpaśreṣṭharamāvrataprabhāvataḥ ### [6.60.22](https://indike.org/pramana/in.purana.padma.6.60.22) prāptodevapuraṃramyaṃmaṃdarācalasānuni anuttamamanādhṛṣyamasaṃkhyeyaguṇānvitam ### [6.60.23](https://indike.org/pramana/in.purana.padma.6.60.23) hemastaṃbhamayaisaudhairatnavaiḍūryamaṃḍitaiḥ sphāṭikairvividhākārairvicitrairupaśobhitaiḥ ### [6.60.24](https://indike.org/pramana/in.purana.padma.6.60.24) siṃhāsanasamārūḍhaḥsuśvetacchatracāmaraḥ kirīṭakuṃḍalayutohārakeyūrabhūṣitaḥ stūyamānaścagaṃdharvairapsarogaṇasevitaḥ ### [6.60.25](https://indike.org/pramana/in.purana.padma.6.60.25) śobhanaḥśobhateyatrarājarājoparoyathā somaśarmetivikhyātomucukuṃdapure'bhavat ### [6.60.26](https://indike.org/pramana/in.purana.padma.6.60.26) tīrthayātrāprasaṃgenabhramanviprodadarśatam nṛpajāmātaraṃjñātvātatsamīpaṃjagāmasaḥ ### [6.60.27](https://indike.org/pramana/in.purana.padma.6.60.27) śobhano'pitadājñātvāsomaśarmāṇamāgatam āsanādutthitaḥśīghraṃnamaścakredvijottamam ### [6.60.28](https://indike.org/pramana/in.purana.padma.6.60.28) cakārakuśalapraśnaṃśvaśurasyanṛpasyaca kāṃtāyāścaṃdrabhāgāyāstathaivanagarasyaca ### [6.60.29](https://indike.org/pramana/in.purana.padma.6.60.29) somaśarmovācakuśalaṃvarttaterājanśvaśurasyagṛhetava caṃdrabhāgākuśalinīsarvataḥkuśalaṃpure ### [6.60.30](https://indike.org/pramana/in.purana.padma.6.60.30) svavṛttaṃkathyatāṃrājannāścaryaṃvidyate'dbhutam puraṃvicitraṃruciraṃnadṛṣṭaṃkenacitkvacit ### [6.60.31](https://indike.org/pramana/in.purana.padma.6.60.31) etadācakṣvanṛpatekutaḥprāptamidaṃtvayā śobhanauvācakārtikasyāsitepakṣeyānāmaikādaśīramā ### [6.60.32](https://indike.org/pramana/in.purana.padma.6.60.32) tāmupoṣyamayāprāptaṃdvijeṃdrapuramadhruvam dhruvaṃbhavatiyenaivatatkuruṣvadvijottamaḥ ### [6.60.33](https://indike.org/pramana/in.purana.padma.6.60.33) dvijauvācakathamadhruvametaddhikathaṃhibhavatidhruvam tattvaṃkathayarājeṃdratatkariṣyāminānyathā ### [6.60.34](https://indike.org/pramana/in.purana.padma.6.60.34) śobhanauvācamayaitadvihitaṃvipraśraddhāhīnaṃvratottamam tenāhamadhruvaṃmanyedhruvaṃbhavatitacchṛṇu ### [6.60.35](https://indike.org/pramana/in.purana.padma.6.60.35) mucukuṃdasyaduhitācaṃdrabhāgāsuśobhanā tasyaikathayavṛttāṃtaṃdhruvametadbhaviṣyati ### [6.60.36](https://indike.org/pramana/in.purana.padma.6.60.36) kṛṣṇauvācasaśrutvāvacanaṃtasyamucukuṃdapuraṃgataḥ uvācasarvaṃvṛttāṃttaṃcaṃdrabhāgāgratodvijaḥ ### [6.60.36.p1](https://indike.org/pramana/in.purana.padma.6.60.36.p1) somaśarmovāca - ### [6.60.36.p2](https://indike.org/pramana/in.purana.padma.6.60.36.p2) pratyakṣaṃdayitaḥkāṃtastavadṛṣṭomayāśubhe ### [6.60.37](https://indike.org/pramana/in.purana.padma.6.60.37) iṃdratulyamanādhṛṣyaṃdṛṣṭaṃtasyapuraṃmayā adhruvaṃtenatatproktaṃdhruvaṃbhavatitatkuru ### [6.60.38](https://indike.org/pramana/in.purana.padma.6.60.38) caṃdrabhāgovācatatramāṃnayaviprarṣepatidarśanalālasām ātmanovratapuṇyenakariṣyāmipuraṃdhruvam ### [6.60.39](https://indike.org/pramana/in.purana.padma.6.60.39) āvayordvijasaṃyogoyathābhavatitatkuru prāpyatehimahatpuṇyaṃkṛtvāyogaṃviyuktayoḥ ### [6.60.40](https://indike.org/pramana/in.purana.padma.6.60.40) itiśrutvāsahatayāsomaśarmājagāmaha āśramaṃvāmadevasyamaṃdarācalasaṃnidhau ### [6.60.41](https://indike.org/pramana/in.purana.padma.6.60.41) vāmadevo'śṛṇotsarvaṃvṛttāṃtaṃkathitaṃtayoḥ abhyaṣiñcaccandrabhāgāṃvedamaṃtrairathojjvalām ### [6.60.42](https://indike.org/pramana/in.purana.padma.6.60.42) ṛṣimaṃtraprabhāvenaviṣṇuvāsarasevanāt divyadehābabhūvāsaudivyāṃgatimavāpaha ### [6.60.43](https://indike.org/pramana/in.purana.padma.6.60.43) patyuḥsamīpamagamatpraharṣotphullalocanā jaharṣaśobhano'tīvadṛṣṭvākāṃtāṃsamāgatām ### [6.60.44](https://indike.org/pramana/in.purana.padma.6.60.44) samāhūyasvakevāmepārśvetāṃsaṃnyaveśayat athovācapriyaṃharṣāccaṃdrabhāgāpriyaṃvacaḥ ### [6.60.45](https://indike.org/pramana/in.purana.padma.6.60.45) śṛṇukāṃtahitaṃvākyaṃyatpuṇyaṃvidyatemayi aṣṭavarṣādhikājātāyadāhaṃpitṛveśmani ### [6.60.46](https://indike.org/pramana/in.purana.padma.6.60.46) tataḥprabhṛtiyaccīrṇaṃmayācaikādaśīvratam yathoktavidhisaṃyuktaṃśraddhāyuktenacetasā tenapuṇyaprabhāvenabhaviṣyatipuraṃdhruvam ### [6.60.47](https://indike.org/pramana/in.purana.padma.6.60.47) sarvakāmasamṛddhaṃcayāvadābhūtasaṃplavam evaṃsānṛpaśārdūlaramatepatināsaha ### [6.60.48](https://indike.org/pramana/in.purana.padma.6.60.48) divyabhogādivyarupādivyābharaṇabhūṣitā śobhano'pitayāsārddhaṃramatedivyavigrahaḥ ### [6.60.49](https://indike.org/pramana/in.purana.padma.6.60.49) ramāvrataprabhāvenamaṃdarācalasānuni ciṃtāmaṇisamāhyeṣākāmadhenusamāthavā ### [6.60.50](https://indike.org/pramana/in.purana.padma.6.60.50) ramābhidhānānṛpatetavāgrekathitāmayā tasyāmāhātmyamanaghaśrutaṃsarvaṃtvayānṛpa ### [6.60.51](https://indike.org/pramana/in.purana.padma.6.60.51) mayātavāgrekathitaṃmāhātmyaṃpāpanāśanam ekādaśīvratānāṃcapakṣayorubhayorapi ### [6.60.52](https://indike.org/pramana/in.purana.padma.6.60.52) yathākṛṣṇātathāśuklāvibhedaṃnaivakārayet sevitaikādaśīnṝṇāṃbhuktimuktipradāyinī ### [6.60.53](https://indike.org/pramana/in.purana.padma.6.60.53) dhenuḥśvetāyathākṛṣṇāubhayoḥsadṛśaṃpayaḥ tathaivatulyaphaladaṃsmṛtamekādaśīdvayam ### [6.60.54](https://indike.org/pramana/in.purana.padma.6.60.54) ekādaśīvratānāṃyomāhātmyaṃśṛṇutenaraḥ sarvapāpavinirmuktoviṣṇulokemahīyate ### [6.60.54.p1](https://indike.org/pramana/in.purana.padma.6.60.54.p1) iti śrīpādmemahāpurāṇepaṃcapaṃcāśatsāhasryāṃsaṃhitāyāmuttarakhaṃḍeumāpatināradasaṃvādekārtikakṛṣṇāramaikādaśīnāmaṣaṣṭitamo'dhyāyaḥ --- Source: [https://indike.org/pramana/in.purana.padma.6.60](https://indike.org/pramana/in.purana.padma.6.60) · Pramāṇa