[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Padmapurana](https://indike.org/pramana/in.purana.padma) › 6.80 # Padmapurana 6.80: aśītitamo'dhyāyaḥ Padmapurāṇa 6.80 - **Language:** Sanskrit ## Contents - [6.80.169](https://indike.org/pramana/in.purana.padma.6.80.169) — 1 part ### aśītitamo'dhyāyaḥ ### [6.80.1](https://indike.org/pramana/in.purana.padma.6.80.1) śrīpārvatyuvācaahoviṣṇoścamāhātmyaṃvadaviśveśvaraprabhoḥ yanmāhātmyaṃpunaḥśrutvānabhavejāyatekvacit ### [6.80.2](https://indike.org/pramana/in.purana.padma.6.80.2) mahādevauvācaśṛṇusundarivakṣyāmiviṣṇormāhātmyamuttamam śrutvātulabhatepuṇyaṃhyaṃtemokṣamavāpnuyāt ### [6.80.3](https://indike.org/pramana/in.purana.padma.6.80.3) devavrataṃmahāprājñaṃdhyānayogaparāyaṇam āśrayaṃsarvaśāstrāṇāṃyateṃdriyamakalmaṣam ### [6.80.4](https://indike.org/pramana/in.purana.padma.6.80.4) apradhṛṣyaṃmahābhāgaṃdevairapisavāsavaiḥ satyasaṃdhaṃjitakrodhaṃsamatvepariniṣṭhitam ### [6.80.5](https://indike.org/pramana/in.purana.padma.6.80.5) nārāyaṇejagannātheśaraṇyebhaktavatsale parāṃniṣṭhāmanuprāptaṃvāṅmanaḥkāyakarmabhiḥ ### [6.80.6](https://indike.org/pramana/in.purana.padma.6.80.6) guṇanāmāśrayaṃśāṃtaṃbhīṣmaṃkurupitāmaham praṇamyaśirasābhūmaupapracchedaṃyudhiṣṭhiraḥ ### [6.80.7](https://indike.org/pramana/in.purana.padma.6.80.7) yudhiṣṭhirauvācakecidāhuḥparaṃdharmaṃkecidāhuḥparaṃdhanam keciddānaṃpraśaṃsaṃtisamudāyaṃtathāpare ### [6.80.8](https://indike.org/pramana/in.purana.padma.6.80.8) sāṃkhyaṃkecitpraśaṃsaṃtiyogamanyetathāparam kecijjñānaṃpraśaṃsaṃtikecidāhuḥparaṃśrutam samyakdhyānaṃparaṃkecitkecidvairāgyamuttamam ### [6.80.9](https://indike.org/pramana/in.purana.padma.6.80.9) agniṣṭomādikaṃkarmatathākecitparaṃviduḥ ātmajñānaṃparaṃkecitsamaloṣṭāśmakāṃcanāḥ ### [6.80.10](https://indike.org/pramana/in.purana.padma.6.80.10) yamāṃścaniyamāṃścaivakecidvairāgyamuttamam kāruṇyaṃcaparekecidahiṃsāṃcatapasvinaḥ ### [6.80.11](https://indike.org/pramana/in.purana.padma.6.80.11) śaucaṃkecitparraṃpāhuḥkeciddevārcanaṃnarāḥ vyāmohaṃcātragacchaṃtivyāmugdhāḥpāpakarmabhiḥ ### [6.80.12](https://indike.org/pramana/in.purana.padma.6.80.12) yadeteṣuparaṃkṛtyamanuṣṭheyaṃmahātmabhiḥ vaktumarhasidharmajñasarvaśāstrabhṛtāṃvara ### [6.80.13](https://indike.org/pramana/in.purana.padma.6.80.13) mahādevauvācabhūrlokeyākathājātābhaiṣmīyaudhiṣṭhirīsati tāmahaṃsaṃpravakṣyāmilokānāṃcahitāyavai etānpraśnāṃstadāśrutvāprāhabhīṣmoyudhiṣṭhiram ### [6.80.14](https://indike.org/pramana/in.purana.padma.6.80.14) bhīṣmauvācaśrūyatāmidamatyaṃtaṃgūḍhaṃsaṃsāramocanam śrotavyaṃyattvayāsamyagjnātavyaṃdharmanaṃdana ### [6.80.15](https://indike.org/pramana/in.purana.padma.6.80.15) atraivodāharaṃtīmaṃpuṇyaṃcaivapurātanam puṃḍarīkasyasaṃvādaṃmaharṣernāradasyaca ### [6.80.16](https://indike.org/pramana/in.purana.padma.6.80.16) brāhmaṇaḥśrutisaṃpannaḥpuṃḍarīkomahāmatiḥ āśrameprathametiṣṭhangurūṇāṃvaśagaḥsadā ### [6.80.17](https://indike.org/pramana/in.purana.padma.6.80.17) jiteṃdriyojitakrodhaḥsaṃdhyopāsanatatparaḥ vedavedāṃganipuṇaḥśāstreṣucavicakṣaṇaḥ ### [6.80.18](https://indike.org/pramana/in.purana.padma.6.80.18) samidbhiḥsādhuhavyenasāyaṃprātarhutānalaḥ dhyātvājagatpatiṃviṣṇuṃsamyagārādhayadvibhum ### [6.80.19](https://indike.org/pramana/in.purana.padma.6.80.19) tapaḥsvādhyāyanirataḥsākṣādbrahmasutoyathā udakeṃdhanapuṣpādyairasakṛtpūjayangurum ### [6.80.20](https://indike.org/pramana/in.purana.padma.6.80.20) mātāpitroścaśuśrūṣurbhikṣāhārīvimatsaraḥ brahmavidyāmadhīyānaḥprāṇāyāmaparāyaṇaḥ ### [6.80.21](https://indike.org/pramana/in.purana.padma.6.80.21) tasyasarvātmabhūtasyasaṃsārenispṛhasyaca mahātmanobuddhirāsītsaṃsārārṇavatāriṇī ### [6.80.22](https://indike.org/pramana/in.purana.padma.6.80.22) mātaraṃpitaraṃcaivabhātṝnathasuhṛjjanān mitrāṇimātulāṃścaivasakhīnsaṃbaṃdhibāṃdhavān ### [6.80.23](https://indike.org/pramana/in.purana.padma.6.80.23) dhanadhānyasamṛddhaṃcagrahaṃvāśakrasaṃnibham kṣetrāṇisumahārhāṇisarvasasyodbhavānica ### [6.80.24](https://indike.org/pramana/in.purana.padma.6.80.24) parityajyamahāsatvastṛṇānīvamahāsukhī vicacāramahīṃramyāṃśākamūlaphalāśanaḥ ### [6.80.25](https://indike.org/pramana/in.purana.padma.6.80.25) gaṃgāṃcayamunāṃcaivagomatīmathagaṃḍikām śatadruṃcapayoṣṇīṃcasarayūṃcasarasvatīm ### [6.80.26](https://indike.org/pramana/in.purana.padma.6.80.26) prayāgaṃnarmadāṃcaivaśoṇaṃcaivamahānadam prabhāsaṃviṃdhyatīrthānihimavatprabhavānica ### [6.80.27](https://indike.org/pramana/in.purana.padma.6.80.27) āśrameṣucayānisyurnaimiṣepuṣkarādiṣu kurukṣetrecayānisyustathāgovarddhanādiṣu ### [6.80.28](https://indike.org/pramana/in.purana.padma.6.80.28) anyānisumahātejāstīrthānisusamāhitaḥ vicacāramahāyogīyathākāleyathāvidhi ### [6.80.29](https://indike.org/pramana/in.purana.padma.6.80.29) kadācidātmavāndhīraḥśālagrāmaṃtapodhanaḥ puṃḍarīkomahābhāgaḥpūrvakarmavaśānugaḥ ### [6.80.30](https://indike.org/pramana/in.purana.padma.6.80.30) saṃsevyamānaṃmunibhistatvavidbhistapodhanaiḥ munīnāmāspadaṃramyaṃpurāṇeṣvapiviśrutam ### [6.80.31](https://indike.org/pramana/in.purana.padma.6.80.31) bhūṣitaṃcaivacakrādyaiścakrāṃkitaśilātalam ramyaṃviviktavistīrṇaṃsadāviṣṇuprasādakam ### [6.80.32](https://indike.org/pramana/in.purana.padma.6.80.32) kiṃcacakrāṃkitāstatraprāṇinaḥpuṇyadarśanāḥ viciraṃtiyathākāmaṃpūṇya tīrthapradarśinaḥ ### [6.80.33](https://indike.org/pramana/in.purana.padma.6.80.33) tasminkṣetremahāpuṇyeśāligrāmemahāmatiḥ snātvādevahdetīrthesarasvatyāṃcasuvrataḥ ### [6.80.34](https://indike.org/pramana/in.purana.padma.6.80.34) jātismaryāṃcakrakuṃḍecakranadyāśriteṣu ca tathānyānyapitīrthānitasminnevacacārasaḥ ### [6.80.35](https://indike.org/pramana/in.purana.padma.6.80.35) tataḥkṣetraprabhāvenatīrthānāṃcaivatejasā manaḥprasādamabhajattasminnevamahāmanāḥ ### [6.80.36](https://indike.org/pramana/in.purana.padma.6.80.36) so'pitīrthaviśuddhātmāpuṃḍarīkastapodhanaḥ tatraivavasatiṃcakredhyānayogaparāyaṇaḥ ### [6.80.37](https://indike.org/pramana/in.purana.padma.6.80.37) tatraivasiddhimākāṃkṣannārādhyagaruḍadhvajam śāstroktenavidhānenabhaktyāparamayāpunaḥ ### [6.80.38](https://indike.org/pramana/in.purana.padma.6.80.38) uvāsaciramekākīnirdvaṃdvaḥsajiteṃdriyaḥ śākamūlaphalāhāraḥsaṃtuṣṭaḥsamadarśanaḥ ### [6.80.39](https://indike.org/pramana/in.purana.padma.6.80.39) yamaiścaniyamaiścaivatathaivāsanabaṃdhanaiḥ prāṇāyāmaiścatīrthaiścapratyāhāraiścasaṃtataiḥ ### [6.80.40](https://indike.org/pramana/in.purana.padma.6.80.40) dhāraṇābhistathādhyānaiḥsamādhibhirataṃdritaḥ yogābhyāsaṃsadāsamyakcakrevigatakilbiṣaḥ ### [6.80.41](https://indike.org/pramana/in.purana.padma.6.80.41) vaidikaiścāṃgikaiścaivatathāpaurāṇikairapi ārādhayatisarveśaṃtataḥśuddhimavāpasaḥ ### [6.80.42](https://indike.org/pramana/in.purana.padma.6.80.42) rāgadveṣavinirmuktaḥsvadharmaivarūpavān ārādhayāmāsadevaṃtadgatenāṃtarātmanā ### [6.80.43](https://indike.org/pramana/in.purana.padma.6.80.43) tutoṣabhagavānviṣṇuḥpuṃḍarīkāyatekṣaṇaḥ bhagavānnāradamitiprasanno'smyasyadhīmataḥ ### [6.80.44](https://indike.org/pramana/in.purana.padma.6.80.44) tataḥkadācittaṃdeśaṃnāradaḥparamārthavit jagāmasumahātejāḥsākṣādādityasannibhaḥ ### [6.80.45](https://indike.org/pramana/in.purana.padma.6.80.45) taṃdraṣṭukāmobhagavānpuṃḍarīkaṃtaponidhim viṣṇubhaktiparītātmāvaiṣṇavānāṃhiterataḥ ### [6.80.46](https://indike.org/pramana/in.purana.padma.6.80.46) sadṛṣṭvānāradaṃprāptaṃtejomaṃḍalamaṃḍitam mahāmatirmahodāraḥsarvavedaikabhājanam ### [6.80.47](https://indike.org/pramana/in.purana.padma.6.80.47) prāṃjalipraṇatobhūtvāprahṛṣṭenāṃtarātmanā arghaṃdattvāvidhānenapraṇāmamakarotpunaḥ ### [6.80.48](https://indike.org/pramana/in.purana.padma.6.80.48) ko'yamatyadbhutākārastejasvīhṛdyaveṣadhṛk ātodyahastaḥsumukhojayamaṃḍalamaṃḍitaḥ ### [6.80.49](https://indike.org/pramana/in.purana.padma.6.80.49) vivasvānathavāvahniriṃdrovaruṇaevavā itisaṃciṃtayansthitvājagādaparamadyutim ### [6.80.50](https://indike.org/pramana/in.purana.padma.6.80.50) puṃḍarīkauvācakobhavānihasaṃprāptaḥkutovāparamadyutiḥ tvaddarśanaṃhibhagavanprāyeṇabhuvidurlabham ### [6.80.51](https://indike.org/pramana/in.purana.padma.6.80.51) naivadṛṣṭaḥpumānvāpimayātavasamaḥprabho vaktumarhasyaśeṣeṇayatpradiṣṭaṃmayānagha ### [6.80.52](https://indike.org/pramana/in.purana.padma.6.80.52) nāradauvācanārado'hamanuprāptastvaddarśanakutūhalāt prabhāvaṃbhagavadbhaktaṃtvādṛśaṃsatataṃdvija ### [6.80.53](https://indike.org/pramana/in.purana.padma.6.80.53) smṛtaḥsaṃtoṣitovāpipūjitovādvijottamaḥ punātibhagavadbhaktaścāṃḍālo'piyadṛcchayā ### [6.80.54](https://indike.org/pramana/in.purana.padma.6.80.54) dāso'havāsudevasyadevadevasyaśārṅgiṇaḥ śaṃkhacakragadāpāṇestrailokyasyaikacakṣuṣaḥ ### [6.80.55](https://indike.org/pramana/in.purana.padma.6.80.55) ityuktonāradenāsaubhaktiparyākulātmanā provācamadhuraṃvipraṃtaddarśanasuvismitaḥ ### [6.80.56](https://indike.org/pramana/in.purana.padma.6.80.56) puṃḍarīkauvācadhanyo'hadehināṃmadhyesupūjyo'hasurairapi kṛtārthāḥpitarome'dyasaṃprāptaṃjanmanaḥphalam ### [6.80.57](https://indike.org/pramana/in.purana.padma.6.80.57) anugṛhṇīṣvadevarṣetvadbhaktasyaviśeṣataḥ taṃkariṣyāmyahaṃvidvanbhrāmyamāṇaḥsvakarmabhiḥ ### [6.80.58](https://indike.org/pramana/in.purana.padma.6.80.58) kartavyaṃparamaṃguhyaṃupadeṣṭuṃtvamarhasi tvaṃgatiḥsarvabhūtānāṃvaiṣṇavānāṃviśeṣataḥ ### [6.80.59](https://indike.org/pramana/in.purana.padma.6.80.59) nāradauvācaanekānīhaśāstrāṇikarmāṇicatathādvija dharmavargaṃbahuvidhaṃtathaivabhuvimānasam ### [6.80.60](https://indike.org/pramana/in.purana.padma.6.80.60) vailakṣaṇyaṃcajagatastasmādevadvijottama anyathāsarvasatvānāṃsukhaṃvāduḥkhamevaca ### [6.80.61](https://indike.org/pramana/in.purana.padma.6.80.61) vijñānamātraṃkṣaṇikaṃnirātmakamidaṃjagat itikaiścitparijñātaṃbāhyārthanirapekṣakam ### [6.80.62](https://indike.org/pramana/in.purana.padma.6.80.62) avyaktājjāyatenityaṃnityānnityamidaṃjagat ityevaṃprāhuraparetatraivalayametica ### [6.80.63](https://indike.org/pramana/in.purana.padma.6.80.63) ātmanobahavaḥproktānityāḥsarvagatāstathā anyematimatāṃśreṣṭhāstatvālokanatatparāḥ ### [6.80.64](https://indike.org/pramana/in.purana.padma.6.80.64) yāvaccharīramātmānaṃpratipannāstathāpare hastikīṭādidehe'pimahāṃtamaṃḍamevaca ### [6.80.65](https://indike.org/pramana/in.purana.padma.6.80.65) yathā'dyajagatovṛttistathākālāṃtareṣvapi pravāhonityamevaiṣakaḥkartteticakecana ### [6.80.66](https://indike.org/pramana/in.purana.padma.6.80.66) yadyatpratyakṣaviṣayaṃtattadatranavidyate kutaḥsvargādayaḥsaṃtītyanyevijitamānasāḥ ### [6.80.67](https://indike.org/pramana/in.purana.padma.6.80.67) nirīśvaramidaṃprāhuḥseśvaraṃcatathāpare atyaṃtabhinnamatayaḥparamārthaparāṅmukhāḥ ### [6.80.68](https://indike.org/pramana/in.purana.padma.6.80.68) evaṃmanye'pikuhakāyathāmatiyathāśrutam vadaṃtivividhairbhedaiḥsvayuktisthitikārakāḥ ### [6.80.69](https://indike.org/pramana/in.purana.padma.6.80.69) tarkeṣvavahitobhūtvākathayāmitapodhana paramārthamimaṃpuṇyaṃghoraṃsaṃsāranāśanam ### [6.80.70](https://indike.org/pramana/in.purana.padma.6.80.70) tanmūlamanujānaṃtitatodevādayonarāḥ pramāṇenopalabhyaṃtenapramāṇaṃvimohitaiḥ ### [6.80.71](https://indike.org/pramana/in.purana.padma.6.80.71) anāgatamatītaṃcaviprakṛṣṭamatīvayat nagṛhītaṃyathāśaktyāvarttamānārthaniṣṭhitam ### [6.80.72](https://indike.org/pramana/in.purana.padma.6.80.72) āgamomunibhiḥproktopūrvarūpakramāgataḥ pramāṇaṃsatuvijñeyaḥparamārthaprasādhakaḥ ### [6.80.73](https://indike.org/pramana/in.purana.padma.6.80.73) yadabhyāsabalājjñānaṃrāgadveṣamalāpaham utpadyatedvijaśreṣṭhaso'yamāgamasaṃjñakaḥ ### [6.80.74](https://indike.org/pramana/in.purana.padma.6.80.74) phalaṃkarmacayattatvaṃvijñānaṃdarśanaṃvibhum jātyādikalpanāhīnaṃdvitīyāgamalakṣaṇam ### [6.80.75](https://indike.org/pramana/in.purana.padma.6.80.75) ātmasaṃvedanaṃnityaṃsanātanamatīṃdriyam cinmātramamṛtaṃjñeyamanaṃtamajamavyayam ### [6.80.76](https://indike.org/pramana/in.purana.padma.6.80.76) vyaktāvyaktasvarūpeṇavyaktasthitamanaṃjanam vyāptāviṣṇuritikhyātaṃkhyātabhinnamavasthitam ### [6.80.77](https://indike.org/pramana/in.purana.padma.6.80.77) yogidhyeyamavijñeyaṃparamārthaparāṅmukhaiḥ lakṣyatebuddhibhirbhinnamabhibhinnaṃnacātmani ### [6.80.78](https://indike.org/pramana/in.purana.padma.6.80.78) śṛṇuṣvāvahitastātakathayāmitavānagha yatproktaṃbrahmaṇāpūrvaṃpṛcchatomamasuvrata ### [6.80.79](https://indike.org/pramana/in.purana.padma.6.80.79) kadācidbrahmalokasthaṃbrahmāṇaṃcapitāmaham praṇipatyayathānyāyamapṛcchamajamavyayam ### [6.80.80](https://indike.org/pramana/in.purana.padma.6.80.80) kimujñānaṃparaṃproktaṃkaścayogaḥparomataḥ etanmetattvatobrahmansamācakṣvapitāmaha ### [6.80.81](https://indike.org/pramana/in.purana.padma.6.80.81) brahmovācaśṛṇuṣvāvahitastātajñānayogamanuttamam alpagraṃthaṃprabhūtārthamaduḥkhopāsanakriyam ### [6.80.82](https://indike.org/pramana/in.purana.padma.6.80.82) yaḥparaṃparayāproktaḥpuruṣaḥpaṃcaviṃśakaḥ saevasarvabhūtātmātenaityabhidhīyate ### [6.80.83](https://indike.org/pramana/in.purana.padma.6.80.83) nārāyaṇojagaddhāmaparamātmāsanātanaḥ jagataḥsṛṣṭisaṃhāraparipālanatatparaḥ ### [6.80.84](https://indike.org/pramana/in.purana.padma.6.80.84) trayāṇāmātmanāṃcaikodevadevaḥsanātanaḥ ārādhyaḥsarvadābrahmantepaśyaṃtijagatpatim ### [6.80.85](https://indike.org/pramana/in.purana.padma.6.80.85) yathājagadavasthānaṃyathākālāṃtarepunaḥ bhūtaṃbhavyaṃbhaviṣyaṃcaviprakṛṣṭaṃtathaivaca ### [6.80.86](https://indike.org/pramana/in.purana.padma.6.80.86) sthūlaṃsūkṣmaṃtathācānyatpaśyaṃtijñānacakṣuṣā taccittāstadgataprāṇānārāyaṇaparāyaṇāḥ ### [6.80.87](https://indike.org/pramana/in.purana.padma.6.80.87) anyathāmaṃdabuddhīnāṃpratibhātidurātmanām kutarkajñānaduṣṭānāṃvibhakteṃdriyavādinām ### [6.80.88](https://indike.org/pramana/in.purana.padma.6.80.88) nāradauvācaśrūyatāmanyadapivaikathyamānaṃmayānagha brahmaṇaivapurāproktaṃjagataḥkāraṇātmanā ### [6.80.89](https://indike.org/pramana/in.purana.padma.6.80.89) devānāmiṃdramukhyānāmṛṣīṇāṃcaivasuvrata hitānikathayāmāsapṛcchatāṃkamalāsanaḥ ### [6.80.90](https://indike.org/pramana/in.purana.padma.6.80.90) brahmovācanārāyaṇaparodharmastathālokāścaśāśvatāḥ nārāyaṇaparāyajñāḥśāstrāṇivividhānica ### [6.80.91](https://indike.org/pramana/in.purana.padma.6.80.91) vedāḥsāṃgāstathācānyeviṣṇurviśveśvarohariḥ pṛthivyādīnivibudhāḥpaṃcabhūtāniso'vyayaḥ ### [6.80.92](https://indike.org/pramana/in.purana.padma.6.80.92) sarvaṃviṣṇumayaṃjñeyaṃvibudhaiḥsakalaṃjagat tathāpimānuṣāḥpāpanajānaṃtivimohitāḥ ### [6.80.93](https://indike.org/pramana/in.purana.padma.6.80.93) tasyaivamāyayāvyāptaṃcarācaramidaṃjagat tanmanāstadgataprāṇojānātiparamārthavit ### [6.80.94](https://indike.org/pramana/in.purana.padma.6.80.94) īśvaraḥsarvabhūtānāṃviṣṇustrailokyapālakaḥ tasminnetajjagatsarvaṃtiṣṭhatiprabhavatyapi ### [6.80.95](https://indike.org/pramana/in.purana.padma.6.80.95) jagatsaṃharaterudraḥpālaneviṣṇurucyate utpattaucāhamevātratathānyelokapālakāḥ ### [6.80.96](https://indike.org/pramana/in.purana.padma.6.80.96) sarvādhāronirādhāraḥsakaloniṣkalastathā aṇurmahāṃstathāpyanyattasmāccaparataḥparaḥ ### [6.80.97](https://indike.org/pramana/in.purana.padma.6.80.97) tamevaśaraṇaṃyātasarvasaṃhārakarmagam sapitājanitāsmākaṃkīrtitomadhusūdanaḥ ### [6.80.98](https://indike.org/pramana/in.purana.padma.6.80.98) evamuktāḥsurāḥsarvebrahmaṇāpadmayoninā praṇemuḥsarvalokeśaṃdevaṃviṣṇuṃjanārdanam ### [6.80.99](https://indike.org/pramana/in.purana.padma.6.80.99) tasmāttvamapiviprarṣenārāyaṇaparobhava tadanyaḥkomahodāraḥprārthitaṃdāturmahati ### [6.80.100](https://indike.org/pramana/in.purana.padma.6.80.100) pitaraṃmātaraṃcaivatamevapuruṣottamam parigṛhṇīṣvalokeśaṃdevadevaṃjagatpatim ### [6.80.101](https://indike.org/pramana/in.purana.padma.6.80.101) agnikāryeṇavaitenatapasādhyyanenavai toṣayeddevadeveśaṃguruṃnityamataṃdritaḥ ### [6.80.102](https://indike.org/pramana/in.purana.padma.6.80.102) svargekṣayaṃtathābhogamanuṣṭheyaṃtathaivaca parigṛhṇīṣvaviprarṣetamevapuruṣottamam ### [6.80.103](https://indike.org/pramana/in.purana.padma.6.80.103) kiṃtenamaṃtrairbahubhiḥkiṃtenabahubhirvrataiḥ —namonārāyaṇāyetimaṃtraḥsarvārthasādhakaḥ ### [6.80.104](https://indike.org/pramana/in.purana.padma.6.80.104) cīravāsājaṭīvipradaṃḍīmuṃḍitaevavā vibhūṣitovāvipreṃdranaligaṃdharmakāraṇam ### [6.80.105](https://indike.org/pramana/in.purana.padma.6.80.105) yenṛśaṃsādurātmānaḥpāpācāraparāḥsadā tepiyāṃtiparaṃsthānaṃnārāyaṇaparāyaṇāḥ ### [6.80.106](https://indike.org/pramana/in.purana.padma.6.80.106) lipyaṃtenacapāpaughairvaiṣṇavaṃvītakilbiṣāḥ ### [6.80.107](https://indike.org/pramana/in.purana.padma.6.80.107) punaṃtisakalaṃlokaṃahiṃsājitamānasāḥ ### [6.80.108](https://indike.org/pramana/in.purana.padma.6.80.108) kṣatrabaṃdhuritikhyātorājāprāṇivihiṃsakaḥ prāptavānparamaṃdhāmavaiṣṇavaṃkeśavālayāt ### [6.80.109](https://indike.org/pramana/in.purana.padma.6.80.109) aṃbarīṣomahāsatvorājāparamatatvavit hṛṣīkeśaṃsamārādhyavaiṣṇavaṃpadamāptavān ### [6.80.110](https://indike.org/pramana/in.purana.padma.6.80.110) anyebrahmarṣayaḥśāṃtābahavaḥsaṃśitavratāḥ dhyātvācaparamātmānaṃsaṃsiddhiṃparamāṃgatāḥ ### [6.80.111](https://indike.org/pramana/in.purana.padma.6.80.111) prahrādaḥparamāhrādaḥpurānārāyaṇaṃharim sevito'bhyarcitodhyātastenaivaparirakṣitaḥ ### [6.80.112](https://indike.org/pramana/in.purana.padma.6.80.112) bharatonāmatejasvīrājāparamadhārmikaḥ upāsyainaṃciraṃkālaṃparāṃmuktimavāptavān ### [6.80.113](https://indike.org/pramana/in.purana.padma.6.80.113) brahmacārīgṛhasthovāvānaprastho'thabhikṣukaḥ keśavārādhanaṃhitvānaivayāṃtiparāṃgatim ### [6.80.114](https://indike.org/pramana/in.purana.padma.6.80.114) janmāṃtarasahasreṣuyasyasyānmatirīdṛśī dāso'haviṣṇubhaktānāmitisarvārthasādhakaḥ ### [6.80.115](https://indike.org/pramana/in.purana.padma.6.80.115) sayātiviṣṇusālokyaṃpuruṣonātrasaṃśayaḥ kiṃpunastadgataprāṇāḥpuruṣāḥsaṃśitavratāḥ ### [6.80.116](https://indike.org/pramana/in.purana.padma.6.80.116) ananyamānasairnityaṃdhyātavyastatvaciṃtakaiḥ nārāyaṇojagadvyāpīparamātmāsanātanaḥ ### [6.80.117](https://indike.org/pramana/in.purana.padma.6.80.117) bhīṣmauvācaityevamuktādevarṣistatraivāṃtaradhīyata paropakāraniratonāradaḥparamārthavit ### [6.80.118](https://indike.org/pramana/in.purana.padma.6.80.118) puṃḍarīko'pidharmātmānārāyaṇaparāyaṇaḥ —namonārāyaṇāyetimaṃtramaṣṭākṣaraṃjapan ### [6.80.119](https://indike.org/pramana/in.purana.padma.6.80.119) prasīdamamaviśvātmannitivācaṃvadansadā hṛtpuṃḍarīkegoviṃdaṃpratiṣṭhāpyāmṛtātmakam ### [6.80.120](https://indike.org/pramana/in.purana.padma.6.80.120) tapasvīvimalesaumyeśālagrāmetapodhanaḥ uvāsaciramekākīnirdvaṃdvoniṣparigrahaḥ ### [6.80.121](https://indike.org/pramana/in.purana.padma.6.80.121) svapne'pikeśavānnānyatpaśyatītimahāmatiḥ nidrāpinaivatasyāsītpuruṣārthavirodhinī ### [6.80.122](https://indike.org/pramana/in.purana.padma.6.80.122) tapasābrahmacaryeṇaśaucenacaviśeṣataḥ janmajanmāṃtarārūḍhesaṃskārecayathātathā ### [6.80.123](https://indike.org/pramana/in.purana.padma.6.80.123) prasādāddevadevasyasarvalokasyasākṣiṇaḥ avāpaparamāṃsiddhiṃvaiṣṇavīṃvītakilbiṣaḥ ### [6.80.124](https://indike.org/pramana/in.purana.padma.6.80.124) śaṃkhacakragadāpāṇiṃpītavāsasamacyutam śyāmalaṃpuṃḍarīkākṣaṃsadadarśasadākṛtim ### [6.80.125](https://indike.org/pramana/in.purana.padma.6.80.125) siṃhāvyāghrāstathācānyemṛgāḥprāṇivihiṃsakāḥ virodhaṃsahajaṃhitvāsametāstasyasaṃnidhau ### [6.80.126](https://indike.org/pramana/in.purana.padma.6.80.126) vicaraṃtiyathākāmaṃprasanneṃdriyavṛttayaḥ parasparahitaṃramyaṃsaṃprāptaṃpāṃḍunaṃdana ### [6.80.127](https://indike.org/pramana/in.purana.padma.6.80.127) tathāprasannaṃsalilaṃsarasāṃsaritāmapi ṛtavaḥsuprannāścavimaleṃdriyasaṃyutāḥ ### [6.80.128](https://indike.org/pramana/in.purana.padma.6.80.128) mārutāścasukhasparśāvṛkṣāḥpuṣpaphalānvitāḥ ānukūlyaṃyayuḥsarvepadārthāstasyadhīmataḥ ### [6.80.129](https://indike.org/pramana/in.purana.padma.6.80.129) prasannamabhavattasmaiprasannaṃsacarācaram prasannedevadeveśegoviṃdebhaktavatsale ### [6.80.130](https://indike.org/pramana/in.purana.padma.6.80.130) tataḥkadācidbhagavānpuṃḍarīkasyadhīmataḥ āvirāsījjagannāthaḥpuṃḍarīkāyatekṣaṇaḥ ### [6.80.131](https://indike.org/pramana/in.purana.padma.6.80.131) śaṃkhacakragadāpāṇiḥpītavāsāḥsamujjvalaḥ puṃḍarīkaviśālākṣaścaṃdrabiṃbanibhānanaḥ ### [6.80.132](https://indike.org/pramana/in.purana.padma.6.80.132) kiṃkiṇīkuṃḍalīhārīkeyūrīkaṭisūtravān śrīvatsāṃkaḥpītavāsāḥkaustubhenavibhūṣitaḥ ### [6.80.133](https://indike.org/pramana/in.purana.padma.6.80.133) vanamālāparītāṃgaḥsphuranmukuṭakuṃḍalaḥ sphuratābrahmasūtreṇamuktādāmavilaṃbinā ### [6.80.134](https://indike.org/pramana/in.purana.padma.6.80.134) virājamānodeveśaścāmaravyajanādibhiḥ devaiḥsiddhaiḥsadeveṃdrairgaṃdharvairmunibhirvaraiḥ ### [6.80.135](https://indike.org/pramana/in.purana.padma.6.80.135) yakṣairnāgavaraiścaivasevyamāno'psarogaṇaiḥ taṃdṛṣṭvādevadeveśaṃpuṃḍarīko'naghaḥsvayam ### [6.80.136](https://indike.org/pramana/in.purana.padma.6.80.136) tatobuddhyāmahātmānaṃtuṣṭāvacajanārdanam prāṃjalipraṇatobhūtvāprahṛṣṭenāṃtarātmanā ### [6.80.137](https://indike.org/pramana/in.purana.padma.6.80.137) puṃḍarīkauvācanamo'stuviṣṇavetubhyaṃsarvalokaikacakṣuṣe niraṃjanāyanityāyanirguṇāyamahātmane ### [6.80.138](https://indike.org/pramana/in.purana.padma.6.80.138) tvamīśaḥsarvabhūtānāṃtathaivacanirīśvaraḥ tathābhayārtināśāyagoviṃdogaruḍadhvajaḥ ### [6.80.139](https://indike.org/pramana/in.purana.padma.6.80.139) anugraheṇabhūtānāṃanekākāradhāriṇe tvayisarvamidaṃprāhustvanmayaṃcaivakevalam ### [6.80.140](https://indike.org/pramana/in.purana.padma.6.80.140) tvamasmājjagatobhinnonirmitaṃcajagattvayā namostunābhiprasavanalināyanamonamaḥ ### [6.80.141](https://indike.org/pramana/in.purana.padma.6.80.141) namaḥsamastavedāṃtaviśrutātmavibhūtaye tvamevasarvadeveśakāraṇaṃkaiṭabhārdana ### [6.80.142](https://indike.org/pramana/in.purana.padma.6.80.142) prasīdahṛdayāvāsaśaṃkhacakragadādhara namaḥsamastabhūtānāmādibhūtāyabhūbhṛte ### [6.80.143](https://indike.org/pramana/in.purana.padma.6.80.143) anekarūparūpāyaviṣṇaveprabhaviṣṇave yasyabrahmādayodevānavidaṃtisureśvarāḥ ### [6.80.144](https://indike.org/pramana/in.purana.padma.6.80.144) mahimānaṃtapomeyaṃtasmaitubhyaṃnamāmyaham vācāmagocaroyasyamahimātavanāpyate ### [6.80.145](https://indike.org/pramana/in.purana.padma.6.80.145) jātyādibhirasaṃspṛṣṭaḥsadādhyeyo'sitattvataḥ tathāvibhedarūpeṇabhaktānāmanukaṃpayā ### [6.80.146](https://indike.org/pramana/in.purana.padma.6.80.146) matsyakūrmādirūpeṇadṛśyasepuruṣottama bhīṣmauvācapuṃḍarīkojagannāthaṃsaṃstuvanpuruṣottamam ### [6.80.147](https://indike.org/pramana/in.purana.padma.6.80.147) tamevālokayadvīraciraprārthitadarśanam tamāhabhagavānviṣṇuḥpadmanābhastrivikramaḥ ### [6.80.148](https://indike.org/pramana/in.purana.padma.6.80.148) puṃḍarīkaṃmahābhāgaṃtathāgaṃbhīrayāgirā ### [6.80.149](https://indike.org/pramana/in.purana.padma.6.80.149) śrībhagavānuvācaprīto'smivatsabhadraṃtepuṃḍarīkamahāmate varaṃvṛṣṇīṣvadāsyāmiyattemanasivarttate ### [6.80.150](https://indike.org/pramana/in.purana.padma.6.80.150) etacchrutvātuvacanaṃdevadevasyabhāṣitam evaṃvijñāpayāmāsapuṃḍarīkomahāmatiḥ ### [6.80.151](https://indike.org/pramana/in.purana.padma.6.80.151) puṃḍarīkauvācakvāhamatyaṃtadurbuddhiḥkvabhavaṃtohitaiṣiṇaḥ yaddhitaṃmamadeveśatadājñāpayamādhava ### [6.80.152](https://indike.org/pramana/in.purana.padma.6.80.152) evamuktaḥsabhagavānsuprītaścatato'bravīt puṃḍarīkaṃmahābhāgaṃkṛtāṃjalimupasthitam ### [6.80.153](https://indike.org/pramana/in.purana.padma.6.80.153) āgacchakuśalaṃte'stumayaivasahasuvrata upakārīcanityātmāmayātvaṃsarvadāsaha ### [6.80.154](https://indike.org/pramana/in.purana.padma.6.80.154) bhīṣmauvācaevamuktavatiprītyāśrīdharebhaktavatsale dividuṃdubhayoneduḥpuṣpavarṣaṃpapātaha ### [6.80.155](https://indike.org/pramana/in.purana.padma.6.80.155) brahmādayastathādevāḥsādhusādhviticābruvan jaguḥsiddhāścagaṃdharvāḥkinnarāścaviśeṣataḥ ### [6.80.156](https://indike.org/pramana/in.purana.padma.6.80.156) tatraivatamupādāyadevadevojagatpatiḥ jagāmagaruḍārūḍhaḥsarvalokanamaskṛtaḥ ### [6.80.157](https://indike.org/pramana/in.purana.padma.6.80.157) tasmāttvamapirājeṃdraviṣṇubhaktisamanvitaḥ taccittastadgataprāṇastadbhaktānāṃhiterataḥ ### [6.80.158](https://indike.org/pramana/in.purana.padma.6.80.158) arcayitvāyathāyogyaṃbhajasvapuruṣottamam śṛṇuṣvatatkathāṃpuṇyāṃsarvapāpapraṇāśinīm ### [6.80.159](https://indike.org/pramana/in.purana.padma.6.80.159) yenopāyenarājeṃdraviṣṇubhaktisamanvitaḥ prītobhavativiśvātmātatkuruṣvasuvistaram ### [6.80.160](https://indike.org/pramana/in.purana.padma.6.80.160) aśvamedhaśatairiṣṭvāvājapeyaśatairapi prāpnuvaṃtinarānaivanārāyaṇaparāṅmukhāḥ ### [6.80.161](https://indike.org/pramana/in.purana.padma.6.80.161) sakṛduccaritaṃyenaharirityakṣaradvayam baddhaḥparikarastenamokṣāyagamanaṃprati ### [6.80.162](https://indike.org/pramana/in.purana.padma.6.80.162) lābhasteṣāṃjayasteṣāṃkutasteṣāṃparājayaḥ yeṣāmiṃdīvaraśyāmohṛdayasthojanārdanaḥ ### [6.80.163](https://indike.org/pramana/in.purana.padma.6.80.163) yaidaṃśṛṇuyānnityaṃpaṭhedvāpisamāhitaḥ sarvapāpavinirmuktoviṣṇulokaṃsagacchati ### [6.80.164](https://indike.org/pramana/in.purana.padma.6.80.164) īśvarauvācaetadvaināmamāhātmyaṃśrutvāvainaganaṃdini dharmārthakāmamokṣāstubhavaṃticanasaṃśayaḥ ### [6.80.165](https://indike.org/pramana/in.purana.padma.6.80.165) śuklekule'vatīrṇoyobrāhmaṇovedatatparaḥ vaiṣṇavoviṣṇurūpo'saunānyoviprastukarhicit ### [6.80.166](https://indike.org/pramana/in.purana.padma.6.80.166) mukhenāmoccaranviṣṇorhṛdayedhyānatatparaḥ śaṃkhacakradharovidvanmālāṃtulasijāṃdadhat ### [6.80.167](https://indike.org/pramana/in.purana.padma.6.80.167) jīvanmuktaḥsavijñeyobhuktvābhogāṃstvanekaśaḥ ekaviṃśatikulaiḥsārddhaṃviṣṇulokesamodate ### [6.80.168](https://indike.org/pramana/in.purana.padma.6.80.168) puṃḍarīkoyathāśaktyāmuktohyatranasaṃśayaḥ bhaktibhāvenagoviṃdastuṣṭiṃprāpnotiśāśvatīm ### [6.80.169](https://indike.org/pramana/in.purana.padma.6.80.169) kalauvaiharigītaṃtusvagṛhevāviśeṣataḥ sāmagānasamaṃproktaṃdevārcanasamādhiṣu ### [6.80.169.p1](https://indike.org/pramana/in.purana.padma.6.80.169.p1) iti śrīpādmemahāpurāṇepaṃcapaṃcāśatsāhasryāṃsaṃhiyāṃuttarakhaṃḍe umāmaheśvarasaṃvādeviṣṇumahimānāmāśītitamo'dhyāyaḥ ## Linked texts (7) - [Narasiṃhapurāṇa](https://indike.org/pramana/in.purana.upa.vaisnava.narasimha.64.1) — Sanskrit - [Vulgate](https://indike.org/pramana/in.lit.mahabharata.harivamsa*vulgate.3.130.3.130.20) — Sanskrit - [Garuḍapurāṇa](https://indike.org/pramana/in.purana.garuda.1.227.10) — Vyāsa, Sanskrit - [Itihāsasamuccaya](https://indike.org/pramana/in.lit.mahabharata.itihasasamuccaya.31.1) — Sanskrit - [Bṛhaddharmapurāṇa](https://indike.org/pramana/in.purana.upa.sakta.brhaddharma.47.69) — Sanskrit - [Vedāntasiddhāntasaṃgraha](https://indike.org/pramana/in.darsana.dvaitadvaita.vedantasiddhantasamgraha.13.1-2) — Vanamālī Miśra 1660, Sanskrit - [Gorakṣasiddhāntasaṃgraha](https://indike.org/pramana/in.sampradaya.saiva.trika.natha.goraksasiddhantasamgraha.9.63.p7) — Sanskrit --- Source: [https://indike.org/pramana/in.purana.padma.6.80](https://indike.org/pramana/in.purana.padma.6.80) · Pramāṇa