[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Prakriyapada](https://indike.org/pramana/in.purana.prakriyapada) › 26 # Prakriyapada 26: atha ṣaḍ‌viṃśo'dhyāyaḥ Prakriyāpāda 26 - **Language:** Sanskrit ## Contents - [26.50](https://indike.org/pramana/in.purana.prakriyapada.26.50) — 1 part ### atha ṣaḍ‌viṃśo'dhyāyaḥ ### [26.1](https://indike.org/pramana/in.purana.prakriyapada.26.1) svarotpattiḥ sūta uvāca | aho vismayanīyāni rahasyāni mahāmate tvayoktāni yathātasvaṃ lokānugrahakāraṇāt ### [26.2](https://indike.org/pramana/in.purana.prakriyapada.26.2) tatra vai saṃśayo mahyamavatāreṣu śūlinaḥ kiṃ kāraṇaṃ mahādevaḥ kaliṃ prāpya sudāruṇaṃ hitvā yugāni pūrvvāṇi avatāraṃ karoti vai ### [26.3](https://indike.org/pramana/in.purana.prakriyapada.26.3) asminmanvantare caiva prāpte vaivasvate prabho avatāraṃ kathañcakre etadicchāmi vedituṃ ### [26.4](https://indike.org/pramana/in.purana.prakriyapada.26.4) na te'styaviditaṃ kiñcidiha loke paratra ca bhaktānāmupadeśārthaṃ vinayāt pṛcchato mama kathayasva mahāprājña yadi śrāvyaṃ mahāmataṃ ### [26.5](https://indike.org/pramana/in.purana.prakriyapada.26.5) lomaśa uvāca (1) | evaṃ pṛṣṭo'tha bhagavān vāyurlokahite rataḥ idamāha mahātejā vāyurlokanamasakṛtaḥ ### [26.6](https://indike.org/pramana/in.purana.prakriyapada.26.6) etadguhyatamaṃ(2) loke yanmānvaṃ paripṛcchasi tatsarvvaṃ śṛṇu gādheya ucyamānaṃ yathākramaṃ ### [26.7](https://indike.org/pramana/in.purana.prakriyapada.26.7) purā hyekārṇave vṛtte divye varṣasahasrake sraṣṭukāmaḥ prajā brahmā cintayāmāsa duḥkhitaḥ ### [26.8](https://indike.org/pramana/in.purana.prakriyapada.26.8) tasya cintayamānasya prādurbhūtaḥ kumārakaḥ divyagandhaḥ sudhāpekṣī divyāṃ śrutimudīrayan ### [26.9](https://indike.org/pramana/in.purana.prakriyapada.26.9) aśabdasparśarūpāntāmagandhāṃ rasavarjitāṃ śrutiṃ hyudīrayan devī yāmavindaccaturmukhaḥ ### [26.10](https://indike.org/pramana/in.purana.prakriyapada.26.10) tatastu dhyānasaṃyuktastapa āsthāya bhairavaṃ cintayāmāsa manasā tritayaṃ ko'nvayaṃnviti ### [26.11](https://indike.org/pramana/in.purana.prakriyapada.26.11) tasya cintayamānasya prādurbhūtaṃ tadakṣaraṃ aśabdasparśarūpañca rasagandhavivarjjitaṃ ### [26.12](https://indike.org/pramana/in.purana.prakriyapada.26.12) athottame sa lokeṣu sambhūtiñcāpi paśyati dhyāyanvai sa tadā devamathainaṃ paśyate punaḥ ### [26.13](https://indike.org/pramana/in.purana.prakriyapada.26.13) taṃ śvetamatha raktañca pītaṃ kṛṣṇaṃ tadā punaḥ varṇasthaṃ tatra paśyeta na strī na ca napuṃsakaṃ ### [26.14](https://indike.org/pramana/in.purana.prakriyapada.26.14) tatsarvvaṃ suciraṃ jñātvā cintayan hi tadakṣaraṃ tasya cintayamānasya kaṇṭhāduttiṣṭhate'kṣaraḥ ### [26.15](https://indike.org/pramana/in.purana.prakriyapada.26.15) ekamātro mahāghoṣaḥ śvetavarṇaḥ sunirmalaḥ sa oṃkāro bhavedvedaḥ akṣaraṃ vai maheśvaraḥ ### [26.16](https://indike.org/pramana/in.purana.prakriyapada.26.16) tataścintayamānasya tvakṣaraṃ vai svayambhuvaḥ prādurbhūtantu raktantu sa devaḥ prathamaḥ smṛtaḥ ### [26.17](https://indike.org/pramana/in.purana.prakriyapada.26.17) ṛgvedaṃ prathamaṃ tasya tvagnimīle purohitaṃ etāṃ dṛṣṭvā ṛcaṃ brahmā cintayāmāsa vai punaḥ tadakṣaraṃ mahātejāḥ kimetaditi lokakṛt ### [26.18](https://indike.org/pramana/in.purana.prakriyapada.26.18) tasya cintayamānasya tasminnatha maheśvaraḥ dvimātramakṣaraṃ jajñe īśitvena dvimātrikaṃ ### [26.16-2](https://indike.org/pramana/in.purana.prakriyapada.26.16-2) tataḥ punardvimātrantu cintayāmāsa cākṣaraṃ prādurbhūtañca raktāntāt svedane gṛhya sā yajuḥ ### [26.20](https://indike.org/pramana/in.purana.prakriyapada.26.20) iṣe tvojjetvā vāyavaḥ stha devo vaḥ savitā punaḥ ṛgveda ekamātrastu dvimātrantu yajuḥ smṛtaṃ ### [26.21](https://indike.org/pramana/in.purana.prakriyapada.26.21) tato vedaṃ dvimātrantu dṛṣṭvā caiva tadakṣaraṃ dvimātraṃ cintayan brahmā tvakṣaraṃ punarīśvaraḥ ### [26.22](https://indike.org/pramana/in.purana.prakriyapada.26.22) tasya cintayamānasya coṅkāraḥ sambabhūva ha tatastadakṣaraṃ brahmā oṃkāraṃ samacintayat ### [26.23](https://indike.org/pramana/in.purana.prakriyapada.26.23) athāpaśyattataḥ pītāmṛcañcaiva samutthitām agna āyāhi vītaye gṛṇāno havyadātaye ### [26.24](https://indike.org/pramana/in.purana.prakriyapada.26.24) tatastu sa mahātejā dṛṣṭvā vedānupasthitān cintayitvā ca bhagavāṃstrisandhyaṃ yattrirakṣaraṃ trivarṇaṃ yat triṣavaṇamoṅkāraṃ brahmasañjitaṃ ### [26.25](https://indike.org/pramana/in.purana.prakriyapada.26.25) tataścaiva trisaṃyogāt trivarṇantu tadakṣaraṃ lakṣyālakṣyapradṛṣṭyañca sahitaṃ tridivaṃ trikaṃ ### [26.26](https://indike.org/pramana/in.purana.prakriyapada.26.26) trimātranttripadañcaiva triyogañcaiva śāśvataṃ tasmāttadakṣaraṃ brahmā cintayāmāsa vai prabhuḥ ### [26.27](https://indike.org/pramana/in.purana.prakriyapada.26.27) tasmāttadakṣaraṃ so'tha brahma rūpaṃ svayambhavaḥ caturddaśamukhaṃ devaṃ paśyate dīptatejasaṃ tamoṅkāraṃ sa kṛtvādau vijñeyaḥ sa svayambhūvaḥ ### [26.28](https://indike.org/pramana/in.purana.prakriyapada.26.28) caturmukhamukhāttasmādajāyanta caturddaśa nānāvarṇāḥ svarā divyamādyantañca tadakṣaraṃ tasmāt niṣpaṣṭivarṇā vai akāraprabhavāḥ smṛtāḥ ### [26.26-2](https://indike.org/pramana/in.purana.prakriyapada.26.26-2) tataḥ sādhāraṇārthāya varṇānāntu svayambhuvaḥ akārarūpa ādau tu sthitaḥ sa pañcamaḥ svaraḥ ### [26.30](https://indike.org/pramana/in.purana.prakriyapada.26.30) tatastebhyaḥ svarebhyastu caturddaśa mahāmukhāḥ manavaḥ samprasūyante divyā manvantare svarāḥ ### [26.31](https://indike.org/pramana/in.purana.prakriyapada.26.31) caturddaśamukho yaśca akāro brahmasaṃjñitaḥ brahmakalpaḥ samākhyātaḥ sarvavarṇaḥ prajāpatiḥ ### [26.32](https://indike.org/pramana/in.purana.prakriyapada.26.32) mukhāt prathamāttasya manuḥ svāyambhuvaḥ smṛtaḥ akārastu sa vijñeyaḥ śvetavarṇaḥ svayambhuva' ### [26.33](https://indike.org/pramana/in.purana.prakriyapada.26.33) dvitīyāttu mukhāttasya ākāro vai mukhaḥ smṛtaḥ nāmnā svarociṣo nāma varṇaḥ pāṇḍura ucyate ### [26.34](https://indike.org/pramana/in.purana.prakriyapada.26.34) tṛtīyāttu mukhāttasya ikārī yajuṣāṃ varaḥ yajurmayaḥ sa cādityo yajurvedo yataḥ smṛtaḥ ### [26.35](https://indike.org/pramana/in.purana.prakriyapada.26.35) īkāraḥ sa anujñeyo raktavarṇaḥ pratāpavān tataḥ kṣatraṃ pravṛttaṃ ta tasmādraktastu kṣatriyaḥ ### [26.36](https://indike.org/pramana/in.purana.prakriyapada.26.36) caturthāttu mukhāttasya ukāraḥ svara ucyate varṇatastu smṛtastāmraḥ sa manustāmasaḥ smṛtaḥ ### [26.37](https://indike.org/pramana/in.purana.prakriyapada.26.37) pañcamāttu mukhāttasya ūkāro nāma jāyate pītako varṇataścaiva manuścāpi cariṣṇavaḥ ### [26.38](https://indike.org/pramana/in.purana.prakriyapada.26.38) tataḥ ṣaṣṭhānmukhāttasya ḷkāraḥ kapilaḥ smṛtaḥ variṣṭhaśca tataḥ ṣaṣṭho vijayaḥ sa mahātapāḥ ### [26.36-2](https://indike.org/pramana/in.purana.prakriyapada.26.36-2) saptamāttu mukhāttasya tato vaivasvato manuḥ ṛkāraśca svarastatra varṇataḥ kṛṣṇa ucyate ### [26.40](https://indike.org/pramana/in.purana.prakriyapada.26.40) aṣṭamāttu mukhāttasya ṛkāraḥ śyāmavarṇataḥ śyāmāttarasavarṇena tataḥ sāvarṇi rucyate ### [26.41](https://indike.org/pramana/in.purana.prakriyapada.26.41) mukhāttu navamāttasya lṛkāro navamaḥ smṛtaḥ dhūmro vai varṇataścāpi dhūmrasya manurucyate ### [26.42](https://indike.org/pramana/in.purana.prakriyapada.26.42) daśamāttu mukhāttasya lṝkāraḥ prabhurucyate samaścaiva savarṇaśca babhau sāvar ṇiko manuḥ ### [26.43](https://indike.org/pramana/in.purana.prakriyapada.26.43) mukhādekādaśāttasya ekāro manurucyate piṅgalo varṇataścaiva piṅgalo varṇa ucyate ### [26.44](https://indike.org/pramana/in.purana.prakriyapada.26.44) dvādaśāttu mukhāttasya aikāro nāma ucyate piṅgalo bhasmavarṇābhaḥ piṅgalo manurucyate ### [26.45](https://indike.org/pramana/in.purana.prakriyapada.26.45) trayodaśānmukhāttasya okāro varṇa ucyate pañcavarṇasamāyukta okāro varṇa uttamaḥ ### [26.46](https://indike.org/pramana/in.purana.prakriyapada.26.46) caturddaśamukhāttasya aukāro varṇa ucyate karburo varṇataścaiva manuḥ sāvarṇi rucyate ### [26.47](https://indike.org/pramana/in.purana.prakriyapada.26.47) ityete manavaścaiva svarā varṇāśca kalpataḥ vijñeyā hi yathātattvaṃ svarato varṇatastathā ### [26.48](https://indike.org/pramana/in.purana.prakriyapada.26.48) parasparasavarṇāśca svarā yasmād vṛtā hi vai tasmātteṣāṃ savarṇatvādanvayastu prakīrtitaḥ ### [26.49](https://indike.org/pramana/in.purana.prakriyapada.26.49) savarṇāḥ sadṛśāścaiva yasmājjātāstu kalpajāḥ tasmāt prajānāṃ loke'smin savarṇāḥ sarvasandhayaḥ ### [26.50](https://indike.org/pramana/in.purana.prakriyapada.26.50) bhaviṣyanti yathāśailaṃ varṇāśca nyāyato'rthataḥ abhyāsātsambadhaścaiva tasmājjñeyāḥ svarā iti ### [26.50.p1](https://indike.org/pramana/in.purana.prakriyapada.26.50.p1) iti śrīmadmahāpurāṇe vāyuprokte svarotpattirnāma ṣaḍviṃśo'dhyāyaḥ ## Linked texts (1) - [Vāyupurāṇa](https://indike.org/pramana/in.purana.vayu.1.26.2) — Vyāsa, Sanskrit --- Source: [https://indike.org/pramana/in.purana.prakriyapada.26](https://indike.org/pramana/in.purana.prakriyapada.26) · Pramāṇa