Prakriyapada 24: atha caturviṃśo'dhyāyaḥ
Prakriyāpāda 24
- Language
- Sanskrit
Contents
- 24.264 — 1 part
atha caturviṃśo'dhyāyaḥ
24.1
śārbastāvaṃ
vāyuruvāca | catvāri bhārate varṣe yugāni munayo viduḥ
kṛtaṃ tretā dvāparañca tiṣyañceti caturyugaṃ
24.2
etatsrahasraparyyantamaharyyadbrahmaṇaḥ smṛtaṃ
yāmādyāstu gaṇāḥ sapta romavantaścaturddaśa
24.3
saśarīrāḥ prayantesma janalokaṃ sahānugāḥ
evaṃ deveṣvatīteṣu maharlokājjanantapaḥ
24.4
manvantareṣvatīteṣu devāḥ sarvve mahaujasaḥ
tatasteṣu gateṣūrddhaṃ sāyujyaṃ kalpavāsināṃ
24.5
sametya devaistai devāḥ prāpte saṅgālane tadā
maharlokaṃ parityajya gaṇāste vai caturddaśa
24.6
bhūtādiṣvavaśiṣṭeṣu (1) sthāvarānteṣu vai tadā
śūnyeṣu teṣu lokeṣu mahotteṣu bhuvādiṣu
deveṣvatha gateṣūrddhaṃ kalpavāsiṣu vai janaṃ
24.7
tatsaṃhṛtya tato brahmā devarṣigaṇadānavān
saṃsthāpayati vai sarvvān dāhavacyā yugakṣaye
24.8
yo'tītaḥ saptamaḥ kalpo mayā vaḥ parikīrttitaḥ
samudraiḥ saptabhirgāḍhamekībhūtairmahārṇavaiḥ (1)
āsīdekārṇavadvāramavibhāgaṃ tamomayaṃ
24.9
māyayaikārṇave tasmin śaṅkhacakragadādharaḥ
jīmūtābho'mbujākṣaśca kirīṭī śrīpatirhariḥ
24.10
nārāyaṇamukhodgīrṇaḥ so'ṣṭamaḥ puruṣottamaḥ
aṣṭabāhurmahorasko lokānāṃ yonirucyate
kimapyacintyaṃ yuktātmā yogamāsthāya yogavit
24.11
phaṇāsahasrakalitantamapratimavarcasaṃ
mahābhogapaterbhāgamanvāstīryya mahokṣayaṃ
tasminmahati paryyaṅke śete vai kanakaprabho
24.12
evaṃ tatra śayānena viṣṇunā prabhaviṣṇunā
ātmārāmeṇa krīḍārthaṃ sṛṣṭaṃ nābhyāntu paṅkajaṃ
24.13
śatayojanavistīrṇaṃ taruṇādityavarcasaṃ
vajradaṇḍaṃ mahotsedhaṃ līlayā prabhaviṣṇunā
24.14
tasyaivaṃ krīr̤amānasya samīpaṃ devamīḍhuṣaḥ
hemabrahmāṇḍajo brahmā rukmavarṇo hyatīndriyaḥ
caturmukho viśālākṣaḥ samāgamya yadṛcchayā
24.15
śriyā yuktena navyena suprabheṇa sugandhinā
taṃ krīr̤amānaṃ padmena dṛṣṭvā brahmā tu bhejivān
24.16
sa vismayamathāgamya ślakṣṇasaṃpūrṇayā girā
provāca ko bhavān śete āśrito madhyamambhasāṃ
24.17
atha tasyācyutaḥ śrutvā brahmaṇastu śubhaṃ vacaḥ
udatiṣṭhata paryyaṅkādvismayotphullalocanaḥ
24.18
pratyuvācottarañcaiva kriyate yacca kiñcana
dyaurantarikṣaṃ bhūtañca paraṃ padamahaṃ prabhuḥ
24.16-2
tamevamuktā bhagavān viṣṇuḥ punarathābravīt
kastvaṃ khalu samāyātaḥ samīpaṃ bhagavān kutaḥ
kutaśca bhūyo gantavyaṃ kutra vā te pratiśrayaḥ
24.20
ko bhavān viśvamūrttistvaṃ karttavyaṃ kiñca te mayā
evaṃ bruvāṇaṃ vaikuṇṭhaṃ pratyuvāca pitāmahaḥ
24.21
yathā bhavāṃstathā cāhamādikarttā prajāpatiḥ
nārāyaṇasamākhyātaḥ sarvvaṃ vai mayi tiṣṭhati
24.22
savismayaṃ paraṃ śrutvā brahmaṇā lokakartṛṇā
so'nujñāto bhagavatā vaikuṇṭho viśvasambhavaḥ
24.23
kautūhalānmahāyogī praviṣṭo brahmaṇo mukhaṃ
imānaṣṭādaśaddīpān sasamudrān saparvvatān
praviśya sa mahātejāścāturvvarṇyasamākulān
brahmādistambaparyyantānsaptalokānsanātanān
24.24
brahmaṇastūdara dṛṣṭvā sarvvān viṣṇurmahāyaśāḥ
aho'sya tapaso vīryyaṃ punaḥ punarabhāṣata
24.25
paryyaṭan vividhān lokān viṣṇurnānāvidhāśramān
tato varṣasahasrānte nāntaṃ hi dṛṣṭaśe tadā
24.26
tadā'sya vaktrānniṣkramya pannagendrāriketanaḥ
ajātaśatrurbhagavān pitāmahamathābravīt
24.27
bhagavan ādi madhyañca anta kāladiśonaṃ ca
nāhamantaṃ prapaśyāmi hyudarasya tavānagha
24.28
evamuktānavīdbhūyaḥ pitāmahamidaṃ hariḥ
bhavānapyevamevādya hyudaraṃ mama śāśvataṃ
praviśya lokānpaśyaitānanaupamyān dvijottama
24.29
manaḥ prahlādanī vāṇīṃ śrutvā tasyābhinandya ca
śropaterudaraṃ bhūyaḥ praviveśa pitāmahaḥ
24.30
tāneva lokān garbhasthaḥ paśyan so'cintyavikramaḥ
paryyaṭitvādidevasya dadarśāntaṃ na vai hareḥ
24.31
jñātvāgamantasya pitāmahasya
dvārāṇi sarvāṇi pidhāya viṣṇuḥ
virbhumbhanaḥ karttu miyeṣa cāśu
sukhaṃ prasupto'smi mahājalaughe
24.32
tato dvārāṇi sarvāṇi pihitānyupalakṣyate
sūkṣmaṃ kṛtvātmano rūpaṃ nābhyāṃ dvāramavindata
24.33
padmasūtrānumārgeṇa hyanugamya pitāmahaḥ
ujjahārātmano rūpaṃ puṣkarāccaturānanaḥ
virarājāravindasthaḥ padmagarbhasamadyutiḥ
24.34
etasminnantaretābhyāṃ ekaikasya tu kārtsnyataḥ
pravarttamāne saṃharṣe madhye tasyārṇavasya tu
24.35
sūta uvāca | tato hyupari meyātmā bhūtānāṃ prabhurīśvaraḥ
śūlapāṇirmahādevo haimacorāmvaracchadaḥ
āgacchad yatra so'nanto nāgabhogapatirhariḥ
24.36
śīghraṃ vikramatestasya padmrāmatyantapīr̤itāḥ
udbhūtāstūrṇamākāśe pṛthulāstoyavindavaḥ
atyuṣṇāścātiśītāśca vāyustatra vavau bhṛśaṃ
24.37
tadṛṣṭvā mahadāścaryyaṃ brahmā viṣṇumabhāṣata
avindavo hi sthūloṣṇāḥ kampate cāmbujaṃ bhṛśaṃ
etaṃ me saṃśayaṃ brūhi kiñcānyat laccikīrṣasi
24.38
etadevaṃvidhaṃ vākyaṃ pitāmahamukhodbhavaṃ
śrutvāpratimakarmāha bhagavānasurāntakṛt
24.39
kinnu khalvatha me nābhyāṃ bhūtamanyatkṛtālayaṃ
vadati priyamatyarthaṃ vipriyepi ca te mayā
24.40
ityevaṃ manasā dhyātvā pratyuvācedamuttaraṃ
kimbravīta bhagavān tasmin puṣkare jātasambhramaḥ
24.41
kiṃ mayā yat kṛtandeva yanmāṃ priyamanuttamaṃ
bhāṣase puruṣaśreṣṭha kimarthaṃ brūhi tattvataḥ
24.42
evaṃ bruvāṇaṃ deveśaṃ lokāyātrāntu tattvagāṃ
pratyuvācāmbu jābhāskaḥ brahmā vedanidhiḥ prabhuḥ
24.43
yo'sau tavodaraṃ pūrvvaṃ praviṣṭo'haṃ tvadicchayā
yathā mamodare lokāḥ sarvve dṛṣṭāstvayā prabho
tathaiṣa dṛṣṭāḥ kātsnyena mayā lokāstavodare
24.44
tato varṣasahasrānte upāvṛttasya me'nagha
nūnaṃ matsarabhāvena māṃ vaśīkartumicchatā
āśu dvārāṇi sarvvāṇi ghaṭitāni tvayā punaḥ
24.45
tato mayā mahābhāga sañcintya svena cetasā
labdho nābhyāṃ praveśastu padmasūtrādvinirgamaḥ
24.46
mābhūtte mamaso'lpo'pi vyāghāto'yaṃ kathañcana
ityeṣānugatirviṣṇoḥ kāryāṇāmaupasargikī
24.47
yanmayānantaraṃ kāryyaṃ mayādhyavasitaṃ tvayi
tvañcābādhitukāmena krīḍāpūrvvaṃ yadṛcchayā
āśu dvārāṇi sarvvāṇi ghaṭitāni mayā punaḥ
24.48
na te'nyathāvamantavyo mānyaḥ pūjyaśca me bhavān
sarvvaṃ marṣaya kalyāṇa yanmayā yatkṛtantava
tasmānmayocyamānastvaṃ padmādavatara prabho
24.46-2
nāhaṃ bhavantaṃ śaknomi soḍhuntejomayaṃ guruṃ
sa covāca varaṃ brūhi padmādavatarāmyahaṃ
24.50
viṣṇuruvāca | putro bhava mamārighna mudaṃ prāptāsi śobhanaṃ
satyadhano mahāyogī tvamīḍyaḥ (1) praṇavātmakaḥ
24.51
adyaprabhṛti sarvveśa śve toṣṇīṣavibhūṣaṇaḥ
padmayoniritītyevaṃ khyāto nāmnā bhaviṣyasi
putro me tvaṃ bhava brahman sarvvalokādhipa prabho
24.52
tataḥ sa bhagavān brahmā varaṃ gṛhya kirīṭinaḥ
evaṃ bhavatu cetyuktvā prītātmā gatamatsaraḥ
24.53
pratyāsannamathāyātaṃ bālārkabhaṃ mahānanaṃ
bhūtamatyadbhutaṃ dṛṣṭvā nārāyaṇamathābravīt
24.54
aprameyo mahāvakto daṃṣṭrī vyastaśiroruhaḥ
daśabāhustriśūlāṅko nayanairviśvatomukhaḥ
24.55
lokaprabhuḥ svayaṃ sākṣādindrato muñjamekhalī
meruśīrṣena sahasā nadamāno'tibhairavaṃ
24.56
kaḥ khalveṣa pumān viṣṇote jorāśirmahādyutiḥ
vyāpya sarvā diśo dyāñca ita evābhivartate
24.57
tenaivamukto bhagavān viṣṇurbrahmāṇamabravīt
padbhāntalanipātena yasya vikramato'rṇave
vegena mahatākāśe vyathitāśca jalāśayāḥ
24.58
chaṭābhirviśvato'tyarthaṃ sicyate padmasaṃbhavaḥ
ghrāṇajena ca vātena kampamānaṃ tvayā saha
dodhūyate mahāpadmaṃ svacchandaṃ mama nābhijaṃ
24.59
sa eṣa bhagavānīśo hyanādiśrāntakṛdvibhuḥ
bhavānahañca stotreṇa hyupatiṣṭhāva gīdhvajaṃ
24.60
tataḥ kruddho'mbujābhāskaṃ brahmā provāca keśavaṃ
na bhavān nūnamātmānaṃ lokānāṃ yonimuttamaṃ
24.61
brahmāṇaṃ lokakarttāraṃ māñca vetti sanātanaṃ
ko'yaṃ bhoḥ śaṅkaro nāma hyāvayorrvyatiricyate
24.62
tasya tat krodhajaṃ vākyaṃ śrutvā viṣṇurabhāṣata
mā maivaṃ vada kalyāṇa parivādaṃ mahātmanaḥ
24.63
māyāyogeśvaro dharmo durādharṣo varapradaḥ
heturasyātra jagataḥ purāṇaḥ puruṣo'vyayaḥ
24.64
jīvaḥ khalveṣa jīvānāṃ jyotirekaṃ prakāśate
bālakrīr̤anakairaivaiḥ krīr̤ate śaṅkaraḥ svayaṃ
24.65
pradhānamavyayaṃ jyotiravyaktaṃ prakṛtistamaḥ
asya caitāni nāmāni nityaṃ prasavadharmiṇaḥ
yaḥ kaḥ sa iti duḥkhāttairmṛgyate yatibhiḥ śivaḥ
24.66
eṣa bījo bhavānbījamahaṃ yoniḥ sanātanaḥ
evamukto'tha viśvātmā brahmā viṣṇumabhāṣata
24.67
bhavānyonirahaṃ bījaṃ kathaṃ bījī maheśvaraḥ
etanme sūkṣmamavyaktaṃ saṃśayaṃ chettumarhasi
24.68
jñātvā caivaṃ samutpattiṃ brahmaṇā lokatanvinā
idaṃ paramasāmṛśyaṃ praśnamabhyavadaddhariḥ
24.69
asmānmahattaraṃ guhyaṃ bhūtamanyannavidyate
mahataḥ paramaṃ dhāma śivamadhyātmināṃ padaṃ
24.70
dvaidhībhāvena cātmānaṃ praviṣṭastu vyavasthitaḥ
niṣkakaḥ sūkṣmamavyaktaḥ sakalaśca maheśvaraḥ
24.71
asya māyāvidhijñasya agamyagahanasya ca
purā liṅgaṃ bhavadbījaṃ prathamaṃ tvādisargikaṃ
24.72
mayi yonau samāyuktaṃ tadbījaṃ kālaparyyayāt
hiraṇmayamapārantadyonāmaṇḍamajāyata
24.73
śatāni daśavarṣāṇāmaṇḍañcāpsu pratiṣṭhitaṃ
ante varṣasahasrasya vāyunā taddvidhā kṛtaṃ
24.74
kapālamekaṃ dyaurjajñe kapālamaparaṃ kṣitiḥ
ulbantasya maholbidhaṃ yo'saukanakaparvataḥ
24.75
tatastasmāt prabuddhātmā devo devavaraḥ prabhuḥ
hiraṇyagarbho bhagavān ahaṃ jajñe caturbhujaḥ
24.76
tatoravarṣasahasrānte vāyunā tadvivālitaṃ
atārākendu nakṣatraṃ śūnyaṃ lokamavekṣya ca
ko'yamatretyabhidhyāte (1) kumārāste'bhavaṃstadā
24.77
priyadarśanāstu tanavo ye'nītāḥ pūrbbajāstava
bhūyo varṣasahasrānte tata evātmajāstava
bhuvanānanasaṅgāśāḥ padmapatrāyatekṣaṇāḥ
24.78
śrīmān sanatkumārastu ṛtayevorddharetasau
sanātanaśca sanakastathaiva ca sanandanaḥ !
utpannāḥ samakālante buddhyātīndriyadarśanāḥ
24.76-2
utpannāḥ pratighātmāno jagaduścaitadeva hi
nārapsyante ca karmāṇi tāpatrayavivarjitāḥ
24.80
asya saumyaṃ bahukleśaṃ jarāśokasamanvitaṃ
jīvitaṃ maraṇañcaiva sambhavañca punaḥ punaḥ
24.81
svaprabhūtaṃ punaḥ svarge duḥkhāni narakāṃstathā
viditvā cāgamaṃ sarvvamavaśyaṃ bhavitavyatām
24.82
ṛbhuṃ sanatkumārañca dṛṣṭvā tava vaśe sthitau
trayastu trīn guṇān hitvā ātmajāḥ sanakādayaḥ
naivarttana tu jñānena nivṛttāste mahaujasaḥ
24.83
tatasteṣvapravṛtteṣu sanakādiṣu vai triṣu
bhaviṣyasi trimmūḍhastu māyayā śaṅkarasya tu
24.84
evaṃ kalpe tu vaikalpe (1) saṃjñā naśyati te'nagha
kalpaśeṣāṇi bhūtāni sūkṣmāni pārthivāni ca
24.85
sā caiṣā hyaiśvarī māyā jagataḥ samudāhṛtā
sa eṣa parvvato meruddevaloka udāhṛtaḥ
24.86
tavaivedaṃ hi māhātmyaṃ dṛṣṭvā cātmānamātmanā
jñātvā ceśvarasadbhāvaṃ jñātvā māmambujekṣaṇaṃ
24.87
mahādevaṃ mahāyogaṃ bhūtānāṃ varadaṃ prabhuṃ
praṇavātmānamāsādya namaskṛtvā jagadguruṃ
tvāñca māñcaiva saṃkruddhoniśvāsairviddhedayaṃ
24.88
evaṃ jñātvā mahāyogaṃ abhyuttiṣṭhanaṃ mahābalaḥ
ahaṃ tvāmagrataḥ kṛtvā stoṣyehamanalaprabhaṃ
24.89
sūta uvāca | brahmāṇamagrataḥ kṛtvā tataḥ sa garur̤adhvajaḥ
atītaiśca bhaviṣyaiśca varttamānaistathaiva ca
nāmabhiśchāndasaiśrcaiva idaṃ stotramudīrayat
24.90
namastubhyaṃ bhagavate suvrate'nantatejase
namaḥ kṣetrādhipataye vījine śūline namaḥ
24.91
ameḍhrāyorddhameḍhrāya namo vaikuṇṭharetase
namo jyeṣṭhāya śreṣṭhāya apūrvvaprathamyāya ca
24.92
namo havyāya pūjyāya sadyojātāya vai namaḥ
gaṅgharāya dhaneśāya haimacīrāmbarāya ca
24.93
namaste hyasmadādīnāṃ bhūtānāṃ prabhāvāya ca
vedakarmāvadānānāṃ dravyāṇāṃ prabhave namaḥ
24.94
namo yogasyaṃ prabhave sāṃkhyasya prabhave namaḥ
namo bhuvanaśaucānā mṛṣīṇāṃ pataye namaḥ
24.95
vidyudaśanimeghānāṃ garjjitaprabhave namaḥ
udadhīnāñca prabhave dvīpānāṃ prabhave namaḥ
24.96
adrīnāṃ prabhave caiva varṣāṇāṃ prabhave namaḥ
namo nadānāṃ prabhave nadīnāṃ prabhave namaḥ
24.97
namayauṣadhiprabhave vṛkṣāṇāṃ prabhave namaḥ
dharmbhādhyakṣāya dharmbhāya sthitānāṃ prabhave namaḥ
24.98
namo rasānāṃ prabhave ratnānāṃ prabhave namaḥ
namaḥ kṣaṇānāṃ prabhave kalānāṃ prabhave namaḥ
24.99
nimeṣaprabhave caiva kāṣṭhānāṃ prabhave namaḥ
ahorātrārddhamāsānāṃ māsānāṃ prabhave namaḥ
24.220
nama ṛtūnāṃ prabhave saṃkhyāyāḥ prabhave namaḥ
prabhave ca parārddhasya parasya prabhave namaḥ
24.201
namaḥ purāṇaprabhave yugasya prabhave namaḥ
caturvidhasya sargasya prabhave'nantacakṣuṣe
24.202
kalpodaye nibaddhānāṃ vārttānāṃ prabhave namaḥ
namo viśvasya prabhave brahmādi prabhave namaḥ
24.203
vidyānāṃ prabhave caiva vidyānāṃ pataye namaḥ
namo vratānāṃ pataye mantrāṇāṃ pataye namaḥ
24.204
pitṝṇāṃ pataye caiva paśūnāṃ pataye
vāgvṛṣāya namastubhyaṃ purāṇavṛṣabhāya ca
24.205
sucārucārukeśāya jaṅgīcakṣuḥśirāya ca
namaḥ paśūnāṃ pataye govṛṣendadhvajāya ca
24.206
prajāpatīnāṃ pataye siddhānāṃ pataye namaḥ
garuḍoragasarpāṇāṃ pakṣiṇāṃ pataye namaḥ
24.207
gokarṇāya ca goṣṭhāya śaṅkakarṇāya vai namaḥ
vārāhāyāprameyāya rakṣodhascreenpataye namaḥ
24.208
name'psarāṇāṃ pataye gaṇānāṃ kṣomaye namaḥ
ambhasāṃ pataye caiva tejasāṃ pataye namaḥ
24.206-2
namo'stu lakṣmīpataye śrīmate kṣobhate namaḥ
balābalasamūhyāya hyakṣobhyakṣobhaṇāya ca
24.210
dīrghaśṭaṅgaikaśṭaṅgāya vṛṣabhāya kakudmine
namastheryāya vapuṣe tejase suprabhāya ca
24.211
bhūtāya ca bhaviṣyāya varttamānāya vai namaḥ
suvarccase'tha vīrāya śūrāya hyatigāya ca
24.212
varadāya vareṇyāya namaḥ sarvvagatāya ca
namo bhūtāya bhavyāya bhavāya mahate tathā
24.213
janāya ca namastubhyaṃ tapase varadāya ca
namo vandyāya mokṣāya janāya narakāya ca
24.214
bhavāya bhajamānāya iṣṭāya yājakāya ca
abhyudīrṇāya dīptāya tattvāya nirguṇāya ca
24.215
namaḥ pāśāya hastāya namaḥ svābharaṇāya ca
hutāya apahutāya prahutapraśitāya ca
24.216
namastvaśāya mūrttāya hyagniṣṭomartvijāya ca
nama ṛtāya satyāya bhūtādhipataye nama
24.217
sadasyāya namaṃścaiva dakṣiṇāvabhṛthāya ca
ahiṃsāyātha lokānāṃ paśumantrauṣadhāya ca
24.218
namastuṣṭipradānāya tryambakāya sugandhina
namo'svindriyapataye parihārāya sragvine
24.218-2
viśvāya viśvarūpāya viśvato'kṣṇimukhāya ca
sarvvataḥ pāṇipādāya rudrāyāpramitāya ca
24.220-2
namo havyāya kavyāya havyakavyātha vai namaḥ
namaḥ siṅgāya medhyāya ceṣṭāya tvavyayāya ca
24.221
suvīrāya sudhārāya hyavobhyakṣobhaṇāya ca
sumedhase suprajāya dīptāya bhāskarāya ca
24.222
namo namaḥ suparṇāya tapanīyanibhāya ca
virūpākṣāya cākṣāya piṅgalāya mahaujase
24.224
dṛṣṭighnāya namaścaiva namaḥ saumyekṣaṇāya ca
namo dhūmrāya śvetāya kṛṣṇāya lohitāya ca
24.225
piśitāya piśaṅgāya pītāya ca niṣaṅgiṇe
namaste saviśeṣāya nirviṇeṣāya vai namaḥ
24.225-2
namo vai padmavarṇāya mṛtyughnātha ca mṛtyave
namaḥ śyāmāya gaurāya kadrave rohitāya ca
24.226
namaḥ kāntāya sandhyābhravarṇāya bahurūpiṇe
namaḥ kapālahastāya digvastrāya kaparddine
24.227
aprameyāyaṃ śarvāya hyabadhyāya varāya ca
purastāt pṛṣṭhataścaiva vibhrāṇāya kamānave
24.228
durgāya mahate caiva rodhāya kapilāya caḥ
arkaprabhaśarīrāya baline raṃhasāya ca
24.229
pinākine prasiddhāya sphītāya prasṛtāya ca
sumedhase'kṣamālāya dikvāsāya śikhaṇḍine
24.230
citrāya citravarṇāya vicitnāya dharāya ca (1)
cekitānāya tuṣṭāya namaskhanahitāya ca
24.231
namaḥ kṣāntāya śāntāya vajrasaṃhananāya ca
rakṣoghnāya makhaghnāya śitikaṇṭhorddharetase
24.232
ariṣṭāya kṛtāntāya tigmāyudhadharāya ca
samodāya pramodāya hariṇāyaiva te namaḥ
24.233
praṇavapraṇaveśāya bhaktānāṃ śarmadāya ca
mṛgavyādhāya dakṣāya dakṣayajñaharāya ca
24.234
sarvvabhūtāya bhūtāya sarvvabhātiśayāya ca
purabhettre ca śāntāya sugandhāya vareśave
24.235
puṣyavettaḥ svarūpāya bhaganetrāntakāya ca
kaṇādāya variṣṭhāya kāmāṅgadahanāya ca
24.236
raveḥ karālacakrāya nāgendradamanāya ca
daityānāmantakāyādyo divyākrandakarāya ca
24.237
śmaśānaratinityāya namastryambakadhāriṇe
namaste prāṇapālāya dhavamālādharāya ca
24.238
prahīṇaśokairvividhairbhūtaiḥ pariṣṭutāya ca
naranārīśarīrāya devyāḥ priyakarāya ca
24.236-2
jaṭine daṇḍine tubhyaṃ vyālayajñopavītine
namo'stu nṛtyaśīlāya vādya nṛtyapriyāya ca
24.240
manyave gītaśīlāya sugītigāyate namaḥ
kaṭakakarāya bhīmāya codhrarūpadharāya ca
24.241
vibhīṣaṇāya bhīmāya bhagapramathanāya ca
siddhessaṅghātagītāya mahābhāgāya vai namaḥ
24.242
namo muktāṭṭahāsāya ceḍitāsphoṭitāya ca
nadate kūrddate caiva namaḥ pramuditāya ca
24.243
namo'ṅgutāya svapate dhāvate prasthitāya ca
dhyāyate jṛmbhate caiva tudate dravate namaḥ
24.244
calate krīr̤ate caiva lambodaraśarīriṇe
namaḥ kṛtāya kampāya muṇḍāya vikarāya ca
24.245
nama unmattaveṣāya kiṃkiṇīkāya vai namaḥ
namo vikṛtaveṣāya krūroyāmarṣaṇāya ca
24.246
aprameyāya dīptāya dīptaye nirguṇāya ca
namaḥ priyāya vādāya mudrāmaṇidharāya ca
24.247
namastokāya tanave guṇairapratimāya ca
namo gaṇāya guhyāya agamyāgamanāya ca
24.248
lokadhātrī liyaṃ bhūmiḥ pādau sajjanasevitau
sarvveṣāṃ siddhayogānāmadhiṣṭhānantavodaraṃ
24.246-2
macche'ntaraukṣaṃ vistīrṇantārāgaṇavibhūṣitaṃ
tārāpatha ivābhāti śrīmānhārastavorasi
24.250
diśo daśabhujāste vai keyūrāṅgadabhūṣitāḥ
vistīrṇapariṇāhaśca nīlāmbudacayopamaḥ
24.251
kaṇṭhaste śobhate śrīmān hemasūtravibhūṣitaḥ
daṃṣṭrākarāladurdharṣamanaupamyaṃ mukhaṃ tava
24.252
padmamālākṛtoṣṇīṣaṃ śīrṣakhyaṃ śobhate kathaṃ
dīptiḥ sūrye vapuścandre sthairyyaṃ bhūrhyanilo bale
24.253
taikṣṇyamagnau prabhā candre khe śabdaḥ śaityamapsu ca
akṣarottamaniṣpandān guṇānaitānvidurbudhāḥ
24.254
japo japyo mahāyogī mahādevo maheśvaraḥ
purograyī guhāvāsī khecaro rajanīcaraḥ
24.255
taponidhirguhagururnandano nandivarddhanaḥ
hayaśīrṣo dharādhātā vidhātā bhūtavāhanaḥ
24.256
boddhavyo bodhano netā dhūrvvaho duḥprakampakaḥ
bṛhadratho bhīmakarmmā bṛhatkīrttirddhanañjayaḥ
24.257
ghaṇṭāpriyo dhvajī chatrī patākādhvajinīpatiḥ
kavacī paṭṭiśī śaṅgī pāśahastaḥ paraśvabhūt
24.258
agamastvanaghaḥ śūro devarājārimarddanaḥ
tvāṃ prasādya purā'smābhirddhiṣanto nirhatā yudhi
24.256-2
agnistvaṃ cārṇavānsarvvān pivanneva na tṛpyase
krodhāgāraḥ prasannātmā kāmahā kāmadaḥ priyaḥ
24.260
brahmaṇyo brahmacārī ca goptastvaṃ śiṣṭapūjitaḥ
vedānāmavyayaḥ kośastvayā yajñaḥ prakalpitaḥ
24.261
havyañca vedaṃ vahati vedoktaṃ havyavāhanaḥ
prīte tvayi mahādeva vayaṃ prītā bhavāmahe
24.262
bhavānīśo nādimān dhāmarāśirbrahmā lokānānkhaṃ karttā tvādisargaḥ
sāṅkhyāḥ prakṛtibhyaḥ para maṃ tvāṃ viditvā
hyauṣyānāste na mṛtyu viśanti
24.263
yogena tvāmyanino nityayuktāḥ
jñātvā bhogān santyajante punastān
ye'nye martyāstvāṃ prapannā viśuddhāḥ
te kammabhirdivyabhogān bhajante
24.264
aprameyasya tattvasya yathā vijñaḥ svaśaktitaḥ
kīrttitaṃ tava māhātmyama pāraṃ paramātmanaḥ
śivo no bhava sarvvatra yo'si so'si namo'stu te
24.264.p1
iti śrīmahāpurāṇe vāyuprokta śārvvastavaṃ nāma caturviṃśo'dhyāyaḥ
Linked texts (9)
- Vāyupurāṇa — Vyāsa, Sanskrit
- Liṅgapurāṇa — Vyāsa, Sanskrit
- Kūrmapurāṇa — Vyāsa, Sanskrit
- Liṅga — Sanskrit
- Liṅgapurāṇa — Ativīrarāma Pāṇṭiyar 1500, Sanskrit
- Brāhmī Saṃhitā — Sanskrit
- Brahmisamhita (gurumandalseries1962) — Sanskrit
- Kūrmapurāṇa (Ananta Gokhale) — Ananta Gokhale, Sanskrit
- Kūrmapurāṇa — Ativīrarāma Pāṇṭiyar, Sanskrit