Pramāṇa · Search · About · API

Prakriyapada 28

Prakriyāpāda 28

Language
Sanskrit

28.1

'athāṣṭāviṃśo'dhyāyaḥ
ṛṣivaṃśānukīrttanaṃ
sūta uvāca | bhṛgoḥ khyātirvijajñe 'tha īśvarau sukhaduḥkhayoḥ
śubhāśubhapradātārau sarvaprāṇabhṛ tāniha
devau dhātāvidhātārau manvantaravicāriṇau

28.2

tayorjyeṣṭhā tu bhaginī devī śrīrlokabhāvinī
sā tu nārāyaṇaṃ devaṃ patimāsādya śobhanaṃ !
nārāyaṇātmajau sādhvī (1) balotsāhau vyajāyata

28.3

tasyāsta mānasāḥ putrā ye cānye divyacāriṇaḥ
ye vahanti vimānāni devānāṃ puṇyakarmaṇāṃ

28.4

dve tu kanye smṛte bhārye vidhāturdhātureva ca
āryātarniyatiścaiva tayoḥ putrau dṛr̤havratau

28.5

pāṇḍuścaiva mṛkaṇḍuśca brahmakośau sanātanau
manasvinyāṃ mṛkaṇḍośca mārkaṇḍeyo babhūva ha

28.6

suto vedaśirāstasya mūrddhanyāyāmajāyata
pīvardhyāṃ vedaśirasaḥ putrā vaṃśakarāḥ smṛtāḥ
mārkaṇḍeya itikhyātā ṛṣayo vedapāragāḥ

28.7

pāṇḍośca puṇḍarīkāyāṃ dyatimānātmajo'bhavat
utpannau dyutimantaśca sṛjavānaśca (2) tāvubhau
tayoḥ putrāśca pautrāśca bhārgavāṇāṃ parasparaṃ
svāyambhuve'ntare'tīte marīceḥ śṛṇuta prajāḥ

28.8

patnī marīceḥ sambhūtirvijajñe sātmasambhavaṃ
prajāyate (1) pūrṇamāsaṃ kanyāścemā nibodhata
tuṣṭiḥ puṣṭistviṣā caiva tathā cāpacitiḥ śubhā

28.6-2

pūrṇamāsaḥ sarasvatyāṃ dvau putrāvudapādayat
virajaścaiva dharmiṣṭhaṃ parvvasañcaiva tāvubhau

28.10

virajasyātmajo vidvān sudhāmā nāmaviśrutaḥ
sudhāmasutavairājaḥ prācyāndiśi samāśritaḥ (2)

28.11

lokapālaḥ sudharmmātmā gaurīputraḥ pratāpavān
parvvasaḥ sarvvagaṇānāmyaviṣṭaḥ sa mahāyaśāḥ

28.12

parvvasaḥ parvvasāyāntu janayāmāsa vai sutau
yajñavāmañca śrīmantaṃ sutaṃ kāśyapameva ca
tayorgotrakarau putrau tau jātau dharmmaniścitau

28.13

smṛtiścāṅgirasaḥ patnī jajñe tāvātmasambhavau
putrau kanyāścatasraśca puṇyāstā lokaviśrutāḥ

28.14

sinīvālī kuhūścaiva rākā cānumatistathā
tathaiva bharatāgniñca kīrttimantañca tāvubhau

28.15

agneḥ putrantu parjanyaṃ saṃhṛtau suṣuve prabhuṃ
hiraṇyaromā parjanyo mārīcāmudapādayat
ābhūtasaṃplavasthāthī lokapālaḥ sa vai smṛtaḥ

28.16

jajñe kīrttimattaścāpi dhenukā tāvakalmaṣau
variṣṭhaṃ dhṛtimantañcāpyubhāvaṅgirasāṃ varau

28.17

tayoḥ putrāśca pautrāśca ye'tītā vai sahasraśaḥ
anasūyāpi jajñe tān pañcātreyānakalmaṣān

28.18

kanyāñcaiva śrutiṃ nāma mātā śaṅkhapadasya yā
karddamasya tu yā patnī pulahasya prajāpateḥ

28.16-2

satyanetraśca havyaśca āpṇo mūttiḥ śanaiścaraḥ(1)
somaśca pañcamasteṣāmāsīt svāyambhuve'ntare
yāmi'tīte mahātmānaḥ pañcātreyāḥ prakīrttitāḥ

28.20

teṣāṃ putrāśca pautrāśca hyatriṇā vai mahātmanaḥ
svāyambhuve'ntare yāmi śataśo'tha sahasraśaḥ

28.21

prītyāṃ pulastyabhāryyāyāṃ dattālistat suto'bhavat
pūrvvajanmani so'gastyaḥ smṛtaḥ svāyambhuve'ntare
madhyamo devatāhyaśca vinīto nāma te trayaḥ

28.22

svasā yavīyasī teṣāṃ saddatī nāma viśrutā
parjjanyajananī śubhrā patnī tvagneḥ smṛtā śubhā

28.23

paulastyasya ṛṣerścāpi pratipulastya dhīmataḥ
dattāliḥ suṣuve patnī sṛjaṅgādīn vahūn sutān
paulastyā iti vikhyātāḥ smṛtāḥ svāyambhuve'ntare

28.24

kṣamā tu suṣuve putrān pulahasya prajāpateḥ
te cāgnivarcasaḥ sarve yeṣāṃ kīrttiḥ pratiṣṭhitā

28.25

karddamaścāmbarīṣaśca sahiṣṇuśceti te trayaḥ
ṛṣirdhanakapīvāṃśca śubhā kanyā ca pīvarī

28.26

kardamasya śrutiḥ patnī ātreyyajanayatsutān
putraṃ śaṅkhapadañcaiva kanyāṃ kāmyāṃ tathaiva ca

28.27

sa vai śaṅkhapadaḥ śrīmān lokapālaḥ prajāpatiḥ
dakṣiṇasyāṃ diśi rataḥ kāmyāṃ datvā priyavrate

28.28

kāmyā priyavratāllebhe svāyambhuvasamān sutān
daśakanyādvayañcaiva yaiḥ kṣatraṃ sampravarttitaṃ

28.26-2

putro dhanakapīvāṃśca (1) sahiṣṇurnāmaviśrutaḥ
yaśodhārī vijajñe vai kāmadevaḥ sumadhyamaḥ

28.30

kratoḥ kratusamaḥ putro vijajñe santatiḥ śubhā
naiṣāṃ bhāryāsti putro vā sarvvaṃ te hyūrddharetasaḥ
ṣaṣṭyetāni sahasrāṇi bālakhilyā itiśrutāḥ

28.31

aruṇasyāgrato yānti parivāryya divākaraṃ
ābhūtasaṃplavamātsarvve pataṅgasahacāriṇaḥ

28.32

svasārau tu yavīyasyau puṣyātmasumatī ca te
parvvasasya snuṣe te vai pūrṇamāsasutasya vai

28.33

ūrjāyāntu vasiṣṭhasya putrā vai sapta jajñire
jyāyasī ca svasā teṣāṃ puṇḍarīkā sumadhyamā

28.34

jananī sā dyutimataḥ pāṇḍostu mahiṣī priyā
asyāṃ tvime yavīyāṃso vāsiṣṭhāḥ sapta viśrutāḥ

28.35

rajaḥputro'rddhabāhuśca savanasādhanaśca yaḥ
sutapāḥ śukla ityete sarvve saptarṣayaḥ smṛtāḥ

28.36

rajaso vāpya'janayanmārkaṇḍeyī yaśasvinī
pratīcyāṃ diśi rājanyaṃ ketumantaṃ prajāpatiṃ

28.37

gotrāṇi nāmabhisteṣāṃ vāsiṣṭhānāṃ mahātmanāṃ
svāyambhuventare'tītāstvagnestu śṛṇuta prajāḥ

28.38

ityeṣa ṛṣisargastu sānubandhaḥ prakīrttitaḥ
vistareṇānupūrvyā cāpyagnestu śṛṇuta prajāḥ

Linked texts (9)