[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Padmapurana](https://indike.org/pramana/in.purana.padma) › 6.69 # Padmapurana 6.69: ekonasaptatitamo'dhyāyaḥ Padmapurāṇa 6.69 - **Language:** Sanskrit ## Contents - [6.69.75](https://indike.org/pramana/in.purana.padma.6.69.75) — 1 part ### ekonasaptatitamo'dhyāyaḥ ### [6.69.1](https://indike.org/pramana/in.purana.padma.6.69.1) nāradauvācaupavāsāsamarthānāṃsadaivāmarasattama ekāyādvādaśīpuṇyātāṃvadasvamamānagha ### [6.69.2](https://indike.org/pramana/in.purana.padma.6.69.2) śivauvācamāsibhādrapadeśukledvādaśīśravaṇānvitā sāvaisarvapradāpuṇyāhyupavāsemahāphalā ### [6.69.3](https://indike.org/pramana/in.purana.padma.6.69.3) saṃgamesaritaḥsnātvādvādaśīṃtāmupoṣitaḥ ayatnātsamavāpnotidvādaśadvādaśīphalam ### [6.69.4](https://indike.org/pramana/in.purana.padma.6.69.4) budhaśravaṇasaṃyuktāyācavaidvādaśībhavet atīvamahatītasyāṃkṛtaṃsarvamathākṣayam ### [6.69.5](https://indike.org/pramana/in.purana.padma.6.69.5) dvādaśīśravaṇopetāyadābhavatinārada saṃgamesaritāṃsnātvālabhedgodānajaṃphalam ### [6.69.6](https://indike.org/pramana/in.purana.padma.6.69.6) jalapūrṇaṃtadākuṃbhaṃsthāpayitvāvicakṣaṇaḥ tasyoparinyasetpātraṃsthāpayitvājanārdanam ### [6.69.7](https://indike.org/pramana/in.purana.padma.6.69.7) tatastasyāgratodeyaṃnaivedyaṃghṛtapācitam sodakāṃścanavānkuṃbhāndadyācchaktyāvicakṣaṇaḥ ### [6.69.8](https://indike.org/pramana/in.purana.padma.6.69.8) evaṃsaṃpūjyagoviṃdaṃjāgaraṃtatrakārayet prabhātevimalesnātvāsaṃpūjyagaruḍadhvajam ### [6.69.9](https://indike.org/pramana/in.purana.padma.6.69.9) puṣpadhūpādinaivedyaiḥphalairvastraiḥsuśobhanaiḥ puṣpāṃjalitatodadyānmaṃtramenamudīrayet ### [6.69.10](https://indike.org/pramana/in.purana.padma.6.69.10) namonamastegoviṃdabudhaśravaṇasaṃyuta aghaughasaṃkṣayaṃkṛtvāsarvasaukhyapradobhava ### [6.69.11](https://indike.org/pramana/in.purana.padma.6.69.11) annaṃtubrāhmaṇepūtaṃvedavedāṃgapārage purāṇajñeviśeṣeṇavidhivatsaṃpradāpayet ### [6.69.12](https://indike.org/pramana/in.purana.padma.6.69.12) anenavidhinācaivanadyāstīrenarottamaḥ sarvaṃnirvarttayetsamyagekacittarato'pisan ### [6.69.13](https://indike.org/pramana/in.purana.padma.6.69.13) atrāpyudāharaṃtīmamitihāsaṃpurātanam mahatyaraṇyeyadvṛtaṃbhūmidevaśṛṇuṣvatat ### [6.69.14](https://indike.org/pramana/in.purana.padma.6.69.14) yaṃśrutvāmānavolokemahāduḥkhātpramucyate deśodāsarakonāmatasyabhāgecapaścime ### [6.69.15](https://indike.org/pramana/in.purana.padma.6.69.15) tatravidvanmarurdeśaḥsarvasatvabhayaṃkaraḥ sutaptasikatābhūmiryatraduṣṭāmahoragāḥ ### [6.69.16](https://indike.org/pramana/in.purana.padma.6.69.16) alpacchāyādrumākīrṇāmṛtaprāṇisamākulā śamīkhadirapālāśakarīraiḥpīlubhiḥsaha ### [6.69.17](https://indike.org/pramana/in.purana.padma.6.69.17) tatrabhīmādrumagaṇāḥkaṃṭakairacitādṛḍhaiḥ jagdhaprāṇajanākīrṇāyatrabhūrdṛśyatekvacit ### [6.69.18](https://indike.org/pramana/in.purana.padma.6.69.18) tathāpijīvājīvaṃtisarvekarmanibaṃdhanāt nodakaṃnodakādhārāvidvestatrabalāhakāḥ ### [6.69.19](https://indike.org/pramana/in.purana.padma.6.69.19) pakṣāṃtaragataiḥkaiścicchiśubhistṛṣitaiḥsamam utkrāṃtajīvinovipradṛśyaṃtenukhagottamāḥ ### [6.69.20](https://indike.org/pramana/in.purana.padma.6.69.20) tasmiṃstathāvidhedeśekaściddaivavaśādvaṇik nijasārthaparibhraṣṭaḥpraviṣṭomarujāṃgale ### [6.69.21](https://indike.org/pramana/in.purana.padma.6.69.21) babhrāmodbhrāṃtahṛdayaḥkṣuttṛṭbhyāṃśramapīḍitaḥ kvagrāmaḥkvajalaṃkvāhaṃyāsyāminabubodhaha ### [6.69.22](https://indike.org/pramana/in.purana.padma.6.69.22) athapretāndadarśāsaukṣuttṛṣāvyākuleṃdriyān utkaṭānkhalinobhīmānnirmāṃsānraudradarśanān ### [6.69.23](https://indike.org/pramana/in.purana.padma.6.69.23) pretaskaṃdhasamārūḍhamekaṃvikṛtadarśanam dadarśabahubhiḥpretaiḥsamaṃtātparivāritam ### [6.69.24](https://indike.org/pramana/in.purana.padma.6.69.24) agacchamānamatyugraṃpretaśabdapuraḥsaram preto'pidṛṣṭvātāṃghorāmaṭavīmāgataṃnaram ### [6.69.25](https://indike.org/pramana/in.purana.padma.6.69.25) pretaskaṃdhānmahīṃgatvātasyāṃtikamupāgamat praṇipatyavaṇikśreṣṭhamidaṃvacanamabravīt ### [6.69.26](https://indike.org/pramana/in.purana.padma.6.69.26) asminghorataredeśepraveśobhavataḥkatham tamuvācavaṇikdhīmānsārthabhraṣṭasyamevane ### [6.69.27](https://indike.org/pramana/in.purana.padma.6.69.27) praveśodaivayogenapūrvakarmakṛtenaca tṛṣāmebādhate'tyarthaṃkṣudhācaivabhṛśaṃtathā ### [6.69.28](https://indike.org/pramana/in.purana.padma.6.69.28) prāṇāṃtikamanuprāptaṃvacanaṃbhramatīvame atropāyaṃnapaśyāmijīveyaṃyenakenacit ### [6.69.29](https://indike.org/pramana/in.purana.padma.6.69.29) ityevamuktepretastaṃvaṇijaṃvākyamabravīt phullāṃśamīṃsamāśrityapratīkṣatvaṃmuhūrttakam ### [6.69.30](https://indike.org/pramana/in.purana.padma.6.69.30) kṛtātithyomayāpaścādgamiṣyasiyathāsukham evamuktastathācakresavaṇiktṛṣṇayārditaḥ ### [6.69.31](https://indike.org/pramana/in.purana.padma.6.69.31) madhyāhnasamayeprāptepretastaṃdeśamāgataḥ phullāṃsavṛkṣāṃśītodāṃvāridhānīṃmanoramām ### [6.69.32](https://indike.org/pramana/in.purana.padma.6.69.32) dadhyodanasamāyuktāṃvarddhamānenasaṃyutām avatīryatataḥsvannaṃprādādatithayetadā ### [6.69.33](https://indike.org/pramana/in.purana.padma.6.69.33) satatrāśanamātreṇaparaṃtṛptitvamāgataḥ vitṛṣṇovijvaraścaivakṣaṇenasamapadyata ### [6.69.34](https://indike.org/pramana/in.purana.padma.6.69.34) tataścapretāḥsaṃprāptāḥso'smādbhāgaṃkramāddadau dadhyodanātsapānīyātpretāstṛptiṃparāṃgatāḥ ### [6.69.35](https://indike.org/pramana/in.purana.padma.6.69.35) atithiṃtarpayitvātupretalokaṃcasarvataḥ tataḥsvayaṃsabubhujebhuktaśeṣaṃyathāsukham ### [6.69.36](https://indike.org/pramana/in.purana.padma.6.69.36) tasyabhuktavataḥsvannaṃpānīyaṃcakṣayaṃyayau pretādhipaṃtatastaṃvaivaṇigvacanamabravīt ### [6.69.37](https://indike.org/pramana/in.purana.padma.6.69.37) āścaryametatparamaṃvane'sminpratibhātime annaṃpānaṃcaparamaṃsaṃprāptaṃcakutastava ### [6.69.38](https://indike.org/pramana/in.purana.padma.6.69.38) svalpenaivatathānnenatvametāṃstubahūnapi atarpayaḥkathaṃtvetenirmāṃsābhinnakukṣayaḥ ### [6.69.39](https://indike.org/pramana/in.purana.padma.6.69.39) kathamasyāṃsughorāyāmaṭavyāṃcakṛtālayāḥ tadetatsaṃśayaṃchiṃdhiparaṃkautūhalaṃmama ### [6.69.40](https://indike.org/pramana/in.purana.padma.6.69.40) evamuktaḥsavaṇijāpretovacanamabravīt vāṇijyasaktasyapurājanmātītemamānagha ### [6.69.41](https://indike.org/pramana/in.purana.padma.6.69.41) sakalenagarenāstimamānyohidurātmakaḥ dhanalobhānnakasyāpidattābhikṣāmayātadā ### [6.69.42](https://indike.org/pramana/in.purana.padma.6.69.42) sakhācaivatataścāsīdbrāhmaṇoguṇavānmama śrāvaṇadvādaśīyogemāsibhādrapadetataḥ ### [6.69.43](https://indike.org/pramana/in.purana.padma.6.69.43) sakadācinmayāsārddhaṃtāpīṃnāmanadīṃyayau tasyāścasaṃgamaḥpuṇyoyatrāsīccaṃdrabhāgayā ### [6.69.44](https://indike.org/pramana/in.purana.padma.6.69.44) caṃdrabhāgācaṃdrasutātāpīcaivārkanaṃdinī tayoḥśītoṣṇasalilepraviveśasahadvijaḥ ### [6.69.45](https://indike.org/pramana/in.purana.padma.6.69.45) śravaṇadvādaśīyogenarāścasamupoṣitāḥ caṃdrabhāgāsutoyenavāridhānīṃdadurdvije ### [6.69.46](https://indike.org/pramana/in.purana.padma.6.69.46) dadhyodanayutāṃsārddhaṃsaṃpūrṇairvarddhamānakaiḥ chatropānadyugaṃvastraṃpratimāṃcatathāhareḥ ### [6.69.47](https://indike.org/pramana/in.purana.padma.6.69.47) pradadauvipramukhyebhyoharasyāgremahāmate vittasaṃrakṣaṇārthāyatasyāstīrevratemayā ### [6.69.48](https://indike.org/pramana/in.purana.padma.6.69.48) sopavāsenadattaikāvāridhānīmanoramā tatkṛtvāhaṃgṛhaṃprāptaḥtataḥkālenakenacit ### [6.69.49](https://indike.org/pramana/in.purana.padma.6.69.49) paṃcattvamahamāsādyanāstikyātpretatāṃgataḥ asyāmaṭavyāṃghorāyāṃyathāhyahikulaṃtathā ### [6.69.50](https://indike.org/pramana/in.purana.padma.6.69.50) śravaṇadvādaśīyogevāridhānyarpitāmayā seyaṃmadhyāhnasamayelabhyatecadinedine ### [6.69.51](https://indike.org/pramana/in.purana.padma.6.69.51) brahmasvarūpiṇaḥsarvepāpāḥpretatvamāgatāḥ paradāragatāḥkecitsvāmidroharatāścaye ### [6.69.52](https://indike.org/pramana/in.purana.padma.6.69.52) bhūtapretajarūpeṇatejātāhyatramānavāḥ deśemarusthaletvasminmamaitemitratāṃgatāḥ ### [6.69.53](https://indike.org/pramana/in.purana.padma.6.69.53) akṣayobhagavānviṣṇuḥparamātmāsanātanaḥ dīyateyatsamuddiśyahyakṣayaṃtatprakīrtanam ### [6.69.54](https://indike.org/pramana/in.purana.padma.6.69.54) akṣayenāpicānnenatṛptāetepunaḥpunaḥ pretatvabhāvaṃdaurbalyaṃnavimuṃcatikarhicit ### [6.69.55](https://indike.org/pramana/in.purana.padma.6.69.55) pūjayitvāhamannaistvāmatithiṃsamupasthitam pretabhāvādvinirmuktoyāsyāmiparamāṃgatim ### [6.69.56](https://indike.org/pramana/in.purana.padma.6.69.56) mayāvihīnāḥkiṃtvetevane'sminbhṛśadāruṇe pīḍāmanubhaviṣyaṃtidāruṇāṃkarmayonijām ### [6.69.57](https://indike.org/pramana/in.purana.padma.6.69.57) eteṣāṃtumahābhāgamamānugrahakāmyayā pratyekaṃnāmagotrāṇigṛhṇīṣvalikhitānica ### [6.69.58](https://indike.org/pramana/in.purana.padma.6.69.58) astikakṣāgatācaivatavasaṃpuṭikāśubhā himavaṃtamathāsādyatatratvaṃlapsyasenidhim ### [6.69.59](https://indike.org/pramana/in.purana.padma.6.69.59) gayāśīrṣaṃtatogatvāśrāddhaṃkurumahāmate ityājñāpyasavaipretovaṇijaṃcayathāsukham ### [6.69.60](https://indike.org/pramana/in.purana.padma.6.69.60) visarjayāmāsatadāsavaiprāyātsamutsukaḥ samāsādyagṛhaṃtatrapaścātprāyāddhimālayam ### [6.69.61](https://indike.org/pramana/in.purana.padma.6.69.61) tatodṛṣṭaṃnidhiṃtatragṛhītvāsasamāgataḥ ṣaṣṭhāṃśaṃpratigṛhyāthagayāśīrṣaṃtato'bhyagāt ### [6.69.62](https://indike.org/pramana/in.purana.padma.6.69.62) tatragatvāgayāyāṃsaśrāddhaṃkṛtvāmahāmatiḥ pretānāṃtuyathoddiṣṭaṃśrāddhaṃsamyagvidhānataḥ ### [6.69.63](https://indike.org/pramana/in.purana.padma.6.69.63) pratyekaṃnāmagotrāṇigṛhītvāpiṃḍamutsṛjat yasyayasyabhavecchrāddhaṃsakarotidinevaṇik ### [6.69.64](https://indike.org/pramana/in.purana.padma.6.69.64) sasatasyatadāsvapnedarśayatyātmanastanum bravīticamahābhāgaprasādādbhavato'nagha ### [6.69.65](https://indike.org/pramana/in.purana.padma.6.69.65) pretabhāvaṃmayātyaktaṃprāpto'smiparamāṃgatim evaṃkṛtvāvidhānenagayāśīrṣaṃmahāmanāḥ ### [6.69.66](https://indike.org/pramana/in.purana.padma.6.69.66) paścājjagāmasvagṛhaṃviṣṇuṃdhyāyanpunaḥpunaḥ māsibhādrapadeprāpteśuklapakṣetathāsudhīḥ ### [6.69.67](https://indike.org/pramana/in.purana.padma.6.69.67) śravaṇadvādaśīyogesaṃgamesaritāṃpunaḥ jagāmasamahābuddhiḥsarvopaskarasaṃyutaḥ ### [6.69.68](https://indike.org/pramana/in.purana.padma.6.69.68) saṃgamesaritāṃsnātvādvādaśīṃtāmupoṣitaḥ tatrasnātvāpidattvātupūjayitvājanārdanam ### [6.69.69](https://indike.org/pramana/in.purana.padma.6.69.69) anaṃtaraṃbrāhmaṇasyahyupahārāṃstadādadau śāstroktenāpividhināhyekacittarato'pisaḥ ### [6.69.70](https://indike.org/pramana/in.purana.padma.6.69.70) nivarttayāmāsatadāvaṇijobuddhimānsavai varṣevarṣetusaṃprāptemāsibhādrapadetathā ### [6.69.71](https://indike.org/pramana/in.purana.padma.6.69.71) śravaṇadvādaśīyogesaṃgamesaritāṃpunaḥ evaṃvaikṛtavānsarvaṃviṣṇumuddiśyasatvaram ### [6.69.72](https://indike.org/pramana/in.purana.padma.6.69.72) kālenacātimahatāpaṃcatvaṃsamupāgataḥ avāpaparamaṃsthānaṃdurlabhaṃsarvamānavaiḥ ### [6.69.73](https://indike.org/pramana/in.purana.padma.6.69.73) krīḍate'dyāpivaikuṃṭheviṣṇudūtaiḥsasevitaḥ evaṃkurutvaṃbhobrahmanśravaṇadvādaśīvratam ### [6.69.74](https://indike.org/pramana/in.purana.padma.6.69.74) sarvasaubhāgyadaṃcaivaihalokeparatraca subuddhijananaṃcaivasarvapāpaharaṃparam ### [6.69.75](https://indike.org/pramana/in.purana.padma.6.69.75) śravaṇadvādaśīyogeyaḥkuryādbratamīdṛśam vratasyāsyaprabhāvenaviṣṇulokaṃcagacchati ### [6.69.75.p1](https://indike.org/pramana/in.purana.padma.6.69.75.p1) iti śrīpādmemahāpurāṇepaṃcapaṃcāśatsāhasryāṃsaṃhitāyāmuttarakhaṃḍeumā patināradasaṃvādeśraṇadvādaśīvratanāmaikonasaptatitamo'dhyāyaḥ ## Linked texts (6) - [Vratakhaṇḍa](https://indike.org/pramana/in.niti.dharma.vrata.vratakhanda.114.p2.2) — Hemādri, Sanskrit - [Saṃvatsaradīdhiti](https://indike.org/pramana/in.niti.dharma.kala.varsakrtya.samvatsaradidhiti.3.16.p1.51) — Anantadeva 1650, Sanskrit - [Kālaviveka](https://indike.org/pramana/in.niti.dharma.nibandha.kalaviveka.77.1.3) — Jīmūtavāhana, Sanskrit - [Kṛtyatattvārṇava](https://indike.org/pramana/in.niti.dharma.kala.mithila_bengal.krtyatattvarnava.3.p297) — Śrīnātha, Sanskrit - [Kāladīpa](https://indike.org/pramana/in.niti.dharma.kala.utkala.kaladipa.p166) — Divyasiṃha Mahāpātra 1640, Sanskrit - [Smṛtitattva](https://indike.org/pramana/in.niti.dharma.nibandha.mahanibandha.smrtitattva.1.p2.24) — Raghunandana Bhaṭṭācārya 1520, Sanskrit --- Source: [https://indike.org/pramana/in.purana.padma.6.69](https://indike.org/pramana/in.purana.padma.6.69) · Pramāṇa