[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Padmapurana](https://indike.org/pramana/in.purana.padma) › 6.62 # Padmapurana 6.62: dviṣaṣṭitamo'dhyāyaḥ Padmapurāṇa 6.62 - **Language:** Sanskrit ## Contents - [6.62.12](https://indike.org/pramana/in.purana.padma.6.62.12) — 1 part - [6.62.43](https://indike.org/pramana/in.purana.padma.6.62.43) — 1 part ### dviṣaṣṭitamo'dhyāyaḥ ### [6.62.1](https://indike.org/pramana/in.purana.padma.6.62.1) yudhiṣṭhirauvāca - bhagavañchrotumicchāmivratānāmuttamaṃvratam sarvapāpaharaṃviṣṇoḥphaladaṃvratināṃcayat ### [6.62.2](https://indike.org/pramana/in.purana.padma.6.62.2) puruṣottamamāsasyakathāṃbrūhijanārdana kovidhiḥkiṃphalaṃtasyakodevastatrapūjyate ### [6.62.3](https://indike.org/pramana/in.purana.padma.6.62.3) adhimāsecasaṃprāptevrataṃbrūhijanārdana kasyadānasyakiṃpuṇyaṃkiṃkarttavyaṃnṛbhiḥprabho ### [6.62.4](https://indike.org/pramana/in.purana.padma.6.62.4) kathaṃsnānaṃcakiṃjāpyaṃkathaṃpūjāvidhiḥsmṛtaḥ kiṃbhojyamuttamaṃcānnaṃmāse'sminpuruṣottame ### [6.62.5](https://indike.org/pramana/in.purana.padma.6.62.5) śrīkṛṣṇauvācakathayiṣyāmirājeṃdrabhavataḥsnehakāraṇāt puruṣottamamāsasyamāhātmyaṃpāpanāśanam ### [6.62.6](https://indike.org/pramana/in.purana.padma.6.62.6) adhimāsetusaṃprāptebhavedekādaśītuyā kamalānāmasānāmnātithināmuttamātithiḥ ### [6.62.7](https://indike.org/pramana/in.purana.padma.6.62.7) tasyāvrataprabhāvenakamalābhimukhībhavet brāhmemuhūrttecotthāyasaṃsmṛtyapuruṣottamam ### [6.62.8](https://indike.org/pramana/in.purana.padma.6.62.8) snātvācaivavidhānenaniyamaṃkārayedbratī gṛhetvekaguṇaṃjāpyaṃnadyāṃtudviguṇaṃsmṛtam ### [6.62.9](https://indike.org/pramana/in.purana.padma.6.62.9) gavāṃgoṣṭhesahasrordhvamagnyāgāreśatānvitam śivakṣetreṣutīrtheṣudevatānāṃcasannidhau ### [6.62.10](https://indike.org/pramana/in.purana.padma.6.62.10) lakṣaṃtulasyāḥsāṃnidhyehyanaṃtaṃviṣṇusannidhau avaṃtyāmabhavatkaścicchivaśarmādvijottamaḥ ### [6.62.11](https://indike.org/pramana/in.purana.padma.6.62.11) tasyātmajāstupaṃcāsankaniṣṭhodoṣavānabhūt tadāpitrāparityaktastyaktaḥsvajanabāṃdhavaiḥ ### [6.62.12](https://indike.org/pramana/in.purana.padma.6.62.12) kukarmaṇaḥprabhāvenagatodūrataraṃvanam ekadādaivayogenatīrtharājaṃsamāgataḥ ### [6.62.12.p1](https://indike.org/pramana/in.purana.padma.6.62.12.p1) kṣutkṣāmodīnavadanastriveṇyāṃsnānamācarat munīnāmāśramāṃstatravicinvankṣudhayārditaḥ13 ### [6.62.14](https://indike.org/pramana/in.purana.padma.6.62.14) harimitramunestatradadarśāśramamuttamam puruṣottamamāsevaijanānāṃcasamāgame ### [6.62.15](https://indike.org/pramana/in.purana.padma.6.62.15) tatrāśramekathayatāṃkathāṃkalmaṣanāśinīm brāhmaṇānāṃmukhāttenaśraddhayākamalāśrutā ### [6.62.16](https://indike.org/pramana/in.purana.padma.6.62.16) ekādaśīpuṇyatamābhuktimuktipradāyinī jayaśarmāvidhānenaśrutvemāṃkamalātithim ### [6.62.17](https://indike.org/pramana/in.purana.padma.6.62.17) ekādaśīpuṇyatamābhuktimuktipradāyinī vrataṃkṛtaṃcataiḥsārddhaṃsthitvāśūnyālayetadā ### [6.62.18](https://indike.org/pramana/in.purana.padma.6.62.18) niśīthesamanuprāptelakṣmīstatrasamāgatā varaṃdadāmibhoviprakamalāyāḥprabhāvataḥ ### [6.62.19](https://indike.org/pramana/in.purana.padma.6.62.19) jayaśarmovāca - kātvaṃkasyāsiraṃbhoruprasannācakathaṃmama iṃdrāṇīsuranāthasyabhavānīśaṃkarasyavā ### [6.62.20](https://indike.org/pramana/in.purana.padma.6.62.20) gaṃdharvīkinnarīvāthavadhūrvācaṃdrasūryayoḥ tvatsadṛkṣānadṛṣṭācanaśrutācaśubhānane ### [6.62.21](https://indike.org/pramana/in.purana.padma.6.62.21) lakṣmīruvācaprasannāsāṃprataṃjātāvaikuṃṭhādahamāgatā preritādevadevenakamalāyāḥprabhāvataḥ ### [6.62.22](https://indike.org/pramana/in.purana.padma.6.62.22) puruṣottamamāsasyayāpakṣeprathamebhavet tasyāvrataṃtvayācīrṇaṃprayāgemunisaṃnidhau ### [6.62.23](https://indike.org/pramana/in.purana.padma.6.62.23) vratasyāsyaprabhāvenavaśagāhaṃnasaṃśayaḥ tavavaṃśebhaviṣyaṃtimānavādvijasattama ### [6.62.24](https://indike.org/pramana/in.purana.padma.6.62.24) matprasādādavāpsyaṃtisatyaṃtevyāhṛtaṃmayā brāhmaṇauvācaprasannāyadimepadmevrataṃvistaratovada ### [6.62.25](https://indike.org/pramana/in.purana.padma.6.62.25) yatkathāsupravartaṃtesādhavoyejanādvijāḥ lakṣmīruvācaśrotṝṇāṃparamaṃśrāvyaṃpavitrāṇāmanuttamam ### [6.62.26](https://indike.org/pramana/in.purana.padma.6.62.26) duḥsvapnanāśanaṃpuṇyaṃśrotavyaṃyatnatastataḥ uttamaḥśraddhayāyuktaḥślokaṃślokārddhamevavā ### [6.62.27](https://indike.org/pramana/in.purana.padma.6.62.27) paṭhitvāmucyatesadyomahāpātakakoṭibhiḥ māsānāṃparamomāsaḥpakṣiṇāṃgaruḍoyathā ### [6.62.28](https://indike.org/pramana/in.purana.padma.6.62.28) nadīnāṃcayathāgaṃgātithināṃdvādaśītithiḥ adyāpinirjarāḥsarvebhāratejanmalipsavaḥ ### [6.62.29](https://indike.org/pramana/in.purana.padma.6.62.29) tamarcayaṃtivividhānārāyaṇamanāmayam yeyajaṃtisadābhaktyādevaṃnārāyaṇaṃprabhum ### [6.62.30](https://indike.org/pramana/in.purana.padma.6.62.30) tānarcayaṃtisatataṃbrahmādyādevatāgaṇāḥ ye'pināmaparāyecaharikīrttanatatparāḥ ### [6.62.31](https://indike.org/pramana/in.purana.padma.6.62.31) haripūjāparāyecatekṛtārthāḥkalauyugeḥ śuklevāyadivākṛṣṇebhavedekādaśīdvayam ### [6.62.32](https://indike.org/pramana/in.purana.padma.6.62.32) gṛhasthānāṃbhavetpūrvāyatīnāmuttarāsmṛtā ekādaśīdvādaśīcarātriśeṣetrayodaśī tatrakratuśataṃpuṇyaṃtrayodaśyāṃtupāraṇe ### [6.62.33](https://indike.org/pramana/in.purana.padma.6.62.33) ekādaśyāṃnirāhāraḥsthitvāhamapare'hani bhokṣyāmipuṃḍarīkākṣaśaraṇaṃmebhavācyuta ### [6.62.34](https://indike.org/pramana/in.purana.padma.6.62.34) amuṃmaṃtraṃsamuccāryadevadevasyacakriṇaḥ bhaktibhāvenatuṣṭātmāupavāsaṃsamācaret ### [6.62.35](https://indike.org/pramana/in.purana.padma.6.62.35) kuryāddevasyapuratojāgaraṃniyatovratī gītairvādyaiścanṛtyaiścapurāṇapaṭhanādibhiḥ ### [6.62.36](https://indike.org/pramana/in.purana.padma.6.62.36) tataḥprātaḥsamutthāyadvādaśīdivasevratī snātvāviṣṇuṃsamabhyarcyavidhivatprayateṃdriyaḥ ### [6.62.37](https://indike.org/pramana/in.purana.padma.6.62.37) paṃcāmṛtenasaṃsnāpyaekādaśyāṃjanārdanaḥ dvādaśyāṃcapayaḥsnānāddhareḥsārūpyamaśnute ### [6.62.38](https://indike.org/pramana/in.purana.padma.6.62.38) ajñānatimirāṃdhasyavratenānenakeśava prasīdasanmukhobhūtvājñānadṛṣṭipradobhava ### [6.62.39](https://indike.org/pramana/in.purana.padma.6.62.39) evaṃvijñāpyadeveśaṃdevadevaṃgadādharam brāhmaṇānbhojayedbhaktyātebhyodadyāccadakṣiṇām ### [6.62.40](https://indike.org/pramana/in.purana.padma.6.62.40) tataḥsvabaṃdhubhiḥsārddhaṃnārāyaṇaparāyaṇaḥ kṛtvāpaṃcamahāyajñānsvayaṃbhuṃjītavāgyataḥ ### [6.62.41](https://indike.org/pramana/in.purana.padma.6.62.41) evaṃyaḥprayataḥkuryātpuṇyamekādaśīvratam sayātiviṣṇubhavanaṃpunarāvṛttidurllabham ### [6.62.42](https://indike.org/pramana/in.purana.padma.6.62.42) ityuktvākamalātasmaivaraṃdattvātirodadhe so'piviprodhanībhūtvāpiturgehaṃsamāgataḥ ### [6.62.43](https://indike.org/pramana/in.purana.padma.6.62.43) śrīkṛṣṇauvācaevaṃyaḥkuruterājankamalāvratamuttamam śṛṇuyādvāsareviṣṇoḥsarvapāpaiḥpramucyate ### [6.62.43.p1](https://indike.org/pramana/in.purana.padma.6.62.43.p1) iti śrīpādmemahāpurāṇepaṃcapaṃcāśatsāhasryāṃsaṃhitāyāmuttarakhaṃḍeumāpatināradasaṃvādepuruṣottamamāsasyakṛṣṇākamalānāmaikādaśīnāmadviṣaṣṭimo'dhyāyaḥ ## Linked texts (6) - [Bṛhannāradīyapurāṇa](https://indike.org/pramana/in.purana.upa.vaisnava.brhannaradiya.22.17) — Sanskrit - [Bhagavantabhāskara](https://indike.org/pramana/in.niti.dharma.nibandha.mahanibandha.bhagavantabhaskara.29.p49) — Nīlakaṇṭha Dīkṣita 1625, Sanskrit - [Jayasīṃhakalpadruma](https://indike.org/pramana/in.niti.dharma.nibandha.mahanibandha.jayasimhakalpadruma.8.p41.1) — Ratnākara 1688, Sanskrit - [Kṛtyatattvārṇava](https://indike.org/pramana/in.niti.dharma.kala.mithila_bengal.krtyatattvarnava.3.p81) — Śrīnātha, Sanskrit - [Kālamayūkha](https://indike.org/pramana/in.niti.dharma.kala.bhatta.kalamayukha.13.p47.2) — Nīlakaṇṭha Dīkṣita, Sanskrit - [Tithyarka](https://indike.org/pramana/in.niti.dharma.kala.tithi.tithyarka.5.p1.4) — Divākarabhaṭṭa 1658, Sanskrit --- Source: [https://indike.org/pramana/in.purana.padma.6.62](https://indike.org/pramana/in.purana.padma.6.62) · Pramāṇa