[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Prakriyapada](https://indike.org/pramana/in.purana.prakriyapada) › 24 # Prakriyapada 24: atha caturviṃśo'dhyāyaḥ Prakriyāpāda 24 - **Language:** Sanskrit ## Contents - [24.264](https://indike.org/pramana/in.purana.prakriyapada.24.264) — 1 part ### atha caturviṃśo'dhyāyaḥ ### [24.1](https://indike.org/pramana/in.purana.prakriyapada.24.1) śārbastāvaṃ vāyuruvāca | catvāri bhārate varṣe yugāni munayo viduḥ kṛtaṃ tretā dvāparañca tiṣyañceti caturyugaṃ ### [24.2](https://indike.org/pramana/in.purana.prakriyapada.24.2) etatsrahasraparyyantamaharyyadbrahmaṇaḥ smṛtaṃ yāmādyāstu gaṇāḥ sapta romavantaścaturddaśa ### [24.3](https://indike.org/pramana/in.purana.prakriyapada.24.3) saśarīrāḥ prayantesma janalokaṃ sahānugāḥ evaṃ deveṣvatīteṣu maharlokājjanantapaḥ ### [24.4](https://indike.org/pramana/in.purana.prakriyapada.24.4) manvantareṣvatīteṣu devāḥ sarvve mahaujasaḥ tatasteṣu gateṣūrddhaṃ sāyujyaṃ kalpavāsināṃ ### [24.5](https://indike.org/pramana/in.purana.prakriyapada.24.5) sametya devaistai devāḥ prāpte saṅgālane tadā maharlokaṃ parityajya gaṇāste vai caturddaśa ### [24.6](https://indike.org/pramana/in.purana.prakriyapada.24.6) bhūtādiṣvavaśiṣṭeṣu (1) sthāvarānteṣu vai tadā śūnyeṣu teṣu lokeṣu mahotteṣu bhuvādiṣu deveṣvatha gateṣūrddhaṃ kalpavāsiṣu vai janaṃ ### [24.7](https://indike.org/pramana/in.purana.prakriyapada.24.7) tatsaṃhṛtya tato brahmā devarṣigaṇadānavān saṃsthāpayati vai sarvvān dāhavacyā yugakṣaye ### [24.8](https://indike.org/pramana/in.purana.prakriyapada.24.8) yo'tītaḥ saptamaḥ kalpo mayā vaḥ parikīrttitaḥ samudraiḥ saptabhirgāḍhamekībhūtairmahārṇavaiḥ (1) āsīdekārṇavadvāramavibhāgaṃ tamomayaṃ ### [24.9](https://indike.org/pramana/in.purana.prakriyapada.24.9) māyayaikārṇave tasmin śaṅkhacakragadādharaḥ jīmūtābho'mbujākṣaśca kirīṭī śrīpatirhariḥ ### [24.10](https://indike.org/pramana/in.purana.prakriyapada.24.10) nārāyaṇamukhodgīrṇaḥ so'ṣṭamaḥ puruṣottamaḥ aṣṭabāhurmahorasko lokānāṃ yonirucyate kimapyacintyaṃ yuktātmā yogamāsthāya yogavit ### [24.11](https://indike.org/pramana/in.purana.prakriyapada.24.11) phaṇāsahasrakalitantamapratimavarcasaṃ mahābhogapaterbhāgamanvāstīryya mahokṣayaṃ tasminmahati paryyaṅke śete vai kanakaprabho ### [24.12](https://indike.org/pramana/in.purana.prakriyapada.24.12) evaṃ tatra śayānena viṣṇunā prabhaviṣṇunā ātmārāmeṇa krīḍārthaṃ sṛṣṭaṃ nābhyāntu paṅkajaṃ ### [24.13](https://indike.org/pramana/in.purana.prakriyapada.24.13) śatayojanavistīrṇaṃ taruṇādityavarcasaṃ vajradaṇḍaṃ mahotsedhaṃ līlayā prabhaviṣṇunā ### [24.14](https://indike.org/pramana/in.purana.prakriyapada.24.14) tasyaivaṃ krīr̤amānasya samīpaṃ devamīḍhuṣaḥ hemabrahmāṇḍajo brahmā rukmavarṇo hyatīndriyaḥ caturmukho viśālākṣaḥ samāgamya yadṛcchayā ### [24.15](https://indike.org/pramana/in.purana.prakriyapada.24.15) śriyā yuktena navyena suprabheṇa sugandhinā taṃ krīr̤amānaṃ padmena dṛṣṭvā brahmā tu bhejivān ### [24.16](https://indike.org/pramana/in.purana.prakriyapada.24.16) sa vismayamathāgamya ślakṣṇasaṃpūrṇayā girā provāca ko bhavān śete āśrito madhyamambhasāṃ ### [24.17](https://indike.org/pramana/in.purana.prakriyapada.24.17) atha tasyācyutaḥ śrutvā brahmaṇastu śubhaṃ vacaḥ udatiṣṭhata paryyaṅkādvismayotphullalocanaḥ ### [24.18](https://indike.org/pramana/in.purana.prakriyapada.24.18) pratyuvācottarañcaiva kriyate yacca kiñcana dyaurantarikṣaṃ bhūtañca paraṃ padamahaṃ prabhuḥ ### [24.16-2](https://indike.org/pramana/in.purana.prakriyapada.24.16-2) tamevamuktā bhagavān viṣṇuḥ punarathābravīt kastvaṃ khalu samāyātaḥ samīpaṃ bhagavān kutaḥ kutaśca bhūyo gantavyaṃ kutra vā te pratiśrayaḥ ### [24.20](https://indike.org/pramana/in.purana.prakriyapada.24.20) ko bhavān viśvamūrttistvaṃ karttavyaṃ kiñca te mayā evaṃ bruvāṇaṃ vaikuṇṭhaṃ pratyuvāca pitāmahaḥ ### [24.21](https://indike.org/pramana/in.purana.prakriyapada.24.21) yathā bhavāṃstathā cāhamādikarttā prajāpatiḥ nārāyaṇasamākhyātaḥ sarvvaṃ vai mayi tiṣṭhati ### [24.22](https://indike.org/pramana/in.purana.prakriyapada.24.22) savismayaṃ paraṃ śrutvā brahmaṇā lokakartṛṇā so'nujñāto bhagavatā vaikuṇṭho viśvasambhavaḥ ### [24.23](https://indike.org/pramana/in.purana.prakriyapada.24.23) kautūhalānmahāyogī praviṣṭo brahmaṇo mukhaṃ imānaṣṭādaśaddīpān sasamudrān saparvvatān praviśya sa mahātejāścāturvvarṇyasamākulān brahmādistambaparyyantānsaptalokānsanātanān ### [24.24](https://indike.org/pramana/in.purana.prakriyapada.24.24) brahmaṇastūdara dṛṣṭvā sarvvān viṣṇurmahāyaśāḥ aho'sya tapaso vīryyaṃ punaḥ punarabhāṣata ### [24.25](https://indike.org/pramana/in.purana.prakriyapada.24.25) paryyaṭan vividhān lokān viṣṇurnānāvidhāśramān tato varṣasahasrānte nāntaṃ hi dṛṣṭaśe tadā ### [24.26](https://indike.org/pramana/in.purana.prakriyapada.24.26) tadā'sya vaktrānniṣkramya pannagendrāriketanaḥ ajātaśatrurbhagavān pitāmahamathābravīt ### [24.27](https://indike.org/pramana/in.purana.prakriyapada.24.27) bhagavan ādi madhyañca anta kāladiśonaṃ ca nāhamantaṃ prapaśyāmi hyudarasya tavānagha ### [24.28](https://indike.org/pramana/in.purana.prakriyapada.24.28) evamuktānavīdbhūyaḥ pitāmahamidaṃ hariḥ bhavānapyevamevādya hyudaraṃ mama śāśvataṃ praviśya lokānpaśyaitānanaupamyān dvijottama ### [24.29](https://indike.org/pramana/in.purana.prakriyapada.24.29) manaḥ prahlādanī vāṇīṃ śrutvā tasyābhinandya ca śropaterudaraṃ bhūyaḥ praviveśa pitāmahaḥ ### [24.30](https://indike.org/pramana/in.purana.prakriyapada.24.30) tāneva lokān garbhasthaḥ paśyan so'cintyavikramaḥ paryyaṭitvādidevasya dadarśāntaṃ na vai hareḥ ### [24.31](https://indike.org/pramana/in.purana.prakriyapada.24.31) jñātvāgamantasya pitāmahasya dvārāṇi sarvāṇi pidhāya viṣṇuḥ virbhumbhanaḥ karttu miyeṣa cāśu sukhaṃ prasupto'smi mahājalaughe ### [24.32](https://indike.org/pramana/in.purana.prakriyapada.24.32) tato dvārāṇi sarvāṇi pihitānyupalakṣyate sūkṣmaṃ kṛtvātmano rūpaṃ nābhyāṃ dvāramavindata ### [24.33](https://indike.org/pramana/in.purana.prakriyapada.24.33) padmasūtrānumārgeṇa hyanugamya pitāmahaḥ ujjahārātmano rūpaṃ puṣkarāccaturānanaḥ virarājāravindasthaḥ padmagarbhasamadyutiḥ ### [24.34](https://indike.org/pramana/in.purana.prakriyapada.24.34) etasminnantaretābhyāṃ ekaikasya tu kārtsnyataḥ pravarttamāne saṃharṣe madhye tasyārṇavasya tu ### [24.35](https://indike.org/pramana/in.purana.prakriyapada.24.35) sūta uvāca | tato hyupari meyātmā bhūtānāṃ prabhurīśvaraḥ śūlapāṇirmahādevo haimacorāmvaracchadaḥ āgacchad yatra so'nanto nāgabhogapatirhariḥ ### [24.36](https://indike.org/pramana/in.purana.prakriyapada.24.36) śīghraṃ vikramatestasya padmrāmatyantapīr̤itāḥ udbhūtāstūrṇamākāśe pṛthulāstoyavindavaḥ atyuṣṇāścātiśītāśca vāyustatra vavau bhṛśaṃ ### [24.37](https://indike.org/pramana/in.purana.prakriyapada.24.37) tadṛṣṭvā mahadāścaryyaṃ brahmā viṣṇumabhāṣata avindavo hi sthūloṣṇāḥ kampate cāmbujaṃ bhṛśaṃ etaṃ me saṃśayaṃ brūhi kiñcānyat laccikīrṣasi ### [24.38](https://indike.org/pramana/in.purana.prakriyapada.24.38) etadevaṃvidhaṃ vākyaṃ pitāmahamukhodbhavaṃ śrutvāpratimakarmāha bhagavānasurāntakṛt ### [24.39](https://indike.org/pramana/in.purana.prakriyapada.24.39) kinnu khalvatha me nābhyāṃ bhūtamanyatkṛtālayaṃ vadati priyamatyarthaṃ vipriyepi ca te mayā ### [24.40](https://indike.org/pramana/in.purana.prakriyapada.24.40) ityevaṃ manasā dhyātvā pratyuvācedamuttaraṃ kimbravīta bhagavān tasmin puṣkare jātasambhramaḥ ### [24.41](https://indike.org/pramana/in.purana.prakriyapada.24.41) kiṃ mayā yat kṛtandeva yanmāṃ priyamanuttamaṃ bhāṣase puruṣaśreṣṭha kimarthaṃ brūhi tattvataḥ ### [24.42](https://indike.org/pramana/in.purana.prakriyapada.24.42) evaṃ bruvāṇaṃ deveśaṃ lokāyātrāntu tattvagāṃ pratyuvācāmbu jābhāskaḥ brahmā vedanidhiḥ prabhuḥ ### [24.43](https://indike.org/pramana/in.purana.prakriyapada.24.43) yo'sau tavodaraṃ pūrvvaṃ praviṣṭo'haṃ tvadicchayā yathā mamodare lokāḥ sarvve dṛṣṭāstvayā prabho tathaiṣa dṛṣṭāḥ kātsnyena mayā lokāstavodare ### [24.44](https://indike.org/pramana/in.purana.prakriyapada.24.44) tato varṣasahasrānte upāvṛttasya me'nagha nūnaṃ matsarabhāvena māṃ vaśīkartumicchatā āśu dvārāṇi sarvvāṇi ghaṭitāni tvayā punaḥ ### [24.45](https://indike.org/pramana/in.purana.prakriyapada.24.45) tato mayā mahābhāga sañcintya svena cetasā labdho nābhyāṃ praveśastu padmasūtrādvinirgamaḥ ### [24.46](https://indike.org/pramana/in.purana.prakriyapada.24.46) mābhūtte mamaso'lpo'pi vyāghāto'yaṃ kathañcana ityeṣānugatirviṣṇoḥ kāryāṇāmaupasargikī ### [24.47](https://indike.org/pramana/in.purana.prakriyapada.24.47) yanmayānantaraṃ kāryyaṃ mayādhyavasitaṃ tvayi tvañcābādhitukāmena krīḍāpūrvvaṃ yadṛcchayā āśu dvārāṇi sarvvāṇi ghaṭitāni mayā punaḥ ### [24.48](https://indike.org/pramana/in.purana.prakriyapada.24.48) na te'nyathāvamantavyo mānyaḥ pūjyaśca me bhavān sarvvaṃ marṣaya kalyāṇa yanmayā yatkṛtantava tasmānmayocyamānastvaṃ padmādavatara prabho ### [24.46-2](https://indike.org/pramana/in.purana.prakriyapada.24.46-2) nāhaṃ bhavantaṃ śaknomi soḍhuntejomayaṃ guruṃ sa covāca varaṃ brūhi padmādavatarāmyahaṃ ### [24.50](https://indike.org/pramana/in.purana.prakriyapada.24.50) viṣṇuruvāca | putro bhava mamārighna mudaṃ prāptāsi śobhanaṃ satyadhano mahāyogī tvamīḍyaḥ (1) praṇavātmakaḥ ### [24.51](https://indike.org/pramana/in.purana.prakriyapada.24.51) adyaprabhṛti sarvveśa śve toṣṇīṣavibhūṣaṇaḥ padmayoniritītyevaṃ khyāto nāmnā bhaviṣyasi putro me tvaṃ bhava brahman sarvvalokādhipa prabho ### [24.52](https://indike.org/pramana/in.purana.prakriyapada.24.52) tataḥ sa bhagavān brahmā varaṃ gṛhya kirīṭinaḥ evaṃ bhavatu cetyuktvā prītātmā gatamatsaraḥ ### [24.53](https://indike.org/pramana/in.purana.prakriyapada.24.53) pratyāsannamathāyātaṃ bālārkabhaṃ mahānanaṃ bhūtamatyadbhutaṃ dṛṣṭvā nārāyaṇamathābravīt ### [24.54](https://indike.org/pramana/in.purana.prakriyapada.24.54) aprameyo mahāvakto daṃṣṭrī vyastaśiroruhaḥ daśabāhustriśūlāṅko nayanairviśvatomukhaḥ ### [24.55](https://indike.org/pramana/in.purana.prakriyapada.24.55) lokaprabhuḥ svayaṃ sākṣādindrato muñjamekhalī meruśīrṣena sahasā nadamāno'tibhairavaṃ ### [24.56](https://indike.org/pramana/in.purana.prakriyapada.24.56) kaḥ khalveṣa pumān viṣṇote jorāśirmahādyutiḥ vyāpya sarvā diśo dyāñca ita evābhivartate ### [24.57](https://indike.org/pramana/in.purana.prakriyapada.24.57) tenaivamukto bhagavān viṣṇurbrahmāṇamabravīt padbhāntalanipātena yasya vikramato'rṇave vegena mahatākāśe vyathitāśca jalāśayāḥ ### [24.58](https://indike.org/pramana/in.purana.prakriyapada.24.58) chaṭābhirviśvato'tyarthaṃ sicyate padmasaṃbhavaḥ ghrāṇajena ca vātena kampamānaṃ tvayā saha dodhūyate mahāpadmaṃ svacchandaṃ mama nābhijaṃ ### [24.59](https://indike.org/pramana/in.purana.prakriyapada.24.59) sa eṣa bhagavānīśo hyanādiśrāntakṛdvibhuḥ bhavānahañca stotreṇa hyupatiṣṭhāva gīdhvajaṃ ### [24.60](https://indike.org/pramana/in.purana.prakriyapada.24.60) tataḥ kruddho'mbujābhāskaṃ brahmā provāca keśavaṃ na bhavān nūnamātmānaṃ lokānāṃ yonimuttamaṃ ### [24.61](https://indike.org/pramana/in.purana.prakriyapada.24.61) brahmāṇaṃ lokakarttāraṃ māñca vetti sanātanaṃ ko'yaṃ bhoḥ śaṅkaro nāma hyāvayorrvyatiricyate ### [24.62](https://indike.org/pramana/in.purana.prakriyapada.24.62) tasya tat krodhajaṃ vākyaṃ śrutvā viṣṇurabhāṣata mā maivaṃ vada kalyāṇa parivādaṃ mahātmanaḥ ### [24.63](https://indike.org/pramana/in.purana.prakriyapada.24.63) māyāyogeśvaro dharmo durādharṣo varapradaḥ heturasyātra jagataḥ purāṇaḥ puruṣo'vyayaḥ ### [24.64](https://indike.org/pramana/in.purana.prakriyapada.24.64) jīvaḥ khalveṣa jīvānāṃ jyotirekaṃ prakāśate bālakrīr̤anakairaivaiḥ krīr̤ate śaṅkaraḥ svayaṃ ### [24.65](https://indike.org/pramana/in.purana.prakriyapada.24.65) pradhānamavyayaṃ jyotiravyaktaṃ prakṛtistamaḥ asya caitāni nāmāni nityaṃ prasavadharmiṇaḥ yaḥ kaḥ sa iti duḥkhāttairmṛgyate yatibhiḥ śivaḥ ### [24.66](https://indike.org/pramana/in.purana.prakriyapada.24.66) eṣa bījo bhavānbījamahaṃ yoniḥ sanātanaḥ evamukto'tha viśvātmā brahmā viṣṇumabhāṣata ### [24.67](https://indike.org/pramana/in.purana.prakriyapada.24.67) bhavānyonirahaṃ bījaṃ kathaṃ bījī maheśvaraḥ etanme sūkṣmamavyaktaṃ saṃśayaṃ chettumarhasi ### [24.68](https://indike.org/pramana/in.purana.prakriyapada.24.68) jñātvā caivaṃ samutpattiṃ brahmaṇā lokatanvinā idaṃ paramasāmṛśyaṃ praśnamabhyavadaddhariḥ ### [24.69](https://indike.org/pramana/in.purana.prakriyapada.24.69) asmānmahattaraṃ guhyaṃ bhūtamanyannavidyate mahataḥ paramaṃ dhāma śivamadhyātmināṃ padaṃ ### [24.70](https://indike.org/pramana/in.purana.prakriyapada.24.70) dvaidhībhāvena cātmānaṃ praviṣṭastu vyavasthitaḥ niṣkakaḥ sūkṣmamavyaktaḥ sakalaśca maheśvaraḥ ### [24.71](https://indike.org/pramana/in.purana.prakriyapada.24.71) asya māyāvidhijñasya agamyagahanasya ca purā liṅgaṃ bhavadbījaṃ prathamaṃ tvādisargikaṃ ### [24.72](https://indike.org/pramana/in.purana.prakriyapada.24.72) mayi yonau samāyuktaṃ tadbījaṃ kālaparyyayāt hiraṇmayamapārantadyonāmaṇḍamajāyata ### [24.73](https://indike.org/pramana/in.purana.prakriyapada.24.73) śatāni daśavarṣāṇāmaṇḍañcāpsu pratiṣṭhitaṃ ante varṣasahasrasya vāyunā taddvidhā kṛtaṃ ### [24.74](https://indike.org/pramana/in.purana.prakriyapada.24.74) kapālamekaṃ dyaurjajñe kapālamaparaṃ kṣitiḥ ulbantasya maholbidhaṃ yo'saukanakaparvataḥ ### [24.75](https://indike.org/pramana/in.purana.prakriyapada.24.75) tatastasmāt prabuddhātmā devo devavaraḥ prabhuḥ hiraṇyagarbho bhagavān ahaṃ jajñe caturbhujaḥ ### [24.76](https://indike.org/pramana/in.purana.prakriyapada.24.76) tatoravarṣasahasrānte vāyunā tadvivālitaṃ atārākendu nakṣatraṃ śūnyaṃ lokamavekṣya ca ko'yamatretyabhidhyāte (1) kumārāste'bhavaṃstadā ### [24.77](https://indike.org/pramana/in.purana.prakriyapada.24.77) priyadarśanāstu tanavo ye'nītāḥ pūrbbajāstava bhūyo varṣasahasrānte tata evātmajāstava bhuvanānanasaṅgāśāḥ padmapatrāyatekṣaṇāḥ ### [24.78](https://indike.org/pramana/in.purana.prakriyapada.24.78) śrīmān sanatkumārastu ṛtayevorddharetasau sanātanaśca sanakastathaiva ca sanandanaḥ ! utpannāḥ samakālante buddhyātīndriyadarśanāḥ ### [24.76-2](https://indike.org/pramana/in.purana.prakriyapada.24.76-2) utpannāḥ pratighātmāno jagaduścaitadeva hi nārapsyante ca karmāṇi tāpatrayavivarjitāḥ ### [24.80](https://indike.org/pramana/in.purana.prakriyapada.24.80) asya saumyaṃ bahukleśaṃ jarāśokasamanvitaṃ jīvitaṃ maraṇañcaiva sambhavañca punaḥ punaḥ ### [24.81](https://indike.org/pramana/in.purana.prakriyapada.24.81) svaprabhūtaṃ punaḥ svarge duḥkhāni narakāṃstathā viditvā cāgamaṃ sarvvamavaśyaṃ bhavitavyatām ### [24.82](https://indike.org/pramana/in.purana.prakriyapada.24.82) ṛbhuṃ sanatkumārañca dṛṣṭvā tava vaśe sthitau trayastu trīn guṇān hitvā ātmajāḥ sanakādayaḥ naivarttana tu jñānena nivṛttāste mahaujasaḥ ### [24.83](https://indike.org/pramana/in.purana.prakriyapada.24.83) tatasteṣvapravṛtteṣu sanakādiṣu vai triṣu bhaviṣyasi trimmūḍhastu māyayā śaṅkarasya tu ### [24.84](https://indike.org/pramana/in.purana.prakriyapada.24.84) evaṃ kalpe tu vaikalpe (1) saṃjñā naśyati te'nagha kalpaśeṣāṇi bhūtāni sūkṣmāni pārthivāni ca ### [24.85](https://indike.org/pramana/in.purana.prakriyapada.24.85) sā caiṣā hyaiśvarī māyā jagataḥ samudāhṛtā sa eṣa parvvato meruddevaloka udāhṛtaḥ ### [24.86](https://indike.org/pramana/in.purana.prakriyapada.24.86) tavaivedaṃ hi māhātmyaṃ dṛṣṭvā cātmānamātmanā jñātvā ceśvarasadbhāvaṃ jñātvā māmambujekṣaṇaṃ ### [24.87](https://indike.org/pramana/in.purana.prakriyapada.24.87) mahādevaṃ mahāyogaṃ bhūtānāṃ varadaṃ prabhuṃ praṇavātmānamāsādya namaskṛtvā jagadguruṃ tvāñca māñcaiva saṃkruddhoniśvāsairviddhedayaṃ ### [24.88](https://indike.org/pramana/in.purana.prakriyapada.24.88) evaṃ jñātvā mahāyogaṃ abhyuttiṣṭhanaṃ mahābalaḥ ahaṃ tvāmagrataḥ kṛtvā stoṣyehamanalaprabhaṃ ### [24.89](https://indike.org/pramana/in.purana.prakriyapada.24.89) sūta uvāca | brahmāṇamagrataḥ kṛtvā tataḥ sa garur̤adhvajaḥ atītaiśca bhaviṣyaiśca varttamānaistathaiva ca nāmabhiśchāndasaiśrcaiva idaṃ stotramudīrayat ### [24.90](https://indike.org/pramana/in.purana.prakriyapada.24.90) namastubhyaṃ bhagavate suvrate'nantatejase namaḥ kṣetrādhipataye vījine śūline namaḥ ### [24.91](https://indike.org/pramana/in.purana.prakriyapada.24.91) ameḍhrāyorddhameḍhrāya namo vaikuṇṭharetase namo jyeṣṭhāya śreṣṭhāya apūrvvaprathamyāya ca ### [24.92](https://indike.org/pramana/in.purana.prakriyapada.24.92) namo havyāya pūjyāya sadyojātāya vai namaḥ gaṅgharāya dhaneśāya haimacīrāmbarāya ca ### [24.93](https://indike.org/pramana/in.purana.prakriyapada.24.93) namaste hyasmadādīnāṃ bhūtānāṃ prabhāvāya ca vedakarmāvadānānāṃ dravyāṇāṃ prabhave namaḥ ### [24.94](https://indike.org/pramana/in.purana.prakriyapada.24.94) namo yogasyaṃ prabhave sāṃkhyasya prabhave namaḥ namo bhuvanaśaucānā mṛṣīṇāṃ pataye namaḥ ### [24.95](https://indike.org/pramana/in.purana.prakriyapada.24.95) vidyudaśanimeghānāṃ garjjitaprabhave namaḥ udadhīnāñca prabhave dvīpānāṃ prabhave namaḥ ### [24.96](https://indike.org/pramana/in.purana.prakriyapada.24.96) adrīnāṃ prabhave caiva varṣāṇāṃ prabhave namaḥ namo nadānāṃ prabhave nadīnāṃ prabhave namaḥ ### [24.97](https://indike.org/pramana/in.purana.prakriyapada.24.97) namayauṣadhiprabhave vṛkṣāṇāṃ prabhave namaḥ dharmbhādhyakṣāya dharmbhāya sthitānāṃ prabhave namaḥ ### [24.98](https://indike.org/pramana/in.purana.prakriyapada.24.98) namo rasānāṃ prabhave ratnānāṃ prabhave namaḥ namaḥ kṣaṇānāṃ prabhave kalānāṃ prabhave namaḥ ### [24.99](https://indike.org/pramana/in.purana.prakriyapada.24.99) nimeṣaprabhave caiva kāṣṭhānāṃ prabhave namaḥ ahorātrārddhamāsānāṃ māsānāṃ prabhave namaḥ ### [24.220](https://indike.org/pramana/in.purana.prakriyapada.24.220) nama ṛtūnāṃ prabhave saṃkhyāyāḥ prabhave namaḥ prabhave ca parārddhasya parasya prabhave namaḥ ### [24.201](https://indike.org/pramana/in.purana.prakriyapada.24.201) namaḥ purāṇaprabhave yugasya prabhave namaḥ caturvidhasya sargasya prabhave'nantacakṣuṣe ### [24.202](https://indike.org/pramana/in.purana.prakriyapada.24.202) kalpodaye nibaddhānāṃ vārttānāṃ prabhave namaḥ namo viśvasya prabhave brahmādi prabhave namaḥ ### [24.203](https://indike.org/pramana/in.purana.prakriyapada.24.203) vidyānāṃ prabhave caiva vidyānāṃ pataye namaḥ namo vratānāṃ pataye mantrāṇāṃ pataye namaḥ ### [24.204](https://indike.org/pramana/in.purana.prakriyapada.24.204) pitṝṇāṃ pataye caiva paśūnāṃ pataye vāgvṛṣāya namastubhyaṃ purāṇavṛṣabhāya ca ### [24.205](https://indike.org/pramana/in.purana.prakriyapada.24.205) sucārucārukeśāya jaṅgīcakṣuḥśirāya ca namaḥ paśūnāṃ pataye govṛṣendadhvajāya ca ### [24.206](https://indike.org/pramana/in.purana.prakriyapada.24.206) prajāpatīnāṃ pataye siddhānāṃ pataye namaḥ garuḍoragasarpāṇāṃ pakṣiṇāṃ pataye namaḥ ### [24.207](https://indike.org/pramana/in.purana.prakriyapada.24.207) gokarṇāya ca goṣṭhāya śaṅkakarṇāya vai namaḥ vārāhāyāprameyāya rakṣodhascreenpataye namaḥ ### [24.208](https://indike.org/pramana/in.purana.prakriyapada.24.208) name'psarāṇāṃ pataye gaṇānāṃ kṣomaye namaḥ ambhasāṃ pataye caiva tejasāṃ pataye namaḥ ### [24.206-2](https://indike.org/pramana/in.purana.prakriyapada.24.206-2) namo'stu lakṣmīpataye śrīmate kṣobhate namaḥ balābalasamūhyāya hyakṣobhyakṣobhaṇāya ca ### [24.210](https://indike.org/pramana/in.purana.prakriyapada.24.210) dīrghaśṭaṅgaikaśṭaṅgāya vṛṣabhāya kakudmine namastheryāya vapuṣe tejase suprabhāya ca ### [24.211](https://indike.org/pramana/in.purana.prakriyapada.24.211) bhūtāya ca bhaviṣyāya varttamānāya vai namaḥ suvarccase'tha vīrāya śūrāya hyatigāya ca ### [24.212](https://indike.org/pramana/in.purana.prakriyapada.24.212) varadāya vareṇyāya namaḥ sarvvagatāya ca namo bhūtāya bhavyāya bhavāya mahate tathā ### [24.213](https://indike.org/pramana/in.purana.prakriyapada.24.213) janāya ca namastubhyaṃ tapase varadāya ca namo vandyāya mokṣāya janāya narakāya ca ### [24.214](https://indike.org/pramana/in.purana.prakriyapada.24.214) bhavāya bhajamānāya iṣṭāya yājakāya ca abhyudīrṇāya dīptāya tattvāya nirguṇāya ca ### [24.215](https://indike.org/pramana/in.purana.prakriyapada.24.215) namaḥ pāśāya hastāya namaḥ svābharaṇāya ca hutāya apahutāya prahutapraśitāya ca ### [24.216](https://indike.org/pramana/in.purana.prakriyapada.24.216) namastvaśāya mūrttāya hyagniṣṭomartvijāya ca nama ṛtāya satyāya bhūtādhipataye nama ### [24.217](https://indike.org/pramana/in.purana.prakriyapada.24.217) sadasyāya namaṃścaiva dakṣiṇāvabhṛthāya ca ahiṃsāyātha lokānāṃ paśumantrauṣadhāya ca ### [24.218](https://indike.org/pramana/in.purana.prakriyapada.24.218) namastuṣṭipradānāya tryambakāya sugandhina namo'svindriyapataye parihārāya sragvine ### [24.218-2](https://indike.org/pramana/in.purana.prakriyapada.24.218-2) viśvāya viśvarūpāya viśvato'kṣṇimukhāya ca sarvvataḥ pāṇipādāya rudrāyāpramitāya ca ### [24.220-2](https://indike.org/pramana/in.purana.prakriyapada.24.220-2) namo havyāya kavyāya havyakavyātha vai namaḥ namaḥ siṅgāya medhyāya ceṣṭāya tvavyayāya ca ### [24.221](https://indike.org/pramana/in.purana.prakriyapada.24.221) suvīrāya sudhārāya hyavobhyakṣobhaṇāya ca sumedhase suprajāya dīptāya bhāskarāya ca ### [24.222](https://indike.org/pramana/in.purana.prakriyapada.24.222) namo namaḥ suparṇāya tapanīyanibhāya ca virūpākṣāya cākṣāya piṅgalāya mahaujase ### [24.224](https://indike.org/pramana/in.purana.prakriyapada.24.224) dṛṣṭighnāya namaścaiva namaḥ saumyekṣaṇāya ca namo dhūmrāya śvetāya kṛṣṇāya lohitāya ca ### [24.225](https://indike.org/pramana/in.purana.prakriyapada.24.225) piśitāya piśaṅgāya pītāya ca niṣaṅgiṇe namaste saviśeṣāya nirviṇeṣāya vai namaḥ ### [24.225-2](https://indike.org/pramana/in.purana.prakriyapada.24.225-2) namo vai padmavarṇāya mṛtyughnātha ca mṛtyave namaḥ śyāmāya gaurāya kadrave rohitāya ca ### [24.226](https://indike.org/pramana/in.purana.prakriyapada.24.226) namaḥ kāntāya sandhyābhravarṇāya bahurūpiṇe namaḥ kapālahastāya digvastrāya kaparddine ### [24.227](https://indike.org/pramana/in.purana.prakriyapada.24.227) aprameyāyaṃ śarvāya hyabadhyāya varāya ca purastāt pṛṣṭhataścaiva vibhrāṇāya kamānave ### [24.228](https://indike.org/pramana/in.purana.prakriyapada.24.228) durgāya mahate caiva rodhāya kapilāya caḥ arkaprabhaśarīrāya baline raṃhasāya ca ### [24.229](https://indike.org/pramana/in.purana.prakriyapada.24.229) pinākine prasiddhāya sphītāya prasṛtāya ca sumedhase'kṣamālāya dikvāsāya śikhaṇḍine ### [24.230](https://indike.org/pramana/in.purana.prakriyapada.24.230) citrāya citravarṇāya vicitnāya dharāya ca (1) cekitānāya tuṣṭāya namaskhanahitāya ca ### [24.231](https://indike.org/pramana/in.purana.prakriyapada.24.231) namaḥ kṣāntāya śāntāya vajrasaṃhananāya ca rakṣoghnāya makhaghnāya śitikaṇṭhorddharetase ### [24.232](https://indike.org/pramana/in.purana.prakriyapada.24.232) ariṣṭāya kṛtāntāya tigmāyudhadharāya ca samodāya pramodāya hariṇāyaiva te namaḥ ### [24.233](https://indike.org/pramana/in.purana.prakriyapada.24.233) praṇavapraṇaveśāya bhaktānāṃ śarmadāya ca mṛgavyādhāya dakṣāya dakṣayajñaharāya ca ### [24.234](https://indike.org/pramana/in.purana.prakriyapada.24.234) sarvvabhūtāya bhūtāya sarvvabhātiśayāya ca purabhettre ca śāntāya sugandhāya vareśave ### [24.235](https://indike.org/pramana/in.purana.prakriyapada.24.235) puṣyavettaḥ svarūpāya bhaganetrāntakāya ca kaṇādāya variṣṭhāya kāmāṅgadahanāya ca ### [24.236](https://indike.org/pramana/in.purana.prakriyapada.24.236) raveḥ karālacakrāya nāgendradamanāya ca daityānāmantakāyādyo divyākrandakarāya ca ### [24.237](https://indike.org/pramana/in.purana.prakriyapada.24.237) śmaśānaratinityāya namastryambakadhāriṇe namaste prāṇapālāya dhavamālādharāya ca ### [24.238](https://indike.org/pramana/in.purana.prakriyapada.24.238) prahīṇaśokairvividhairbhūtaiḥ pariṣṭutāya ca naranārīśarīrāya devyāḥ priyakarāya ca ### [24.236-2](https://indike.org/pramana/in.purana.prakriyapada.24.236-2) jaṭine daṇḍine tubhyaṃ vyālayajñopavītine namo'stu nṛtyaśīlāya vādya nṛtyapriyāya ca ### [24.240](https://indike.org/pramana/in.purana.prakriyapada.24.240) manyave gītaśīlāya sugītigāyate namaḥ kaṭakakarāya bhīmāya codhrarūpadharāya ca ### [24.241](https://indike.org/pramana/in.purana.prakriyapada.24.241) vibhīṣaṇāya bhīmāya bhagapramathanāya ca siddhessaṅghātagītāya mahābhāgāya vai namaḥ ### [24.242](https://indike.org/pramana/in.purana.prakriyapada.24.242) namo muktāṭṭahāsāya ceḍitāsphoṭitāya ca nadate kūrddate caiva namaḥ pramuditāya ca ### [24.243](https://indike.org/pramana/in.purana.prakriyapada.24.243) namo'ṅgutāya svapate dhāvate prasthitāya ca dhyāyate jṛmbhate caiva tudate dravate namaḥ ### [24.244](https://indike.org/pramana/in.purana.prakriyapada.24.244) calate krīr̤ate caiva lambodaraśarīriṇe namaḥ kṛtāya kampāya muṇḍāya vikarāya ca ### [24.245](https://indike.org/pramana/in.purana.prakriyapada.24.245) nama unmattaveṣāya kiṃkiṇīkāya vai namaḥ namo vikṛtaveṣāya krūroyāmarṣaṇāya ca ### [24.246](https://indike.org/pramana/in.purana.prakriyapada.24.246) aprameyāya dīptāya dīptaye nirguṇāya ca namaḥ priyāya vādāya mudrāmaṇidharāya ca ### [24.247](https://indike.org/pramana/in.purana.prakriyapada.24.247) namastokāya tanave guṇairapratimāya ca namo gaṇāya guhyāya agamyāgamanāya ca ### [24.248](https://indike.org/pramana/in.purana.prakriyapada.24.248) lokadhātrī liyaṃ bhūmiḥ pādau sajjanasevitau sarvveṣāṃ siddhayogānāmadhiṣṭhānantavodaraṃ ### [24.246-2](https://indike.org/pramana/in.purana.prakriyapada.24.246-2) macche'ntaraukṣaṃ vistīrṇantārāgaṇavibhūṣitaṃ tārāpatha ivābhāti śrīmānhārastavorasi ### [24.250](https://indike.org/pramana/in.purana.prakriyapada.24.250) diśo daśabhujāste vai keyūrāṅgadabhūṣitāḥ vistīrṇapariṇāhaśca nīlāmbudacayopamaḥ ### [24.251](https://indike.org/pramana/in.purana.prakriyapada.24.251) kaṇṭhaste śobhate śrīmān hemasūtravibhūṣitaḥ daṃṣṭrākarāladurdharṣamanaupamyaṃ mukhaṃ tava ### [24.252](https://indike.org/pramana/in.purana.prakriyapada.24.252) padmamālākṛtoṣṇīṣaṃ śīrṣakhyaṃ śobhate kathaṃ dīptiḥ sūrye vapuścandre sthairyyaṃ bhūrhyanilo bale ### [24.253](https://indike.org/pramana/in.purana.prakriyapada.24.253) taikṣṇyamagnau prabhā candre khe śabdaḥ śaityamapsu ca akṣarottamaniṣpandān guṇānaitānvidurbudhāḥ ### [24.254](https://indike.org/pramana/in.purana.prakriyapada.24.254) japo japyo mahāyogī mahādevo maheśvaraḥ purograyī guhāvāsī khecaro rajanīcaraḥ ### [24.255](https://indike.org/pramana/in.purana.prakriyapada.24.255) taponidhirguhagururnandano nandivarddhanaḥ hayaśīrṣo dharādhātā vidhātā bhūtavāhanaḥ ### [24.256](https://indike.org/pramana/in.purana.prakriyapada.24.256) boddhavyo bodhano netā dhūrvvaho duḥprakampakaḥ bṛhadratho bhīmakarmmā bṛhatkīrttirddhanañjayaḥ ### [24.257](https://indike.org/pramana/in.purana.prakriyapada.24.257) ghaṇṭāpriyo dhvajī chatrī patākādhvajinīpatiḥ kavacī paṭṭiśī śaṅgī pāśahastaḥ paraśvabhūt ### [24.258](https://indike.org/pramana/in.purana.prakriyapada.24.258) agamastvanaghaḥ śūro devarājārimarddanaḥ tvāṃ prasādya purā'smābhirddhiṣanto nirhatā yudhi ### [24.256-2](https://indike.org/pramana/in.purana.prakriyapada.24.256-2) agnistvaṃ cārṇavānsarvvān pivanneva na tṛpyase krodhāgāraḥ prasannātmā kāmahā kāmadaḥ priyaḥ ### [24.260](https://indike.org/pramana/in.purana.prakriyapada.24.260) brahmaṇyo brahmacārī ca goptastvaṃ śiṣṭapūjitaḥ vedānāmavyayaḥ kośastvayā yajñaḥ prakalpitaḥ ### [24.261](https://indike.org/pramana/in.purana.prakriyapada.24.261) havyañca vedaṃ vahati vedoktaṃ havyavāhanaḥ prīte tvayi mahādeva vayaṃ prītā bhavāmahe ### [24.262](https://indike.org/pramana/in.purana.prakriyapada.24.262) bhavānīśo nādimān dhāmarāśirbrahmā lokānānkhaṃ karttā tvādisargaḥ sāṅkhyāḥ prakṛtibhyaḥ para maṃ tvāṃ viditvā hyauṣyānāste na mṛtyu viśanti ### [24.263](https://indike.org/pramana/in.purana.prakriyapada.24.263) yogena tvāmyanino nityayuktāḥ jñātvā bhogān santyajante punastān ye'nye martyāstvāṃ prapannā viśuddhāḥ te kammabhirdivyabhogān bhajante ### [24.264](https://indike.org/pramana/in.purana.prakriyapada.24.264) aprameyasya tattvasya yathā vijñaḥ svaśaktitaḥ kīrttitaṃ tava māhātmyama pāraṃ paramātmanaḥ śivo no bhava sarvvatra yo'si so'si namo'stu te ### [24.264.p1](https://indike.org/pramana/in.purana.prakriyapada.24.264.p1) iti śrīmahāpurāṇe vāyuprokta śārvvastavaṃ nāma caturviṃśo'dhyāyaḥ ## Linked texts (9) - [Vāyupurāṇa](https://indike.org/pramana/in.purana.vayu.1.24.2) — Vyāsa, Sanskrit - [Liṅgapurāṇa](https://indike.org/pramana/in.purana.linga.1.20.5) — Vyāsa, Sanskrit - [Kūrmapurāṇa](https://indike.org/pramana/in.purana.kurma.1.9.23) — Vyāsa, Sanskrit - [Liṅga](https://indike.org/pramana/in.purana.linga-anon.24.5) — Sanskrit - [Liṅgapurāṇa](https://indike.org/pramana/in.vernacular.tamil.kappiyam.lingapurana.24.5) — Ativīrarāma Pāṇṭiyar 1500, Sanskrit - [Brāhmī Saṃhitā](https://indike.org/pramana/in.purana.brahmisamhita.9.28) — Sanskrit - [Brahmisamhita (gurumandalseries1962)](https://indike.org/pramana/in.sampradaya.vaisnava.pancaratra.brahmisamhita*gurumandalseries1962.9.28) — Sanskrit - [Kūrmapurāṇa (Ananta Gokhale)](https://indike.org/pramana/in.purana.kurmapurana.5.p11) — Ananta Gokhale, Sanskrit - [Kūrmapurāṇa](https://indike.org/pramana/in.vernacular.tamil.kappiyam.kurmapurana.9.p5) — Ativīrarāma Pāṇṭiyar, Sanskrit --- Source: [https://indike.org/pramana/in.purana.prakriyapada.24](https://indike.org/pramana/in.purana.prakriyapada.24) · Pramāṇa