Prakriyapada 17
Prakriyāpāda 17
- Language
- Sanskrit
Contents
- 17.7 — 1 part
17.1
paramāśramaprāptikathanaṃ
vāyuruvāca | āśramatrayamutsṛjya prāptastu paramāśramaṃ
ataḥ saṃvatsarasyānte prāpya jñānamanuttamaṃ
17.2
anujñāpya guruñcaiva vicaret pṛthivīmimāṃ
sārabhūtamupāsīta jñānaṃ yajjñeyasādhakaṃ
17.3
idaṃ jñānamidaṃ jñeyamiti yastuṣitaścaret
api kalpasahasrāyurnaiva jñeyamavāpnuyāt
17.4
tyaktasaṅgo jitakrodho laghvāhāro jitendriyaḥ
pidhāya buddhyā dvārāṇi dhyāne hyevaṃ mano dadhet
17.5
śūnyeṣvevāvakāśeṣu guhāsu ca vane tathā
nadīnāṃ puline caiva nityaṃ yuktaḥ sadā bhavet
17.6
vāgdaṇḍaḥ karmadaṇḍaśca manodaṇḍaśca te trayaḥ
yasyaite niyatā daṇḍāḥ sa tridaṇḍī vyavasthitaḥ
17.7
avasthito dhyānaratirjitendriyaḥ
śubhāśubhe hitvā ca karmaṇī ubhe
idaṃ śarīraṃ pravimucya śāśvato
na jāyate mriyate vā kadācit
17.7.p1
iti śrīmadbhāpurāṇe vāyuprokte paramāśramaprāptikathanaṃ nāma saptadaśo'dhyāyaḥ
Linked texts (1)
- Vāyupurāṇa — Vyāsa, Sanskrit